.jpg)
ཁ་སང་ཕྱི་ཚེས་ ༢༡ ཉིན་གྱི་ཞོགས་པའི་ཆུ་ཚོད་ ༥ དང་ཕྱེད་ཀ་ཙམ་ནས་མགོ་འཛུགས་ཀྱིས་མགོ་ལོག་ཁུལ་མི་རིགས་སློབ་འབྲིང་དང་ཁུལ་དགེ་ཐོན་སློབ་གྲྭ རྫོང་ཡོད་ཡིག་སློབ་འབྲིང་བཅས་ཀྱི་སློབ་ཕྲུག་ ༣༠༠༠ ལྷག་གིས་རྒྱ་གཞུང་ལ་ངོ་རྒོལ་ཁྲོམ་སྐོར་བྱས་ཡོད་ཅིང་། དེ་ནི་ཞོགས་པའི་ཆུ་ཚོད་ལྔ་དང་ཕྱེད་ཀ་ཙམ་ལ་སློབ་མ་རྣམས་སློབ་གྲྭར་འཛོམ་བཞིན་པའི་སྐབས་སུ་མགོ་ལོག་ཁུལ་བོད་ཡིག་སློབ་འབྲིང་གི་སློབ་མ་སྐོར་ཞིག་གིས། མི་རིགས་འདྲ་མཉམ་ཡོང་དགོས། སྐད་ཡིག་རང་དབང་སྤྲོད་དགོས། རྩ་ཁྲིམས་དོན་འཁྱོལ་བྱ་དགོས། ཞེས་འབོད་ཚིག་བསྒྲགས་མ་ཐག ཁུལ་དགེ་ཐོན་སློབ་གྲྭ་དང་རྫོང་བོད་ཡིག་སློབ་འབྲིང་བཅས་ཀྱང་སྐད་འབོད་བྱས་ཡོད་ཅིང་། དེ་ནས་སློབ་ཕྲུག་རྣམས་ཁྲོམ་གཞུང་ལ་བུད་དེ་སྐད་འབོད་ཤུགས་ཆེན་བྱེད་བཞིན་ཁུལ་སྲིད་གཞུང་གི་ཕྱོགས་སུ་བསྐྱོད་ཡོད་པ་དང་། སློབ་ཕྲུག་སྐོར་ཁག་ཅིག་ཁུལ་སློབ་གསོ་སྡེ་ཁག་གི་སྒོ་ཁར་སོང་ཡོད་འདུག
ངོ་རྒོལ་སྐབས་ས་གནས་མང་ཚོགས་མང་པོ་ཞིག་ཀྱང་མཉམ་ཞུགས་བྱས་ཡོད་འདུག་ཅིང་། སྔ་དྲོའི་ཆུ་ཚོད་ ༡༠ ཙམ་ལ་ཁུལ་སློབ་གསོ་སྡེ་ཁག་གི་མི་སྣ་དང་སློབ་གྲྭའི་དགེ་ལས་སོགས་ཡོང་སྟེ་སློབ་མ་རྣམས་བཀག་འགོད་བྱས་ཡོད་འདུག་ཅིང་། སྐབས་དེར་ཉེན་རྟོག་པ་མང་པོ་ཡོང་སྟེ་སློབ་ཕྲུག་དག་གི་ལག་ནས་དཔར་ཆས་བརྙན་ཕབ་འཕྲུལ་ཆས། ལག་ཐོགས་ཁ་པར་སོགས་བཙན་འཕྲོག་བྱས་ཡོད་པ་མ་ཟད། ཁུལ་སྲིད་གཞུང་གིས་སློབ་གྲྭ་སོ་སོར་བཀའ་བརྒྱ་བཏང་སྟེ། སློབ་མའི་ཁྱིམ་བདག་རྣམས་སློབ་གྲྭར་སྐུང་འགུག་བྱས་ཏེ། སོ་སོའི་བུ་ཕྲུག་ལ་སློབ་གསོ་བཏང་སྟེ། ཟིང་ཆ་བསླང་མི་འཇུག་རྒྱུ་མ་ཟད། ད་དུང་མུ་མཐུད་དུ་སྐད་ཅོར་བརྒྱབ་པ་ཡིན་འགན་ཡོངས་རྫོགས་སློབ་གྲྭའི་དགེ་རྒན་དང་སློབ་མའི་ཕ་མ་ཚོས་འཁུར་དགོས་པའི་བཙན་བཀའ་ཡང་བཏང་ཡོད་འདུག
