སང་ཉིན་བདམས་ཐོན་བཀའ་ཁྲི་མཆོག་གིས་ལས་འཁུར་དམ་འབུལ་ཞུ་བ་དང་བསྟུན་ཏེ། སུད་སིར་རྒྱ་གཞུང་ལ་ངོ་རྒོལ་གོམ་བགྲོད་ཅིག་མགོ་འཛུགས་བྱ་རྒྱུ་ཡིན་འདུག
སང་ཉིན་ཕྱི་ཟླ་ ༨ པའི་ཚེས་ ༨ ཉིན་གྱི་ཞོགས་པའི་ཆུ་ཚོད་ ༩ དང་སྐར་མ་ ༩ སྐར་ཆ་ ༩ སྟེང་། བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བདམས་ཐོན་བཀའ་བློན་ཁྲི་པ་བློ་བཟང་སེང་གེ་མཆོག་གིས་སྐབས་གསུམ་པའི་བཀའ་ཤག་གི་བཀའ་བློན་ཁྲི་པའི་ལས་འཁུར་དམ་འབུལ་ཞུ་འཆར་ཡོད་པ་དང་བསྟུན་ཏེ། སུད་སིར་གནས་སྡོད་མཁར་ནང་འཕགས་པ་ལགས་ཀྱིས་སང་ཉིན་ཕྱི་ཟླ་ ༨ ཚེས་ ༨ ཉིན་གྱི་ཆུ་ཚོད་ ༩ དང་སྐར་མ་ ༩ སྐར་ཆ་ ༩ སྟེང་། རྒྱ་ནག་གཞུང་ལ་ངོ་རྒོལ་མཚོན་ཆེད་སུད་སིའི་གྲོང་ཁྱེར་ཛུད་རིག་ zurich ནས་གྷིན་ཧྤི་ Genf བར་ཞི་བའི་གོམ་བགྲོད་ལས་འགུལ་ཞིག་མགོ་འཛུགས་གནང་རྒྱུ་ཡིན་འདུག
མཁར་ནང་འཕགས་པ་ལགས་ཀྱིས་སུད་སིར་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ལ། ཐེངས་འདིའི་གོམ་བགྲོད་དང་འབྲེལ་ཏེ་དགོས་འདུན་དོན་ཚན་ ༤ བཏོན་ཡོད་པ་དག་ནི། དང་པོ། བདམས་ཐོན་བཀའ་ཁྲི་བློ་བཟང་སེང་གེ་མཆོག་དང་རྒྱ་གཞུང་བར་ཞི་བའི་གྲོས་མོལ་གནང་དགོས། གཉིས་པ། པཎ་ཆེན་ཆུང་སྲིད་རིན་པོ་ཆེ་གཙོས་པའི་བོད་ནང་གི་ཆབ་སྲིད་བཙོན་པ་རྣམས་ཆ་རྐྱེན་གང་ཡང་མེད་པར་གློད་གྲོལ་གཏོང་དགོས་རྒྱུ། གསུམ་པ། བོད་ནང་དུ་གསར་འགོད་རང་དབང་གཙོས་པའི་གནས་ཚུལ་གཞན་རྣམས་ཁ་གསལ་བཟོ་དགོས། བཞི་པ། སུད་སི་མི་དམངས་ཀྱི་རེ་འདུན་ལྟར། རྒྱལ་ཚོགས་ཀྱིས་རྟོག་ཞིབ་ཚོགས་ཆུང་ཞིག་ངེས་པར་དུ་ཆེད་འཛུགས་ཀྱིས་བོད་ནང་གཏོང་དགོས་པ་བཅས་རེད།
ཟམ་གདོང་རིན་པོ་ཆེ་སྐུ་ལས་ཚད་མེད་བསྐྱོན་ཡོད་པ་དེ་ལ་ཐུགས་རྗེ་ཆེ་ཞུ་རྒྱུ་ཡིན།
བཀའ་ཁྲི་བློ་བཟང་སེངྒེ་ལ་བཀྲ་ཤིས་བདེ་ལེགས་ཞུ་རྒྱུ་ཡིན།
ད་ནས་བཟུང་སྐུ་དྲག་རིང་ལུགས་དུས་ཚོད་དེ་མཇུག་སྒྲིལ་བ་ཤོག
ང་ཚོ་མི་དམངས་ལ་དགོས་ཡ་དེ་གཞོན་སྐྱེས་ཚོ་གཞུང་གིས་ལས་ཀ་བྱེད་རྒྱུ་དེ་རེད།
རྒན་ཁོག་དེ་ཚོ་རྐུབ་སྟེགས་བཀག་བཞག་ན་འགྲིག་གི་མི་འདུག
གསར་དུ་བདམས་ཐོན་བྱུང་བའི་བཀའ་བློན་བློ་བཟང་སེང་གེ་ལགས་སུ་བཀྲ་
ཤིས་བདེ་ལེགས་ཞུ། སླད་མར་ཁྱེད་ཀྱིས་དམ་བཅའ་ལས་མི་གདའ་བར་བོད་མིའི་བདེ་སྡུག་ལ་བརྩེ་གཟིགས་ཡོད་པ་མཁྱེན།