བོད་དོན་རྒྱབ་སྐྱོར་བ་སྐུ་ཞབས་མ་ཧེ་ཞཱ་ལགས་ཀྱིས་རྒྱ་གར་གྱི་སྲིད་བློན་མན་མོ་ཧན་སན་མཆོག་ལ་རང་གི་ཟུངས་ཁྲག་གིས་ཡི་གེ་ཞིག་བྲིས་ཏེ། ༧གོང་ས་མཆོག་གི་འཚེ་མེད་ཞི་བའི་འཐབ་རྩོད་ལ་རྒྱབ་སྐྱོར་གནང་རྒྱུའི་འབོད་སྐུལ་ཞུས་ཡོད།
དེ་རིང་ཕྱི་ཚེས་ ༢༤ ཉིན་གྱི་སྔ་དྲོའི་ཆུ་ཚོད་ ༡༢ སྟེང་ངྷ་ས་བདེ་དོན་ཚོགས་ཁང་དུ། རྒྱ་གར་གྱི་ཡུལ་མི་བོད་དོན་རྒྱབ་སྐྱོར་བ་སྐུ་ཞབས་མ་ཧེ་ཞཱ་ Dr. Mahesh Yadav ལགས་དང་འདི་ལོའི་བོད་ཀྱི་མཛངས་མ་བསྟན་འཛིན་ནོར་འཛོམས་གཉིས་ཀྱིས། མི་འགྱངས་བར་ཁོང་གཉིས་མཉམ་འབྲེལ་གྱིས་བསྒྲུབས་པའི་ས་ཡིག་བསྡུ་རུབ་དང་ཟུངས་ཁྲག་གིས་བྲིས་པའི་འདྲ་རིས་༼ ཨོ་བྷ་མའི་འདྲ་རིས་ ༽ དེ་དག མཉམ་འབྲེལ་རྒྱལ་ཚོགས་དང་ཨ་རིའི་སྲིད་འཛིན་ཨོ་བྷ་མར་འབུལ་འཆར་ཡོད་པའི་ཐད་གསར་འགོད་གསལ་བསྒྲགས་ཤིག་སྤེལ་ཡོད། སྐབས་དེར། སྐུ་ཞབས་མ་ཧེ་ཞཱ་ལགས་ཀྱིས་རང་གི་ལུས་པོ་ལས་ཟུངས་ཁྲག་བཏོན་ཏེ། རྒྱ་གར་གྱི་སྲིད་བློན་མན་མོ་ཧན་སན་གྱི་མཚན་ཐོག་ཏུ་ཡི་གེ་ཞིག་བྲིས་ཡོད་ལ། དེ་ནི་༧གོང་ས་མཆོག་གི་འཚེ་མེད་ཞི་བའི་འཐབ་རྩོད་ལ་རྒྱབ་སྐྱོར་གནང་ཆེད་ཡིན་འདུག ཁོང་གིས་ད་ལྟའི་བར་བོད་དོན་དང་འབྲེལ་བའི་ཕྱག་ལས་གང་བྱས་དང་བྱེད་མུས་སུ་ཡོད་པ་དེ་བོད་དོན་བདེན་མཐའ་སེལ་ཐབས་དང་བོད་ལ་རང་དབང་འཐོབ་ཆེད་དུ་བསྒྲུབས་པ་ཡིན་ཞེས་བརྗོད་བྱུང་།
གསར་འགོད་པས་མཛངས་མ་བསྟན་འཛིན་ནོར་འཛོམས་ལགས་སུ་ལས་འགུལ་འདི་དང་འབྲེལ་བའི་གནས་ཚུལ་ཁག་ཅིག་ཐད་བཀའ་འདྲི་ཞུས་པར། ཁོས་མོས། སྔོན་མར་སྐུ་ཞབས་ཁོ་རང་གཅིག་པུ་བོད་དོན་ཆེད་ཕྱི་ཕྱོགས་སུ་ཐེངས་མང་ཕྱིན་པ་རེད། ཐེངས་འདིར་ཁོང་གཅིག་པུ་མ་ཡིན་པར་ང་ཁོང་དང་མཉམ་དུ་འགྲོ་འཆར་ཡོད། གལ་སྲིད་ང་ཕྱིན་པ་ཡིན་ན། ཕྱི་ཕྱོགས་སུ་ཡོད་པའི་བོད་རིགས་གཞོན་སྐྱེས་ཚོར་བོད་དོན་ཐད་སེམས་ཤུགས་དང་བློ་སྤོབས་འབྱུང་བར་ཕན་གི་རེད་བསམ་གྱིན་ཡོད། ཅེས་བརྗོད་བྱུང། གསར་འགོད་པ་དོན་གོ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཟུངས་ཁྲག་གིས་ཡི་གེ་བྲིས་ནས་ངོ་རྒོལ་མང་པོ་བྱས་སོང་ཟེར་དེའི་གྲུབ་འབྲས་ག་འདྲ་ཐོན་འདུག་གམ།
རྒྱ་གར་བ་འདིས་བོད་དོན་ལ་ལོ་མང་རང་གི་ཟུངས་ཁྲག་གིས་ཡི་གེ་བྲིས་ཏེ་སྙན་ཞུ་ཕུལ་བ་རེད་ལ། ཁོང་གིས་སྤེལ་བཞིན་པའི་ལས་གཞི་ཁག་ལ་བོད་མིའི་སྤྱི་ཚོགས་ཀྱིས་ཆ་འཇོག་མ་བྱས་པར་ཡུན་རིང་ལྷག་པ་རེད། ཡིན་ནའང་ལོ་རེ་གཉིས་ཀྱི་སྔོན་ནས་ཁོང་ལ་རྒྱབ་སྐྱོར་བྱེད་པའི་གནས་ཚུལ་བཟང་དུ་ཕྱིན་པ་རེད། ཐེངས་འདིར་བོད་ཀྱི་མཛངས་མ་བསྟན་འཛིན་ནོར་འཛོམས་ལགས་ཀྱིས་ཁོང་དང་མཉམ་འབྲེལ་གྱིས་ལས་གཞི་འདི་འདྲ་སྤེལ་བར་སྙིང་ཐག་པ་ནས་དགའ་བསུ་ཞུ་བཞིན་ཡོད།
ཟུངས་ཁྲག་གིས་བྲིས་ནས་ཕུལ་མཁན་ཟུང་ལ་ཐུགས་རྗེ་ཆེ་དང་རྗེས་སུ་ཡི་རང་ཞུ།
ཐུགས་རྗེ་ཆེ་དགའ་བསུ་ཡོད།
ངས་བོད་དོན་རྒྱབ་སྐྱོར་བ་སྐུ་ཞབས་མ་ཧེ་ཞཱ་ལགས་དང་བོད་ཀྱི་མཛངས་མ་བསྟན་འཛིན་ནོར་འཛོམས་གཉིས་རྩོ་བོ་གྱུར་པའི་བདག་གི་འཐབ་གྲོགས་ཡོང་ལ་ཐུགས་རྗེ་ཆེ་ཞུ་ཅུ་ཡིན།།
སློབ་དཔོན་ཆེན་མོ་ཡ་དྷིཝ་མཆོག་གིས་འདི་ལྟར་ཁྲག་ཡིག་བྲིས་པ་དང་པོ་མིན། ཁོང་གིས་བོད་དོན་ལ་བཅངས་པའི་སེམས་ཤུགས་དེ་བོད་རིགས་ཕལ་མོ་ཆེ་ལས་ཆེ་བ་འདུག་ཅེས་བརྗོད་ཀྱང་ཆོག་པར་སྣང་། བོད་ཀྱི་མཛངས་མ་ལགས་ད་རེས་ཁོང་དང་ལྷན་ཞུགས་གནང་བ་ཧ་ཅང་ཡག་པོ་རེད། ཁ་ཞེ་གཉིས་མེད་དང་སྔོན་འགྲོའི་ཆ་རྐྱེན་མེད་པའི་ཐོག་ནས་མཉམ་ཞུགས་གནང་རོགས་ཞེས་རེ་སྐུལ་ཞུ་རྒྱུ་ཡིན། ཨོ་བྷ་མར་སྙན་ཞུ་འབུལ་བ་ལས་རྒྱ་གར་གྱི་ས་གནས་གང་སར་ཕྱིན་ནས་རྒྱ་གར་མི་རིགས་ལ་སྐུལ་སློང་བྱེད་རྒྱུ་དེ་ཧ་ཅང་གལ་ཆེན་དུ་མཐོང་།