ཟླ་འདིའི་ཕྱི་ཚེས་ ༡༧ ཉིན་པེ་ཅིན་གྲོང་ཁྱེར་དུ་ཡོད་པའི་མ་སྐྱེས་ཨ་མའི་ཡན་ལག་ཁང་དུ། དེང་སྐབས་བོད་ཁུལ་དུ་སྙན་གྲགས་གང་འཚམ་རྒྱས་བཞིན་ཡོད་པ་མ་ཟད། ཤར་ཨེ་ཤ་ཡའི་རྒྱལ་ཁབ་ཁག་ཅིག་ཏུ་ཡང་འཁྲབ་སྟོན་རིམ་པར་སྐྱོད་བཞིན་པའི་༼ མཐོ་སྒང་བུ་མི་སྤུན་གསུམ༽མམ། ཨ་ཅག་ཚན་སྡེབ་ཞེས་པའི་གཞས་མ་དེ་དག་གིས་ཁྲག་དཀར་གྱི་ན་ཚ་ཕོག་པའི་བོད་རིགས་སློབ་ཆེན་སློབ་མ་པདྨ་བསྟན་འཛིན་ཟེར་བ་ཞིག་ལ་རྒྱ་སྒོར་ཁྲི་ ༨ གྱི་ཞལ་འདེབས་རོགས་སྐྱོར་གནང་ཡོད་འདུག
ཁྲག་དཀར་གྱི་ན་ཚ་ཕོག་པའི་པདྨ་བསྟན་འཛིན་ནི། བོད་ལྗོངས་སློབ་གྲྭ་ཆེན་མོའི་བོད་སྐད་ཡིག་རྩོམ་རིག་སྡེ་ཁག་གི་ལོ་རིམ་གསུམ་པའི་སློབ་མ་ཞིག་ཡིན་འདུག་ལ། འདི་ལོའི་ཟླ་ ༩ པའི་ཚེས་ ༢༢ ཉིན་སྨན་ཁང་ནས་བརྟག་དཔྱད་བརྒྱུད་ཁྲག་དཀར་གྱི་ན་ཚ་ཡོད་པ་ཤེས་རྟོགས་བྱུང་སྟེ། ད་ཆར་པེ་ཅིན་ཁྲོ་ཡཱང་སྨན་ཁང་དུ་སྨན་བཅོས་བྱེད་བཞིན་ཡོད་ཀྱང་། ཁྱིམ་གྱི་འབྱོར་པ་ཞན་པའི་དབང་གིས་སྨན་རིན་དང་ཐ་ན་འཚོ་བའི་མཐུན་ཀྱེན་ལ་ཡང་དཀའ་ངལ་འཕྲད་བཞིན་ཡོད་སྟབས། བོད་ཡིག་དང་རྒྱ་ཡིག་གི་དྲ་ལམ་ཁག་བརྒྱུད་ཞལ་འདེབས་བསྡུ་སློང་བྱེད་ཀྱི་ཡོད་པ་ལྟར། མཐོ་སྒང་བུ་མོ་སྤུན་གསུམ་གྱིས་སྙིང་རྗེ་རོགས་སྐྱོར་གྱི་ཞལ་འདེབས་འབུལ་བའི་བྱ་འགུལ་བསྡུས་ཏེ། རྒྱ་སྒོར་ཁྲི་ ༨ ལྷག་སྨན་ཁང་དུ་བསྐྱལ་ནས་པདྨ་བསྟན་འཛིན་ལགས་ལ་དངོས་སུ་སྤྲད་ཡོད་པ་མ་ཟད། ཁོང་མོ་གསུམ་གྱིས། གཞན་ཕན་གྱི་བྱམས་བརྩེ་ནི་ཀུན་ལས་ཁྱད་དུ་འཕགས་པ་ཞིག་ཡིན་སྟབས། མ་འོངས་པར་ང་ཚོ་མི་རེ་རེའི་ངོས་ནས་རོགས་སྐྱོར་གྱི་ཆེ་ཆུང་ལ་མ་ལྟོས་པར་འབད་གང་ཐུབ་བྱ་རྒྱུ་ཡིན། ཞེས་ཀྱང་བརྗོད་འདུག
གསར་འགོད་པ། དོན་གོ
མི་ཚེ་མང་ཆེ་བ་རྒྱ་ཡུལ་དུ་བསྐྱེལ་ཀྱང་བོད་མི་རིགས་ལ་དུང་བའི་ལྷག་བསམ་དང་ཡ་རབ་ཀྱི་གཤིས་ཀ་དུས་ནམ་ཡང་རྒྱུ་འཇམ་དུ་གཡོ་བ་མེད་པར་གནས་ཡོད་པའི་དེང་དུས་ཀྱི་གླུ་མ་སྐད་གྲགས་ཅན་ཨ་ཅག་ཚན་སྡེབ་བུ་མོ་སྤུན་གསུམ་གྱིས་སྙིང་རྗེ་ཆེན་པོས་སྒོ་ནས་བོད་པའི་སློབ་མ་པདྨ་བསྟན་འཛིན་ལ་ཞལ་འདེབས་གནང་བར་སྙིང་ཐག་པ་ནས་ཐུགས་རྗེ་ཆེ་ཞུ་ཞུ།།
