བུ་ཆུང་ཚེ་རིང་།
ང་ཚོའི་སྤྱི་ཚོགས་ཀྱི་དྲ་རྒྱའི་འཛམ་གླིང་ནང་བཀའ་བློན་ཁྲི་པའི་འོས་བསྡུའི་ཐོག་བཀའ་མོལ་དེ་ཉིན་རེ་ ནས་ཉིན་རེ་བཞིན་མང་དུ་འགྲོ་བཞིན་འདུག ཉིན་རེ་བཞིན་གང་ཟག་ཞིག་གི་མཚན་བཀའ་བློན་ཁྲི་པ་འོས་མིན་གྱི་བགྲོ་གླེང་ལྟ་བུ་ཡོང་གི་འདུག བཀའ་མོལ་གནང་ཕྱོགས་འགའ་ཞིག་ལ་བལྟ་དུས་གུས་པའི་བསམ་པར་ང་ཚོས་དབྱིན་སྐད་ནང་གི་གཏམ་དཔེ་ལྟར། རྟ་དེ་ཤིང་རྟ་འཁོར་ལོའི་མདུན་ལས་རྟའི་མདུན་དུ་ཤིང་རྟ་འཁོར་ལོ་བཞག་ གནང་གི་མེད་དམ་སྙམ།
གུས་པའི་བསམ་པར་སྔོན་འགྲོའི་འོས་བསྡུའི་སྔོན་གྱི་དུས་འདིར་དོ་བདག་གི་མཚན་ཐོག་བགྲོ་གླེང་གནང་བ་ལས་་ང་ཚོས་བཀའ་བློན་ཁྲི་པའི་མཚན་ གནས་དེའི་ཐུགས་འགན་ག་རེ་ཡིན་མིན་ཐོག་བཀའ་མོལ་གནང་དགོས་ཀྱི་འདུག གནས་ཚུལ་མང་པོའི་རྐྱེན་འབྱུང་འགྱུར་གྱི་བཀའ་བློན་ཁྲི་པ་དེའི་ཐུཌ་འགན་དེ་མ་ འདྲ་བ་ཡིན། གུས་ནས་དོན་གནད་འདིར་ཐོག་དབྱིན་ཡིག་ནང་རྒྱལ་སྤྱིའི་བོད་དོན་ལས་འགུལ་ཁང་གྱི་ཟིན་བྲིས་དང་གུས་པ་སྒེར་གྱི་ཟིན་བྲིས་ཐོག་བཀོད་ཡོད་།
ཕྱི་ལོ་ ༢༠༠༩ ཟླ་༩ ཚེས་༥ ཉིན་ང་ཚོའི་ས་ཁུལ་གྱི་བོད་རིགས་ཚོགས་པས་བཀའ་བློན་ཁྲི་པའི་འོས་བསྡུའི་གནད་ དོན་ཐོག་བགྲོ་གླེང་ཞིག་གོ་སྒྲིག་གནང་སོང་བས་དེ་སྐབས་གུས་ནས་གཤམ་གསལ་གནས་ ཚུལ་ཐོག་འགྲེལ་བརྗོད་ཞུས་པ་ཡིན།
འབྱུང་འགྱུར་གྱི་བཀའ་བློན་ཁྲི་པ་དེས་དངོས་ཡོད་གནས་ཚུལ་བཞི་ལ་དགོངས་པ་བཞེས་ནས་མཛད་བྱུས་བསྐྱང་དགོས་ཀྱི་འདུག
༡༽༧གོང་ས་མཆོག་ནས་བར་སྐབས་བཀའ་གནང་ཡག་ལ། ཕྱེད་བགྲེས་ཡོལ་དུ་བཞུགས་ཡོད་པ་དང་། བོད་མིའི་ཆབ་སྲིད་ཀྱི་དབུ་ཁྲིད་ནི་བཀའ་བློན་ཁྲི་པ་ཡིན་པའི་གོ་དོན་དེ་མཁྱེན་ དགོས་པའི་དངོས་ཡོད་གནས་ཚུལ་དང་པོ་དེ་རེད་།
༢༽བཙན་བྱོལ་བོད་གཞུང་ལ་ཕྱི་ཕྱོགས་ནས་ཁྲིམས་ཐོག་ངོས་འཛིན་ མེད་པའི་དངོས་ཡོད་གནས་ཚུལ་དེ་གཉིས་པ་ཡིན། དེ་འདྲ་སོང་ཙང་གནས་སྟངས་དེ་འདྲའི་འོག་རྒྱ་གར་ནང་དང་། དེ་བཞིན་རྒྱ་གར་གཞུང་དང་ཕྱི་རྒྱལ་གཞུང་ཁག་ལྷན་འབྲེལ་བ་གནང་སྟངས་དེ་མ་འདྲ་བ་ ཞིག་དགོས་ཡོད་པའི་དངོས་ཡོད་གནས་སྟངས་ཞིག་ཡོད་།
༣༽བོད་མི་ཚོའི་གནས་སྟངས་དང་། དེ་བཞིན་བོད་ཀྱི་ཆབ་འབངས་ཀྱི་ངོ་བོའི་དངོས་ཡོད་གནས་ཚུལ་དེ་གསུམ་པ་རེད་། དེའི་ནང་ནུབ་ཕྱོགས་རྒྱལ་ཁབ་མང་པོའི་ནང་བོད་མི་ཚོས་རྒྱལ་ཁབ་དེ་ཚོའི་མི་སེར་ གྱུར་ཡོད་པའི་ཁོང་རྣམས་ལ་ངོ་བོ་གཉིས་ཡོད་། བོད་ནང་དགོངས་པ་བཞེས་ན་ཁོང་རྣམ་པའང་འདམས་ཀ་མེད་པའི་ཐོག་ནས་ངོ་བོ་གཉིས་ཡོད་། ངོ་བོ་དེ་འདྲ་ཡོད་པའི་བོད་མི་ཚོར་དགོངས་པ་བཞེས་སྟངས་མ་འདྲ་བ་ཞིག་དགོས་ཡོད་།
༤༽བོད་མིའི་འཐབ་རྩོད་ནི་འཚེ་མེད་ཞི་བའི་ལམ་ཡིན་པའི་དངོས་ཡོད་གནས་ཚུལ། དེ་ཐོག་གསལ་བཤད་ཐོལ་པ་མི་དགོས་བསམ།
དངོས་ཡོད་དེ་ཚོ་རྩ་བར་བཟུང་བའི་ཐོག་ནས་ཕྱག་ལས་གནང་སྐབས་ཡོའབྱུང་འགྱུར་གྱི་བཀའ་བློན་ཁྲི་པས་དགོངས་པ་བཞེས་དགོས་པ་ནི།
༡༽རང་ཉིད་བཙན་བྱོལ་གཞུང་གི་དབུ་ཁྲིད་ཡིན་པ་ཙམ་མིན་པར་ བོད་མི་སྤྱིའི་དབུ་ཁྲིད་ཞིག་ཡིན་པའི་འདུ་ཤེས་འཛིན་གནང་དགོས་པ། ངོ་བོ་དེ་གཉིས་དབར་ཁྱད་པར་ཆེན་པོ་ཡོད་། དེ་ནང་ལྷག་པར་དུ་བོད་ནང་དུ་ཡོད་པའི་བོད་མི་མང་བས་བཀའ་བློན་ཁྲི་པ་ལ་རང་གི་ དབུ་ཁྲིད་ཞིག་ཡིན་པའི་འདུ་ཤེས་བསྐྱེད་ཐུབ་དགོས་པ་བཟོ་རྒྱུ་དང་།
༢༽བོད་མིའི་གནད་དོན་དེ་བོད་ཕྱི་ནང་གཉིས་ཀྱི་བོད་མིའི་ འབྲེལ་བ་ལ་རག་ལས་ཡོད་པས་བཀའ་བློན་ཁྲི་པས་བོད་ཕྱི་ནང་གཉིས་ཀའི་བོད་མིའི་དབར་ འབྲེལ་བ་བརྟན་པོ་ཡོང་ཐབས་གནང་དགོས་ཀྱི་ཡོད་།
དེ་འདྲར་སོང་ད་ལྟའི་དུས་སྐབས་འདིར་གང་ཟག་ལས་གནད་དོན་འདི་ འདྲའི་ཐོག་དགོངས་པ་བཞེས་པ་ཡིན་ན་དོན་དང་ལྡན་པ་ཡིན་བསམ་གྱི་འདུག ཟླ་བ་བཅུ་པའི་སྔོན་འགྲོའི་འོས་བསྡུའི་རྗེས་ང་ཚོས་དོ་བདག་སོ་སོའི་དགེ་དང་ སྐྱོན་ཐོག་བཀའ་མོལ་གནང་ཆོག་གི་ཡོད། དུས་ཚོད་ཡང་ཡོད་གང་ཡིན་ཞུས་ན་འོས་བསྡུ་ངོ་མ་དེ་ ༢༠༡༡ ཟླ་བ་ ༣ ནང་མ་གཏོགས་མིན།
