གཟའ་ཉི་མའི་ཉིན་ཞིན་ཅང་ཧི་ཐེན་གྲོང་ཁྱེར་དུ་ཡུ་གུར་མི་མང་གིས་ངོ་རྒོལ་ཁྲོམ་སྐོར་གནང་སྐབས། རྒྱ་དམག་གིས་མེ་མདའ་བརྒྱབ་སྟེ་ཡུ་གུར་བ་ ༢༠ དམར་གསོད་བཏང་འདུག
ཕྱི་ཚེས་ ༡༧ ཉིན་ཞིན་ཅང་ཧི་ཐེན་གྲོང་ཁྱེར་ནང་། ཡུ་གུར་མི་མང་གིས་རང་བཙན་འཕྲེད་དར་དང་འབོད་ཚིག་བསྒྲགས་ཏེ་རྒྱ་གཞུང་ལ་ཞི་བའི་ངོ་རྒོལ་ཁྲོམ་སྐོར་བྱས་སྐབས། རྒྱ་གཞུང་གི་དམག་མིས་རྒྱབ་ཕྱོགས་ནས་འཇབ་རྒོལ་གྱིས་མི་ཚོགས་ཁྲོད་མེ་མདའ་བརྒྱབ་ཏེ་མི་ ༦ བསད་པ་དང་། མི་ ༡༢ ལ་རྨས་སྐྱོན་བཟོས་ཏེ་བཙན་གནོན་བྱས་འདུག
ཉིན་གུང་ཆུ་ཚོད་ ༡༢ སྟེང་ཡུ་གུར་བ་སྐོར་ཞིག་གིས་ལག་ཏུ་སྟར་གྲི་དང་ལྕགས་མདུང་སོགས་བཟུང་སྟེ། ནའེ་ཨར་པཱ་ཀི་སྲང་ལམ་གྱི་རྒྱ་ནག་ཉེན་རྟོག་ཁང་ཞིག་ལ་རྒོལ་གཏོར་བྱས་ཏེ། དམག་མི་ ༢ དང་ལས་བྱེད་ ༢ བཅས་མི་ ༤ དམར་གསོད་བཏང་ཡོད་པ་དང་། གཞན་རྒྱ་དམག་ ༡ ལ་རྨས་སྐྱོན་བཟོས་ཡོད་འདུག སྐབས་དེར་རྒྱ་ནག་དྲག་དམག་དང་ཉེན་རྟོག་པ་མང་པོས་ངོ་རྒོལ་བ་ཚོའི་མཐའ་སྐོར་ཞིང་མེ་མདས་བརྒྱབ་སྟེ། ཡང་བསྐྱར་ཡུ་གུར་བ་ ༡༤ དམར་གསོད་བཏང་ཡོད་འདུག
རྒྱ་ནག་གཞུང་འབྲེལ་ཞིན་ཧྭ་དྲ་བའི་སྟེང་གནས་ཚུལ་སྤེལ་བ་ལྟར་ན། དྲག་སྤྱོད་མི་སྣ་སྐོར་ཅིག་གིས་ཆུ་ཚོད་གཅིག་རིང་ཉེན་རྟོག་ལུས་ཁུངས་ལ་གཏོར་རྒོལ་བྱས་ཏེ། ཉེན་རྟོག་པ་ ༢ ཚུད་པའི་མི་ ༤ བསད་པ་དང་། མི་གཅིག་ལ་རྨས་སྐྱོན་བཟོས་པར་བརྟེན། དྲག་ཆས་ཉེན་རྟོག་དམག་མིས་འགེབས་སྲུང་ཕར་རྒོལ་བྱས་ཏེ་གཏའ་མར་བཟུང་བའི་མི་ ༦ གི་སྲོག་སྐྱབས་ཤིང་། དྲག་སྤྱོད་པ་ ༡༣ འཛིན་བཟུང་དང་། གཅིག་ལ་རྨས་སྐྱོན་བཟོས་ཡོད་སྐོར་བརྗོད་འདུག ཡིན་ནའང་། དོན་རྐྱེན་དེའི་འབྱུང་རྐྱེན་སྐོར་ད་སྔ་གསལ་ཁ་མི་འདུག
