ཡུན་རིང་སྙིང་ལ་བརྣག་པའི་འདོད་དོན་དེ་རིང་དངོས་སུ་འགྲུབ་སོང་།

གཞོན་ནུ་ཤེས་ཡོན་ཅན་བློ་བཟང་སེང་གེ་ལགས་ལ་གུས་པས་བཀྲིས་བདེ་ལེགས་ཞུ། ད་རེས་ཁྱེད་ཀྱི་ལས་གནས་སྐབས་དེར་གུས་པས་ཁྱེད་ལ་བོད་ཀྱི་སྲིད་འཛིན་དང་ཡང་ན་བོད་ཀྱི་སྲིད་སྐྱོང་དང་ཡང་ན་བཀའ་བློན་ཁྲི་པ་ཡང་ན་བསྒྲིགས་བཙུགས་འགོ་པ་བཅས་ག་རེ་ཞུ་དགོས་མིན་མ་ཤེས་པས་ཁྱེད་དགོངས་འགེལ་མེད་པ་ཞུ། ཡིན་ན་སྲིད་འཛིན་དང་སྲིད་སྐྱོང་དེ་གཉིས་ལ་ཕྱེད་པར་ཅང་མི་འདུག ངག་ནས་སྲིད་སྐྱོང་ཞུ་ནས་དོན་དུ་བསྒྲིགས་བཙུགས་འགོ་པ་ཞིག་མ་བཟོ་ན་ཡག ཡིན་ནའང་ང་རང་གི་ངོས་ནས་ཁྱེད་ལ་བོད་མི་ས་ཡ་དྲུག་གི་དགོས་འདུན་བསྒྲུབས་མཁན་ཞིག་དང་བཀའ་ཡི་བློན་པོ་ཞིག་ངེས་འཛིན་ཞུ་ཡི་ཡོད། ཡིན་ནའང་བོད་མི་བསོད་ནམ་དམན་པས་ཁྱེད་བསྒྲིགས་བཙུགས་ཞིག་གི་འགོ་པ་བཟོ་རྒྱུ་གྲ་བསྒྲིགས་འདུག ཡིན་ནའང་བོད་མིའི་ཤི་གསོན་གཉིས་ཀྱི་རེ་བ་དེ་གང་ཡིན་པ་ཁྱེད་ཀྱི་ངེས་པར་དུ་འཁྱེན་པ་གནང་རོག བཀྲིས་བདེ་ལེགས་ཞུ།

བཀྲ་ཤིས་རྟེན་འབྲེལ་ཞུ། བོད་རྒྱལ་ལོ། སེང་གེ་གསུམ་འཛོམས་དང་མཉམ་དུ་བོད་རྒྱལ་ལོ།

དེ་རིང་ནི་ངོ་མ་ཡིད་སྐྱོ་བ་དང་དགའ་བ་གཉིས་འགྲན་བསྡུར་བཞིན་སེམས་ཁོངས་སུ་འཕྱོ་བའི་ཉིན་མོ་ཞིག་ཆགས་སོང་། སྲིད་སྐྱོང་གསར་པའི་བཀའ་སློབ་བཞིན་ཚང་མ་རྡོག་རྩ་གཅིག་སྒྲིལ་གྱིས་བོད་མི་རིགས་ཀྱི་ལས་དོན་ལེགས་གྲུབ་དང་། ༧གོང་ས་མཆོག་ཁ་བ་གངས་ཅན་དུ་གདན་འདྲེན་ཞུ་རྒྱུའི་ལས་ལ་བརྩོན་པར་མཉམ་བརྩོན་གྱིས། བོད་མྱུར་དུ་རྒྱལ་གྱུར་ཅིག

་་་མི་མང་གིས་ཐད་ཀ་འདམས་ཐོན་བྱུང་པའི་བོད་རྒྱལ་ཁབ་ཆེན་པའི་སྲིད་འཛིན་དང་པོ་མཁས་དབང་བློ་བཟང་སེང་གེ་མཆོག་ལ་བཀྲ་ཤིས་བདེ་ལེགས་གྲངས་མེད་ཞུ་བ་ཆབས་ཅིག་བོད་མི་བཙན་བྱོར་བ་ཚོ་་བོད་དུ་ལོག་རྒྱུའི་ཉི་མ་མགྱོགས་ནས་མྱུར་དུ་ཤར་བའི་སྨོན་འདུན་གྲངས་མེད་ཞུ

སྲིད་སྐྱོང་བ་མཁས་དབང་བློ་བཟང་སངྒེ་མཆོག་ལ་སྙིང་ཁོང་རས་པའི་གཏིང་ནས་བཀྲ་ཤིས་བདེ་ལེགས་ཞུ།།
རིང་ནསས་སྙིང་དུ་གནག་པའི་འདོད་པའི་དོན།
ཡོངས་རྫོགས་བོད་ལྗོངས་རང་དབང་གཙང་མའི་དཔལ།
ལྷུན་འགྲུབ་ཆོས་སྲིད་ཟུང་བྲེལ་དགའ་སྟོན་ལ།
སྤྱོད་པའི་སྐལ་བཟང་མྱུར་བ་མྱུར་དུ་ཤོག།།

བཀུར་འོས་སྲིད་སྐྱོང་མཁས་དབང་བློ་བཟང་སེང་གེ་མཆོག་ལ་འཚམས་འདྲི་བཀྲ་ཤིས་བདེ་ལེགས་ཞུ་བ་དང་ཆབས་ཅིག གང་གིས་ཐུགས་བཞེད་རྣམས་གེག་མེད་ལམ་ལྷོང་ངང་འགྲུབ་པའི་སྨོན་ལམ་རྣམ་པར་དག་པའི་མཚམས་སྦྱོར་བཅས། གུས་འབྲོང་བུས།

