འཛམ་གླིང་ནོ་སྦེལ་ཞི་བདེ་གཟེངས་རྟགས་བཞེས་མྱོང་མཁན་གྱི་རྒྱལ་སྤྱིའི་ལྷན་ཚོགས་ཐེངས་ ༡༡ པ་དེ་རིང་ཕྱི་ཚེས་ ༡༡ ནས་ ༡༣ བར་གྱི་ཉིན་གསུམ་རིང་ཉི་ཧོང་གི་གྲོང་ཁྱེར་ཧེ་རོ་ཞཱི་མའི་ནང་ཚོགས་གཏན་འཁེལ་ཡོད་ཅིང་། ཐེངས་འདིའི་ལྷན་ཚོགས་ཐོག་འཛམ་གླིང་ཡུལ་གྲུ་གང་སར་ཡོད་པའི་ནོ་སྦེལ་ཞི་བདེ་གཟེངས་རྟགས་བཞེས་མྱོང་མཁན་གྱི་མི་སྣ་ ༢༠ ལྷག་ཕེབས་འཆར་ཡོད་པ་དང་། ༸གོང་ས་མཆོག་ལྷན་ཚོགས་འདིའི་སྟེང་མཉམ་ཞུགས་ཀྱིས་སྐར་མ་ ༢༠ ཙམ་ལ་གསུང་བཤད་གནང་འཆར་ཡོད་འདུག
སྐབས་ ༡༡ པའི་ནོ་སྦེལ་ཞི་བདེ་གཟེངས་རྟགས་བཞེས་མཁན་གྱི་ལྷན་ཚོགས་འདི་ནི། ཧེ་རོ་ཞཱི་མའི་སྤྱི་ཁྱབ་ལྷན་ཁང་དང་ནོ་བེལ་ཞི་བདེའི་གཟེངས་རྟགས་བཞེས་མྱོང་བའི་རྒྱལ་སྤྱིའི་ལྷན་ཚོགས་ཀྱི་གཏན་འཇགས་ཚོགས་དྲུང་ལས་ཁུངས་གཉིས་ཟུང་འབྲེལ་ཐོག་ནས་གོ་སྒྲིག་གནང་བ་ཞིག་ཡིན་འདུག་ལ། ལྷན་ཚོགས་ཀྱི་དབུ་འབྱེད་མཛད་སྒོའི་སྟེང་ཧེ་རོ་ཞཱི་མའི་གྲོང་ཁྱེར་སྤྱི་ཁྱབ་པ་སྐུ་ཞབས་ཁྲལ་ཌ་ཁྲོལ་ཤི་ཨ་ཀེ་བྷ་ Tadatoshi Akiba མཆོག་ཆེད་ཕེབས་ཀྱིས་མཛད་སྒོ་དབུ་འབྱེད་གནང་རྒྱུ་མ་ཟད། ལྷན་ཚོགས་ཀྱི་མཐའ་མའི་ཉིན་ཚོགས་ཞུགས་པ་ཐུན་མོང་ནས་ཧེ་རོ་ཞཱི་མ་དང་ན་ག་ས་ཀི་བཅས་ཡུལ་གཉིས་ཀྱི་རྡུལ་ཕྲན་མཚོན་ཆའི་གནད་དོན་ཐོག་རྐྱེན་འདས་སུ་གྱུར་བ་རྣམས་ལ་རྗེས་དྲན་དང་། སྐབས་དེར་ཨི་ཊ་ལིའི་རྐང་རྩེད་སྦོ་ལོ་མཁས་ཅན་སྐུ་ཞབས་རོ་བྷར་ཊོ་བྷེ་ཇོ་ལགས་ལ་འཛམ་གླིང་ནང་ཞི་བདེའི་ཕྱག་ལས་གནང་བའི་བྱས་རྗེས་ལ་ངོས་འཛིན་དང་བཅས་ ༢༠༡༠ ལོའི་འཛམ་གླིང་ཞི་བདེའི་གཟེངས་རྟགས་ཤིག་འབུལ་རྒྱུ་ཡིན་འདུག
