ཕྱི་ཚེས་ ༢༨ ཉིན་རྒྱ་ནག་ཉིན་རེའི་གསར་ཤོག་སྟེང་གནས་ཚུལ་སྤེལ་བ་ལྟར་ན། རྒྱ་ནག་ཉེན་རྟོག་དཔལ་འབྱོར་ཉེས་དོན་ཚན་པའི་མགོ་བ་མིན་ཆིན་ཧྥུན་གྱིས། ཉེ་སྔོན་རྒྱ་ནག་རྒྱལ་ཡོངས་སུ་དཔལ་འབྱོར་ལྐོག་ཟ་བྱས་རྗེས་ཕྱིའི་རྒྱལ་ཁབ་ཁག་ཏུ་ཉེས་བྱོལ་ལ་ཕྱིན་མཁན་ ༥༨༠ ལྷག་ཡོད་པ་དང་། ད་ལྟ་རྒྱ་ནག་གིས་རྒྱལ་ཁབ་ ༣༧ ལ་ཉེས་ཅན་རྩིས་སྤྲོད་ཀྱི་ཆིང་ཡིག་བཞག་ཡོད་པ་དང་། རྒྱལ་ཁབ་ ༤༧ ལ་ཉེས་ཁྲིམས་ཞིབ་བཤེར་གྱི་མཉམ་འབྲེལ་ཆིངས་ཡིག་བཞག་ཡོད་པར་མ་ཟད། ཕྱི་ལོ་ ༢༠༠༧ ལོ་ནས་ད་ལྟའི་བར་གསར་དུ་བྲོས་བྱོལ་ལ་ཕྱིན་ཟིན་པའི་ལྐོག་ཟ་མཁན་གྱི་གྲངས་འབོར་དེ། སྔོན་ཆད་ཕྱི་རུ་ཉེས་བྱོལ་དུ་ཕྱིན་ཚར་བའི་ལྐོག་ཟ་མཁན་ཕྱིར་འཛིན་བཟུང་བྱས་པའི་གྲངས་འབོར་ལས་ཉུང་བ་སྐོར་བརྗོད་འདུག ཡིན་ནའང་། རྒྱ་ནག་གི་གསར་ལམ་ཁག་གིས་གནས་ཚུལ་བཀོད་པ་ལྟར་ན། འདས་པའི་ལོ་ ༣༠ རིང་
རྒྱ་ནག་དམར་ཤོག་དཔོན་རིགས་ ༤༠༠༠ ལྷག་གིས་ཁྱོན་བསྡོམས་ཨ་སྒོར་དུང་ཕྱིར་ ༥༠༠ ལྷག་ལྐོག་ཟ་རུལ་སུངས་བྱས་རྗེས་ཕྱིའི་རྒྱལ་ཁབ་ཁག་ཏུ་ཉེས་ཡོལ་ལ་ཕྱིན་ཡོད་འདུག
དེང་སྐབས་རྒྱ་ནག་གི་དམར་ཤོག་དཔོན་རིགས་ཚོས་གཞུང་དངུལ་ལྐོག་ཟ་བྱེད་ཀྱིན་པའི་གནས་སྟངས་དེ་ནི། མི་སྒེར་རེ་འགའི་གནད་དོན་ཙམ་མ་ཡིན་པར། དབུས་ནས་གཞི་རིམ་བར་གྱི་དཔོན་རིགས་རྣམས་སྟེང་འོག་ལག་སྦྲེལ་གྱིས་ལྐོག་ཟ་བྱེད་ཀྱིན་ཡོད་པ་ཞིག་ཆགས་ཡོད། ད་ལྟ་བྱང་ཨ་རི་དང་ལྷོ་ཤར་ཨེ་ཤ་ཡའི་ས་ཁུལ་དུ་ཉེས་བྱོལ་ལ་ཕྱིན་ཡོད་པའི་རྒྱ་ནག་དམར་ཤོག་དཔོན་རིགས་དེ་དག་གིས་དཔལ་འབྱོར་ལྐོག་ཟ་བྱེད་སྟངས་གཙོ་བོ་གན་རྒྱ་དང་དངུལ་འཛིན། དངུལ་བྱང་སོགས་རྫུན་མ་བཟོ་བ། གཞུང་གི་ལས་གཞི་ཁག་གི་མ་དངུལ་དང་། ཚོགས་པ་དང་མང་ཚོགས་ཀྱི་སྤྱི་དངུལ་རྐུ་འཕྲོག་བྱེད་པ། གཞུང་གི་གོ་ཐོབ་སྤྱད་དེ་དངུལ་ཁང་ནས་དངུལ་བུན་ཕོན་ཆེན་སྐྱི་གཡར་བྱེད་པ་སོགས་ཡིན་འདུག