འཛམ་གླིང་གི་མིག་དུ་གྱུར་བའི་བོད་ཀྱི་གསར་གཏོད་བ་ཆེན་མོ་༧་གོང་ས་༧སྐྱབས་མགོན་སྐུ་ཕྲེང་བཅུ་བཞི་བ་མཆོག་གི་ཡིན་རིང་ཐུགས་ལ་བརྣག་པའི་རེ་དོན་གྱི་ཆ་ཤས་ཤིག་འགྲུབ་པ་རྟེན་འབྲེལ་ཞུ་བ་དང་ཆབ་གཅིག་ཁྲིམས་ལུགས་ཆེད་མཁས་བློ་སེང་གི་བྱ་བ་ལམ་འགྲོ་ཡོངས་པར་བཀྲ་ཤིས་བདེ་ལེགས་ཡོད།

འཛམ་གླིང་གི་མིག་ཏུ་གྱུར་བའི་བོད་ཀྱི་གསར་གཏོད་བ་ཆེན་མོ་༧གོང་ས་༧སྐྱབས་མགོན་སྐུ་ཕྲེང་བཅུ་བཞི་བ་མཆོག་གི་ཡིན་རིང་ཐུགས་ལ་བརྣགས་པའི་རེ་དོན་གྱི་ཆ་ཤས་ཤིག་དངོས་སུ་འགྲུབ་པ་རྟེན་འབྲེལ་ཞུ་བ་དང་ཆབ་གཅིག་ཁྲིམས་ལུགས་ཆེད་མཁས་བློ་བཟང་སེང་གེ་ལ་བྱ་ལམ་འགྲོ་ཡོངས་པའི་བཀྲ་ཤིས་བདེ་ལེགས་ཡོད།

བློ་བཟང་སེང་གེ་མཆོག་ལ་མཚམས་འདྲི་བཀྲ་ཤིས་བདེ་ལེགས། བོད་ཀྱི་བདེ་མཐར་མྱུར་དུ་སེལ་བ་ཤོག། བོད་རྒྱལ་ལོ།

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་ཁྲི་སྐབས་གསུམ་པའི་ཁྲི་འདོན་མཛད་སྒོར་བཀའ་སློབ་སྩལ་བ།

༢༠༡༡ ཟླ་ ༨ ཚེས་ ༨ རེས་གཟའ་ཟླ་བ།
༄༅། །བོད་རྒྱལ་ལོ་ ༢༡༣༨ རབ་གནས་ལྕགས་ཡོས་ལོའི་བོད་ཟླ་ ༦ ཚེས་ ༡༠ དང་ཕྱི་ལོ་ ༢༠༡༡ ཟླ་ ༨ ཚེས་ ༨ ཉིན་བོད་མིའི་སྒྲིག་འཛུགས་ཀྱི་བཀའ་ཁྲི་སྐབས་གསུམ་པ་མཁས་དབང་བློ་བཟང་སེང་གེ་མཆོག་གི་ཁྲི་འདོན་མཛད་སྒོ་རྡ་ས་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་ར་བར་གཟབ་རྒྱས་ངང་ཚོགས་ཡོད་ཅིང་སྐབས་དེར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་སློབ་སྩལ་དོན། དེ་རིང་འདི་གར་ས་གནས་སུ་དངོས་སུ་འཛོམས་པའི་ང་ཚོ་བོད་རིགས་སེར་སྐྱ་མི་མང་དང་ལྷག་པར་བཀའ་ཁྲི་གསར་པ། གང་ལྟར་སྲིད་སྐྱོང་ཆགས་ཡོད། བློ་བཟང་སེང་གེ་ལགས་དང་བཀའ་བློན་ཁྲི་ཟུར་རེད།

དེ་བཞིན་ཆེད་མངགས་དེ་རིང་གི་དུས་ཚོད་འདིའི་ཐོག་དགའ་སྤྲོའི་ངང་ནས་ལྷག་བསམ་གྱི་ཐོག་ནས་རྒྱབ་སྐྱོར་དང་། དེ་བཞིན་བོད་མིའི་ལས་ཀའི་ཐོག་ལ་དྲང་བདེན་དང་ད་མཐུན་པ་ཞིག་ཡིན་སྟབས། དེ་ཡང་དངོས་གནས་དགའ་སྤྲོའི་ངང་ནས་རྗེས་སུ་ཡི་རང་བྱས་པའི་ཐོག་ནས་ཆེད་མངགས་ལུང་པ་ཁག་འདྲ་མིན་མང་པོ་ཞིག་ནས་ཁྱེད་རང་ཚོ་སྐུ་མགྲོན་ཕེབས་འདུག ཁྱེད་རྣམ་པ་དང་གཞན་ཡང་ཚང་མར་བརྗོད་རྒྱུར་དེ་རིང་གི་ང་ཚོའི་ཉིན་མོ་འདི་ནི་ཕལ་ཆེར་བོད་ཀྱི་ལོ་རྒྱུས་ཡོངས་གྲགས་བྱས་ནས་ཧ་ལམ་ལོ་ཉིས་སྟོང་ལྷག་ཙམ་ཕྱིན་ཡོད། དེའི་ནང་གི་ཉིན་མོ་དམིགས་བསལ་ཤིག་ཆགས་ཡོད།

