སྐུ་ཞབས་བློ་བཟང་སེང་གེ་ལགས་ལ་བློ་མཐུན་ཞིང་ཉིས་སྟོང་བཅུ་གཅིག་ལོའི་བཀའ་ཁྲིར་མོས་པ་ཡོད་པའི་བཙན་བྱོལ་གྱི་གཞོན་སྐྱེས་ཁག་ཅིག་གིས་ཁོང་གི་སྐོར་ལ་གནས་ཚུལ་དྲིལ་བསྒྲགས་བྱ་སླད་དམིགས་གསལ་དྲ་རྒྱ་ཞིག་སྒོ་འབྱེད་བྱས།
འདི་ཟླའི་ཚེས་ ༡༣ ཉིན་ངྷ་སའི་བདེ་དོན་ཚོགས་ཁང་དུ་སྐུ་ཞབས་བློ་བཟང་སེང་གེའི་སྐོར་ལ་ (www. Kalontripafortibet.org) དྲ་རྒྱ་ཞིག་བྱས་པ་དང་། དབུ་འབྱེད་མཛད་སྒོའི་སྐུ་མགྲོན་གཙོ་བོར་ཆབ་སྲིད་བཙོན་ཟུར་གྲྭ་དཔལ་ལྡན་རྒྱ་མཚོ་ལགས་ཕེབས་ཡོད། ཉིན་དེར་གྲྭ་དཔལ་ལྡན་རྒྱ་མཚོ་ལགས་ཀྱིས་གསུངས་དོན། ད་ལྟའི་བཀའ་བློན་ཁྲི་པ་འདི་༧གོང་ས་སྐྱབས་མགོན་ཆེན་པོ་མཆོག་གི་དགོངས་བཞེད་བཞིན། ཤེས་འཇོན་ཅན་གྱི་གཞོན་རབས་པ་ཞིག་ཡོང་རྒྱུ་དེ་གལ་ཆེན་པོ་རེད། བློ་བཟང་སེང་གེ་ནི་ད་ལྟའི་གཞོན་རབས་ཚོའི་ཁྲོད་ནས་རང་ཉིད་ཀྱི་ལྟ་ཚུལ་ལ་སྐབས་གཉིས་པའི་བཀའ་བློན་ཁྲི་པར་འོས་ཆོས་ཡོངས་ཚང་འདུག་ལ། ཁོང་ལ་སྤྱིར་དེང་གི་ཤེས་ཡོན་གྱི་ཐད་ནས་ཚད་ལྡན་ཡིན་པར་མ་ཟད། དམིགས་གསལ་ཁྲིམས་ལུགས་ཐད་ཧར་ལྦར་གཙུག་ལག་སློབ་གཉེར་ཁང་ནས་ཐོན་པའི་ཁྲིམས་ལུགས་མཁས་པ་ཞིག་ཀྱང་རེད་ཅེས་གསུངས།
དྲ་རྒྱ་འདིའི་གཙོ་འགན་པ་ནི་ཨ་རིར་ཡོད་པའི་རིན་ཆེན་ལགས་ཡིན་ཞིང། ཁོང་གིས་དྲ་རྒྱ་འདི་སྒོ་འབྱེད་བྱ་དགོས་པའི་རྒྱུ་མཚན་ཐད་བཤད་རྒྱུར། ༧གོང་ས་མཆོག་གི་ཐུགས་རྗེ་བཀའ་དྲིན་འོག་ང་ཚོར་མང་གཙོའི་སྲིད་གཞུང་ཞིག་ཡོད་པ་འདི་འཕེལ་རྒྱས་དང་ཚད་ལྡན་དུ་ཁ་ཕྱོགས་པར་གནས་ཚུལ་ཁྱབ་སྤེལ་ནི་དགོས་ངེས་ཞིག་དང། དེ་རིང་སྒོ་འབྱེད་བྱས་པའི་དྲ་རྒྱ་འདི་བརྒྱུད་མང་ཚོགས་ཀྱིས་བློ་བཟང་སེང་གེ་ལགས་ཀྱི་ཤེས་ཡོན་དང་ལྷག་བསམ་སོགས་ཁོང་གི་སྐོར་ལ་ཤེས་རྟོགས་ཡོང་པར་རེ་བ་མ་ཟད། དྲ་རྒྱ་འདི་བརྒྱུད་དེ་མང་ཚོགས་ལ་བསམ་ཚུལ་དང་ལྟ་ཚུལ་སྤེལ་རེས་བྱ་སའི་གླེང་སྟེགས་ཤིག་ཡོང་པར་སྨོན་པ་ཡིན་ཞེས་ཟེར།
གསར་འགོད་པ། བནྟེ་སྐྱབས།
མང་ཚོགས་ཀྱི་ཆེད་དུ་དེང་དུས་ཀྱི་ཤེས་འཇོན་གཉིས་ལྡན་གྱི་ཁྲིམས་ལུགས་མཁས་དབང་བློ་བཟང་སེང་གེ་ལགས་ཀྱི་ལྷག་བསམ་དང་།ཤེས་ཡོན་སོགས་ཁོང་གི་སྐོར་ལ་ཤེས་རྟོགས་ཡོང་ཆེད་དྲ་རྒྱ་སྒོ་འབྱེད་བྱེད་པར་ལ་བཀྲིས་བདེ་ལེགས་དང་རྒྱབ་སྐྱོར་ཡང་ཞུ་རྒྱུ་ཡིན།
ངས་ཉེ་སྔོན་ཐེངས་རྗེས་མའི་བཀའ་བློན་ཁྲི་བ་མི་ཡིན་དགོས་ཞེས་པ་བྲིས་པ་དེ་ཁྱེད་ལ་འབུལ།ངས་ཉིན་འདི་དག་ལ་སྐྱབས་བཅོལ་བོད་མིའི་དྲ་རྒྱ་དང་ཚགས་ཤོག་སོགས་གཙོའི་བརྒྱུད་ལམ་ཁག་ལ་ཐེངས་རྗེས་མའི་བཀའ་ཁྲིའི་ཐད་ལ་བསམ་ཚུལ་འཚོལ་ཞིབ་ཏུ།ངའི་གྲོགས་ཀྱི་དེང་མ་འདི་དག་གི་སྒོ་རུ་ང་སྤྲང་ཉུལ་ལ་ཐེངས་ཤིག་ལ་ཕྱིན་པ་ཡིན།ཡིན་ནའང༌།
{ སྤྲང་ཉུལ་དང་སྐྱག་དྲི།}
འུ་ཚོ་ནི་རིག་གནས་ཆིག་རྐྱང་གི་ཁོར་ཡུག་ནས་བསམ་བློ་སྣ་གཅིག་ལས་གཏོང་སྲོལ་མེད་པའི་སྲོལ་རྒྱུན་གྱི་འདུ་ཤེས་རྙིང་པའི་སྐྱག་དྲི་དེ་བརྒྱུད་ལམ་འདི་དག་ལ་ཁྱབ་ཡོད་པས། ང་ལྟོགས་པ་ཟས་འདོད་དང༌།སྐོམ་པ་ཆུ་འདོད་ཀྱི་གདུངས་བ་དེ་བསལ་མ་ཐུབ་པས་སྐྱུག་མེར་ཅུང་ཙམ་བྱུང༌།ལོ་མང་རིང་བསྐྱར་བཤད་ཡང་བཤད་བྱས་ནས་ཡོང་བའི་བསམ་ཚུལ་དེ་རིགས་བསྡུས་ན།ཤེས་ཡོན་ཅན་དང་འཇོན་ཐང་ཅན་ལས་གང་གདམ་དགོས་ཞེས་པ་དེ་ལས་བརྒལ་མ་ཐུབ་ནས་ད་དུང་འདམ་དུ་ལྷུང་འདུག་གོ།མ་ཟད་ཤེས་ཡོན་ཅན་དང་འཇོན་ཐང་ཅན་ཞེས་པ་འདི་ལའང༌།གོ་དོན་གཏིང་ཟབ་ཅིག་མ་ལོན་པར་གསོག་གསོབ་དང་ནང་སྟོང་གི་ཚུལ་དུ་ལས་