རྒྱ་ནག་གཞུང་འབྲེལ་གྱི་བསྡོམས་རྩིས་ལྟར་ན། ཕྱི་ལོ་ ༢༠༠༦ ནས་ད་ལྟའི་བར་ཁེ་ན་ཌ་དང་ཨ་རི་སོགས་སུ་བྲོས་བྱོལ་ཏུ་ཕྱིན་ཡོད་པའི་དཔལ་འབྱོར་ལྐོག་ཟ་མཁན་ ༢༥༠ ལྷག་ཡོད་པ་དང་། དེ་དག་ཕལ་ཆེ་བ་ནི་ས་ཁུལ་སོ་སོའི་དབང་འཛིན་དཔོན་རིགས་མཐོ་གྲས་དང་དངུལ་ཁང་གི་མགོ་བ་དག་ཡིན་འདུག སྤྱི་ཚོགས་དཔྱད་བརྗོད་པ་དག་གིས་དེ་ནི་རྒྱ་ནག་དམར་ཤོག་གི་སྒེར་གཅོད་ལམ་ལུགས་འོག རྒྱལ་ཁབ་ཀྱི་ཁྲིམས་ལུགས་དང་ཁྲིམས་བཤེར་ལ་སྒེར་ཚུགས་མེད་པ་དང་། གསར་འགྱུར་བརྒྱུད་ལམ་ཁག་ལ་སྤྱི་ཚོགས་གནད་དོན་ཐེར་འདོན་གྱི་རང་དབང་མེད་པ་སོགས་ཀྱིས་རེད་ཟེར།
གསར་འགོད་པ། ཚེ་རིང་རྒྱལ།
འདི་དག་ནི་འགྲོ་བ་མིའི་མི་གཤེས་ཉམས་པའི་རྟགས་ཡིན་པར་སོང། ང་ཚོ་ཚང་མས་གཞན་གྱི་སྐྱོན་འདོན་བྱ་རྒྱུ་གཙོ་བོར་མི་བྱེད་པར་གཞན་གྱི་བྱ་བའི་ལེགས་ཉེས་ལ་བལྟས་ཏེ་རང་སོ་སོས་སྤང་བླང་མ་ཆུག་པ་བྱ་རྒྱུ་གལ་ཆེ་བ་ཡིན་ནོ།
རྒྱ་ནག་གི་ཙུང་ལི་སྔོན་མ་ཀྲོའུ་རུང་ཅི་ལགས་ཀྱིས་གསུངས་དོན་རང་རེའི་རྒྱལ་ཁབ་ཏུ་སྤྱི་ནོར་ལ་ལྐོག་ཟ་བྱེད་པའི་གནས་ཚུལ་ཧ་ཅང་ཚབས་ཆེན་ཡིན།གལ་ཏེ་རང་རྒྱལ་གྱི་རྫོང་དཔོན་བཅུ་ཙམ་ཨ་རི་རྒྱལ་ཁབ་ཏུ་མངགས་ཐུབ་པ་བྱུང་ཚེ་ཨ་རིའི་དཔལ་འབྱོར་ལ་ཉམས་ཉེས་ཆེན་པོ་བྱུང་ངེས་པ་ཐེ་ཚོམ་བྲལ།
རྒྱ་ནག་མིན་ན་ལྐོག་ཟ་བྱེད་མཁན་ད་མང་རབ་ཡོད་ཡ།
ཨ་ཧ་ཧ་ཧ།
རྒྱ་ཕག་དེ་ཚོ་འདི་རུ་ཡོང་ནས་ཕག་སྐྱག་གཏོང་དགོས་དོན་ག་རེད་ཡིན་ནམ། ངས་ངོ་མ་ཧ་གོ་མ་སོང་།
དྲ་གྲོགས་ཚོའི་ཐུགས་བསམ་ཞིག་གཞིས་ན་མ་ཏོག་།
རྒྱ་ནག་གིས་ལྐོག་ཟ་རུལ་སུངས་ལ་ཧམ་བསམ་དགོས་པ་ག་ལ་ཡོད་།
དེ་ལས་ང་ཚོའི་འདས་ཟེན་པའི་ལོ་རྒྱུས་ལ་ཕྱི་མིག་ཞིག་ལྟོས་དང་། ད་ལྟར་མ་འོང་བཀའ་ཁྲི་དགོས་ཟེར་བའི་བཀྲས་མཐོང་རྣམ་རྒྱལ་སོགས་གཞུང་དངུལ་ལྐོག་ཟ་བྱེད་མཁན་དག་ལ་ཞིབ་བཤེར་ལེགས་པར་ཞིག་བྱས་ནས་།
ཁྲིམས་ཆད་ནན་པོ་ཞིག་མ་བཏང་ན་ངེན་པ་ལམ་དུ་ཤོར་ནས་བཀྱག་པ་ལང་ནས་གཏོང་ཡོང་།
ཚེ་རིང་རྒྱལ་ལགས་ཀྱི་གསར་འགྱུར་ལ་ཐུགས་རྗེ་ཆེ་དང་། ད་བོད་དོན་བདེན་མཐའ་ལ་རེ་བ་ཆེ་རུ་ཕྱིན་སོང་།