རྒྱ་ནག་གཞུང་གིས་ལིག་ཞོ་པའོ་ཁྲིམས་འགལ་ནག་ཉེས་ཅན་གྱི་མི་ཞིག་ཏུ་ངོས་འཛིན་དང་ཁོང་ལ་གཟེངས་རྟགས་ཕུལ་བ་དེ་ཞི་བདེའི་གཟེངས་རྟགས་ཀྱི་ཡང་དག་པའི་དམིགས་ཡུལ་དང་འགལ་ཡོད་པའི་སྐྱོན་བརྗོད་བྱས་ཡོད་ཀྱང་། ཁོང་ཉིད་ནས་རྒྱ་ནག་གཞུང་གི་བསམ་ཚུལ་འདྲ་མིན་ལ་བརྩི་མཐོང་རྩ་བ་ནས་བྱེད་ཀྱི་མེད་ཅེས་༸གོང་ས་མཆོག་གིས་གསུངས་འདུག
ཟླ་འདིའི་ཕྱི་ཚེས་ ༤ ཉིན་ནས་ ༧ བར་༸གོང་ས་མཆོག་གིས་ཐའེ་ཝན་གྱི་དད་ལྡན་པ་གཙོས་འཛམ་གླིང་རྒྱལ་ཁབ་ ༥༧ ལྷག་གི་ཆོས་ཞུ་བ་ ༥༠༠༠ ལྷག་ལ་བཀའ་ཆོས་གནང་ཡོད་ཅིང་། ཕྱི་ཚེས་ ༡༠ ཉིན་རྒྱ་གར་ལྷོ་ནུབ་པུ་ནེ་གྲོང་ཁྱེར་དུ་ཡོད་པའི་ Tej Gyan ,Foundation ཞེས་པའི་ཐེབས་རྩ་ཁང་གི་གདན་ཞུས་ལྟར་ཆིབས་བསྒྱུར་གནང་བར་མ་ཟད། དེར་ཡོད་མི་མང་ ༡༠༠༠ བརྒལ་བར་འཛམ་གླིང་ཞི་བདེ་དང་སེམས་ཀྱི་བདེ་བ་ཞེས་པའི་བརྗོད་གཞིའི་ཐོག་བཀའ་སློབ་གནང་ཡོད་པ་རེད། སྐབས་དེར་༸གོང་ས་མཆོག་གིས། ང་ཚོས་འཛམ་གླིང་ནང་འབྱུང་བཞིན་པའི་རྩོད་རྙོག་མཐའ་དག་གྲོས་མོལ་གྱི་ལམ་ནས་སེལ་ཐབས་བྱ་དགོས་ལ། དུས་རབས་ ༢༡ དེ་འཚེ་བ་མེད་པའི་དུས་རབས་ཤིག་བསྐྲུན་པར་ཚང་མས་འབད་པ་བྱ་དགོས། རྒྱ་གར་ལ་མཚོན་ན་ལོ་ངོ་སྟོང་ཕྲག་ལྷག་གི་རིང་ནས་འཚེ་མེད་ཞི་བའི་ལྟ་གྲུབ་ལག་བསྟར་བྱེད་བཞིན་ཡོད་ཅིང། མང་གཙོའི་རིང་ལུགས་ཀྱི་ལྟ་གྲུབ་དེའང་སྲིད་དོན་པ་རེ་འགས་ཆབ་སྲིད་ལ་བརྟེན་པའི་དཀའ་ངལ་ཆུང་ཚགས་འཕྲད་བཞིན་ཡོད། ཡིན་ནའང་། ཆོས་ལུགས་འདྲ་མིན་གྱི་རྗེས་འབྲངས་པ་ཚོ་ཞི་བའི་ངང་མཉམ་གནས་བྱེད་བཞིན་ཡོད་ལ། ཧིན་ངྷི་དང་སིཀ་གི་ཆོས་ལུགས་ཀྱི་རྗེས་འབྲངས་པ་ཚོ་ཡང་རྒྱ་གར་ནང་གཞིས་ཆགས་ཏེ་ཞི་བདེ་ལྷིང་འཇགས་ཐོག་འཚོ་བ་སྐྱེལ་ཐུབ་ཀྱི་ཡོད། མུམ་བྷེ་ལྟ་བུར་མཚོན་ན་པར་སིའི་ཆོས་ལུགས་རྗེས་འབྲངས་པ་ཉུང་ཤས་ཤིག་ལས་མེད་ཀྱང་ཁོང་ཚོས་སྤྱི་ཚོགས་ནང་ཕན་རླབས་ཆེ་བའི་བྱས་རྗེས་བཞག་ཡོད་སྟབས། རྒྱ་གར་བ་ཚོས་གྲོས་མོལ་དང་འཆམ་མཐུན་གྱི་སྤྱི་ཚོགས་ཤིག་བསྐྲུན་རྒྱུར་འགན་ལེན་བྱ་དགོས། འཛམ་གླིང་ཞི་བདེ་ཟེར་བ་དེ་གནམ་ནས་བབ་པ་ཞིག་མིན་པར་མི་མང་གི་ངོས་ནས་འབད་བརྩོན་བྱ་དགོས་ལ། ངོས་རང་ཡང་རྒྱ་གར་གྱི་བང་ཆེན་ལྟ་བུ་ཞིག་ཡིན་ཞེས་བརྗོད་པར་སྤོབས་པ་ཡོད། ཅེས་བཀའ་སློབ་བསྩལ་ཡོད།
ཐེངས་འདིའི་པུ་ནེ་གྲོང་ཁྱེར་གྱི་མཛད་འཕྲིན་ཡོངས་སུ་གྲུབ་རྗེས་༸གོང་ས་མཆོག་ཨ་རིར་ཆིབས་སྒྱུར་གནང་ཡོད་པ་དང་།ཉི་ཧོང་གི་རྒྱལ་ས་ཁྲོ་ཁོའི་ན་རི་ཌ་གནམ་ཐང་གི་ཕེབས་ལམ་དུ་དེར་ཡོད་ཡོ་ཌོལ་གསར་ཁང་གི་གསར་འགོད་པས་ཐེངས་འདིའི་ནོ་སྦེལ་ཞི་བདེ་གཟེངས་རྟགས་ལིག་ཞོ་པའོ་ལ་སྤྲོད་གཏན་འཁེལ་བ་དང་དེའི་ཐད་རྒྱ་གཞུང་གིས་སྐྱོན་བརྗོད་བྱེད་བཞིན་པའི་ཐད་ཀྱི་དགོངས་ཚུལ་དྲིས་པའི་ལན་དུ། ༸གོང་ས་མཆོག་གིས། རྒྱ་ནག་གིས་གུ་ཡངས་ལྡན་པའི་ཕྱི་གསལ་ནང་གསལ་གྱི་སྤྱི་ཚོགས་ཤིག་སྐྲུན་པའི་ཐོག་མི་མང་ཉེན་སྐྱོབ་ཐུབ་རྒྱུ་ཡིན་རུང༌། རྒྱ་ནག་གི་འཛིན་སྐྱོང་འགོ་འཁྲིད་ཁྲོད་ཀྱི་ལྟ་བ་མཁྲེགས་འཛིན་པ་ཁག་ཅིག་གིས་བསམ་བློ་རྙིང་པ་རང་གི་ཐོག་ལ་ཨུ་ཚུགས་རྒྱག་བཞིན་ཡོད་པ་རེད། རྒྱ་ནག་གི་བཙོན་འཇུག་དོ་དམ་འོག་ཡོད་པའི་ལིག་ཞོ་པའོ་ལ་འདི་ལོའི་ནོ་སྦེལ་ཞི་བདེའི་གཟེངས་རྟགས་ཐོབ་པ་དེར་ཨ་རིའི་སྲིད་འཛིན་གཙོས་འཛམ་གླིང་གི་དབུ་ཁྲིད་མང་པོ་ཞིག་གིས་བསྔགས་བརྗོད་རྒྱ་ཆེ་གནང་བར་མ་ཟད། ཨ་རིའི་སྲིད་འཛིན་ཨོ་བྷ་མ་མཆོག་གིས་རྒྱ་ནག་གཞུང་ལ་ལིག་ཞོ་པའོ་གློད་གྲོལ་གཏོང་དགོས་པའི་རེ་སྐུལ་ཡང་གནང་ཡོད།
ཡིན་ནའང་། རྒྱ་ནག་གཞུང་གིས་ལིག་ཞོ་པའོ་ཁྲིམས་འགལ་ནག་ཉེས་ཅན་གྱི་མི་ཞིག་ཏུ་ངོས་འཛིན་དང་ཁོང་ལ་གཟེངས་རྟགས་ཕུལ་བ་དེ་ཞི་བདེའི་གཟེངས་རྟགས་ཀྱི་ཡང་དག་པའི་དམིགས་ཡུལ་དང་འགལ་ཡོད་པའི་སྐྱོན་བརྗོད་བྱས་ཡོད་ཀྱང་། ཁོང་ཉིད་ནས་རྒྱ་ནག་གཞུང་གི་བསམ་ཚུལ་འདྲ་མིན་ལ་བརྩི་མཐོང་རྩ་བ་ནས་བྱེད་ཀྱི་མེད། ཅེས་བཀའ་ལན་གནང་འདུག ཁ་སང་ཕྱི་ཚེས་ ༡༡ ཉིན་གྱི་སྔ་དྲོ་༸གོང་ས་མཆོག་ཨ་རིའི་ཁ་ལི་ཧྤོ་ནི་ཡའི་མངའ་སྡེའི་སན་ཧྤི་རན་སིས་སི་ཁོའི་གནམ་ཐང་དུ་ཞབས་སོར་བདེ་བར་འཁོད་ཡོད་ལ། དེར་ཡོད་ཨ་རིའི་དོན་གཅོད་དང་ཨ་རིར་རྟེན་གཞི་བྱས་པའི་རྒྱ་གར་གཞུང་ཚབ། དེ་བཞིན་བྱང་ཁ་ལི་ཧྤོ་ནི་ཡའི་བོད་རིགས་ཚོགས་པ་དང་བོད་དོན་རྒྱབ་སྐྱོར་བ། ས་གནས་བོད་རིགས་བཅས་ཀྱིས་ཕེབས་བསུའི་ཁྲོད་སེན་རྗོ་སི་རུ་ཆིབས་བསྒྱུར་གནང་ཡོད།
དེ་རིང་ཕྱི་ཚེས་ ༡༢ ཉིན་ནས་ ༡༥ བར་༸གོང་ས་མཆོག་གིས་སེན་རྗོ་སི་ཀོན་ཝེན་ཤན་ཚོགས་ཁང་དུ་བྱང་ཁ་ལི་ཧྤོ་ནི་ཡའི་ས་གནས་བོད་མི་ཚོར་མཇལ་ཁ་གནང་རྒྱུ་ཡིན་པ་དང་། ཉིན་རྒྱབ་ཚོགས་ཁང་དེའི་ནང་བློ་སྦྱོང་ཚིགས་བརྒྱད་མ་དང་སེམས་སྐྱེད་སོགས་ཀྱི་ཆོས་འབྲེལ་གནང་རྗེས་། སང་ཉིན་ནས་བཟུང་སེན་རྗོ་སི་གཙུག་ལག་སློབ་གྲྭའི་ནང་འོད་དཔག་མེད་ཀྱི་རྗེས་གནང་དང་ཧྤོ་ལོ་ཨལ་ཊོའི་གཙུག་ལག་སློབ་གྲྭའི་ནང་སྒེར་གྱི་མི་ཚེ་དང་བྱམས་བརྩེའི་གལ་གནད་ཅེས་པའི་བརྗོད་གཞིའི་ཐོག་བཀའ་སློབ་གནང་རྒྱུ་ཡིན་པར་མ་ཟད། བྱམས་བརྩེ་དང་གཞན་ཕན་གྱི་བསམ་བློར་ཚན་རིག་གི་ལམ་ནས་དཔྱད་པ་ཞེས་པའི་བརྗོད་གཞི་དང་འབྲེལ་བའི་ཚོགས་འདུར་ཆིབས་སྒྱུར་དང་། ཨེ་མོ་རིའི་གཙུག་ལག་སློབ་གཉེར་ཁང་དུ་ཉིན་གསུམ་རིང་འཚོགས་འཆར་ཡོད་པའི་ ༢༠༡༠ ལོའི་རྒྱལ་སྤྱིའི་བོད་བརྒྱུད་ནང་བསྟན་ལྷན་ཚོགས་དབུ་འབྱེད་དང་བགྲོ་གླེང་དབུ་འབྱེད། ཨོ་ཧ་ཡོ་མངའ་སྡེའི་གྲོང་ཁྱེར་སིན་སི་ན་ཊི་ཁུལ་དུ་རང་དབང་གི་ཆེ་བསྟོད་གཟེངས་རྟགས་འབུལ་བཞེས་གནང་རྒྱུ། གཞན་ཡང་ཨོ་སི་ཧྤོ་ཌི་དང་མེ་ཡཱ་མེ་གཙུག་ལག་སློབ་གཉེར་ཁང་གཉིས་ཀྱིས་གོ་སྒྲིག་འོག་མང་ཚོགས་ལ་དེང་གི་དུས་སྐབས་ལ་འཁྲི་པའི་ཀུན་སྤྱོད་དང་འབྲེལ་བའི་བཀའ་སློབ་གནང་རྗེས་ཁེ་ཎ་ཌའི་གྲོང་ཁྱེར་ཁྲོ་རོན་ཁྲོ་ཆིབས་བསྒྱུར་གནང་སྟེ་ཕྱི་ཚེས་ ༢༢ ནས་ ༢༥ བར་ཊོ་རན་ཊོར་གཙུག་ལག་སློབ་གཉེར་ཁང་དུ་ནང་ཆོས་དང་ཚན་རིག་དབར་གྱི་འབྲེལ་བའི་སྐོར་ལྷན་ཚོགས་སྟེང་ཕེབས་རྒྱུ་དང་གངས་ལྗོངས་ཆོས་ལྡན་གླིང་ཞེས་པའི་རིག་གཞུང་བསྟི་གནས་ཁང་དབུ་འབྱེད་མཛད་རྒྱུ་མ་ཟད། བསྟི་གནས་ཁང་དེས་གོ་སྒྲིག་འོག་མང་ཚོགས་ལ་འཛམ་གླིང་ཞི་བདེའི་སྐོར་ལ་བཀའ་སློབ་དང་དེ་བཞིན་བློ་སྦྱོང་ཚིགས་བརྒྱད་མ་བཅས་ཀྱི་ཆོས་འབྲེལ་མཛད་རྒྱུ་ཡིན་འདུག
སྐུ་སྒེར་དྲ་ཚིགས་ལས་བསྡུ་སྒྲིག་བྱས། གསར་འགོད་པ། དོན་གོ།
