ཟླ་འདིའི་ཕྱི་ཚེས་ ༢༢ ཉིན་གྱི་མཚན་མོའི་ཆུ་ཚོད་ ༡༢ ཙམ་ལ་རྒྱ་གཞུང་གི་ཉེན་རྟོག་མི་སྣས་ཨ་མདོ་རྔ་པ་རྫོང་མཐའ་བ་གོང་མིའི་འཇམ་དབྱངས་ལགས་རང་ཁྱིམ་ནས་འཛིན་བཟུང་བྱས་འདུག་ཅིང་། འཇམ་དབྱངས་ལགས་ནི་ད་ལྟ་རང་ལོ་ ༡༦ ཡིན་ཞིང་། དགོང་མོ་དེར་ཉེན་རྟོག་པ་དང་དམག་མི་ཚོས་ཁོ་ཚང་གི་ཕྱི་སྒོ་གཏོར་ཏེ་ཁྱིམ་དུ་འཛུལ་ཡོད་འདུག་པ་མ་ཟད། སྐབས་དེར་ཁོང་དང་མཉམ་དུ་དབང་ཕྱུག་དང་བསོད་ནམས་ཞུ་པ་གཉིས་ཡོད་པའང་བཙན་ཁྲིད་བྱས་ཡོད་འདུག
དེ་མིན་ཕྱི་ཚེས་ ༢༡ དང་ ༢༢ བཅས་སུ་བསྟུད་མུར་མཚན་གུང་རྒྱ་ནག་གི་ཉེན་རྟོག་པ་དང་དམག་མི་མང་པོ་རྔ་པ་རྫོང་མཐའ་བ་གོང་འགབ་གཉིས་ཀྱི་ཁྱིམ་ཚང་རེ་རེར་འཛུལ་ཏེ། མི་སྐྱ་ཕོ་མོ་མང་པོ་ཞིག་མང་པོ་ཞིག་འཛིན་བཟུང་བྱས་ཡོད་ཚུལ་འདུག་ཀྱང་ད་སྔ་ཞིབ་ཕྲའི་གནས་ཚུལ་ཤེས་རྟོགས་ཐུབ་མ་སོང་ཟེར།
ཕྱི་ཚེས་ ༢༠ ཉིན་ནི་བཙན་བྱོལ་བོད་མིའི་འོས་བསྡུ་ཆེན་མོར་འཁེལ་ཡོད་སྟབས། ཉིན་དེར་རྔ་པ་ས་ཁུལ་གྱི་བོད་མི་ཕལ་ཆེ་བས་ཁྱིམ་གྱི་ཕྱི་ནང་ལ་གཙང་སྦྲ་བྱས་པ་དང་མཆོག་གསུམ་ལ་མཆོད་འབུལ་གསོལ་འདེབས་བྱེད་པ། དེ་བཞིན། རྫོང་ཐོག་ནས་ཤོག་སྦག་སྒྲོན་པ་སོགས་བྱས་ཏེ། བོད་བསྟན་སྲིད་ལ་ཕན་ངེས་ཀྱི་བཀའ་ཁྲི་དང་སྤྱི་འཐུས་ཤིག་འོང་རྒྱུར་རེ་ལྟོས་དང་དགའ་བའི་རྣམ་འགྱུར་ཤུགས་ཆེན་བསྟན་ཡོད་འདུག
རྔ་པ་ཀིརྟི་དགོན་པའི་ནང་མུ་མཐུད་རྒྱལ་གཅེས་ཆོས་གཅེས་ཀྱི་སློབ་གསོ་སྤེལ་བཞིན་ཡོད་འདུག་ལ། ཁ་སང་ཕྱི་ཚེས་ ༢༣ ཉིན་འབྲེལ་ཡོད་ལས་བྱེད་ཚོས་༼ ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས ༽ དང་། ༼ ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་དར་སྐོར་གྱི་རྩ་ཁྲིམས ༽ དེ་བཞིན་༼ ཀྲུང་ཧྭ་མི་མང་སྤྱི་མཐུན་རྒྱལ་ཁབ་ཀྱི་མི་དམངས་འདུམ་འགྲིག་བཅའ་ཁྲིམས ༽སོགས་ཀྱི་དེབ་གསུམ་དགེ་འདུན་པ་ཚོར་འགྲེམས་སྤེལ་བྱས་ཏེ། གྲྭ་བ་ཡོངས་ཀྱིས་རྒྱལ་ཁབ་ཀྱི་རྩ་ཁྲིམས་དང་བཅའ་ཁྲིམས་ལ་སློབ་སྦྱོང་བྱ་དགོས་པའི་བཀའ་རྒྱ་བཏང་ཡོད་འདུག
