ཞབས་འདྲེན་ཞུ་གི་འདུག

ྤྱིར་བཏང་ངས་གླེང་མི་དགོས་པ་ཞིག་རེད།
ཡིན་ནའང་ཉག་ཕྲ་པའི་དུས་སྐབས་འདིར།
བོད་མིའི་ནང་ལོག་ལ་ཁ་རྩོད་དང་ཞེ་སྡང་གིས་འཚིག་པའི་ཚིག་ཚོགས་འགའ་ཕན་ཚུན་ལ་འདེབས་རེ་བྱས་པ་ཡིན་ན་ཕན་པ་ཅི་ཡོད། དེ་བས་མཐུན་སྒྲིལ་གྱིས་དཔུང་བ་མཉམ་གཤིབ་བྱས་ན་མི་བཟང་ངམ།

བོད་ཡིག་བཀོལ་སྤྱོད་ཀྱི་ས་རྒྱ་ཆུང་པའི་སྐབས་འདིར་དུས་བབ་དྲ་ ཚིག་གི་ང་ཚོར་བསྐྲུན་པའི་རྨད་དུ་བྱུང་པའི་གོ་སྐབས་བཟང་པོ་འདི་ང་ཚོ་སྨྱུག་ཐོག་པ་ཞིག་ཡིན་ཕྱིན་བེད་སྤྱོད་གང་ལེགས་གཏོང་པའི་ཕྱོགས་ལ་འབད་བརྩོན་གནང་ན་མི་བཟང་ངམ།

འདི་འདྲའི་རྩེད་ར་སྙིང་རྗེ་བོ་ཞིག་དང་། སྟབས་བདེ་བོ་ཞིག འཐད་ཀར་བསམ་འཆར་གང་ཡོད་ལྷུག་པོར་གྲོལ་སའི་ཁོར་ཡུག་གསེར་གྱི་ལྡུམ་ར་འདི་ལ་གཅེས་སྤྲས་བྱས་ཏེ་རྩོམ་ཡིག་ཀྱང་དེང་དུས་ཀྱི་འགྲོ་སྟངས་དང་མཐུན་པའི་ཤེས་རིག་གི་རྩལ་གྱི་མན་ངག་རེ་གནང་ཐུབ་ན་ཅི་མ་རུང་སྙམ་གྱི་ཡོད།

གཙོ་བོ་ངས་བཤད་རྒྱུ་དེ་ནི་སུ་ལ་བདེན་པ་ཡོད་པ་དང་། སུ་ལ་བདེན་པ་མེད་པ་དེ་ང་ཚོ་སུས་ཀྱང་ཚིག་ཐག་བཅད་ནས་ཤོད་རྒྱུ་ཞིག་མིན་པ་ཁྱེད་ཅག་སྨྱུག་ཐོག་པ་རྣམས་ཀྱིས་གསལ་བོར་ལོས་མཁྱེན།
དེ་འདྲ་སོང་ཙང་།གཞིས་བྱེས་བོད་མི་ལྷན་འཛོམས་ཡོང་ཐབས་ཕྱོགས་ལ་འབད་པས་དཀའ་བ་སྤྱད་རྒྱུ་དང་།དེའི་ཕྱོགས་ལ་ཐབས་གཞན་གང་གང་འདུག་བསམ་འཆར་མང་ཙམ་བཏོན་སྟེ་རིག་པའི་རྩལ་གྱིས་ནུས་ཤུགས་འདོན་པ་ཡིན་ན་ཅི་འདྲའི་དགའ་ལའང་།

དེ་འདྲ་མ་གནང་བར་ཡི་གེ་ཕྲན་བུ་འབྲི་ཤེས་པ་དང་། མི་རིགས་ནང་ཁུལ་ལ་ཚིག་མཚོན་འདེབས་རྒྱུ་ལས་གཞན་པའི་ཕན་སེམས་དང་ཆིག་སྒྲིལ་འོངས་ཐབས་ཀྱི་ལམ་རྩ་་བ་ནས་སྟོན་རྒྱུ་མི་འདུག
བསམ་བློ་ཞིབ་མོར་གཏོང་དང་། བདེན་ནམ་མི་བདེན།
གལ་སྲིད་འདི་ལྟར་རྩོམ་རིག་གི་ཐང་ཆེན་དུ་ནང་མེས་ཀྱི་ཁྲག་དྲི་ཁ་རུ་བཅུགས་ན་རྩོམ་རིག་གི་ལས་ལ་སྤྲོ་བའི་མཁྱེན་ལྡན་དག་གི་བློ་མི་ཕམ་མམ།དེ་མ་ཟད་ད་དུང་གསར་དུ་རྩོམ་རིག་གི་ཐང་ཆེན་དུ་ཞུགས་མཁན་རྣམས་ཀྱིས་ཀྱང་གོམ་སྟབས་མདུན་དུ་མ་སྤོས་པར་ཡིད་ཐང་ཆད་དུ་བཅུགས་ན་ག་ལ་འགྲིགས་ཏེ་མི་འགྲིགས་པ་ལོས་ཤེས།

གང་ལྟར་མང་པོ་བཤད་རྒྱུ་མིན། མི་གོ་བ་ཅན་ལ་ཚིག་གཅིག།
རྟ་འགྲོ་བ་ཅན་ལ་ལྕགས་གཅིག། ཅེས་པའི་དཔེར་བཞིན་རེད།

༸གོང་ས་མཆོག་གི་བཀའ་སློབ་འདི་དག་ལ་བསྟེན་ནས་ང་ཚོས་རང་ཉིད་ཀྱི་མི་གཤིས་ལ་ཁ་ནང་ལ་བསྐོར་ཏེ་བལྟ་རྒྱུ་ཡང་བརྗེད་མི་ཉན་པ་ཡིིན་ནོ།

ངུར་སྨིག་མདོག་གིས་བསྒྱུར་བའི༎བླ་མ་ཡོད་རྒྱུ་ཡིན་ན༎མཚོ་སྟོད་གསེར་བྱ་ངང་པས༎འགྲོ་བ་འདྲེན་པ་འདུག་གོ༎
གཞན་ཚིག་རྗེས་ཟློས་བྱེད་པས༎བསླབ་གསུམ་བསྟན་པ་འཛིན་ན༎སྨྲ་མཁན་ཨ་བོ་ནེ་ཙོས༎བསྟན་པ་འཛིན་པ་འདུག་གོ༎
གཞས་འདི་ཚངས་དབྱངས་རྒྱ་མཚོའི་མགུར་གླུའི་གྲས་རེད་ཟེར་བཞིན་འདུག་པས་ངས་འདིར་དེ་ག་ཙམ་དུ་གྲོགས་པོ་ཚོར་ཕུལ་བ་ཡིན།

སྐལ་བཟང་རབ་རྒྱས་ལགས། ང་ཅོ་རི་བོད་མི་དམངས་ཀྱི་ཆེད་དུ་ཤི་མི་ཐུབ་པ་བདེན་ནོ་ཞུ་རྒྱུ་ཡིན།
ཁྱེད་ཀྱིས་ངས་བྲིས་པ་དེར་ཡག་པོ་བྱེད་ནས་གཅིག་ཀློག་དེ་ནས་དགག་པ་རྒྱག་རོགས།
《ཡང་བསྐྱར་ཞུ་ཡ་གཅིག་བཙན་བྱོལ་བོད་མི་ཉམ་ཐག་ཚོའི་འཚོ་བའི་ལྟ་གོས་ཀྱི་ཆེད་དུ་རང་སྲོག་དོར་དགོས་བྱུང་ན་འགྱོད་པ་མེད་པར་བསམ་བློ་སྔོན་ལ་གཏང་ནས་བསྡད་ཡོད།》ཚིག་འདིའི་ནང་ང་བོད་མི་མང་ཆེད་དུ་ཤི་གི་བྲིས་པས།ཧ་ཧ་ཧཧཧཧ