ཡོད་པ་འདྲ། {གནད་འགག་གི་སྐབས་སུ་མི་འཚོལ་བ།}འགྲོ་བ་མིའི་རིགས་ཀྱི་ལོ་རྒྱུས་དར་རྒུད་ཀྱི་དཀྱོགས་མཚམས་རེ་རེ་ན།མི་བུ་དག་ནི་ལམ་ཚད་ཀྱི་རྡོ་རིང་བཞིན་རང་ངོ་རང་གིས་ཟིན་ཅིང༌།རང་གཅེས་དང༌།རང་རྩིས།རང་ཚུགས་བརྟན་པོས་གྲོང་ངེར་འགྲེང་ཞིང༌།ལྷང་ངེར་གསལ་བས།ཡོ་རབ་མུན་ནག་གི་དུས་རབས་མཇུག་རྫོགས་ཤིང༌། ཨེ་ཤ་ཡའི་ནད་པའི་མི་རིགས་ཀྱི་མིང་ངན་ཡང་ཡལ་བཞིན་ཡོད་པའི་དོན་དངོས་ཀྱི་འགྲོ་མིའི་རྟོགས་སད་ཀྱི་གོ་རིམ་སྟོས་འཇོག་གི་རྩེར་སོན་ཏེ།དེང་གི་དུས་འདིར།མི་དང་རང་ཉིད་ཀྱི་དུས་རབས་ཟེར་སྐད།ཡིན་ནའང༌།དུང་ཞེན་དང་མཁྲེགས་འཛིན་མ་བྱས་ནས་གནས་ལུགས་བཤད་ན།འུ་ཚོ་ནི་མུན་བསྐལ་རིང་མོ་དང་ནད་པའི་མི་རིགས་ཀྱི་དུས་སྐབས་ལས་བརྒལ་ཐུབ་མེད་པའི་དོན་དངོས་ཀྱི་གནས་སྟངས་འདི་བསྒྱུར་ཐབས་སུ།ཐབས་ལམ་ཉག་གཅིག་ཡོད་པ་ནི་རབ་ཡིན་ན་རང་ཉིད་ཐེ་བའི་བོད་མི་རེ་རེ་མི་རུ་འགྲེང་དགོས་པ་དང༌།མ་ཐ་ཡང༌།འུ་ཚོའི་བཀའ་བློན་དང་སྤྱི་འཐུས་དག་གི་གཙོའི་ས་མིག་ཆེ་ཐག་ཆོད་རེ་བཟུང་བའི་བོད་མིའི་དབུ་འཁྲིད་དག མི་དོན་སྒྲུབ་མཁན་ཡིན་ཟེར་ན།མ་ཐ་ཡང༌།མིའི་བསམ་བློ་ཡོད་དགོས་པ་རེད།དེ་ལས་ལྡོག་སྟེ། འཇིག་རྟེན་ལྟ་ཚུལ།མི་ཚེའི་ལྟ་ཚུལ་སོགས།འཚོ་གནས་ལ་རྒྱབ་ཀྱིས་ཕྱོགས་པའི་རིག་གནས་ཤིག་གམ།སྐད་ཆ་གཞན་གྱིས་བཤད་ན།སྐྱོ་གར་སྙིང་སྟོབས་མེད་པའི་རིག་གནས་ཤིག་གི་རིན་ཐང་ལྟ་ཚུལ་གྱིས་ཡོད་ཚད་ཐག་གིས་