ཐེངས་འདིའི་ཉིན་གྲངས་གསུམ་རིང་གི་ནོ་སྦེལ་ཞི་བདེ་གཟེངས་རྟགས་བཞེས་མྱོང་མཁན་དག་འདུ་འཛོམས་ཀྱི་ལྷན་ཚོགས་སྟེང་། ཨུ་རུ་སུའི་སྲིད་འཛིན་ཟུར་པ་སྐུ་ཞབས་མུ་ཁལ་གྷོར་བྷ་ཆོལ་ལགས་དང་ལྷོ་ཨ་ཧྤི་རི་ཀའི་སྲིད་འཛིན་ཟུར་པ་སྐུ་ཞབས་ཌི་ཀེལ་ལགས། ལེག་ཝ་ལེ་ས་ལགས་དང་མོ་ཧ་མེལ་ཨེལ་བྷ་ར་ཌི། བྱང་ཨེར་ལེན་གྱི་ལྕམ་སྐུ་མ་གྷུ་རེ། ཨི་རན་གྱི་ཤཱེ་རིན་ཨི་བྷར་ཌི། འཛམ་གླིང་ནང་ས་འོག་འབར་རྫས་མེད་པ་བཟོ་རྒྱུའི་ཐད་ལས་འགུལ་སྤེལ་མཁན་ཨ་རིའི་ལྕམ་སྐུ་ཇུ་ཌི་ཝིལ་ཡམ་བཅས་མི་སྒེར་ཁག་དང་། དེ་བཞིན་འཛམ་གླིང་མཉམ་འབྲེལ་རྒྱལ་ཚོགས་ཀྱི་ཆེས་མཐོའི་སྐྱབས་བཅོལ་ལྷན་ཚོགས་དང་རྒྱལ་སྤྱིའི་གནམ་གཤིས་འགྱུར་ལྡོག་ཚོགས་པ། རྒྱལ་སྤྱིའི་ངལ་རྩོལ་ཚོགས་པ། རྒྱལ་སྤྱིའི་རྡུལ་ཕྲན་ནུས་ཤུགས་ལྷན་ཚོགས། རྒྱལ་སྤྱིའི་རྒྱ་གྲམ་དམར་པོའི་ཚོགས་པ། རྒྱལ་སྤྱིའི་རྒྱ་གྲམ་དམར་པོ་དང་ཟླ་གམ་ཚོགས་པ། རྡུལ་ཕྲན་མཚོན་ཆའི་དམག་འཁྲུག་འགོག་ཐབས་གནང་མཁན་རྒྱལ་སྤྱིའི་དངོས་ཁམས་རིག་པའི་ལྷན་ཚོགས། རྒྱལ་སྤྱིའི་ཉེས་ཡངས་ཚོགས་པ། རྒྱལསྤྱིའི་ཞི་བདེའི་ལྷན་ཁང་། ཨ་རིའི་མཛའ་གྲོགས་ལྷན་ཚོགས་ཀྱི་དབུ་ཁྲིད་བཅས་ཀྱང་མཉམ་ཞུགས་གནང་གཏན་འཁེལ་ཡོད་པ་རེད།
གསར་འགོད་པ། དོན་གོས་བསྡུ་སྒྲིག་བྱས།
![Changpa nomads walk on a rugged path in Ladakh's Chushul valley [Tarushi Aswani/Al Jazeera]](https://tibettimes.net/wp-content/uploads/2026/10/Screen-Shot-2026-10-16-at-2.29.07-PM-360x180.png)
ཨོ་བྷ་མར་ཞི་བདེ་གཟེངས་རྟགས་སྤྲད་པ་དེ་མགོ་སེར་ཚོ་ཨ་སར་ཚ་དྲག་པའི་དན་རྟགས་ཕྱིར་མངོན་པ་ལས་ད་བར་ཨོ་བྷ་མར་རླབས་ཆེན་གྱི་ལས་དོན་ཅི་ཡང་སྟོན་རྒྱུ་མེད། དེའི་ཕྱིར་ཨོ་བྷ་མ་ལྟ་བུར་ཞི་བདེ་གཟེངས་རྟགས་ཐོབ་ན་འཛམ་གླིང་གི་མི་འུ་ཡོད་དོ་ཅོག་ལ་ཞི་བདེ་གཟེངས་རྟགས་སྤྲད་ཀྱང་མི་འགྲིག་པ་ག་ལ་ཡོད།