ཐུགས་རྗེ་ཆེ་དུས་བབ་གསར་བཀོད་པ་ཚོ། ཁྱེད་རྣམ་པས་བཀའ་དྲིན་ལ་བརྟེན་ནས་བོད་མི་ཉམ་ཐག་ཚོའི་མངོན་འདོད་བཤད་པ་གོ་སྐབས་ཐོབ་པར་ཧ་ཅང་དགའ་པོ་ཡོད།

ཡང་བསྐྱར་ཞུ་ཡ་གཅིག་བཙན་བྱོལ་བོད་མི་ཉམ་ཚོའི་འཚོ་བའི་ལྟ་གོས་ཀྱི་ཆེད་དུ་རང་སྲོག་དོར་དགོས་བྱུང་ན་འགྱོད་པ་མེད་པར་བསམ་བློ་སྔོན་ལ་གཏང་ནས་བསྡད་ཡོད།
བོད་པའི་སྤྱི་ཚོགས་ནང་དུ་མི་ནག་ཆགས་ཀྱང་དེ་ལས་འགྱོད་པ་ཙམ་སྤུ་མེད།
ཤེས་སོང་ངམ་་་་མི་ཉག་བཙན་པོ་ལགས་་་་རང་ཐག་རང་བཅད་ཀྱི་གྲལ་སྒྲིག་བྱས་ནས་བོད་མི་ཉམ་ཐག་ཚོའི་ཆེད་དུ་མུ་མཐུད་ནས་འཐབ་རྩོད་བྱེད་ངེས་ཡིན།
ཆད་ལྷག་ཤོར་འདུག་པས་གསར་དུ་བཀོད་ཡིན།

མི་ཉག་བཙན་པོ་ལགས་ཁྱོད་ཀྱིས་ཁྲིམས་འགལ་རེད་ཟེར་བ་རྣམས་གཅིག་ཀྱང་ཁས་ལེན་བྱེད་ཀྱི་མིན། ཁྱོད་ལས་ལྷག་པ་ཁྲིམས་ལུགས་ལ་ཞིབ་འཇུག་བྱས་མཁན་སུད་སི་རྒྱལ་ཁབ་ཡོད་རེད། གལ་སྲིད་ཁྱོད་རང་ཁྲིམས་གཏུག་བྱ་འདོད་ཡོད་དང་དངོས་ཡོད་བདེན་དཔང་ཡོད་ན་ཕེབས་ཤོག
ང་ཅོ་རི་ཤི་སྲོག་ལ་ཐུག་ཀྱང་ཕྱི་ནུབ་མི་བྱེད་ཐག་ཡིན། གཞན་ཧམ་བཤད་བསྒྲགས་མ་བསྡད།་་་ཧ་ཧཧ་ཧཧ་

ན་ནིངས་ལུས་ལ་སངས་རྒྱས་ཀྱི་མནའ་བཟའ་གྱོན་པའི་གྲྭ་ལོག་གམ་གྲྭ་འརྫུན་ཞིག་གིས་རྒྱ་གར་དུ་ཡོད་པའི་ཨ་རིའི་གཞུང་ཚབ་ཁང་ནས་ཁོ་བར་ཨ་རིར་འགྲོ་སྐྱོད་ཆོག་པའི་ཐོབ་ཐང་ལག་ཁྱེར་མི་སྤྲད་པས།
ཁོ་བས་དེར་རྡོ་ཞུས་པ་རེད་ཞེས་པའི་གསར་འགྱུར་ཞིག་གང་སར་ཁྱབ་སོང།
དངོས་གནས་དེ་ནི་མཉམ་མེད་སྲས་ཚང་སྲས་པོས་ང་ཡི་བསྟན་པ་ཟབ་མོ་འདི་ནི་གཞན་གྱི་འཇིག་པར་མི་ནུས་ཏེ།ང་མིན་ང་འདྲ་ཞིག་གིས་བཤིག་ཞེས་པའི་གངམས་ངག་ལྷང་ལྷང་དྲན་བྱུང་།

གསར་བཀོད་པ་དོན་གོ་ལགས་ངས་ནོར་འདུག་་་་་ཚིག་དེ་ཚང་གི་འདུག་པས་དགོངས་འགལ་མེད་པ་ཞུ་རྒྱུ་ཡིན།

དྲ་གྲོགས་གཞུང་དྲང་པོ་དང་kunsal་སྟག་སྨྱོན་རྣམ་གསུམ་གྱིས་བསླབ་བྱ་གནང་ཐུགས་ཆེ་ཞུ་རྒྱུ་ཡིན། བསླབ་བྱ་ཡག་པོ་ཞིག་རག་སོང་།

དུས་བབ་གསར་བཀོད་པ་གོ་དོན་ལགས།
ཁ་སང་གི་གསར་འགྱུར་ནང་དུ་ཚིག་འགའ་ཞིག་དེ་རིང་མཐོང་ཡ་མི་འདུག་པས་གསལ་བཤད་ཤིག་གནང་རོགས་ཞུ་རྒྱུ་ཡིན།

ངེད་ཀྱིས་གོ་ཐོས་བྱུང་བ་ཞེས་པའི་ཚིག་དེ་ག་པ་ཕྱིན་པ་རེད། གཅིག་གསུང་རོགས།

སྐྱབས་བཅོལ་དུ་འབྱོར་ནས་ད་བར་༧གོང་ས་མཆོག་གིས་འུ་ཚོའི་ཟ་སྟངས་འཐུང་སྟངས། འགྲོ་སྟངས། འདུག་སྟངས། ཆས་གོས་གྱོན་སྟངས་སོགས་ཕ་མས་ཕྲུ་གུ་ལ་གདམས་པ་ལས་ལྷག་ཅིག་གསུང་འགག་འགག་དང་མིད་པ་ཚ་ཚ་བར་དུ་ཐེངས་མ་སྟོང་ཕྲག་མང་པོར་གདམས་ཚར་བ་རེད། སྤྱིར་ཁོང་གི་ཅི་གསུངས་བརྒྱ་ཆ་བརྒྱ་ནས་ཡང་དག་པ་ལོས་ཡིན། ད་རེས་ཕྱི་རྒྱལ་དུ་འགྲོ་མཁན་གྲྭ་བཙུན་མང་པོ་ཞིག་གིས་ཞབས་འདྲེན་ཞུ་ཡི་འདུག་གསུངས་པ་ཡང་ལོས་བདེན། ཉིས་སྟོང་བརྒྱད་ལོར་༧གོང་ས་མཆོག་སྐུ་ངོ་མས་ཨ་རིའི་གཞུང་ཚབ་ཁང་ལ་དགོངས་དག་ཞུས་པ་ཡང་གྲྭ་བཙུན་རེ་ཟུང་གིས་བཟོས་པའི་དོན་གནད་ཅིག་ལ་ཐུག་ཡོད་པ་ཀུན་གྱིས་ཤེས་ཡིན། ཡིན་ན་ཡང་དེ་ལྟའི་ཞབས་འདྲེན་ཞུ་མཁན་གྱི་གྲྭ་བཙུན་གཅིག་པུ་མིན་པ་འདི་ཡང་ཤེས་དགོས།

