༢༠༠༨ ལོའི་མེ་ལྕེ་དང་ཟུངས་ཁྲག་དེ་དག་ནི་ལོ་ངོ་གསུམ་གྱི་ཡར་སྔོན་ཏག་ཏག་ལ་བྱུང་བ་རེད། བོད་མི་མང་པོས་རང་ཉིད་བློས་གཏོང་བྱེད་དགོས་བྱུང་ཡོད་ལ། བོད་མི་མང་པོས་དེ་རིང་ཡང་བཙོན་ཁང་དུ་སྡུག་བསྔལ་མྱོང་བཞིན་ཡོད། བཙན་གནོན་པའི་ལྐོག་མདའ་འཕེན་མཁན་དག་ནི་བོད་མི་ཚོའི་མགོ་ཐོག་ཏུ་ད་དུང་ལངས་ཡོད་ལ། ཉི་མ་གསལ་བའི་ཉིན་དག་ལ། ཁོང་ཚོའི་ལག་ན་ཡོད་པའི་མེ་མདའ་ནས་མཆེད་པའི་འོད་དེ་ཡིས་ཕྱག་འཚལ་བཞིན་པའི་བོད་མི་ཚོར་བསྣུན་བཞིན་ཡོད། འདི་ནི་བོད་མི་ཚོའི་སྙིང་ལ་བརྐོས་པའི་ཐུན་མོང་གི་དྲན་པ་ཞིག་རེད།
གང་ལྟར་ཡང་། བོད་མི་ཚོའི་ཁྲོད་ནས་ བོད་ཆོལ་ཁ་གསུམ་གྱི་ཁྱོན་ལ་བྱུང་བའི་གྱེན་རྒོལ་དེ་དག་ནི་མ་ཡོང་ན་འགྲིག་པ་ཡོད། གང་ཡིན་ཟེར་ན། དེས་ཡ་ང་མེད་པའི་བཙན་གནོན་སླེབས་བཅུག་པ་མ་ཟད། ཆབ་སྲིད་ཀྱི་ནང་དུ་བཙན་དབང་ཆེ་བའི་འགྱུར་བ་སླེབས་བཅུག་ནས། སྔོན་ནས་ཐོབ་ཡོད་པའི་གོ་བབ་དེ་སླར་ཡང་ཉམས་དམས་སུ་བཏང་སོང་ཞེས་སྐད་ཆ་མ་འདྲ་བ་གཞན་ཡོད་པ་དེ་ཁྱད་པར་འབྱེད་ཐུབ་པ་རེད། དཔེར་ན། བོད་ནང་གི་རོགས་སྐྱོར་ཐེབས་རྩ་མང་པོ་སྒོ་བརྒྱབ་པ་ཙམ་དུ་མ་ཟད། དེ་དག་ཁྱོན་ནས་སླར་ལོག་གི་མ་རེད་ལ། ང་ཚོས་བྱེད་ཐུབ་པ་ཉག་གཅིག་ཡོད་པ་དེ་ནི་ ང་ཚོ་རང་ཉིད་སྲུང་སྐྱོབ་བྱེད་ཆེད་རྫོགས་མཐའ་མེད་པའི་འགྲིག་མཐུན་བྱེད་རྒྱུ་དེ་རེད།
ཐེབས་རྩ་ཚོགས་པ་དང་རང་དབང་ཅན་གྱི་ཚོགས་པ་དག་ནི་རོགས་སྐྱོར་གྱི་ལས་ཀ་ལ་ཞུགས་ཡོད་སྟབས་ ཆབ་སྲིད་ཀྱི་ཆ་ནས་འགྲིག་ཆ་ལྡན་པའི་ཁེ་ཕན་ཅན་གྱི་བཟང་སྤྱོད་ཅིག་མཚོན་གྱི་ཡོད། ཡིན་ན་ཡང་། ད་ནི་རོགས་སྐྱོར་གྱི་ལས་ཀ་དག་ཀྱང་མུ་མཐུད་ནས་སྤེལ་མི་ནུས་ལ། མི་ཚོས་དེ་ལྟར་སྐྱོན་བརྗོད་བྱེད་པ་ནི་བསམ་ཤེས་བྱེད་ཐུབ་པ་ཞིག་རེད། ཡིན་ན་ཡང་། རོགས་སྐྱོར་གྱི་ལས་ཀ་འགོག་མཁན་རྣམས་ནི་ངོ་རྒོལ་བྱེད་མཁན་གྱི་མི་རྣམས་རྩ་བ་ནས་མ་རེད་ལ། དེའི་འགན་ཡོད་མཁན་དེ་ནི་བཙན་གནོན་པ་ཚོ་རེད། དེའི་རྐྱེན་གྱིས་ངོ་རྒོལ་པ་དག་ལ་ཁག་འགེལ་བྱས་རིགས་དང་བཙན་གནོན་པ་ངོ་མ་དེ་ཚོའི་ཐད་དུ་ཁུ་སིམ་མེར་ཡོད་པ་འདི་གླེང་སློང་བྱེད་རྒྱུ་ནི་དགོས་ངེས་པ་ཞིག་རེད།
གཞུང་གི་ནང་དུ་ལས་ཀ་བྱེད་བཞིན་པའི་བོད་མི་ཞིག་གིས་བརྗོད་དོན་ལ། ༢༠༠༨ ལོའི་ངོ་རྒོལ་དེ་ནི་ནོར་འཁྲུལ་ཞིག་མ་རེད། ནང་ལོགས་ནས་བཤད་ན། དེས་མི་མང་གི་སྙིང་ཁོང་དུ་ཡུན་རིང་སྦས་བཀག་བྱས་ཡོད་པའི་རྒྱལ་ཁབ་ཀྱི་བསམ་བློ་དེ་འགུལ་བཅུག་པ་རེད་ལ། འཛམ་གླིང་ཕྱི་ལོགས་ལ་མཚོན་ན། དེས་བོད་མི་ཚོའི་གདོང་ལ་བཀབ་ཡོད་པའི་གདོང་རས་སྲབ་མོ་དེ་བཤུས་པ་དང་། བོད་མི་ཚོའི་གདོང་ངོ་མ་དེ་མཐོང་བཅུག་པ་མ་ཟད། ཁོང་ཚོའི་སྙིང་ཁོང་རུས་པའི་གཏིང་ནས་ཡོང་བཞིན་པའི་ངུ་འབོད་དེ་འཛམ་གླིང་ལ་ཐོས་བཅུག་པ་རེད།
འབྲིང་རིམ་སློབ་གྲྭའི་བོད་མི་དགེ་རྒན་ཞིག་གིས་བརྗོད་རྒྱུར། ༢༠༠༨ ལོའི་ངོ་རྒོལ་དེས་ང་ཚོ་ལ་ ན་ཟུག་རྣམས་རང་གི་སྙིང་ཁོང་དུ་སྦ་མི་ནུས་པར་ཕྱིར་འདོན་དགོས་པ་དེ་བསླབས་བྱུང་། དེ་ལས་ཀྱང་གལ་ཆེ་བ་ཞིག་ལ། ང་ཚོས་གནད་དོན་རྣམས་རང་ཉིད་ཀྱི་ལག་ཏུ་ལེན་དགོས་པ་ལས། ང་ཚོས་༧རྒྱལ་བ་རིན་པོ་ཆེའམ་མཁས་པ་གཞན་རྣམས། ཡང་ན་མཐོ་རིམ་ཞིག་ལ་སྐྱབས་བཅོལ་ནས་སྡོད་མི་རུང་། དེར་བརྟེན་ང་ཚོ་རེ་རེ་ནས་རང་རང་གི་ཐོབ་ཐང་ལ་འཐབ་རྩོད་བྱེད་པའི་ལམ་བུའི་སྟེང་ངེས་པར་དུ་ཞུགས་དགོས་པ་རེད།
བོད་མི་རྩོམ་པ་པོ་ཞིག་གིས་བརྗོད་དོན། ༢༠༠༨ ལོའི་ངོ་རྒོལ་དེས་གཤམ་གསལ་གྱི་རྗོད་པ་འདི་དག་བོད་ཁྱོན་ཡོངས་ལ་ཁྱབ་པར་བྱས་པ་རེད། བོད་མི་རྣམས་ནི་སྐྱིད་སྡུག་ཁྲོད་མཉམ་དུ་ལངས་ཡོད། ངོ་རྒོལ་དག་ནི་མི་གཞན་སུ་ཞིག་གིས་ཀྱང་སྐུལ་སློང་གིས་བྱས་པ་མ་རེད། དེ་དག་ནི་མི་དམངས་རང་ཉིད་ཀྱིས་མགོ་བཙུགས་པ་རེད་ལ། དེས་མི་དམངས་ཀྱི་མངོན་འདོད་དང་རྣམ་འགྱུར། ལངས་ཕྱོགས་མཚོན་གྱི་ཡོད་པ་རེད། མི་དམངས་ནི་ཧ་ཅང་ཀླད་མེད་རེད་ཅེས་འདོད་མཁན་དག་ནི་རང་ཉིད་ལ་མཐོང་རྒྱ་ཆེ་མདོག་དང་རང་ཉིད་ཀྱིས་མི་དམངས་ཀྱི་ཆེད་དུ་མི་དམངས་ཀྱིས་ཅི་ཞིག་བྱེད་དགོས་པ་དང་མི་དགོས་པ་ཐག་གཅོད་ཐུབ་ཀྱི་ཡོད་མདོག་མདོག་བྱེད་མཁན་ཚོ་རེད། མཐོ་རིམ་རིང་ལུགས་པའི་ལྟ་ཚུལ་འདི་ནི་ངོ་མ་བཤད་ན། རང་ཉིད་ཀྱི་ལག་ལེན་ངོ་མའི་ནང་དུ་ལས་དོན་བྱེད་པའི་འགན་འཁུར་གྱི་བསམ་བློ་སྣེ་གཅིག་ཀྱང་ཡོད་མ་རེད་ལ། དེ་ལས་ཀྱང་དེ་དག་ལ་རང་གི་རྒྱལ་ཁབ་ཀྱི་ཆེད་དུ་ཕན་ཐོགས་ཕྱིར་སྤྱི་དམངས་ཀྱི་སེམས་ཁུར་སྣེ་གཅིག་ཀྱང་མེད་པ་རེད།
