ཟླ་འདིའི་ཕྱི་ཚེས་ ༡༨ ཉིན་ཁེ་ན་ཌའི་མི་སེར་དང་ཡུལ་མི་གནས་སྤོར་ལས་ཁུངས་ཀྱིས་གསལ་བསྒྲགས་ཤིག་སྤེལ་བའི་ནང་། འབྱུང་འགྱུར་གྱི་ལོ་ ༥ རིང་རྒྱ་གར་ཤར་ཕྱོགས་ཀྱི་ཨ་རུ་ན་ཅལ་མངའ་སྡེ་ནས་བོད་མི་ ༡༠༠༠ ཙམ་ཁེ་ན་ཌའི་ནང་སྐྱབས་བཅོལ་དུ་ལེན་རྒྱུ་ཡིན་སྐོར་ཕྱིར་བསྒྲགས་བྱས་ཡོད་ལ། གནས་ཚུལ་དེའི་ཐད་བཙན་བྱོལ་སྤྱི་ཚོགས་ནང་སླེང་སློང་ཤུགས་ཆེན་བྱུང་ཡོད་སྟབས། ཕྱི་ཚེས་ ༢༢ ཉིན་འདི་གའི་གསར་འགོད་པས་བོད་གཞུང་བཀའ་དྲུང་མི་འགྱུར་རྡོ་རྗེ་མཆོག་ལ་བཀའ་འདྲི་ཞུས་སྐབས་ཁོང་གིས། གནས་ཚུལ་དེ་འདྲ་ཞིག་གསར་འགྱུར་ནང་བསླེབས་ཡོད་པ་དངོས་ཡོད་རེད། འོན་ཀྱང་གཞུང་འབྲེལ་དེ་འདྲ་མ་རེད་ལ། ད་སྔ་ཁེ་ན་ཌ་གཞུང་གིས་གནས་ཆུལ་འདིའི་ཐད་བཙན་བྱོལ་བོད་གཞུང་དང་གྲོས་བསྡུར་གང་ཡང་བྱུང་མེད་སྟབས། འཛིན་སྐྱོང་བཀའ་ཤག་ལ་འདིའི་སྐོར་ལ་ཞུ་རྒྱུ་གང་ཡང་མེད་གསུངས་སོང་།
དེ་རིང་ཡང་བསྐྱར་འདི་གའི་གསར་འགོད་པ་བོད་གཞུང་ནང་སྲིད་ལས་ཁུངས་སུ་བཅར་ཏེ། དྲུང་ཆེ་དངོས་གྲུབ་རྡོ་རྗེ་མཆོག་ལ་ཁེ་ན་ཌ་གཞུང་གི་གསལ་བསྒྲགས་དེའི་སྐོར་ཁ་གསལ་ཆགས་ཡོད་མེད་བཀའ་འདྲི་ཞུས་སྐབས། ཁོང་གིས་ཀྱང་གོང་ལྟར། གནས་ཚུལ་འདི་ཕྱི་ལོགས་ནས་གོ་བསྡད་པ་ཙམ་ལས་ད་ལྟའི་ཆར་འདིར་གཞུང་འབྲེལ་ཐོག་འབྱོར་བའི་གནས་ཚུལ་དེ་འདྲ་ཡོད་པ་མ་རེད། དཔེར་ན། གང་འདྲ་བྱས་ཏེ་ལེན་རྒྱུ་ཡིན་པ་དང་། གང་ནས་ལེན་རྒྱུ་ཡིན་པ། འགྲོ་ལུགས་འགྲོ་སྟངས། ཆ་རྐྱེན་གང་འདྲ་ཡོད་མེད་སོགས་ཀྱི་གནས་ཚུལ་མང་བོ་ཡོང་སྲིད་ཀྱང་། འདིའི་སྐོར་ལ་ད་དུང་གནས་ཚུལ་གང་ཡང་མེད་པར་བརྟེན། གནས་ཚུལ་འདི་ད་ལྟའི་ཆར་གཞུང་འབྲེལ་ཆགས་ཡོད་པ་མ་རེད། ཅེས་གསུངས་བྱུང་།
