ཟླ་འདིའི་ཕྱི་ཚེས་ ༡༥ ནས་ ༡༧ བར་ཉིན་གསུམ་རིང་ངྷ་ས་ནས་ལྡི་ལིར་སྐྱོད་པའི་རླངས་འཁོར་གྱི་གླ་ཆ་ཧིན་སྒོར་ ༥༥༠ ནས་ ༧༥༠ བར་སྤར་ཏེ། ནམ་རྒྱུན་གྱི་གོང་ཚད་ལས་ཧིན་སྒོར་ ༢༠༠ ཙམ་མཐོ་བ་ཆགས་ཡོད་འདུག དེ་ནི་ལོ་ལྟར་ཉིན་དེ་དག་ནང་ངྷ་སའི་ཉེ་འཁོར་གྱི་བོད་ཁྱིམ་སློབ་གྲྭ་ཁག་གིས་སློབ་ཕྲུག་ཚོར་དགུན་གནང་བཏང་སྟེ། སློབ་ཕྲུག་ཚོ་ལྡི་ལི་དང་བལ་ཡུལ། ལྷོ་ཕྱོགས་སོགས་སུ་དགུན་གནང་དུ་སྐྱོད་པའི་དུས་སྐབས་ལ་འཁེལ་ཡོད་སྟབས། ཚོང་གི་འཁོར་རྒྱུག་ལྟར་རླངས་འཁོར་འགྲིམ་འགྲུལ་གླ་ཆ་ཡར་སྤར་བ་ཞིག་ཡིན་འདུག
ངྷ་སར་གནས་སྡོད་བོད་མི་འབྲོག་རུ་རྡོ་རྗེ་ལགས་ཀྱིས་འདིའི་ཐད་དུ་གསུངས་དོན། ལོ་ལྟར་ད་ལྟའི་དུས་འདིར་ངྷ་ས་ནས་ལྡི་ལིའི་བར་གྱི་རླངས་འཁོར་གྱི་འགྲིམ་འགྲུལ་གླ་ཆ་ནམ་རྒྱུན་གྱི་གོང་ཚད་ལས་འཕར་གྱིན་འདུག་ལ། དེ་ནི་ཉིན་དེ་དག་རིང་སློབ་ཕྲུག་ཚང་མ་ལྡི་ལི་དང་བལ་ཡུལ། ལྷོ་ཕྱོགས་བཅས་སུ་གུང་སེང་དུ་སྐྱོད་པའི་དུས་ཚོད་ཡིན། རླངས་འཁོར་གྱི་འཛིན་མི་ཉོ་ཐབས་མེད་དུ་གྱུར་ཡོད་སྟབས་དེ་ལྟར་གོང་ཚད་ཡར་སྤར་བ་ཞིག་རེད། དངོས་གནས་བཤད་ན། སློབ་ཕྲུག་གི་འཚོ་བ་ངན་ངོན་གྱི་གནས་སྟངས་ལ་བསམ་སྟེ། སློབ་ཕྲུག་ཚོར་བརྒྱ་ཆ་ཕྱེད་བཅག་མི་བྱེད་ནའང་། ད་དུང་ནམ་རྒྱུན་གྱི་གོང་ཚད་ལས་ཀྱང་ཡར་སྤར་བ་ནི་འདོད་རྔམ་ཆེ་དྲགས་པ་རེད། བྱེད་སྟངས་འདི་འགྲོ་བ་མིའི་བཟང་སྤྱོད་དང་མཐུན་པ་ཞིག་ཆགས་ཡོད་པ་མ་རེད། ཅེས་རྒྱ་གར་བ་ཚོའི་བྱེད་སྟངས་དེར་ཅུང་མ་རངས་པའི་རྣམ་འགྱུར་དང་བཅས་བརྗོད་བྱུང་།
གསར་འགོད་པ། ཨ་རིག་འགྱུར་མེད།