བོད་མི་རྩོམ་པ་པོ་གཞན་ཞིག་གིས་བརྗོད་དོན་ལ། ༢༠༠༨ ལོའི་ངོ་རྒོལ་དེ་ནི་བོད་ཀྱི་ལོ་རྒྱུས་ནང་གི་ས་མཚམས་རྡོ་རིང་ཞིག་ཆགས་པ་རེད། འདས་པའི་ལོ་ངོ་གསུམ་གྱི་རིང་ལ། བོད་ཀྱི་ས་ཁུལ་མང་པོར་ མི་རྣམས་ཀྱིས་རང་ཉིད་གཞི་ནས་དྲན་པ་སོས་པ་ཇི་བཞིན། རྒྱལ་ཁབ་ཀྱི་ཚོར་བ་དང་རྒྱལ་ཁབ་ཀྱི་ལ་རྒྱ་ལ་འབྲེལ་བའི་གནད་དོན་རྣམས་གླེང་བཞིན་འདུག དཔེར་ན་ “མཐུན་སྒྲིལ་གྱི་རང་སྒྲ་”ཞེས་པའི་གླུ་ཚིག་ཇི་བཞིན་རེད། དེས་བོད་མི་ཚོའི་བསམ་ཚུལ་བསྟན་ཡོད་པ་སྟེ། “ཨོ། བོད་མི་ཚོ་མཐུན་སྒྲིལ་གྱིས་ཡ་མཐུན་སྒྲིལ་གྱིས། ཨ་ཕའི་གདོང་གི་སྐྱོ་བ་བསམས་ན་མཐུན་སྒྲིལ་གྱིས། ། བོད་མི་ཚོ་མཐུན་སྒྲིལ་གྱིས་ཡ་མཐུན་སྒྲིལ་གྱིས། ཁ་བ་བོད་པས་མཐུན་སྒྲིལ་གྱིས་ཡ། ཨ་མའི་སེམས་ཀྱི་མིག་ཆུ་བསམས་ན། ། བོད་མི་ཚོ་མཐུན་སྒྲིལ་གྱིས་ཡ་མཐུན་སྒྲིལ་གྱིས། ”ཞེས་བཀོད་འདུག
༢༠༠༨ ལོའི་སྐད་འབོད་དུ་ཞུགས་མཁན་དག་ནི་ཧ་ཅང་གྲངས་ཉུང་རེད་ཅེས་པའི་ལྟ་ཚུལ་ལ་ཤུགས་རྐྱེན་ཆེ་བའི་གྲྭ་པ་ཞིག་གིས་དགག་བྱ་བྱས་པ་རེད། བསམ་ཚུལ་དེ་འདྲ་ནི་རྒྱ་ནག་ཅན་དུ་བསྒྱུར་ཟིན་པའི་ས་ཁུལ་དང་མི་དམངས་ཀྱི་ཁྲོད་དུ་ཡོངས་གྲགས་ཡིན་པ་ནི་ཧ་ཅང་མངོན་གསལ་རེད། གཅིག་བྱས་ན་ རང་ཉིད་སྒེར་ཁོ་ནའི་ཁེ་ཕན་ལ་དངངས་འཚབ་དང་རྩིས་རྒྱག་པ་དག་གིས་ཧ་ལམ་དེ་འདྲ་བསམས་ཀྱི་རེད། ངོ་རྒོལ་དག་གིས་བོད་ཀྱི་གནས་སྟངས་ཇེ་སྡུག་ཏུ་བཏང་བ་ནི་དེས་རྐྱེན་བྱས་ཡོད་མེད་ལ་ཐེ་ཚོམ་མེད་པ་རེད། འོན་ཀྱང་བོད་ཡོངས་ཀྱི་མི་དམངས་ལ་འཕྲད་བཞིན་པའི་གནས་བབ་དང་བསྡུར་ན། དེ་ནི་དཀའ་རྙོག་ཅིག་ཏུ་བརྩི་མི་རུང་བ་ཞིག་རེད། ང་ལ་གསུངས་དང་། རྒྱལ་ཁབ་ཡོངས་ཀྱི་ཁེ་ཕན་དེ་གལ་ཆེའམ། ཡང་ན་མི་སྒེར་རམ་ཚོགས་པ་ཞིག་གི་ཁེ་ཕན་དེ་གལ་ཆེ། ད་དུང་འདི་ནི་ དཀའ་ངལ་ལ་གདོང་ལེན་བྱེད་ཆེད་ལག་ལེན་དང་ནང་གི་སྟོབས་ཤུགས་ཀྱི་ཉམས་མྱོང་གསོག་པའི་གོ་སྐབས་ཤིག་རེད་ལ། དེ་ལ་བརྟེན་ནས་སྙིང་སྟོབས་འཕེལ་གི་རེད།
ལོ་ངོ་གསུམ་གྱི་གོང་དུ་ཁྲོམ་སྐོར་ལ་ཕེབས་པའི་རྐྱེན་གྱིས་འཛིན་བཟུང་དང་གཅར་རྡུང་མྱངས་པའི་གྲྭ་པ་ཞིག་གིས་བརྗོད་དོན། ༢༠༠༨ ལོའི་ངོ་རྒོལ་གྱིས་ཁུངས་སྐྱེལ་དཔང་རྟགས་ཤིག་མཚོན་ཡོད་དེ། གལ་སྲིད་ངོ་རྒོལ་དེ་འདྲ་བྱུང་མེད་པ་ཡིན་ན། རྒྱ་གཞུང་གིས་བོད་མི་རྣམས་ཀྱིས་ “རང་ཉིད་བཅིངས་འགྲོལ་”བྱས་པ་ཡིན་པ་དང་། བོད་མི་རྣམས་ནི་ “མི་དམངས་སྐྱིད་ཤོས་”དེ་ཡིན་པའི་ཁ་གཡང་དེ་དག་དོན་དངོས་ལྟ་བུར་གྱུར་ཡོད། ཡིན་ན་ཡང་ངོ་རྒོལ་དེ་དག་བྱུང་རྐྱེན། སྐད་འབོད་དེ་དག་ནི་རྫུན་མ་རྫུན་རྐྱང་ཡིན་པ་བསྟན་ཡོད། ༢༠༠༨ ལོའི་སྐད་འབོད་ནི་ལམ་ལྷོང་བྱུང་ཡོད་པ་དང་། དེ་དག་གིས་བོད་མི་ཚོའི་རང་གི་སྙིང་ཁོང་དུ་སྦས་ཡོད་པའི་རྒྱལ་ཁབ་ཀྱི་བསམ་བློ་དེ་མངོན་པར་བྱས་ཡོད་ལ། དེ་དག་གིས་བོད་མི་ཚོ་ལ་མ་འོངས་པར་རེ་བ་ཞིག་ཡོད་པ་བསྟན་ཡོད། ངོ་རྒོལ་དེ་དག་གིས་བོད་མི་ཚོའི་མི་ཚེ་ནི་སྔོན་མ་ལས་དཀའ་ཁག་ཆེ་བ་བཟོས་ཡོད་མོད། འདི་ནི་ མ་འོངས་པར་ཡང་ངོ་རྒོལ་མང་བ་ཡོང་ངེས་པའི་རྒྱུ་མཚན་ཞིག་རེད། ངོ་རྒོལ་མང་བ་བྱུང་བའི་ཚོད་ཀྱིས་བོད་མི་ཚོ་ལ་ཁེ་ཕན་ཆེ་བ་ཡོང་གི་རེད་ལ། དེས་མི་དམངས་མང་བ་ནས་མང་བར་གནད་དོན་ངོ་མ་མཐོང་དུ་འཇུག་པ་མ་ཟད། ངོ་རྒོལ་དེ་སླར་ཡང་བྱུང་ན། ང་ནི་དེའི་མདུན་དུ་ཐོན་རྒྱུ་ཡིན།
༢༠༡༡ ལོའི་ཟླ་བ་གསུམ་པའི་ཚེས་ ༡༤ ཉིན་པེ་ཅིན་ནས།
དཔའ་ལ་ལགས་ཁྱེད་རང་དང་ཁྱེད་རང་ལྟ་བུའི་བོད་མི་རྒན་རབ་པ་རྣམས་རྒྱ་མིའི་བཙན་གནོན་འོག་བླ་ཡོང་སུ་འཁུམ་ནས་མཐའ་ན་ཞི་བའི་སྒོ་ནས་སོ་སོའི་ཐོབ་ཐང་ཙམ་ཡང་བརྩོད་མི་ནུས་པའི་ཚད་ལ་བསླེབ་ཡོད་པ་ནི་དངོས་གནས་ཡིད་སྐྱོ་དགོས་པ་ཞིག་རེད།
རིགས་གནས་གསར་རྗེ་དང་མི་མང་ཀུང་ཧྲེ་ཞེས་པ་དེ་ཚོ་འགྲིམ་མ་མྱོང་རུང་གོ་མྱོང་། འོན་ཀྱང་ཚེ་སྔར་དང་ད་གཉིས་མི་འདྲ་བ་ཤེས་དགོས། ད་ལྟའི་དུས་ལ་མི་གཅིག་བསད་ན་ཡང་ང་ཚོས་མ་མཐར་གནས་ཚུལ་དེ་འཛམ་གླིང་མི་མང་གི་མདུན་ལ་བསྐྱལ་ཐུབ།
འདས་ད་གཉིས་སུ་བོད་གངས་ཅན་ལྗོངས་ཀྱི་ཤེས་ལྡན་ཡོད་ཚད་བཙོན་ཁང་ནང་མ་སོང་བའི་མི་གཅིག་ཀྱང་ལུས་མེད་པ་ངས་ཚིག་ཐག་ཆོད་པོས་བརྗོད་པ་ཡིན་ཞེས་པ་ནི་ཇི་འདྲའི་རྒོད་གྲོ་བའི་སྐད་ཆ་ཞིག་རེད། མཁས་དབང་རང་གྲོལ་ལགས་ཤེས་ལྡན་པ་མ་ཡིན་ནམ་ཁོང་བཙོན་ལ་ག་དུས་སོང་བ་རེད། འདི་ནི་དཔེ་མཚོན་ཙམ་ཡིན་གྱི་ད་དུང་བཙོན་ལ་མ་སོང་བའི་མཁས་པ་གྲང་ལས་འདས་པ་ཡོད།
