ལེ་བྷེ་ཡའི་སྲིད་དབང་སྒེར་གཅོད་གཞུང་གིས་མང་ཚོགས་ལ་དྲག་གནོན་བྱེད་ཀྱི་ཡོད་པ་དེར། མཉམ་འབྲེལ་རྒྱལ་ཚོགས་བདེ་འཇགས་དམག་དཔུང་གིས་ཁ་གཏད་གཅོག་མགོ་བརྩམས་ཡོད།
བདུན་ཕྲག་སྔོན་མའི་ནང་ལེ་བྷེ་ཡའི་མང་ཚོགས་ཞི་རྒོལ་བ་ཚོས་གྲོང་ཁྱེར་དང་ས་ཁུལ་ཁག་ཅིག་བཙན་བཟུང་བྱས་ཡོད་ཅིང་། ལེ་བྷེ་ཡའི་སྲིད་འཛིན་གྷ་ཌ་ཧྥེ་ Gaddafi ཡིས་དྲག་ཆས་དམག་དཔུང་བཏང་སྟེ།མང་ཚོགས་ལ་དྲག་གནོན་ཤུགས་ཆེན་བྱས་པར་མཉམ་འབྲེལ་རྒྱལ་ཚོགས་དང་ཨ་རབ་མནའ་མཐུན་ཚོགས་པ་སོགས་རྒྱལ་སྤྱིའི་སྲིད་གཞུང་ཁག་གིས་སྲིད་འཛིན་གྷ་ཌ་ཧྥེ་ལ་དྲག་གནོན་མཚམས་འཇོག་བྱ་དགོས་པའི་འབོད་སྐུལ་དང་། ཕྱོགས་ཡོངས་ནས་གནོད་ཤུགས་སྤྲད་ཡོད་ཀྱང་ངོས་ལེན་མ་བྱས་སྟབས།མཉམ་འབྲེལ་རྒྱལ་ཚོགས་བདེ་འཇགས་དམག་དཔུང་དང་། ནུབ་རྒྱ་མཚོའི་མནའ་མཐུན་ཚོགས་པའམ་ཎ་ཊོ (NATO) དྲག་དམག་ལེ་བྷེ་ཡའི་ནང་གཏོང་མགོ་བརྩམས་ཡོད། ལེ་བྷེ་ཡའི་གཞུང་དམག་གིས་མང་ཚོགས་ཀྱིས་བཙན་བཟུང་བྱས་པའི་ས་གནས་ལྟེ་བ་བྷན་གྷ་ཛེ་ Benghazi དང་ཊི་རེ་པོ་ལེ་ (Tripoli)།མཱེ་སི་རཱ་ཊ(Misrata) སོགས་སུ་དྲག་གནོན་བྱེད་ཀྱི་ཡོད་པ་དེར། རྒྱལ་ཚོགས་ཀྱི་བདེ་འཇགས་དམག་མི་དང་། ཎ་ཊོ་མཚོ་དམག་དང་མཁའ་དམགདྲག་ཆས་རྐང་དམག་བཅས་ཀྱིས་ལེ་བྷེ་ཡའི་གཞུང་དམག་ལ་འགོག་རྒོལ་བྱས་ཏེ། འདས་པའི་ཉིན་བཞིའི་རིང་ཕན་ཚུན་བར་ཛ་དྲག་གི་དམག་འཐབ་བྱས་ཡོད།
ས་གནས་དེའི་སྨན་པ་ཞིག་གིས་གསར་ཨེ་པེ(AP)གསར་འགོད་པར་བརྗོད་ན། ཐེངས་འདིའི་འཐབ་འཛིང་ཁྲོད་ཤི་རྨས་ཚབས་ཆེན་བྱུང་སྟེ། ད་ཆར་ང་ཚོའི་སྨན་ཁང་དུ་རྨས་མ་མང་དྲགས་ཏེ། གོ་སྒྲིག་དང་སྨན་བཅོས་བྱ་དཀའ་བའི་གནས་སུ་གྱུར་འདུག་ཟེར།
