སེར་སྦྲེངས་སྙན་སྐུལ་ཞི་བའི་གོམ་བགྲོད་རྒྱལ་ས་ལྡི་ལིར་འབྱོར།

ཕྱི་ལོ་ ༢༠༡༡ ཟླ་ ༥ ཚེས་ ༢ གཟའ་ཟླ་བའི་ཕྱི་དྲོ་ཆུ་ཚོད་དྲུག་པའི་སྟེང༌། དྷ་ས་མདོ་སྨད་ས་གནས་རྒྱུན་ལས་ནས་མར་མེ་ཁྲོམ་སྐོར་གྱི་ལས་འགུལ་ཞིག་མེག་ལོར་རླངས་འཁོར་ས་ཚིགས་སུ་གོ་སྒྲིག་འགོ་འཛུགས་གནང་ཞིང༌། སེར་སྐྱ་མི་དམངས་གང་མང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་འདུ་འཛོམས་མཇུག་སྡོམ་ཐོག མདོ་སྨད་དབུས་རྒྱུན་ཚོགས་གཞོན་མགོན་པོ་དོན་གྲུབ་ལགས་ནས་ལས་འགུལ་འདི་སྤེལ་བའི་དགོས་དམིགས་གསལ་བཤད་དང༌། དྷ་ས་ས་གནས་མགོ་འཛིན་རྡོ་རྗེ་སྒྲོལ་མ་ལགས་ནས་རྒྱབ་སྐྱོར་ཡོད་པའི་གསུང་བཤད་གནང༌། དེ་བཞིན་དྷ་ས་མདོ་སྨད་ས་རྒྱུན་དྲུང་ཆེ་མགོན་པོ་སྐྱབས་ལགས་ནས་ཐུགས་རྗེ་ཆེ་ཞེས་གསུང་བཤད་དང་འབྲེལ་མར་མེ་ཁྲོམ་སྐོར་གྱི་ལས་འགུལ་དེ་མཇུག་སྒྲིལ་ཡོད་འདུག གནས་ཚུལ་མཁོ་གཏོང་བ་འབྲོང་དར་རྒྱས་ཀྱིས།

ཇོ་རིན་པོ་ཆེ་མཁྱེན། རྒྱལ་གཅེས་ལྷག་བསམ་ཆན་ཆུ་ཐེགས་སྔོན་མོས་གསུངས་སྟངས་ལ་ཉན་ན་ལྔ་བཅུ་ལྔ་དགུ་ལོའི་ལོ་རྒྱུས་དྲན་ཡོང་གི། ཨ་མདོར་དམག་རྒྱབ་དུས་ཁམས་པའི་ལྟད་མོ་བལྟས། ཁམས་ལ་དམག་རྒྱབ་དུས་དབུས་གཙང་གི་ལྟད་མོ་བལྟས། དབུས་གཙང་ལ་དམག་རྒྱབ་ཡོང་དུས་ལྟད་མོ་ལྟ་མཁན་ཚར་པ་རེད། རྒྱལ་བཙོང་མཁན་ཚོས་ལས་དོན་འགྲུབ་པ་རེད། དེང་སང་ཡང་ཆོལ་གསུམ་ཛ་དྲག་གི་སྐབས་འདིར་རྒྱ་དགའ་རེ་ཟུང་གི་དངོས་ཤུགས་རྒྱུད་གསུམ་ནས་བོད་མི་མང་ལ་ཞབས་འདེབས་ཞུ་ཀི་ཡ།