ང་ལ་མཚོན་ན་དབུ་མའི་ལམ་ལ་རྒྱབ་བསྐྱོར་བྱེད་མཁན་ཞིག་ཡིན་ཡང་། བོད་རང་བཙན་བརྩོད་པ་དེ་ཡང་རང་ལ་ཡོད་པའི་ཐོབ་ཐང་ཞིག་བརྩོད་པ་ལས་རྒྱུ་འབྲས་གོ་ལྡོག་བྱས་པ་ཡིན་པར་ནམ་ཡང་ངོས་ལེན་མེད། རྒྱ་གཞུང་གིས་བོད་ལ་བཙན་འཛུལ་བྱས་པ་དེ་རྒྱུ་འབྲས་གོ་ལྡོག་བྱས་པ་མིན་ན། ང་ཚོས་རང་ཉིད་ཀྱི་ཐོབ་ཐང་བརྩོད་པ་དེ་རྒྱུ་འབྲས་གོ་ལྡོག་སུ་ཇི་ལྟར་འགྱུར་རམ། ཁྱེད་རང་གི་སྐད་ཆ་བཤད་སྟངས་ལ་བསྟས་ན་ཁྱེད་རང་བོད་མི་ཞིག་ཡིན་མིན་ལ་ཡང་ཐེ་ཚོམ་ཟ་སོང་།
བོད་མི་རིགས་འདི་ཡག་པོ་ཡོང་དགོས་ཤིང་། བོད་ཀྱི་ཆོས་དང་རིགས་གཞུང་རྒྱུན་གནས་ཐུབ་དགོས་ན་བོད་མི་རིགས་ལ་རང་དབང་ཐོབ་དགོས་ལ། བོད་མི་རིགས་ལ་རང་དབང་ཐོབ་དགོས་ན་ངོ་རྒོལ་མ་བྱས་པར་ཐོབ་མི་སྲིད་པ་ལོ་རྒྱུས་ཀྱི་ཉམས་མྱོང་ལས་ཤེས་ཐུབ།
མི་རིགས་འདི་ལ་གྱོང་རྒུད་གང་ཡིན་པ་ཐམས་ཅད་དཀར་ནག་གཏན་ནས་མི་འདུག་སྙམས་ཞེས་པའི་ལན་ལ་ངས་མདོ་ནས་གསུང་པའི་ཚིག་བཅད་གཅིག་འདིར་དྲང་ཡོད་པ་འདིས་མཐུས་པ་འདུག།གང་ལས་སྡུག་བསྔལ་འབྱུང་འགྱུར་བའི། །བདེ་བ་དེ་ལ་བདེར་མི་སེམས། །གང་ལས་བདེ་བ་འབྱུང་འགྱུར་བའི། སྡུག་བསྔལ་དེ་ལ་བདེ་བར་སེམས།།
གཞིས་བཞུགས་བོད་མི་རྣམས་ལ་བསྡུག་གྱོང་བཏོང་མཁན་རྒྱ་ནག་གཞུང་ཡིན་པ་ལས་ངོ་རྒོལ་མ་རེད་ན་བོད་མི་ཤེས་ལྡན་ཚང་མ་ཅི་ཡི་ཕྱིར་དུ་བཙོན་ཁང་ནང་བཅུག་པ་དང་དྲག་གནོན་ནང་འགྲོ་སོང་བ་རེད།
ངོ་རྒོལ་མ་བྱས་ན་སྡུག་གྱོང་བཏང་གི་མ་རེད་ཞེས་ངས་ལབ་ཀྱི་མེད་ཀྱང་དེ་ལ་ཡང་བྱ་ཐབས་མང་པོ་བྱེད་རྒྱུ་ཡོད་པ་དཔེར་ན་པན་ཆེན་རིན་པོ་ཆེའི་ཁྲི་བདུན་གྱི་སྙན་ཞུ་ལྟ་བུ་དང་འོད་ཟེར་ལགས་གྱི་དྲྭ་རྒྱུད་ནས་བཤད་པ་ལྟ་བུ་བྱེད་ཆོག།
ངོ་རྒོལ་མ་བྱས་པར་རང་དབང་ཡང་ཐོབ་རྒྱུ་མ་རེད་ཞེས་པ་ནི་ངོས་ཀྱི་གཙོ་བོའི་རྒྱུད་བསྐུལ་དེ་ཡིན།
མི་རིགས་ཀྱི་རང་དབང་རང་བཙན་ཞིག་གི་འཐབ་རྩོད་ཡིན་ནས་བཟུང་གཞུང་དེ་ལ་དྲག་པོའི་ཐོག་ནས་ངོ་རྒོལ་བྱེད་པ་ལས་གཞན་པའི་ངོ་རྒོལ་རིགས་ཀྱིས་དེ་ཙམ་ཕན་མི་ཐོག་པ་འདས་དེང་གི་སྤྱི་ཚོགས་ཀྱི་འགྲོས་ལ་གཟིགས་དང་ཤེས་གསལ་རེད། དབུ་མའི་ལམ་གྱི་སྒོ་ནས་བོད་རྒྱ་འབེལ་མོལ་བྱུང་བ་དེ་ཡང་བོད་ཕྱི་ནང་གི་བོད་མི་རྣམས་ཀྱི་ངོ་རྒོལ་དང་། རྒྱལ་སྤྱིའི་བོད་དོན་རྒྱབ་བསྐྱོར་ལ་བརྟེན་ནས་བྱུང་བ་ལས་རྒྱ་ནག་གཞུང་གི་བཟང་སྤྱོད་ལ་བརྟེན་ནས་བྱུང་བ་ཞིག་མ་རེད་ཞེས་པ་ནི།
གང་གི་གྱོང་གུད་བཏང་ན་གྱོང་གུད་ནི་གྱོང་གུད་ལས་དཀར་ནག་གཏན་ནས་མེད་པས་དེ་ཚོ་ཡོད་ཚད་ཞི་བའི་ཐོག་ནས་དང་གཞན་པའི་རྒྱལ་སར་ནས་སྐད་འབོད་ཞུ་བསྐུལ་དགོས་ཀྱི་གྱོང་གུད་ནང་མའི་ཐོག་ཏུ་མི་ཡོངས་བའི་ཐབས་ལམ་གཏོན་དགོས་ནི་ཁ་ཚ་དགོས་གཏུག་གི་ལས་འགན་ཡིན།
ངོ་རྒོལ་ཡིན་ན་དྲག་པོའི་ངོ་རྒོལ་ཡིན་མི་དགོས་པ་ཡང་ཁྱེད་རང་གིས་མཁྱེན་རྒྱུ་རེད་ཞེས་པ་ནི་ཁྱོད་རང་གི་མཁྱེན་གསལ་ལ་ངོས་ཀྱི་ཡང་དེ་ཡིན་ཏེ་བྱ་བ་དེ་རིགས་ཐམས་ཅད་མ་ཚད་དོན་རྐྱེན་ཆུང་ཚག་ཡན་ཆད་སྲིད་དོན་དུ་བསྒྱུར་ནས་རྒྱལ་བའི་སྐུ་པར་ཚུན་ལ་བཀག་བསྡོམ་བྱེད་པ་འདི་ཚོ་ནང་སྡོད་ཀྱི་བོད་མི་ཡོད་ཚད་ཀྱི་དཀའ་ངལ་ལས་ལས་ང་སྒེར་གྱི་དཀའ་ངལ་ནི་སྒེར་གྱི་དཀའ་ངལ་བྱུང་ཟིན་པ་ལ་སྡུག་གྱོང་མི་བྱེད་ཀ་མེད་ལས་ཁག་དཀྲི་བྱེད་ས་མེད་པ་གུས་པས་ཀྱང་ཤེས་ཀྱི་ཡོད་པ་ལ་བརྟེན་ནས་སེམས་གཏིང་ནས་བསམ་ཚུལ་རྒྱུད་བསྒྲག་བྱེད་པོ་ཀུན་ལ་རེ་བསྐུལ་ཞུས་པ་ལ་དེ་འདི་ཚོ་ནག་ཉེས་ཤིག་ཡིན་ན་ངས་སྒོ་གསུམ་གུས་པས་ཐལ་མོ་སྦྱར་ནས་བཟོད་གསོལ་ཞུ་གི་ཡིན།
དཔའ་ལ་ལགས་ཁྱེད་རང་ལ་དཔའ་ལའི་སྙིང་སྟོབས་ཀྱི་ཟུར་ཙམ་ཡང་མི་འདུག་ན་མིང་དེ་ཇི་ལྟར་ཐོག་སམ་ཞེས་པ་ནི་ང་ལ་གེ་སར་དཔའ་ལ་གི་སྙིང་སྟོབས་ཡོད་པའི་ཆ་ནས་མིང་དེ་བཏགས་པ་མིན་སྤྱིར་མིང་ལ་བཏགས་མིང་བཤད་མིང་གཉིས་ཡོད་ཀྱང་དེ་བཏགས་པ་ཡིན་ན་དེ་ཡིན་པས་ཁྱབ་མི་དགོས་པ་བཞིན་གུས་པའི་མིང་ཀྱང་འདྲ་འབྲེལ་གཉིས་ནས་འབྲེལ་བ་རྒྱུ་མཚན་དུ་བྱས་ནས་གཏགས་པ་ཞིག་ཡིན་པ་ལས་འདྲ་བ་ཡིན་པའི་ཆ་ནས་མིན་པ་དགོང་བཞེས་གནང་རོག
སྤྱིར་ཁྱེད་ཀྱིས་གུས་པའི་བསམ་འཆར་ལ་དགོང་འཆར་ལྷུག་པོར་གནང་བ་འདི་ཡང་ཐུགས་རྗེ་ཆེ་ཞུ་གི་ཡོད།