༼ གོང་གི་གནས་ཚུལ་དེ་ཀིརྟི་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱི་མཁོ་གཏོང་བྱས། ༽
ཕ་ཡུལ་གྱི་དགེ་འདུན་པ་མང་ཚོགས་ཀྱིས་ལྷག་བསམ་རྣམ་དག་རེད། དེ་དག་གི་སེམས་ཤུགས་ལ་རྗེས་སུ་ཡི་རངས་དང་དཀའ་ངལ་གདུང་སེམས་མཉམ་བསྐྱེད་ཡོད། འོན་ཀྱང་གཟབ་གཟབ་བྱ་དགོས་ས་མང་པོ་ཞིག་འདུག
༡༽ ད་ལྟའི་ཆར་བོད་ནང་དང་ལྷག་པར་ས་ཁུལ་ལ་བདེ་འཇགས་མེད་པ་བཟོས་པ་དེ་རྒྱ་ནག་གཞུང་ལ་གྱོང་རེག་གི་ཡོད་དམ་ས་ཁུལ་གྱི་བོད་མི་མང་ཚོགས་ལ་གྱོང་རེག་གི་ཡོད་མེད་བཤད་དཀའ་བ་མ་ཟད། ས་གནས་ཀྱི་བརྟན་ལྷིང་དང་། སྤྱི་ཚོགས་ཀྱི་ཡར་རྒྱས། མང་ཚོགས་ཀྱི་འཚོ་བ་བཅས་ལ་གྱོང་གུད་ཚབས་ཆེན་ཡོང་བཞིན་པ་མངོན་གསལ་རེད། དེའི་ཕྱིར་ངོ་ལོག་རང་བཞིན་གྱི་ལས་འགུལ་གྱི་ཁེ་གྱོང་ལ་ངེས་པར་བསམ་གཞིགས་བྱ་དགོས་པར་འདོད།
༢༽ གཉིས་ནས་ཕྱི་ལོག་ནས་བོད་དུ་འབྲེལ་བ་བྱེད་སྟངས་དང་གནས་ཚུལ་ཕྱིར་བསྒྲགས་བྱེད་སྟངས་ལེགས་པོ་འབྱུང་གི་ཡོད་མེད་བཤད་དཀའ་བར་འདུག ཕྱི་ཕྱོགས་ནས་བོད་ནང་དང་ས་ཁུལ་གྱི་གནས་ཚུལ་འཚོལ་སྡུད་བྱེད་མཁན་ཚོས་འགན་ཁུར་གྱི་རྣམ་པ་ཞིག་ཡིན་པ་ཨ་ཅང་ཅང། འོན་ཀྱང་ཧ་ཅང་འབྲེལ་ལམ་ཟབ་མདོགས་དང་གནས་ཚུལ་རྒྱུས་ལོན་ཡོད་མདོག་གིས་ཕན་ཐོགས་མིན་གྱི་བརྒྱུད་ལམ་དང་སྡིངས་ཆ་སྣ་ཚོགས་ལ་གནས་ཚུལ་འདི་དག་བསྒྲགས་རྐྱང་བྱས་ན་ས་ཁུལ་ལ་འབྲེལ་ལམ་དང་འགྲིམ་འགྲུལ་སོགས་དམ་དྲག་ཇེ་ཆེར་གཏོང་བར་ཤུགས་རྐྱེན་ངན་པ་བྱུང་ན་ས་ཁུལ་ལ་གནོད་བསྐྱལ་བ་རེད། དེའི་ཕྱིར་གནས་ཚུལ་བརྒྱུད་སྤྲེལ་བྱ་ཕྱོགས་ལ་གཟབ་དགོས་པར་འདུག
༣༽ གསུམ་པ་ཕྱི་ཕྱོགས་ནས་བོད་ནང་དུ་རྒྱུད་སྐུལ་བྱེད་ཀྱི་མེད་རུང། བོད་ནང་ལ་ཤུགས་རྐྱེན་ཐེབས་པའི་སྐད་ཆ་སྣ་ཚོགས་བཤད་དེ་ས་གནས་ཀྱི་ཡུལ་མི་ཚོའི་དྲན་ལམ་དང་ཚོར་བའི་ནང་དུ་གཡོ་འགུལ་བཟོ་བའི་གནས་ཚུལ་མཁོ་གཏོང་དང་མཁོ་བསྒྲུབ་བརྒྱུད་སྤེལ་བཅས་བྱས་ན་ངོ་ལོག་རང་བཞིན་གྱི་དོན་རྐྱེན་འབྱུང་བའི་རྒྱུ་རུ་འགྱུར་བཞིན་ཡོད་སྟབས། རང་དབང་ཡུལ་གྲུར་གནས་འཁོད་ཀྱི་རང་རིགས་ཚོས་གནས་ཚུལ་འདིའི་ཐད་གཟབ་དགོས་པར་འདུག