རེབ་གོང་ནས་སློབ་མ་ཚོས་ལས་འགུལ་སྤེལ་བའི་གནས་ཚུལ་ཨ་རིའི་སེ་ཨན་ཨན་CNN བརྙན་འཕྲིན་ལས་དོ་དགོང་དུས་ཚོད་བདུན་དང་ཕྱེད་ཀ་ཙམ་ནས་སྟོན་གིན་འདུག དེ་དང་ལྷན་དུ་རྒྱ་ནག་གི་སློབ་གསོའི་སྲིད་ཇུས་ལ་ཨ་ཟེར་གི་འདུག
བོད་ནང་གི་སློབ་གྲོགས་ཚོར་ཐུགས་རྗེ་ཆེ་ཞུ།
རྒྱ་གཞུང་གི་སློབ་མས་ངོ་རྒོར་དང་སྐད་འབོད་བྱས་པ་དེ་དགེ་རྒན་དང་ཕ་མ་སོགས་ཀྱི་འགན་ཁུར་དགོས་ཞེས་པ་ནི། འཛམ་གླིང་གང་གིས་ཁྲིམས་དང་མི་མཐུན་པའི་ལམ་ལུགས་ཞིག་ཡིན་པ་མ་ཟད། རྒྱ་ནག་རང་གི་རྩ་དོན་དང་འགལ་བ་ཞིག་རེད། རྩ་ཁྲིམས་དོན་ཚན་བདུན་བཅུ་ནང་དུ། བྱིས་པ་ལོ་༡༨ ཡན་ཆད་ཀྱི་བདག་དབང་རང་གིས་བསམ་ཚུལ་ཐོག་འཇོག་དགོས་པ་ལས་དགོན་པ་དང་ཕ་མ་སོགས་ཀྱི་འཆར་འགོད་བྱེད་མི་ཆོག་ཞེས་བཀོད་ཡོད་པ་རེད།
བོད་སར་ཡོད་པའི་བོད་རིགས་ལས་བྱེད་པ་སྡུག་ཤོས་འདི་ཚོས་རྒྱ་བོད་གང་ལའང་ཕན་ཐོག་མེད་པས་ལས་ག་སྣ་ཚོགས་སྒྲུབ་སྟེ། རྒྱ་བོད་གཉིས་ཆར་ལ་གནོད་པ་ཚབ་ཆེན་གཏོང་བཞིན་ཡོད།
དེང་སང་བོད་ཁུལ་ལ་སྲིད་ཇུས་མང་པོ་ཞིག་སྤེལ་གྱི་ཡོད་ཚོད་འདུག་པས་འབྲེལ་ཡོད་ཚོས་བོད་ནང་དུ་ཉམས་ཞིབ་བྱེད་དགོས་ཚོད་འདུག དགོན་པ་ཁག་ལ་གཞུང་གི་ལས་ཁུངས་民管会ཞེས་པའི་ལས་ཁུངས་ཤིག་འཛུགས་པ་དང། གྲོང་སྡེ་ནང་དུ་党员活动室ཞིག་འཛུགས་ཀྱི་ཡོད་པ་དང། དེའི་སྟེང་རྒྱའི་དར་སྒྲེང་འཛུགས་བྱེད་དགོས་པར་བཤད། དེ་མིན་དེང་སང་མཉམ་ལས་ཞེས་པའི་ལས་འགུལ་ཞིག་སྤེལ་ཏེ་ཟོག་ལུག་སྒེར་གྱིས་བཙོང་མི་ཆོག་པར་གཞུང་གི་བསྐོ་འཛུགས་བྱས་པའི་མི་སྣ་དེ་ཡི་བཙོང་དགོས་ཀྱི་ཡོད་སྟབས་མི་མང་དེ་ཚོ་སྔོན་མའི་མཉམ་ལས་ཁང་ལྟ་བུ་ཞིག་མི་ཡོང་ངམ་སྙམ་རྔམ་སྐྲག་དང། སོ་ཟོག་ལུག་མཚན་ལྐོག་ནས་བཙོང་གི་ཡོད་ཚོད་ལ་བལྟས་ན་ཞེད་སྣང་སྐྱེས་དགོས་པ་ཞིག་འདུག་ཅེས་བོད་ནས་མི་ཞིག་གིས་བཤད་སོང། དེ་དོན་བཞིན་ས་གནས་ཁག་དང་འབྲོག་ཕྱོགས་ལ་འབྲེལ་བ་ཡོད་མཁན་ཚོས་འབྲེལ་བ་བྱས་ཏེ་གནས་ཚུལ་རྒྱུལ་ལོན་བྱེད་དགོས་ཚོད་འདུག