ལུང་རྟོགས་ཁྱེད་རང་གཙོས་པའི་དེང་དུས་ཀྱི་ན་གཞོན་སྐོར་གཅིག་ལ་འདས་ད་གཉིས་ལ་དེ་ཙམ་ཀྱི་སྒེར་དང་གཞུང་སུ་གི་ཡང་དོ་ཕོག་དང་གནར་གཅོད་མ་བྱུང་བའི་རྒྱུ་མཚན་གྱིས་སྐད་ཆ་འདི་ཚོ་དེང་གི་སྤྱི་ཚོགས་ནང་ལ་ཁྱབ་བཞིན་པ་དངོན་གསལ་དོད་པོ་ལ་གུས་པས་ཚིག་རིས་ཁ་ཤས་ཞུ་འདོད་བྱུང། ཁྱེད་རང་ལོ་ཚོད་ལ་གཞིག་ན་གུས་པ་ལས་དགུང་ལོ་ཆེ་བ་ལས་ཆུང་བ་ཞིག་ཡིན་རྒྱུ་མིན་ཚོད་འདུག་ཏེ་འདས་དའི་གཏམ་ནི་ཁྱོད་རང་གི་ཐོས་ཐོས་བ་རེད་བསམ་ན་ཡང་ད་ལན་གསུང་པ་ལ་གཞིག་ན་ཕལ་ཆེར་ཡིན་མི་སྲིད་པ་ཞིག་གི་མྱོང་ཚོར་ཡ་མཚན་ཅན་ཞིག་བྱུང་། མི་དམངས་གསར་རྗེ་ཆེན་པོ་ཞེས་བོད་ས་ཡོངས་རྫོགས་ལ་མེ་དམར་ལྷབ་ལྷབ་ཏུ་འབར་བ་དེ་ཁྱེད་ཀྱི་ཐོས་མེད་པ་འདྲ་སྟེ་དེ་ནི་ག་བ་ལ་ཡིན་སྲིད། མི་དམངས་ཀུང་ཧྲེ་ཆེན་པོ་ཡང་ཁྱེད་ཀྱི་ཐོས་མེད་པ་འདྲ་སྟེ་དེ་ཡང་ག་ལ་སྲིད། ཁྱེད་མ་གཞི་བོད་མི་ཞིག་ནི་ཡིན་ཐག་ཆོད། མིན་ན་ངས་དགོས་དྭངས་ཞུ་གི་ཡིན། ཡིན་ན། ཁྱེད་ཀྱི་དེ་དག་ལ་ཐོས་མྱོང་རྟོགས་གསུམ་ཡོད་རྒྱུ་རེད། ཡོད་ན་གཞུང་དེ་གི་བྱེད་སྟངས་དང་རྩ་བའི་སྲིད་ཇུས་ལ་འགྱུར་བ་སོར་གང་སོང་མེད་པ་མ་ཚད་གཞི་གདན་ཆེ་རུ་དང་དམ་དྲག་སྡུག་རུ་སོང་མེད་ན་ཡག་བ་ཞིག་འགྲོ་ཡི་མེད་པ་ཀུན་གྱི་ཤེས་གསལ་འདི་རེད། མགོ་བསྐོར་དང་བསླུ་བྲིད་ཀྱི་ཐབས་ལམ་གང་ཡོད་སྩལ་ནས་མིང་ཙམ་གྱི་ཆོད་དད་རང་མོས་དང་སྤྱི་འགྲོས་མ་བྱས་ན་སྦས་ཐབས་མེད་པའི་རིགས་རྙིང་སླར་གསོ་བྱེད་པ་ཙམ་ཞིག་ལ་ཡིད་གཏོན་ཆོག་པའི་བྱ་བ་བཟང་པོ་སྣེ་གཅིག་ཀྱང་མེད་ནས་གཞིས་བྱས་བོད་མི་ཡོངས་རྫོགས་ཀྱིས་ཁོག་ནད་ལྗིད་པོ་གསོ་མི་ནུས་པ་དེ་རྒྱུ་མཚན་འདི་དེང་གཅིག་པུ་མིན་པ་འདས་ད་གཉིས་སུ་བོད་གངས་ཅན་ལྗོངས་ཀྱི་ཤེས་ལྡན་ཡོད་ཚད་བཙོན་ཁང་ནང་མ་འགྲོ་བའི་མི་གཅིག་ཀྱང་ལུས་མེད་པ་འདི་ངས་ཚིག་ཐག་ཆོད་པོས་བརྗོད་པ་ཡིན་གྱི་འུད་ཤོད་དང་མ་བྱས་ཁག་འགེལ་བ་ཞིག་གཏན་ནས་མིན། དཔེར་མཚོན་ཙམ་བགྱིས་ན་དེང་སང་རྡ་རམ་ས་ལ་བོད་ཀྱི་མཁས་དབང་རྣམས་ཀྱི་སྐུ་པར་ཞིག་འགྲེམ་སྟོན་ནང་འཁོད་ལ་གཟིགས་དང་།
མཁས་དབང་དགེ་འདུན་ཆོས་འཕེལ་ཙམ་མ་གཏོགས་རྒྱ་མིའི་གནར་གཅོད་དང་བཙོན་ཁང་ནང་འགྲོ་མ་མྱོང་མཁན་གཅིག་ཀྱང་མི་འདུག་པ་དེ་བཞིན་བོད་ས་ཡོངས་རྫོགས་ལ་ཆེ་ཆེ་བའི་ཚོད་དང་ཆུང་ཆུང་བའི་ཚོད་དུ་བཙན་གནོན་དང་།
ཉེས་ཆེན་ཞེས་པའི་མིང་འདོགས་ཀྱིས་དྲག་གནོན་སོགས་ནང་བོད་ས་ཡོངས་ལ་མ་སོང་བ་ལུང་པ་ཡན་གར་བ་གཅིག་ཀྱང་ལུས་མེད་པ་འདི་གསལ་གསལ་ཐིང་ཐིང་ལ་ཁྱེད་ཀྱི་དེ་ཚོ་མ་གསན་པ་ག་བ་ལ་བཞུགས་སྡོད་པ་ཡིན་ལགས། དེང་ལ་ཆ་མཚོན་ན་བོད་མི་རིགས་ལ་ཤ་ཞེན་ཅན་དང་ལ་རྒྱ་ཅན་གྱི་སྐྱ་སེར་ཚང་མ་བསྡུ་རུབ་རྒྱག་སྟང་ལས་ཀྱང་གསལ་པོ་མཚོན་ཐུབ་སྙམས། རང་བཙན་རྩོད་ན་སྤྱིར་ཁྱེད་རང་གི་གསུང་པ་བཞིན་རྒྱུ་མེད་འབྲས་བུ་ཞིག་མི་སྲིད་པ་དེ་ཐུགས་བདེན་པ་ཡིན་ཡང་།
རྒྱུ་འབྲས་གོ་ལྡོག་མི་བྱེད་པ་འདི་བོད་མི་ཡོངས་ཀྱི་སེམས་གཏིང་ནས་གོ་ཤེས་ཤིག་མ་ཐུབ་ན་རྒྱ་ནག་ཀྱང་འདི་ལ་དོགས་ནས་འབྲེལ་མོལ་ཡོད་ཚད་ཀྱི་རེ་བ་སྟོང་ཟད་བྱེད་པ་ཡང་གནད་འདི་ཡིན་པ་ཁྱེད་རང་གཙོས་པའི་བོད་མི་རྒོད་པོ་འདི་ཚོས་ཤེས་དགོས་པ་གནད་ཀྱི་དམ་པར་འཁུམ། ཁྱེད་རང་གི་གསུང་པ་བཞིན་ང་སྒེར་དོན་གླེང་བ་ཞིག་ཡིན་དུ་ཆུག་ཀྱང་ཁྱད་པར་མེད་དེ། ༧གོང་ས་རྒྱལ་དབང་ཐམས་ཅད་མཁྱེན་པས་གཙོས་ཤེས་འཇོན་ལྷག་གསུམ་ལྡན་པའི་བོད་མི་ཡོངས་ཀྱི་ལམ་དབུ་མ་གཙོ་འདོན་མཛད་པ་ལ་གཞིར་བྱས་ནས་གུས་པས་ཀྱང་།
མི་ཤེས་ཤེས་ཁུལ་གྱིས་བོད་མི་རིགས་འདི་ཡག་པོ་ཞིག་དང་ཡིད་བཞིན་གྱི་ནོར་བུ་ལས་ལྷག་པའི་ཆོས་རིགས་བཟང་པོ་འདི་གསོན་པོར་གནས་ཐུབ་པ་ཞིག་དང་ཞི་བའི་ཐོགས་ནས་ཕན་ཚུན་བསམ་ཤེས་ཞིག་འབྱུང་ན་ཅི་མ་རུང་མི་ཕན་རང་སྐྱིད་བསམ་ནས་གཡོ་བསྒུལ་དང་ཕན་ནུས་དེ་ཙམ་ཐོན་མི་ཐུབ་པ་ཤེས་ཀྱང་ལྷག་བསམ་རྣམ་དག་གི་ནུས་མེད་རང་ལ་དུས་བབ་ཀྱི་གོ་སྐབས་གནས་ཚུལ་བཀོད་ས་འདི་ཡོད་པའི་བདག་རྐྱེན་ལ་བརྟེན་ནས་རྒྱུད་བསྐུལ་བྱེད་པ་ཞིག་ལས་གཡོན་ཐལ་དང་དབང་བད་ཀྱི་ཆ་ཕྲ་མོ་ཙམ་ཡད་མེད།
མི་རིགས་འདི་ལ་གྱོད་གུད་གང་ཡིན་པ་ཐམས་ཅད་དཀར་ནག་གཏན་ནས་མི་འདུག་སྙམས་པ་འདི་གུས་པ་གཅིག་པུ་མ་ཡིན་པར་ལམ་དབུ་མ་གཙོ་འདོན་མཛད་པ་ཐམས་ཅད་ཡིན་པ་མཁྱེན་པར་མཛོད་ཅིག གལ་སྲིད་དྲག་པོའི་སྒོ་ནས་ཕན་པ་ཞིག་སྒྲུབ་ཐུབ་པའི་དབང་དུ་བཏང་ན་ཁྱེད་རྣམ་པ་ཙམ་གུས་པ་ལ་བློ་ཁོག་ཆེན་པོ་དེ་ཟུར་ཙམ་མེད་ན་ཡང་རྗེས་ལུས་ཐེབ་པ་ཞིག་ཀྱང་ཨི་ཡོང་ན་བསམ་ཚོད་འདུག་ལགས།
