ཁོང་གི་ལས་ཀ་འཚོལ་བ། རྩོམ་སྒྲིག་པའི་གཏམ།

སླེབས་ལ་ཉེ་པའི་ཉིས་སྟོང་བཅུ་གཅིག
དགའ་དགོས་པ་ཞིག་གམ་ཡང་ན་སྡུག་དགོས་པ་ཤིག་ཡིན་ནམ།
མ་གཞི་དེའི་བདེ་སྡུག་ནི་བོད་མིའི་གོ་རྟོགས་སད་ཡོད་མེད་ལ་ཐུག་འདུག
གོ་རྟོགས་རྣལ་མ་ཞིག་སད་ཡོད་ན།
ཕྱོགས་ཞེན་དང་། ཉེ་རང་མེད་པའི་གཟུར་གནས་འོས་ཤོག་ཅིག་བླུག་མ་ཐུབ་ག་ལ་ཡོད།
དེ་ནི་བོད་འབངས་མི་རེ་ངོ་རེ་ནས་བསམ་བློ་སྤྱི་གནད་ཁེལ་པ་ཞིག་གཏོང་དང་མ་གཏོང་ལ་རགས་ལས་ཡོད།
འོས་ཤོག་འདི་ནི།
སྤྱི་བཏང་གི་འོས་ཤོག་ཅིག་ག་ལ་ཡིན།
མི་རིགས་ཤིག་གི་བདེ་སྡུག་གི་སྲོག་རྩ་ལ་ཐུག་ཡོད་པའི་གནད་འགག་སྙིང་གི་ཁྲག་རྩ་ལྟ་བུ་རེད།
གལ་སྲིད་ཕྱོགས་ཞེན་དང་། འཐེན་འཁྱེར། ཕྲག་དོག སོགས་ཀྱི་ལྟ་བ་དེ་སྤངས་མ་ཐུབ་ཚེ།
བལ་ཡུལ་གྱི་སྲིད་བློན་ལྟ་བུ་ཞིག་མི་ཆགས་པའི་ངེས་པ་གཏན་ནས་མེད།
ད་ལྟ་བལ་ཡུལ་ལ་སྲིད་བློན་དངོས་དེ་བསྐོ་བཞག་བྱ་མ་ཐུབ་པར་གཞུང་གི་ནང་ན་རྩོད་རིམ་པ་དགུས་ཁེངས་ནས་བསྡད་ཡོད་བཤད་ག་དགོས།
དེ་འདྲ་མི་ཡོངས་པའི་སླད་དུ་ང་ཚོས་ངེས་པར་དུ་བློ་སེམས་གཅིག་ཏུ་སྒྲིམ་ནས་འོས་ཤོག་ཇི་ལྟར་བླུག་དགོས་མིན་གྱི་གོ་བསྡུར་ཡང་ཡང་བྱེད་གལ་ཆེ།
འདི་ནི་མ་འོངས་སྔོན་འགོག་གི་ཐབས་ལམ་ཡིན་པར་སྙམ།
ང་ཚོས་ཁ་བདེ་བོ་རེ་བཤད་དེ་འདུག་རྒྱུ་མ་ཡིན་པར།
སོ་སོ་རང་ཉིད་ཀྱིས་དངོས་སུ་ལག་ལེན་ལ་འདེབས་རྒྱུ་གང་དང་གང་ཡོད་པ་དེ་དག་ལ་ཞིབ་ཕྲས་བརྩད་གཅོད་བྱས་ཏེ་མོ་རེ་ངོ་རེ་ནས་ལས་འགན་འགྲུབ་ཐུབ་པར་བྱ་རྒྱུ་ནི་ཧ་ཅང་གི་གལ་ཆེན་ནང་གི་དོན་ཆེན་ཞིག་ཏུ་མཐོང་གི་ཡོད།

དྲ་གྲོགས་ཚོས་ངེས་པར་དུ་ཉིས་སྟོང་བཅུ་གཅིག་གི་བཀའ་ཁྲི་དེ་མི་ཚུལ་རིང་ལུགས་ཀྱི་ལྟ་ཚུལ་ཡོད་མཁན་ཞིག་གདམ་དགོས་པར་གལ་ཆེན་དུ་མཐོང་། རྒྱུ་མཚན་ནི་འུ་ཚོའི་ཆེ་ས་ནས་འཇིག་རྟེན་ལྟ་ཚུལ། མི་ཚེའི་ལྟ་ཚུལ། རིན་ཐང་ལྟ་ཚུལ་སོགས་ཕལ་མོ་ཆེ་ཞིག་ལོག་ལྟ་ཉིད་དུ་སོང་ཡོད་པས་རྒྱུ་མཚན་གྱིས་འུ་ཚོས་མི་ཆོས་ཀྱི་ལས་དོན་ཅི་ཞིག་སྒྲུབ་ཀྱང་། གཏིང་མི་ཟབ་པ་དང་། གནད་མི་ཁེལ་པ། མཐའ་མི་འཁྱོངས་པའི་སྒྱིད་ལུག་སྐྱག་ཤོར་གྱི་གནས་བབ་འདིའི་འབྱུང་རྩ་དང་འགོ་ཁུངས་ཡིན་པར་ངས་འདོད། ཡིན་ནའང་། ལྟ་ལོག་པས་ལྟ་མ་ལོག་པ་ལྟ་ལོག་བལྟས་ན་འུ་ཚོའི་གོ་རྟོགས་སད་དགོས་པ་སྒུག་རྒྱུ་ལས་བྱ་ཐབས་གཞན་ཡོད་དམ?