སྔོན་ལ་ཤིང་རེད། བར་ལ་རྟ་རེད། མཇུག་ལ་འཁོར་ལོ་རེད། ལྐུགས་པ་རང་རེད། ཡོད་དང་ཡོད། ཤིང་རྟ་འཁོར་ལོ་ཞེས་པའི་ཡིག་འབྲུ་བཞི་པོ་འདི་ལ་ལྟོས་དང༌།
གོང་གི་པར་རིས་འདི་ལ་ཅིག་གཟིགས་དང་། དཔེ་སྲིད་དོན་མེད། ང་ཚོ་ད་སྐབས་འདི་འདྲ་ཞིག་རེད་འདུག
སྨྲ་ལྕེ་ཐོགས་ཚད་མཐའ་དག་མཁས་མཁས་འདྲ་ཞིག་འདུག །
བྲིས་བྲིས་གསུང་གསུང་ཀུན་ལ་ཤ་ཚའི་སྲོལ་ཞིག་འཛུམ། །
བླ་ས་དཔོན་སར་ཕྱོགས་དུས་གུས་བའི་ཉམས་ཤིག་སྣང་། །
མི་སེར་ཕལ་བའི་དབུས་ནས་རྫིགས་པོའི་བཟོ་ཞིག་ཐོན། །
འདི་ནི་འུ་ཅག་ཀུན་གྱིས་སྲུང་བའི་མི་གཞི་སྟེ། །
རང་གཞན་གཉིས་ཀ་རྒུད་པའི་གཏིང་གི་ས་བོན་ཉིད། །
དེ་ཕྱིར་ན་ཟུག་ལྕགས་ཀྱི་ཆར་འདི་འབེབས། །
དོན་གྱིས། འུ་ཚོ་བཙན་བྱོལ་སྤྱི་ཚོགས་འདིར། རྟའི་སྔུན་ལ་འཁོར་ལོ་དང་། མིའི་གཉའ་བ་ལྷ་རྐང་གིས་གནོན་པར་རྩོམ་པ་ནི་འུ་ཚོའི་སྲིད་ཀྱི་འདུ་ཤེས་རེད། མིར་གྲོས་ཁ་བསྡུར་རྒྱུ་ལས་ལྷར་ལུང་བསྟན་ཞུ་རྒྱུར་མོས་པ་ནི་འུ་ཚོའི་རིག་གནས་ཀྱི་འདུ་ཤེས་རེད། ཆོལ་ཁ་ཆོས་རྒྱུད་དང་བླ་བྲང་མི་ཚང་གི་ཆགས་སྡང་གི་རྩེ་མོ་རྣོ་བ་ནི་འུ་ཚོའི་དམངས་ཀྱི་མི་ཚེ་རིན་ཐང་གི་འདུ་ཤེས་རེད། འདུ་ཤེས་ཆེན་པོ་འདི་དག་ལ་སྙིགས་དོར་དག་སེལ་མ་ཐུབ་པའི་ཡར་སྔོན་དུ་བཀའ་ཁྲིའི་འོས་འགན་ཚགས་སུ་སྒྲིག་ཀྱང་ཡོངས་སུ་འགྲུབ་པའི་རེ་བ་ཤིན་ཏུ་ཆུང་ངོ་། དེ་ལས་བཀའ་ཁྲིའི་སྐུ་དབང་ཙམ་པོ་བ་འདི་ལོག་པར་སྤྱོད་པར་མི་འགྱུར་བའི་མི་གཅིག
༡ ༽མི་དོན་ལྷ་འབེབ་བྱེད་པའི་སྲོལ་འདི་མ་རྫོགས་བར་དུ། འུ་ཅག་གི་བཀའ་ཁྲིས་རྒྱལ་ཁབ་གཞན་གྱི་མི་དམངས་ཀྱི་སེམས་ནང་གི་སོ་སོའི་སྲིད་འཛིན་གྱི་གོ་གནས་དེ་ལྟ་བུ་ཞིག་དུས་ནམ་ཡང་ཟིན་པའི་སྐལ་བ་ཡེ་ནས་བྲལ་ལོ།