སངས་རྒྱ་བཅོམ་ལྡན་འདས་ཀྱང་ཆོས་སྲིད་གཉིས་མཉམ་དུ་མ་འགྲིག་ནས་མཐར་རབ་ཏུ་བྱུང་བ་ཡིན།
གོང་ས་ཏཱ་ལའི་བླ་མས་ཀྱང་ཆོས་སྲིད་གཉིས་མ་འགྲིག་ནས་མཐར་རྒན་ཡོལ་ཞུས་མཛད་པ་རེད།
ངས་གྲྭ་པས་བོ་མི་རིགས་ཀྱི་བདེ་དོན་དུ་སྐད་འབོད་མ་རྒྱག་ཞེས་པའི་འབོད་བསྐུལ་མིན་གྱི། གཟན་ཤམ་དམར་རིལ་ལེ་བ་ཞིག་གྱོན་བཞིན་འཛམ་བུ་གླིང་གི་སྔོན་ལ་དར་འཕྱར་འཕྱར་དུང་འབུད་མ་བྱས་ན་ཆེས་ཤིན་ཏུ་མི་ལེགས་སམ་ཞེས་པའི་པའི་ཞེན་བསྐུལ་ཡིན་གྱི་དགེ་འདུན་ལགས་གོ་བ་མ་ལོགས་པ་གལ་ཆེ།
གྲྭ་པས་སྣེ་ཁྲིད་མི་དགོས་པར་ངེས་པར་དུ་མགོ་ཁྲིད་ཞིག་ཡོད་པར་སེམས་ཁྱེད་སེམས་ཕྲན་མ་བྱེད་རོག
གྲྭ་བའི་དབུ་ཁྲིད་མ་བྱས་། གྲོང་བའི་འགྲོ་ས་མི་ཤེས་གི།
གྲྭ་བའི་སྐད་འབོད་མ་བྱས་ན། གྲོང་བ་གཉིད་ནས་མི་སད་གི
གྲྭ་བའི་རང་དོན་མ་བསྒྲུབ་ན། གྲོང་བའི་རང་དོན་མི་འགྲུབ་གི
གྲྭ་བའི་བོད་དོན་མ་གླེང་ན། གྲོང་བའི་བོད་དོན་མི་དྲན་གི
གྲྭ་བའི་རིགས་གཞུང་མ་སྲུང་ན། གྲོང་བའི་རིགས་གཞུང་བོར་འགྲོ་གི
གྲྭ་བའི་གཞན་དོན་མ་བསྒྲུབ་ན། གྲོང་བ་རང་དོན་རྐྱང་པ་རེད
གྲྭ་བ་སྒོར་ལ་དགའ་མོད་ཀྱང་། སྒོར་གྱི་ཆེད་དུ་མི་བརྩོན་གི
གྲྭ་བ་སློབ་ལ་དགའ་མོད་ཀྱང་། དབྱིན་སྐད་སྦྱང་ལ་མི་སྤྲོ་གི
གྲྭ་བའི་གང་ཞིག་མ་བྱས་ན། གྲོང་བར་དྲན་རྒྱུ་ཅི་ཡང་མེད
གྲྭ་བའི་བྱས་བྱས་མ་འགྲིག་ན འགྲིག་པས་བྱ་བའི་འགོ་སྩོམ་ཤོག
ཅེ་བ་འདི་ནིསྨར་ཀླུང་དཔའ་གྱི་གཙོའི་དེའི་རིགས་རྒྱུད་གཏོགས་པ་རྣམ་ལ་སྲངས་བ་ལས་གཞན་གྲོང་ཡོད་དོ་ཅོག་མིན་པ་ཤེས་དགོས་སོ།
དགོན་པ་ག་གེ་མོ་ཞིག་ནས་གྲྭ་པ་དང་བླ་མ་བཙུན་མ་ག་གེ་མོ་ཞིག་འཇུ་བཟུང་བྱེད་འདུག
གྲྭ་པ་དང་བཙུན་མ་ག་གེ་མོས་སྐད་འབོད་བྱས་འདུག