༧གོང་ས་མཆོག་གིས་གསུངས་པ་དེ་ཚོ་ཕལ་ཆེར་མང་ཆེ་བ་གྲྭ་ཆས་གྱོན་པའི་གྲྭ་པ་རྫུན་མ་ཡིན་གྱི་རེད།
གང་ཕྱི་རྒྱལ་འགྲོ་མཁན་གྱི་ནང་ནས་རྣམ་པ་གཉིས་འདུག གཞིས་ཆགས་ནས་འཚར་ལོངས་བྱུང་བ་དང་། བོད་ནས་ཡོང་བའི་གསར་འབྱོར་སྤང་གོག་དེ་ཚོ་རེད། གསར་འབྱོར་སྤང་གོག་དེ་ཚོ་ཁག་མི་འདུག འདིར་གཉེན་ཉེ་ནི་མེད། ནང་ནི་མེད། ཁང་པ་ནི་མེད། བོད་གཞུང་གི་གཞུང་ཞབས་བྱེད་བསམ་ཀྱང་གཅིག་གཅིག་མག་མག་ཀོག་ཀོག་གི་ལག་ཁྱེར་མེད་ན། གཞུང་ཞབས་བྱེད་པའི་ལམ་ཁ་ནི་མི་འདུག སོ་སོ་སྒེར་གྱི་ཟ་ཁང་དང་ཚོང་ཁང་འདྲ་ཟིན་ཐུབ་ན་མ་གཏོགས། འཚོ་བ་བརྟེན་ས་ཞིག་རག་རྒྱུ་ཁག་པོ་རེད། གཞུང་འབྲེལ་མ་ཡིན་པའི་ཚོགས་པ་ཁག་གི་ནང་དུ་གནས་སྐབས་ཀྱི་ལས་ཀ་བྱེད་མཁན་ཚོའང་གནས་སྐབས་ཙམ་ཞིག་རེད།
འོན་ཀྱང་གཞིས་ཆགས་རྣམས་དེ་འདྲ་མ་རེད། སོ་སོའི་ནང་ཡོདཔ་མ་ཟད། ས་ཞིང་དང་ཁང་པ་ཡོད་པ་རེད། རྐང་པའི་སྒང་ནས་ལངས་བསམ་ནའང་ལངས་ས་ཞིག་ཡོད་རེད། ད་དུང་སུད་ཀྲར་བཙོང་བར་འགྲོ་སའི་ཁྲོམ་ས་དང་། ས་ཆ་ཞིག་ཀྱང་རག་གི་ཡོད་རེད། དེར་བརྟེན་ཕྱི་རྒྱལ་དུ་དམིགས་བསལ་འགྲོ་དགོས་དོན་ཞིག་མེད་པ་འདྲ་པོ་རེད།
ཡིན་ན་ཡང་ཚང་མ་དཔལ་འབྱོར་ལ་དགའ་ཐག་ཆོད་པ་ཡིན་ནམ་ཡང་ན། འུ་ཐུག་པ་ཡིན་མི་ཤེས། གང་ལྟར་ཕྱི་རྒྱལ་དུ་འགྲོ་རྒྱུ་ནི་ཚང་མའི་རྨི་ལམ་འདྲ་ཞིག་རེད།

ཅོ་རི་ཁྱེད་ཀྱིས་༧གོང་ས་མཆོག་གི་གསུངས་མོས་མཐུན་མེད་པའི་རྣམ་འགྱུར་བསྟན་འདུག་ལ་རྒྱུ་མཚན་ཁ་ཤས་ཀྱང་བགྲང་ཁུལ་བྱས་འདུག ཁྱེད་ཀྱིས་བཤད་པ་དེ་ཚོ་བདེན་ཤད་གཏན་ནས་མེད་པ་མ་རེད། འོན་ཀྱང་ཁྱེད་ཀྱིས་ཁྱེད་རང་ཕ་ཡུལ་གཅིག་པ་རང་གི་ཉེ་འཁོར་ན་ཡོད་པ་ཁ་ཤས་ཀྱི་ཆེད་དུ་བཤད་ཀྱི་ཡོད་སྲིད། ཁྱེད་རང་ཡོད་སའི་ཡོ་རོབ་ནང་བོད་མིས་མི་བསད་པ་དང་གྲི་བརྒྱབ་པ། ཤོ་བརྒྱག་པ། རྐུ་བརྒྱབ་པ་དང་ཐ་མ་ནག་པོ་འཐེན་མཁན་དང་རྟག་པ་ར་བཟི་མཁན་ཡོད་མེད་བརྩད་གཅོད་གནང་རོགས། བརྒྱ་ཆ་ག་ཚོད་ཡིན་མིན་བཤད་མི་ཐུབ་ཀྱང་སྔར་ལོ་ལས་ད་ལོ་མང་བ་དང་། ད་ལོ་ལས་སང་ལོ་མང་བ་བཤད་ཐུབ་ཀྱི་འདུག ཁྱེད་རང་གིས་ནོར་འཁྲུལ་བྱེད་ཀྱི་མེད་ན་ཡག་པོ་རེད། འོན་ཀྱང་བོད་མིའི་བྱ་སྤྱོད་ལ་སྤྱི་ཡོངས་ཀྱི་ཆ་ནས་མི་ཚོའི་རྣམ་འགྱུར་ལོག་འགྲོ་གི་ཡོད་པ་བདེན་པ་རེད། བོད་ཡག་པོ་གཅིག་ཀྱང་མི་འདུག་སུས་ཀྱང་ལབ་ཀྱི་མི་འདུག

༈ རྩོམ་པ་པོ་སྒོ་ཡོན་ལགས་དོན་མེད་མཚནགཅིག་རིང་བཙོན་འཇུག་གཅར་རྡུང་བྱས་པའི་སྐོར།
སྒོ་ཡོན།
དེ་རིང་དངོས་སུ་རང་ཉིད་ཀྱི་མིག་གིས་མཐོང་ཞིང་ལུས་ཀྱིས་མྱང་བའི་གནད་དོན་ཞིག་དྲང་ལམ་གྱིས་བཤད་རྒྱུ་ཡིན་ལ།དྲང་གཏམ་འདི་ནི་ཚེ་སྲོག་བདེན་དཔང་དུ་བཞག་ཅིང་འཚོ་ལམ་མདུན་ངོས་སུ་བཤམས་ནས་བརྗོད་རྒྱུ་ཡིན་པ་ལས།སྒྱུ་རྩལ་བཞེངས་སྐྲུན་དང་ཀློག་མཁན་གཡོ་བྲིད་ཀྱི་ལས་སྟངས་ཤིག་ལར་ནས་མིན།སྐད་ཆ་འདི་དག་ནི་རང་ཐོག་ཏུ་བབས་ཏེ་རང་རྐྱང་གིས་བཤད་པ་ཡིན་པས་མགོ་མཇུག་གི་དོན་དག་ཆ་ཚང་རང་ཉིད་ཀྱིས་འགན་ཁུར་བྱེད་རྒྱུ་ཡིན།