ས་གནས་ཡུ་གུར་བ་ཞིག་གིས་གསར་ལམ་ཁག་ཏུ་བརྗོད་པ་ལྟར་ན། ཐོག་མར་ཡུ་གུར་མི་མང་གིས་སྲང་ལམ་དུ་ཞི་བའི་ངོ་རྒོལ་སྐད་འབོད་བྱེད་སྐབས། རྒྱ་དམག་གིས་རྒྱབ་ཕྱོགས་ནས་འཇབ་རྒོལ་གྱིས་མི་ཚོགས་ཁྲོད་མེ་མདའ་བརྒྱབ་སྟེ་དྲག་གནོན་བྱས་སྟབས། ཉེན་རྟོག་ལས་ཁུངས་ལ་ཕར་རྒོལ་བྱས་པའི་དོན་རྐྱེན་དེ་བྱུང་བ་ཡིན་འདུག འཇར་མན་དུ་རྟེན་གཞི་བྱས་པའི་འཛམ་གླིང་ཡུ་གུར་མཐུན་ཚོགས་ཀྱིས་ཀྱང་། ཕྱི་ཚེས་ ༡༩ ཉིན་གསར་ལམ་ཁག་ཏུ་རྒྱ་དམག་གིས་ཞི་བའི་ངོ་རྒོལ་སྐད་འབོད་གནང་མཁན་གྱི་ཡུ་གུར་བའི་ཐོག་མེ་མདའ་བརྒྱབ་ཏེ། མི་ ༢༠ དམར་གསོད་དང་། མི་ ༣ སྲོག་ཉེན་གྱི་རྨས་སྐྱོན། གཞན་མི་ ༡༢ ཚད་གཞི་མི་འདྲ་བའི་རྨས་སྐྱོན་བཟོས་ཡོད་པར་མ་ཟད། ཚེས་ ༡༨ གྱི་ཕྱི་དྲོ་ནས་ཚེས་ ༡༩ ཉིན་གུང་བར་ཡུ་གུར་བ་ ༧༠ ལྷག་འཇུ་བཟུང་བྱས་ཡོད་པ་དང་། ད་ལྟ་ཡུ་གུར་མི་མང་གིས་ས་གནས་གྲོང་ཁྱེར་ཁུལ་གཙོས་པའི་མའོ་ཡའེ་རྫོང་དང་། ཧི་ཐེན་རྫོང་བཅས་ཀྱི་ནང་འཇུ་བཟུང་བཀག་ཉར་བྱས་པའི་ཡུ་གུར་བ་རྣམས་ཀློད་དགོས་པའི་འབོད་སྐུལ་ཡིག་ཆ་མང་པོ་བཀྲམས་ཡོད་སྐོར་བརྗོད་འདུག
འཛམ་གླིང་ཡུ་གུར་མཐུན་ཚོགས་ཀྱི་མགྲིན་ཚབ་པ་ཏིས་ལིས་ཞཱ་ཐིས་ལགས་ཀྱིས། རྒྱ་དམག་གིས་ཞི་བའི་ངོ་རྒོལ་བ་རྣམས་ཀྱི་ཐོག་དྲག་གནོན་བྱས་པར་བརྟེན་ཛ་དྲག་གི་གནས་ཚུལ་དེ་བྱུང་ཞིང་། ཐེངས་འདིའི་དོན་རྐྱེན་གྱི་འབྱུང་རྐྱེན་གཙོ་བོ་གཉིས་ནི། གཅིག་ནས་རྒྱ་གཞུང་གིས་དུས་རྒྱུན་དུ་ཧི་ཐེན་ས་ཁུལ་གྱི་ཡུ་གུར་མང་ཚོགས་ལ་སྔོག་བཤེར་བཀག་སྡོམ་དང་། འཇུ་བཟུང་གཅར་རྡུང་བྱེད་བཞིན་ཡོད་པའི་རྐྱེན་དང་། གཉིས་ནས་རྒྱ་གཞུང་གིས་ཞིན་ཅང་འཛུགས་སྐྲུན་རོགས་སྐྱོར་ཞེས་པར་ཁ་གཡར་ཏེ། རྒྱ་ནག་གི་ཁེ་ལས་བཟོ་ཚོང་མང་པོ་ཡུ་གུར་བའི་ས་ཐོག་ཏུ་གནས་སྤོར་གྱིས། ས་གནས་མི་མང་གི་ལག་ནས་ས་ཆ་བཙན་འཕྲོག་བྱས་ཏེ། ཡུ་གུར་བ་རྣམས་རང་ཡུལ་ནས་མཐའ་འདེད་གཏོང་བཞིན་པར་བརྟེན། ས་གནས་ཡུ་གུར་མི་མང་རྣམས་ཐབས་ཟད་འུ་ཐུག་ཏུ་གྱུར་ཏེ་ངོ་རྒོལ་བྱུང་བ་ཞིགཡིན་པ་བརྗོད་འདུག
ད་ལྟ་ཧི་ཐེན་གྲོང་ཁྱེར་ཡོངས་ལ་རྒྱ་དམག་ཕོན་ཆེན་འགྲེམས་འཇོག་དང་། མི་ཚང་རེ་རེར་སྔོག་བཤེར་གྱིས་དམ་དྲག་བྱེད་བཞིན་པར་མ་ཟད། ལག་ཁྱེར་ཁ་པར་དང་གནས་འཕྲིན་དྲ་རྒྱའི་བརྒྱུད་ལམ་ཚང་མར་བཀག་སྡོམ་བྱས་ཡོད་འདུག