བོད་ཁྱིམ་སློབ་གྲྭའི་ནང་ད་ཆ་བཙན་བྱོལ་བོད་མིའི་སློབ་ཕྲུག་གི་བརྒྱ་ཆ་ ༥༣ ཙམ་ཡོད་པས། བོད་ཁྱིམ་གྱི་དགུང་གསེང་བཏང་བ་དང་བཙན་བྱོལ་བོད་མིའི་ནམ་རྒྱུན་གྱི་འགྲོ་སྟངས་མང་པོ་ཞིག་ལའང་འགྱུར་བ་རང་བཞིན་གྱིས་འཐེབ་བཞིན་ཡོད་པས། ང་ཚོས་ཅིས་ཀྱང་གནས་ཚུལ་འདི་རིགས་ཐད་སྣང་མེད་དུ་མ་བཞག་པར། གཞུང་འབྲེལ་མིན་པའི་ཚོགས་པ་དང་། སྒེར་པ་ཁག་ནས་སྔོན་་ཚུད་ནས་གྲ་སྒྲིག་ཨང་གསར་བྱ་དགོས་པ་འདི་ཡང་གནད་འགག་ཅིག་ཡིན།
རྒྱར་བ་ཚོས་བོད་པའི་སློབ་ཕྲུག་དང་བོད་མི་རྣམས་ལ་ཆེད་དུ་རིན་གོང་ཡར་མཐོ་གཏོང་གྱིན་ཡོད་པ་འདི་བདེན་པ་ཡིན་ན། བོད་མི་ཚོས་རང་གི་བསྒྲིགས་འཛུགས་ཐོག་སྤྱི་སྤྱོད་རླངས་འཁོར་དང་གཞན་ཡང་རླངས་འཁོར་ཆེ་ཆུང་གང་མང་གི་གཞི་ཆགས་ཕན་ཚུན་བར་དང་རྒྱལ་ས་ཁག་ཏུ་བོད་མི་རྣམས་ལ་འགྲིམ་འགྲུལ་གྲ་བསྒྲིགས་མི་བྱེད་པ་འདི་ཅི་ཞིག་རེད། བོད་མི་ཚོས་མགྲིམ་འགྲུལ་གྱི་རླངས་འཁོར་ཆེ་ཆུང་གང་ཞིག་ཡིན་ཡང་རང་གི་བསྒྲིག་ལམ་ཡོད་པ་དང་འཆར་གཞི་ཡོད་པའི་ཐོག་ནས་རྒྱ་གར་རེ་མི་དགོས་བ་བཟོས་མི་ཆོག་གམ། མ་གཞི་བཙན་གཤོལ་པས་ད་དུང་དུས་རབས་གཅིག་གི་རིང་ལ་རྒྱ་གར་དུ་བསྡད་ནས། ཐ་ན་འདི་ལྟ་བུའི་འཚོ་བའི་ཐད་ཀྱི་གྲ་བསྒྲིགས་སྟབས་བདེ་ཙམ་ཡང་བྱེད་མི་ཐུབ་འདི་ངོ་ཚ་འོས་པ་དང་སྐྱོ་འོས་གནས་ཞིག་མ་རེད་དམ།
ཚོང་ཟེར་བ་དེ་འདི་འདྲ་ཞིག་ཡིན་རྒྱུ་རེད།་ཅིང་བཤད་རྒྱུ་མེད། རྡ་སའི་མོག་མོག་བཙོང་མཁན་དང་ཟ་ཁང་ཚོ་ཡང་དེ་མཚུངས་རེད། རང་ངོས་གཡག་མི་མཐུང་བར་གཞན་སྐྱོན་ཤིག་བཙལ་ནས་ཅི་ཞིག་ཕན།
གང་ལྟར་རྡ་སར་འགྲོ་འདོད་ན་ལོ་གཉིས་ཀྱི་གོང་ནས་སྒོར་བསོག་དགོས་འདུག
འདི་ནི་གཙོ་དྷི་ལིའི་ནང་གི་འགྲེམ་འགྲུལ་ལས་ཁུངས་ཁག་གི་བྱས་པ་ཤིག་རེད་དེ་དང་མཉམ་དུ་རྒྱ་གར་ཡང་ཡོད་རེད་
འདི་རིགས་རྒོད་ལན་སློག་དགོས་རེད་
སློབ་གྲྲ་གུང་སེང་སྐབས་ལ་སྤྱོད་སློག་བཞིན་ཡོད་རེད་
རྒྱ་གར་རང་དབང་ལུང་པ་ཡིན་ཡང་སོ་སོ་ལ་རྒྱལ་ཁབ་མེད་པའི་དབང་གིས་མི་གཞན་བཞག་ནས་སློབ་ཕྲུག་ཚོ་ལ་ཡང་དཀའ་ངལ་འདི་ལྟར་འཕྲད་བཞིན་ཡོད། སྙིང་མ་བརྗེ།