ཐེངས་འདིའི་དཀའ་ངལ་ནི་འོས་བསྡུའི་ལས་རིམ་གྱི་དཀའ་ངལ་ཁོ་ན་ཙམ་མིན་པར་མང་གཙོ་དང་འགྲོ་བ་མིའི་ཐོབ་ཐང་དང་འབྲེལ་བའི་ཆབ་སྲིད་ཀྱི་གནད་འགག་ཅིག་ཆགས་ཡོད་ཟེར།
ཁ་སྔོན་གྱི་བཀའ་སྤྱིའི་སྔོན་འགྲོའོི་འོས་བསྡུའི་སྐབས་བལ་ཡུལ་ཉེན་རྟོག་པས་བོད་མིའི་འོས་སྒམ་བཙན་འཕྲོག་བྱས་པའི་གནས་ཚུལ་བྱུང་ཡོད་ཅིང་། གནས་སྟངས་དེས་རྐྱེན་པས་༧གོང་ས་མཆོག་གི་དམིགས་བསལ་སྐུ་ཚབ་ཀྱིས་མཚོན་པའི་རྒྱལ་སྤྱིའི་ཚོགས་སྡེ་ཁག་དང་མི་སྒེར་གང་མང་ཞིག་གིས་ཡིག་ངག་གཉིས་ཀྱི་ཐོག་ནས་བལ་ཡུལ་གཞུང་ལ། བོད་མིའི་འོས་སྒམ་ཕྱིར་སློག་བྱ་དགོས་པའི་འབོད་སྐུལ་ཞུ་བཞིན་ཡོད། ཕྱི་ཚེས་ ༡༣ ཉིན་སྤྱི་འཐུས་ཚོགས་གཞོན་རྒྱ་རི་སྒྲོལ་མ་མཆོག་གིས་བོད་མི་མང་སྤྱི་འཐུས་ལྷན་ཚོགས་ཀྱི་ཚབ་བྱས་ཏེ། རྒྱལ་སྤྱིའི་ཚོགས་པ་ཁག་ལ་བལ་ཡུལ་གནས་སྡོད་བོད་མི་ཚོར་མང་གཙོའི་འོས་བསྡུའི་ཐོབ་ཐང་སྤྲོད་དགོས་པའི་ཞུ་ཡིག་རེ་ཕུལ་ཡོད།
ཞུ་ཡིག་དེར་འཁོད་དོན། ཕྱི་ལོ་ ༢༠༡༠ ཟླ་ ༩ ཚེས་ ༢ ཉིན་ནི་བཙན་བྱོལ་བོད་མིའི་མང་གཙོ་དབུ་བརྙེས་ཏེ་མི་ལོ་ ༥༠ འཁོར་བའི་ཉིན་མོ་ཡིན་ཞིང་། ཕྱི་ཟླ་ ༡༠ ཚེས་ ༣ ཉིན་བཙན་བྱོལ་བོད་མི་ཚོས་ཉིན་བརྒྱ་དུས་གཅིག་ལ་བཀའ་ཁྲི་སྐབས་གསུམ་པ་དང་། སྤྱི་འཐུས་སྐབས་བཅོ་ལྔ་བའི་སྔོན་འགྲོའི་འོས་ཤོག་བླུགས་ཡོད་ལ། འདས་པའི་ལོ་ ༥༠ རིང་གི་འོས་བསྡུའི་ཉིན་མོར་བོད་མི་ཚོས་སྤྱི་ཚོགས་ཀྱི་བདེ་འཇགས་ལ་གནོད་པའི་ཁྲིམས་འགལ་གྱི་བྱ་སྤྱོད་གང་ཡང་སྤེལ་མེད་པ་མ་ཟད། བཙན་བྱོལ་བོད་མིའི་གནས་ཡུལ་རྒྱལ་ཁབ་སོ་སོས་ཀྱང་ང་ཚོའི་སྤྱི་འཐུས་དང་བཀའ་ཁྲི་འོས་འདེམས་བྱ་རྒྱུར་དམ་དྲག་ནམ་ཡང་བྱས་མེད་པས་བཀའ་དྲིན་ཞུ་འོས་སུ་མཐོང་།
ཡིན་ནའང་། ཕྱི་ཟླ་ ༡༠ ཚེས་ ༣ ཉིན་བལ་ཡུལ་ས་གནས་ཉེན་རྟོག་ལས་ཁུངས་ཀྱིས་བོད་མི་ཚོར་འོས་ཤོག་འཕེན་རྒྱུའི་ཆོག་མཆན་སྤྲད་ཡོད་མེད་ལ་མ་ལྟོས་པར། བལ་ཡུལ་མཆོད་རྟེན་བྱ་རུང་དང་འཕགས་ཤིང་གཉིས་ཀྱི་འོས་སྒམ་བཙན་འཕྲོག་བྱས་པའི་བྱ་སྤྱོད་དེ་ཧང་སང་དགོས་པ་ཞིག་དང་། དེ་ནི་དམངས་གཙོའི་ལམ་དང་ཡོངས་སུ་འགལ་ཡོད་པའི་གནད་དོན་ཞིག་ཆགས་ཡོད་སྟབས་སྐྱོན་བརྗོད་མཐའ་གཅིག་ཏུ་བྱེད་ཀྱིན་ཡོད་ཅིང་། བོད་མི་མང་སྤྱི་འཐུས་ལྷན་ཚོགས་ཀྱིས་རྒྱལ་སྤྱིའི་འགྲོ་བ་མིའི་ཐོབ་ཐང་ལྷན་ཚོགས་དང་གཞུང་དང་གཞུང་འབྲེལ་མིན་པའི་ཚོགས་སྡེ་ཁག་བརྒྱུད་བལ་ཡུལ་ཉེན་རྟོག་ལས་ཁུངས་ནས་འོས་སྒམ་ཕྱིར་སློག་ཡོང་རྒྱུ་དང་། བལ་ཡུལ་གནས་སྡོད་བོད་མི་ཚོར་དམངས་གཙོའི་ལམ་ནས་རང་གི་སྐུ་ཚབ་དང་བཀའ་ཁྲི་འོས་འདེམས་མུ་མཐུད་བྱ་འཇུག་རྒྱུར་རོགས་རམ་ཡོང་བའི་འབོད་སྐུལ་ཞུ་བཞིན་ཡོད། ཅེས་བཀོད་འདུག
ཁ་སང་ཕྱི་ཚེས་ ༡༣ ཉིན་གྱི་ཕྱི་དྲོར་འདི་གའི་གསར་འགོད་པ་ཚོགས་དྲུང་ལས་ཁུངས་སུ་བཅར་ཏེ། སྤྱི་འཐུས་ཚོགས་ཚོགས་གཞོན་རྒྱ་རི་སྒྲོལ་མ་མཆོག་ལ་གནད་དོན་དེའི་ཐད་བཅར་འདྲི་ཞུས་པར་ཁོང་མོས་གསུངས་དོན། བལ་ཡུལ་ཉེན་རྟོག་པས་བོད་མིའི་འོས་སྒམ་བཙན་འཕྲོག་བྱས་པའི་བྱ་སྤྱོད་དེར་ཧ་ཅང་བློ་ཕམ་བྱུང་ཡོད་པར་མ་ཟད། དེ་ནི་མང་གཙོའི་འགྲོ་ལུགས་དང་ཡོངས་སུ་འགལ་བསྡད་པ་ཞིག་རེད། ཡིན་ནའང་། འདས་པའི་མི་ལོ་ ༥༠ ནང་ང་ཚོ་དམངས་གཙོའི་ཐོག་འགྲོ་ཐུབ་པ་དེ་གཙོ་བོ་༧གོང་ས་མཆོག་གི་ཡང་དག་པའི་ལམ་སྟོན་དང་། བཙན་བྱོལ་བོད་མི་གནས་ཡུལ་རྒྱལ་ཁབ་དག་གི་མཐུན་འགྱུར་དང་ཁོར་ཡུག་བཟང་པོ་ཡོད་སྟབས། ད་བར་བོད་མིའི་སྐུ་ཚབ་འོས་འདེམས་བྱེད་ཐུབ་པ་བྱུང་ཡོད། བལ་ཡུལ་ནི་བོད་མི་འདུས་སྡོད་ཆེ་ཤོས་ཀྱི་རྒྱལ་ཁབ་ཅིག་ཡིན་ཞིང་། དེར་ཡོད་བོད་མི་ཚོས་ལོ་མང་རིང་རང་དབང་ལོངས་སྤྱོད་བྱེད་རྒྱུ་བྱུང་བས་བལ་ཡུལ་གཞུང་དམངས་བོད་མི་ཚོར་བཀའ་དྲིན་ཆེན་པོ་ཞིག་ཆགས་ཡོད་པར་ངོས་འཛིན་བྱེད་ཀྱི་ཡོད།
འོས་བསྡུའི་དོན་རྐྱེན་བྱུང་མཚམས་སྤྱི་འཐུས་ལྷན་ཚོགས་ཀྱི་ངོས་ནས་འཛིན་སྐྱོང་བཀའ་ཤག་ལ་ཛ་དྲག་གི་ཞུ་ཡིག་ཅིག་ཕུལ་ཏེ། དཀའ་ངལ་དེ་འོས་བསྡུའི་ལས་རིམ་དང་འབྲེལ་བ་ཡོད་པ་ཙམ་མིན་པར་དམངས་གཙོ་དང་འགྲོ་བ་མིའི་ཐང་དང་འབྲེལ་བའི་ཆབ་སྲིད་ཀྱི་གནད་འགག་ཅིག་ཆགས་ཡོད་ལུགས་སྙན་སེང་ཞུས་པ་ཡིན། དེ་བཞིན། མཉམ་འབྲེལ་རྒྱལ་ཚོགས་དང་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚོགས་པ། རྒྱལ་སྤྱིའི་ཉེས་ཡངས་ཚོགས་པ་བཅས་ལ་བོད་མིའི་འོས་བསྡུ་ལས་དོན་སྐོར་གྱི་ཞུ་ཡིག་ཕུལ་ཡོད་ཅིང་། རྒྱལ་སྤྱིའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་འབྲེལ་མཐུད་འགན་འཛིན་གྱིས་ཀྱང་དུས་ཐོག་ཏུ་བལ་ཡུལ་སྲིད་བློན་ལ་བོད་མིའི་འོས་བསྡུ་དང་འབྲེལ་བའི་འབོད་སྐུལ་ཞུ་ཡིག་ཅིག་ཕུལ་འདུག
གསར་འགོད་པ། དཔལ་ལྡན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
གོ་སྐབས་བྱུང་དུས་ངེས་པར་དུ་ཟིན་ཐུབ་དགོས་པ་དང་དེ་ཉིད་ཆུད་ཟོས་སུ་མ་འགྲོ་བ་བྱས་ནས་གོ་སྐབས་ཆེ་ཆུང་ལ་མ་ལྟོས་པར་རིག་པ་སྒྲིམ་དེ་བེད་སྐྱོད་ཡག་པོ་གཏོང་ཐུབ་དགོས།
སྐབས་འདིར་རྒྱ་ནག་གི་ལིན་ཞོའོ་པོའོ་ལ་ཞི་བདེའི་གཟེངས་རྟག་ཐོབ་པ་དང་མཉམ་དུ་ང་ཚོས་ཀྱང་ཞི་བདེ་ལ་དགའ་བའི་རྒྱ་ནག་མི་དམངས་དང་འཛམ་གླིང་མི་དམངས་་་ཞི་བདེ་ལ་དགའ་བའི་རྒྱལ་ཁབ་སོགས་དང་མཉམ་དུ་གནད་དོན་དེ་ལ་དམིགས་གསལ་དོ་སྣང་བྱེད་དགོས་པ་ནི་ང་ཚོས་ཧ་གོ་དོན་གསལ་རེད།་་
དེར་རྟེན་གཉིད་ཁུག་ནས་མ་སྡོད་པར་སྨྱུགས་ཐོག་པ་དང་ཆབ་སྲིད་པ་སོགས་ཀྱི་ཤུགས་གང་ཡོད་ཀྱི་བོད་དོན་འདི་གླེང་སླང་བྱེད་དགོས་པ་དང་སྐབས་འདིར་གོ་སྐབས་ཡག་པོ་ཞིག་དུ་གྱུར་ཡོད།་
ལྷག་པར་དུ་བོད་ཀྱི་ན་གཞོན་ཤེས་ཡོན་པ་རྣམས་ལ་དམིགས་གསལ་འགན་ཁུར་དགོས་པས་ཅི་ནས་ཀྱང་མཐུས་ཤོར་མ་ཕྱིན་པ་ངེས་པར་དུ་བྱེད་དགོས།།།།
བལ་ཡུལ་གཞུང་གིས་་་ཚོད་མེད་ཀྱི་བརྙས་བཅོས་་་འདི་ལྟར་བྱེད་དུས་་་་བོད་པ་ཚོ་སྙིང་རྗེ་ཁ་ནང་ལ་མཛུ་མོ་བཅུག་ནས་་་་སྡོད་པ་ལས་གཞན་བྱེད་ཐབས་གང་ཡང་མེད་པའི་ས་མཚམས་འདི་འདྲ་ཞིག་ལ་སླེབས་པ་ཤེས་པའི་ཐོག་ནས་་་་ང་ཚོས་བློ་དང་རིག་པ་ཡོད་ཚད་སྒྲིམ་ནས་་་་་གནད་འགག་ཐུག་དུས་རྒྱལ་སྤྱི་ལ་ཁྲིམས་གཏུག་བྱེད་ཐུབ་པའི་ལག་ཁྱེར་དང་ཤེས་ཡོན་ཚད་ལྡན་ཡོད་པའི་མཁས་དབང་བློ་སེང་ལགས་བཀའ་ཁྲི་ལ་ེང་པས་དུ་འདེམས་འོས་པ་མ་ཟད་་་་དོན་རྐྱེན་འདིས་་བཀའ་ཁྲི་ཟེར་བ་དེ་མི་ཡོད་ཚད་ཀྱིས་འཇོན་པ་ཞིག་མིན་པའི་ཉེས་བརྡ་ཞིག་ཀྱང་བཏང་པ་རེད་་་