གཅདཅིང་ཐུ་གུ་མདུད་རྒྱུ་ཡིན་ཟེར་ན། འུ་ཚོའི་འཕེལ་རྒྱས་ཀྱི་རྩ་བ་བཅད་བཞིན་དུ་ཡལ་འཚོལ་བའི་ངལ་བ་འབྲསཔ་མེད་ཀྱི་སྨྱོན་ལས། དཔྱོད་མེད་རིང་བཞིན་གྱི་རྨོངས་འཐོམ།དུང་ཞེན་མཁྲེགས་འཛིན་གྱི་ཨུ་ཚུགས་དག་ལ་ད་ནི་ཅིས་ཀྱང་འདང་རྒྱག་རན་ཡིན་པ་མ་ཟད་ཧ་ཅང་འཕྱིས་དྲགས་འདུག་གོ།འགྲོ་བ་མིའི་རིགས་ཀྱིས་མི་བོར་ཞིང་མི་འཚོལ་བའིོ་ལོ་རྒྱུས་ཀྱི་དོན་སྙིང་ནི།ཆེ་ས་ནས་ཤར་ནུབ་ཕྱོགས་ཀྱི་ཞེན་ལྟས་མཁྲེགས་འཛིན་བྱེད་རྒྱུ་ཞིག་མིན་ཞིང༌།འུ་ཚོའིསྐྱ་ཟད་སྔོ་སྡུག་གི་འཚོ་གནས་ཀྱི་གནས་བབ་དངོས་ལ་གཞིགས་ན།དུས་ལས་ཡོལ་བ་ཞིག་དེ་བས་ཀྱང་མིན་པས།མགོ་ཐོགས་ཡོངས་ཀྱི་སྐྱེས་ཆེན་དག་གིས་འགྲོ་མི་སྤྱི་ལ་ཕུལ་བའི་རིག་གནས་སྙིང་སྟོབས་འདི།འུ་ཚོ་དང་འུ་ཚོ་ལྟ་བུའི་ཤི་གསོན་གྱི་སོ་ཁ་ན་གནས་པའི་མི་རིགས་དག་གི་བླ་སྲོག་སྐྱོབ་བྱེད་ཀྱི་ལག་ཆ་ཁོ་ན་ཡིན་པས་དང་ལེན་མི་བྱེད་ཐུ་མེད་རེད།དེས་ན་འུ་ཚོས་ཀྱང་གནད་འགག་གི་སྐབས་སུ་བཀའ་བློན་ཁྲི་བ་མི་ཞིག་འཚོལ་དགོས་པས།སྐྱབས་བཅོལ་བོད་མིའི་སྤྱི་ཚོགས་ན་མི་ཞིག་རྙེད་རྒྱུ་
ཡོད་དམ་ཞེ་ན།ངས་ཞིབ་འཇུག་བྱས་པ་ལྟར་ན་མི་ཁ་ཤས་ཡོད་ཀྱང༌།ཆེས་འོས་ཆོས་ཚང་པའི་མི་ནི་བློ་བཟང་སེང་གེ་རེད། གང་ཡིན་ཟེར་ན། ཁོང་{havard}གཙུག་ལག་སློབ་ཆེན་ལས་ཐོན་པའི་རྒྱུ་མཚན་ཁོ་ནས་ཀྱང༌།ཁོང་གི་སྐོར་ལ་ཞིབ་འཇུག་ཆེར་བྱེད་མི་ཐུབ་མཁན་དག་གིས་ཀྱང༌།ཁོང་མི་ཡིན་པའམ་མིའི་བསམ་བློ་ཡོད་པའི་གནས་ལུགས་རྙེད་རྒྱུར་འདང་རྒྱག་རྒྱུ་ཆེན་པོ་ཡོད་དེ།ས་སྒང་འདིའི་མི་ཆོས་རིག་གནས་ཀྱི་རྩེར་སོན་པའི་ཨ་རིའི་རྒྱལ་ཁབ་ནི་གཙུག་ལག་སློབ་ཆེན་འདིའི་ཁོར་ཡུག་ཡིན་པ་དང༌།འདིའི་བསླབ་ཚན་དག་ནི་མིའི་རིགས་ཀྱི་སྐྱོ་གར་ལ་གདོང་གཏོད་བྱེད་ཀྱི་རིག་གནས་ཡིན་པ་ལས།བདག་མེད་ཀྱི་སྲོག་བྱས་ཤིང༌།འཁོར་བའི་ཕུན་ཚོགས་བློས་བཏང་གི་བསམ་བློའི་མ་ལག་ཅིག་གིས་ཤན་ཤུགས་མེད་པས།འདིའི་སློབ་ཐོན་པ་དག་ཀྱང་མི་ཆོས་རིག་གནས་ཀྱི་ཐོན་རྫས་ཡིན་པ་ལས་ལྷ་མིན་མི་མིན་གྱི་ཕུང་སུམ་པ་ཞིག་ག་ལ་ཡིན་ཏེ།རིག་གནས་དང་མི་བུའི་རྒྱུ་འབྲས་ཆོས་ཉིད་དེ་སུས་ཀྱང་ཁས་ལེན་དགོས་པས་སོ།།ཡིན་ནའང༌།ཡང་བརྐྱར་འུ་ཚོས་རྟར་ཞོན་མཁན་ཞིག་བོང་ལིར་བཞོན་འཇུག་པ་མིན་ནམ་སྙམ་པའི་བློ་དོགས་ཤིག་ངང་གིས་འཁྲུངས་ཀྱང༌།ཨུ་ཐུག་པ་མི་འགྲོ།།
ང་འཚོ་བོད་མི་རིགས་ཀྱིས་དོན་དུ་ལས་དོན་ཡིན་ལ་སེམས་གཏིང་ནས་དགའ་བསུ་བྱས་རྒྱུ་ལས་མེད། འོན་ཀྱང་དེང་སྐབས་མི་འགའ་རེའི་བཤད་མ་ཤེས་པའི་དམིགས་ཡུལ་རེ་གཟུང་ནས་མི་དམངས་འགོ་འཐོམ་རུ་ལས་འགུལ་སྣ་མང་སྤེལ་སྡོད་པ་མཐོང་ གང་ལྟར་བོད་རིགས་མི་མང་གི་དོན་ཤེས་འགྱོན་ལྡན་པའི་མི་ཚད་ལྡན་ཅིག་དགོས་ན་མཁས་དབང་བློ་བཟང་སིག་གེ་ལགས་རེད།
དེང་གི་དུས་འདིར་བོད་མི་ཚང་མས་མ་འོངས་པའི་བཀའ་བློན་ཁྲི་པའི་སྐོར་གླེང་བཞིན་པའི་དུས་འདིར་རང་ངོས་ནས་བོད་མི་རིགས་ཀྱི་འབྱུང་འགྱུར་ཀྱི་ཆེད་བཀའ་བློན་ཁྲི་པའི་ལས་འགན་ཁུར་འདོད་ཡོད་རིགས་ཀྱིས་རང་གི་ལོ་རྒྱུས་དང་ཤེས་ཚད་བྱས་རྗེས་མ་འོངས་ཀྱི་ལས་གཞི་དང་ལང་ཕྱོགས་དང་བཅས་པ་ཁ་གསལ་ཞིག་མི་མང་ལ་གསལ་སྟོན་བྱེད་དགོས་རྒྱུ་ནི་གལ་ཆེན་རེད། དེས་ན་དྲ་རྒྱ་འདིས་བློ་བཟང་སེང་གེ་ཡི་སྐོར་གསལ་བཤད་བྱེད་ཀྱི་འདུག་པས་གུས་པས་སྙིང་དབུས་ནས་དགའ་གསུ་ཞུ། ཁོ་ནི་ངའི་སེམས་སྟེང་གི་མ་འོངས་པའི་བཀའ་བློན་ཁྲི་པ་དེ་ཡིན།
