བོད་གཞུང་ཤེས་རིག་ལས་ཁུངས་དང་ཕྱི་དྲིལ་ལས་ཁུངས་གཉིས་ཀྱིས་ཟླ་འདིའི་ཕྱི་ཚེས་ ༢༤ ཉིན་ནས་ཟླ་རྗེས་མའི་ཚེས་ ༦ བར། རྒྱ་གར་ལྷོ་ཕྱོགས་ཀྱི་སློབ་གྲྭ་ཁག་ཏུ་བོད་ཀྱི་ཁོར་ཡུག་གནས་སྐོར་ལ་གོ་རྟོགས་སྤེལ་གྱིན་འདུག
བོད་གཞུང་དྲ་རྒྱས་གནས་ཚུལ་སྤེལ་བ་ལྟར་ན། ༧གོང་ས་མཆོག་དགུང་གྲངས་དོན་ལྔར་ཕེབས་པའི་བཀའ་དྲིན་རྗེས་དྲན་ཞུ་རྒྱུའི་ལས་རིམ་གྱི་ཆ་ཤས་སུ། བོད་གཞུང་ཕྱི་དྲིལ་ལས་ཁུངས་དང་ཤེས་རིག་ལས་ཁུངས་ཐུན་མོང་གིས་རྒྱ་གར་ལྷོ་ཕྱོགས་སུ་རྟེན་གཞི་བྱས་པའི་བོད་མིའི་སློབ་གྲྭ་ཁག་གི་སློབ་ཕྲུག་རྣམས་ལ། བོད་ཀྱི་ཁོར་ཡུག་གནང་སྟངས་སྐོར་གོ་རྟོགས་སྤེལ་སླད། ཕྱི་དྲིལ་ཁོར་ཡུག་ཚན་པའི་ལས་བྱེད་གཉིས་ལྷོ་ཕྱོགས་གཞིས་ཆགས་སུ་ཕེབས་ཡོད་ཟེར།
ཐེངས་འདིའི་ཁོར་ཡུག་གནས་སྟངས་སྐོར་ལ་གོ་རྟོགས་སྤེལ་བའི་ལས་རིམ་འདི་ཟླ་འདིའི་ཚེས་ ༢༤ ཉིན་ནས་མགོ་བརྩམས་ཏེ། ཚེས་ ༢༤ དང་ ༢༥ ཉིན་གཉིས་རིང་ལྡི་ལིར་རྟེན་གཞི་བྱས་པའི་འཕགས་བོད་འབྲེལ་མཐུད་ལས་ཁུངས་ཀྱིས་མཐུན་འགྱུར་འོགབྷེང་ལོར་དུ་བོད་ཀྱི་ཁོར་ཡུག་གནས་སྟངས་སྐོར་གོ་རྟོགས་སྤེལ་རྒྱུ་དང་། ཚེས་༢༧ དང་ ༢༨ ཉིན་གཉིས་རིང་མོན་གྷོ་གཏན་སློབ་དང་དེའི་ཡན་ལག་སློབ་གྲྭ་ཁག ཚེས་ ༣༠ ཉིན་ཀོ་ལི་གྷལ་ཉིན་སློབ། ཚེས་ ༣ ནས་༤ བར་སྦེལ་ཀོབ་བདེ་སླར་དང་ལུགས་བསམ་བཅས་ཀྱི་གཏན་སློབ་དང་བོད་ཁྱིམ་སློབ་གྲྭ ཕྱི་ཚེས་ ༦ ཉིན་ཧུང་སུར་ཉིན་སློབ་ཏུ་བསྐྱོད་རྒྱུ་ཡིན་འདུག
འཁོར་ཡུག་བསྲུང་སྐྱོབ་ཀྱི་ཆེད་དུ་དཀའ་སྤྱད་དང་བྱེད་མཁན་རྣམས་པར་ཐུགས་རྗེ་ཆེ་ཞུ་བ་དང་ཆབས་ཅིག་ཏུ་ང་ཚོའི་ལས་དོན་གང་དང་གང་སྒྲུབ་པ་ཡིན་ན་མི་མཐུད་དུ་རྒྱུན་བསྲེང་ནས་ལས་ཀ་བྱེད་རྒྱུ་གལ་ཆེན་པོ་རེད་འཁོར་ཡུག་གཙང་སྤྲ་ནི་མིའི་སེམས་ཁམས་ལ་རག་ལས་བ་ཡིན་ཙང་ང་ཚོ་མི་ཚང་མའི་འཁོར་ཡུག་གཙང་བཟོ་དང་དེ་དང་འབྲེལ་བའི་སེམས་ཅན་སྲོགས་ལྡན་འབུ་སིན་ཡན་ཆད་བསྲུངས་སྐྱོབས་ལ་འབད་རྒྱུ་ནི་ལས་འབྲས་བརྩི་མཁན་དང་ཆོས་ཁས་ལེན་གང་ཞིག་ལ་མཚོན་ན་ཁུར་དུ་མ་བསམ་རྒྱན་དུ་བསམ་ནས་རང་ཁུར་དེང་ལེན་བྱེད་རྒྱུ་གལ་ཆེན་པོ་རེད་
ཤིན་ཏུ་བཟང་ངོ།