གསར་འགོད་པ་རྣམས་ལ་ངོ་སྤྲོད།

དྲ་གྲོགས་ཀིརྟི་སྐྱབས་ལ།
༡༽ མཁས་པའི་ཚོགས་དང་ཕ་མེས་ཡབ་མེས་རྣམས་ཀྱི་རིང་ལ། བེད་སྤྱོད་མང་པོ་བྱས་ཚུལ་ངོ་སྤྲོད་ཞིབ་ཕྲ་གནང་རོགས་ཞུའོ།།
༢༽ ལོ་རྒྱུས་དང་བརྡ་སྤྲོད་སོགས་ཀྱི་རྒྱབ་ལྗོངས་ཚད་ལྡན་ཡོད་ན། རྒྱས་འགྲེལ་ཞིག་བྱེད་རོགས་ཞུའོ།།
༣༽ མང་མོས་དང་སྤྱི་དམངས་ཀྱིས་དེ་ལྟར་ངོས་འཛིན་གནང་གིན་ཡོད་དམ།

དྲ་གྲོགས་ཀིརྟི་སྐྱབས་ལགས། རྔ་བ་ཟེར་བའི་ལུང་པ་འདིར་དུང་སྣང་ཆེ་དྲག་པའི་དབང་གིས་སྐད་ཆ་དེ་འདྲ་ཞིག་ཐལ་སོང་བར་སྙིང་ཐག་པ་ནས་བཟོད་གསོལ་ཞུ་བཞིན་ཡོད། ཁྱེད་ཀྱིས་བཤད་པའི་རྩོམ་ཡིག་འདིའི་བརྗོད་དོན་ལ་ཡི་རངས་བྱེད་བཞིན་ཡོད་པ་མ་ཟད། ཁྱེད་ཀྱིས་བགྲོ་གླེང་བྱེད་སྟངས་ཀྱི་ཀུན་སྤྱོད་ལ་སློབ་སྦྱོང་བྱེད་བཞིན་ཡོད། ནམ་ཡང་ངའི་བསམ་པར་བགྲོ་གླེང་ངམ་ཤེས་ཡོན་མོལ་བའི་སྐབས་ཀྱི་ཁོང་ཁྲོ་ནི་གྲོགས་ངོ་མ་རུ་འགྱུར་བའི་གཞི་མ་རུ་བསམ་བཞིན་ཡོད་པ་ལས། བོད་ནང་གི་ཨ་མ་ཚོས་ཞིང་ཚིགས་ཀྱི་རྩོད་གླེང་བྱེད་པ་ལྟར་ཡིད་འཛིན་བྱེད་པ་ཞིག་ཏུ་གཏན་ནས་ངོས་འཛིན་བྱེད་བཞིན་མེད་ལགས། ཁྱེད་ཀྱིས་རྔ་པ་ཟེར་བར་ལོ་རྒྱུས་དང་བརྡ་སྤྲོད་བཤད་ཡོད་ཟེར་བ་ནི་རྒྱུ་མཚན་ཞིག་མཐོང་མ་སོང་། སྤྱིར་བཏང་ལུང་དང་རིགས་པ་ལས་རིགས་པ་ཁས་ལེན་པ་འཇིག་རྟེན་སྤྱི་འགྲོས་ཀྱིས་མཁས་པའི་ལུགས་ཡིན་ལ། ཁུངས་ཀྱི་ཆ་ནས་བཤད་ན་སྔ་སྨྱོན་སོགས་ཀྱིས་ལོ་རྒྱུས་ཀྱི་ཁུངས་མང་པོ་དྲངས་པ་དེ་དག་ཁྱེད་ཀྱིས་ཁས་མི་ལེན་པར་དགོངས་པ་གཞན་དོན་དུ་འགྲེལ་རྐྱང་བྱེད་པ་ཡང་དག་ཅིག་མ་རེད། ད་དུང་ང་ཚོས་རྔ་བ་ཟེར་བ་ང་ཚོའི་ངག་ཁོ་ནར་བདེ་བའི་དབང་གིས་ཡིན་པར་བཤད་པ་ནི། བདེན་པ་རེད་མི་འདུག་འདོད། རྔ་བ་ཡུལ་མི་བྱིངས་ཀྱིས་རྔ་བ་ཟེར་བ་རྒྱུ་མཚན་དུ་བྱེད་བཞིན་ཡོད་ལ། མདོ་སྨད་མཁས་པ་མང་ཆེ་བའི་ངག་སྒོ་་ན་དེ་བདེ་བས་དེ་ལྟར་རྒྱུ་མཚན་བྱེད་བཞིན་པ་ལས། ཁྱེད་རང་ནང་བཞིན་རྒྱ་ཡིག་གིས་རང་སྐད་ལ་འགྲེལ་རྒྱག་གི་མེད་ལ། བོད་རྔ་བའི་ལོ་རྒྱུས་ཀྱི་ཡིག་ཆ་དག་ན་གསལ་བའི་རྔ་བ་ཟེར་བའི་ཡུལ་མིང་ལ་བཟོ་བཅོས་བྱེད་བཞིན་མེད་ལགས།

ཨ་འདུས་མིག་ཆུ་ལ།
ཁྱེད་ཀྱིས་༼རྔ་བའི་རྩོམ་པ་པོ་དེ་འདྲ་མང་པོ་ཞིག་གིས་༽ཟེར། ང་ལ་དགག་པ་རྒྱག་མཁན་རྔ་བ་ཚེ་སྐྱིད་དང། སྤྲོ་ཚིགས་དགེ་འདུན། རྔ་སྨྱོན། ཁྱེད་རང་བཅས་མི་བཞི་མ་གཏོགས་མེད། དེ་ལ་༼དེ་འདྲ་མང་པོ་ཞེག་༽ཟེར་རམ། དེ་དག་ཀྱང་མིང་མི་འདྲ་བ་མ་གཏོགས་གང་ཟག་སོ་སོ་པ་ཡིན་མིན་མི་ཤེས།
ཁྱེད་ཀྱིས་ང་ལ་༼ཁྱི་ཕྲུག་བཞིན་༽ཞེས་ཚིག་ངན་པ་དེ་འདྲ་བཤད་འདུག ང་ཚོས་འབྲེལ་ཡོད་ཀྱི་གནས་ཚུལ་ཞིག་གི་ཐོག་རང་རང་གི་བསམ་ཚུལ་ཤོད་ཀྱི་ཡོད་པ་རེད། དེའང་ཤེས་ཡོན་གྱི་སྒོ་ནས་ཤོད་ཀྱི་ཡོད་པའི་ཁུལ་རེད། ཤེས་ཡོན་གྱི་བགྲོ་གླེང་སྐབས་སུ་འདི་འདྲའི་ཚིག་ངན་བཤད་པ་ནི་གཏན་ནས་མི་མཛེས་པ་ཞིག་རེད། དེར་བརྟེན་ངས་ཁྱེད་ལ་ལན་དུ་ཚིག་ངན་བཤད་ཀྱི་མིན།
རྔ་པ་ཞེས་འབྲི་དོན་སྐོར་ངས་ལོ་རྒྱུས་དང་བརྡ་སྤྲོད་ཀྱི་ཁུངས་ལུང་རྒྱུ་མཚན་དྲངས་ནས་བཤད་པ་ལས། ངའི་ཁ་ལ་དེ་བརྗོད་བདེ་ཞེས་དེ་ཁོ་ནར་ཨུ་ཚུགས་བྱས་མེད། འོན་ཀྱང་ཁྱེད་རང་བཞི་པོས་རྔ་བ་ཞེས་འབྲི་དགོས་ཚུལ་ཨུ་ཚུགས་བྱེད་པ་འདི་མཐར་གཏུགས་ན་རང་རང་སོ་སོའི་ཁ་ལ་དེ་ལྟར་བརྗོད་བདེ་བའི་རྒྱུ་མཚན་གྱིས་མ་རེད་དམ། ད་འགྲིགས་སོང། ང་ཚོས་དོན་མེད་ཀྱི་རྩོད་པས་དུས་ཚོད་ཆུད་ཟོས་སུ་བཏང་ནས་ཅི་བྱེད།

