ཉེ་ཆར་ཕྱི་ཟླ་ ༣ ཚེས་ ༦ ཉིན་མདོ་ཁམས་རྫ་ཁོག་ག་ཡུལ་གྲོང་སྡེ་ནས་བོད་རིགས་གཞོན་སྐྱེས་གསུམ་གྱིས་བོད་དོན་དང་འབྲེལ་བའི་སྦྱར་ཡིག་མང་པོ་ཞིག་ཁྲོམ་གཞུང་དུ་སྦྱར་འགྲེམས་བྱས་ཡོད་པ་མ་ཟད། སྦྱར་ཡིག་དེའི་སྟེང་ཁོང་ཅག་གསུམ་གྱི་མིང་ཡང་གསལ་བོར་བཀོད་ཡོད་འདུག
མི་དེ་གསུམ་ནི། རང་ལོ་ ༢༥ ཡིན་པའི་ཚེ་རིང་སྐྱིད་པོ་དང་། རང་ལོ་ ༣༣ ཡིན་པའི་བྱམས་པ་དངོས་གྲུབ། རང་ལོ་ ༣༠ ཡིན་པའི་བློ་བཟང་ཐུབ་བསྟན་བཅས་ཡིན་ཞིང་། ཁོང་གསུམ་ནི་དེ་སྔ་ས་བྱི་ཞི་རྒོལ་ཆེན་མོའི་ནང་དུའང་མཉམ་ཞུགས་བྱས་མྱོང་ཡོད་འདུག
སྦྱར་ཡིག་དེའི་ནང་། “ང་ཚོ་བོད་ལ་རང་དབང་དགོས། རྒྱལ་བ་རིན་པོ་ཆེ་བོད་དུ་གདན་འདྲེན་དགོས” ཞེས་བཀོད་ཡོད་ཅིང་། ད་ཆར་རྒྱ་གཞུང་གིས་འཛིན་བཟུང་བཀའ་རྒྱ་བཏང་ཡོད་འདུག་ཀྱང་། ཁོང་ཅག་གར་སོང་ཆ་མེད་དུ་གྱུར་ཡོད་སྟབས། ཚེ་རིང་སྐྱིད་པོའི་ཕ་སངས་དཔའ་དང་། བྱམས་པ་དངོས་གྲུབ་ཀྱི་སྤུན་མཆེད་རྨོ་ལྕགས་གཉིས་བཀག་ཉར་བྱས་ཡོད་པ་མ་ཟད། ཁོང་ཅིག་གི་ནང་མིར་རྒྱ་སྒོར་ཉིས་ཁྲི་ ༢༠༠༠༠ རེ་ཡི་ཉེས་ཆད་ཀྱང་བཅད་ཡོད་འདུག
བཙན་བྱོལ་སྒྲིག་འཛུགས་འདི་ལྷའི་ཕོ་བྲང་མ་རེད་ལ་ནང་གི་ལས་བྱེད་རྣམས་ལྷ་དང་ལྷ་མ་ཡིན་མིན་ཙང་མི་འགྲིག་ན་འགྲིག་གི་མིན་འདུག་ལབ་དགོས་པ་རེད་མ་གཏོགས་མི་འགྲིག་བཞིན་དུ་ད་དུང་གསོལ་བ་འདེབས་ཞུས་ནས་བསྡད་ན་བོད་བསྟན་པ་ཆབ་སྲིད་ལ་ཕན་ཀྱི་མ་རེད་ལ། གཞིས་བཞུགས་གི་དཔའ་བོ་དཔའ་མོ་ཚོའི་སྲོག་ལ་རྩེད་མོ་རྩེད་བཅུག་ན་འགྲིག་གི་མ་རེད།
དཔའ་བོ་གསུམ་པོ་བྱས་རྗེས་ལ་ཡིད་རང་ཡོད།
ང་ཚོས་བསྟོད་གླུ་འབུལ་དགོས་ས་ཞིག་ལ་འབུལ་དགོས་རེད།
དམས་ར་གཏོང་དགོས་ས་ཞིག་ལ་དམས་ར་གཏོང་དགོས་རེད།
དྲྭ་གྲོགས་ཚོ། བཙན་བྱོལ་དུ་འབྱོར་བའི་བོད་མི་དང་ལྷག་པར་བཙན་བྱོལ་སྒྲིག་འཛུགས་འདིར་དེ་ཙམ་གྱི་སྡང་ཞུགས་མ་གནང་རོགས། དུས་ད་ལྟའི་རིང་མང་ཆེ་བས་རང་སེམས་དགའ་ན་བཙན་བྱོལ་གཞུང་ལ་བསྟོད་གླུ་འབུལ་མཁན་དཀོན་ཡང་། རང་སེམས་སྐྱོ་ན་སྡུག་སྐད་འདོན་ས་བཙན་བྱོལ་གཞུང་འདི་ཉིད་ཡིན་པས་བཀའ་དྲིན་ཅུང་ཟད་དྲན་ན་ཅིས་མི་ཆོག གལ་སྲིད་དེ་ལྟར་མ་བྱུང་ན་ཡང་བོད་ཕྱི་ནང་གཉིས་འབྲེལ་ཐག་གཅོད་པའི་སྐད་ཆ་དེ་འདྲ་ནམ་ཡང་མ་གསུངས་རོགས། གལ་སྲིད་ཁྱེད་ཅག་ལ་བོད་མི་རིགས་ལ་བཅངས་པའི་བརྩེ་སེམས་ཟེར་ན་ཡང་འདྲ། བོད་དོན་ལ་བཅངས་པའི་སེམས་ཤུགས་རེ་ཡོད་ན་བོད་ཕྱི་ནང་གི་གནས་ཚུལ་སྤེལ་རེས་བྱེད་ཐུབ་པའི་ཕོ་ཉ་ཞིག་ཆགས་ཐུབ་ན་ཅི་མ་རུང་།