ལེ་བྷེ་ཡའི་སྲིད་དབང་སྒེར་འཛིན་པ་གྷ་ཌ་ཧྥེ་ཡིས་བརྙན་འཕྲིན་ཞིག་ཏུ་གཏམ་བཤད་ཐུང་ངུ་ཞིག་བྱས་པའི་ནང་།དྲག་གཅོད་པའི་བཙན་འཛུལ་ཇི་ལྟར་རྒོད་ཀྱང་ང་ལ་འཇིགས་ཞུམ་མེད་ལ། ང་ཚོས་དུས་ནམ་ཡང་མགོ་འདོག་ཀྱང་བྱ་མི་སྲིད། ཁ་ཆེ་མི་རིགས་ཀུན་ལས་རྒྱལ་བར་ཤོགཁ་ཆེ་དྲག་དམག་ཚང་མ་ངའི་ཕྱོགས་སུ་ལོངས་ཤོགམཐའ་མའི་རྒྱལ་ཁ་ང་ཚོའི་ཡིན། ཞེས་འུད་སྒྲོག་བྱས་ཡོད་འདུག
ཐེངས་འདིར་ལེ་བྷེ་ཡའི་གཞུང་གི་དྲག་གནོན་ལ་ཁ་གཏད་གཅོག་གི་ཡོང་མཁན་རྒྱལ་ཚོགས་བདེ་འཇགས་དམག་དཔུང་དང་། ཎ་ཊོ་ཡི་དམག་དཔུང་གི་དམག་མི་མང་ཆེ་བ་དང་མཚོན་ཆའི་བརྒྱ་ཆ་༤༠ལྷག་ཨ་རིའི་ཡིན་ཞིང་།ཁྱོན་སྡོམ་ཨ་སྒོར་ས་ཡ་བརྒྱ་ལྷག་གི་འགྲོ་གྲོན་བཏང་ཡོད་སྟབས། ཨ་རིའི་མང་ཚོགས་ཁྲོད་དེ་ལ་ངོ་རྒོལ་བྱེད་མཁན་ཡང་བྱུང་ཡོད་འདུག
རྒྱ་ནག་དང་ར་ཤི་ཡ་སོགས་ཀྱིས་ཐེངས་འདིར་མཉམ་འབྲེལ་རྒྱལ་ཚོགས་ཀྱི་བདེ་འཇགས་དམག་དཔུང་ལེ་བྷེ་ཡར་བཏང་བར་ངོ་རྒོལ་བྱེད་ཀྱི་ཡོད་པ་མ་ཟད།ཕྱི་ཚེས་༡༨ཉིན་རྒྱ་ནག་ཕྱི་སྲིད་མགྲིན་ཚབ་པས། རྒྱ་ནག་གིས་ཐེངས་འདིར་རྒྱལ་ཚོགས་ཀྱི་དམག་དཔུང་ལེ་བྷེ་ཡའི་ནང་བཏང་བར་ངོ་རྒོལ་ཡོད།གནད་དོན་འདིར་རྒྱབ་སྐྱོར་བྱེད་མཁན་རྒྱལ་ཁབ་ཁག་གིས་མེ་ཏོག་བ་སྤྲུའི་ལས་འགུལ་(Jasmine revolution)གྱི་ཤུགས་རྐྱེན་དར་སྤེལ་གཏོང་རྒྱུར་དམིགས་ཡོད་པ་རེད། ཅེས་བརྗོད་ཡོད་པ་རེད།
གསར་འགོད་པ།བནྡེ་སྐྱབས།
ཨ་རི་དང་ནུབ་ཕྱོགས་པ་སོགས་ཀྱིས་ཉམ་ཆུང་ལ་སྡིག་དམོད་དང་བཙན་རྒོལ་བྱེད་ཐུབ་པ་ཙམ་ལས་སྟོན་པ་ལས་སྟོབས་ཆེན་གྱི་རྒྱལ་ཁབ་རྒྱ་ནག་དང་བྱང་ཀོ་རི་ཡ་བཅས་ལ་ཅི་གང་བྱེད་མི་ཐུབ།
དམར་པོའི་རིང་ལུགས་དང་སྲིད་དབང་སྒེར་སྤྱོད་གདུག་རྩུབ་ཅན་ལས་སོགས་ལ་བསྒྱུར་བཅོས་གཏོང་དགོས་དེ་ཚོར་གཏོང་དང་ལྟ་རྒྱུ་ཡོད་རེད།
དེ་མིན་སྤོ་ཐུབ་ས་རྨོ།
ཞེས་པ་རེད།
གལ་ཏེ་དེ་ལྟར་སེམས་གཏིང་ནས་བྱེད་དགོས་ན་
དང་པོ་ར་གསོད།
དེ་ནས་ལུག་འདར་ཡོང་གི་རེད།
ཁོང་ཚོས་ཉམ་ཆུང་དང་སྟོབས་ཆུང་གི་རྒྱལ་ཁབ་ཚོར་བྱེད་ཐུབ་ཙམ་ལས་མི་འདུག
ཕོ་རང་གིས་མ་འཇོན་ན་རོགས་རིལ་མ་མགོ་ཡིས་སྐྱོབས་ལུགས་མེད་ཅིས་མི་བདེན།