ཡིན་ནའང་། རྒྱ་ནག་གཞུང་གིས་ལིག་ཞོ་པའོ་ཁྲིམས་འགལ་ནག་ཉེས་ཅན་གྱི་མི་ཞིག་ཏུ་ངོས་འཛིན་དང་ཁོང་ལ་གཟེངས་རྟགས་ཕུལ་བ་དེ་ཞི་བདེའི་གཟེངས་རྟགས་ཀྱི་ཡང་དག་པའི་དམིགས་ཡུལ་དང་འགལ་ཡོད་པའི་སྐྱོན་བརྗོད་བྱས་ཡོད་ཀྱང་། ཁོང་ཉིད་ནས་རྒྱ་ནག་གཞུང་གི་བསམ་ཚུལ་འདྲ་མིན་ལ་བརྩི་མཐོང་རྩ་བ་ནས་བྱེད་ཀྱི་མེད། ཅེས་བཀའ་ལན་གནང་འདུག 
གངས་ཕྲུག་བཀྲ་ཤིས་ལགས།བེུད་དེས་གྱོན་པའི་ཞྭ་མོ་དེ་ཝ་ཞྭ་མ་རེད་དེ་ལ་ཚེ་རིང་ཞྭ་མོ་ཟེར།
གངས་ཕྲུག་བཀྲ་ཤིས་ལགས་ལ་རྒྱ་ཞེས་པ་དེ་རང་སྟེང་ན་ཡོད་དགོས་པ་ཞིག་ཡིན་སྟབས་རང་གི་ལུས་ངག་ཡིད་གསུམ་ལ་མི་རིགས་ཀྱི་ཁྱད་ཆོས་གང་འདྲ་ཡོད། ད་སྐབས་ང་ཚོའི་མི་རིགས་འདིས་རང་ཉིད་དག་ཐེར་བྱེད་དགོས་པའི་དུས་སྐབས་ཤིག་ལ་སླེབ་འདུག་པ་ལས། གོ་སྐབས་རེག་ཚེ་གང་ཡང་བྱ་ཕོད་མཁན་གྱི་ཁྲེད་མེད་ཅིག་ཡིན་ན་དོན་དམ་གྱི་མི་རིགས་འདིའི་སྐྱོ་གནས་ཤིག་རེད།
གངས་ཕྲུག་བཀྲ་ཤིས་ཀྱིས་ “དངོས་གནས་སེམས་བདེ་ལ་ཕབས་སུ་བཅུག་གིན་འདུག” ཅེས་ཟེར། དོན་ངོ་མ་སུ་ལ་ངོ་སྟོད་བྱེད་པ་དང་སུ་ལ་སྨོད་ཚིག་བརྗོད་ཀྱི་ཡོད་པ་ངས་ཤེས་མ་སོང། ལར་ནས་རང་རིགས་ལ་དེ་ལྟར་སྡང་དགོས་དོན་ཅི་ཞིག་ཡིན་ནམ། ངོ་མ་ཡ་མཚན་ནམ་ལྟས་ངན་རེད།
༧གོང་ས་མཆོག་གི་ཕེབས་བསུ་བཅར་བའི་བོད་རིགས་བུ་མོ་ཝ་ཞྭ་ཅན་དེ་དངོས་མ་ཧམ་པ་ཆེན་དོག་ཁ་བ་ལ་དངོས་གནས་ཡིད་སེམས་གཏིང་ནས་སྐྱོ་དགོས་པ་རེད།
གཞིས་ལུས་བོད་པ་ཚོས་༧གོང་ས་མཆོག་གི་བཀའ་གསུངས་བཞིན་མེ་མདའ་འོག་ནས་ཝ་ཞྭ་སོགས་རྩ་སྤངས་བྱས་ཡོད་ཀྱང་རང་དབང་ལུང་བའི་ཀླད་མེད་འདི་ཚོས་ཁོང་གི་མདུན་དུ་ཝ་ཞྭ་གོན་པ་འདི་དངོས་གནས་སེམས་བདེ་ལ་ཕབས་སུ་བཅུག་གིན་འདུག
སྟོན་པ་བླ་ན་མེད་པ་མཆོག་གིས་བཀའ་གང་གནང་བ་དག་ནི་ཡང་དག་པ་དང་དྲི་མ་མེད་པའོ།།