སྔོན་འགྲོའི་བཀའ་ཁྲིའི་འོས་མིའི་ནང་མཁས་དབང་བློ་བཟང་སེང་གེ་ལ་འོས་གྲངས་༢༢༤༨༩ དང་། བཀྲས་མཐོང་བསྟན་འཛིན་རྣམ་རྒྱལ་ལ་༡༢༣༡༩ རྒྱ་རི་སྒྲོལ་མ་ལ་༢༧༣༣ བཀྲ་ཤིས་དབང་འདུས་༢༡༠༡ བློ་བཟང་སྦྱིན་པ་༡༥༤༥ འཁོར་ལྷ་ཚང་བསོད་ནམས་སྟོབས་རྒྱལ་ལ་༦༠༥ བཅས་ཡིན་པ་རེད།
ཞི་བདེའི་གཟེངས་རྟགས་བཞེས་མྱོང་མཁན་འདི་ཚོ་ཧ་ཅང་གི་བཀུར་འོས་ཆེས་མཐོའི་མི་སྣ་རྐྱང་རྐྱང་ཡིན་པས་་་འདི་འདྲ་རིགས་འཛམ་གླིང་གི་ཡུལ་གྲུ་འདི་ནང་དུ་མང་ཙམ་ཕེབས་ཡོང་ན་་་་་གོ་ལ་ཆིག་བསྒྲིལ་དང་འཆམ་མཐུན་ཡོང་བར་ཕན་ཐོག་ཏན་ཏན་ཡོང་བའི་ཡིད་ཆེས་བྱེད་ཆོག།
ཞི་བདེ་གཟེངས་རྟགས་བཞེས་མྱོང་མཁན་རྣམས་ཀྱིས་འཛམ་གླིང་ནང་དུ་ཞི་བདེ་བསྐྲུན་ཐབས་ལ་འབད་བརྩོན་གནང་བ་ནི་ཤིན་ཏུ་འོས་པ་ཡིན་ ཡིན་ན་ཡང་ཚོགས་འདུ་དེ་ལྟ་བུ་སྔར་ཐེངས་གསུམ་འཚོགས་མྱོང་ཡོད་ཀྱང་ ཚོགས་མིའི་གྲུབ་ཆ་ནང་ལ་ནུས་ཕན་ཐོན་པ་དང་སྟོབས་ཤུགས་ཆེ་བ་རྣམས་འཛོམས་མྱོང་མེད་པ་ནི་མཁྱེན་དགོས་པ་ཡིན་ དཔེར་ན་ ད་ལོ་སླར་ཡང་ཨོ་བྷ་མ་ཚོགས་འདུར་བཅར་མེད་ རྒྱུ་མཚན་གཞན་གང་ཡང་མེད་ རྒྱ་ནག་ལ་འཇིགས་སྣང་གིས་རྐྱེན་པས་ཁོ་ན་ཡིན་ སྤྱིར་དུས་ཚོད་མེད་པ་མིན་ དེང་སང་ཨོ་བྷ་མ་ཨེ་ནངཤི་ཡ་ནང་གཟིགས་སྐོར་བསྐྱང་བཞིན་ཡོད་པས་བཅར་ཆོག་ཆོག་ཡིན་ བྱས་ཙང་ཁོ་བོས་བསམས་པར་ཨོ་བྷ་ལྟ་བུ་ལ་གཟེངས་རྟགས་དེ་ལྟ་བུ་འཕུལ་བ་ནི་འོས་ཤིང་འཚམས་པ་མ་ཡིན་པ་ཞིག་ཏུ་མཐོང་།
འདི་ངོ་མ་གཏམ་བཟང་རེད། ཞི་བདེ་ནི་འཛམ་གླིང་མི་བུ་འདས་གསོན་ཚང་མའི་རེ་ལྟོས་དང་དམིགས་འདུན་ངོ་མ་དེ་འདི་ཡིན་ལ།
ཞི་བདེ་ལྷན་ཚོགས་ཀྱིས་༢༠༡༠ལོའི་ཞི་བདེའི་གཟེངས་རྟགས་བཞེས་མཁན་སྐུ་ཞབས་ལེའུ་ཞོའོ་པའོ་གང་མགྱོགས་གློད་གྲོལ་ཡོང་རྒྱུར་འབད་བརྩོན་གནང་ཐུབ་ན་ཡག་པོ་འདུག
དངོས་གནས་ཡག་ཐལ། འཛམ་གླིང་ཞི་བདེ་དང་བོད་གངས་ཅན་ཀྱི་ལྗོངས་འདིར་ཆོས་སྲིད་རང་དབང་གཙང་མ་མྱུར་དུ་སྤྱོད་ཐུབ་པའི་སྨོན་འདུན་ཞུ།