༢༽ ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཟེར་བའི་མངའ་ཁོངས་སུ་ལོག་རྒྱུ་ཁས་བླངས་ཟིན་པའི་ཚུན་ཆད་ནས་རྒྱལ་སྤྱིའི་ཁྲིམས་ཐོག་གི་ཁྲིམས་མཐུན་ངོས་འཛིན་གླེངས་རྒྱུའི་ལྕེ་བྲེགས་ཟིན་པའོ།
༣༽ བཙན་བྱོལ་བ་ཞིག་ཡིན་ཕྱིན། རྒྱལ་སྤྱིའི་ཁྲིམས་མཐུན་གྱི་སྐྱབས་བཅོལ་ཁེ་དབང་དང་། ཡང་ན། རྒྱལ་ཁབ་གང་རུང་ཞིག་གི་མི་སེར་གྱི་ཁེ་དབང་མ་རེག་པའི་ཚུད་ཆད་དུ་མི་སྒེར་རང་ཉིད་ཀྱང་ས་སྒང་རིལ་མོའི་སྟེང་ནས་ཁྲིམས་འགལ་གྱི་ངོ་བོར་ལྷུང་ཆོག་ཆོག་ཏུ་ཡོད་པས་ན། བོད་མི་གཅིག་གྱུར་གྱི་ཆབ་འབངས་ཀྱི་ངོ་བོ་སྲུང་ཐུབ་རྒྱུ་ནི་དེ་བས་ཀྱང་ངོ་།
༤༽ འཚེ་མེད་ཞི་བ་རླབས་ཆེ་ནའང་། བཙན་འཛུལ་དབང་སྒྱུར་འགྲོས་མྱུར་བས་སྐྱེ་བདུན་རིལ་བུ་འཐུང་རེག་བར་ཨ་ཕའི་སྐྱེས་བ་ཟད་མི་འགྱུར་གྲང་།
༡ བོད་གཞིས་སྲུང་མི་དམངས་ཀྱིས་ངེས་ལེན་འདུ་ཤེས་ཡོང་མིན་དེ་དོན་དང་མཐུན་པའི་རྒྱུ་དང་འབྲས་བུ་ལོན་མིན་ལ་ཐུག་པས་ལས་དམར་ཤོག་པའི་ཀྲུང་གོ་གཅིག་གི་འདུ་ཤེས་དགོས་ལུགས་ལྟར་བརྗོད་ནས་ག་ལ་ཡོང་།
༢ བོད་ཕྱི་ནང་གི་འབྲེལ་བ་དེ་འཐབ་རྩོད་དམིགས་པ་གཅིག་མིན་དང་སྐྱིད་སྡུག་མཉམ་མྱོང་ཐུབ་མིན་ལ་རེག་ལས་ན། ཆོལ་ཁ་ཆོས་ལུགས་དང་བླ་རྒྱུད་དཔོན་རྒྱུད་ཀྱི་རྔ་ཚིགས་ཕྱོགས་རེ་སྒྲིག་ལ་ངར་སེམས་ཅན་གྱི་སྤྱི་ཚོགས་ཤིག་གིས་ཅི་ལྟར་ཕྱི་ནང་གསེར་ཟམ་འཛུགས་ཨང་།
བོད་ལ་བདེ་སྐྱིད་བྱུང་ན་རྒྱལ་པོ་ཨ་ནིས་བྱས་ཀྱང་སྒྲིག
དེ་འདྲའི་བསམ་ཚུལ་བཏོན་གནང་ན་ཡག་པོ་ཞེ་དྲག་འདུག། མ་གཞི་ཁྱེད་རང་བུ་ཆུང་མ་རེད། བུ་ཆེན་རེད་འདུག་གཱ། ཚེ་རིང་དོན་བསྒྲུབ་པ་ཤོག།
གཏམ་དཔེ་འདི་བློ་ལ་འབབ་པོ་བྱུང་།
ད་ང་ཚོས་དངོས་གནས་ག་རེ་བྱེད་དགོས་པ་རེད། ཤིང་རྟ་འདི་རྟ་ཡི་མདུན་ལ་འཇོག་དགོས་པ་མིན་འགྲོ།