ང་ཚོར་བཀའ་བློན་གཞོན་སྐྱེས་བསམ་བློ་གསསར་པ་ཞིག་དགོས་ཀྱང་རང་གི་རིག་གཞུང་ལ་དོ་སྣང་མེད་པ་ཞིག་རྩ་བ་ནས་དགོས་དོན་མིན་འདུག
བོད་མི་རིགས་འཛམ་གླིང་འདིར་གནས་མི་གནས་ནི་བོད་ཡིག་བཀོལ་སྤྱོད་ཡོད་མེད་རགས་སོ།
ལྷག་བསམ་དང་སྙིང་སྟབས་ལྡན་པའི་གྲཱ་བག་གྲོ་ལགས་དང་རིན་ཆེན་རྣམས་པ་ཚོས་་།བོད་མི་རིགས་ཀྱི་ལག་རྒྱ་དང་དུརླངུ་ནས་མཁས་དབང་བློ་བཟང་སེང་གེ་མཆོག་གི་སྐོར་དྲ་སྒོ་ཕྱེ་བ་དགའ་བསུ་ཧུ་
དྲ་རྒྱ་གསར་པ་ཞིག་སྒོ་འབྱེད་གནང་བར་ཧ་ཅང་དགའ་བྱུང་། ལྷག་པར་དུ་ཆབ་སྲིད་བཙོན་ཟུར་གྲགས་ཅན་དཔལ་ལྡན་རྒྱ་མཚོ་ལགས་ཀྱིས་གསུང་བཤད་ལ་ཐུགས་རྗེ་ཆེ་ཞུ་བཞིན་ཡོད། ཁོང་དང་ཆབ་སྲིད་བཙོན་ཟུར་གྲགས་ཅན་དགའ་ལྡན་གྲྭ་བག་གྲོ་གཉིས་ཀྱིས་བོད་མི་རིགས་ཀྱི་ལས་དབང་ལ་བསམ་བློ་བཏང་བ་ལས། ཆོལ་ཁ་ཆོས་ལུགས་འཐེན་འཁྱེར་གྱི་དབང་དུ་གཏན་ནས་མ་སོང་བ་ནི། དངོས་གནས་རྗེས་སུ་ཡི་རངས་ཞུ་འོས་པ་ཞིག་རེད། བོད་མི་རིགས་ཀྱི་ཆེད་དུ་ལུས་སྲོག་འབེན་ལ་བཙུགས་མྱོང་མཁན་ཟེར་བ་འདི་ཚོའི་ལྷག་བསམ་དང་སེམས་ཤུགས་ལ་རྒྱ་སོགས་མི་དཀྱུས་མ་ང་ཚོ་དང་གཏན་ནས་མི་འདྲ་བ་ར་སྤྲོད་བྱས་པ་ཞིག་རེད།
མ་གཞི་དྲ་རྒྱ་སྒོ་འབྱེད་བྱས་པ་ནི་ཡག་པོ་རེད།མ་འོངས་བཀའ་ཁྲི་དེ་གཞོན་སྐྱེས་ཚང་མའི་དངོས་ནས་སྐུ་ཞབས་བློ་བཟང་སེང་གེ་ལགས་སུ་རེ་བ་དང་རྒྱབ་སྐྱོར་ཤུགས་ཆེན་ཡོད་ཚོད་འདུག་པས།དེ་བཞིན་ཨ་ཁུ་བློ་བཟང་ཁྱེད་རང་གིས་གྲ་སྒྲིག་འཐུས་ཚང་གནང་དགོས་གལ་ཆེ་ཕྱིར་བོད་མི་ཡོད་དོ་ཅོག་གི་རེ་སྙེག་གོ།