རྒྱ་དམར་གྱི་གདོང་ལ་དངོས་སུ་ཐོན་པའི་དཔའ་བོ་དེ་དག་གིས་མཚོན་པའི་གཞིས་བཞུགས་བོད་མིའི་སྙིང་སྟོབས་དེའི་དཔེ་ཞིག་གང་དུ་ཡང་རྙེད་མི་སྲིད་པས་ངས་ཁོང་ཚོར་ཅི་འདྲ་ཞིག་བཤད་དགོས་པ་ཡང་ཤེས་མ་སོང་། ཡིན་ན་ཡང་འུ་ཐུག་ཐབས་ཟད་དམ་མཐོང་ཆུང་བསྙས་དམོད་ཀྱི་འོག་ནས་ཅི་མི་སྙམ་པར་རང་སྲོག་འདོར་བ་དེ་སེམས་ཅན་སྤྱིའི་རང་གཤིས་ཤིག་རེད་མོད། ད་ལྟའི་ང་ཚོ་བོད་པ་ཚང་ལ་ཁྱོད་ཚོ་ལྟ་བུའི་མི་མང་གི་སྣེ་ཁྲིད་པ་ཧ་ཅང་དཀོན་པ་དང་། ཁྱོད་ཚོ་ལྟ་བུ་རྣམས་ནི་ནམ་ཡང་ང་ཚོར་དགོས་པས་ན། བོད་དོན་འཐབ་རྩོད་ལ་ཐབས་མཁས་གང་ཐུབ་གནང་རོགས་ཞེས་མིག་ཆུ་འགྲམ་ངོགས་ལ་བཞུར་བཞིན་འབོད་སྐུལ་དུའོ།། བོད་རྒྱལ་གྱུར་ཅིག
བཙན་བྱོལ་ནང་གི་རང་མགོ་རང་ཐོན་བྱེད་ཀྱིན་པ་ཧ་གོ་གི་མེད་ཚོད། དམྱལ་བ་སྙིང་རྗེ། ཁོང་གསུམ་ལ་རྐྱེན་དང་བར་ཆད་མི་འབྱུང་བར་སྨོན། མ་ཟད་གཞིས་བཞུགས་བོད་མི་ཚོ། ཁྱོད་ཚོས་བཙན་བྱོལ་སྒྲིག་འཛུགས་ལ་སྐྱབས་བཅོལ་ནས་རང་སྲོག་གི་སྦྱིན་པ་མ་གཏོང་རོགས། འདི་ན་ཁྲམ་པ་ཀྱང་ཀྱང་རེད། ཁ་སང་འོས་བླུགས་དུས་ངའི་འཇོན་དང་ཁོའི་འཇོན་ཟེར་གི། དེ་རིང་འགན་སྤྲད་དུས་མི་གཅིག་གཉིས་མ་གཏོགས་འཇོན་ནུས་མཁན་མིན་འདུག དེ་ལས་གཏིང་རིང་བ་བསམ་བློ་བཏང་མི་གཅིག་གཉིས་དེ་ནས་ཀྱང་ཁ་བཤད་དོན་སྟོང་ཇི་ཙམ་ཡོད་པ་ཚོད་པ་ཐུབ། གང་ལྟར་རང་མགོ་རང་ཐོན་ཁ་ནས་བཤད་པ་བཞིན། སོ་སོའི་ལྟོ་གོས་ཆེད་དུ་རྐུབ་སྟེགས་བཟུང་བ་ཙམ་ལས་སྤྱི་དོན་བསམ་མཁན་དང་། ཁྱོད་ཚོས་རེ་བ་བཅོལ་ས་རྫོགས་འདུག
“ང་ཚོ་བོད་ལ་རང་དབང་དགོས། རྒྱལ་བ་རན་པོ་ཆེ་བོད་དུ་གདན་འདྲེན་དགོས”ཞེས་པ་དེ་“ང་ཚོ་བོད་ལ་རང་དབང་དགོས། རྒྱལ་བ་རིན་པོ་ཆེ་བོད་དུ་གདན་འདྲེན་དགོས”བཅོས་རོགས། ཁོང་གསུམ་གྱི་བློ་སྟོབས་ལ་གུས་འདུད་དང་ནམ་ཡང་དགྲ་བོས་ལག་ཏུ་མི་ཐེབས་པའི་སྨོན་འདུན་བཅས།