གཞན་ཁོ་བོ་ཅག་གི་ཉིན་གཅིག་གི་མྱོང་བ་འདིས་ཁོ་བོ་ཅག་དང་འདྲ་བའི་སྤུན་མི་གང་མང་ཞིག་གི་ཚེ་ལུས་གཅིག་གི་གནས་སྟངས་ལ་སྔོན་དཔག་བྱེད་ཐུབ་པ་མ་ཟད།འདི་ལས་ནང་མི་དག་གི་ཕྱོགས་སུ་མིག་འཚོ་གནང་བའི་རྒྱང་ཐག་རིང་ཐུང་གི་གཉེན་བཤེས་བློ་རྣོ་ཅན་དག་དང༌།སུ་ཞིག་གི་ཐོབ་ཐང་ལ་སྲུང་སྐོར་བྱེད་མཁན་གྱི་སེམས་དཔའི་མི་ཚོགས་རྣམས་ཀྱིས་མངོན་ཟུར་ཅི་རིགས་ནས་མཐོང་དགོས་པ་དང་རྙེད་པར་འགྱུར་བའི“གསར་འགྱུར”དོན་བླུགས་མ་འགའ་རེ་ཡང་རག་སྲིད་ལ།

དེ་བཞིན་ཉེ་སྔོན་ཁོ་བོ་ཅག་གི་གནས་ཚུལ་དྲྭ་ལམ་དང་བརྙན་ལམ་སོགས་རྒྱལ་སྤྱིའི་སྟེང་ལ་ཁྱབ་སྤེལ་བྱས་དང་བྱེད་བཞིན་པའི་བསམ་དཀར་བསམ་གནག་དུ་མའི་སྐད་དོན་ཇེ་གསལ་དུ་གཏོང་བ་སོགས།དོན་དག་དངོས་བྱུང་ཡིན་ཚུལ་རང་ཉིད་ཀྱིས་དངོས་སུ་ར་སྤྲོད་བྱེད་རྒྱུ་ཡིན་པས་ཕྱི་ནང་གི་འགྲོ་མི་ཡིག་ཀློག་པ་དང་འགྲོ་མི་ལྟ་ཞིབ་པ་དག་གིས་ཐེངས་གཅིག་ལྟ་རོལ་བྱེད་པའི་རེ་སྐུལ་ཡང་སྙིང་ནས་ཞུ་ཀི་ཡོད།

￣ཐོག་མའི་སྐད་ཆ།

མི་རིང་བའི་སྔོན་དུ་སྒེར་དོན་ཆུང་ངུ་ཞིག་དང་སྤྱི་དོན་ཙག་ཙིག་རེའི་ཆེད་དུ་ཨ་མདོ་ཟི་ལིང་དུ་ཕྱིན་ཞིང༌།ཟི་ལིང་ནས་ཕྱིར་ལྡོག་སྟེ་ཉིན་འགའ་ལ་ཁྲིན་ཏུའུ་ནས་ངལ་གསོ་བྱས་རྗེས་ཕྱིར་སློབ་གྲྭར་ལོག་རྩིས་ཡོད།ཁྲིན་ཏུའུ་ནི་རྒྱ་མིའི་གྲོང་ཁྱེར་དག་གི་ཁྲོད་ན་སྤུས་གྲངས་ཐད་ནས་གོ་གནས་མཐོ་ཙམ་བཟུང་བའི་གྲོང་ཁྱེར་ཆེ་ཁག་ཅིག་ཡིན་ལ།གནས་འདིར་མི་ཚོགས་ཀྱི་འཚང་ཀ་དང་རླངས་འཁོར་གྱི་འགྲོ་འོང་སོགས་ནི་ལྟོས་བཅས་ཀྱིས་དཔག་ཡས་པ་ཞིག་རེད།

སྤྱི་ཟླ་དྲུག་པའི་ཚེས་ལྔ་ཉིན་གྱི་དགོང་མོར་སྔོན་དུས་སློབ་གླིང་ནས་ལོ་ངོ་དྲུག་བདུན་ཙམ་ལ་འཚོ་བ་མཉམ་དུ་བསྐྱལ་ཞིང༌། རིག་གནས་ཀྱི་བྱེད་སྒོ་དང་སྤྱི་ཚོགས་ཀྱི་ལས་དོན་མི་ཉུང་བ་ཞིག་ལ་དཀའ་བ་ལྷན་དུ་སྤྱད་མྱོང་བའི་ལས་གྲོགས་དམ་པ་ཧོར་ཐུབ་བསྟན་དགེ་འདུན་ལགས་དང་སློབ་གྲོགས་རྙིང་བ་ཤེས་རབ་ཟུང་དང་བཅས།ཁྲིན་ཏུའུ་བོད་མིའི་ཁྲོམ་གྱི་ཤར་ལྷོའི་མཚམས་སུ་ཡོད་པའི“ཨ་ཅག་ལགས་བོད་ཟའི་ཁང”གི་སྒོ་འགྲམ་དུ་བསྲེགས་ཟས（BBQ）བཟའ་རུ་ཕྱིན་པ་ཡིན།

དུས་ཚོད་བཅུ་གཉིས་དང་སྐར་གྲངས་ཉེར་བརྒྱད་ལ་ཐོན་འདུག་ཅིང༌།བསྲེགས་ཟས་ར་བ་རུ་བསྲེགས་ཟས་བཟོ་མཁན་གྱི་རྒྱ་མི་ཕོ་མོ་ལོ་ལོན་གཉིས་དང་གཞན་བསྲེགས་ཟས་བཟའ་བའི་ཕོ་གཞོན་གསུམ་བཞི་ཙམ་ལས་གཞན་སུ་ཡང་མི་འདུགཁོ་བོ་ཅག་དང་རྒྱང་ཐག་མི་རིང་བའི་ལམ་སྣེ་ཞིག་ཏུ་ཁྱོགས་འཁོར་དཀར་བོ་ཞིག་འདུག་ལ།བལྟས་ཚོད་ལ་དེ་ཡི་ནང་ནས་མི་གཉིས་ཀྱིས་ཁོ་བོ་ཅག་གི་ཕྱོགས་སུ་གསང་ལྟ་བྱེད་བཞིན་ཡོད་པ་འདྲ།ཁོ་བོའི་སེམས་སུ་ཉེ་འཁོར་གྱི་སྐྱེས་པ་དེ་དག་ལ་ལྟ་རྟོག་བྱེད་པ་ཨེ་ཡིན་ནམ་སྙམ་པ་ལས་དོགས་གཞི་གཞན་གང་ཡང་སྐྱེས་མ་ཐུབ།
དེ་ནས་ཁོ་བོ་ཕར་འཁོར་ནས“ང་ཚོའི་བསྲེགས་ཟས་རྣམས་ཤ་དང་མཉམ་དུ་བསྲེག་མི་རུང”བར་བཤད་བཞིན་པའི་སྐབས་དེར།གློ་བུར་དུ་རྒྱབ་ཀྱི་གཞུང་ལམ་ནང་རླངས་འཁོར་དཀར་པོ་གཅིག་དང་ནག་པོ་གསུམ་བཅས་ཁྱོན་སྡོམ་རླངས་འཁོར་བཞི་ཐོན་སོང་ལ།དེ་མ་ཐག་དེ་དག་ལས་དམག་ཆས་དང་ཉེན་དཔང་ཡི་གེ་སོགས་གང་ཡང་ཐོགས་མེད་པའི་རྒྱ་ཕོ་བཅོ་ལྔ་ཡས་མས་སར་བབས་ཏེ་ངེད་ཅག་གི་སྟེང་དུ་མཆོང་ཡོང༌།

ང་ཚོས་ཅི་ཡིན་འདི་ཡིན་མ་གོ་བའི་སྐབས་དེར་ཁོ་ཚོ་རེ་རེ་བཞིན་ངེད་གསུམ་གྱི་རྐང་བ་དང་ལག་པ་རེ་རེ་ལ་འཐམ་བྱུང་ལ།དེ་དག་ལས་འགའ་རེས་ལྕགས་དབྱུག་སྨིད་ཕྱེད་ལ་ལོངས་པ་ཞིག་གིས་མགོ་དང་ཡན་ལག་དག་ལ་བར་ཁྱད་མེད་པར་བསྣུན་བྱུང་བ་མ་ཟད།ཁ་ཅིག་གིས་མིག་དང་རྣ་སོགས་ལ་གཏད་དེ་སྦྲིད་རྫས་ཁྱད་པར་ཅན་ཞིག་ཀྱང་གཏོར་འོང༌།ང་ཚོས་འཕྲོག་བཅོམ་པའམ་ནག་ཚོགས་ཤིག་ཡིན་པར་འདོད་དེ་གསིག་འཐེན་འགའ་ཞིག་བྱས་ན་ཡང༌།ང་ཚོ་རེ་རེ་ལ་མི་དྲུག་བདུན་ལྷག་གིས་མནན་རྡུང་བྱས་འོང་བས་ཁ་ཡ་འདང་ཐབས་མི་འདུགདེ་འཕྲལ་ང་ཚོའི་ཉེ་འཁོར་དུ་མེ་མདའ་མང་བོ་འཕང་བྱུང་ལ་ལམ་འགྲམ་དུ་ཉེན་རྟོག་པའི་རྟགས་ཅན་གྱི་རླངས་འཁོར་རེ་གཉིས་ཀྱང་ཐོན་འདུག

སྐབས་དེར་ང་ཚོས་ཉེན་རྟོག་མི་སྣ་ཡིན་པ་ཤེས་ནས་འཐེན་ཁྱེར་མ་བྱས་པར་སེམས་ལྷོད་ལ་ཅུང་བབས་ན་ཡང༌།ཁོ་ཚོས་ངེད་ཅག་གི་ལག་པ་བཙན་གྱིས་རྒྱབ་ལ་གཅུས་ཏེ་ལྕགས་སྒྲོག་བཟོད་དཀའ་བ་ཞིག་གིས་བསྡམ་འོང་ལ།མགོ་བོ་རྡོ་བཅལ་ཐང་དུ་མནན་ནས་རྐང་མགོས་གང་འདོད་དུ་གཟས་བྱུང་བས་མི་ཚད།སྦྲུད་རྫས་གཏོར་ཞོར་དུ་ཁུ་ཚུར་བཅངས་ཏེ་ཤུགས་ཆེན་པོས་བསྣུན། ཁོ་བོའི་ཁ་དང་སྣ་ལས་ཁྲག་དམར་བཞུར་ཞིང་ལུས་ཡོངས་ལ་ཚ་ཚོར་རྒྱས་དྲགས་པས་དབུགས་ཀྱང་འབྱིན་དངུབ་མི་ནུས་པའི་ཚད་དུ་ཐོན།

གོམ་པ་ལྔ་ཡས་མས་ཀྱི་མཚམས་སུ་གྲོགས་པོ་ཧོར་ཐུབ་བསྟན་དགེ་འདུན་ལ་ལྕགས་དབྱུག་གིས་གཞུས་ཀྱིན་པའི་སྒྲ་ནི་རྣ་བས་མི་བཟོད་པ་ཞིག་རེད་ལ།ཁོང་གིས་འཁུན་སྒྲ་འབྱིན་པའི་སྒྲ་ལས་ཁོ་བོའི་སེམས་སུ་ད་ནི་གྲོགས་པོ་བསད་བཞག་ཡོད་ས་རེད་འདོད་བྱུང༌།དེ་ནས་སྐར་མ་ལྔ་ནས་བཅུ་ཡས་མས་ཀྱི་རིང་ལ་ང་ཚོ་འདོད་འདོད་ཅིག་གཅར་རྡུང་བྱས་རྗེས།ཁོ་བོ་ཁྱོགས་འཁོར་དཀར་བོ་ཞིག་གི་ནང་དུ་དྲུད་སོང་ལ།གྲོགས་པོ་ཧོར་ཐུབ་བསྟན་དགེ་འདུན་ལ་ལྷམ་ཆ་ཡས་ཀྱང་གྱོན་དབང་མ་བྱིན་པར་རླངས་འཁོར་ནག་པོ་ཞིག་ཏུ་དྲུད་སོང༌། དེ་བཞིན་དུ་གྲོགས་ཤེས་རབ་ཀྱང་རླངས་འཁོར་ཆུང་ངུ་ཞིག་ཏུ་ཁྱེར།

སྐབས་ཐོག་དེར་ང་ཚོའི་ཉེ་འཁོར་དུ་མི་ཉི་ཤུ་ཡས་མས་འབྱོར་བྱུང་ལ་མང་ཆེ་བ་ནི་བོད་པ་དག་རེད།ཁོང་ཅག་གིས་ང་ཚོར་གཅར་སྟངས་ལ་ཧད་ནས་སྡོད་པ་ལས་རོགས་སྐྱོར་བྱེད་དུ་འོང་ཕོད་མཁན་གཅིག་ཀྱང་མི་འདུག་ལ།དེ་དག་ཁྲོད་ཀྱི་སྐྱེས་མ་ལོ་སུམ་ཅུར་སོན་ཟིན་པ་ཞིག་གིས“ཁྱོད་ཚོ་གང་གི་རེད”ཅེས་སྐད་དམའ་མོས་དྲིས་བྱུང༌།ཁོ་བོས་རླངས་འཁོར་གྱི་སྒེའུ་ཁུང་ནང་ནས“ང་ཚོ་ལས་གཉིས་ཁམས་བྲག་འགོ་དང་གཅིག་གསེར་རྟ་ནས་ཡིན།མིང་ལ་ཐུབ་བསྟན་དང་ཤེར་རབ།སྒོ་ཡོན་བཅས་ཟེར”ཞེས་བཤད་ཚར་མ་ཚར་ཙམ་ལ་བདག་གི་ངོ་གདོང་ལ་གཏད་དེ་འཕྲོ་རིམ་འཕྲོར་ཁུ་ཚུར་གྱིས་ལྔ་དྲུག་ཅིག་བསྣུན་བྱུང༌།ཡིན་ཡང༌། ཁོ་བོས་སྐད་ཆའི་མཇུག་མཐུད་དེ“ཨ་རོག་བོད་པ་ཚོ། ཁྱོད་ཚོས་ཤེས་དགོས།ཁོ་ཚོས་ངེད་ཅག་དོན་མེད་དུ་བཟུང་བ་རེད། ང་ཚོས་ཉེས་སྐྱོན་གང་ཡང་བཟོས་མེད”ཅེས་ཤུགས་ཀྱིས་བརྗོད་པ་ཡིན།དུས་དེར་རྒྱ་མི་གཉིས་ཀྱིས་བདག་གི་གཡས་གཡོན་ནས་བཟུང་སྟེ། “ཁྱི་ཁ་ཚུམས”དང“ཁ་མ་གྲག”ཟེར་ཞོར་ལྷག་ཏུ་བདག་གི་ངོ་གདོང་ལ་བསྣུན་ནས་ཡོང༌།

ང་ཚོ་གསུམ་པོ་སོ་སོར་རླངས་འཁོར་ཐ་ཐད་པ་རེ་རེར་བརྫངས་ནས་ལམ་ལ་ཆས་སོང་ཞིང༌།འགྲོ་རན་ཁར་དེ་དག་ལས་ཉེན་དཔོན་ལོས་ཡིན་འདོད་པ་ཞིག་གིས། སྔར་གྱི་གསང་ལྟ་བྱེད་པའི་ཁྱོགས་འཁོར་དཀར་བོ་དེར་བཅར་ནས“ངོ་མ་ཐུགས་རྗེ་ཆེ” ཟེར་གྱིན་པ་དངོས་སུ་ཐོས་ཐུབ།ཁོ་བོ་བཅུག་ཡོད་སའི་རླངས་འཁོར་ནང་དུ་ཁ་ལོ་བ་གཅིག་དང་གཡས་གཡོན་དུ་ཉེན་མི་གཉིས་ཏེ་ཁྱོན་སྡོམ་མི་གསུམ་ལས་མི་འདུག
ཁོ་བོས་སྐད་གདངས་ལྷོད་ལྷོད་ཀྱིས“གྲོགས་པོ།ང་ཚོ་ཅིའི་དོན་གྱིས་བཟུང་བ་ཡིན”ཞེས་དྲིས་མོད།ང་རང་སྲུང་བཟུང་བྱེད་པའི་རྒྱ་མི་དེ་གཉིས་ཀྱིས“ཁ་རོག་སྡོད།འུར་མ་རྒྱག”ཅེས་ངར་སྐད་བྱེད་པ་མ་ཟད།སྔར་ལས་ཀྱང་ལྷག་པར་དམ་གྱིས་སྡོམ་བཞིན་འགྲམ་ལྕགས་ཚ་ཐག་ཆོད་པ་གཉིས་གཞུས།

དུས་ཚོད་ཕྱེད་ཙམ་ལ་གྲོང་ཁྱེར་གྱི་ལམ་ཆེན་དང་ལམ་ཕྲན་དུ་མ་ཞིག་བརྒྱུད་རྗེས།མཐར་ཉེན་རྟོག་རླངས་འཁོར་མང་བོ་བཞག་ཡོད་སའི་ར་སྐོར་ཞིག་ཏུ་ཐོན་སོང་ལ་དེ་རུ་ཉེན་རྟོག་པ་དུ་མ་ཕར་འགྲོ་ཚར་འོང་བྱེད་ཀྱིན་འདུག ཁོ་བོ《ཁྲིན་ཏུའུ་ཆེས་ཡེང་སྤྱི་བདེ་ཁང》ཞེས་པའི་སྒོ་རྟགས་ཆེན་པོ་སྦྱར་བའི་རྒྱ་ཁང་ཞིག་གི་ནང་ཤེད་དུ་བཙན་གྱིས་ཁྲིད་དེ། རྒྱ་ཚད་སྟོང་ལ་ཉེ་བའི་འདུག་སྟེགས་ཤིག་ལ་སྡོད་དུ་བཅུག་མཐར།བཙའ་ཡིས་ཟིན་པའི་རྐང་སྒྲོག་མཐུག་པོ་ཞིག་ཀྱང་བརྒྱབ་བྱུང་ལ། འདུག་སྟེགས་ཀྱི་མདུན་དུ་ལྕགས་ནར་རིང་བོ་ཞིག་དྲང་སྟེ་ཡར་ལངས་མི་ནུས་པ་ཞིག་བཟོས་སོང༌།

སྐར་གྲངས་བཅུ་ཙམ་ལ་ཅི་ཡང་མ་བྱས་པར་ཉེན་རྟོག་པ་རྒན་གྲས་གཉིས་ཀྱིས་སྲུང་འདུག་ལ།ཁོ་གཉིས་ཀས་ཁོ་བོ་ལ་གནག་པའི་སྒོ་ནས་མིག་ལོག་ལྟ་ཀི་འདུགདེ་རྗེས་མགོ་ལ་སྐྲ་སྤུ་ཉུང་ཞིང་ལུས་ལ་ཤ་ཚིལ་རྒྱག་པའི་རྒྱ་མི་ལོ་ན་སུམ་ཅུར་སོན་པ་ཞིག་དང་ལོ་ངོ་བཞི་བཅུར་བརྒལ་བའི་རྒན་པ་གཉིས་བསླེབས་བྱུང་ཞིང༌།ཁོ་གཉིས་ཀྱིས་ཁོ་རང་ཚོའི་ལྷམ་ཕྱི་བྱེད་ཀྱི་པགས་རས་ཚི་སྟུག་མ་ཞིག་ཁྱེར་འོང་ནས་ཁོ་བོའི་གདོང་གི་ཁྲག་རྣམས་ཕར་ཕྱི་ཚུར་ཕྱི་བྱས་རྗེས།འདྲ་པར་གཉིས་གསུམ་ཞིག་བརྡབས་ཏེ་ཕྱིར་ལོག་སོང་ལ།ཡང་ཅུང་ཙམ་གྱིས་ཤ་རྒྱག་པའི་རྒྱ་མི་དེ་སླར་འོང་སྟེ།ཆུང་དུས་ནས་བདག་ལ་ཨ་མ་ལགས་ཀྱིས་གནང་བའི༧གོང་ས་མཆོག་དང༧ཆོས་རྗེ་བླ་མ་རྣམ་གཉིས་ཀྱི་ཕྱག་ཕྲེང་རྡོག་རྡོག་གཉིས་སྐེ་ལ་བཏགས་ཡོད་པ་དེ་ཤུགས་ཀྱིས་མགོ་ནས་ཕུད་དེ་ས་རུ་ཕྱུང་སོང་བ་མ་ཟད།རྡོག་མགོ་བཏེགས་ནས་ཁོ་བོའི་བྲང་ངོས་སུ་བཅུ་གྲངས་ཤིག་བསྣུན་ལ།ད་དུང་ཀོ་ལྷམ་རྐང་ནས་ཕྱུང་སྟེ་ཀོ་ལྷམ་གྱིས་ཁོ་བོའི་ངོ་མཐིལ་ལ་དྲུག་བདུན་ཞིག་བརྒྱབ།དེ་ནས་ཀོ་ལྷམ་སླར་གྱོན་ཏེ་ཁོ་བོར་སྡིགས་དམོད་བྱེད་བཞིན་མཆིལ་འདེབས་འགའ་བྱས་མཐར་སྒོ་ཕྱིར་བུད་སོང༌།