མ་གཞི་དྲ་རྒྱ་སྒོ་འབྱེད་བྱས་པ་ནི་ཡག་པོ་རེད།མ་འོངས་བཀའ་ཁྲི་དེ་གཞོན་སྐྱེས་ཚང་མའི་དངོས་ནས་སྐུ་ཞབས་བློ་བཟང་སེང་གེ་ལགས་སུ་རེ་བ་དང་རྒྱབ་སྐྱོར་ཤུགས་ཆེན་ཡོད་ཚོད་འདུག་པས།དེ་བཞིན་ཨ་ཁུ་བློ་བཟང་ཁྱེད་རང་གིས་གྲ་སྒྲིག་འཐུས་ཚང་གནང་དགོས་གལ་ཆེ་ཕྱིར་བོད་མི་ཡོད་དོ་ཅོག་གི་རེ་སྙེག་གོ།
མ་གཞི་དྲ་རྒྱ་སྒོ་འབྱེད་བྱས་པ་ནི་ཡག་པོ་རེད།མ་འོངས་བཀའ་ཁྲི་དེ་གཞོན་སྐྱེས་ཚང་མའི་དངོས་ནས་སྐུ་ཞབས་བློ་བཟང་སེང་གེ་ལགས་སུ་རེ་བ་དང་རྒྱབ་སྐྱོར་ཤུགས་ཆེན་ཡོད་ཚོད་འདུག་པས།དེ་བཞིན་ཨ་ཁུ་བློ་བཟང་ཁྱེད་རང་གིས་གྲ་སྒྲིག་འཐུས་ཚང་གནང་དགོས་གལ་ཆེ་ཕྱིར་བོད་མི་ཡོད་དོ་ཅོག་གི་རེ་སྙེག་གོ།
དྲ་རྒྱ་གསར་པ་སྒོ་འབྱེད་དེ་ལ་དགའ་བསི་ཡོད་འོན་ཀྱང་དེ་ཚོ་དམོགས་ཧ་ཅང་ཅེན་ལོས་ཡོད།
མ་གཞི་གོང་དུ་ཆབ་སྲིད་བཙོན་པ་དཔལ་ལྡན་རྒྱ་མཚོའི་ཁོང་ལ་སྤྱིར་དེང་གི་ཤེས་ཡོན་གྱི་ཐད་ནས་ཚད་ལྡན་ཡིན་པར་མ་ཟད། དམིགས་གསལ་ཁྲིམས་ལུགས་ཐད་ཧར་ལྦར་གཙུག་ལག་སློབ་གཉེར་ཁང་ནས་ཐོན་པའི་ཁྲིམས་ལུགས་མཁས་པ་ཞིག་ཀྱང་རེད་ཅེས་གསུངས་འདུག་སྟེ་དེ་གཞན་ཀྱིས་རྗེས་ཟློས་ཙམ་ལས་ཁོང་གིས་ག་འདྲ་དགོང་བ་ཡིན་ན། སྐུ་ཉིད་ཆབ་སྲིད་བཙོན་པ་སྐད་གྲགས་ཆེ་བ་ལས་གཞན་ཁོང་ཡོན་ཏན་དེ་ཚོ་ཤེས་པའི་ཤེས་ཡོན་ག་ཚོད་ཡོད་ན།
ཡང་གཞན་པ་ཞིག་གིས་གཞིས་ཆགས་ཁག་ནང་ལས་འགུལ་སྤེལ་བ་གལ་ཆེན་པོ་རེད་གསུངས་འདུག་ཀྱང་། ཁྱེད་ཚོ་ཐུགས་ཕམ་མ་གནང་དང་སྔ་ས་གོ་རྟོགས་སྤེལ་ཟིན་པ་རེད།
བློ་བཟང་སེང་གེ་གི་དྲ་རྒྱ་ཞེས་གོ་མ་ཐག་ཏུ་དགའ་སྤྲོ་སྐྱེས་བྱུང་