དཔའ་ལ་ལགས། བོད་མི་ཤེས་ཡོན་པ་ཚང་མ་བཙོན་ཁང་ནང་བཅུག་པ་དང་དྲག་ནོན་འོག་ལ་འགྲོ་སོང་བ་ཞིག་གཏན་ནས་གོ་མ་སོང་། ཁག་གཅིག་ལ་བཙོན་འཇུགས་དང་དྲག་ནོན་ཕོག་ཡོད་པ་ནི་རྒྱ་ནག་གཞུང་གི་ཁྲིམ་མ་དྲང་བའི་དབང་གིས་བྱུང་བ་ལས་ཁོང་ཚོས་རྒྱ་ནག་གི་རྩ་ཁྲིམ་དང་འགལ་བའི་བྱ་བ་གང་ཡང་སྒྲུབ་མེད། དེས་ན་རྒྱ་ནག་གཞུང་གིས་མ་འགྲིག་པ་དེ་ངོ་རྒོལ་ལ་ཁག་བཏག་ན་ག་ལ་འགྲིགས། པཎ་ཆེན་རིན་པོ་ཆེ་དང་འོད་ཟེར་ལགས་ཀྱི་བྱེད་བསྟང་དེས་ཀྱང་བསྡུག་གྱོང་མི་གཏོང་བའི་ཁག་ཐེག་མི་ཐུབ་ཏེ། ཡིག་འབྲུ་ཁྲི་བདུན་ལ་བརྟེན་ནས་པཎ་ཆེན་རིན་པོ་ཆེ་ལོ་བཅོ་བརྒྱད་རིང་བཙོན་ཁང་ལ་བཞུགས་དགོས་བྱུང་ཡོད་ལ། འོད་ཟེར་ལགས་ཀྱང་ལས་གནས་ཤོར་བ་མ་ཟད་བཟང་བཙོན་གི་ཚུལ་དུ་ཡོད། བོད་ནང་ལོགས་ནས་གཡོ་འགུལ་གང་ཡང་མ་བྱས་ན་ཕྱི་ལོག་ལ་འབོད་བསྐུལ་ཇི་ལྟར་བྱས་ཀྱང་ཕན་ཐོག་མེད་པ་ཡང་ཕྱི་གསལ་ནང་གསལ་རེད། མ་གཞི་དཀའ་ལས་རྒྱབ་མི་དགོས་པར་གྲུབ་འབྲས་ཡོང་རེ་བྱས་པ་ནི་ཡོང་མི་སྲིད་པ་ཞིག་རེད། དེས་ན་གྱོང་བརྒུད་མེད་པའི་ཁེ་ཞིག་ཐོབ་དུ་རེ་བ་ནི་རེ་བསྟོང་ཙམ་ལས་མ་འདས་སོ།
ལུང་རྟོགས་ལགས།
གཞིས་བཞུགས་བོད་མི་རྣམས་ལ་བསྡུག་གྱོང་བཏོང་མཁན་རྒྱ་ནག་གཞུང་ཡིན་པ་ལས་ངོ་རྒོལ་མ་རེད་ན་བོད་མི་ཤེས་ལྡན་ཚང་མ་ཅི་ཡི་ཕྱིར་དུ་བཙོན་ཁང་ནང་བཅུག་པ་དང་དྲག་གནོན་ནང་འགྲོ་སོང་བ་རེད།
ངོ་རྒོལ་མ་བྱས་ན་སྡུག་གྱོང་བཏང་གི་མ་རེད་ཞེས་ངས་ལབ་ཀྱི་མེད་ཀྱང་དེ་ལ་ཡང་བྱ་ཐབས་མང་པོ་བྱེད་རྒྱུ་ཡོད་པ་དཔེར་ན་པན་ཆེན་རིན་པོ་ཆེའི་ཁྲི་བདུན་གྱི་སྙན་ཞུ་ལྟ་བུ་དང་འོད་ཟེར་ལགས་གྱི་དྲྭ་རྒྱུད་ནས་བཤད་བསྐུལ་བྱེད་པ་ལྟ་བུ་བྱེད་ཆོག།
ངོ་རྒོལ་མ་བྱས་པར་རང་དབང་ཡང་ཐོབ་རྒྱུ་མ་རེད་ཞེས་པ་ནི་ངོས་ཀྱི་གཙོ་བོའི་རྒྱུད་བསྐུལ་དེ་ཡིན།
མི་རིགས་ཀྱི་རང་དབང་རང་བཙན་ཞིག་གི་འཐབ་རྩོད་ཡིན་ནས་བཟུང་གཞུང་དེ་ལ་དྲག་པོའི་ཐོག་ནས་ངོ་རྒོལ་བྱེད་པ་ལས་གཞན་པའི་ངོ་རྒོལ་རིགས་ཀྱིས་དེ་ཙམ་ཕན་མི་ཐོག་པ་འདས་དེང་གི་སྤྱི་ཚོགས་ཀྱི་འགྲོས་ལ་གཟིགས་དང་ཤེས་གསལ་རེད།
དབུ་མའི་ལམ་གྱི་སྒོ་ནས་བོད་རྒྱ་འབྲེལ་མོལ་བྱུང་བ་དེ་ཡང་བོད་ཕྱི་ནང་གི་བོད་མི་རྣམས་ཀྱི་ངོ་རྒོལ་དང་། རྒྱལ་སྤྱིའི་བོད་དོན་རྒྱབ་བསྐྱོར་ལ་བརྟེན་ནས་བྱུང་བ་ལས་རྒྱ་ནག་གཞུང་གི་བཟང་སྤྱོད་ལ་བརྟེན་ནས་བྱུང་བ་ཞིག་མ་རེད་ཞེས་པ་ནི།
གང་གི་གྱོང་གུད་བཏང་ན་གྱོང་གུད་ནི་གྱོང་གུད་ལས་དཀར་ནག་གཏན་ནས་མེད་པས་དེ་ཚོ་ཡོད་ཚད་ཞི་བའི་ཐོག་ནས་དང་། གཞན་པའི་རྒྱལ་སར་ནས་སྐད་འབོད་ཞུ་བསྐུལ་དགོས་ཀྱི་གྱོང་གུད་ནང་མའི་ཐོག་ཏུ་མི་ཡོངས་བའི་ཐབས་ལམ་གཏོན་དགོས་ནི་ཁ་ཚ་དགོས་གཏུག་གི་ལས་འགན་ཡིན།
ངོ་རྒོལ་ཡིན་ན་དྲག་པོའི་ངོ་རྒོལ་ཡིན་མི་དགོས་པ་ཡང་ཁྱེད་རང་གིས་མཁྱེན་རྒྱུ་རེད་ཞེས་པ་ནི་ཁྱོད་རང་གི་མཁྱེན་གསལ་ལ་ངོས་ཀྱི་ཡང་དེ་ཡིན་ཏེ་བྱ་བ་དེ་རིགས་ཐམས་ཅད་མ་ཚད་དོན་རྐྱེན་ཆུང་ཚག་ཡན་ཆད་སྲིད་དོན་དུ་བསྒྱུར་ནས་རྒྱལ་བའི་སྐུ་པར་ཚུན་ལ་བཀག་བསྡོམ་བྱེད་པ་འདི་ཚོ་ནང་སྡོད་ཀྱི་བོད་མི་ཡོད་ཚད་ཀྱི་དཀའ་ངལ་ལས་ལས་ང་སྒེར་གྱི་དཀའ་ངལ་ནི་སྒེར་གྱི་དཀའ་ངལ་བྱུང་ཟིན་པ་ལ་སྡུག་གྱོང་མི་བྱེད་ཀ་མེད་ལས་ཁག་དཀྲི་བྱེད་ས་མེད་པ་གུས་པས་ཀྱང་ཤེས་ཀྱི་ཡོད་པ་ལ་བརྟེན་ནས་སེམས་གཏིང་ནས་བསམ་ཚུལ་རྒྱུད་བསྒྲག་བྱེད་པོ་ཀུན་ལ་རེ་བསྐུལ་ཞུས་པ་ལ་འདི་ཚོ་ནག་ཉེས་ཤིག་ཡིན་ན་ངས་སྒོ་གསུམ་གུས་པས་ཐལ་མོ་སྦྱར་ནས་བཟོད་གསོལ་ཞུ་གི་ཡིན།
དཔའ་ལ་ལགས་ཁྱེད་རང་ལ་དཔའ་ལའི་སྙིང་སྟོབས་ཀྱི་ཟུར་ཙམ་ཡང་མི་འདུག་ན་མིང་དེ་ཇི་ལྟར་ཐོག་སམ་ཞེས་པ་ནི་ང་ལ་གེ་སར་དཔའ་ལ་གི་སྙིང་སྟོབས་ཡོད་པའི་ཆ་ནས་མིང་དེ་བཏགས་པ་མིན་སྤྱིར་མིང་ལ་བཏགས་མིང་བཤད་མིང་གཉིས་ཡོད་ཀྱང་དེ་བཏགས་པ་ཡིན་ན་དེ་ཡིན་པས་ཁྱབ་མི་དགོས་པ་བཞིན་གུས་པའི་མིང་ཀྱང་འདྲ་འབྲེལ་གཉིས་ནས་འབྲེལ་བ་རྒྱུ་མཚན་དུ་བྱས་ནས་གཏགས་པ་ཞིག་ཡིན་པ་ལས་འདྲ་བ་ཡིན་པའི་ཆ་ནས་མིན་པ་དགོང་བཞེས་གནང་རོག
སྤྱིར་ཁྱེད་ཀྱིས་གུས་པའི་བསམ་འཆར་ལ་དགོང་འཆར་ལྷུག་པོར་གནང་བ་འདི་ཡང་ཐུགས་རྗེ་ཆེ་ཞུ་གི་ཡོད།
གཞིས་བཞུགས་བོད་མི་རྣམས་ལ་བསྡུག་གྱོང་བཏོང་མཁན་རྒྱ་ནག་གཞུང་ཡིན་པ་ལས་ངོ་རྒོལ་མ་རེད། ངོ་རྒོལ་མ་བྱས་ན་བསྡུག་གྱོང་བཏང་གི་མ་རེད་ཟེར་ན་ངོ་རྒོལ་མ་བྱས་པར་རང་དབང་ཡང་ཐོབ་རྒྱུ་མ་རེད། དབུ་མའི་ལམ་གྱི་སྒོ་ནས་བོད་རྒྱ་འབེལ་མོལ་བྱུང་བ་དེ་ཡང་བོད་ཕྱི་ནང་གི་བོད་མི་རྣམས་ཀྱི་ངོ་རྒོལ་དང་། རྒྱལ་སྤྱིའི་བོད་དོན་རྒྱབ་བསྐྱོར་ལ་བརྟེན་ནས་བྱུང་བ་ལས་རྒྱ་ནག་གཞུང་གི་བཟང་སྤྱོད་ལ་བརྟེན་ནས་བྱུང་བ་ཞིག་མ་རེད། ངོ་རྒོལ་ཡིན་ན་དྲག་པོའི་ངོ་རྒོལ་ཡིན་མི་དགོས་པ་ཡང་ཁྱེད་རང་གིས་མཁྱེན་རྒྱུ་རེད། ཁྱེད་རང་གླེང་སྟེགས་གི་སྟེང་དུ་དགེར་གྱི་བདེ་བསྡུག་གླེང་མཁན་ཞིག་ལས་མི་རིགས་དང་རྒྱལ་ཁབ་ཀྱི་བདེ་བསྡུག་གླེང་མཁན་མིན་པ་ཡང་ཤེས་སོང་། དཔའ་ལ་ལགས་ཁྱེད་རང་ལ་དཔའ་ལའི་སྙིང་སྟོབས་ཀྱི་ཟུར་ཙམ་ཡང་མི་འདུག་ན་མིང་དེ་ཇི་ལྟར་ཐོག་སམ།
