ཁ་སང་གཟའ་ལྷག་པའི་ཉིན། རྒྱལ་སྤྱིའི་གསར་ལམ་ཁག་ཏུ་རྒྱ་ནག་གི་སྲིད་འཛིན་ཟུར་པ་ཅང་ཙེ་མེན་སྐུ་གྲོངས་ཡོད་མེད་སྐོར་ལ་གླེང་ཕྱོགས་གསར་པ་ཞིག་ཐོན་འདུག་ལ། སྲིད་དོན་དབྱེ་ཞིབ་པ་དག་གིས་ཅང་ཙེ་མིན་ཤི་རྗེས་རྒྱ་ནག་གི་སྐབས་རྗེས་མའི་དཔོན་རིགས་གསར་བ་འདེམས་སྒྲིག་ཐད་ཤུགས་རྐྱེན་ཐེབས་སྲིད་པ་བརྗོད་འདུག
ཕྱི་ཟླ་ ༧ ཚེས་ ༦ ཉིན། གསར་ལམ་ཁག་མང་པོར་རྒྱ་ནག་གི་སྲིད་འཛིན་ཟུར་པ་ཅང་ཙེ་མེན་ནད་མནར་གྱིས་སྐུ་གྲོངས་ཟིན་པའི་སྐོར་གྱི་གནས་ཚུལ་ཞིག་ཐོན་འདུག ཧོང་ཀོང་གི་ཨེ་ཤ་ཡ་བརྙན་འཕྲིན་ཁང་(ATV)གིས་ཉིན་དེའི་ཕྱི་དྲོའི་ཆུ་ཚོད་ ༦ དང་ཕྱེད་ཀའི་སྟེང་། ཅང་ཙེ་མེན་ནད་མནར་གྱིས་གྲོངས་ཟིན་སྐོར་གྱི་གནས་ཚུལ་ཞིག་སྤེལ་ཏེ། སྔ་རྗེས་ཐེངས་འགར་བསྐྱར་སྟོན་བྱས་ཡོད་པ་དང་། རྒྱ་ནག་ཀོང་ཏུང་གསར་འགྱུར་དྲ་བས་ཀྱང་དྲ་ངོས་མདུན་ཤོག་གི་སྒྲོམ་གཞི་ནག་པོ་དང་ཚོན་མདོག་དཀར་པོ་བཟོས་ཏེ། ༼བཀུར་འོས་བློ་མཐུན་ཅང་ཙེ་མེན་ནམ་ཡང་ཡལ་བ་མེད༽ཅེས་པའི་མྱ་ངན་ཞུ་ཚིགས་བྲིས་ཤིང་། ཚོན་ཁྲ་མེད་པའི་ཅང་ཙེ་མེན་གྱི་པར་རིས་བཀོད་དེ་ཁོང་གྲོངས་ཟིན་པའི་གནས་ཚུལ་སྤེལ་འདུག
གོང་གསལ་གནས་ཚུལ་དེ་རྒྱལ་སྤྱིའི་གསར་ལམ་ཁག་མང་པོ་ཞིག་གིས་བརྒྱུད་འགོད་བྱས་ཏེ། གླེང་སློང་དང་དཔྱད་གཏམ་འདྲ་མིན་སྤེལ་བཞིན་ཡོད་ཀྱང་། རྒྱ་ནག་ཕྱི་འབྲེལ་སྡེ་ཁག་གིས་ཅང་ཙེ་མེན་གྲོངས་ཡོད་མེད་ཐད་གསར་འགོད་པའི་དྲི་བ་དང་ལེན་བྱས་མེད་པ་མ་ཟད། ཉིན་དེའི་དགོང་མོའི་ཆུ་ཚོད་ ༨ ཙམ་ལ་ཀུང་ཏུང་གསར་འགྱུར་དྲ་བ་( http://www.sdnews.com.cn) བཙན་ཤུགས་ཀྱིས་སྒོ་རྒྱག་ཏུ་བཅུག་ཡོད་པ་དང་། དེ་བཞིན། རྒྱ་ནག་གི་དྲ་ལམ་ཁག་ནང་ཅང་ཙེ་མེན་དང་འབྲེལ་བའི་གནས་ཚུལ་གཅིག་ཀྱང་འཚོལ་མི་ཐུབ་པ་བཟོས་འདུག
ཕྱི་ཟླ་ ༧ ཚེས་ ༡ ཉིན་རྒྱ་ནག་དམར་ཤོག་བཙུགས་ནས་ལོ་ ༩༠ ལོན་པའི་དུས་དྲན་དབུ་འཛུགས་སྟེང་། རྒྱ་ནག་དམར་ཤོག་མགོ་ཁྲིད་ཟུར་པ་ལིས་ཕིན་དང་། ཙིན་ཆིན་ཧོང་། ཀྲུའུ་རོང་ཅི། སུང་ཕེན་སོགས་མཉམ་ཞུགས་བྱས་ཡོད་ནའང་། ཅང་ཙེ་མིན་ཞུགས་ཐུབ་མེད་པར་བརྟེན། རྒྱལ་སྤྱིའི་གསར་ལམ་ཁག་གིས་ཅང་ཙེ་མེན་གྱི་ནད་གཞི་ཇེ་སྡུག་ཏུ་ཕྱིན་ཏེ་འཆི་ལ་ཡོད་སྐོར་གྱི་གླེང་སློང་སྣ་ཚོགས་བྱས་ཡོད། ཕྱི་ཚེས་ ༥ ཉིན་ཕྱི་རྒྱལ་གྱི་གསར་འགོད་པ་ཁག་ཅིག་གིས་ཅང་ཙེ་མེན་གྱི་ནད་གཞིའི་སྐོར་ལ་དྲི་བ་བཏོན་སྐབས། རྒྱ་ནག་ཕྱི་འབྲེལ་གསར་ཁང་གི་དཔོན་རིགས་ཧུང་ཧྲི་ཡིས་གནས་ཚུལ་དེ་གོ་ཐོས་མ་བྱུང་སྐོར་བརྗོད་ཡོད་པ་དང་། ཉིན་དེའི་དགོང་མོ་ཆུ་ཚོད་ ༡༡ ཙན་ནས་རྒྱ་ནག་གནས་འཕྲིན་དྲ་རྒྱའི་སྟེང་ཅང་ཙེ་མེན་གྲོངས་ཟིན་སྐོར་གྱི་གནས་ཚུལ་ཁྱབ་མགོ་ཚུགས་ཡོད་པ་རེད།
ཏའོ་ཝེ་རྒྱ་ཡིག་དྲ་བའི་སྟེང་གནས་ཚུལ་སྤེལ་བ་ལྟར་ན། ད་ལོ་ཕྱི་ཟླ་ ༤ པའི་ནང་ཅང་ཙེ་མེན་ཀཱོང་ཞིར་ཡུལ་སྐོར་དུ་སྐྱོད་སྐབས། དུག་སྦྲང་གིས་སོ་བརྒྱབ་པར་རྐྱེན་བྱས་ཏེ་ནད་གཞི་ཇེ་སྡུག་ཏུ་གྱུར་ཅིང་། ཧྲང་ཧེ་རུ་དུས་ཐུང་རིང་སྨན་བཅོས་བྱས་ཀྱང་མ་ཕན་པར་བརྟེན། པེ་ཅིན་དམག་མིའི་སྨན་ཁང་ ༣༠༡ ནང་སྨན་བཅོས་བྱེད་དགོས་བྱུང་ཡོད་འདུག ཚན་ཡའེ་ཞེས་པའི་རྒྱ་ཡིག་དྲ་བའི་སྟེང་། ཕྱི་ཚེས་ ༥ ཉིན་ ༣༠༡ སྨན་ཁང་སྒོ་མདུན་གྱི་ཁྲང་ཨན་སྲང་ལམ་དུ་དམག་མི་ཕོན་ཆེན་པོ་བསླེབས་ཏེ། ཆུ་ཚོད་ཕྱེད་ཀའི་རིང་རླངས་འཁོར་འགྲིལ་སྐྱོད་བཀག་སྡོམ་བྱས་རྗེས། ཨོ་ཏེ་རྟགས་ཅན་གྱི་དམག་མིའི་རླངས་འཁོར་ ༢༠ ལྷག་དམག་མིས་སྨན་ཁང་དེར་བསྐྱོད་ཡོད་འདུག ཕྱི་ཚེས་ཉིན་རྒྱ་གཞུང་ཞིན་ཧྭ་དབྱིན་ཡིག་དྲ་བའི་སྟེང་ཅང་ཙེ་མེན་གྲོངས་ཟིན་པའི་སྐོར་གྱི་གནས་ཚུལ་དེ་དག་ནི་ཁུངས་ལྡན་མིན་སྐོར་བཀོད་འདུག
རྒྱ་དམར་གཞུང་གི་སྐབས་བཅོ་བརྒྱད་པའི་དཔོན་རིགས་གསར་འདེམས་ཀྱི་ལས་གཞི་དེ་ལོ་རྗེས་མའི་སྟོན་ཁར་གཏན་འཁེལ་ཡོད་པ་དང་། དེ་བཞིན་རྒྱ་གཞུང་གི་ལོ་ལྔ་རེའི་མཚམས་ཀྱི་རྒྱལ་ཡོངས་འཐུས་མིའི་ཚོགས་ཆེན་སྟེང་ལས་དོན་གལ་ཆེ་ཤོས་གཉིས་ཐག་གཅོད་བྱ་དགོས་པ་ནི། རྒྱ་གཞུང་གི་ཆབ་སྲིད་ལམ་ཕྱོགས་གཏན་འབེབས་དང་། རྒྱ་གཞུང་གི་མཐོ་རིམ་དཔོན་རིགས་འདེམས་སྒྲིག་བྱ་དགོས་པ་གཉིས་རེད། མ་གཞི། ཅང་ཙེ་མིན་གྱིས་ཕྱི་ལོ་ ༢༠༠༤ ལོར་ཆབ་སྲིད་ཀྱི་དབང་ཆ་ཡོད་ཚད་རྩིས་སྤྲོད་བྱས་ཟིན་ནའང་། ཧྲང་ཧེ་ཤོག་ཁག་དང་རྒྱལ་སྲས་ཚོགས་པར་འབྲེལ་བ་ཤུགས་ཆེན་པོ་ཡོད་སྟབས། དཀྱོག་མཚམས་འདིར་ཅང་ཙེ་མེན་གྱི་འཆི་གསོན་གྱིས་རྒྱ་ནག་གི་ཆབ་སྲིད་གནད་དོན་དང་། ཞི་ཅིན་ཕེན་གཙོས་པའི་སྐབས་རྗེས་མའི་དཔོན་རིགས་འདེམས་སྒྲིག་ཐད་ཤུགས་རྐྱེན་ཐེབས་ཕྱོགས། དེ་བཞིན་ཧུའུ་ཅིན་ཐའོ་ཡིས་མ་འོངས་པར་དམག་དོན་དབང་ཆ་མུ་མཐུད་ཉར་ཐུབ་མིན་བཅས་ཀྱི་ཐད། རྒྱལ་སྤྱིའི་ཆབ་སྲིད་དབྱེ་ཞིབ་པ་དག་གིས་དཔྱད་བརྗོད་སྣ་ཚོགས་སྤེལ་འདུག ད་དུང་། ཕྱི་ཕྱོགས་ཀྱི་རྒྱ་ཡིག་གསར་ལམ་ཁག་མང་པོ་ཞིག་གིས་ཅང་ཙེ་མིན་གྱིས་ཨུ་རི་སུ་དང་ཁྲིམས་མཐུན་གྲོས་ཆོད་ཆིངས་ཡིག་བཞག་སྟེ། རྒྱ་ནག་ཤར་བྱང་ས་ཁུལ་མང་པོ་ཞིག་ཨུ་རུ་སུར་སྤྲད་ཟིན་པའི་སྐོར་ཀྱང་གླེང་སློང་ཤུགས་ཆེན་པོ་བྱས་འདུག
ཀུ་ཤུ་ཉིན་རེའི་གསར་ཤོག་གིས་སྤེལ་བའི་དཔྱད་བརྗོད་ནང་། ཧུའུ་ཅིན་ཐའོ་ཡིས་ཐེངས་རྗེས་མའི་རྒྱ་ནག་གི་སྲིད་བློན་ལ་མཐུན་ཤོག་ཁག་གི་ལི་ཁི་ཆང་སྐོ་འཐེན་གྱི་དམིགས་ཡུལ་བཟུང་ཡོན་ནའང་། འདས་པའི་ཟླ་འགའི་སྔོན་ལ་ཅང་ཙེ་མེན་ད་ལྟའི་རྒྱ་ནག་ཆབ་སྲིད་ལྷན་ཁང་གི་རྒྱུན་ལས་དགུ་ལ་ཐུག་འཕྲད་བྱས་ཏེ། རྒྱལ་སྲས་ཤོག་ཁག་གི་ཝང་ཀྲི་ཧྲན་ཐེངས་རྗེས་མའི་རྒྱ་ནག་གི་སྲིད་བློན་དང་། པའོ་ཡེ་ལའེ་སྲིད་བློན་གཞོན་པ་དང་པོར་འདེམས་དགོས་པའི་བསམ་ཚུལ་བཏོན་ཏེ། སྐབས་རྗེས་མར་རྒྱ་ནག་གི་ཏང་སྲིད་དམག་གསུམ་གྱི་དབང་ཤུགས་ཡོངས་རྫོགས་ཁོའི་ཕྱོགས་གཏོགས་ཀྱིས་འཛིན་ཐུབ་པའི་འཆར་གཞི་གཏོང་བཞིན་ཡོད་སྟབས། གལ་སྲིད་ཅང་ཙེ་མེན་ཤི་བ་ཡིན་ན་ཐེངས་རྗེས་མའི་དཔོན་རིགས་འདེམས་སྒྲིག་ཐད་བསྐྱར་དུ་དབང་ཆ་འཐབ་རྩོད་གསར་བ་ཞིག་ཡོང་སྲིད་པ་བཀོད་འདུག
དེ་བཞིན། ཨ་རིའི་ཇོར་ཇི་མ་སཱན་གཙུག་ལག་སློབ་ཆེན་(George Mason University)གྱི་འབུམ་རིམ་པ་ཀྲང་ཐིན་ལཱང་གིས་དབྱེ་ཞིབ་བྱས་པ་ལྟར་ན། རྒྱ་གཞུང་གི་སྐབས་རྗེས་མའི་དཔོན་རིགས་གསར་བ་འདེམས་སྒྲིག་ཐད། རྒྱ་ནག་དཔོན་རིགས་ནང་ཁུལ་གྱི་དབང་ཆ་འཐབ་རྩོད་དེ་ད་དུང་ཐག་གཅོད་བྱུང་མེད་སྟབས། ཅང་ཙེ་མེན་ཤི་བ་ཡིན་ན་དཔོན་རིགས་ནང་ཁུལ་གྱི་དབང་ཆ་འཐབ་རྩོད་སྔར་ལས་ཀྱང་ཛ་དྲག་ཏུ་འགྲོ་སྲིད་པ་དང་། ཕྱོགས་གཞན་ཞིག་ནས། ད་ལྟའི་བར་ཅང་ཙེ་མིན་གྱི་ཆབ་སྲིད་གནས་བབ་ལ་གཅིག་མཐུན་གྱི་གདེང་འཇོག་ཅིག་བྱུང་མེད་པས། ལེགས་ཕྱོགས་ནས་གདེང་འཇོག་བྱས་ཚེ་དྲུག་བཞི་དང་ཆོས་འཁོར་རྩ་རླུང་གི་དམར་གསོད་དོན་རྐྱེན་གྱི་ནག་ཉེས་དང་འབྲེལ་ཡོད་བ་དང་། ལྡོག་ཕྱོགས་ནས་གདེང་འཇོག་བྱས་ཚེ་རྒྱ་ནག་གི་ཆབ་སྲིད་ཤོག་ཁག་བར་གཡོ་འགུལ་ཤུགས་ཆེན་པོ་འབྱུང་སྲིད་པའི་ཛ་དྲག་གི་གནས་སྟངས་འབྱུང་སྲིད། ཅེས་བརྗོད་འདུག
ཅང་ཙེ་མེན་ད་ལྟ་ལོ་ ༨༤ ཡིན་ལ། ཕྱི་ལོ་ ༡༩༨༩ ལོའི་དྲུག་བཞིའི་དམར་གསོད་དོན་རྐྱེན་སྐབས་ཀྲའོ་ཙི་ཡང་ལས་གནས་ནས་ཕབས་རྗེས། ཁོས་རྒྱ་ནག་སྲིད་འཛིན་གྱི་གོ་གནས་བཟུང་ཡོད་པ་དང་། ཕྱི་ལོ་ ༢༠༠༤ ལོར་གོ་གནས་ཡོངས་རྫོགས་ཧུའུ་ཅིན་ཐའོ་ལ་རྩིས་སྤྲོད་བྱས་ཟིན་ནའང་། སྐབས་རྗེས་མའི་དཔོན་རིགས་སྐོ་འཐེན་ཐད་ཁོས་དབང་ཤུགས་ཆེན་པོ་བཟུང་ཡོད་པ་རེད།
གསར་འགོད་པ། ཚེ་རིང་རྒྱལ།
ཨོཾ་མ་ཎི་པདྨེ་ཧུྃཿ ཁོང་མི་ཡུལ་དུ་བསྡད་དུས་རྒྱ་ནག་གི་རྩ་རླུང་སྒོམ་སྒྲུབ་ཀྱི་ཚོགས་པ་དེ་རྩ་མེད་བཏང་བ་དེ་མི་ཡུལ་དུ་བཞུགས་དུས་ཀྱི་བྱས་རྗེས་དང་། ད་ཁོང་དམྱལ་ཁམས་བཅོ་བརྒྱད་རྩ་མེད་གཏོང་བར་ཕེབས་ཡིན་པ་འདྲ། ཧ་ཧ་ཧ་ཧ་ཧ་ཧ་ཧ་ཧ་ཧ་་ཧ ཨོཾ་མ་ཎྀ་པདྨེ་ཧུཾཿ
ཨོ་དྲ་གྲོགས་ཚོ་ཅང་ཙེ་མིན་ཤི་སྒུགས་མ་བྱེད་ཕན་ཐོགས་གང་ཡང་མེད།