གྲོགས་པོ་ལྷན་རྒྱས་འདིའི་ནང་དུ་མཉམ་གཞུག་གང་མང་བྱེད་ན་ཕན་ཐུག་ཆེན་པོ་ཡོད་པ་སྨོས་མེད་རེད་
དྲ་རྒྱ་འདི་མ་འོངས་པ་བཀའ་ཤག་གི་དྲ་རྒྱ་ཞིག་ཏུ་འགྱུར་བའི་སྨོན་ལམ་ཡོད།།
དྲ་རྒྱ་འདི་མ་འོངས་པར་བློ་བཟང་སེངྒེ་ལགས་ཀྱི་བཀའ་བློན་ཁྲི་པ་ངོ་མའི་དྲ་རྒྱ་ངོ་མར་འགྱུར་བའི་སྨོན་འདུན་དང་རེ་བ་དེ་ཉག་ཅིག་ཡིན།
རྒྱུད་ལམ་འདིའི་ཐོགས་ནས་བཀའ་ཁྲིའོ་འོས་གཞི་བློ་བཟང་སེངྒ་ལ་རྒྱབ་སྐྱོར་གྱིས་ཁྱབ་སྒྲགས་གནང་མཁན། བོད་མི་རིགས་ཀྱི་འཕྲལ་ཕུགས་རྒྱང་གསུམ་ལ་དགོངས་པར་བཞེད་ཐུབ་མཁན་རླབས་ཆེན་གྱི་བློས་ཐུབ་གྲོགས་པོ་ཁྱོད་ཅག་སེམས་གཏིང་ནས་རྒྱབ་སྐྱོར་ཡོད། ཁ་བྲོ་ཚེ་རིང་།
དགའ་བསུ་ཡོད། བཀྲ་ཤིས་བདེ་ལེགས།
ཕྱོགས་གཅིག་ནས་སྲིད་དོན་སྐོར་རེད་བསམ་ན་སྐྱོ་ནི་ཞིག་རེད། ཡང་དེང་དུས་ཀྱི་འགྲོ་སྟངས་རེད་བསམ་ན་དགའ་ནི་རེད། གང་ལྟར་ཕྲན་ལ་མཚོན་ན་བོད་ཀྱི་བང་ཆེན་བློ་བཟང་སེང་གེའི་སྐོར་ལ་རྩོམ་ཡིག་བཏང་ཡོད། དེ་བསྐྱར་དུ་འདིའི་ནང་དུ་བཀོད་ན་དགག་བྱ་མེད་ཚེ་བསྐུར་རྒྱུ་ཡིན། དྲ་ཚིགས་སྒོ་འབྱེད་ལ་རྟེན་འབྲེལ་ཞུ།
དྲ་རྒྱ་དེ་འདྲ་ཞིག་སྒོ་འབྱེད་བྱས་པར་སྙིང་ཐག་པ་ནས་དགའ་བསུ་ཞུ། འོན་ཀྱང་གཞིས་ཆགས་ཁག་ཏུ་དྲ་རྒྱའི་མཐུན་རྐྱེན་ཞེ་དྲགས་ཡོད་མ་རེད་ལ་འོས་བླུགས་མཁན་མང་ཆེ་བ་གཞིས་ཆགས་ཁག་ནང་ནས་ཡོང་གི་ཡོད་རེད། བྱས་ཙང་གཞིས་ཆགས་ཁག་ཏུ་ལས་འགུལ་སྤེལ་རྒྱུ་ཤིན་ཏུ་ནས་གལ་ཆེ། དབུས་གཙང་གཙོས་པའི་གཞོན་སྐྱེས་ཚོས་བློ་བཟང་སེང་གེ་ལ་དགའ་བསུ་ཆེ་བར་འདུག་པ་འདི་དགའ་འོས་པའི་གནས་ཚུལ་ཞིག་རེད།