ཀིརྟི་སྐྱབས་ལགས། ཁྱེད་ཀྱི་རྩོམ་ཡིག་གཅིག་པོའི་ཐོག་ལ་རྔ་བའི་རྩོམ་པ་པོ་དེ་འདྲ་མང་པོ་ཞིག་གིས་དགག་སྒྲུབ་བྱེད་དོན་ནི། རང་དོན་འབའ་ཞིག་གི་ཆེད་དུ་ག་ལ་ཡིན། ལྷག་པར་རྒྱུ་མཚན་དང་གནས་ལུགས་ཀྱིས་སྟོང་བའི་ཀོར་ཐིག་ཁོ་ན་ཞིག་ཀྱང་ཡིན་མི་སྲིད་མོད། ཁྱེད་ཀྱིས་དེ་དག་གིས་གང་བཤད་རྣ་རྒྱབ་ཀྱི་ལྷགས་པ་བྱས་ནས། བརྗོད་དོན་རང་གི་ཁ་ནང་ལ་བརྗོད་པར་བདེ་མི་བདེ་དང་རང་གི་རྩ་བའི་བླ་མས་གསུངས་མ་གསུངས་རྒྱུ་མཚན་དུ་བྱས་ནས་རྔ་བའི་ཡུལ་མིང་ལ་རྔ་པ་ཟེར་བ་ནི། བཤད་པར་གནས་ལུགས་མི་འདུག་ལ། བསམ་པར་ལྷག་བསམ་གཏན་ནས་མི་འདུག། སྤྱིར་བཏང་ལོ་རྒྱུས་ཀྱི་མིང་ཚིག་གམ་བརྡ་ཆད་ནི་ལོ་རྒྱུས་ཀྱི་ཆུ་རྒྱུན་རིང་མོའི་འགྲོས་དང་མཐུན་དགོས་པ་ལས། རང་ཉིད་ལ་བརྗོད་པ་བདེ་མིན་དང་དད་པ་དག་སྣང་གི་རྗེས་སུ་ཁྱི་ཕྲུག་བཞིན་འདུར་རྒྱུག་བྱེད་རྒྱུ་ཞིག་མ་ཡིན་པར་འདོད། ཁྱེད་ཀྱི་རྩོམ་ཡིག་འདི་བཀོད་པའི་དྲ་བ་གཉིས་ཀྱི་སྟེང་ན་རྔ་ཡུལ་ལ་རྔ་པ་ཟེར་བར་ངོ་རྒོལ་བྱེད་མཁན་གྱི་རྔ་བ་མང་པོ་བྱུང་ཡོད་ལ། ད་ལོའི་རྔ་བའི་མེ་སྲེག་དོན་རྐྱེན་ཆེད་དུ་རྩོམ་བྲིས་པའི་མདོ་སྨད་རྩོམ་པ་པོ་མང་ཆེ་བས་རྔ་བ་ཞེས་བྲིས་པ་ལས་རྔ་པ་ཞེས་ཚིག་གི་ཟུར་ཙམ་ཡང་བྱུང་མེད་ན། ཁྱེད་ཀྱིས་དེ་དག་གིས་གང་བཤད་རྡོག་རྫིས་མ་བྱས་ན་ལེགས་པ་དང་། རང་རེའི་ཡུལ་མིང་དེ་ཡུལ་མི་རང་ཉིད་ཀྱི་ངག་སྒོའི་འགྲོས་དང་མཐུན་ན་དགེ་མཚན་ཆེ་བ་མ་ཟད། རྔ་བ་ཞེས་ལབ་ན་བརྡ་སྤྲོད་པའི་གཞུང་གི་འགྲོ་ཚུལ་དང་མཐུན་པས་དགེ་མཚན་བརྗོད་ལས་འདས། བ་སྒྲ་དེ་བརྡུང་བྱའི་རྔའི་ཆ་ཤས་ཡིན་མིན་དང་། ཆ་ལ་པ་ཉིད་སྦྱོར་བ་ལེགས་པའི་ལུང་ཚིག་རེ་འཁྱེར་ནས་འབྲེལ་མེད་དོན་གཞན་གྱི་སྐད་ཆ་མ་འཆད་ན་ལེགས་ཤིང་། མདོ་སྨད་རྒྱ་ཆེའི་མཁས་པ་དག་གིས་བ་བདག་སྒྲར་སྦྱོར་ཚུལ་གྱི་རང་ལུགས་དེ་ལ་བརྩི་བཀུར་ཡོད་ནི་བྱོས་ཟེར་རྒྱུ་མ་ཟད། རང་ཡུལ་རྔ་བའི་འདས་ཟིན་པའི་ལོ་རྒྱུས་ཀྱི་ཟིན་ཐོའི་ཁྲོད་ཀྱི་ཡུལ་མིང་དང། ད་ཡོད་རྔ་བ་རྒྱ་ཆེའི་མི་མང་གིས་རྔ་བ་ཞེས་པར་མ་ཤེས་བླུན་པོའི་སྐད་ཆ་རེད་མ་འདོད་ཞུ་རྒྱུ་དང་། རྔ་བའི་ཡུལ་མི་དག་གིིས་རང་ཡུལ་་ལ་རྔ་ཁོག་ཟེར་བ་ལས་རྔ་བ་མི་ཟེར་ཞེས་པའི་རྫུན་གཏམ་མ་བཤད་ལོ། ཁྱེད་ཀྱི་སྐད་ཆའི་རྒྱབ་རྟེན་ལ་རྫུན་གཏམ་དང་། འཁྱོག་བཤད། གཡམ་རྒྱུག་གིས་གང་ཡང་ཡོང་གི་མ་རེད་དོ།

ཀིར་སྐྱབས་ལ།
གཅིག ) སྔ་རབས་ཀྱི་ལོ་རྒྱུས་ཡིག་ཚང་དང་། རུས་མཛོད་སོགས་སུ་རྔ་བ་ལས་རྔ་པ་བྲིས་མེད་པ་མ་ཟད་ཀིརྟི་སྐུ་ཕྲེང་གི་རྣམ་ཐར་དུའང་རྔ་བ་ལས་རྔ་པ་བྲིས་མེད། མདོ་སྨད་པ་དགེ་འདུན་ཆོས་འཕེལ་སོགས་ཀྱི་ཐང་ཡིག་གསར་རྙིང་ལ་སོགས་པའི་རྒྱའི་དེབ་ཐེར་ལས་བོད་ཀྱི་ས་མིང་ཆུ་མིང་བོད་རང་གི་ས་ཁུལ་གྱི་མིང་བརྡ་ལ་བརྟེན་ནས་རྒྱའི་ཡིག་ཆའི་ནང་མ་དག་པའི་ཐ་སྙད་མང་པོ་ཞིག་དག་པར་བཟོས་ཡོད་པ་ངོ་མཚར་དུ་ཆེ་ཡང་། ཀིར་སྐྱབས་ཁྱོད་རང་ནས་རྒྱའི་སྐད་ཡིག་གིས་བོད་ཀྱི་སྒྲ་གདངས་དག་མོར་ཐོན་མི་ཐུབ་པ་ཡོངས་གྲགས་བཞིན་དུ་རྒྱའི་སྒྲ་གདངས་ལ་བརྟེན་ནས་བོད་ཀྱི་སྒྲ་གདངས་དག་བཅོས་བྱས་པ་དེས། ཁྱོད་རང་ལམ་དྲང་བོར་མ་ཞུགས་པའི་རྟགས་ཡིན། གཞན་རྒྱ་སྐད་ཨ་པཱ་ཞེས་པའི་སྒྲ་དོན་ནི།
དཔེར་ན། རྒྱའི་སྐད་ནང་གི་ཨ་(阿 ) ཞེས་པ་རྔའི་སྒྲ་མ་ཐོན་པར་དེས་ཚབ་ལྟ་བུར་ཨ་བརྗོད་པ་དང་། པཱ་(坝 ) ཟེར་བ་དེའང་བ་ཞེས་པའི་བརྗོད་པའི་ཁུལ་རེད། འོན་ཀྱང་མཐར་གཏུགས་ན་དེ་གཉིས་ཆ་མ་དག་པ་རེད།
གཉིས་པ།) རྔ་བའི་དམེ་ཚང་ལ་རྨེའུ་འབྲི་བ་དེའང་ཨ་ཁུ་ཆོས་འཕེལ་ལས་གཞན་ཁྱོད་ལ་ལོ་རྒྱུས་ཡིག་རིགས་ཀྱི་མགོ་ཁུངས་གང་ཡང་མེད། ཨ་ཁུ་ཆོས་འཕེལ་ཚང་ནས་མཐར་གཏུགས་ན་དམེ་ཚང་ལ་ཤ་ཚ་དང་དགོས་དབང་གིས་ར་རྨེ་བྲིས་པ་ལས་གཞན་ལོ་རྒྱུས་དེབ་ཐེར་གཅིག་ཀྱང་ཁུངས་སུ་སྟོན་རྒྱུ་རྙེད་མེད། ལོ་རྒྱུས་སྨྲ་བ་པོ་ཞིག་ལ་མཚོན་ན་རྫུན་ལ་ཁུངས་བཅོལ་བ་དང་བཙན་པོ་ལ་མགོ་སྒུར་ན་ལོ་རྒྱུས་གླེང་ཐབས་རྩ་བ་ནས་མེད་པ་རེད། འོན་ཀྱང་ཨ་ཁུ་ཆོས་འཕེལ་ལྟ་བུའི་ཉམས་ཆུང་དཀྱུས་མ་ཞིག་གིས་མཱ་བློན་དམེ་ཚང་ལ་དེ་ལྟར་བྲི་མི་ཕོད་པ་དེར་ཁོར་ཡུག་གིས་བསམ་ཤེས་བྱེད་དགོས་པ་ཞིག་ཡིན།
གསུམ་པ། ) གུར་ཏེ་ལ་ཀིརྟི་བྲིས་པ་དེའང་མཐར་གཏུགས་ན་ཡུལ་ཚོ་ཆུང་ཆུང་ཞིག་གི་མིང་དེར་གནས་བཅའ་བའི་བླ་མ་དེར་བརྗོད་སྲོལ་ཆགས་ནས་དེ་ལྟར་ཐོགས་པ་ཞིག་རེད། ཡུལ་ཚོ་དེར་ད་ལྟའང་ཡུལ་སྐད་རང་གུར་ཏེ་མ་ཞེས་བརྗོད་སྲོལ་མ་ཉམས་པར་གནས་ཡོད། འོན་ཀྱང་ཀིརྟི་ནི་སྔགས་ཡིག་ཅིག་ཡིན་པ་དང་། དེ་བས་དེའི་དོན་གྲགས་པ་ཡིན་པར་སོང་དེ་རྔ་བའི་རོང་ཁུལ་མཐའ་མཚམས་ཀྱི་ཡུལ་ཚོ་དང་དེའི་བླ་མ་ལ་ཐོགས་དོན་གཏན་ནས་མེད། ལེགས་སྦྱར་སྐད་ཀྱི་ཀིརྟི་ཞེས་པ་དེ་ཡུལ་ཚོ་དེའི་ལོ་རྒྱུས་དང་ཁོར་ཡུག་ལ་མཚོན་ན་འབྲེལ་མེད་དོན་གཞན་ཞིག་རེད། དཔེར་ན། རོང་ཆེན་དགེ་འདུན་རྒྱལ་མཚན་དབུས་ཁུལ་དུ་རི་བོ་དགེ་ལུགས་པའི་མཁས་གྲུབ་ཚོའི་མདུན་ནས་སློབ་གཉེར་བྱས་སྐབས་སོགས་སུ་ཀིརྟི་ཞེས་པའི་བརྗོད་སྲོལ་མེད་པ་དེ། ཕྱིས་ཡུལ་ཚོ་ཆུང་ཆུང་དེའི་བླ་མར་ཆགས་ནས་བླ་མ་ལ་ཡུལ་ཚོའི་དེའི་མིང་དང་མཉམ་སྦྱར་བྱས་ནས་བརྗོད་སྲོལ་ཆགས་པའི་ཁུངས་གལ་ཆེན་ཞིག་རེད། དེ་བཞིན་དུ་ལི་ཐང་སྐྱབས་མགོན་དང་། ཤར་སྐྱབས་མགོན། ཀིརྟི་སྐྱབས་མགོན་ཟེར་བ་སོགས་ཀྱང་ཡུལ་ཁ་དེའི་མིང་བླ་མ་དེར་ཐོགས་པ་དང་བརྗོད་པ་ཞིག་ཡིན།

རྔ་བ་ཚེ་སྐྱིད་ལ།
ཁྱེད་ཀྱི་གསལ་བཤད་ཚིག་གསུམ་འདི་ངས་སྔོན་མ་ནས་གོ་མྱོང་ལ། ཁྱེད་ཀྱི་དག་བཅོས་འདི་ཚོ་དག་བཅོས་སུ་འགྲོ་རྒྱུའི་ཚབ་ལ་དག་པ་མ་དག་པར་བསྒྱུར་བའི་སྐྱོན་དུ་འགྲོ་ཉེན་ཆེ།
༡༽རྔ་པ་དང་རྔ་བའི་སྐོར་ལ། སྔར་ཕ་ཡུལ་ནས་མི་ཞིག་གིས་རྔ་པ་མ་རེད་རྔ་བ་རེད་ཅེས་ཨུ་ཚུགས་ཀྱིས་བརྩད་ཀྱང་མཐར་ཕམ་པས་རྩོད་རོགས་དེ་ལ་གྲི་འཛུགས་གྲབས་བྱས་པ་རེད་ཟེར། རྒྱ་སྐད་དུའང་ 阿坝 ཞེས་འབྲི་སྲོལ་སྔོན་ཆད་ནས་ཡོད་པ་འདིས་སྐབས་དེ་དུས་བོད་སྐད་དུ་རྔ་པ་ཞེས་རྗོད་ཀྱི་ཡོད་པ་མཚོན་ཟེར། རྔ་བ་ཞེས་པ་ནི་ཕྱིས་སུ་དེའི་སྒྲ་འགྱུར་སོང་བ་ཡིན་པས་མ་དག་པ་རེད་ཟེར། འདི་ལ་བདེན་རྩ་ཞིག་འདུག་སྙམ།
༢༽ དམེ་ཚང་དང་རྨེའུ་ཚང་སྐོར། མཁས་དབང་དམུ་དགེ་བསམ་གཏན་ཚང་སོགས་ཀྱིས་ད་དམེ་ཡིན་ཚུལ་སྔོན་གྱི་རྣམ་ཐར་གསུང་འབུམ་སོགས་ནང་འཁོད་པའི་འབྲི་སྲོལ་ལ་ཁུངས་བཅོལ་ནས་གསུངས། དྲུང་ཡིག་ཨ་ཁུ་ཆོས་འཕེལ་སོགས་ཀྱིས་ར་རྨེའུ་ཡིན་ཚུལ་སྟོད་མངའ་རིས་ཀྱི་ལོ་རྒྱུས་སོགས་ལ་ཁུངས་བཅོལ་ནས་གསུངས། རྨེའུ་ཞེས་པ་མངའ་རིས་ཀྱི་རུས་མིང་ཞིག་ཡིན་པས། འདི་ཡང་དག་པ་རེད་ཟེར།
༣༽ ཀིརྟི་དང་གུར་ཏེའི་སྐོར།
སྔོན་གྱི་ལོ་རྒྱུས་དང་རྣམ་ཐར་སོགས་སུ་འགིར་ཏི་དང་གིརྟི། གུར་རྡི་སོགས་འབྲི་སྲོལ་སྣ་ཚོགས་ལས་གཅིག་གྱུར་མེད་ཟེར། འདི་ཚོའི་གོ་དོན་ཅི་ཡིན་སྔར་མཁས་པ་སུས་ཀྱང་གསུངས་མྱོང་མེད་ལ་ད་ཆ་ཤེས་མཁན་ཡང་མེད་པས། ཁྱེད་དང་ང་ལྟ་བུས་དག་མ་དག་བཤད་དུ་མེད་པ་ཞིག་ཡིན་འདུག འོན་ཀྱང་རིམ་པས་ཀིརྟི་ཞེས་པའི་འབྲི་སྲོལ་འདི་ཁོ་ན་དར་འདུག འབྲི་སྲོལ་འདི་དུས་ནམ་ཞིག་ནས་གཏན་ཁེལ་དུ་གྱུར་པ་ཡིན་ངས་གསལ་པོ་མི་ཤེས་ཀྱང་ཀིརྟི་བློ་བཟང་འཕྲིན་ལས་ཚང་གིི་གསུང་རྩོམ་སྔ་མོའི་ཤིང་པར་ཅན་རྣམས་སུ་ཀིརྟི་ཞེས་པ་འདི་ཁོ་ན་བྲིས་ཡོད་པ་དངོས་སུ་མཐོང་མྱོང་། ཀིརྟི་ཚང་རང་གི་གསུང་རྩོམ་རྣམས་སུ་འཁོད་འདུག་པ་འདི་ལས་ལྷག་པའི་ཁུངས་ལྡན་ཞིག་རྙེད་དུ་མེད་ལ། འབྲི་སྲོལ་འདིའི་ཐོག་གཅིག་གྱུར་དུ་ཕྱིན་ནས་ཉུང་མཐའ་ལོ་བརྒྱ་ལྷག་འདས་ཟིན་པས། འདི་ལ་མ་དག་པ་རེད་ཟེར་ན་རང་མཚང་བསྟན་པ་ལས་གཞན་ཅི་ཡང་མིན་ནོ།།

དྲ་གྲོགས་ཀིརྟི་སྐྱབས་ལ།

ཁྱེད་ནི། ཀིརྟི་ཚང་དང་རྔ་བ་ས་ཁུལ་སྐོར་གསར་འགོད་པ་ཚོར་དང་བླངས་གསལ་བཤད་བྱེད་མཁན་ཞིག་ཡིན་པར་སོང། ངས་འདིར་ཁྱེད་ལ་རིན་ཐང་ལྡན་པའི་གསལ་བཤད་ཚིག་གསུམ་བྱེད་འདོད་བྱུང་། ཅིག་བྱས་ན། ལོ་རྒྱུས་དང་ས་ཁུལ་རིག་གནས་ལ་འབྲེལ་གོམས་ཆེན་པོ་མེད་མཁན་ཚོས་ངའི་སྐད་ཆ་དེེར་གོ་ལོག་དང་འགྲེལ་ལོག་བྱེད་སྲིད་པ་ཞིག་རེད། ཡིན་ནའང་དོན་དངོས་ཐོག་ཐ་སྙད་འདི་དག་འབྲི་ལོག་དང་འགྲེལ་ལོག་གཏོང་མཁན་དེ་ང་མ་ཡིན་པ་མ་ཟད། ངས་སྐད་ཆ་འདི་ས་ཁུལ་རང་གི་མི་སྣ་ཞིག་ཡིན་པས་ཆ་ནས་མ་གླེང་ན་འགན་མ་འཁུར་བ་ཞིག་ཏུ་ཆགས་ངེས་བརྟེན། ཁྱེད་དང་ཁྱེད་ལྟ་བུའི་མི་ཚོས་ཡི་གེ་གསུམ་དྲང་བོར་འབྲི་ཤེས་ཀྱི་མེད་པ་དེས། ཁྱེད་དང་ཁྱེད་ཚོ་ལོ་རྒྱུས་ནང་མ་དག་པ་ཞིག་ནས་མ་དག་པ་ཞིག་ཏུ་འགྲོ་བཞིན་པའི་ཐ་སྙད་དེ་གྲགས་འཇུག་གཉིས་ཆ་ནས་བདེན་པ་ལྟ་བུ་ཞིག་འདུག ཡི་གེ་མ་དག་པ་གསུམ་དེ། རྔ་པ། རྨེའུ་ཚང་། ཀིརྟི་བླ་མ་ཟེར་བའི་འབྲུ་གསུམ་དེ་རེད།
ཡི་གེ་དག་པ་གསུམ་དེ། རྔ་བ། དམེ་ཚང་། གུར་ཏེ་བླ་མ་རེད། ངས་སྐད་ཆ་དེ་གསུམ་གཙོ་བོ་ས་ཁུལ་གྱི་ལོ་རྒྱུས་དེབ་ཐེར་དང་། རུས་མཛོད། ངག་རྒྱུན་ཤོད་སྲོལ་གསུམ་གཞིར་བཞག་སྒང་ནས་བཤད་ཡོད།