ཚིག་ཐག་ཆོད་པོས་ངོ་རྒོལ་གྱིས་ཤོག་ཞེས་བརྗོད་པ་འདི་ཅུང་ཐལ་དྲགས་པ་མ་ཚད་ཞིབ་མོའི་བསམ་བློ་མ་བཏང་པའི་ཆོ་ཚིག་ཞིག་ཏུ་ཡིན་པ་ངས་ངོས་ལེན་བྱེད་ཀྱི་ཡོད།
བོད་ལ་ཁེ་ཕན་ཞིག་གི་དོན་དུ་ངོ་རྒོལ་བྱེད་དགོས་སམ། སྡུག་གྱོང་རང་ལ་ལེན་པའི་དོན་དུ་ངོ་རྒོལ་རེད།
ངོ་རྒོལ་གྱི་གཞིས་བཞུགས་བོད་མི་རྣམས་ལ་སྡུག་གྱོང་ག་ཚོད་བཏང་ཡོད་པ་སེམས་ཀྱི་གཏིང་ནས་ཐུགས་བསམ་རྒྱ་ཆེན་པོ་ཞིག་བཞེས་དགོས་པ་ནི་གནད་ཀྱི་དམ་པར་འཁུམ། རང་རྒྱལ་ཁབ་རང་བཙན་གྱི་དོན་ཡིན་པས་དེ་བྱེད་འོས་པ་ཞིག་ཅི་མ་ཡིན་བསམ་ན།
གོང་ས་མཆོག་གཙོས་པའི་བོད་རྒྱལ་ཡོངས་ཀྱི་གྲོས་ཆོད་བོད་རྒྱ་གཉིས་བར་འཚེ་མེད་ཞི་བའི་སྒོ་ནས་གཉིས་མོས་ལམ་དབུ་མ་ལ་མོས་མཐུན་གྱི་སྒོ་ནས་ཕན་ཚུན་སྐད་ཆ་བཤད་ན་བོད་རྒྱ་དཀའ་རྙོག་གཙང་མ་ཞིག་གི་སྒོ་ནས་ཐག་ཆོད་པ་ལས་ཕན་ཚུན་ངོ་རྒོལ་གྱེན་ལང་བྱེད་ནས་ཐག་ཆོད་པ་ཡིག་ངག་གཉིས་ཀྱི་ཐོག་ནས་འདས་མ་ད་གསུམ་ལ་མེད་པ་འདི་ཐབས་ལམ་དེ་ལས་བཟང་བར་གཞན་མེད་པ་མཐོང་བའི་རྒྱུ་མཚན་གྱིས་ཡིན་གྱི།
དྲག་པོའི་གྱེན་ལངས་ཀྱི་ཐོག་ནས་གལ་སྲིད་ཕན་པ་ཞིག་ཡོད་ན་གྲོས་གཞི་དེ་འདྲ་ཞིག་མ་འདིང་བའི་རྒྱུ་མཚན་གང་ཡིན་ངེས་པར་དུ་ཤེས་དགོས་པ་ནི་བོད་མི་ཡོངས་ཀྱི་གཅེས་པའི་སྲོག་དང་ཁྱད་པར་མེད་པར་སེམས། གླེང་སྟེགས་ཀྱི་སྟེང་དུ་རང་རང་གི་བདེ་སྡུག་གླེང་བ་ནི་མི་ཡི་ཐོབ་ཐང་ཡིན་ལ། གཞན་ལ་རྒྱུད་བསྐུལ་བྱེད་ནས་མི་མང་ནང་ཇི་མི་སྙམས་པར་ཟིང་ཆའི་སྐད་ཆ་ཛ་དྲག་པོ་འདྲ་མིན་བཤད་པ་ནི་རིག་པའི་གནས་རྩ་བ་ནས་མེད་པར་སེམས
འོད་ཟེར་ནི་འོད་སྟོང་བདག་པོའི་འོད་ཟེར། ས་རྡུལ་གྱི་མུན་པར་གཏིབས་པའི་ལམ་བུ་ཕྲ་མོར་ཡང་ནས་ཡང་དུ་སྟོན་མཛད་པའི་སྙིང་སྟོབ་ཅན་གྱི་བོད་ཀྱི་མཛངས་མ་མཚན་ཉིད་དང་ལྡན་པ་ཞིག་ཡིན་ལ། རི་མགོ་ནས་ཀི་ཅོ་སྒྲོགས་པས་རང་ཉིད་དཔའ་བོ་དང་དཔའ་མོར་མཚོན་མི་ནུས་ནའང། ཁ་གཏད་ཀྱི་དགྲ་བོའི་སྔོན་ནས་ཞུམ་མེད་ཀྱི་གད་རྒྱང་སྒྲོགས་ཤིང་འཇིག་མེད་ཀྱི་ལམ་སྣེ་སྟོན་པའི་སྙིང་སྟོབས་ནི་ངོ་མ་ངོ་མཚར་ཆེན་པོ་ཞིག་རེད།
བོད་ཀྱི་འཐབ་རྩོད་དེ་མི་རིགས་ཤིག་གི་བདེ་སྡུག་གི་འཐབ་རྩོད་ཙམ་མིན་པར། འཛམ་གླིང་གི་བདེ་སྡུག་གི་ཁེ་ཕན་གྱི་འཐབ་རྩོད་ཞིག་རེད། འཛམ་གླིང་གི་བདེ་སྡུག་གི་འཐབ་རྩོད་དེ་དུས་ཚོད་ཐུང་ངུའི་ནང་ལ་གྲུབ་འབྲས་ཆེན་པོར་ཐོན་པ་ནི་ཕལ་ཆེར་མི་སྲིད་པའི་གནས་སྟང་ཤིག་རེད་ཀྱང་། གྲུབ་འབྲས་ཐོན་རྒྱུ་མེད་པའི་གནས་ཚུལ་ཤིག་གཏན་ནས་མིན། དུས་ཚོད་ཀྱི་འགྱུར་རིམ་ཆེ་ཡང་བོད་མིའི་སེམས་ཁམས་ཀྱི་སྙིང་སྟོབས་ལ་འགྱུར་བ་མེད། རྒྱ་གཞུང་རྒྱུ་སྟོབས་ཆེན་ཡང་བོད་མི་ལ་ཞུམ་པ་མེད། ཁ་གཏད་ཁ་གྲངས་མང་ན་ཡང་བོད་མིར་སྙིང་དཀྱིལ་ནས་ཕྱི་ནུར་མེད།
ངོ་རྒོལ་བྱེད་རོགས་ ངོ་རྒོལ་མུ་མཐུད་བྱེད་དགོས་
བོད་མི་ཚོས་ ༢༠༠༨ ལོར་ ངོ་རྒོལ་བྱེད་འོས་སམ་མི་འོས། ངའི་ལྟ་ཚུལ་བྱས་ན་ཤིན་ཏུ་འོས་པ་ཞིག་རེད། གང་ལག་ཞེ་ན། འཛམ་གླིང་གི་ལོ་རྒྱུས་ནང་དཀའ་ལས་མ་རྒྱབ་པར་རང་དབང་ཐོབ་མཁན་སུ་ཡང་བྱུང་མྱོང་མེད་ལ། རང་དབང་དང་དམང་གཙོ་ཐམས་ཅད་ནི་མི་མང་གི་ཁྲག་དང་དངུལ་ཆུས་འགྲོ་སོང་གཏོང་ནས་བྱུང་བ་ཤ་ལྟག་རེད། བོད་མི་ཚོ་ཡང་དེ་ལས་མ་འདས་པ་རེད་ལ། ཁ་བཙུམ་ནས་བསྡད་ན་རྒྱ་ནག་གཞུང་གིས་དམང་གཙོ་གསོལ་རས་གནང་སྲིད་དམ།
ངས་ཉབ་གཏམ་ཞིག་འདི་བརྒྱུད་ནས་འགོད་པར་སྤྲོ་སོང་།
འོད་ཟེར་ལགས་ངོ་མ་ཁྱོད་ནི་གཞིས་བཞུགས་བོད་མི་རྣམས་ཀྱི་ལམ་སྟོན་གྱི་སྒྲོན་མེ་འདྲ་ལ། དྲང་བདེན་གྱི་གཏམ་བཤད་ཡོད་དོ་ཅོག་ཀུན་སྲིན་པོའི་བཀའ་སྡོད་ཀྱི་མདུན་ས་ནས་གླེང་ཐུབ་པའི་དཔའ་མོ་འགྲན་ཟླ་དང་བྲལ་བ་ཞིག་ཀྱང་རེད། གཞིས་བྱེས་བོད་མི་ཡོད་ཚད་ཀྱིས་ཁྱོད་ཀྱི་གཏམ་ལ་རེ་བ་ཡོད་ཀྱི། ཁྱོད་ཀྱི་དུང་སེམས་ལ་རྒྱབ་སྐྱོར་ཡོད། འདི་འདྲའི་གཏམ་དེ་ངས་སྔ་མོ་ནས་བསམ་གཞིག་གི་ཀློང་ནས་བྲལ་མྱོང་མེད་ལ་བསམ་ཚུལ་དང་གནས་ཚུལ་བཏོན་པ་ཉུང་ཉུང་མིན། ང་ཆུང་དུས་སུ་རྒྱ་མི་དམར་པོ་དགའ་མྱོང་ལ་རང་རྒྱལ་ཀྲུང་གོ་ཞེས་ཐོས་པའི་དུས་སུ་སྤྲོ་བ་ཡང་ཡོད་ང་རང་གི་ཁྱིམ་ཚང་ཡང་དབུལ་པོ་འབྱོར་མེད་གྲལ་རིམ་གྱི་ཁུང་གཏོག་ཡིན་གྱི་འབྱོར་ལྡན་གྲལ་རིམ་གྱི་རྐུབ་སྟེགས་ལ་བསམ་བློ་འཁོར་མྱོང་མེད་པའི་ཕ་མའི་སྐྱེས་ཕྲུག་ནུས་མེད་ཞིག་ཀྱང་ཡིན།
