ཉེ་ཆར་བོད་ནང་གི་སྒྲོན་མེ་སློབ་གསོ་དབུ་སྐྱོབ་ཚོགས་པ་དང་སློབ་ཆེན་ལྔའི་སློབ་མ་མཉམ་རུབ་ཐོག་ཕ་ས་གཙང་མ་དང་རང་སེམས་གཙང་མ། རང་རྟོགས་སྲུང་སྐྱོབ་ཅེས་པའི་ཁོར་ཡུག་སྲུང་སྐྱོབ་ཀྱི་བྱ་འགུལ་ཞིག་སྤེལ་འདུག
ཟླ་འདིའི་ཕྱི་ཚེས་ ༡༦ ཉིན་བོད་ནང་གི་སྒྲོན་མེ་སློབ་གསོ་དབུ་སྐྱོབ་ཚོགས་པའི་གོ་སྒྲིག་འོག ཀྲུང་དབྱང་མི་རིགས་སློབ་གྲྭ་ཆེན་མོ་དང་ལྷོ་ནུབ་མི་རིགས་སློབ་ཆེན། ནུབ་བྱང་མི་རིགས་སློབ་ཆེན། མཚོ་སྔོན་མི་རིགས་སློབ་ཆེན། མཚོ་སྔོན་དགེ་ཐོན་སློབ་ཆེན་བཅས་སློབ་གྲྭ་ཁག་ལྔའི་ཞིབ་འཇུག་སློབ་མ་དང་དངོས་གཞིའི་སློབ་མ་སྐོར་ཞིག་གིས་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་གཅན་ཚ་རྫོང་གཙན་ཚ་ཐང་ཤང་དུ་ཚོགས་ཡོད་པའི་རྟ་རྒྱུགས་འགྲན་ཚོགས་ཀྱི་གོ་སྐབས་དང་སྟབས་བསྟུན་ཏེ། དེར་ཡོད་མི་མང་ལ་ཁོར་ཡུག་སྲུང་སྐྱོབ་སྐོར་བྱ་འགུལ་ཞིག་སྤེལ་ཡོད་འདུག
བྱ་འགུལ་སྟེང་སློབ་མ་རྣམས་ཀྱིས་མི་མང་ལ་གད་སྙིགས་ཀྱི་རྒྱུན་ཤེས་དང་བོད་ཀྱི་སྲོལ་རྒྱུན་ཁོར་ཡུག་སྲུང་སྐྱོབ་ཀྱི་སྐོར། གནོད་ཚབས་ཆེ་བའི་གད་སྙིགས་ལས་འཕྲོས་པའི་འབོད་སྐུལ་སོགས་པར་རིས་ཐོག་བཀོད་དེ་མི་མང་ལ་འགྲེལ་བཤད་དང་། ཁོར་ཡུག་སྲུང་སྐྱོབ་དང་འབྲེལ་བའི་ཡིག་ཆ་འགྲེམས་སྤེལ་བྱས་ཡོད་པར་མ་ཟད། ཉིན་དེའི་ཕྱི་དྲོར་ཐེངས་འདིའི་བྱ་འགུལ་གོ་སྒྲིག་ཚོགས་པའི་ཚོགས་མི་དང་སློབ་ཆེན་སློབ་མ། ས་གནས་དེ་གའི་སློབ་འབྲིང་གི་དགེ་རྒན་ཁག་ཅིག་བཅས་མཉམ་རུབ་གྱིས་ཁོར་ཡུག་གཙང་བཟོའི་ལས་དོན་ཐོག་དངོས་སུ་ཞུགས་ཡོད་འདུག
གསར་འགོད་པ། དོན་གོ
གཞིས་ལུས་བོད་མི་རྣམ་གྱི་སྙིང་སྟོབས་སོགས་ངོ་མ་རིན་ཐང་ཚང་བ་ཞིག་རེད་ས་ཕྱོགས་གང་ནས་ཡིན་རུང། རང་ས་ཡིན་ན་མིན་ན་གཙང་མ་བཟོ་རྒྱུ་ནི་གལ་ཆེན་ཞིག་ཡིན་པ་ཚང་མའི་ཤེས་དགོས་པའི་བྱ་བ་གལ་ཆེན་ཞིག་རེད། གཞིས་ལུས་བོད་མི་རྣམ་གྱི་འཁོར་ཡུག་སྲོང་སྐྱོབས་སོགས་ལ་གང་ཙམ་གྱི་ནུས་པ་ཞིག་ཐོན་གྱི་འདུག་དེ་འདྲ་ནི་ཡག་པོ་རེད་ཐུགས་རྗེ་ཆེ།
མིག་ཡོད་ན་བལྟས་དང་གཞི་ལུས་བོད་མི་ཚོས་ཁོར་ཡུག་སྲུང་སྐྱོབ་ཀྱི་ལས་འགུལ་འདིའི་མཚན་བྱང་གང་བྲིས་འདུག ཕ་ས་གཙང་མ་དང་རང་སེམས་གཙང་མ་ཞེས་པའི་གཙང་མ་གཉིས་པོའི་གོ་དོན་རྡོག་རྡོགགང་ཡིན་ནམ།