ང་ཚོ་བོད་མི་རིགས་འདི་དེ་སྔ་ཆོས་རྒྱལ་ཚོའི་སྐབས་ནས་བཟུང་དེའི་ཚེ་དེའི་དུས་ཀྱི་འཛམ་གླིང་གི་དངོས་ཡོད་གནས་ཚུལ་དང་མཐུན་པ་ཞིག་ཆོས་རྒྱལ་ཚོའི་དབུ་ཁྲིད་འོག་ཆོས་སྲིད་གང་ཅིའི་ཐོག་ཁྱིམ་མཚེས་ཚོ་དང་བསྡུར་ན་ཕལ་ཆེར་རྗེས་ལུས་མེད་པ་ཞིག་བྱུང་ཡོད། དེ་དག་ནི་དངོས་ཡོད་ཀྱི་གནས་ཚུལ་དང་མཐུན་པའི་དབུ་ཁྲིད་ཀྱི་བྱེད་སྒོ་དེ་དག་དངོས་གནས་ཡག་པོ་བསྒྲུབས་པ་ལྟ་བུ་རེད།

ད་ཆ་ང་ཚོ་དུས་རབས་ཉེར་གཅིག་ནང་བསླེབས་ཡོད། དུས་རབས་ཉི་ཤུའི་ནང་འཛམ་གླིང་འདིའི་ནང་འགྱུར་བ་མང་པོ་སོང་ཡོད། དེ་ཡང་གནས་དུས་གསར་པ་ཞིག་ཆགས་ཡོད། དེར་བརྟེན་ངོས་ཀྱིས་ལོ་ཡུན་དེའི་རིང་ལ་རིམ་པས་ང་ཚོ་དངོས་གནས་མང་གཙོའི་ངོ་བོ་ཡོངས་སུ་རྫོགས་པ་ཞིག་ང་ཚོས་བྱེད་དགོས་རྒྱུ་དེ་གལ་ཆེན་པོ་མཐོང་བཞིན་ཡོད། དེ་འདྲ་ཞིག་གི་གནས་སྟངས་འོག་ནས་དེ་རིང་ང་ཚོ་འདིར་དངོས་གནས་ཕྱི་ནང་སུས་བལྟས་ཀྱང་ཐམས་ཅད་ཀྱིས་མཐུན་སྣང་དུ་བསྒྲུབ་རྒྱུ་ཞིག་ང་ཚོ་འདིར་བཙན་བྱོན་དུ་གནས་ཡོད། འོན་ཀྱང་ཁྲིམས་མཐུན་གྱི་མང་གཙོའི་འོས་བསྡུའི་ཐོག་ནས་འདེམས་ཐོན་བྱུང་བའི་ད་ལྟའི་གནས་སྟངས་དེ་སྲིད་སྐྱོང་རང་ཆགས་ཡོད། ད་གིན་བཀའ་ཤག་གི་གསུང་བཤད་ནང་ཡོད་པ་ལྟར། (Political Leader)ཞེས་བརྗོད་སྐབས་སྲིད་སྐྱོང་རེད། དེ་ང་ཚོའི་བོད་པའི་ཐ་སྙད་སྔར་ནས་ཡོད་པ་ཞིག་རེད། ང་ཚོའི་དེ་རིང་གི་ཉིན་མོ་འདིར་ཐད་ཀར་འོས་བསྡུ་བྱེད་མཁན་གྱི་བཙན་བྱོལ་བ་ཚོས་སེམས་ཀྱི་གཏིང་ནས་སྤོབས་པ་བསྐྱེད་འོས་པ་ཞིག་དང་། དངོས་གནས་སེམས་ཀྱི་གཏིང་ནས་རྗེས་སུ་ཡི་རང་དང་འབྲེལ་བའི་དགའ་སྤྲོ་བྱེད་འོས་པ་ཞིག་ཆགས་ཡོད།

དེ་བཞིན་དུ་བོད་ནང་དུ་ཡོད་པའི་གཞིས་ལུས་རྒྱ་ཆེའི་མི་མང་ཚོར་འགོ་ཁྲིད་འདེམས་རྒྱུ་ཕར་བཞག་སོ་སོ་སྒེར་གྱི་བསམ་བློའི་ནང་སོ་སོའི་ཚོར་བ་ག་རེ་ཡོད་པ་དེ་ཕྱིར་བཏོན་མི་ཆོག་པ་ཞིག་དང་མི་ནུས་པ་ར་སྡོད་དགོས་པའི་གནས་སྟངས་འོག་ཡོད་པའི་གཞིས་ལུས་རྒྱ་ཆེའི་མི་མང་ཚོ་ཡང་ཏན་ཏན་ལོ་རྒྱུས་ཡོད་པའི་བོད་མི་རིགས་ཀྱི་དུས་ཚོད་རྗེས་ཟིན་པའི་ཐོག་ནས་མདུན་བསྐྱོད་བྱེད་ཀྱི་ཡོད་པ་དེ་གོ་སྐབས། སེམས་ལ་སྤོབས་པ་དང་དགའ་སྤྲོ་བསྐྱེད་འོས་པ་ཞིག་ཏན་ཏན་ཡོང་གི་རེད་བསམ་གྱི་ཡོད། ངོས་རང་སྒེར་གྱི་ངོས་ནས་ཆ་བཞག་ན་ངོས་རང་ལོ་བཅུ་དྲུག་སྐབས་འཚུབ་ཐེར་ཞིག་ཡོད། དཔེ་ཆ་ལྟ་སྐབས་ལེ་ལོ་བྱས་ནས་དཔེ་ཆ་བལྟས་ནས་བསྡད་པ་རེད། དེ་འདྲ་ཞིག་གི་མི་ཚེའི་ནང་ལ་བོད་ཀྱི་གནས་སྟངས་དཀའ་ངལ་གསར་པ་ཚུགས་ཏེ་དངོས་གནས་རི་ལུགས་པ་ཐག་པས་མི་སྡོམ་ཟེར་བའི་གནས་སྟངས་ཆགས་པའི་འོག་༸རྒྱལ་དབང་སྐུ་ཕྲེང་གསུམ་བཅུ་པ་དགུང་ལོ་གྲངས་བཅོ་བརྒྱད་ལ་ཆབ་སྲིད་ཀྱི་འགན་དབང་བཞེས་ཡོད། ངོས་རང་དེའི་སྐབས་དུས་ཚོད་ཧ་ཅང་ཛ་དྲག་ཆགས་སྟབས་ལོ་བཅུ་དྲུག་ཐོག་ལ་ངོས་ཀྱིས་བོད་ཀྱི་ཆབ་སྲིད་ཀྱི་འགན་འཁྱེར་བ་རེད།

སྐབས་དེར་ཆབ་སྲིད་ཀྱི་འགན་དབང་དེ་སྟག་བྲག་རིན་པོ་ཆེ་སྲིད་སྐྱོང་རེད། སྟག་བྲག་རིན་པོ་ཆེའི་སྐུ་མདུན་ནས་ངོས་ཀྱིས་བོད་ཀྱི་ཆབ་སྲིད་ཀྱི་འགན་དེ་ཚུར་རྩིས་ལེན་ཞུས་པ་རེད། ལོ་ ༡༦ ནས་ ༧༦ བར་ལོ་ ༦༠ དེའི་རིང་ལ་དུས་ཚོད་ཧ་ལས་པའི་དཀའ་ངལ་ཆེན་པོའི་དུས་ཚོད་ཅིག་ཕྱིན་པ་རེད། འོན་ཀྱང་དེའི་རིང་ཁྱར་ཁྱོར་ཞིག་གི་ངང་ནས་གང་ལྟར་བོད་ཀྱི་ཆོས་སྲིད་གཉིས་ཐོག་ནས་འཛམ་གླིང་འདིའི་སྟེང་བོད་འདི་ནག་སུབ་མ་ཐེབས་པ་ཞིག་བྱུང་ཡོད། འདི་ངོས་ཀྱི་བྱས་རྗེས་ཕྲན་བུ་ཞིག་ཡིན་སྙམ་གྱི་ཡོད། དེ་འདྲའི་ཐོག་ནས་ལོ་ ༦༠ ཕྱིན་ཏེ་དེ་རིང་འདིར་སྔ་མོ་བོད་པའི་སྤྱི་ཚོགས་རྙིང་པའི་འགྲོ་སྟངས་ཀྱི་འོག་ནས་བོད་ཀྱི་སྲིད་སྐྱོང་གི་འགན་བཞེས་མཁན་སྟག་བྲག་རིན་པོ་ཆེའི་སྐུ་མདུན་ནས་ངས་རྩིས་ལེན་ཞུས་པ་དེ། དེ་རིང་འདིར་དུས་རབས་ ༢༠ དང་ ༢༡ པའི་ནང་འཛམ་གླིང་གང་སར་དབྱར་གྱི་ཆུ་བོ་འཕེལ་བ་བཞིན་འཕེལ་འགྲོ་རྒྱུའི་མང་གཙོ་ཟེར་རྒྱུ་དེ་ང་ཚོས་དངོས་གནས་ཁ་ཞེ་གཉིས་མེད་སྤོབས་པའི་ངང་ནས་ལག་བསྟར་བྱས་ཏེ་དེ་རིང་འདིར་མི་མང་གིས་འོས་བསྡུ་བྱས་པའི་སྲིད་སྐྱོང་བློ་བཟང་སེང་གེ་ལ་ངོས་ཀྱིས་རྩིས་སྤྲོད་རྒྱུ་བྱུང་བ་རེད། ང་ཚོ་བོད་མི་རིགས་ཟེར་རྒྱུ་དེ་ལོ་སྟོང་ཕྲག་རིང་གི་སངས་རྒྱས་ཀྱི་ཆོས་ཀྱི་ལྟ་གྲུབ་དེ་དངོས་གནས་སློབ་སྦྱོང་བྱས་ནས་སློབ་སྦྱོང་དེ་ཡང་ཚིག་སྐམ་པོ་ཙམ་མིན་པར་ཉིན་རེ་ཉིན་རེའི་འཚོ་བའི་ནང་འདྲེས་ཏེ་ཕྱིན་པའི་འབྲས་བུར་སངས་རྒྱས་ཀྱི་ཟབ་པ་དང་རྒྱ་ཆེ་བ། ཟབ་མོ་སྟོང་ཉིད་ཀྱི་ལྟ་གྲུབ་དང་རྒྱ་ཆེ་བ་གཞན་ཕན་བྱང་ཆུབ་ཀྱི་སེམས་ཟེར་རྒྱུ་དེ་ལྟ་བུ་ཞིག་གི་ང་ཚོ་ལོ་སྟོང་ཕྲག་གནའ་རབས་ཀྱི་སྲོལ་རྒྱུན་དང་ལྟ་གྲུབ་ཟེར་ན་མི་འདུག་དེ་འདྲ་ཞིག་ང་ཚོས་འཛམ་གླིང་འདིའི་སྟེང་སངས་རྒྱས་ཀྱི་ཆོས་གཟབ་རྒྱས་ཡོངས་སུ་རྫོགས་པ་ད་ལྟ་གསོན་པོར་གནས་ཡོད་ས་དེ་ཕལ་ཆེར་བོད་པ་གཅིག་པུ་རེད དེ་འདྲའི་སངས་རྒྱས་ཀྱི་ཆོས་པ་ཞིག་ཡིན་ན།