རྒྱ་རི་ཚང་གི་མི་རྒྱུད་འདིས་སྤྱི་དོན་གྱི་ཆེད་དུ་་་འབོད་སྐུལ་གང་མང་ཞིག་སྔ་མོ་ནས་ཞུ་བཞིན་ཡོད་ཀྱང་་་་དོན་དག་ཡོད་ཚད་སྒེར་དོན་ལ་འགྲུབ་སོང་པ་ནི་མཐོང་ཆོས་རེད་་་་་་
སྤྱིར་འོས་སྒམ་བལ་ཡུལ་གཞུང་གིས་ཕྱིར་སྤྲོད་མིན་ཇི་ལྟར་ཡང་། ང་ཚོ་མི་མང་གི་ངོས་ནས་བསམ་གཞིགས་བྱེད་དགོས་པའི་གནད་དོན་གཅིག་སྒང་ཏན་ཏན་སླེབས་ཤག དེ་གང་ལགས་ཤེ་ན་སྐབས་བབ་ཀྱི་བཀའ་བློན་ཁྲི་པའི་འོས་འདེམས་ཀྱི་ལས་རིམ་དེ་རེད། བལ་ཡུལ་གཞུང་ལ་རྒྱ་དམར་གྱིས་གནོད་ཤུགས་བྱིན་ཡོད་པར་ཐེ་ཚོམ་མི་དགོས་ཀྱང་། དོན་དངོས་ཐོག་བལ་ཡུལ་གཞུང་གིས་དེར་སྡོད་བོད་རིགས་སྐྱབས་བཅོལ་བ་རྣམས་ལ་སྔོན་མ་ནས་ལྟ་སྟངས་འགྱུར་ཡོད་པས། ད་ལྟ་གདོང་རས་ངོ་མ་ཕྱིར་མངོན་འདུག དེས་ན་སྤྱིར་འུ་ཚོའི་་བཀའ་ཁྲི་འོས་མི་ནང་བགྲེས་གཞོན་མང་པོ་ཞིག་དང་བླངས་སུ་ཐོན་ཡོད་པ་དེ་བཟང་རྟགས་ཤིག་མངོན་པར་ཟད་ཀྱང་། ང་ཚོ་མི་མང་གིས་ངེས་པར་དུ་གནད་དོནདེ་ལྟ་བུ་རྒྱལ་སྤྱིའི་ཁྲིམས་ཞིབ་ཀྱི་བརྒྱུད་ནས་དག་ཐེར་བྱེད་ཐུབ་མཁན་དང་རྒྱ་གཞུང་ལ་ཁ་གཏད་གཅོག་ཐུབ་མཁན་་བཀའ་ཁྲི་ཉག་ཅིག་ནི་བློ་སེང་ལགས་ཆགས་ཡོད་པས། འུ་ཚོ་ཐུན་མོང་གིས་སྐབས་བབ་ཤུགས་རྒྱག་ས་དེ་མ་ནོར་བ་ངེས་པར་དུ་བྱེད་དགོས།
འདི་ནི་རྒྱ་ནག་གིའི་དངུལ་སྤྲད་ཡོད་ཐག་ཆོད་རེད།
གནས་ཚུལ་འདི་རིགས་ཐག་བཅོད་ཡག་པོ་མ་བྱས་ཚེ་ཉེན་ཁ་ཆེན་པོ་རེད།
གཞུང་སྒེར་སུ་ཡིན་ཡང་འཇོན་པོ་ཡིན་ན་འཇོན་རྟགས་སྟོན་པའི་དུས་ལ་སླེབས་འདུག
རྒྱ་རི་ཚང་ལགས། བོད་མི་དམངས་སྤྱི་འཐུས་ལྷན་ཚོགས་ཀྱི་ཚབ་བྱས་ཏེ། མཉམ་འབྲེལ་རྒྱལ་ཚོགས་དང་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚོགས་པ། རྒྱལ་སྤྱིའི་ཉེས་ཡངས་ཚོགས་པ་བཅས་ལ་བོད་མིའི་འོས་བསྡུ་ལས་དོན་སྐོར་ལ་སྙན་སེང་ཞུས་པ་ཐུགས་རྗེ་ཆེ།
དབང་ཆ་བདེ་སྤྱོད་བྱེད་རྒྱུར་མཚམས་ལ་སླེབས་འདུག་ག