༡༩༩༦ལ་བཙན་བྱོལ་དུ་འབྱོར་བ་ཡིན། ང་རང་ནི་བོད་གཞུང་གི་གཟིགས་པ་སྐར་གཅིག་ཀྱང་ཟ་མ་མྱོང་ལ་མཐའ་ན་སྣེ་ལེན་ཁང་ལ་ཡང་འགྲོ་མྱོང་མེད། ༢༠༠༨་ལོར་ང་ཡི་སྤུན་མཆེད་ཀྱི་སྐྱེ་དམན་བཟང་དགའ་ནི་ཀྲུང་གོ་ཞེས་པའི་མེས་རྒྱལ་ནི་འཛམ་གླིང་ནང་གི་མེས་རྒྱལ་ངོ་མ་དེ་རེད་ཞེས་ནམ་རྒྱུན་ཁ་ཁོག་པའི་སྟེང་ནས་དགའ་ཞེན་ཆེན་པོ་ལས་ཆུང་ཆུང་ཞིག་མ་རེད། ནམ་རྒྱུན་ངེད་སྤུན་ཟླ་ཚོ་མཉམ་དུ་འཛོམ་དུས་ཀྱང་ཀྲུང་གོ་ལ་དགའ་ཉན་རྐྱང་ཅིག་ལས་མི་དགའ་ཉན་སུ་ཡང་མེད། བསླུ་བྲིད་དང་མགོ་བསྐོར་གང་ཡིན་མི་སེར་གྱི་ནང་དུ་དེ་ཙམ་དོ་སྣང་མེད་ལ་མ་འོངས་པའི་རྒྱང་ལྟ་ནི་དེས་བས་ཀྱང་རིང་པོ་མེད། རྒྱ་མིས་དབུལ་སྐྱོར་གྱི་རོག་རམ་ཡོངས་སྐབས་སུ་ཐོག་མར་ལེན་པ་པོའི་གྲལ་དུ་བང་བསྒྲིག་ཆོག་ལ་བཟའ་མི་ཚང་མ་དགའ་ཐིང་ཐིང་དང་སྤྲོ་སིང་སིང་ངང། རྒྱལ་ཁབ་འདི་བཀའ་དྲིན་ཆེན་པོ་ཡིན་བསམ་པའི་མངོན་འདོད་ཀྱང་བཟློག་ཏུ་མེད་པ་ནམ་རྒྱུན་ནས་ཡོད་པའི་གྲལ་ཡིན། དེ་ནང་ནས་ཀྱང་བཟང་དགའ་ནི་༧རྒྱལ་བ་ཡིན་བཞིན་ནོར་བུ་ལ་དད་པ་ཤིན་ཏུ་ཆེན་པོ་ཡོད་པ་ནི་བོད་མི་ཀུན་ལ་ཡོད་པ་མ་ཚད་མོ་རང་ནི་དམིགས་གསལ་གྱི་དད་པ་གཏན་པོ་ཡོད་པའི་གྲལ་ཞིག་ཡིན་ཀྱང་།
སྔོན་གྱི་སྡེ་པ་གཞུང་ཞེས་པ་དེ་གི་བྱེད་སྟང་དང་གྲལ་རིམ་འཛིན་སྟང་ལ་ཞེ་གཏིང་ནས་མི་དགའ་བ་མ་ཚད་ནམ་རྒྱུན་ཁ་རྡུང་བཏང་བ་ཁོ་ན་ཡིན། མོ་རང་སློབ་ཐོན་བྱུང་ནས་གཞུང་གི་དངུལ་ཁང་གི་ལས་བྱེད་པའི་ལས་ཀ་ཡག་པོ་རག་སོང་། གླ་ཕོག་ཀྱང་ཤིན་ཏུ་མཐོན་པོ་རེད། ཉིས་སྟོང་བརྒྱད་ཀྱི་དོན་རྐྱེན་སྐབས་མོ་རང་ཞོག་པར་ལས་ཀ་འགྲོ་ལམ་དུ་ཟིང་ཆ་ནང་དུ་རྩ་བའི་ཆ་ནས་སོང་མེད་ཀྱང་སྟབས་མ་ལེགས་པ་ཞིག་ལ་གདོང་ཐུག་བྱུང་ནས་མོ་བྲོས་ཅི་ཐུབ་ཀྱི་ལམ་ཁར་འགྲོ་བ་ལས་ངོ་ལོགས་དང་ཟིང་ཆ་ནང་ཞུགས་པའི་བསམ་བློ་ཡང་མེད་པ་རེད། ལམ་ཁར་དྲག་ཆས་ཅན་གྱི་རྒྱ་དམག་མང་པོས་འཛིང་རན་ཁྲིགས་སེ་སྒུག་འདུག་པའི་གམ་དུ་ང་སྲོག་སྐྱབས་ཞེས་སྐྱབས་འཚོལ་གྱི་དམག་མའི་སར་མགོ་ལག་པས་བཀབ་ནས་རྒྱུག་ཡོང་དུས་རྒྱབ་ལོགས་ནས་རྒྱུག་པ་ཞིག་གཉའ་ལྟག་ཁར་རྒྱབ་བྱུང་བས་དེ་རང་དུ་རིལ་ནས།
མོ་རང་གི་བོད་སྐད་ཐོག་ནས་ང་སྲོག་སྐྱབས་རོག་ཞེས་སྐད་ཤུགས་ཆེན་པོས་བོས་ཀྱང་རྡུང་རྡེག་དེ་ལས་ཆེ་རུ་བཏང་ནས་སྐབས་ཞིག་དྲན་པ་འཐོར་སོང་། མོ་རང་ལས་བྱེད་པའི་ལག་ཁྱེར་ཚང་མ་བསྟན་ཀྱང་ཡ་ལན་ཙམ་ཡང་མེད་པར་དེ་ལས་ཤུགས་ཆེན་པོས་ཉེས་རྡུང་བཏང་ནས་ལག་པའི་རྐང་ཆུང་གི་རུས་པ་ཡ་གཅིག་བཅག ནས་ཟུག་ཟེར་ཆེ་བ་ལས་ནི་ཚོད་མི་འདུག ད་དུང་ཡང་མོ་རང་གི་སེམས་ལ་དམག་མི་རྣམས་ཀྱི་ནོར་བ་རེད་མ་གཏོག་འདི་དངོས་གནས་མ་རེད་བསམ་པའི་བློ་ཞེ་གཏིང་ལ་ཡོད་པ་རེད། ཉིན་བཞི་རིང་ཉེས་རྡུང་རྐྱང་རྐྱང་བཏང་ནས་ད་ནི་ཤི་སོང་ན་སྐྱིད་པ་ལ་བསམ་རྒྱུ་མ་གཏོག་བློ་གཞན་པ་ཡིད་ཡུལ་དུ་འཁོར་གྱི་མི་འདུག
འདི་ཡིན་རྒྱུ་ཁོ་རང་ཚོས་དེ་ལྟར་རྡུང་རྡེག་དྲག་པོ་ཞིག་བཏང་ན་མ་འོངས་པར་བོད་མི་རྣམས་ཀྱི་སྐད་འབོད་མི་བྱེད་པར་ཕན་ཐོག་ཡོད་པར་བསམ་ནས་གོང་གི་བཀའ་གཏོང་བ་ཁོ་ན་རེད། བསམ་བློ་འདི་ནི་རྒྱ་མིས་ནོར་འཁྲུལ་ཆེ་ཤོས་དེ་རེད། ངེད་ཀྱི་སྤུན་ཟླ་རྣམས་ཀྱིས་ག་ས་ག་ལ་འཚོལ་ཀྱང་བཟང་དགའ་གི་གྲིབ་གཟུགས་ཙམ་ཡང་མཐོང་ཐོས་མེད་ཉིན་ཞིག་ཁ་པར་ཞིག་གི་ནང་དུ་ས་གནས་དེ་དང་དེར་སྐྱེ་དམན་བཟང་དགའ་རྡུང་གསོད་འཕྲོག་བཅོམ་གྱི་ལས་འགུལ་ནང་ཞུགས་ནས་རྒྱལ་ཁབ་ཁ་བྲལ་གྱི་ནག་ཉེས་བསགས་འདུག་པས་མོ་རང་གི་བཟའ་ཟླ་ད་ལྟ་ངོས་ལེན་བྱེད་ཁར་ཤོག གལ་སྲིད་མ་ཡོང་ན་ལོ་གཅིག་ལ་བཙོན་ཁང་ནང་སྡོད་དགོས་ཀྱི་རེད་ཞེས་བའི་བརྡའ་འཕྲིན་འབྱོར་བས་ང་གི་ཕུ་བོས་གཏམ་ལན་རྒྱབ་མ་ཚར་གང་ནས་འཕྲིན་པར་སྒོ་རྒྱབ་སོང། ང་གི་ཕུ་བོ་ཧ་ལས་ནས་ཅི་ཡི་ཕྱིར་བརྡུང་གསོད་འཕྲོག་བཅོམ་གྱི་ལས་འགུལ་ནང་སྐྱག་པ་ཟ་ཁར་ཞུགས་པ་རེད་དངོས་གནས་བསམ་ཡུལ་ལས་འདས་སོང་འདི་བདེན་པ་མ་རེད། ཡིན་ན་ཡང་མ་འགྲོ་ན་མོ་རང་དཀའ་ལས་ཆེན་པོ་ཡོང་རྒྱུ་རེད་བསམ་ནས་མྱུར་བར་ཕྱིན་སོང་བས། བཙོན་སྲུང་བ་རྒྱ་མི་དེས་རྒྱ་སྐད་ཐོག་ནས་ཞག་པོ་བཅུ་ལ་སྨན་བཅོས་གྱིས། ཡང་བསྐྱར་ཡར་བསྐྱལ་དང་མི་བསྐྱལ་ཁྱོད་རང་ཁག་ཐེག་གི་ལག་ཁྱེར་གྱི་ངོ་བཤུས་ཁེར་ཤོག་ཟེར་བས་དེ་བཞིན་འགྱོག་པར་དཔར་ལོག་རྒྱབ་ནས་ཡར་སྤྲོད་པས། དམག་མི་དེས་མིག་འབུར་ཚུགས་སུ་བལྟ་ནས་ཤིན་ཏུ་མི་དགའ་བའི་རྣམ་འགྱུར་གྱིས་མཛུབ་ཐིབ་རྒྱབ་ཟེར། ང་གི་ཕུ་བོས་ཁྱོད་ཚོས་ཞིབ་གཤེར་དང་ཉེས་ཡོད་མེད་ཙམ་ཡང་མི་ལྟ་བར་མི་ཡོད་ཚད་ལ་འདི་འདྲ་བྱེད་ཤོག་ཞེས་པའི་གཞུང་གི་བཀའ་ཁྱབ་ག་བ་ལ་ཡོད་རེད་ཞེས་ཤོད་པས། དམག་མི་དེས་ཡང་བསྐྱར་གདོང་དམར་པོར་གྱུར་ནས་ཁང་པའི་སྒོ་ཐག་ཞེས་རྒྱབ་ནས་ཡ་ལན་བྱེད་ཉན་སུ་ཡང་མ་བྱུང་ནམ་རྒྱུནང་གི་ཕུ་བོ་ལ་གྲོགས་པོ་མགོ་ཁྲིད་ཞིག་ཡོད་པ་དེ་ལ་ཁ་པར་བཏང་བས་དེས་མགོ་ཁྲིད་གཞན་པ་བརྒྱུད་བྱས་མཐར་ཐེབ་ཆག་ཞིག