གསར་འགོད་པ། ཨ་རིག་འགྱུར་མེད།
མི་ནག་ཚང་ལུང་རིགས་རྒྱལ།་་་དང།
ཀརྨ་རྡོ་རྗེ།
གཉིས་ཀྱི་བཤད་དོན་ལ་་་་་བཙན་བྱོལ་བོད་མི་༡༠༠༠་ཕྱི་རྒྱལ་གཏོང་ཕྱོགས་ལ་བཙན་བྱོལ་བོད་གཞུང་འདི་རྒྱ་གཞུང་དང་མཚུངས་ཚུལ་མཇོད་འདུག་པ་ངོ་ཚར་ཆེ།
ག་རེའི་ཆེད་ཡིན་མིན་མ་ཤེས། ཀརྨ་རྡོ་རྗེའི་སྐད་ཆ་འདི་སྣང་བར་འགྲོ་སོང་།
དེང་སང་བཙན་བྱོལ་བོད་མིའི་ནང་།་་་་ཉེ་ཆར་ཁེ་ཎ་ཌ་གཞུང་ནས་གཞུང་འབྲེལ་འབྲེལ་ཡོད་བློན་ཆེན་ནས་གསར་འགོད་གསལ་བསྒྲགས་སྤེལ་དོན་རྒྱ་གར་བྱང་ཤར་ཨ་རུ་ཎ་ཅལ་ཁུལ་གནས་སྡོད་བཙན་བྱོལ་བོད་མི་༡༠༠༠་ཐམ་པ་ཁེ་ཎ་ཌར་འབྱུང་གྱུར་ལོ་ལྔའི་ནང་ལེན་རྒྱུ་ཞེས་གསལ་བར།་་་རང་རིགས་བཙན་འབྱོལ་ནང་བསམ་ཚུལ་འདྲ་མིན་ཡོང་བཞིན་འདུག་་་་ཐུགས་ཁ་མེད།
་་་་་གུས་པའི་བསམ་པར་ཁེ་ཎ་ཌའི་གཞུང་གི་དེ་དོན་ཐུགས་ཐག་མ་ཆོད་གོང་༧སྤྱི་ནོར་༧གོང་ས་སྐྱབས་མགོན་མཆོག་ལ་དགོངས་སྐོར་སོགས་ཞུས་ཡོད་ཤག་ཡིན།
་་་་་་༧གོང་ས་མཆོག་གི་ཐུགས་དགོངས་སུ་ཨ་རུ་ཎ་ཅལ་ཁུལ་གནས་སྡོད་བཙན་འབྱོལ་བོད་མི་རྣམས་ཀྱི་གནས་སྟངས་ཛ་དྲག་གཟིགས་ཡོད་ཚེ་དོན་སྨིན་ཡོང་རྒྱུར་སྨོན་འདུན་ཞུ་དགོས་པ་ལས།་་་་་ཕྱི་རྒྱལ་འགྲོ་རྒྱུའི་འདོད་ཧམ་ཀྱིས་རང་རིགས་ནང་ཁུལ་ཅ་ཅོག་སྒྲོགས་རེ་རྩེད་ནས་ཅི་ཕན།
་་་་་་་དེ་བས་(རང་ལས་གཞན་གལ་ཆེ་)ལྟ་སྤྱོད་བསྒོམས་དགོས།
ཁ་སང་ངས་གླེང་སློང་འདིར་རང་གི་བསམ་འཆར་ཞིག་བྲི་གཏོང་ཞུས་ཀྱང་འདོན་སྤེལ་མིན་འདུག་པ།་་་་་་་སྐྱར་དུ་ཐུང་ཙམ་བྲིས་སྐྱོར་ཞུ་ན་དྲན་བྱུང།
ཅི་སྟེ།་་་་
ས་ཕྱོགས་གང་སར་གནས་པའི༎བོད་རིགས་ཉམ་ཐག་གང་མཆིས༎
ཁེ་ན་ཊེ་ལ་གཏང་བ༎ ཧ་ཅང་ཡག་པོ་རེད་འདུག།