སྔར་མི་ཚོས་ཏེང་ཞའུ་ཕིན་ཤི་རྒྱུར་སྒུགས་པ་དང་དེ་ལ་འགྱུར་ལྡོག་གང་ཡང་མ་བྱུང་བ་རེད། དེ་ནས་མི་ཚོས་ཧོང་ཀོང་ལེན་དུས་རྒྱ་ནག་འཐོར་ཞིག་ཏུ་འགྲོ་རྒྱུ་རེད་ཟེར་དེ་ལའང་གང་ཡང་མ་བྱུང་བ་རེད། དེ་ནས་མི་ཚོས་ཧུ་ཅིན་ཏའོ་སྲིད་དབང་དུ་སླེབས་དུས་མི་རབས་གསར་པའི་མགོ་ཁྲིད་ཅིག་སླེབས་ན་རྒྱ་ནག་ལ་འགྱུར་ལྡོག་གནམ་ས་བླ་འོག་བརྗེ་བའི་བསམ་ཚུལ་བཏོན་པ་དེ་ལའང་གང་ཡང་བྱུང་མ་སོང། ད་བོད་རེ་བས་འཕོངས་ཟེར་བ་དེ་རེད། དེ་ལས་བོད་ཆིག་སྒྲིལ་ཡོང་ཐབས་དང་མ་འོང་བོད་ཀྱི་གནད་དོན་ཐོག་གང་དང་གང་བྱེད་ན་ལེགས་ཚུལ་གྱི་བསམ་ཚུལ་བཤད་ན་དེ་ཡིས་ཕན་ཐོགས་ཆེན་པོ་འབྱུང། རྒྱ་ནག་གིས་ཏ་ལི་བླ་མ་གྲོངས་རྗེས་བོད་འཐོར་བཤིག་ཏུ་འགྲོ་ངེས་རེད་ཅེས་བཤད་ཀྱི་རེད་དེ་ཡང་ཇབ་ཆུང་གི་བསམ་བློ་རེད། ༧གོང་ས༧་མཆོག་གིས་ད་ལྟ་ནས་མི་རབས་པའི་དབུ་ཁྲིད་དང་དེ་ལ་མཐུ་དཔུང་སྡོང་གྲོགས་བྱེད་མི་སྤྱི་འཐུས་དང་བཀའ་བློན་སོགས་ཕ་ཡིས་བུ་ཡི་མི་ཚེ་ཇི་ལྟར་བསྐྱེལ་མིན་གྱི་ལམ་སྟོན་ཆ་ཚང་ལམ་དུ་བཞག་ཚར་བ་རེད། སྔར་སྟོན་པ་ཤཀ་ཐུབ་འདས་རྗེས་མི་རྣམས་ཀྱི་འཇིག་རྟེན་མུན་ནག་ཆགས་སོང་བ་རེད་ཅེས་བཤད་པ་རེད། ད་ལྟ་འཇིག་རྟེན་མུན་ནག་ཆགས་ཡོད་པ་མ་རེད། འཇིག་རྟེན་མུན་པ་སེལ་བའི་༧གོང་ས༧་མཆོག་སྐུ་དངོས་སུ་བཞུགས་པ་དེ་རེད། དེ་བཞིན་༧གོང་ས༧་མཆོག་ཉིན་ཅིག་ཞིང་ཁམས་གཞན་དུ་གཤེགས་པ་ཡིན་ནའང་ཁོང་གི་ཐུགས་བསྐྱེད་བླ་ན་མེད་པ་ཡིས་བོད་མི་ཚོ་ནམ་ཐུགས་བརྩེ་བས་འདོར་གྱི་མ་རེད། དེ་ཡི་ཚེ་དེ་ཡི་དུས་ན་ཞེས་གཅིག་ཕེབས་ཡོང་གི་རེད།
ཅང་ཙེ་མིན་གྲོངས་ན་གསང་བ་བྱ་དགོས་དོན་ཅི་ཡོད། གཞུང་འབྲེལ་གྱི་མྱ་ངན་ལོས་ཞུ།
དམར་དཔོན་གང་ཞིག་གྲོངས་པ་ལས་དམར་དཔོན་གང་ཞིག་བཀྲོངས་པའི་གནས་ཚུལ་བྱུང་ན་དེ་ནི་དམར་པོའི་དར་ཆའི་འཇིག་ཉེན་དང་འབྲེལ་བའི་བརྡ་ཞིག་ཡིན། ཏང་ལོ་༩༠བར་ཧུའུ་ཅིན་ཐོས་ཏང་དག་ཐེར་ཐད་ཀྱི་གནད་དོན་མི་ཉུང་བ་ཞིག་ཁ་གསལ་བོར་བཤད་པ་དངོས་ཐོག་བདེན་འཚོལ་གྱི་ཆ་ཤས་ཤིག་རེད། འོན་ཀྱང་དོན་དངོས་སུ་ཏང་ཡོན་བྱེ་བ་བདུན་གྱི་ནང་ལ་མི་དམངས་ཀྱི་ཏང་ཡོན་ངོ་མ་ཧ་ཅང་ཉུང་བས་ཏང་གི་སྐྱེས་སྐར་ལ་དགའ་བསུའི་རྣམ་པ་ཇི་ལྟར་སྟོན་ཐབས་བྱས་ཀྱང་ཏང་གི་ཚེ་སྲོག་གི་འཇིག་ཉེན་འདི་སྐྱོབ་ཐབས་བྲལ་བ་ཞིག་ཆགས་ཡོད།
ད་ལྟའི་ཆར་ཀྲུང་གོ་འདི་ཏང་གི་འགོ་ཁྲིད་ལ་རག་ལས་མེད། གཅིག་ནས་དམག་དཔུང་དང། གཉིས་ནས་རྒྱ་རིགས་ཆེན་པོའི་རིང་ལུགས་གཉིས་ལ་བརྟེན་ནས་ཡོད། དེས་ན་ང་ཚོའི་དམག་འཐབ་ཀྱི་གནད་དོན་གཙོ་བོ་གང་ལ་ཐུག་པ་ཤ