ཨ་འདུས་མིག་ཆུ་ལ།
ངས་རྔ་པ་ཞེས་པ་འདི་བདག་སྒྲ་ཡིན་མིན་ལ་མཁས་པ་རྣམས་རྩོད་པ་ཡོད་ས་མ་རེད་ཅེས་བཤད་པ་ལས། རྩོད་པ་མེད་ཅེས་ཐག་བཅད་ནས་བཤད་མེད། དེའི་རྒྱུ་མཚན་ནི། ངས་འདིའི་སྐོར་གོ་ཐོས་ཙམ་ལས་ཞིབ་འཇུག་བྱས་མྱོང་མེད་པས་ཞིབ་ཕྲ་ཤེས་ཀྱི་མེད། འོན་ཀྱང་བསམ་གཞིགས་ཕྲན་བུ་ཞིག་བྱས་ན། འདི་བདག་སྒྲ་ཡིན་མིན་གཉིས་ལས་ཡིན་པ་ལ་རྒྱུ་མཚན་མང་བ་འདུག
༡༽ རྔ་བ་མ་རེད་མངའ་བ་རེད། སྟོད་མངའ་རིས་ཆད་པའི་དུམ་བུ་རེད། ཅེས་པའི་དམངས་ཁྲོད་ཀྱི་བཤད་སྲོལ་འདི་ལྟར་ན། མངའ་རིས་པ་ཟེར་རྒྱུ་ལ་ཚིག་སྣ་བསྡུས་ཏེ་མངའ་པ་དང། དེའང་ཨམ་སྐད་ལྟར་མངའ་བ། དེའང་རྔ་བ་ཞེས་པར་འགྱུར་བ་རེད། མངའ་དེ་རྔ་ལ་འགྱུར་བ་ནི་གཅིག་བྱས་ན་ཡིག་ནོར་རྒྱུན་འབྱམས་སུ་སོང་བ་ཞིག་ཡིན་སྲིད། འདིའི་མིང་ཟུར་གྱི་བ་དང་པ་གང་ཡིན་ཡང་མངའ་རིས་པ་ཞེས་པའི་པ་དེ་ལས་བྱུང་བ་ཡིན་པས་བདག་སྒྲ་ཡིན་པར་རྩོད་པ་མེད།
༢༽ ས་དབྱིབས་རྔ་དང་འདྲ་བའི་ཡུལ་དུ་ཆགས་ཡོད་པས་རྔ་བ་ཞེས་ཐོགས་པ་ལྟར་ན། ར་མགོ་ཅན་གྱི་རྔ་འདི་འབྲི་བ་འགྲིག་པ་རེད། མིང་ཐོགས་སྟངས་འདི་བདེན་པ་འདྲ་བ་ཞིག་རེད་ཅེས་མཁས་དབང་དམུ་དགེ་བསམ་གཏན་ཚང་གིས་བོད་ཀྱི་ལོ་རྒྱུས་ཀུན་དགའི་མེ་ལོང་དུ་གསུངས་ཡོད། འོན་ཀྱང་ཁོང་གིས་དེ་ཡིན་པར་ཐག་བཅད་མེད། ས་དབྱིབས་རྔ་དང་འདྲ་བའི་ཡུལ་དུ་ཆགས་པས་རྔ་བ་ཞེས་ཐོགས་པ་ཡིན་ཚེ། འདིའི་བ་འདི་ག་རེ་རེད། འདྲ་དཔེ་རྔ་ཡི་མིང་གི་ཆ་ཤས་ནི་མ་རེད། བརྡུང་བྱའི་རྔ་ཡི་མིང་ལ་པ་བ་སོགས་ཀྱི་ཆ་ཤས་མེད་པ་མཁྱེན་གསལ་རེད། དེས་ན་བ་འདི་ཚིག་ཕྲད་ཅིག་ཡིན་པ་ཐག་ཆོད། དེའང་བདག་སྒྲ་མ་གཏོགས་འགྲོ་ས་མེད། དེ་ནི་ཡུལ་དེའི་མི་ལ་གོ་བ་ལོས་ཡིན། འོན་ཀྱང་དེང་སང་ཡུལ་དེའི་མི་དང་ཡུལ་གཉིས་ཀ་ལ་གོ་བཞིན་འདུག དཔེར་ན། མི་དེ་གང་ནས་རེད། རྔ་བ་ནས་རེད། མི་དེ་སུ་རེད། རྔ་བ་ཞིག་རེད། ཅེས་བརྗོད་སྐབས་སྔ་མ་ཡུལ་དང་ཕྱི་མ་ཡུལ་དེའི་མི་ལ་གོ་བཞིན་འདུག འདི་ལྟར་བལྟས་ཡོང་དུས། དང་པོར་རྔ་དབྱིབས་དང་འདྲ་བའི་ཡུལ་གྱི་མི་རྣམས་ལ་རྔ་བ་ཞེས་ཡུལ་གྱི་མིང་ནས་ཚུར་ཐོགས། དེ་ནས་སླར་ཡང་ཡུལ་རང་གི་མིང་ལ་རྔ་བ་ཞེས་ཕར་ཐོགས་པ་ཡིན་འདུག ཕ་ཡུལ་ནས་རྔ་པ་རྫོང་གི་ས་ཁོངས་དེ་ལ་རྔ་ཁོག་ཅེས་འབོད་ཀྱི་ཡོད། རྔ་ཁོག་དང་རྔ་བ་ཞེས་བརྗོད་ཚེ་ཡུལ་དང་མི་སོ་སོར་གོ་བས་ལེགས། གང་ལྟར་རྔ་བ་ཞེས་པ་བདག་སྒྲ་ཡིན་པར་ཕལ་ཆེར་ཐག་བཅད་ཆོག དེ་བདག་སྒྲ་ཡིན་སོང་ན་རྔ་པ་ཞེས་པ་ཡིག་འབྲི་དགོས་པ་འདི་དབུས་གཙང་གི་མཁས་པའི་བཞེད་པ་རེད་ལ། སི་ཏུ་སོགས་ཁམས་ཀྱི་མཁས་པ་རྣམས་ཀྱི་བཞེད་པའང་རེད། འོན་ཀྱང་ཨ་མདོའི་མཁས་པ་ཚོས་དེ་ཁས་མི་ལེན། ངས་འདི་མཁས་པ་སོ་སོའི་ཡུལ་སྐད་ལ་གང་ཡིན་ལ་ཐུག་པ་ཞིག་ལས་རྒྱུ་མཚན་གཞན་ཅང་མཐོང་མ་སོང། ཡུལ་སྐད་ནི་བརྗོད་གང་བདེ་བ་དེ་གཙོ་བོ་རེད། དེར་བརྟེན་ངའི་ཁ་ལའང་རྔ་པ་ཞེས་བརྗོད་བདེ་བར་འདུག་པས་དེ་ལྟར་བྲིས་པ་ཡིན་ལ། གཞན་མང་པོས་ཀྱང་དེ་ལྟར་བྲིས་འདུག