རྟ་དེ་ལ། ཁྱོད་ཀྱིས་འདྲུད་དགོས་པའི་ཤིང་རྟ་ནི་འདི་རེད། ཤིང་རྟ་འདིའི་ནང་དུ་རྩ་ཆེན་པོ་འདི་དང་གན་ཡོད། ཁྱོད་ཀྱིས་དྲུད་ས་རེད་དམ། ལམ་སྐེད་ནས་གཡུག་འཇོག་གི་མ་རེད་པ། ང་ཚོ་ཐོན་ས་ཞིག་ལ་ཐོན་དགོས་པ་རེད། མ་གཞི་ནས་ཁྱོད་ལ་ལམ་རྒྱུས་ཡོད་དམ། ལམ་ཁ་གང་ཞིག་སྐོར་ནས་འགྲོ་གི་ཡིན་ལ་སོགས་པ་འདྲི་དགོས་པ་རེད།
དེ་ནས་རྟ་འགའ་རེ་རྒྱུག་ཡོང་སྟེ། གཅིག་གིས་ཤིང་རྟ་དེ་ངས་འདྲུད། ང་ལ་ལམ་རྒྱུས་ཡོད། ངས་ཁྱོད་ཚོ་ལམ་ཁ་འདི་ནས་འཁྲིད། འདི་ལྟར་འཁྲིད། བདེ་གླགས་ངང་ཕེབས་ཐུབ་གི་རེད་ཅེས་བཤད། གཞན་པ་ཞིག་གིས། ཁྱོད་ལོ་རྒས་འདུག ཁ་མཐོན་པོ་རེད། ད་ངལ་གསོས་ན་ཡག་གི་རེད། རྟ་གསར་ང་འདྲ་བ་ཞིག་གིས་དྲུད་ན་ཡག་གི་རེད། ལམ་ཁ་ནི་ཤེས་འགྲོ་གི་རེད། འདི་ནས་གན་བར་དུ་རེད་པ། དེ་ལ་ལམ་རྒྱུས་ཟེར་ནས་ཆེན་པོ་དེ་འདྲ་དགོས་གི་མ་རེད། ཅེས་སོགས་རྩོད་པ་རྒྱག་གི་རེད།
དེ་མ་གཏོགས། རྟ་དེས་ཅི་ཞིག་འདྲུད་དགོས་པ་དང་དང་ཤིང་རྟ་དེའི་སྐོར་ལ་བསམ་བློ་མ་བཏང་བར། རྟ་ཡི་སྤུ་ཁ་དང་། རྟ་རྒྱུད་སོགས་བརྩད། སྤུ་ཁ་ལ་བལྟས་ནས་ཉོ་བ་དང་། རྟ་རྒྱུད་ལ་སྐྱོན་བརྒྱབ་ནས་བསྡད་ན་ཆོ་མི་འདུག
གུས་བརྩེ་ལྡན་པའི་བུ་ཆུང་ཚེ་རིང་ལགས་ཁམས་བཟང་། ཁྱེད་ཀྱིས་གསུངས་པ་ལྟར་མི་དབང་དཔལ་ལྡན་བཀའ་ཁྲིའི་ལས་འགན་དེ་ཆེས་ཇི་འདྲའི་ལྕི་མོ་ཡིན་པ་དེ་ཚང་མས་བསམ་བློ་ཡག་པོ་གཏོང་དགོས།
མཁྱེན་རླབས་མཚུངས་མེད་བོད་ཀྱི་དབུ་འཁྲིད་༸ གོང་ས་ཏྰ་ལའི་བླ་མ་མཆོག་གིས་གང་ཉིད་ཕྱེད་བགྲེས་ཡོལ་དུ་བཞུགས་བཞིན་ཡོད་པ་འདིས་འཛམ་གླིང་རྒྱལ་སྤྱི་དང་ལྷག་དོན་རྒྱ་ནག་གཞུང་ལ་བོད་ཀྱི་གནད་དོན་དེ་བོད་མི་ས་ཡ་དྲུག་གི་ཆེད་དུ་ཡིན་པ་དེ་གསལ་སྟོན་གནང་བཞིན་ཡོད།
དེར་བརྟེན་བོད་ཀྱི་གནད་དོན་དེ་བོད་མི་རང་ཉིད་ཀྱིས་འགན་འཁུར་ལེན་དགོས་ལ་དེ་ཡང་ཡང་དག་པའི་དམངས་གཙོའི་ལམ་ནས་ཆེད་དུ་རྒྱ་ཆེའི་མི་དམངས་ཀྱིས་ཐད་ཀར་བོད་ཀྱི་དབུ་འཁྲིད་མཁན་བཀའ་ཁྲི་པའི་ལམ་ནས་སྣེ་འཁྲིད་དེ་བོད་ཀྱི་ལོ་རྒྱུས་ཁྲོད་རླབས་ཆེན་གྱི་མཛད་རྗེས་བླ་ན་མེད་པ་ཞིག་འཇོག་ཐུབ་ཡོད།