དེ་རྗེས་ཁོ་བོར་ལག་ལྕགས་ཀྱིས་ལག་པ་རྒྱབ་ལོག་ཏུ་བསྡམས་ཏེ་སྡོད་དུ་བཅུགས་བྱུང་ལ།དུས་ཚོད་འགའ་འདས་པ་ན་ལག་པ་གཉིས་ལ་ནུས་ཚོར་ཅུང་ཙམ་ཡང་མེད་པས་མི་ཚད། ལག་རྐེད་ནས་ཁྲག་བཞུར་ཏེ་ལག་པ་ཆད་སོང་སྙམ་པའི་ཟུག་གཟེར་སྐྱེས། ཅི་ལྟར་བསྲན་ན་ཡང་བཟོད་ཐབས་དཀའ་བས་སྒོ་སྲུང་དེ་ལ་བོད་སྐད་ལྡབ་ལྡུབ་ཀྱི་ལམ་ནས་མཆུ་བརྡ་བྱས་ཏེ།བདག་གི་ལག་པ་ཟུང་གིས་བསྲན་དཀའ་བས་རྒྱབ་ངོས་ནས་བཤུག་དགོས་བཤད་པར།ཁོ་འོང་ནས་བདག་གི་བྲང་ཀ་རུ་རྡོག་ཐོ་ནམ་ལངས་པ་འདྲ་ཞིག་གི་གཉིས་བརྒྱབ་རྗེས། “ཁྱོད་ལ་འདི་འདྲ་དགོས་པ་རེད”ཅེས་གཤེ་གཤེ་གང་མང་ཞིག་བཏང་སྟེ་ཕྱིར་ཕྱིན་སོང༌། ཁོ་བོས་ད་ནི་ལག་པ་རྩད་ནས་ཆད་སོང་ཡང་འབོད་པ་མི་བྱེད་པའི་དམ་བཅའ་བྱས་ཏེ་ཨུ་ཚུགས་ཀྱིས་བསྐྲན་ནས་བསྡད་པ་ཡིན།

ནམ་ཕྱེད་ཙམ་འདས་ཟིན་པའི་དུས་སུ།ཡང་རྒྱ་མི་འགའ་བསླེབས་ཏེ“ཁྱོད་ཀྱི་ཐོབ་དཔང་གང་དུ་ཡོད”ཅེས་ཁོ་ཚོས་ངེད་ཅག་གི་རྒྱབ་ཁུག་ལས་ཐོབ་དཔང་སྔར་ནས་བླངས་ཟིན་ནའང་བསྐྱར་འདྲི་བྱས་བྱུང༌།ཁོ་བོས་ད་ནི་སྐད་ཆ་གང་ཡིན་ཡང་དྲང་ལབ་བྱས་པར་རེ་འབྲས་མེད་པར་འདོད་དེ།རྒྱ་སྐད་མི་ཤེས་ཚུལ་གྱིས“ང་རང་བོད་ཡིན་པས་རྒྱའི་སྐད་གོ་གི་མ་རེད”སྨྲས་པར།“རྒྱ་སྐད་ཤོད། ཁྱོད་ཀྱིས་རྒྱ་སྐད་ཤེས་པ་ང་ཚོས་སྔར་ནས་ཤེས་ཡོད། སྐྱག་རྫུན་མ་ལབ”ཅེས་བཙན་གཏམ་བཤད། ཁོ་བོས་རྒྱ་བོད་ཀྱི་སྐད་ཆ་སྦྲགས་མ་ཞིག་གིས“ངས་རྒྱ་སྐད་མང་བོ་འཆད་མི་ཤེས”བརྗོད་པར།ཁང་བ་དེ་ནི་ཁོ་ཚོའི་གཞུང་ལས་ཁང་ཡིན་པ་འདྲ།ནང་དུ་རྩིས་འཕྲུལ་གསུམ་དང་ཡིག་དཔར་ཆས།གདན་འཇོག་ཁ་པར་སོགས་ཀྱིས་གང་འདུག་ལ།ག་ས་གང་དུ་ཉེན་རྟོག་པའི་རྟགས་དང་ཉེན་རྟོག་མི་སྣའི་པར་རིས་སྦྱར་འདུག

ང་རང་འདབས་ཀྱི་ལྕགས་ལས་གྲུབ་པའི་འདུག་སྟེགས་དེར་སྡོད་དུ་བཅུག་མཐར།རྒྱ་མི་ཉེན་ཞྭ་གྱོན་མེད་པ་ཞིག་གིས་མེ་མདའ་ཐུང་ཐུང་ཞིག་བདག་ཕྱོགས་སུ་བསྐོར་ཏེ“ཁྱོད་རང་གང་གི་ཡིན།སྔོན་ཆད་སྒེར་དོན་དང་སྤྱི་དོན་གང་ཞིག་བསྒྲུབ་མྱོང༌།ཁྲིན་ཏུའུ་རུ་བྱ་བ་ཅི་བྱེད་ཀྱིན་ཡོད།གནས་འདིར་འོང་ནས་དུས་ཡུན་ག་ཙམ་འགོར།དྲང་བོས་མ་བཤད་ན་མེ་མདའ་འདི་ཐག་གེར་གནོན་རྒྱུ་ཡིན”ཞེས་བརྗོད་བྱུང༌།ཁོ་བོས་རང་གི་ཕ་ཡུལ་དང་དངོས་མིང་སོགས་དྲང་བརྗོད་བྱས་མཐར“གཞན་ཅི་ཡང་བསྒྲུབ་མ་མྱོང”ཞེས་བཤད་པ་ཡིན།ཁོ་ཚོས“ཁྱོད་ཀྱིས་གྲོགས་པོ་གཉིས་ཀ་ཅི་ལྟར་ངོ་ཤེས་པ་དང་གང་ནས་ངོ་ཤེས་མིན།ཁྱོད་ཚོས་བྱ་བ་ཅི་བསྒྲུབ་མྱོང་མིན”སོགས་མི་ཚེའི་ནང་གི་བརྒྱུད་རིམ་དང་གནད་དོན་ཆེས་མང་བོ་ཞིག་ལ་འདྲི་གཅོད་བྱས་བྱུང་ལ།དེ་དག་རེ་རེ་ལ་ལན་འདེབས་སྐབས“ཁྱོད་ཀྱིས་སྐྱག་རྫུན་མ་བཤད”ཅེས་གཅར་རྡུང་བྱེད་གྲབས་བྱས།ཁོ་བོས་དོན་དག་འགའ་རེ་ལ་དྲང་ལན་བཏབ་ཅིང༌།འགའ་རེར་ལྡོག་ཕྱོགས་ནས་ལན་བྱིན།ཡང་འགའ་རེར“ངས་དོན་དག་ཧ་མི་གོ་འདུག”ཅེས་ལན་གང་ཡང་མ་བཏབ་པར་རང་གར་བསྡད་པ་ཡིན།

ཁོ་བོས་བཤད་པའི་དྲིས་ལན་ཆ་ཚང་རྩིས་འཕྲུལ་དུ་བཏགས་ཀྱིན་འདུག་ལ།དྲི་བ་རེ་རེ་ཐེངས་བཞི་དང་ལྔ་ཙམ་རེར་བསྐྱར་འདྲི་བྱེད་ཅིང༌།སྔར་བཤད་ཟིན་པ་དག་དང་ཞིབ་བསྡུར་བྱེད་དུ་བཅུགད་དུང་བཏགས་ཟིན་པའི་ཡི་གེ་རྣམས་ཉེན་རྟོག་མི་སྣའི་རྟགས་དོད་ཡོད་པའི་དྲ་ཚིགས་ཤིག་ཏུ་གསོག་སྤེལ་ཡང་བྱས་སོང༌།