རྩོམ་སྒྲིག་པས་གནད་ལ་ཕིགས་པའི་བསམ་ཚུལ་ཞིག་བཏོན་འདུག་མོད། བསམ་ཚུལ་དེ་ལ་སྐྱོན་མེད་པའང་མ་རེད། དཔེར་ན་༼ད་ཕྱིན་མི་དམངས་ཀྱི་ངོས་ནས་རྩོད་དགོས་པ་ནི་འོས་སུ་ལ་འཕེན་དགོས་མིན་དེ་མ་ཡིན་པར། ༽ཞེས་པ་འདི་ལ་མཚོན་ན་ཅུང་སྔ་དྲགས་པ་རེད། ད་ལྟའི་བཀའ་ཁྲིའི་འོས་མི་ཡོད་ཚད་བཀའ་ཁྲིའི་ལས་ཀ་འཇོན་པ་ཞེ་གཅིག་ཨེ་ཡིན་ནམ། དེ་ལྟར་མིན་ཚེ་ད་དུང་ང་ཚོས་བཀའ་ཁྲིའི་ལས་འགན་ཁྱོག་པ་རྣམས་གཞན་རྣམས་ལས་ཟུར་དུ་བཏོན་དགོས།
ང་ཚོས་ལས་ཀ་འཚོལ་དགོས་སའི་བཀའ་ཁྲི་ཞིག་ང་ཚོས་འདེམས་མི་རུང་། དེ་ནི་མི་དམངས་མང་པོ་ཞིག་ཡིག་རྨོངས་ཡིན་པ་དང་། དེ་ལས་མང་བ་ཞིག་ཡིག་ངོ་ཆོད་ཙམ་ལས་ཆོས་སྲིད་ཀྱི་གོ་རྟོགས་མེད་པས་ཡིན། དེ་བས་ང་ཚོས་ངས་འདི་ལས་ཐུབ། ང་ལ་འཆར་གཞི་འདི་འདྲ་ཞིག་ཡོད་ཅེས་གྲོས་ཆོད་ཅོག་ཙེའི་སྟེང་དུ་ཁུར་ཡོང་མཁན་ཞིག་འཚོལ་དགོས། བསམ་ཚུལ་ཙམ་ཡིན།

སྡེ་ཡོང་རྒྱུའི་བཀའ་ཁྲིའི་ལས་དོན་སྒྲུབ་ཕྱོགས་ནི་བཤད་ནས་བཤད་ཚོད་མི་འདུག དེ་ལས་ཁྱོད་མགྱོག་པོར་ཚོར་ཤོག་དང་དུས་བབ་ཚང་གི་ལས་འཕྲོ་ཟད་མེད་པ་ཤེས་གསལ་རེད༌༌༌༌༌

ལས་དཀའ་དང་པོ་ནི་རྒྱ་བོད་བར་དང། གཉིས་པ་ཤེས་རིག། གསུམ་པ་དཔལ་འབྱོར། བཞི་བ་གསར་སྐྲུནསོགས་རེད་མཉམ།