དངོས་ཡོད་གནས་ཚུལ་དང་རན་པ་ཞིག་བྱེད་དགོས་པ་རེད་མ་གཏོགས་དངོས་ཡོད་གནས་ཚུལ་ལ་མ་རན་པ་ཞིག་སྔར་གྱི་ལམ་དང་ལུགས་སྲོལ་གྱི་སྐད་ཆ་ཤོད་རྒྱུ་བསྡད་མེད། སངས་རྒྱས་བཅོམ་ལྡན་འདས་ཀྱི་ཆོས་གསུང་སྐབས་གདུལ་བྱའི་ཁམས་དང་མོས་པར་འཚམས་པའི་ཐོག་ནས་ཆོས་སྟོན་གྱི་ཡོད། དེར་བརྟེན་འཛམ་གླིང་འདིའི་སྟེང་ཆབ་སྲིད་ཀྱི་འགྲོ་སྟངས་འཕོ་འགྱུར་མང་པོ་ཞིག་འགྲོ་གི་ཡོད། ངོས་ཀྱིས་ནམ་རྒྱུན་ཡང་ཡང་འདི་ལྟར་ཤོད་ཀྱི་ཡོད། འཛམ་གླིང་འདི་འཛམ་གླིང་མི་མང་དུང་ཕྱུར་བདུན་ཅུར་ཉེ་བ་དེ་དག་ལ་དབང་ཡོད་པ་རེད་མ་གཏོགས། རྒྱལ་པོ་དང་། བླ་མ། དཔོན་པོར་དབང་མེད་ཅེས་ཤོད་ཀྱི་ཡོད། ཡུལ་ལུང་བྱེ་བྲག་པ་སོ་སོར་ཆ་བཞག་ནའང་ཡུལ་ལུང་བྱེ་བྲག་པ་དེ་ཡུལ་ལུང་བྱེ་བྲག་པ་དེ་དང་དེའི་མི་མང་ལ་དབང་ཡོད་པ་རེད་མ་གཏོགས། རྒྱལ་པོ་དང་བླ་ཆེན་ལ་དབང་མེད། ང་ཚོ་བོད་ལ་ཆ་བཞག་ནའང་བོད་དེ་བོད་རྒྱ་ཆེའི་མི་མང་ལ་དབང་ཡོད་པ་རེད་མ་གཏོགས་བླ་ཆེན་ལ་དབང་མེད་ལ། སྔར་གྱི་རྒྱལ་པོ་རྒྱལ་བརྒྱུད་དེ་དག་ལའང་དབང་མེད། དེར་བརྟེན་ངོས་ཀྱིས་རྟག་པར་ཆབ་སྲིད་ཀྱི་དབང་ཆ་འཛིན་རྒྱུ་དང་འགན་འཁྱེར་རྒྱུ་དེ་ཆོས་ཕྱོགས་ཀྱི་འགོ་ཁྲིད་ཀྱི་བྱེད་རྒྱུ་དེ་འགྲིག་གི་མེད་ཅེས་ཤོད་ཀྱི་ཡོད། མི་ལ་ཆོས་ཕྱོགས་ཀྱི་འགོ་ཁྲིད་ཀྱིས་ཆབ་སྲིད་ཀྱི་འགན་འཁྱེར་ན་ཡག་པོ་མེད་ཐ་དད་དགོས་ཞེས་ཤོད་བཞིན་ངོས་རང་ཆོས་ཕྱོགས་ཀྱི་འགོ་ཁྲིད་གཅིག་ཡིན་པའི་ཐོག་ཆབ་སྲིད་ཀྱི་དབང་ཆ་བཟུང་སྡོད་སྐབས། ངོས་ཀྱིས་ཁ་ནས་བཤད་པ་དང་ལག་ལེན་བསྟར་རྒྱུ་གཉིས་མ་མཚུངས་པ་ལྟ་བུ་ཆགས་ཡོད་སྟབས་སྐབས་རེ་མ་བདེ་བ་ཡོང་གི་འདུག ད་ཆ་ངོས་ཀྱི་སེམས་ཀྱི་ནང་ནས་ཡིད་ཆེས་ཡོད་པ་དང་མིར་བཤད་རྒྱུ་དེ་དངོས་སུ་ལག་བསྟར་བྱས་པ་ཡིན་དུས།