དགོན་པ་ག་གེ་མོ་ནས་སེར་དམག་བླུག་འདུག
ཁྲོམ་ལ་སྐད་འབོད་རྒྱབ་འདུག་ཞེས་པ་འདི་ཚོ་ད་ནི་བོད་ཀྱི་བསྟན་སྲིད་དང་མི་རིག་ཀྱི་ལེགས་སྐྱེས་སོགས་ལ་སེར་མོ་བ་ཁོ་ནས་སློང་རྐྱེན་བྱེད་པ་འདི་ཚོ་འབྲེལ་བ་དེ་ཙམ་མི་དགོས་པར་སེམས།
དེང་གི་གཞོན་སྐྱེས་དར་མ་ཚོས་ད་ནི་བཟུང་སྐད་འབོད་དང་འཛིང་འཁྲུགས་རྒྱལ་དོན་སྲིད་ལུགས་རྣམས་ཁོང་ཚོས་བསྐྱང་དགོས་ཀྱི།
བླ་གྲྭ་རྣམས་ནི་སྐད་འབོད་དང་འཛིང་འཁྲུགས་བྱ་སའི་འཁོར་ཡུག་ཞིག་དང་དུས་ཚོད་ཞིག་གཏན་ནི་མིན་པར་སེམས།
ནམ་ཞིག་ས་སྒང་འདིར་བོད་གྱི་བླ་གྲྭའི་མིང་ཐོས་དུས་གདུག་རྩུབ་ཅན་ཞིག་གི་གྲལ་དུ་མ་འདོད་ཀྱང་འགྲོ་དགོས་པའི་དུས་ཞིག་འབྱུང་ཉེ་བས།
བླ་མ་དང་གྲྭ་པ་བཙུན་རྣམས་ཀྱི་གཞན་ཕན་གཞི་བཅས་སྒྲུབ། གཞན་གནོད་གཞི་བཅས་སྤང་དགོས་པའི་ཚབ་ཏུ་ཡིན་ན་མ་གཏོགས་འདི་རིགས་མཚམས་འཇོག་གནང་ན་ཤིན་ཏུ་ལེགས་པར་སེམས།
བོད་གཞིས་བྱས་གཉིས་སུ་རྒྱ་དཀར་ནག་གཉིས་ཀྱིས་གཙོས་པའི་ཕྱི་རྒྱལ་བ་རྣམས། མ་ཚད་རང་མི་གཞོན་སྐྱེས་བྲོད་པོ་དེ་ཚོས་བོད་ཀྱི་ཆོས་ལུགས་འདིས་ཕུང་རབ་བརླག་རབ་རྫུན་མ་ཡིན་རབ་སོགས།
ག་ཚོད་ག་ཚོད་བཤད་པ་མཐོང་གི་མི་འདུག་གམ། གཏམ་འདི་རང་བཞིན་བརྗོད་པའི་སྙིང་གཏམ་དང་ཞེན་བསྐུལ་གལ་ཆེན་ཞིག་ཡིན་གྱི་ཕྱོགས་ཐལ་གྱི་སྐད་ཆ་དང་མི་མཐུན་པའི་ནང་དཀྲུག་ཞིག་གཏན་ནས་མིན་པས།
བླ་གྲྭ་བཙུན་མ་སེར་མོ་བ་ཡོངས་ནས་དཔྱད་པ་ཡང་དག་པ་ཞིག་གནང་བར་ཞུ།
གལ་སྲིད་རྒྱལ་དོན་དུ་སྐད་འབོད་དང་འཛིང་འཁྲུགས་དགོས་པར་སེམས་ན་གཟན་ཤམ་དམར་པོ་དེ་མར་ཕུད་ནས་མི་རིགས་ཀྱི་བྱས་རྗེས་སྐད་གྲགས་ཆོད་པ་ཞིག་འཇོག་ཐུབ་པ་བྱུང་ན་དེ་ནི་ཆེས་འོས་ཤིང་འཐད་པ་དང་ཤིན་ཏུ་ལེགས་པར་སེམས།།། རྩོམ་སྔོན་མ་དེ་བསུབ་རྒྱུ་ཡོད་ན་བསུབ་རོག་གནང་།