བསམ་ཚུལ་རྣལ་མ་ཡིན།
དགག་པ་དེ་བས་མིན།
ཧ་ཅང་ཧ་ཅང་ཐག་རིང་ན་ཡོད་པའི་ཨ་འཇིགས་ལགས།
དྲ་ཐོག་ན་རྟ་རྒྱུགས་བྱེད་མཁན་མང་པོ་འདུག་ཅེས་པའི་གཏམ་དེ་གང་འདྲ་ཡིན་ན། གཙོ་བོ་གང་ཞིག་བརྗོད་འདོད་ན།
གང་ཞིག་ལབ་བསམ་ན།
དེ་ནི་ཁྱེད་རང་གི་རང་དབང་རེད་ཅེས་ངས་བརྗོད་ཆོག
འོན་ཀྱང་། མང་པོ་མང་པོ་ཞིག་གིས་འདི་ལྟར་བསམ་ཚུལ་གསེར་གྱི་ཞུན་མ་མགྲིན་པ་ནས་སྐྱུག
དེ་ནི་དགའ་འོས་པའི་གཏམ་ཞིག་མ་ཡིན་ནམ།
བསམ་ཚུལ་ཡག་སྡུག་གཉིས་ཀ་མང་ཚོགས་ཀྱི་གྲལ་དུ་གཡུགས་དགོས་ནི་ཧ་ཅང་གི་གལ་ཆེན་རེད་བསམ་གྱིན་ཡོད།
འགྲིག་མིན་མི་ཤེས།
གཙོ་བོ་དྲ་རྒྱ་ནི་ཆེས་སྟབས་བདེ་རང་བཞིན་བསམ་ཚུལ་ལྷུག་པོར་གྲོལ་སའི་རྩེད་ར་སྙིང་རྗེ་ཞིག་རེད་ཟེར་རྒྱུ་ཡོད།
ཀུན་འདི་ལ་དགའ་མོས་བྱེད་རྒྱུ་ཡོད།
ཁྱེད་རང་ཡང་དེ་ལྟར་ཡིན་གྱི་རེད།
རྟ་རྒྱུགས་ས་མེད་པའི་དཀའ་ངལ་ལས།
རྟ་རྒྱུགས་བྱེད་མཁན་མེད་པའི་དཀའ་ངལ་རྩ་བ་ནས་ཡོད་ཀྱི་མ་རེད་བསམ།
རྟ་རྒྱུགས་བྱེད་མཁན་གྱི་ངོས་ནས་ཆགས་བཞག་ནས་བཤད་ན།
ཁ་ཤས་རྟ་རྒྱུགས་ལ་ཧ་ཅང་མཁས་པོ་དེ་འདྲ་འང་ཡོད་སྲིད་པ་རེད།
ཁ་ཤས་རྟ་རྒྱུགས་ལ་དེ་ཙམ་མཁས་པོ་མེད་ནའང་།
རང་ཉིད་ཀྱི་འདོད་རིགས་རྟ་བོ་དེ་ཞོན་ནས་རྟ་རྒྱུགས་ཐང་ཆེན་དུ་སླེབས་པ་ཙམ་གྱི་དགའ་བསུ་ཞུ་དགོས་པ་ཤིག་རེད་བསམ་ཡོད།
དེ་ལ་རྒྱབ་སྐྱོར་བྱེད་མ་ཐུབ་ན་འང་།
དགག་པ་དང་སྐྱོན་བརྗོད་རྩ་བ་ནས་བྱེད་རྒྱུ་མི་འདུག་སྙམ།
དེ་ནི་ཤེས་བྱའི་ཐང་ཆེན་བགྲོད་པའི་བཀག་རྡོ་ལྟ་བུ་ཆགས་རྒྱུ་རེད་བསམ་རྒྱུ་འདུག་གཙོ་བོ་དེའི་ཕྱོགས་ལ་སྨྱུག་ཐོག་ཚོས་ངེས་པར་དུ་རམ་འདེགས་གང་ལེགས་གནང་རྒྱུ་དེ་ངའི་རེ་བ་དང་།
འབོད་སྐུལ་ཙམ་ཡིན།
ལག་ལེན་ལ་བསྟར་མ་བསྟར་དེ་ཁྱེད་ཅག་གི་བསམ་པའི་ཀུན་སློང་ལ་རག་ལས་ཡོད།

དགའ་བསུ་ཡོད།

དྲྭ་ཐོག་ན་རྟ་བཞོན་མང་པོ་ཞིག་ཡོད་མོད། དེ་རིང་སླེབས་མི་འདུག་ག
བསམ་ཚུལ་ཧ་ཅང་སྙིང་རྗེ་བོ་ཞིག་དང༌། ཁ་རི་ཁ་ཐུག་ཤིག ཡང་གནད་ལ་ཁེལ་བ་ཞིག་ཀྱང་འདུག དགའ་བསུ་དང་མོས་མཐུན་ཡོད།

བདེན་པ་དང་གནས་ལུགས་ཡོད་ན། ང་ཚོས་ངེས་པར་དུ་གུས་རྩི་དང་ཡིད་རིངས་བྱེད་དགོས་པ་ཧ་ཅང་གི་གལ་ཆེན་ནང་གི་དོན་ཆེན་ཞིག་མཐོང་སོང༌།་ ཁྱེད་རྩོམ་སྒྲོག་པས་ད་རེ་གསུང་བ་འདི་དངོས་ནས་གནད་དུ་ཁེལ་པའི་སྐད་ཆ་རེ་བཤད་འདུག དགའ་བསུ་ཡོད།
དུ་དུང་མུ་མཐུད་ནས་འདི་འདྲ་འགའ་གསུང་ཐུབ་ན་ནད་གསོས་ཀྱི་སྨན་དུ་གྱུར་ཡོད་ཅེས་དམངས་ཚོགས་ཀྱིས་ཁ་གཅིག་གྲག་བྱེད་རྒྱུ་འདུག་ཅེས་ངས་སྐད་གསེངས་མཐོན་བཤད་པ་ཡིན།

ཁ་ཡོད་ལག་ཡོད་ཀྱི་གཏམ་ཞིག་གསུངས་འདུག སྙིང་ཐག་པ་ནས་རྒྱབ་སྐྱོར་དང་འདི་ལྟ་བུ་དོན་དངོས་དང་མཐུན་པའི་བསམ་ཚུལ་ལ་ཀུན་གྱིས་དོ་སྣང་ངེས་པར་དུ་བྱེད་གལ། གཞན་མུན་ནག་སྦར་ཡུག་དེ་འདྲ་སྤེལ་པར་དགོས་པ་ཆེར་མ་མཐོང་ངོ་།།