ངོས་ཀྱི་ངོས་ནས་ཆ་བཞག་ན་མི་སུ་དང་སུ་ཡིན་ནའང་ངོས་ཀྱི་ལྟ་གྲུབ་ཡོད་པ་དེ་དག་འཛམ་གླིང་མི་མང་ལ་དབང་གི་ཡོད། ལུང་པ་བྱེ་བྲག་པ་དེ་ཚོ་མི་མང་ལ་དབང་ཡོད། དབང་དང་སྟོབས་ཀྱི་བཟུང་རྒྱུ་དང་ལོ་རྒྱུས་ཀྱི་བྱུང་བའི་ཐོག་ནས་བཟུང་སྟེ་སྡོད་རྒྱུའི་ཐོབ་ཐང་དེ་ཡོལ་ཚར་བ་རེད། དེ་བཞིན་ཆོས་སྲིད་ཀྱི་འགོ་ཁྲིད་སོ་སོར་དགོས་ཀྱི་རེད་ཅེས་སྤོབས་པའི་ཐོག་ནས་ནམ་རྒྱུན་ཤོད་བཞིན་པ་དེ་དངོས་སུ་ལག་བསྟར་བྱས་ཡོད་སྟབས། ངོས་ཀྱིས་ད་དུང་མུ་མཐུད་ནས་ཤུགས་ཆེན་པོ་བྱས་ནས་ཤོད་རྒྱུའི་གོ་སྐབས་ཡོད། ང་རང་སྒེར་གྱི་ངོས་ནས་ཆ་བཞག་ན་དེ་རིང་གི་ཉིན་མོ་དེ་དངོས་གནས་ངོས་རང་གི་མི་ཚེའི་ནང་། རིང་ནས་སྙིང་དུ་བརྣག་པའི་འདོད་པའི་དོན། ཞེས་བརྗོད་པ་བཞིན་རིང་ནས་སྙིང་དུ་བརྣག་པའི་འདོད་པའི་དོན་ཞིག་དེ་རིང་དངོས་སུ་བསྒྲུབས་པ་རེད། གཙོ་ཆེ་ཤོས་ང་ཚོར་ཐད་ཀར་འབྲེལ་བ་ཡོད་པའི་བྱེས་འཁོད་མི་མང་དེ་དག་ཆགས་ཡོད། ཁྱེད་རང་ཚོས་འོས་བསྡུའི་སྐབས་ཚང་མས་སེམས་ཁུར་བླངས་དོ་སྣང་བྱས་ཏེ་སོ་སོའི་བསམ་བློའི་ནང་རྡོག་ཁྲེས་འཁྱེར་ཏེ་འཁུར་བླངས་ནས་ཚོར་བ་ཡོད་པ་བྱས་ཏེ་འོས་བསྡུ་བྱེད་རྒྱུ་དེ་དག་ཚང་མས་ཧུར་ཐག་བྱས་སོང། མཐའ་མའི་འདུས་དེར་དེང་དུས་ཀྱི་ཤེས་ཡོན་ཚད་མཐོ་པོ་ཡོད་མཁན་གཡི་མི་ཞིག་ཁྱེད་རང་ཚོས་འོས་འདེམས་བྱས་པ་རེད། མི་མང་ཚོར་ཆ་བཞག་ནའང་ཚང་མས་ད་ལྟ་ཕན་ཧུར་ཐག་བྱས་སོང་ཐུགས་རྗེ་ཆེ་ཞུ་གི་ཡིན། སྲིད་སྐྱོང་བློ་བཟང་སེང་གེ་མང་གཙོའི་ཐོག་ནས་འོས་འདེམས་བྱུང་བ་དང་འགན་དབང་ཆ་ཚང་ཡོད་མཁན་གྱི་མི་དང་པོ་ཆགས་ཡོད། དེས་དོ་བདག་གི་ངོས་ནས་ལྷག་བསམ་རྣམ་པར་དག་པ་ངོ་ལྐོག་མེད་པའི་ཐོག་ནས་འགོ་ཁྲིད་ཀྱི་རེད། གཙོ་ཆེན་འདི་གའི་གྲོས་ཚོགས་ཀྱི་འཐུས་མི་རྣམ་པ་ཚོ་དང། དེ་བཞིན་འཛིན་སྐྱོང་གི་ལས་བྱེད་རྣམ་པ་ཚོ་རེད། དེ་བཞིན་ཚོགས་པ་སྐྱིད་སྡུག་ཁག མི་མང་ཚང་མ་སོ་སོར་རྒྱུ་མཚན་ལྡན་པའི་སྐྱོན་འདོན་ཡོ་སྲང་བྱེད་རྒྱུ་ཡོད་ན་གནས་ཚུལ་ཐ་དད་རེད།

གཞན་དེ་མིན་ང་ཚོ་ཚང་མས་སྤྱི་དེ་གལ་ཆེན་པོ་རྩིས། སོ་སོ་སྒེར་དང་སྒེར་གྱི་ཤོག་ཁའི་དོན་དག་དེ་ཆབ་སྲིད་དང་བསྲེས་ཏེ་ཆེ་ས་དེ་ལས་བྱེ་བྲག་པའི་དོན་དེ་གལ་ཆེ་བར་བརྩི་རྒྱུ་ལྟ་བུ་བོད་པ་གཅིག་པུ་མིན་པར་འཛམ་གླིང་གང་སར་ཡོང་གི་ཡོད། ཉེ་ཆར་ངོས་ཀྱིས་ཨ་མི་རི་ཀར་བརྗོད་རྒྱུ་བྱུང། སྲིད་དོན་གྱི་ཤོག་ཁག་སོ་སོའི་མཐོང་ལ་སོགས་པའི་དོན་དག་དེ་རིམ་པ་གཉིས་པ་རེད། རིམ་པ་དང་པོ་དེ་ཨ་རི་སྤྱི་ཡོངས་ཀྱི་དཔལ་འབྱོར་གྱི་གནས་སྟངས་དེ་སྤྱི་པའི་གནད་དོན་རེད། སྤྱི་པའི་གནད་དོན་དེའི་ཐོག་སྒེར་གྱི་སྲིད་དོན་ཤོག་ཁག་སོ་སོའི་མིང་གལ་ཆེན་པོ་བརྩི་རྒྱུ་དེ་རིམ་པ་གཉིས་པ་རེད་ཅེས་ངོས་ཀྱིས་ཤོད་ཀྱི་ཡོད། དེར་བརྟེན་ང་རང་ཚོས་དེ་དེ་བཞིན་བྱས་ཏེ་བོད་འདི་འཆི་དང་གསོན་ཞེས་པའི་མཚམས་ལ་བསླེབས་སྐབས་སྤྱི་དོན་གྱི་བསམ་བློ་གཏོང་དགོས་རེད་མ་གཏོགས། བྱེ་བྲག་སོ་སོའི་མིང་དང་དགོས་དབང་ལྟ་བུའི་ཐོག་བསམ་བློ་ཁོ་ན་བཏང་ན་ཡག་པོ་མི་འདུག བྱས་ཙང་ཚང་མས་ད་ལྟ་ཕན་ཆད་ཧུར་ཐག་གནང་བ་རེད། ཐུགས་རྗེ་ཆེ་ཞེས་ཞུ་གི་ཡིན། འབྱུང་འགྱུར་ཡིན་ནའང་ཚང་མས་ནུས་པ་བཏོན་ནས་ཆིག་སྒྲིལ་གྱི་འོག་ནས་ང་ཚོ་སྤྱིའི་འདོད་དོན་སྒྲུབ་ཐུབ་པ་བྱེད་རྒྱུར་ཚང་མས་ཐུགས་འཁུར་བཞེས་རོགས་ཞུ་རྒྱུ་ཡིན། ཐུགས་རྗེ་ཆེ། ཞེས་བཀའ་སློབ་སྩལ་ཡོད། །