དགོན་པ་གེ་མོ་ཞིག་ནས་གྲྭ་པ་དང་བླ་མ་བརྩོན་ག་གེ་མོ་འཇུག་བྱེད་འདུག གྲྭ་པ་དང་བཙུན་མ་ག་གེ་མོས་སྐད་འབོད་བྱས་འདུག དགོན་པ་ག་གེ་མོ་ནས་སེར་དམག་བླུག་འདུག་ཁྲོམ་ལ་སྐད་འབོད་རྒྱབ་འདུག་ཞེས་པ་འདི་ཚོ་ད་ནི་བོད་ཀྱི་བསྟན་སྲིད་དང་འབྲེལ་བ་མེད་པར་སེམས། དེང་གི་གཞོན་སྐྱེས་དར་མ་ཚོས་སྐད་འབོད་དང་འཛིང་འཁྲུགས་རྒྱལ་དོན་སྲིད་ལུགས་རྣམས་ཁོང་ཚོས་བསྐྱང་དགོས་ཀྱི། བླ་གྲྭ་རྣམས་ནི་སྐད་འབོད་དང་འཛིང་འཁྲུགས་བྱ་སའི་འཁོར་ཡུག་ཞིག་དང་དུས་ཚོད་ཞིག་གཏན་ནི་མིན་པར་སེམས། ནམ་ཞིག་ས་སྒང་འདིར་བོད་གྱི་བླ་གྲྭའི་མིང་ཐོས་དུས་གདུག་རྩུབ་ཅན་ཞིག་གི་གྲལ་དུ་མ་འདོད་ཀྱང་འགྲོ་དགོས་པའི་དུས་ཞིག་འབྱུང་ཉེ་བས། བླ་མ་དང་གྲྭ་པ་བཙུན་རྣམས་ཀྱི་གཞན་ཕན་གཞི་བཅས་སྒྲུབ། གཞན་གནོད་གཞི་བཅས་སྤང་དགོས་པའི་ཚབ་ཏུ་ཡིན་ན་མ་གཏོགས་འདི་རིགས་མཚམས་འཇོག་གནང་ན་ཤིན་ཏུ་ལེགས་པར་སེམས། བོད་གཞིས་བྱས་གཉིས་སུ་རྒྱ་དཀར་ནག་གཉིས་ཀྱིས་གཙོས་པའི་ཕྱི་རྒྱལ་བ་རྣམ་པ་མ་ཚད་རང་མི་གཞོན་སྐྱེས་བྲོད་པོ་ཚོས་བོད་ཀྱི་ཆོས་ལུགས་འདིས་ཕུང་རབ་བརླག་རབ་ག་ཚོད་བཤད་པ་མཐོང་གི་མི་འདུག་གམ། གཏམ་འདི་རང་བཞིན་བརྗོད་པའི་སྙིང་གཏམ་དང་ཞེན་བསྐུལ་གལ་ཆེན་ཞིག་ཡིན་གྱི་ཕྱོགས་ཐལ་གྱི་སྐད་ཆ་དང་མི་མཐུན་པའི་ནང་དཀྲུག་ཞིག་གཏན་ནས་མིན་པས། བླ་གྲྭ་སེར་མོ་བ་ཡོངས་ནས་དཔྱད་པ་ཡང་དག་པ་ཞིག་གནང་བར་ཞུ། གལ་སྲིད་རྒྱལ་དོན་དུ་སྐད་འབོད་དང་འཛིང་འཁྲུགས་དགོས་པར་སེམས་ན་གཟན་ཤམ་དམར་པོ་དེ་མར་ཕུད་ནས་མི་རིགས་ཀྱི་བྱས་རྗེས་སྐད་གྲགས་ཆོད་པ་ཞིག་འཇོག་ཐུབ་པ་བྱུང་ན་དེ་ནི་ཆེས་འོས་ཤིང་འཐད་པ་དང་ཤིན་ཏུ་ལེགས་པར་སེམས།།།
བོད་ནང་གི་ས་གནས་ཁ་ཤས་ནས་གནས་ཚུལ་འདིའི་སྐོར་མི་ཤེས་མཁན་ར་ཡོད་ཁུ
རྒྱ་ནག་གིས་འུར་དིར་དིར་ཟིང་སློང་སློང་གི་རྣམ་པ་འདིའི་ཐོག་ནས་ཨ་མདོ་རྔ་བའི་དཔའ་རྒོད་ཚོའི་གཟི་བརྗིད་མཐོང་ཐུབ་ལ། དཔའ་བརྟུལ་ཚོ། ཤ་རུས་ཁྲག་གསུམ་ཁྱེད་ཅག་དང་འདྲེས་ཡོད་ལ། བློ་ཕུག་བྲང་གསུམ་ཡང་ཁྱེད་ཅག་ལ་བཅོལ་ཡོད། གཞིས་བཞུགས་པ་ལྷན་རྒྱས་ཀྱི་བྱ་བ་ལམ་འགྲོ་ཡོང་བའི་རེ་སྨོན་བྱེད།