བཀའ་ཁྲི་ནི་བོད་མི་ས་དྲུག་གི་དབུ་འཁྲིད་ཆེས་མཐོ་ཤོས་དེ་ཡིན་སྟབས་ལས་འགན་ཡང་ཆེས་ལྕི་ཤོས་དེ་འཁུར་དགོས། རྒྱལ་ཁབ་དང་མི་རིགས་གཅིག་གི་བསམ་བློ་དང་། ཤེས་རིག ཆབ་སྲིད། དཔལ་འབྱོར། སྤྱི་ཚོགས་སོགས་ཕྱོགས་ཚང་མར་ལེགས་བཅོས་དང་གསར་བརྗེ་ཡག་པོ་ཞིག་བྱེད་དགོས་ན་མི་དབང་བཀའ་ཁྲི་དེ་ཚད་ལྡན་ཞིག་བདམས་ཐུབ་པ་དགོས།
གང་ཡིན་ཟེར་ན་རྒྱལ་ཁབ་དང་། མི་རིགས། ལོ་རྒྱུས་ཀྱི་ཁ་ཕྱོགས་བཅས་ལ་ཁ་ལོ་བསྒྱུར་ཐུབ་མཁན་ནི་མི་རིགས་དེའི་དབུ་འཁྲིད་དག་ལ་རག་ལུས་ཡོད།
ད་ལྟའི་བཀའ་ཁྲིར་ཆ་བཞག་ན་ཨང་དང་པོ་བོད་ཀྱི་ཆབ་སྲིད་ཀྱི་རྩ་དོན་དང་གལ་ཆེའི་ཐབས་ཇུས་ཀྱི་རང་བཞིན་ལ་འགན་འཁུར་ཚད་ཐུབ་ལེན་དགོས། དེ་ཡང་རྒྱ་ནག་མི་དམངས་སྤྱི་མཐུན་རྒྱལ་དང་མཉམ་དུ་མཐུན་བསྒྲིལ་བྱེད་དགོས།
ཕྱོགས་གཉིས་ཀྱི་མཐུན་བསྒྲིལ་ལ་ཤུགས་སྣོན་ཆེ་ཤོས་རྒྱག་དགོས་ལ་དེ་ཡང་རིག་པ་དངྭང་གསལ་དང་། གནད་ལ་འཁེལ་བའི་སྒོ་ནས་ཐབས་ལམ་སྣ་ཚོགས་བེད་སྤྱད་ཐུབ་པ་ཞིག་དགོས།
ཨང་གཉིས་པར་རྒྱ་བོད་མི་རིགས་གཉིས་ཀྱི་མཐུན་བསྒྲིལ་གྱི་སྒོམ་བུ་གཅིག་ཏུ་བསྒྲིལ་ནས་ཕན་ཚུན་ཕྱོགས་གཉིས་ཀས་ཡིད་ཆེས་བརྟན་འཕེར་ངེས་ཆབ་སྲིད་སྲིད་གྱི་ཐབས་ཇུས་བཟུང་དགོས།
ཨང་གསུམ་པར་བོད་ཀྱི་གནད་དོན་དེ་རྒྱ་ནག་དབུས་གཞུང་གི་ཆབ་སྲིད་དཀྱིལ་འཁོར་ནང་གྲོས་མོལ་གྱི་ལམ་ནས་གང་མགྱོགས་ཅི་མགྱོགས་སུ་ཐག་གཅོད་བྱེད་ཐུབ་པ་ཞིག་དགོས།
ཨང་བཞི་པར་བོད་ཀྱི་གནད་དོན་འདི་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་ནང་དུ་གཙང་སེལ་བྱེད་ཐུབ་ཚེ་གཞི་ནས་བོད་བརྒྱུད་ནང་བསྟན་ཆོས་ལུགས་དང་། བོད་ཀྱི་རིགས་གནས། བོད་ཀྱི་དཔལ་འབྱོར། རྒྱ་བོད་སྤྱི་ཚོགས་བཅས་ཕྱོགས་ཚང་མར་ལེགས་བཅོས་གཏོང་རྒྱུར་དཀའ་ངལ་གང་ཡང་མེད།
