ནོར་གླིང་འཐག་ལས་སྡེ་ཚན་གྱི་ལས་བཟོ་བ་དགེ་འདུན་སྒྲོལ་མ་ལགས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན། ཁོང་མོའི་གཅེན་པོ་ངག་དབང་ཕུན་ཚོགས་ལགས་ཀྱིས་ཟླ་འདིའི་ཚེས་ ༡༥ ཉིན་གྱི་ཞོགས་པའི་ཆུ་ཚོད་ ༡༡ སྟེང་དཀར་མཛེས་རྫོང་ཐོག་བོད་དོན་དང་འབྲེལ་བའི་ཡིག་ཆ་འགྲེམས་སྤེལ་བྱེད་བཞིན་རྒྱ་གཞུང་ལ་ངོ་རྒོལ་སྐད་འབོད་བྱས་ཡོད་སྟབས། དེ་མ་ཐག་རྒྱ་གཞུང་གི་ཉེན་རྟོག་པ་བསླེབས་ཏེ་འཛིན་བཟུང་བྱས་ཡོད་འདུག
ད་ཆར་ཁོང་གི་བཟའ་ཟླ་དང་ནང་མི་སུ་ལའང་ཐུག་འཕྲད་བྱེད་བཅུག་མེད་སྟབས། ཁོང་གི་གཟུགས་པོ་གནས་སྟངས་ཐད་མི་གཉེན་ཉེ་ཚོས་སེམས་ཁྲལ་བྱེད་བཞིན་ཡོད་འདུག ངག་དབང་ཕུན་ཚོགས་ལགས་ནི་ད་ལྟ་རང་ལོ་ ༣༤ ཡིན་པ་དང་། དཀར་མཛེས་རིན་པ་ཙར་རྫོང་། རིན་དགོན་ཞང་དུས་ཁག་བརྒྱད་པའི་ཕ་དགེ་འདུན་བཀྲ་ཤིས་ཀྱི་བུ་ཡིན་འདུག ཁོང་ལ་ལོ་ ༩ ཅན་གྱི་བུ་ཞིག་དང་ལོ་ ༦ ཅན་གྱི་བུ་མོ་ཞིག་བཅས་ཡོད་འདུག
ཁོང་ཚོས་ལྷག་བསམ་དང་སྙིང་སྟོབས་ཡི་རང་ཡོད།
༄༅། །སྤུན་ཟླ་ཚོ་གུས་པས་གནས་ཚུལ་གོ་བར་བྱས་ནའང་ངག་དབང་ཕུན་ཚོགས་ལགས་ཀྱིས་ཞོགས་པ་དེར་དར་རྒྱས་དགོན་དུ་མཆོད་འཇལ་དུ་ཕྱིན་དེ་ནས་དཀར་མཛེས་རཛོང་ཐོག་ཏུ་ཕྱིན་ནས་བོད་ཀྱི་རྩ་དོན་གྱི་ཆེད་དུ་རང་གི་ནང་མི་སོགས་ཀྱང་བློས་བཏང་ཏེ་རྒྱ་གཞུང་ལ་ངོ་རྒོལ་སྐད་འབོད་དེ་ལྟར་བྱས་པ་རེད་་་་་། ད་ལྟ་ཁོང་གི་གཟའ་ཟླ་དང་བུ་ངག་དབང་བསྟན་འཛིན་ལོ་༩ བོུ་ལོ་༦ ཅན་གསུམ་དང་ཕ་དགེ་འདུན་བཀྲིས་དང་སྲིང་མོ་བྱམས་པ་ལྷ་སྒྲོན་༼ནད་པ་༽ སོགས་ཀྱིས་ཐབས་ཤེས་གང་ཡོད་ཀྱི་ཁོང་ཐུག་ཐབས་བྱས་ཀྱང་ད་བར་རྒྱ་མི་ཤེ་རྟོག་པ་ཁོང་ཚོ་སུ་ལའང་ཐུག་ས་རག་མི་འདུག་ཟེར།