མོ་རང་ལོན་ཐུབ་སོང་ཀྱང་བཟང་དགའ་ནི་ནང་མི་ཐམས་ཅད་ཀྱི་ངོ་ཤེས་ཀྱི་མི་འདུག གདོང་དང་ལུས་པོ་ཡོངས་རྫོགས་དམར་ཤུལ་དང་སྔོ་ཤུལ་གྱིཁེང་ནས་མིག་གིས་ཡར་བལྟ་ཐུབ་ཀྱི་མི་འདུག ཞུག་མར་མི་དམངས་ཁྲིམས་ཁངས་ནང་ཞུ་གཏུག་བྱེད་དུས། ཁྲིམས་དཔོན་དེས་ཁྱོད་རང་རྣམས་ཡང་བསྐྱར་ཉེས་བརྡུང་ཉོ་ཉན་བྲོ་གི་འདུག་པས? ཞེས་པ་ལས་བདེན་དོན་དང་འདྲ་མ་ཤོད་ས་ཙམ་ཡང་མེད་པར་བཤད་པའི་སྐབས། དུས་དེ་ནས་བཟུང་རྒྱ་མིའམ་ཀྲུང་གོ་ཞེས་ཐོས་དུས་ནས་ངོ་མ་སྒེར་གཅོད་རིང་ལུགས་ནང་ནས་སྒེར་གཅོད་རིང་ལུགས་པ་བདེན་དོན་དང་གནས་ལུགས་ཚིག་གཅིག་ཀྱང་ཤོད་ས་མེད་པ་འདི་འདྲའི་ཁ་དོན་མི་མཚུངས་པ་ངེད་ཚོ་ནང་མི་ཚང་མ་ཞེ་གཏིང་ནས་སྐྱུག་བྲོ་བའི་བསམ་བློ་གསར་པ་ཞིག་བཟློག་ཏུ་མེད་པ་སེམས་ཁོང་སུ་བཅང་སྟེ་རྒྱ་མི་དམར་པོ་འདིས་བོད་མི་ཞིག་ཡིན་ནས་བཟུང་བྱེད་སྟང་འདི་རྣམས་འོད་ཟེར་ལགས་ཀྱིས་ཤོད་པ་བཞིན་བོད་མི་རྣམས་ཀྱི་ནང་གི་བདེ་སྡུག་ངོ་མ་ཕྱིར་སྟོན་པ་མ་ཚད་བོད་མི་རྣམས་ལ་རྒྱ་མིས་ཞེ་གཏིང་ནས་ག་འདྲ་ཞིག་འཛིན་ཚུལ་ཡོད་ཚད་དམར་རྗེན་དུ་སྟོན་ཐུབ་པའི་ར་འཕྲོད་གསལ་པོ་བྱུང་བ་མ་ཚད་སྐྲག་སྣང་དང་སེམས་ཤུགས་མར་ཆག་རྒྱུ་ལྟ་ཞོག་ཡོད་ཚད་ཁོང་ཁྲོ་དང་ཡི་ཐང་ཆད་དེ་མ་འོང་པའི་གྲ་བསྒྲིག་དང་འཁོན་ལན་གྱི་གསོན་ཤུགས་སྔར་ལས་ཆེ་རུ་ཕྱིན་འདུག
རྒྱུ་མཚན་དེ་ཡི་ཕྱིར་ན་ས་བྱི་ཞི་རྒོལ་ཆེན་མོ་དེས་བོད་མི་རིགས་ཡོངས་ཀྱི་སེམས་ཁོང་གི་ལ་རྒྱ་དང་གྲུབ་འབྲས་ལ་ཚོད་མེད་པ་ཞིག་ཡིན་པ་མ་ཚད་བོད་མི་སེར་གྱི་བདེ་སྡུག་དེ་འཛམ་གླིང་གི་མི་རྣམས་ཀྱི་མདུན་དུ་གླེང་ཐུབ་པ་ངོ་མ་དེ་བྱུང་འདུག རྒྱ་མིས་དུས་ནམ་ཡང་གཅིག་མཚུངས་མིན་པའི་ངོ་འབག་དང་བྱས་རབ་བལྟ་རབ་ཀྱི་སྐྱག་རྫུན་ཚང་མའི་རྐུབ་ཀྱང་བརྡོལ་ཐུབ་ཡོད།
དུས་དེ་ནས་བཟུང་བོད་ཆོལ་ཁ་གསུམ་གྱི་བོད་མི་ཡོངས་ཀྱི་མ་བགྲོས་ནང་བློ་གཅིག་མཐུན་གྱི་ལམ་ཁ་ངོ་མ་དེ་རྙེད་ཐུབ་ཡོད་ལ། སྐུ་ཉིད་ཀྱི་བསམ་འཆར་འདི་རྣམས་ལ་ངེས་པར་དུ་རྒྱབ་སྐྱོར་ཡོད། ཁྱོད་ནི་དོན་དམ་གྱི་བོད་མི་དཀྱུས་མ་ཞིག་མིན་པ་ངེས་ཤེས་གཏན་པོ་ཡོད་པས་གོ་བསྐོན་དང་བརྒྱུད་བསྒྲག་གྱི་ཐབས་ལམ་འདི་གཞིས་བྱེས་བོད་མི་ཡོངས་ཀྱི་སེམས་ཁོང་ནས་ནམ་ཡང་ཞར་མི་ཐུབ་ལ་བོད་མི་ཀུན་གྱི་རེ་བ་ཡང་གཏོད་ཀྱིན་ཡོད་པས། ཆུ་བོའི་རྒྱུན་བཞིན་བཏོན་ཐུབ་པར་ངང་སྒུག་བྱེད་ཀྱི་ཡོད། ཁྱོད་རང་བྱ་བ་ལམ་འགྲོ་ཡོང་བར་ཆོས་སྲུང་ཡེ་ཤེས་སྤྱན་ལྡན་རྣམས་ལ་འཕྲིན་བཅོལ་ཡང་ཞུ་གི་ཡིན།
མཐུན་སྒྲིལ་གྱི་རང་སྒྲ་ཞེས་པ་འདི་གཞིས་བཞུགས་ཚོའི་སྙིང་ཁུངས་ནས་འཕྱོས་པའི་སེམས་གཏམ་ཡིན་པ་མ་ཟད།་རེ་བ་དང་ཡིད་ཆེས་ཁྲི་སྟོང་མིང་པོས་་སྐྱེལ་མ་བྱས་དེ་རྒྱང་རིང་ས་དེ་ནས་ཡུལ་གྱལ་བ་ཚོའི་སྙན་ལམ་དུ་བསྒྲོགས་ཡོད།
མིག་རྒྱང་ཐུང་པ་དང་བསམ་བློ་གཏེ་ཐུག་མདོར་ན་རང་ཉིད་གཅིག་པོ་འཚོ་གནས་ལས་གཞན་བསམ་མི་ཕོད་པ་དག་གིས་ཅི་བཤད་ན་བཤད་དུ་ཞོག། དེ་མིན་མི་རིགས་ཅིག་དང་རྒྱལ་ཁབ་ཞིག་གིས་བདེ་སྡུག་ལ་བསམ་ན་རྒྱལ་གཅེས་པ་ཚའི་བྱེད་སྟངས་འདི་ནོར་མེད་པ་མ་ཟད་བྱེད་གོ་ཡང་ཆོད་ཡོད་པར་སེམས། ཡི་རིང་ཅེས་མི་བྱེད།།
བོད་ནང་གི་བོད་མི་དག་གི་ལྷག་བསམ་རྣམ་དག་གི་བོད་ཞེན་ལ་ཁ་ཞེ་གཉིས་མེད་ཀྱིས་གུས་བརྩི་གོང་བཀུར་བྱེད།
རྩོམ་མཁན་དང་བསྒྱུར་མཁན་གཉིས་ཆར་ཐུགས་རྗེ་ཆེ་བླ་མེད་དུ་ཞུའོ།།
“ཨོ། བོད་མི་ཚོ་མཐུན་སྒྲིལ་གྱིས་ཡ་མཐུན་སྒྲིལ་གྱིས། ཨ་ཕའི་གདོང་གི་སྐྱོ་བ་བསམས་ན་མཐུན་སྒྲིལ་གྱིས། ། བོད་མི་ཚོ་མཐུན་སྒྲིལ་གྱིས་ཡ་མཐུན་སྒྲིལ་གྱིས། ཁ་བ་བོད་པས་མཐུན་སྒྲིལ་གྱིས་ཡ། ཨ་མའི་སེམས་ཀྱི་མིག་ཆུ་བསམས་ན། ། བོད་མི་ཚོ་མཐུན་སྒྲིལ་གྱིས་ཡ་མཐུན་སྒྲིལ་གྱིས། ”ཞེས་པའི་འབོད་སྒྲ་འདི་ནི། ཆེས་རིན་ཐང་ཆེ་ལ་འོས་ཤིང་འཚམས་པ་ཅིག་རེད། འོན་ཀྱང་ངོ་རྒོལ་ནི། འཚེ་མེད་ཞི་བ་ཉག་གཅིག་ལ་བརྟེན་དགོས་པ་ནི། ཤིན་ཏུ་ནས་གལ་ཆེན་པོ་རེད་དོ། །