དུས་ཚོད་གསུམ་ཙམ་ལ་དྲི་བཤེར་བྱས་རྗེས་རྩིས་འཕྲུལ་ནང་གི་ཟིན་ཐོ་རྣམས་ཤོག་ཐོག་ཏུ་ཕབ་སྟེ།རེ་རེའི་མཇུག་ཏུ་རང་མིང་དང་མཛུབ་རིས་གནོན་དུ་བཅུག་ཚར་སྐབས།སླར་ཡང་ཁང་བ་གཞན་ཞིག་ཏུ་ཁྲིད་སོང༌།འགྲོ་ཞོར་ལ་འདབས་ཀྱི་ཁང་ཆུང་ཞིག་ཏུ་གྲོགས་པོ་ཧོར་ཐུབ་བསྟན་དགེ་འདུན་ལ་འདྲི་གཅོད་བྱེད་བཞིན་པ་མཐོང་ཞིང༌།ཁོང་གི་མིག་གཡས་པ་དང་ལག་པ་གཡས་ཕྱོགས་ལ་སྐྱོན་ཆེན་པོ་བཟོས་ཡོད་པ་སྣང་ཐུབ།གཞན་གྲོགས་ཤེས་རབ་ཀྱང་མཐོང་ཞིང༌།ཕར་བལྟས་ཚོད་ཀྱིས་ཁོང་ལ་རྨས་སྐྱོན་ཆེན་པོ་བྱས་མེད་པ་འདྲ།ཁོ་བོ་ཁྲིད་སའི་ཁང་བ་དེ་ནི་ཁང་ཆུང་ཞིག་རེད།གཡས་འགྲམ་གྱི་གྱང་ངོས་སུ་ལྕགས་ཀྱི་ཨ་ལོང་གཉིས་བརྡབས་འདུག་པས། ཁོ་བོ་ལྕགས་སྒྲོག་ཅིག་གིས་དེ་རུ་སྒོ་ཁྱི་བཏགས་འདྲ་བྱས་སོང༌།

ཅུང་ཙམ་འགོར་རྗེས་ཁང་བ་དེར་གྲོགས་ཤེས་རབ་ཁྲིད་འོང་སྟེ།ཉེན་མི་རྒན་པ་དེས་མཛུབ་ཐེའུ་བཅུ་གྲངས་ཤིག་གནོན་དུ་བཅུག་རྗེས་ཕྱིར་སྒོ་ཁར་ཁྲིད་སོང༌།དེ་ནས་དུས་ཚོད་ཕྱེད་ཅིག་འགོར་མ་ཙམ་ལ་གྲོགས་ཧོར་ཐུབ་བསྟན་དགེ་འདུན་ཡང་ཁོ་བོ་ཡོད་ས་དེར་ཁྲིད་ཅིང༌།ཁོ་བོ་ད

འདས་པའི་ལོ་མངས་པོ་ཞིག་གི་རིང་ལ། རྡ་ས་སོགས་རྒྱ་བལ་ན་ཡོད་པའི་བོད་མི་མངས་པོ་ཞིག་གིས། ལུས་ལ་གྲྭ་ཆས་གྱོན་དེ་བླ་མ་དང་གྲྭ་པ། ཡང་ན་ཨ་ནེ་༼ ཇོ་མོ༽ཡིན་མདོགས་བྱས་ནང་དོན་གཅོད་ཀྱི་མིང་ཐོག་ནས་ཕྱི་རྒྱལ་ཏུ་ཕྱིན་རྗེས། ཕྱིར་མ་ལོག་པའི་གནས་ཚུལ་རབ་དང་རིམས་པ་ཞིག་འབྱུང་ཡོད། དེར་བརྟེན་ད་སྐབས་བོད་ཀྱི་བླ་གྲྭ་རྣམས་ལ་མཐོང་ཆེན་སོགས་གཞི་ནས་མེད།

༸གོང་ས་མཆོག་གིས་གསུངས་པ་ནང་བཞིན། བོད་མི་ཚོས་རྫུན་བཤད་དེ་ཐོངས་མཆན་རག་ཐབས་ཀྱིས་ཕར་སོང་ནས་ཕྱིར་མི་ཡོང་བ་བདེན་པ་རེད། ལུས་ལ་གྲྭ་ཆོས་གྱོན་པ་མང་པོ་ཞིག་གིས་དོན་གཅོད་ཀྱི་མིང་ཐོག་ནས་ཕར་སོང་རྗེས་ཕྱིར་མི་ཡོང་བའང་བདེན་རྒྱུ་རེད་སེམས། དེ་བཞིན་ཕྱི་རྒྱལ་དུ་གྲྭ་བཙུན་གང་མང་ཞིག་གིས་ཆོས་བཙོང་ནས་མི་བྱེད་དགུ་བྱེད་ཀྱིས་བོད་པའི་གྲྭ་བཙུན་ཚོའི་མཐོང་ས་ལ་བརྡེབས་ཀྱིན་པའང་བདེན་པར་སྣང་།
དེ་བཞིན། ཅོ་རི་ཉི་མས་བཤད་པར་ལྟར། ཕྱི་རྒྱལ་གྱི་བོད་པ་ཚོས་ནང་མིར་ཕན་ཐོགས་ཀྱིན་པའང་བདེན་པ་རེད། རྒྱ་བལ་འབྲུག་གསུམ་གྱི་བཙན་བྱོལ་བོད་པ་ཚོའི་འཚོ་བར་དཀའ་ངལ་ཆེན་པོ་ཡོད་པའང་བདེན་པ་རེད། ལྟོ་བ་མ་རྒྱགས་ན་མ་རབས་ཀྱི་ལས་ཅི་ཡང་བྱེད་ངེས་པ་ཆོས་ཉིད་དུ་གྱུར་པའང་བདེན་པ་རེད། ད་ཅི་ཞིག་བྱས་ན་བཟང་། ཐབས་ལམ་ཅི་ཞིག་འདུག བཀའ་སྤྱི་གསར་བའི་འོས་བསྡུ་འང་སླེབས་ལ་ཉེ། ད་ཚང་མས་བསམ་བློ་ཐོངས་ལ། ཆགས་ཞེན་དོར་ནས་དཀའ་ངལ་འདི་དག་སེལ་མཁན་གྱི་བཀའ་ཁྲི་ཞིག། དཀའ་ངལ་འདི་དག་འདོན་མཁན་གྱི་སྤྱི་མཐུས་ཤིག་གདམ་རྒྱུར་གྲ་སྒྲིག་བྱེད་དགོས་པ་མ་རེད་དམ།

དམངས་གཙོའི་ཁྱད་ཆོས་མཚུངས་པའི་དོ་བླངས་ཐོག་ཡབ་ཆེན་ལགས་སྤྱི་མཐུན་འོས་གཞི་ནང་ཕེབས་པར་དགའ་བསུ་ཞུ་རྒྱུ་དང་ ཕྱོགས་ལྷུང་མེད་པ་གཅིག་སྒྲིག་ནུས་པ་བཏོན་གྱི་ཡིན་གསུངས་པ་རླབས་ཆེན་རེད་ལ་ དགྲ་བོ་ལ་
ཁ་གཏད་བཅོག་དགོས་ན་ དོར་དུ་མིན་རུང་བའི་ལག་ཆ་རེད་ བོད་མི་ཡོངས་རྗོགས་ནས་མཁྱེན་པ་གནང་རོགས་གནང་། དེ་ཡང་ཁ་ཞེ་གཉིས་མེད་ཐོག་དིན་ལ་འཁྱོལ་པ་གནངགརོགས་འབོད་སྐུལ་ཞུ་། ཡབ་ཆེན་སྐུ་ཉིད་ཀྱི་ཤེས་ཡོན་དང་ འཇོན་ཐང་ ཉམས་མྱོང་
ལོ་རྒྱུས་གཙང་མ་ཞིག་བཀོད་རོགས་གནང་། སེམས་ཤུགས་ཁོ་ནས་ནུས་པ་ཐོན་གྱི་མེད་ དགོངས་འཇགས་མཚལ་།།