སེམས་ཅན་ནད་པ་ཇི་སྙེད་པ།། མྱུར་དུ་ནད་ལས་ཐར་གྱུར་ཅིག།
འགྲོ་བའི་ནད་རྣམས་མ་ལུས་པ།། རྟག་ཏུ་འབྱུང་བར་མེད་པར་ཤོག།
མཐོ་སྒང་བུ་མི་སྤུན་གསུམ་ལགས་ངས་དུས་རྒྱུན་དུ་དྲ་ཐོག་ནས་ཁྱེད་རྣམས་པའི་གཞས་ཉན་པར་ཤིན་ཏུ་ནས་དགའ་པོ་ཡོད་ལ་དེ་རིང་གི་གཏམ་བཟང་དེ་ནི་ཁྱེད་རྣམས་ཀྱི་གཞས་ཀྱི་ནང་ནས་ཆེས་ཡག་ཤོས་སམ་སྙན་ཤོས་ཀྱི་གཞས་ཞིག་ཏུ་རྩིས་ནས་ངས་ནམ་ཡང་རྗེས་ས་མ་རེད་ལ། ངའི་གྲོགས་པོ་རྣམས་ཀྱི་མདུན་དུ་ངས་སྤོབས་པ་དང་བཅས་གཏམ་བཟང་དེ་སྒྲོག་ངེས་ཡིན། ཁྱེད་རྣམས་ལ་བོད་མིའི་རང་བཞིན་ལྷད་མེད་པ་ཞིག་འདུག་ཐུགས་རྗེ་ཆེ།
མཐོ་སྒང་བུ་མི་སྤུན་གསུམ་ལགས་ཐུགས་རྗེ་ཆེ། ཁྱེད་ཚོས་ཁ་ཡོག་ལག་ཡོད་ཀྱི་རང་རིགས་ཤིག་ལ་རོགས་གནང་བ་ངོ་མ་གཟི་བརྗིད་ཆེ།
འདི་ན་ཡང་ཁ་ཡོད་ལག་ཡོད་ཀྱི་སྙིང་རྗེའི་ཞིག་ངོ་མ་དྭ་ཡིན་ན་གཞན་དོན་ཟེར་བ་དེ་ཆོས་ལ་མ་སྦྱང་བའི་མི་ཚོགས་དཀྱིལ་མ་ནང་ལོག་ནས་ཐོན་ཡོང་གི་འདུག། པདྨ་བསྟན་འཛིན་ལགས་ཁྱོད་ཁྲག་དཀར་གྱི་ནད་གཞི་དེ་ལས་མྱུར་ཏུ་གྲོལ་བའི་སྨོན་ལམ་འདེབས། དེ་ལས་ཀྱང་མཐོ་སྒང་བུ་མོ་སྤུན་གསུམ་ལ་སྙིང་ནས་བཀའ་དྲིན་ཆེ་ཞེས་ཞུ་འདོད་བྱུང་།བོད་རྒྱ་སུ་ཞིག་དཀའ་ངལ་འདི་འདྲ་ལ་ཐུགས་ན་དེ་ལས་གྲོལ་བའི་ཐབས་ཤེས་བྱེད་རྒྱུ་ངོ་མ་གལ་ཆེན་པོ་རེད་འདུག
ཁོ་མོ་ཚོ་ཨ་ཅག་ཚན་སྡེབ་རེད་མ་གཏོགས་མཐོ་སྒང་བུ་མོ་སྤུན་གསུམ་མ་རེད་ད། གནས་ཚུལ་གསལ་པོ་གཏོང་རོགས།
http://www.youtube.com/watch?v=nzTaSj3BM6E
བོད་རིགས་ནང་ཁུལ་རོགས་རམ་བྱེད་པའི་ལ་ཞེན་དེར་སྙིན་ནས་བསྟོད། ལེགས། ལེགས། ལེགས། འདི་རིགས་ནི་རང་དབང་འཐབ་རྩོད་ཀྱི་གཞི་གདན་དུ་འགྲོ་ངེས་ཡིན་པས། མང་ཙམ་དགོས་གལ་ཆེ།
བྱ་ལམ་ལ་སོང་། དྲིན་ཆེན་མ་ཆ་བོ།