ཤེས་རབ་དགའ་ཚལ་སློབ་གླིང་གི་སློབ་མ་བསྟན་པ་དར་རྒྱས་ལགས་ཀྱིས་འདི་གར་གནས་ཚུལ་མཁོ་སྤྲོད་གནང་བ་ལྟར་ན། ཟླ་འདིེའི་ཕྱི་ཚེས་ ༡༤ ཉིན་ནས་ཉིན་གསུམ་རིང་རྔ་པ་རྫོང་རྒྱ་སྟོད་ཡུལ་ཚོ། རྩི་མདའ་གྲོང་ཚོ་རུ་ཡོད་པའི་༼ ཕ་སྐད་མྱུར་སྐྱོབ་ཚོགས་པ ༽ཞུ་བ་དེའི་གོ་སྒྲིག་འོག ༼རྒྱ་བོད་དབྱིན་གསུམ་གསར་བྱུང་རྒྱུན་བཀོལ་རིས་འགྲེལ་མིང་མཛོད༽ ཅེས་པའི་ཚིག་མཛོད་སྟེང་གི་གསར་བྱུང་ཐ་སྙད་ངོས་འཛིན་དང་བེད་སྤྱོད་སྐོར་གྱི་འགྲན་བསྡུར་གྱི་ཚོགས་འདུ་ཞིག་བསྡུས་ཡོད་པ་དང་། འགྲན་ཚོགས་དེའི་སྟེང་རྨ་ཆུ་རྫོང་དང་རྔ་པ་རྫོང་། མགོ་ལོག་གཅིག་སྒྲིལ་རྫོང་། འཛམ་ཐང་རྫོང་། མཛོད་དགེ་རྫོང་། དམར་ཐང་རྫོང་བཅས་རྫོང་ཁག་དྲུག་གི་མི་སྣ་ ༡༠༠༠ ལྷག་མཉམ་ཞུགས་གནང་ཡོད་འདུག
འགྲན་བསྡུར་དེའི་ཉིན་གཉིས་པར་མགོ་ལོག་ར་རྒྱ་ཤེས་རིག་ནོར་བུའི་གླིང་གི་དགེ་རྒན་ཆེན་མོ་ལྡོང་ཡོན་ཏན་རྒྱ་མཚོ་དང་ཀིརྟི་དགོན་པའི་དགེ་བཤེས་ཁག་ཅིག་གདན་འདྲེན་ཞུས་ཏེ། ཕྱོགས་མཐའ་ཁག་ནས་ཕེབས་པའི་འགྲན་ཞུགས་པ་རྣམས་ལ་བོད་སྐད་ཡིག་རྒྱུན་འཛིན་དར་སྤེལ་དང་འབྲེལ་ཐོག་གཏམ་བཤད་གནང་ཡོད་ཅིང་། ཕ་སྐད་རྒྱུན་འཛིན་ཚོགས་པས་ཐེངས་འདིའི་འགྲན་བསྡུར་གྱི་གོ་སྐབས་དང་བསྟུན་ཏེ། མ་འོངས་པར་གཅིག་རྗེས་གཉིས་འབྲང་གིས་ཆོལ་གསུམ་བོད་རིགས་ཡོངས་ཀྱིས་ཕ་སྐད་རྒྱུན་འཛིན་དང་། དར་སྤེལ་ཐད་རང་ནུས་ཡོད་དགུ་རྩལ་འདོན་གྱིས་འབད་པ་བྱ་དགོས་པའི་འབོད་སྐུལ་ཞུས་འདུག
ཐེངས་འདིའི་ཚོགས་ཐོག་ཏུ་བྱེས་བཞུགས་བོད་མིའི་སྤྱི་ཚོགས་ནང་གི་བོད་སྐད་ཡིག་རིག་གཞུང་གི་གནས་བབ་སྐོར་ལ་ཡང་གླེང་སློང་རགས་ཙམ་རེ་བྱུང་ཡོད་འདུག་ལ། སྐབས་དེར་ཕ་སྐད་རྒྱུན་འཛིན་ཚོགས་པའི་ངོས་ནས། བྱེས་སྡོད་བོད་མི་ཚོས་བོད་པའི་སྐད་དང་ཡི་གེ་རྒྱུན་འཛིན་དར་སྤེལ་ཐད་ནུས་པ་གང་ཡོད་འདོན་རྒྱུར་ངེད་ཚོགས་པའི་ངོས་ནས་ལག་གཉིས་ཐལ་མོ་སྦྱར་ཏེ་རེ་སྐུལ་ནན་གྱིས་ཞུ་བཞིན་ཡོད། ཅེས་སྐད་སྐུར་གྱི་ཚུལ་དུ་བརྗོད་ཡོད་འདུག
གསར་འགོད་པ། དོན་གོ
རྨོངས་སྒྲོན་ལགས་ཀྱིས་གུས་པར་དག་ཆ་ནོར་བ་ནོར་་བཅོས་བྱས་པར་ཐུགས་རྗེ་ཞུ་བཞིན་ཡོད་་ནོར་བ་ངོས་ལེན་ཡོ་བསྲང་བྱ་དགོས་པ་ནི་ལས་འགན་ཡིན་