ཅང་ཤི་བ་བདེན་པ་ཡིན་ན་རྒྱ་ནག་གི་མ་འོངས་པའི་སྲིད་འཛིན་ཞིས་ཅིན་ཕེན་ཚར་བ་རེད། དེ་བཞིན་ཅང་གི་བུ་ཅང་ཅིན་ཧའེ་ལ་སྲོག་ཁྲིམས་ཡོང་བའི་ཉེན་ཁ་ཡོད་རྒྱུ་རེད་སྙམ།
རྣམ་པ་ལྷན་རྒྱས་ཀྱིས་གཤམ་གསལ་དྲི་བ་ཁག་གཉིས་གཙོར་བཟུང་གིས་རང་གི་བསམ་ཚུལ་རེ་སྤེལ་རོགས།
གཅིག ད་ལྟའི་དུས་ཚོད་འདིར་ཅང་ཙེ་མེན་ཤི་བ་ཡིན་ན་མ་འོངས་པའི་རྒྱ་ནག་གི་སྐབས་བརྒྱད་པའི་དཔོན་རིགས་གསར་བའི་འོས་འདེམས་དང་གཞུང་གི་སྲིད་ཇུས་ལས་འཆར་ཐད་ཤུགས་རྐྱེན་ཐེབས་སྲིད་མིན།
གཉིས། ད་ལྟའི་རྒྱ་གཞུང་དཔོན་རིགས་ནང་ཁུལ་ཤོག་ཁག་བར་གྱི་ཆབ་སྲིད་འགལ་བ་གཙོ་བོ་གང་དག་ཡིན་མིན་དང་། རྒྱ་གཞུང་འཐོར་བཤིག་གི་རྒྱུ་རུ་འགྱུར་སྲིད་པའི་སྤྱི་ཚོགས་ཀྱི་འགལ་བ་གཙོ་བོ་དེ་གང་ཆགས་སྲིད་མིན།
རྒྱ་མི་ཁྱི་ཤ་ཟ་མཁན་དཔོན་རིགས་ཚོར། མའོ་ལག་དམར་ཁོ་ཡང་མ་ཤི་བར་བརྩིས་ན། ཙང་ཙང་མིན་ཤི་འདུག་ལབ་ན། རྒྱ་ནག་དམར་གཞུང་ཡང་སྡུག་ཤི་ཐེབས་རྒྱུ་ཉག་ཅིག་རེད་དོ། དེ་ལས་ཁ་བཙུམ་ནས་བསྡད་ན་ཡག་ག
དྲ་གྲོགས་ལྷན་རྒྱས་ལགས། ཞིབ་ཏུ་བསམ་བློ་ཐོངས་དང་། ལོ་ཚད་དང་ནད་གཞི་གང་ཕྱོགས་ནས་ཅང་ཙེ་མིན་ད་ཐེངས་འདས་གྲོངས་ཡོད་ངེས་རེད། འོན་ཀྱང་རྒྱ་གཞུང་གིས་འཕྲལ་དུ་སྦེད་ཐབས་བྱེད་བཞིན་པ་འདི་བསམ་བློ་གཏང་དགོས་ས་ཞིག་ཆགས་ཡོད་པ་རེད། དེ་ནི་ད་ལྟའི་སྲིད་འཛིན་ཧོ་ཅིན་ཐོ་ཕྱོགས་གཏོགས་ཀྱིས་ཁོ་ལྐོག་གསོད་བྱས་ཡོད་པ་མིན་ནམ་སྙམ་པ་འདི་རེད། ཅང་གིས་ཉེ་སྔོན་གྱིས་ཐེངས་རྗེས་མའི་རྒྱ་གཞུང་གི་དཔོན་རིགས་ཡོང་ཕྱོགས་ལ་ཤུགས་རྒྱག་བཞིན་པར་བལྟས་ན་ད་ཐེངས་ཧོས་ཕྱོགས་གཏོགས་ཚོས་དམར་གསོད་མ་བྱས་ཐབས་མེད་ཀྱི་གནས་སྟངས་མ་ཆགས་ཞེས་ང་ཚོ་སུས་ཀྱང་བཤད་མི་ཐུབ།
ཨོ་ཧཧཧཧཧཧ་་་་ལྷ་མོ་སྐྱབས་ལགས་་་་་བརླབས་ཆེན་གཙོ་མཛད་མའོ་ཀྲུང་ཞིའི་ཤི་སོང་ཡང་དམར་ཕྱོགས་པ་འཐོར་མེད་པས་ཅང་ཙི་མིན་ཤི་བ་ཙམ་དམར་ཕྱོགས་པ་འཐོར་བའི་བརྡ་ཞིག་ཅང་ཡིན་རྒྱུ་མ་རེད། ཨ་ལ་རྩེད་མོ་ཡིན།
ཅང་ཙི་མིན་ཤ་སྟངས་འདི་ལ་དོགས་གཞི་ཡོད་པའི་ཆ་མང་པོ་ཞིག་འདུག་སྙམ། དུག་སྦྲང་གིས་སོ་བརྒྱབས་ནས་ཤི་བ་རེད་ཟེར་བ་དང་་་་ཧཧཧཧཧཧ དེ་འདྲའི་དུག་སྦྲང་དེ་ངར་བ་ལ།
༼ཧུའུ་ཅིན་ཐའོ་ཡིས་ཐེངས་རྗེས་མའི་རྒྱ་ནག་གི་སྲིད་བློན་ལ་མཐུན་ཤོག་ཁག་གི་ལི་ཁི་ཆང་སྐོ་འཐེན་གྱི་དམིགས་ཡུལ་བཟུང་ཡོན་ནའང་། འདས་པའི་ཟླ་འགའི་སྔོན་ལ་ཅང་ཙེ་མེན་ད་ལྟའི་རྒྱ་ནག་ཆབ་སྲིད་ལྷན་ཁང་གི་རྒྱུན་ལས་དགུ་ལ་ཐུག་འཕྲད་བྱས་ཏེ། རྒྱལ་སྲས་ཤོག་ཁག་གི་ཝང་ཀྲི་ཧྲན་ཐེངས་རྗེས་མའི་རྒྱ་ནག་གི་སྲིད་བློན་དང་། པའོ་ཡེ་ལའེ་སྲིད་བློན་གཞོན་པ་དང་པོར་འདེམས་དགོས་པའི་བསམ་ཚུལ་བཏོན་ཏེ། སྐབས་རྗེས་མར་རྒྱ་ནག་གི་ཏང་སྲིད་དམག་གསུམ་གྱི་དབང་ཤུགས་ཡོངས་རྫོགས་ཁོའི་ཕྱོགས་གཏོགས་ཀྱིས་འཛིན་ཐུབ་པའི་འཆར་གཞི་གཏོང་བཞིན་ཡོད་སྟབས། གལ་སྲིད་ཅང་ཙེ་མེན་ཤི་བ་ཡིན་ན་ཐེངས་རྗེས་མའི་དཔོན་རིགས་འདེམས་སྒྲིག་ཐད་བསྐྱར་དུ་དབང་ཆ་འཐབ་རྩོད་གསར་བ་ཞིག་ཡོང་སྲིད་པ་རེད་༽ཞེས་པའི་སྐད་ཆ་ལ་དཔྱད་ན་གོང་ཁྲན་ཏང་མི་ནང་ཁུལ་དུ་ཕྱོགས་ཁ་གཉིས་ཀྱིས་གོ་གནས་འཐབ་རྩོད་ཤིག་ཡོང་བའི་རེ་བ་འདྲ་མེད་འགྲོ
མ་ཟད་ཅང་ཙི་མེན་ཤི་སྟངས་དེ་ཡང་ཁྱད་མཚར་ཞིག་རེད། དུག་སྦྲང་ཞིག་གིས་སོ་བརྒྱབས་ནས་ཤི་པ་རེད་ཟེར་དང་་་་་རྒྱ་ནག་ཕྱི་འབྲེལ་གསར་ཁང་གི་དཔོན་རིགས་ཧུང་ཧྲི་ཡིས་གནས་ཚུལ་དེ་གོ་ཐོས་མ་བྱུང་སྐོར་བརྗོད་ཡོད་པ་སོགས་སུ་བལྟས་ན་དུག་སྦྲང་གི་བསད་པ་ཡིན་དང་ནང་ཁུལ་གྱིས་བསད་པ་ཡིན་སུ་ཡིས་བཤད་ནུས་སམ།
ནད་པ་ལགས་་་་་་་གོང་ཁྲང་ཏང་མི་ཁྲི་ཚོ་བརྒྱད་ཀྱིས་ཕ་རྒྱུད་བུ་མཐུད་བྱས་ནས་གོ་གནས་ཟིན་བསྡད་ཀྱི་ཡོད་རེད། མ་གཏོགས་ཤེས་ཡོན་ཡོད་མེད་དང་འཇོན་སྟངས་ཡོད་མེད་བལྟ་གི་མ་རེད། གནས་ཚུལ་དེ་ལ་བརྟེན་ནས་མི་སེར་དུང་ཕྱུར་༡༣་ཡིས་སེམས་སུ་སྨྲ་ཁ་བཟོས་པ་རེད།
ཀྲུང་གོ་རྒྱལ་ཁབ་འདི་ཏང་མི་ཁྲི་ཚོ་བརྒྱད་ཀྱི་རྒྱལ་ཁབ་ཡིན་པ་ལས་མི་དམངས་དུང་ཕྱུར་༡༣་གྱི་རྒྱལ་ཁབ་མིན་པ་ཡང་གསལ་པོ་དག་པོ་རེད། དེར་བརྟེན་ཏང་མི་ཁྲི་ཚོ་བརྒྱད་ཀྱི་ཁ་གཏད་ཏུ་མི་སེར་དུང་ཕྱུར་༡༣་ཡོད་པས་གོང་ཁྲན་ཏང་རྒྱུན་རིང་པོ་གནས་ཀྱི་ཁག་པོ་རེད་སྙམ།
ཆབ་བྲག་ལྷ་མོ་ལགས་ཀྱིས་ད་ལྟའི་ཀྲུང་གོ་འདི་ཏང་གི་འགོ་ཁྲིད་ལ་རག་ལས་མེད་ཅེས་བཤད་པ་དེ་རྒྱ་ནག་གི་ཆབ་སྲིད་ཤེས་ཀྱི་མེད་པའི་སྐད་ཆ་ཞིག་ཡིན།
སྤྱི་ལོ་ ༡༩༨༠ ཟླ་༠༡ ཚེས་ ༡༦ ཏིང་ཞའོ་ཕིན་གྱིས་མིག་སྔའི་གནས་བབ་དང་ལས་འགན་ཞེས་པའི་ཐོག་གསལ་བཤད་གཅིག་བྱས་པའི་ནང་དུ་འདི་ལྟ་སྟེ། རྒྱུན་འཁྱོངས་བཞི་ཞེས་པ་དེ་སྤྱི་ཚོགས་རིང་ལུགས་དང་། མལ་ལེ་རིང་ལུགས། འབྱོར་མེད་གྲལ་རིམ། ཏང་གི་འགོ་འཁྲིད་རྒྱུན་འཁྱོངས་བཅས་ཡིན་ལ་དེའི་ནང་དུ་ཏང་གི་འགོ་ཁྲིད་རྒྱུན་བྱེད་རྒྱུ་ནི་ལྟེ་བའི་སྲོག་ཤིང་ཡིན་ཞེས་བཤད་ནན་བཤད་བྱས་ཡོད།
སྐབས་དེའི་ཚང་འཛོམས་གྲོས་ཐོག་ཁྲེན་ཡུན་གྱིས་བཤད་པའི་གཏམ་བཤད་ལས་ཀྱང་གུང་ཁྲན་ཏང་མེད་ན་ཀྲུང་གོའི་སྤྱི་ཚོགས་རུང་ལུགས་དང་། ཆབ་སྲིད་བརྟན་ལྷིང་། དཔལ་འབྱོར་འཛོགས་སྐྲུན། དངོས་པའི་དཔལ་ཡོན། བསམ་པའི་དཔལ་ཡོན། བཅོས་བསྒྱུར་སྒོ་འབྱེད་སོགས་ཡོང་ཐབས་ཐབས་མེད་ཅེས་བཤད་ཡོད།