ད་ཨོ་བྷ་མའི་ཞི་བདེའི་གཟེངས་རྟགས་དེ་ཚུར་ལེན་རྒྱུ་ཡིན་ཅེས་བཤད་ཀྱི་འདུག
ཨོ། ངས་བཤད་པ་དེ་ཨེ་ཟིལ་རལ་དུ་ཡིན།
འགད་རྫས་བཞག་ནས་མི་མང་བོ་ཞིག་རྨས་འདུག གཅིག་བསད་འདུག འདང་དགོང་མེ་ཤུགས་འཕུར་འདེལ་ཚུར་འཕངས་དེ་མི་ཁ་ཤས་ཤིག་རྨས་འདུག མི་གཅིག་དེ་ག་རང་དུ་བསད་འདུག
གནས་ཚུལ་འདི་ཉིན་ཁ་ཤས་ཤིག་གི་སྔོན་ནས་བྱུང་ཚར་འདུག དམག་འཐབ་གནམ་གྲུ་ཞིག་ཀྱང་སར་གཡུག་འདུག གནས་ཚུལ་ཁག་དུས་ཐོག་ཏུ་སྤེལ་ན་མ་རེད་དམ། གལ་སྲིད་དགོས་མཁོ་ཡོད་ན་ངས་དྲ་གནས་ཤིག་སྤྲོད་ཆོད། ཁྱོད་ཚོར་དེར་བལྟས་ཏེ་གསར་གནས་དེ་ཚོ་ཐད་ཀར་བོད་ཡིག་གིས་འདིར་ཞོགས། ཨེ་འགྲིག་གི
དེ་འདྲའི་དགོད་བྲོ་བ་ཞིག འདིར་ཕྱི་རོལ་གསར་ལམ་འགའ་ན་རྒྱ་ནག་གིས་ཡོ་རོབ་དང་རྒྱལ་ཚོགས་ཀྱི་དམག་དཔུང་གིས་ལེབྷའི་མི་སེར་ལ་གནོད་པ་བྱེད་ཀྱིན་འདུག་དེར་ངོ་རྒོལ་ཡོད་ཞེས་ཤོད་གྱིན་འདུག་ཟེར། དགོད་བྲོ་བ་ལ་་་་རྒྱ་གཞུང་གིས་རང་གི་མི་མང་དང་བོད་མི་ཚོས་སྟེང་དྲག་གནོན་རྩུབ་སྤྱོད། དམར་གསོད་མནར་གཅོད་གཏོང་བཞིན་དེ་གཏིང་བརྗེད་དུ་གྱུར་འདུག ལྟོས་རྒྱ་རྫུན་དེ་ཚོ་སྐྱག་རྫུན་ཤོད་སྟངས་ཡང་ཤེས་མི་འདུག
གསར་འགོད་པ་བཎྡེ་སྐྱབས་ལགས་ཉིན་ཤས་སྔོན་ནས་ངས་དུས་བབ་ཚང་ལ་འབོད་བསྐུལ་ཞུས་པ་བཞིན་དེ་རིང་ཁྱེད་ནས་དུས་རབས་ཀྱི་འགྱུར་འགྲོས་གསར་པའི་གནས་ཚུལ་མང་པོ་ཞིག་དང་ད་ལྟའི་མི་རྣམས་ཀྱིས་དོ་སྣང་བྱེད་ཡུལ་གྱི་གསར་འགྱུར་གསར་པ་མང་པོ་ཞིག་བོད་ཡིག་ཐོག་བཀོད་གནང་བར་ངོ་མ་ཐུགས་རྗེ་ཆེ།
དུས་བབ་རྒྱལ་གྱུར་ཅིག
སྔ་ཕྱི་མ་གཏོགས་རྒྱ་ནག་ལའང་འདི་འབྱུང་སྲིད་པ་དང་འབྱུང་དགོས་པ་རེད།
མིག་གིས་མཐོང་ཚད་ལ་སྐྱོན་བརྗོད་བྱེད་འདོད་པས་མིན་མོད། འོན་ཀྱང་གསར་འགྱུར་འདི་ནི་ཉིན་ལྔའི་སྔོན་གྱི་གསར་འགྱུར་ཞིག་རེད། འདི་འདྲ་ཡིན་ན། དུས་བབ་ཚང་ལ་ཡོང་ན་་་་