མཁན་ཆེན་ཚུལ་ཁྲིམས་བློ་གྲོས་མཆོག་མཛད་འཕྲིན་ཕྱོགས་བཅུར་རྒྱས་ཏེ། བོད་ནང་གི་རིས་སུ་མ་ཆད་པའི་དགོན་སྡེ་དང་མང་ཚོགས་ཁྲི་སྟོང་མང་པོས་གུས་བཀུར་བྱེད་ཡོང་དུས། བཙན་བྱོལ་ཁྲོད་ཀྱི་ཆོས་ལུགས་ཕྱོགས་ཞེན་གྱི་དུག་གིས་བཟི་བའི་མི་ཁག་ཅིག་ན་ཟུག་མ་བཟོད་པར། ཚིག་ངན་སྐུར་འདེབས་བྱས་པ་ནི་ངོ་མ་སྙིང་རྗེའི་ཡུལ་རེད། ད་དུང་མིང་ལ་ཡང་༼ ཨོ་རྒྱན་རིག་འཛིན་༽ཞེས་སོ་སོའི་སྐད་ཆ་ལ་མི་གཞན་ཡིད་ཆེས་ཡོང་རྒྱུའི་ཆད་དུ་རང་ཉིད་རྙིང་མ་པ་ཞིག་ཡིན་མདོག་གིས་མི་གཞན་ལ་མགོ་སྐོར་བཏང་བ་ནི་ནམ་མཁར་མི་ཤོང་བའི་སྡིག་ཉེས་བསག་པ་རེད། མི་འདི་ལྟ་བུ་དག་ལ་ང་ཚོས་ངེས་པར་དུ་ཡིད་གཟབ་མ་བྱས་ན། ༸གོང་ས་མཆོག་གི་ཐུགས་འདུན་དང་བོད་མི་མང་གི་རེ་བ་རླུང་ལ་བསྐུར་ངེས་རེད།

བོད་ཀྱི་སྲིད་འཛིན་ནམ་བཀའ་བློན་ཁྲི་པ་ལ་མཚམས་འདྲི་དང། ་དྲ་གྲོགས་རྣམས་ལ་ཞུ་རྒྱུ་ཉེ་ཆ་ཟོང་གདོང་གིས་བཀའ་བློན་ཁྲི་པ་ལ་སྲིད་སྐྱོང་བ་བཏགས་ན་ཡག་པོ་འདུག་ཟེར་དུས་ཡང་ཁྱོད་ཚོས་སྲིད་སྐྱོང་བ་སྲིད་སྐྱོང་བ་ཟེར་ནས་ཁྱོད་ཚོར་རང་ཚུགས་མི་འདུག་རྡ། རང་གི་སེམས་རང་གིས་ཤེས་གཞིན་བྱེད།།

སྲིད་སྐྱོང་པ་མཁས་དབང་བློ་བཟང་སེངྒེ་མཆོག་ལ་མཚམས་འདྲི་ཞུ་བ་དང་ཆབ་གཅིག་མ་འོང་སྐུ་ཉིད་ཀྱི་ལས་དོན་རྣམས་གེགས་མེད་བདེ་བར་ངང་འགྲུབས་པའི་རེ་བ་ཡོད་པ་མ་ཟད་གཞིས་བྱེས་མཉམ་དུ་འཛམ་པའི་སྨོན་ལ་ཡོང་ཡོད།

བོད་རྒྱལ་ལོ་་་་་་་་་་་་་་་་་་་་་་་་་་་་་བོད་རྒྱལ་ལོ་་་་་་་་་་་་་་།

མཆོག་ཏུ་བཀུར་འོས་བཀའ་ཁྲི་གསར་པ་མཁས་དབང་བློ་བཟང་སེང་གེ་ལགས་སུ་བཅོས་མིན་འཚམས་འདྲི་ཞུ་རྒྱུ་དང་། ཉིད་ཀྱི་ལས་འཆར་མཐའ་དག་ཡིད་བཞིན་འགྲུབ་པའི་སྨོན་ལམ་ཡང་འདེབས་བཞིན་མཆིས་ལགས་སོ།
བོད་རྒྱལ་ལོ་་་་་་་་་་་་་་་་་་་་་་་་་་་་་བོད་རྒྱལ་ལོ་་་་་་་་་་་་་་།