༢༠༠༩ ལོའི་ཞིན་ཅང་ཝུ་རོ་མུའུ་ཆི་ ༧ ་ ༥ ཡར་ལངས་སྐབས། རྒྱ་གཞུང་གིས་ཡུ་གུར་བ་ ༢༠༠ ལྷག་དམར་གསོད་བཏང་ཡོད་པ་རེད།
གསར་འགོད་པ། ཚེ་རིང་རྒྱལ།
གསར་འགྱུར་འདི་ཚོ་བྲག་ཅ་ཡོད་པ་ཞིག་རེད་ལ། ཡུ་གུར་རིགས་རང་སྐྱོང་ལྗོངས་དང་། ནང་སོག་རང་སྐྱོང་ལྗོངས། ཧོས་རིགས་རང་སྐྱོང་ལྗོངས། ཀྲོང་རིགས་རང་སྐྱོང་ལྗོངས། བོད་རང་སྐྱོང་ལྗོངས་བཅས་ལྔ་ནི། གུང་ཁྲན་གྱི་དབང་སྒྱུར་སྲིད་ཇུས་ཐད་ལ་དཀའ་ངལ་ཆེན་པོ་ཞིག་འཕྲད་དེ། རང་སྐྱོང་བཟོས་པ་མ་གཏོགས་མི་རིགས་ཀྱི་བདེ་སྡུག་ལ་བལྟས་ནས་བྱེད་ཐབས་བཟུང་པ་ཞིག་རྩ་བ་ནས་མིན། དེར་བརྟེན་ད་དུང་ཡང་དཀའ་སྡུག་མུ་མཐུད་མྱོང་བཞིན་པའི་ཁྲོད་སྡུག་ལངས་དེ་དག་བྱེད་ཀྱིན་ཡོད། ལེ་ཚན་འདིར་མི་རིགས་དེ་དག་གདོང་ལེན་འཐབ་ཕྱོགས་གཅིག་གྱུར་གྱི་ལེའུ་གསར་པའི་སྒོ་མོ་ཞིག་ག་རེ་བྱས་ནས་ཕྱེ་ཐུབ་ཀྱི་མེད་པ་རེད། ཅེས་པའི་དྲི་བ་ངང་གིས་ཐོན་ཡོང་བ་ཞིག་མ་རེད་པས། ཨ་་་་་་་་་་་་་་་་་་་
གང་ལྟར་མི་རིགས་ཤིག་གི་བདེ་སྡུག་གི་ཆེད་ཡིན་དུས་གནས་སྟངས་འདྲ་མིན་ཞིག་འབྱུང་གི་ཡོད་པ་དངོས་ཡོད་རེད། ཡིན་ཡང་མི་རིགས་ཤིག་དཀའ་སྡུག་ལས་སྐྱོབ་དགོས་ན་དེ་ལ་བཟོས་སྲན་བྱེད་དགོས་པ་དང་དྲག་པོ་བྱེད་དགོས་པ་ཞི་བ་བྱེད་དགོས་པ་སོགས་གང་མང་ཞིག་ཡོད་ངེས་སོང་ཙང་། འདི་འདྲ་གནས་སྟངས་སོགས་ཡོང་སྲིད་པ་ཞིག་རེད་གང་ཡིན་ཞེ་ན་རྒྱ་ནག་དམར་གཞུང་གི་དུས་རྟག་ཏུ་དྲག་པོས་ལས་ལ་འགྲོ་རྒྱུ་ལས་ཞི་བ་ཟེར་པ་ནི་རྨི་ལམ་རེད། གནས་སྟངས་དེ་འདྲ་ཡིན་དུས་འདི་འདྲ་ཡོང་གི་རེད་བློ་ཕམ་མ་བྱེད་མུ་མཐུད་དུ་དྲང་བདེན་གྱི་ལས་ལ་འགྲོ་འུ་ཐུབ་ལྟ་རྒྱུ་གལ་ཆེན་རེད། ཡུ་གུར་པ་རྒྱལ་ལོ། བོད་རྒྱལ་ལོ། དཀའ་སྡུག་དང་བཙན་གནོན་འོག་ཏུ་ཡོད་པའི་མི་མང་རྣམས་རྒྱལ་ལོ།
ཨུ་རྒར་མི་རིགས་ཀྱིས་ཁྲབ་སྟོན་གཞི་ནས་འགོ་འཛུགས་རྒྱུ་རེད། བོད་པ་ཚོས་གྲ་སྒྲིགས་བྱོས། གོ་སྐབས་ནི་འཕྲོ་བརླག་ཏུ་གཏོང་མི་ཉན།
གསོད་རྒྱུ་ཉུང་དྲག་འདུག