སེར་བྱེས་ཏྲེ་ཧོར་ཁང་ཚན་གྱི་གྲྭ་པདྨ་ཚེ་དབང་ལགས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན། ཟླ་འདིའི་ཕྱི་ཚེས་ ༥ ཉིན་དཀར་མཛེས་རྫོང་མི་དམངས་ཁྲིམས་ཁང་གིས་དཀར་མཛེས་ལྷོ་བ་ཞང་ཁ་དཀར་གྲོང་ཚོའི་རང་ལོ་ ༡༩ ཡིན་པའི་བསོད་ནམས་ཆོས་རྒྱལ་ལགས་དང་བསོད་ནམས་ཉི་མ་ལགས་གཉིས་ལ་ལོ་ ༣ རེའི་ཁྲིམས་ཐག་བཅད་དེ། ད་ཆར་བྲག་མགོ་རྫོང་གི་བཙོན་ཁང་ཞིག་ཏུ་བཙོན་འཇུག་བྱས་ཡོད་འདུག
ཁོང་གཉིས་ཟླ་སྔོན་མའི་ཕྱི་ཚེས་ ༢༤ ཉིན་དཀར་མཛེས་རྫོང་གི་ཁྲོམ་གཞུང་དུ་སྐད་འབོད་བྱས་པར་བརྟེན་རྒྱ་གཞུང་གིས་འཛིན་བཟུང་བྱས་པ་ཞིག་ཡིན་འདུག དེ་བཞིན། ཕྱི་ཟླ་ ༦ པའི་ཟླ་མགོ་ནས་བཟུང་ཁོང་གཉིས་གཙོས་པའི་དཀར་མཛེས་རྫོང་གི་ཁྲོམ་གཞུང་དུ་ཞི་རྒོལ་བྱེད་མཁན་བོད་མི་ ༡༣ ལ་བསྟུད་མར་ཁྲིམས་ཐག་བཅད་ཡོད་ཚུལ་ཡང་འདུག
གཞན། ཟླ་འདིའི་ཕྱི་ཚེས་ ༥ ཉིན་ཁམས་དཀར་མཛེས་རྫོང་གི་འབྲེལ་ཡོད་ལས་བྱེད་དང་ཉེན་རྟོག་པ་ཁག་ཅིག་ཞི་གསེར་ཞང་ཏུ་ཡོང་སྟེ། འདས་པའི་ལོ་དུ་མའི་རིང་རྒྱ་གར་ནས་ཕྱིར་ཏྲེ་ཧོར་བཀྲ་ཤིས་དར་རྒྱས་དགོན་དུ་ལོག་ཡོད་པའི་དགེ་འདུན་པ་རྣམས་བསྡུ་རུབ་བྱས་ཏེ་གྲྭ་བ་གཞན་རྣམས་ཕྱིར་བཏང་ཡོད་ཀྱང་། རང་ལོ་ ༣༥ ཡིན་པའི་ཞི་གསེར་ཞང་རུ་མདའ་གྲོང་ཚོའི་གྲྭ་བློ་བཟང་ཆོས་འབྱོར་དང་། རང་ལོ་ ༤༨ ཡིན་པའི་ཞི་གསེར་ཞང་ཟིན་བེན་གྲོང་ཚོའི་གྲྭ་བྱམས་པ་དབང་ཕྱུག་གཉིས་ཕྱིར་བཏང་མེད་པ་མ་ཟད། དཀར་མཛེས་རྫོང་ཉེན་རྟོག་ལས་ཁུངས་ཀྱི་ད་ལྟའི་ཆར་ཡང་ཁོང་ལ་རྒྱུ་རྐྱེན་ཅི་ཡིན་གསལ་བཤད་མེད་པར་བཀག་ཉར་བཙོན་འཇུག་བྱས་ཡོད་འདུག
གསར་འགོད་པ། དོན་གོ
ངོ་མ་དཔའ་འཛངས་སྙིང་སྟོབས་ནི་གླེང་རིན་ཡོད་པ་ཞིག་རེད། དམར་གཞུང་གི་དྲག་ལས་གང་འདྲ་བྱས་ན་བོད་མི་ཚོས་བཟོད་སྲན་སྙིང་སྟོབས་སྐྱེད་ནས་འབད་ངས་རེད། དོན་དམ་དཔའ་མངོམ་ས་དེ་ནོར་འདུག་འདིར་འགའ་ཤས་ཞིག་གི་དཔའ་མངོམ་གྱི་འདུག་དེ་ནི་ནོར་འཕྲུལ་ལྟ་བུ་ཡིན་པ་དངོས་ཟིན་ན་ཡག་པོ་རེད། ཁྱེད་ཚོའི་གནས་སྟངས་ལ་རྒྱབ་སྐྱོར་ཡོད།
དཀར་མཛེས་་བུ་དང་བུ་མོ་རྣམས་ལ་བློ་ཁོག་འདུག་རྡ།
really thanks my brothers and sisters.
ཁམས་དཀར་མཛེས་ཀྱི་སྤུན་ཟླ་རྣམས་ལ་བློ་ཁོག་འདུག