གུས་པས་མཁན་པོ་ཚུལ་ཁྲིམས་བློ་གྲོས་ལ་སེམས་གཏིང་ནས་གུས་བཀུར་བྱེད་བཞིན་པ་ཡིན་
དྲྭ་གྲོགས་ཆོས་བཟང་ལགས་ཀྱིས་གསུང་པའི་གནས་ཚུལ་འདི་གལ་ཏེ་བདེན་པ་ཡིན་ན་ཧ་ཅང་བློ་ཕམ་བྱུང་

འོན་ཀྱང་བདེན་པ་ཡིན་མིན་དྲྭ་གྲོགས་རྣམས་པར་གསུང་རྒྱུ་ཡོད་ན་གསུང་རོགས་

ཨོ། སྐུ་ཞབས་བློ་སེང་གིས་གཟབ་གཟབ་བྱོས་མ་གཏོགས། དེང་སང་རང་གིས་རང་ཉིད་རང་བཙན་པར་བཏགས་པ་རེ་ཟུང་གིས་འཇིགས་སྐུལ་འཐེན་གྱི་འདུག་གདའ། ཧཧཧཧཧ

༧རྒྱལ་མཆོག་ཐམས་ཅད་མཁྱེན་པས། ཡིད་ལ་རིང་དུ་བརྣག་པའི་འདོད་དོན་བྱེ་བྲག་པ་ཅིག་དེ་རིང་དངོས་སུ་འགྲུབ་སོང་གསུངས་པ་ལས། རིང་ནས་བརྣག་པའི་འདོན་དོན་ཡོངས་སུ་འགྲུབ་ཅེས་གསུངས་མེད།

དེ་ནས། རྒྱ་གར་ནག་གི་པ་ཅུག་དང་གུ་རུ་རིན་པོ་ཆེའི་རྩོད་པ་ཞི་བའི་ངང་ཡལ་གྱི་འདུག་པས་དེས་དགའ་བྱུང་། སྐུ་ཞབས་བློ་བཟང་སེང་གེར་བཀྲ་ཤིས་བདེ་ལེགས་ཡོད།

ཤེས་འཇོན་ལྷག་བསམ་ཀུན་ལྡན་གྱི་དཔལ་ལྡན་བཀའ་ཁྲི་མཆོག་ལ་བཀྲ་ཤིས་བདེ་ལེགས་གྲངས་མེད་དང་། རྒྱབ་སྐྱོར་གཙང་མ་ཞུ།
༧གོང་ས་སྐྱབས་མགོན་ཆེན་པོ་མཆོག་སྐུ་ཚེ་བརྟན་ཞིང་མཛད་འཕྲིན་ཡུན་གནས་ཤོག བོད་རྒྱལ་ལོ། །

ང་ཡི་སེང་གེ་རྒྱལ་ལོ། ང་ཡི་ན་གཞོན་རྒྱལ་ལོ། ང་ཡི་བོད་རྒྱལ་ལོ།

བཀའ་བློན་ཁྲི་བ་མཁས་དབང་བློ་བཟང་སེང་གེ་མཆོག་ལ་མཚམས་འདྲི་བཀྲ་ཤིས་བདེ་ལེགས་གྲངས་མེད་ཞུ་བ་དང་ཆབས་ཅིག མ་འོངས་པར་ཅི་བསམ་ལྷུན་གྱིས་འགྲུབ་པ་དང་། བོད་གཞིས་བྱེས་མཉམ་འཛོམས་ཀྱི་ཉི་མ་མྱུར་བར་འཆར་བའི་སྨོན་འདུན་ཞུ།

བོད་ཀྱི་སྲིད་སྐྱོང་པ་མཁས་དབང་བློ་བཟང་སེངྒེ་ལགས་སུ་འཚམ་འདྲིའི་བཀྲིས་བདེ་ལེགས་གྲངས་མེད་ཞུ།

ད་རིང་བཀྲ་ཤིས་པའི་ཉིན་མོ་འདི་ལ་ཐོག་མར་༧གོང་ས་མཆོག་སྐུ་ཚེ་ཁྲི་ཕྲག་ནས་ཁྲི་ཕྲག་གི་བར་དུ་ཞུགས་པ་དང་ཁོང་གི་དགོངས་གཞི་ཐམས་ཅན་ལྷུན་གྱི་འགྲུབ་པ་དང་།་་་་ལྷག་པར་ལོར་་རྒྱུས་ཀྱི་རི་མོ་ལྡན་པའི་བཀའ་ཁྲི་འམ་བོད་མིས་སྲིད་སྐྱོད་གསར་པ་མཁས་དབང་བློ་བཟང་སེང་གེ་ལགས་ལ་མཚམས་འདྲི་བཀྲ་ཤིས་བདེ་ལེགས་གྲངས་མེད་དང་བཅས་མཆོག་ཉིད་ཀྱི་ལས་དོན་གང་ཡིན་ཐམས་ཅད་བྱ་བ་ལམ་འགྲོ་ཡོང་བ་དང་ཁྱེད་ཀྱི་བསམ་དོན་མཐའ་དག་འགྲུབས་པའི་སྨོན་འདུས་དང་བཅས།་་བོད་དོན་བདེན་མཐའ་མྱུར་དུ་གསལ་བར་ཤོག་བོད་རྒྱལ་ལོ་་་་བོད་རྒྱལ་ལོ་་་་་་བོད་རྒྱལ་ལོ།།