འོན་ཀྱང་བོད་ཀྱི་ལས་བྱེད༎ དྲངས་བདེན་ལས་ཀ་བྱས་ན༎
འགྱོད་པ་སྤུ་ཙམ་མི་འདུག། ཕྱོགས་རེས་ལས་ལ་འཇུག་ན༎
ཉམ་ཐག་ལྷ་ཡུལ་བསྐྱལ་ཡང་༎ དགའ་མགུ་སྐྱེས་རྒྱུ་མི་འདུག།
བོད་གཞུང་ལས་བྱེད་ཁ་ཤས༎ གཞུང་དོན་ཁ་ལ་འཁྱེར་ནས༎
རང་དོན་ལྐོགས་ནས་སྒྲུབ་པ༎ མིག་མཐོང་ལག་ཟིན་ཡིན་ནོ༎
དོན་ཆེན་མདུན་དུ་སླེབས་དུས༎ གཡོ་སྒྱུའི་སྡེར་མོ་བསྟན་འོང་༎
དཀའ་ངལ་དོང་ལ་ལྷུང་དུས༎ ཡིད་བཞིན་ནོར་བུ་དྲན་ནོ༎
ཕྱོགས་རེས་འཐེན་འཁྱེར་རྩ་བ༎ གཞུང་གི་ལས་བྱེད་སྟེང་ནས༎
མི་དམངས་མང་ཚོགས་ནང་ལ༎ ཡུན་གྱི་མེ་བཞིན་སྤར་སོང་༎
དེ་དག་ཡིད་ལ་དྲན་ན། སྐྱབས་བཅོལ་ས་ཆ་འདི་ནས༎
འདུག་པའི་རེ་བ་བྲལ་ལོ༎ སྐྱབས་མགོན་ཡིད་བཞིན་ནོར་བུ༎
དྲན་ན་འདུག་འདོད་སྐྱེས་འོང་། མི་ངན་ཕྲམ་པ་བསམ་ན༎
གངས་ཅན་ཡུལ་ལ་ལོག་སྟེ༎ རང་བདེ་ལས་ལ་འབད་འདོད༎
བཙན་བྱོལ་རང་གཞུང་ལ་འདེམས་ཕྱོགས་རང་དབང་ཡོད་ན་རྒྱ་བལ་འབྲུག་གསུམ་ནང་སྐྱོ་བོ་ཡོད་ཚད་ཐོག་མར་བདམས་དགོས་རེད། དེ་མིན་ན་བཙན་བྱོལ་སྒྲིག་འཛུགས་ཀྱང་རྒྱ་གཞུང་དང་མཚུངས་འདྲ་བ་དྲང་པོ་མ་ཆགས་པ་རེད།
གཞུང་འབྲེལ་མིན་ཚོད་རེད། གཞུང་འབྲེལ་ཡིན་ན། ཅིས་ཀྱང་ཐེངས་འདིར་བོད་མི་ཉམས་ཐག་ལ་དྭགས་བྱང་ཐང་དུ་གནས་པ་ད་དུང་ཡང་གདོད་མའི་མིའི་སྤྱི་ཚོགས་བཞིན་ཡར་རྒྱས་མ་འགྲོ་བའི་བོད་མི་དག་ལ་གོ་སྐབས་ཤིག་ངེས་པར་སྤྲོད་ངེས་ཡིན་པས། དེ་ལྟར་རང་ཡིན་པ་འདྲ། ཨ་རུ་ན་ཅན་དང་ལ་དྭགས་གཉིས་བསྡུར་ན་ལ་དྭགས་ཧ་ཅང་ཞན་ཅིང་རྗེས་ལུས་ཀྱི་རྗེས་ལུས་ཡིན་པའི་ཕྱིར། གང་ལྟར་མི་མང་གི་འཚོ་གནས་སྐྱོ་ས་ནས་བླངས་ཐུབ་ན། བཙན་བྱོལ་བོད་མི་སྤྱིའི་གནས་སྟངས་ལ་ཕན་ངེས་ཡིན།