གནམ་འོག་གི་བདེན་པ་སྲུང་བའི་དཔའ་རྒོད་ཚོ།
༡༽བདེན་པ་བོར་བའི་མུན་ནག་ཚོ་ཇི་ལྟར་རྔམ་མཐུག་ནའང་།སང་ཉིན་གྱི་སྐྱ་རེངས་ནི་གནམ་འོག་གི་སྒྲོན་མེ་ཚུལ་དུ་ཡོད་པས།སྟོན་པ་ཤཱཀྱ་ཐུབ་པ་དང་།སྟོན་པ་ཏཱ་ལའི་བླ་མ།གནམ་འོག་གི་བདེན་པའི་དྲང་སྲོང་མཁན་པོ།ཁྱེད་ཅག་གི་ཕེབས་ལམ་ན་འོད་མདངས་ཀྱི་མེ་སྟག་མཆེད་པས།རེ་བས་ཁེངས་ཤིང་།ཡིད་ཆེས་ཀྱི་མྱོས་བའི་ང་ཚོས།མུན་ནག་གི་ངོ་གདོང་སྟུག་པོ་ཞིག་རལ་ཕྱིར།རྨོངས་མུན་གྱི་འཇིག་རྟེན་སྐྱ་བོ་ཞིག་སངས་ཕྱིར།གནམ་སྔོན་པོ་དབང་དུ་བཞག་སྟེ།ལྷ་ཆེན་པོར་གོང་བཀུར་བྱེད།
༢༽མི་ལོ་ལྔ་བཅུའི་སྔོན་དུ་ཕམ་ཉེས་སུ་གྱུར་བའི་གདོང་དམར་གྱི་བོད་པ་ཚང་།དེ་རིང་གཅིག་རྗེས་གཉིས་སུ་མཐུད་པའི་ལ་རྒྱ་དང་ཀི་སྒྲས་གསོན་ཡོད་པས།བདེན་པ་དང་ལས་འབྲས་ནི་བཅོས་ཐབས་མེད་པའི་གནམ་གྱི་རྒྱལ་མོའི་བཀའ་ཡིག་ཅིག་མ་ཡིན་ནམ།ཀི་བསྭོ་འཐེན་པའི་དཔའ་རྒོད་ཚོ།ལ་བརྒྱའི་བདག་པོ་བུ་རྒོད་ཚོ།རེ་བ་དང་ཡིད་ཆེས་ཀྱི་གསོན་མིག་ཁྲོད་ནས།ཁྱོད་དང་ང་ཚོའི་དམ་ཚིག་གི་ཕྱིར་ཏུ།བྲག་རི་བཞིན་བརྟན་པའི་ཆོད་སེམས་གཙང་མ་ནི།མི་རིགས་ཤིག་གི་རེ་སྙེག་ཏུ་ཕུལ་བའི་ལེགས་སྐྱེས་མ་ཡིན་ནམ།
༣༽མེ་མདའ་དང་མཚོན་ཆ་ཐོགས་པའི་མཁྲེགས་འཛིན་རིང་ལུགས་པ་ཚོ།ཁེར་རྐྱང་གི་རི་སུལ་ཞིག་ཏུ་ངར་ངར་གྱིས་འཚོ་ནའང་།གནམ་འོག་གི་ཕྲ་མཐོང་རྒྱང་ཤེལ་ལ་དབང་བཙན་པས།གླེན་པའི་ཁ་དོག་་ལྐུགས་པའི་ཨུ་ཚུགས།སྡར་མའི་དཔའ་རྟགས་སོགས་མི་ཆོས་རིང་ལུགས་པས་ཀྱང་གད་སྙིགས་ཡིན་པས།དྲང་སྲོང་ཚོའི་ལམ་སྟོན་ཁྲོད་དུ།སྙིང་རྗེ་དང་།བཟོད་བསྒོམ།བྱམས་པ་དང་།བརྩེ་སེམས་ལ་ནུས་ཤུགས་ཡོད་པར་གསུང་བ་མ་ཡིན་ནམ།
༤༽གནམ་འོག་གི་བདེན་པ་སྲུང་བའི་དཔའ་རྒོད་ཚོ།འདུ་ཤེས་མེད་པའི་མི་བུ་ནི་འཚོ་གནས་ཙམ་ཞིག་ཡིན་མོད།རེ་བ་ཡོད་པའི་ཉིན་མོ་ནི་མི་རབས་གསར་བའི་གོམ་སྒྲ་ཡིན།གོམ་སྒྲ་དང་གོམ་སྒྲར་མཐུད་པའི་བདེན་དོན་གྱི་ཆེད་དུ།སྙིང་ཁྲག་འདི་ས་ལ་འཕོ་དགོས་ཀྱང་།མགོ་བོ་འདི་རྡོ་ལ་བརྡབས་དགོས་ཀྱང་།ཝ་རྔ་མ་ཤ་ལེ་འབྲོ་བ་ལས།སྟག་འཛུམ་དྲུག་ཉིལ་ལེ་ཤི་ན་དགའ་བའི་བརྟན་ཚུགས་དང་རང་གཤིས་ནི་རྩམ་གཟན་ཕ་མེས་ཚོའི་རྣམ་ཤེས་མ་ཡིན་ནམ།
༥༽གནམ་འོག་གི་བདེན་པ་སྲུང་བའི་དཔའ་རྒོད་ཚོ།རི་བོའི་ཕ་རོལ་ན་རྣམ་ཤེས་ཀྱི་རེ་སྒུག་མང་།གངས་རིའི་ཕར་རྒྱབ་ཏུ་གསེར་མདོག་གི་རྨི་ལམ་འཕྲོས།འདི་དག་ནི་ང་ཚོར་ལྐུལ་ལྕག་དང་།འདི་དག་ནི་ང་ཚོར་འབོད་པ་མ་ཡིན་ནམ།གངས་རིའི་ཚེ་སྲོག་དང་ལ་རྒྱའི་མགོ་འཕང་ནི་གནམ་འོག་གི་བདག་པོ་མ་ཡིན་ནམ།གནམ་སྔོན་པོ་གཙུག་ཏུ་བཀུར་ཏེ།ས་ཆེན་པོ་དབང་དུ་བཞག་ནས་དྲང་བདེན་དང་།རང་དབང་།འདྲ་མཉམ།ཆིག་སྒྲིལ།གུ་གཤངས་ཀྱི་ལམ་དུ་ཤར་བསྐྱོད་བྱེད་རྒྱུ་ནི་ངའི་དཔའ་རྒོད་ཚོས་བཞག་པའི་གཏན་ཚིགས་མ་ཡིན་ནམ།