ཐ་སྙད་ངོས་འཛིན་གྱི་འགྲན་བསྡུར་ཞིག་སྤེལ་བར་རྗེས་སུ་ཡི་རང་དང་། ཐུགས་རྗེ་ཆེ་ཞུ་རྒྱུ་ཡིན། དངོས་ནས་བོད་རིགས་ཡིན་པའི་འགན་ཁུར་བ་་རེད
གཟི་མིག་གསུམ་པ་ལགས་ཀྱིས་ཐ་སྙད་གསར་སྤྱོད་ཀྱི་འགྲན་ཚོགས་ལ་བསྔགས་བརྗོད་ཞུས་འདུག་པར། རྗེས་སུ་ཡི་རངས་ཡོད་མོད། ཁྱེད་ཉིད་ཀྱིས་བཏབ་པའི་ཟིན་བྲིས་འདིའི་གོང་འོག་བར་གསུམ་ནས་ཡིག་ནོར་མང་པོ་མངོན་འདུག་པས་རྗེས་སུ་ཡིད་གཟབ་གནང་རོགས་ཞུ་རྒྱུ་ཡིན། ཁྱེད་ཀྱིས་སྤྱད་པའི་ཡིག་ནོར་ནི།
༡་སློབ་པྲུག་་་་་་་་་་་་་སློབ་་ཕྲུག
༢ སྐུ་མངལ་་་་་་་་་་་་་་སྐུ་ངལ།
༣ མཛད་མེད་་་་་་་་་་་་་འཛད་མེད
༤་ཐུགས་བརྗེ་་་་་་་་་་་ཐུགས་རྗེ་
༥་ཆབ་ཅིག་་་་་་་་་་་་་་་་་་་་་་་་་་་་་་་་་་་་་ཆབས་ཅིག
༦་ མཚམས་པའི་་་་་་འཚམས་པའི
༧ ཀྱི་ཀྱང་་་་་་་་་་་་་་་་་་་་་་་ཀྱིས་ཀྱང་
༨ ཡོངས་དང་ཅིག་་་་་་་་་་་་་་གཅིག
༩་གོམས་འགྲོད་་་་་་་་་་་་་གོམ་བགྲོད
༡༠ སྐད་གསར་སྤྱད་་་་་་་་་་་་་་གསར་བཅད
༡༡ ཐ་སྙད་བརྟན་འབེབས་་་་་་་་་་་གཏན་འབེབས།
གལ་ཏེ་ངས་བཅོས་པའི་ནང་ཡིག་ནོར་ཡོད་མེད་དག་ཡིག་སོགས་ལ་ཞིབ་གཟིགས་གནང་ནས་མ་དག་་པ་ཡོད་ཚེ། སྐྱོན་བརྗོད་དང་དགོངས་འཆར་ཡོད་པའི་རེ་བ་དང་བཅས།
རྔ་ལུ་ཚང་དངོས་ནས་ཡག་པོ་འདུག ཆེ་ཆུང་ཚང་མའི་ཁ་ནས་ཁ་ཕོ་ཆེ་ནའང་། སྒང་པ་བོད་པའི་ལས་དོན་ཕྱོགས་ལ་འབད་པ་མི་སྨད་པ་བྱེད་ཀྱིན་འདུག ཧྲ་ཀི་ཡ
ངས་བཙན་བྱོལ་བོད་མི་ཡོངས་ཀྱི་ངོ་ཚབ་ཞུས་ནས་ཁྱེད་ལྷ་ལྡན་ཞིང་ཁམས་སུ་བཞུགས་པའི་མཁས་དབང་ཡོངས་དང་སློབ་པྲུག་ཡོངས་དེ་བཞིན་རྒྱ་ཆེའི་མི་དམངས་ཡོངས་ལ་སྔ་ཕྱི་བར་གསུམ་དུ་སྐུ་མངལ་མཛད་མེད་གནང་བར་ཐུགས་བརྗེ་ཆེ་ཞུ་བ་དང་ཆབ་ཅིག་བསྔགས་བརྗོད་ཞུ་བཞིན་ཡོད་།།།།།ལྷག་པར་ཁྱེད་ཤེས་ལྡན་པ་ཚོས་དུས་དང་མཚམས་པའི་བྱ་བ་འདི་ལྟ་བུ་ལ་བོད་མི་ཡོངས་ཀྱི་ཀྱང་བསྔགས་བརྗོད་ཞུ་འོས་པ་རེད་ད་དུང་ཡང་ཁྱེད་ཤེས་ལྡན་པ་ཚོས་བོད་ཀྱི་མཁས་དབང་ཡོངས་དང་ཅིག་ཚོགས་ཐོག་བོད་ནང་དུས་ཀྱི་གོམས་འགྲོད་དང་བསྟུན་ནས་སྐད་གསར་སྤྱད་དང་ཐ་སྙད་བརྟན་འབེབས་ཐེངས་གཅིག་བྱ་ཐུབ་ན་དངོས་ནས་བརླབས་ཆེན་བོད་ཀྱི་རྩ་དོན་ལ་རིག་གཞུང་ལ་ལྷན་པ་ཆེན་པོ་ཤིག་ཡོང་སོ་འདུག་པས་ཁྱེད་རྣམ་པས་ཐུགས་ཞིབ་ཡོད་པ་ཞུ་