ཆེས་གལ་འགངས་ཆེ་བའི་བོད་ཀྱི་རྩ་དོན་དེ་འདྲ་ཞིག་གང་མགྱོགས་ཐག་གཅོད་
བྱེད་དགོས་ན་བཀའ་ཁྲིས་རྒྱལ་སྤྱི་དང་། རྒྱ་ནག བོད། བཙན་བྱོལ་སྤྱི་ཚོགས། ཆབ་སྲིད་དང་། གཞུང་། ཚོགས་པ། མི་དམངས་བཅས་ཁྱོན་ཡོངས་ལ་ཆབ་སྲིད་ཀྱི་ འགག་རྩའི་ལྟེ་བ་གཅིག་དང་། གཞུང་ལམ་གཅིག ཐག་གཅོད་གཅིག་བཅས་གསལ་སྟོན་བྱེད་ཐུབ་པ་དགོས།
གནད་དོན་དེ་འདྲ་ཞིག་ཐག་གཅོད་བྱེད་པར་རིག་པ་དངྭང་གསལ་དང་། ཀླད་པ་དཀྲུགས་དཀྲུགས་གཏོང་དགོས། རིག་པ་དངྭང་གསལ་ངང་ཀླད་པ་དཀྲུགས་དཀྲུགས་བྱེད་མ་ཐུབ་ཚེ་བོད་ཀྱི་གནད་དོན་དེ་དཀའ་ཚེགས་ཅན་དང་། ཡུན་རིང་ཅན། ཉེན་ཁ་ཅན་བཅས་གསུམ་གྱི་གནས་སུ་གྱར་ངེས་ཡིན།
བུ་ཆུང་ལགས་ཀྱི་དགོངས་ཚུལ་འདི་གལ་ཆེན་པོ་རེད།
ང་ཚོས་མི་མ་བརྩད་པ་དང་། ཐག་མ་བཅད་པའི་སྔོན་ལ་དེའི་ལས་འགན་ཐག་གཅོད་དགོས་ཀྱི་འདུག ཁོ་ལ་དམིགས་བསལ་གྱི་ལས་འགན་གང་དང་གང་ཞིག་འདུག
ཁག་ཅིག་གིས་བཀའ་བློན་གསར་པ་ཞིག་བསླེབ་ན་ཡང་ལས་ཀ་གསར་པ་འདྲ་ཡོད་པ་མ་རེད། བྱེད་ཐུབ་གི་མ་རེད། བྱ་རྒྱུ་ལྷག་ཡོད་པ་མ་རེད་ཟེར། ད་ལྟ་ཡོད་བསྡད་པའི་སྲིད་བྱུས་དེ་ཚོ་མཇུག་སྐྱོང་དགོས་པ་རེད་ཟེར།
ཁག་ཅིག་གིས་ད་ནི་བསྐྱར་དུ་བསམ་བློ་ཞིག་མ་བཏང་ན་འགྲིག་མ་སོང་། ཕེབས་ཡོང་རྒྱུའི་བཀའ་བློན་གསར་པ་དེ་གཞུང་རྙིང་བ་འདིའི་ལས་དོན་གལ་ཆེན་སྐོར་ཞིག་ལ་བཅོས་བསྒྱུར་བྱེད་མཁན་ཡིན་དགོས་པར་བཤད། དཔེར་ན། ཤེས་ཡོན་སྲིད་བྱུས། དཔལ་འབྱོར། རྒྱལ་སྤྱིའི་འབྲེལ་བ། བོད་དོན་གྱི་ལངས་ཕྱོགས། རྒྱ་ནག་ལ་འཛིན་པའི་སྲིད་བྱུས། བོད་མིའི་མཐུན་ལམ་བཅས་མདོར་ན་ལས་དོན་མཐའ་དག་ལ་བསྐྱར་ཞིབ་བབ་བསྐྱར་བཅོས་ཤིག་བྱ་དགོས་ཚུལ་གླེང་གི་འདུག
དངོས་ཡོད་ཀྱི་གནས་ཚུལ་གང་ཡིན་དང་། དངོས་ཡོད་མིན་པའི་བསམ་ཚུལ་གང་རེད་དེ་ཚོའི་རིགས་གླེང་རྒྱུ་གལ་ཆེན་པོ་རེད།