ད་དུང་ཏིང་ཞའོ་ཕིན་གྱིས་མའོ་ཙེ་ཏུང་གིས་མི་ལ་སྙིང་སྟོབས་ཏོག་ཙམ་དགོས་ཀྱི་རེད། ཅེས་གསུངས་གནང་བ་མ་ཟད་ལོ་ངོ་ ༥༠ རིང་ཁྲག་དྲི་བྲོ་བའི་དམག་ཐབས་དང་། འཐབ་རྩོད། ལེ་བར་ཉི་ཁྲི་བརྒྱད་སྟོང་གི་རྒྱང་བསྐྱོད་དང་། གུན་མིན་ཏང་གི་དམག་དཔུང་ཁྲི་ཚོ་མང་པོ་ལས་རྣམ་པར་བརྒྱལ་ཏེ་གུང་ཁྲན་ཏང་རྩ་འཛུགས་བྱེད་ཐུབ་མཁན་ནི་ང་ཚོའི་ཏང་མ་གཏོགས་མེད་ཅེས་གསལ་བཤད་བྱས་ཡོད།
ཉེ་བའི་ཆར་ལོ་ ༩༠ འཁོར་བའི་སྐབས་སུ་ཝུ་ཅིན་ཐོའི་ཡིས་ཀྱང་ཏིང་ཞའོ་ཕིན་གྱིས་བཏོན་པའི་བཅོས་བསྒྱུར་སྒོ་འབྱེད་དང་ཚན་རིག་དང་མཐུན་པའི་གོང་འཕེལ་ལྟ་བ་སོགས་ཀྱི་གནད་འགག་མང་པོ་གསལ་བཤད་བྱས་ཡོད།
ཐེངས་འདིར་ཅང་ཙེ་མིན་ན་ནས་ཤི་བའི་གནས་ཚུལ་ཐོན་ནའང་གུང་ཁྲན་ཏང་ལ་དཀའ་ངལ་འཕྲད་དེ་ཏང་འཐོར་ཞིག་ཏུ་འགྲོ་རྒྱུ་སོགས་གང་ཡང་མེད། གང་ཡིན་ཟེར་ན་ལོ་ ༩༠ འཁོར་བའི་སྐབས་འདིར་ང་ཚོའི་ཏང་འདི་ཏང་ཡོན་ཁྲི་ཚོ་ ༨༠ ལྷག་ཡོད་པ་མ་ཟད་ཏང་གི་རྩ་འཛུགས་དང་འཛམ་གླིང་ནང་མི་འབོར་ དུང་ཕྱུར་ ༡༣ ལྷག་ཡོད་པའི་ཏང་གི་རྩ་འཛུགས་ཆེ་ཤོས་གྲས་ཤིག་ཡིན་ཞེས་གལས་བཤད་ཐིལ་ཕྱིན་བྱས་ཡོད།
རྒྱ་ནག་གིས་བོད་ཀྱི་༸ གོང་ཏྰ་ལའི་བླ་མ་མཆོག་སྐུ་གཤེགས་རྒྱུའི་རེ་བ་དང་། བོད་པས་ཅང་ཙེ་མིན་སོགས་ཏང་གི་འགོ་ཁྲིད་འགའ་ཤས་སྐུ་གཤེགས་རྒྱུའི་རེ་བ་བཅངས་པ་དེར་དོན་དངོས་ཐོག་ཕན་ཚུན་གཉིས་ཀས་ཅོལ་ཆུང་གི་བསམ་བློ་གཏོང་བཞིན་ཡོད་པ་རེད།
ཡིན་ནའང་ཁ་གསལ་པོར་བཤད་ན་བོད་ཀྱི་བླ་ན་མེད་པའི་༸ གོང་ས་མཆོག་སྐུ་གཤེགས་པའི་གནས་ཚུལ་བྱུང་ན་བོད་མི་རིགས་འདིའི་ད་ལྟའི་གནས་བབ་ལ་ནམ་ཡང་ཁ་གསོབ་བྱེད་ཐབས་མེད་པའི་གྱོང་གུན་ཚངས་ཆེན་ཞིག་དང་། བོད་མིའི་སེམས་ཤུགས་དང་། ཆིག་བསྒྲིལ། ནུས་ཤུགས་སོགས་ཕྱོགས་གང་ས་ནས་ཉམས་ཉེས་སུ་འགྲོ་རྒྱུ་དངོས་ཡོད་གནས་ཚུལ་ཞིག་ཡིན་ཡང་རྒྱ་ནག་གི་ཅང་ཙེ་མིན་སྐུ་གཤེགས་ན་རྒྱ་ནག་སྟོབས་ཆེན་འདིའི་ཆབ་སྲིད་དང་དཔལ་འབྱོར་སྤྱི་ཚོགས་སོགས་ལ་དེ་ཙམ་གྱིས་ཕམ་ཉེས་འགྲོ་རྒྱུའི་གནད་དོན་མེད།
བོད་ཀྱི་ཤ་ཁྲག་མཐུང་མཁན་གྱི་སྤྱང་རྒན་ཞིག་གི་ཅེ་ཉུང་དུ་སོང་ན། ངོ་མ་སྤྲོ་བ་ཞིག་རེད།
ཅང་ཙེ་མིན་གྲོངས་ན་གསང་བ་བྱ་དགོས་དོན་ཅི་ཡོད། གཞུང་འབྲེལ་གྱི་མྱ་ངན་ལོས་ཞུ།
དམར་དཔོན་གང་ཞིག་གྲོངས་པ་ལས་དམར་དཔོན་གང་ཞིག་བཀྲོངས་པའི་གནས་ཚུལ་བྱུང་ན་དེ་ནི་དམར་པོའི་དར་ཆའི་འཇིག་ཉེན་དང་འབྲེལ་བའི་བརྡ་ཞིག་ཡིན། ཏང་ལོ་༩༠བར་ཧུའུ་ཅིན་ཐོས་ཏང་དག་ཐེར་ཐད་ཀྱི་གནད་དོན་མི་ཉུང་བ་ཞིག་ཁ་གསལ་བོར་བཤད་པ་དངོས་ཐོག་བདེན་འཚོལ་གྱི་ཆ་ཤས་ཤིག་རེད། འོན་ཀྱང་དོན་དངོས་སུ་ཏང་ཡོན་བྱེ་བ་བདུན་གྱི་ནང་ལ་མི་དམངས་ཀྱི་ཏང་ཡོན་ངོ་མ་ཧ་ཅང་ཉུང་བས་ཏང་གི་སྐྱེས་སྐར་ལ་དགའ་བསུའི་རྣམ་པ་ཇི་ལྟར་སྟོན་ཐབས་བྱས་ཀྱང་ཏང་གི་ཚེ་སྲོག་གི་འཇིག་ཉེན་འདི་སྐྱོབ་ཐབས་བྲལ་བ་ཞིག་ཆགས་ཡོད།