མི་ཉག་བཙན་པོ་ལ།
རྒྱ་གཞུང་གི་སྐད་ཆ་དེ་ཚོར་དམིགས་བསལ་སྐུ་ཚབ་རྒྱ་རི་རིན་པོ་ཆེས་ཨ་རིའི་voaབརྒྱུད་ལན་འདེབས་གནང་སོང་བ་དེས་མ་འཐུས་པ་ཕལ་ཆེར་མེད་སྙམ། འོན་ཀྱང་བསམ་ཚུལ་རེ་ཟུང་ཞིག་བཏོན་ན།
༡༽ ཁྲིམས་ཐོག་ནས་བཤད་ན་ད་ལྟ་རྒྱ་ནག་གིས་བོད་བསྒྱུར་བྱས་དང་བྱེད་བཞིན་པ་འདི་ག་རང་ཁྲིམས་འགལ་ཡིན་པས། བོད་རང་སྐྱོང་ལྗོངས་ཀྱི་སྲིད་གཞུང་སོགས་བོད་ཆོལ་ཁ་གསུམ་གྱི་ཁྱོན་དུ་ཡོད་པའི་ད་ལྟའི་སྲིད་གཞུང་དེ་ཀུན་ཁྲིམས་འགལ་རེད། བཙན་བྱོལ་བོད་གཞུང་འདི་ཁོ་ན་ བོད་མི་ཚོའི་ཁྲིམས་མཐུན་གྱི་གཞུང་རེད། འདི་སྔ་མོ་ལྷ་སར་ཡོད་པའི་བོད་གཞུང་གི་རྒྱུན་རེད།
༢༽ བོད་གཞུང་ལ་སྒྲུབ་ཐུབ་པའི་ལས་དོན་ཞིག་ཡོད་པ་ནི། བོད་གཞུང་རང་འགུལ་གྱིས་རྩ་འཐོར་དུ་འགྲོ་རྒྱུ་དེ་མ་ཡིན་པར། རྒྱ་ནག་ལ་མང་གཙོ་དར་སྤེལ་གྱི་རམ་འདེགས་བྱས་ཏེ་རྒྱ་ནག་དམར་པོའི་གཞུང་རྩ་འཐོར་དུ་འགྲོ་བ་དང་ཆབས་ཅིག བོད་ལ་རང་དབང་འཐོབ་པར་བྱ་རྒྱུ་དེ་རེད།
༣༽ འབྲེལ་མོལ་གྱི་ནང་དོན་ནི་ཏཱ་ལའི་བླ་མའི་གནད་དོན་ཡིན་ཟེར་བ་འདི་ལ་ངས་བལྟས་ན་འགྲིག་གི་རེད་ཅེས་ལན་བཏབ་ཆོག རྒྱུ་མཚན་ནི། ཏཱ་ལའི་བླ་མ་ནི་བོད་མི་རིགས་ཀྱི་མཚོན་དོན་དང་སྐུ་ཚབ་ཡིན་པས། ཁོང་གི་གནད་དོན་དེ་བོད་མི་རིགས་ཀྱི་གནད་དོན་དུ་རང་བཞིན་གྱིས་ཆགས་ཡོད།
༤༽ ༼བོད་ཀྱི་གནད་དོན་ཡོད་ཚད་རྒྱ་གཞུང་གི་ནང་སྲིད་གནད་དོན་ཡིན་༽ཟེར་བ་འདི་ནི་ ཁོང་ཚོས་རྒྱུན་དུ་བོད་ཀྱི་གནད་དོན་ཟེར་བ་ཞིག་མེད་ལབ་ཀྱི་ཡོད་པ་དང་ནང་འགལ་ཆགས་ཏེ་བོད་ཀྱི་གནད་དོན་ཡོད་པ་ངོས་ལེན་བྱས་ཡོད།
༥༽ པོ་ཏཱ་ལ་སོགས་ཀྱི་བཟོ་བཀོད་ཚང་མ་རྒྱ་ནག་ནང་གི་བཟོ་བཀོད་དང་གཅིག་འདྲ་ཡིན་ཟེར་བ་ནི་གོ་ལྡོག་སྟེ་བཤད་པ་ཞིག་རེད། རྒྱ་ནག་ཏུ་ཡོད་པའི་པོ་ཏཱ་ལ་དང་པེ་ཅིན་གྱི་ཡུང་ཧྭ་དགོན་པ་སོགས་ཀྱི་བཟོ་བཀོད་ནི་བོད་ཀྱི་པོ་ཏཱ་ལ་སོགས་ལ་དཔེ་བལྟས་ནས་བཟོས་པ་ཡིན་པས་བོད་ནང་གི་བཟོ་བཀོད་དང་གཅིག་འདྲ་ཡིན་ཞེས་བཤད་ན་ལོ་རྒྱུས་དང་དངོས་ཡོད་བཅས་ལ་མཐུན་པ་ཞིག་ཡིན། དེ་འདྲ་ཞིག་མ་རེད་དམ།

རྩོམ་པ་པོ་ཞིག་གི་འོས་འགན་གཙོ་ནི་སྤྱི་ཚོགས་ཀྱི་ནོར་འཁྲུལ་ཡོ་བསྲང་བྱ་རྒྱུ་དེ་ཡིན་པས། ཀིརྟིསྐྱབས་ལགས་ཀྱི་དེ་ལྟར་གསལ་འདོན་བྱས་པ་དེར་བཀའ་དྲིན་ཞུ་རྒྱུ་དང། ལབ་ས་དེ་ཚོས་ཡག་པོ་ཉན་བཟང་པོ་རེད། མ་གཏོགས་རཱ་ཅོ་འདྲ་འདྲ་རྐྱང་རྐྱང་བྱས་པ་བསྡད་ཡིན་ན། ་བོད་ལ་ཡར་རྒྱས་ཡོང་གི་མ་རེད། ཨ་རིག་དགེ་མཐོང་ལགས་ཀྱིས་དྲང་བདེན་བསམ་དེ་། ནོར་འཁྲུལ་ངོས་ལེན་བྱས་འདུག་པ་མཐོང་ངམ། རྗེས་སུ་ཡིད་རངས་བྱ་འོས་སོ།