ད་ལྟའི་ཆར་ཀྲུང་གོ་འདི་ཏང་གི་འགོ་ཁྲིད་ལ་རག་ལས་མེད། གཅིག་ནས་དམག་དཔུང་དང། གཉིས་ནས་རྒྱ་རིགས་ཆེན་པོའི་རིང་ལུགས་གཉིས་ལ་བརྟེན་ནས་ཡོད། དེས་ན་ང་ཚོའི་དམག་འཐབ་ཀྱི་གནད་དོན་གཙོ་བོ་གང་ལ་ཐུག་པ་ཤེས་སམ།
རྒྱ་ནག་གི་སྲིད་འཛིན་ཟུར་བ་ཅུང་ཙམ་མིན་སྐུ་གཤེགས་དུས་ཐུགས་དམ་ཏིང་ངེ་འཛིན་ལ་བཞུགས་འདུག་ཟེར། ད་དུང་ཏིང་ངེ་འཛིན་ནས་གྲོལ་མི་འདུག་པས་རྒྱ་གཞུང་གིས་རེ་ཞིག་ཁོང་ཤི་མེད་ཚུལ་བརྗོད་དེ་གསང་བ་བྱས་བ་རེད།
སྙིང་རྗེ་་་་་་་་་་་་་་་་་་་་་་
ནམ་འཆི་དུས་ལ་ངེས་པ་མེད། །
སྐྱེ་བའི་མཐའ་མ་འཆི་བ་ཉིད། །
མི་རྟག་སྒྱུ་མའི་མི་ཡུལ་འདི། །
མ་འཆི་སུ་ཡང་འདུག་ས་མེད། །
ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ
འཕགས་མཆོག་ཕྱག་ན་པད་མོའི་ཐུགས་རྗེ་ཡིས། །
བྱང་ཆུབ་སེམས་ཀྱི་སེམས་མཆོག་རབ་བསྒོམས་ནས། །
རྒྱ་དམར་གཞུང་གི་མགོ་འཛིན་མིང་ཅན་པ། །
དག་པའི་ཞིང་དུ་འདེྲན་པའི་གསོལ་བ་འདེབས། །
བྱང་ཆུབ་སེམས་མཆོག་རིན་པོ་ཆེ། །
མ་སྐྱེས་པ་རྣམས་སྐྱེས་གྱུར་ཅིག། །
སྐྱེས་པ་ཉམས་པ་མེད་པ་ཡང་། །
གོང་ནས་གོང་དུ་འཕེལ་བར་ཤོག་་་་་་་་་་་་་་་་་་་་་་་
ངོ་མ་སྐྱེ་བའི་མཐའ་མ་འཆི་བ་ཟེར་པ་འདི་འདྲ་ཞིག་རེད་ད་ལྟ་བར་དུ་ལས་རྒྱུ་འབྲས་རྣོག་ནས་ད་བར་མི་ཚེ་སྐྱེལ་བ་རེད་དེ་རིང་ནས་འཇུག་རྫོགས་པ་རེད་ཧ་ཀྱང་ཐབ་སྐྱོ་བོ་རེད་སྙིང་རྗེ་རེད།
ཅང་ཙེ་མིན་འདས་གྲོངས་སུ་ཕྱིན་པ་ནི་མི་རྟག་པའི་ཆོས་ཉིད་རེད། ཡིན་ན་ཡང་དེ་ལ་ནངཔ་ཞིག་ཡིན་པའི་ཆ་ནས་སྨོན་ལམ་ངན་པ་འདེབས་པ་དེ་ནོར་འཁྲུལ་རེད
སྐྱེས་ནས་འཆི་བའི་རང་བཞིན་ཏེ།
མི་རྟག་རྒྱུད་ལ་སྐྱེ་བར་བྱིན་གྱིས་རློབས།
རྒྱ་མི་ཞིག་ཤི་རྒྱུར་སྒུགས་ནས་ཕན་ཐོགས་མེད།
དེ་ལས་རང་གིས་འཇོན་ཚོད་ཀྱིས་བདེན་མཐའ་ལ་འབོད།
སྙིང་རྗེ་བདེ་བ་ཅན་དུ་སྐྱེ་བར་ཤོག
ཧོང་ཀོང་གི་ATVཡིས་བསྒྲགས་པའི་གསར་འགྱུར་དེ་ནི་ཕལ་ཆེར་བདེན་པ་མི་པ་འདྲ།
ཨོྃ་མ་ཎི་པདྨེ་ཧཱུྃཿ ཐར་ལམ་ཐོབ་པར་ཤོག ང་ཚོའི་བདེ་སྡུག་ཁྱེད་ཀྱིས་ཕྱི་མའི་ཡུལ་ནས་མྱོང་བར་ཤོག ཧ་་་ཧ་་་ཧ་་ཅང་ཚི་མེན་་་་ལག་གཉིས་ཐལ་མོ་སྦྱར་ནས་དགའ་བསུ་ཞུ།
སྐྱེས་པའི་ཐ་མ་འཆི་བ། དེ་ཧོ་ཅིན་ཐོ་ཡིན་ན་འགྲིགས་ཡོད། ཅང་ཡིན་ནའང་མ་འགྲིགས་པ་མེད། ད་བར་མི་དགེ་བ་རྐྱང་རྐྱང་བྱས་བསྡད་པ་རེད། སྐྱེ་བ་རྗེས་མར་ང་ཚོར་ངེས་པར་དུ་ཁྲག་དང་། རོ་སྐྱིན་སྟེར་དགོས།
འོ་ད་ཡིན་ན། ཁོང་དམྱལ་ཁམས་བཅོ་བརྒྱད་ནས་སྐྱེ་བར་ཤོག།