མི་ཉག་བཙན་པོ་ལགས། ཁྱོད་གནའ་སྔ་མོའི་མི་ཉག་གི་བཙན་པོ་ངོ་མ་དེ་ཡིན་ནམ་ཡང་ན་དེང་དུས་ཀྱི་མི་ཉག་བཙན་པོ་རྫུན་མ་དེ་ཡིན།

གནས་ཚང་ལ།
རྩོམ་མཁན་ཀིརྟི་སྐྱབས་༼པ༽ལ་དགའ་བ་མིན།།
འགྲོགས་རོགས་དབུས་གཙང་མིར་ཡུན་རིང་འགྲོགས་པ་ལས།།
དབུས་སྐད་འཁྱལ་འཁྱོལ་ཞིག་ཁ་ལ་ལོབས་པར་བརྟེན།།
བ་ཡིག་མང་པོ་ཞིག་༼པ༽ཞེས་བརྗོད་བདེ་གི།

སྤྲོ་ཚིགས་དགེ་འདུན་གྱིས་༼ཀིརྟི་དགོན་པ་༡མ་གཏོགས་ཆེ་ཆུང་མང་པོ་ཞིག་གང་ཞིག་ན་ཡོད། ༽ཟེར། དེ་ཁྱེད་རང་ནོར་འདུག ཁྱེད་ཀྱི་མིང་ལ་བལྟས་ན་ཁྱེད་རང་རྔ་བའི་སྤྲོ་ཚིགས་ནས་ཡིན་འདུག་པས་རྔ་པ་ཀིརྟི་དགོན་པར་ཆ་རྒྱུས་ཡོད་ངེས་ཀྱང། ཁྱེད་ཀྱི་བཤད་སྟངས་ལ་བལྟས་ན་ས་ཁུལ་གཞན་ན་ཡོད་པའི་ཀིརྟིའི་དགོན་པ་གཞན་དག་ལ་ཆ་རྒྱུས་མེད་པ་འདྲ། ཁྱེད་རང་དཔེར་ན་མཛོད་དགེ་ཕྱོགས་དང་ཧོར་གཙང་ཕྱོགས་སོགས་སུ་སོང་ནས་ས་ཁུལ་དེ་དང་དེའི་མི་དང་མཉམ་དུ་ཀིརྟི་དགོན་པའི་སྐོར་ཁ་བརྡ་བྱས་ཡོད་རྒྱུ་ན་ཁྱེད་ལ་བསམ་ཚུལ་ནོར་བ་འདི་འདྲ་ཡོང་མི་སྲིད། གང་ཡིན་ཞེ་ན། མཛོད་དགེ་ཕྱོགས་ཀྱི་མི་ལ་ཀིརྟིའི་དགོན་པ་ཞེས་བརྗོད་དུས་སྟག་ཚང་ལྷ་མོ་ཀིརྟིའི་དགོན་པར་རང་བཞིན་གྱིས་གོ་འགྲོ་བ་དང། ཧོར་གཙང་ཕྱོགས་ཀྱི་མི་ལ་ཀིརྟི་དགོན་པ་ཞེས་བརྗོད་དུས་ཧོར་གཙང་ཀིརྟིའི་སྒར་ལ་གོ་འགྲོ། རྔ་པ་ཕྱོགས་ཀྱི་མི་ལ་ཀིརྟི་དགོན་པ་ཞེས་བརྗོད་དུས་རྔ་པ་ཀིརྟིའི་དགོན་པར་རང་བཞིན་གྱིས་གོ་འགྲོ་བ་རེད། ས་ཁུལ་གཞན་དུའང་དེ་བཞིན་རེད། དེ་མངོན་སུམ་ཚད་གྲུབ་རེད། ད་ཀིརྟིའི་དགོན་པ་གཅིག་མ་གཏོགས་མེད་པ་རེད་དམ། ངས་དགོན་མ་ལག་ ༤༠ ཙམ་ཡོད་པ་དེ་ཀུན་ལ་ཀིརྟི་དགོན་པ་ཞེས་སྦྱར་དགོས་ལབ་ཀྱི་མེད་ལ། དེ་ཀུན་ལ་ཀིརྟིའི་དགོན་པ་ཞེས་འབོད་ཀྱི་འདུག་ལབ་ཀྱི་མེད། ངས་ཟེར་རྒྱུ་ནི། དགོན་པ་དེ་ཚོའི་ནང་ཀིརྟིའི་དགོན་པ་ཞེས་པའི་མིང་ཐོགས་ཡོད་མེད་རིགས་གཉིས་འདུག་ལབ་ཀྱི་ཡོད། དེ་ལོ་རྒྱུས་ཡིག་ཆའི་ནང་དུ་འཁོད་འདུག་ལ། ས་གནས་དེ་ཚོའི་མང་ཚོགས་ཀྱི་ངག་ལའང་དེ་འདྲའི་ཁྱད་པར་ཞིག་རང་བཞིན་གྱིས་འཇགས་འདུག དེ་’འདྲི་རྟོག་གྱིས་དང་ལས་སླ་པོར་ཤེས་ཐུབ་པ་ཞིག་རེད།

རྨེ་རྒྱལ་བོ་ཟེར་བ་དེ་ཅི་རེད། ཀིརྟི་་ཚང་གི་བློན་པོ་རེད་ཟེར་བ་བདེན་ནམ། རྨེ་ནི་སྔོན་མ་རྒྱལ་ཁབ་ཞིག་ཡིན་ས་རེད། དེ་སྔོན་ཡི་ཤུ་ཆོས་སྤེལ་བ་ཞིག་སྟག་ཚང་ལྷ་མོ་དགོན་ནས་བསྡད་འདུག ༡༩༢༠ ནང་རེད། ཁོས་རྨེ་ནི་རྒྱལ་ཁབ་ཞིག་རེད། ཁོ་བོ་ཐང་མང་པོར་རྨེ་རྒྱལ་མོ་ལ་ཐུགས་མྱོང་ཟེར། རྒྱལ་མོ་སེམས་བཟང་ཅིག་རེད། བོད་ཡིག་ཡག་པོ་ཀློག་ཤེས་གི་ཟེར་བ་སོགས་ཞིབ་ཕྲ་བྲིས་འདུག

རླུང་རྟ་རྒྱལ་གྱིས་གོ་ནོར་ཐེབས་པ་འདྲ། ངས་ཀིརྟིའི་དགོན་ལག་ཐམས་ཅད་ཀིརྟིའི་དགོན་པ་ཞེས་སྦྱར་དགོས་ཟེར་གྱི་མེད། ད་ཆ་ཀིརྟིིའི་དགོན་མ་ལག་གི་ནང་ན་ཀིརྟིའི་དགོན་ཞེས་ཀིརྟི་ཞེས་པའི་མཚན་དངོས་སུ་ཐོགས་ཡོད་ས་དང་མེད་ས་གཉིས་ཀ་ཡོད་པ་རེད་ཟེར་གྱི་ཡོད། དེ་མང་ཚོགས་ཁྲོད་དགོན་པའི་མཚན་འབོད་སྐབས་རང་བཞིན་གྱིས་ཐོགས་ཡོང་བ་ཞིག་རེད་མ་གཏོགས། སུ་གཅིག་གིས་བཙན་ཐབས་སུ་སྦྱོར་མཁན་མེད། དེའང་མ་དགོན་གྱི་མཚན་བུ་དགོན་ལ་སྦྱར་བ་ཞིག་མ་རེད། བླ་མའི་མཚན་དགོན་པ་ལ་ཐོགས་པ་ཞིག་རེད། ཁྱེད་ཀྱིས་༼ཀིརྟིའི་དགོན་ཞེས་བརྗོད་ཚེ་མ་དགོན་སྟོན་བཞིན་པ་ཀུན་གྱིས་ཤེས་གསལ་རེད།༽ཟེར། འདིའི་དོན་གོ་མ་སོང། ཀིརྟིའི་དགོན་ཞེས་པ་ནི་སྐབས་འདིར་དགོན་མ་ལག་མང་པོ་ཞིག་གི་སྤྱི་མིང་ཡིན་པ་ལས། དགོན་པ་གཅིག་ཁོ་ནའི་མིང་ཞིག་མ་རེད། ཁྱེད་རང་ཀིརྟིའི་དགོན་ཁག་ལ་ཆ་རྒྱུས་མེད་པ་འདྲ། ངའི་རྩོམ་དངོས་གཞི་ལ་བསྐྱར་དུ་གཟིགས་རོགས།

ཀིརྟི་སྐུ་ཕྲེང་རིམ་པའི་སྐབས་བྱུང་བའི་ཀིརྟིའི་དགོན་པ་ཆེ་ཆུང་མང་པོ་ཡོད། ཞེས་པ་འདིའི་དོན་ཅི་ཞིག་གསུངས་གིན་ཡོད་དམ
ཀིརྟི་དགོན་པ་༡མ་གཏོགས་ཆེ་ཆུང་མང་པོ་ཞིག་གང་ཞིག་ན་ཡོད། རིན་པོ་ཆེ་སྐུ་ཕྲེང་རིམ་པའི་སྐབས་ཕྱག་བཏབ་པའི་དགོན་པ་འགའ་ཡོད་ཀྱང་དེ་དག་ཀིརྟི་དགོན་ཡིན་ཚོད་མེད།
བླ་བྲང་དགོན་པར་དགོན་མ་ལག་༡༠༨་ཡོད་སྐད་ཀྱང་དེ་དག་བླ་བྲང་དགོན་ག་ནས་ཡིན།
མདོར་ན་རྡ་སའི་བྱེས་པ་གྲྭ་ཚང་ཡང་ཀིརྟི་དགོན་ཡིན་པ་མི་འདོད།
ངོ་སྤྲོད་བྱས་པ་ཡག་བྱུང་།འོན་ཀྱང་ངོ་ཞེ་གྲགས་འཕྲོད་མ་སོང་། དེ་འདྲ་ཞིག་མ་རེད་དམ

བཀུར་འོས་རྩོམ་པ་པོ་ཀིརྟི་སྐྱབས་ལགས།
དོན་ལ་འཁེལ་བའི་ཆེད་རྩོམ་ཞིག་སྤེལ་འདུག་ན། ཁ་དྲོ་བཀྲ་ཤིས་ཡིན། ཨོ་རེད་ཡ། བུ་མོ་ངས་ཉིན་ཤས་སྔོན་ཞིག་ལ་གོ་སྐབས་དམ་འཛིན་བྱས་ན་བཀའ་འདྲི་ཞིག་བྱས་ཡིན་མོད། འོན་ཀྱང་རྩ་བ་ཉིད་ནས་ལན་ཞིག་མ་ཕེབས་པས་ན། ཡང་བསྐྱར་དེ་རིང་སྐུ་ཉིད་ལ་བཀའ་འདྲི་འདི་ཞུ་འདོད་ཆེན་པོ་ཞིག་བྱུང་སོང་བ་ལགས་ན། དེ་ལུགས་བཞིན་དུས་ཐོག་ཏུ་ལན་ཞིག་ཡོད་པར་མཁྱེན་ནོ།། འདིར་དམིགས་བསལ་གྱིས་བཀའ་འདྲི་ཞུ་རྒྱུ་ཞིག་ལ། བུ་མོ་ང་ཡི་ཕ་ཡུལ་གྱི་མིང་ལ་རྔ་བ་ཟེར་བ་ལས་རྔ་པ་མ་ཡིན་རུང་། གནས་ཚུལ་མཁོ་གཏོང་རྣམ་པས་གསར་འགྱུར་བརྒྱུད་ལམ་ཁག་ཏུ་ཉིས་སྟོང་བརྒྱད་ནས་བཟུང་གནས་ཚུལ་གང་ཡོད་སྤྱི་བྱེའི་གསར་འགྱུར་བརྒྱུད་ཁག་ལ་གཏོང་དུས། རྔ་པ་ཞེས་བེད་སྤྱོད་བྱེད་དགོས་པའི་རྒྱུ་མཚན་ཤེས་མ་སོང་བས་ན། རྔ་བ་ལས་རྔ་པ་ཞེས་པའི་མིང་འདི་བཀོལ་དགོས་པའི་རྒྱུ་མཚན་ཞིག་གསུང་ན་འགྲིགས་ཀི་རེད་དམ།
སྤྱིར་ན།
རྔ་བ་ཞེས་པའི་མིང་འདི།
གཅིག་ནས་ལོ་རྒྱུས་དེབ་ཐེར་ཁག་ལས་རྔ་བ་ཡིན་པ་ལས་རྔ་པ་མ་རེད།
གཉིས་ནས་ཡོངས་གྲགས་ཀྱིས་དབང་དུ་བྱས་རུང་རྔ་བ་ཡིན་པ་ལས་རྔ་པ་མ་རེད།
གསུམ་ནས་བརྡ་སྤྲོད་ཀྱི་འགྲོ་ལུགས་ཡིན་རུང་རྔ་བ་ཡིན་པ་ལས་རྔ་པ་མ་རེད།
བཞི་ནས་བརྗོད་བདེའི་སྟོབས་ཀྱིས་ཡིན་ཡང་རྔ་བ་ཡིན་པ་ལས་རྔ་པ་མ་རེད།
ལྔ་ནས་སྤྱི་དམངས་ཀྱི་ངོས་འཛིན་དང་བག་ཆགས་ཡིན་རུང་རྔ་བ་ཡིན་པ་ལས་རྔ་པ་མ་རེད།