རྔ་པ་རང་སྐྱོང་ཁུལ་འབྲིང་རིམ་མི་དམངས་ཁྲིམས་ཁང་གིས་ཟླ་འདིའི་ཕྱི་ཚེས་ ༢༩ ཉིན་རྔ་པ་ཀིརྟི་དགོན་པའི་རང་ལོ་ ༤༦ ཡིན་པའི་གྲྭ་བློ་བཟང་བརྩོན་འགྲུས་ལགས་སུ། ཉེ་ལམ་རང་ལུས་མེར་བསྲེག་གཏོང་མཁན་གྲྭ་ཕུན་ཚོགས་ལགས་སྨན་ཁང་དུ་བསྟེན་གཏུག་ལ་འགོག་རྒོལ་བྱས་པའི་ཉེས་མིང་འོག ལོ་ ༡༡ གི་བཙོན་འཇུག་ཁྲིམས་ཐག་བཅད་འདུག
གྲྭ་བློ་བཟང་བརྩོན་འགྲུས་ལགས་ནི། འདི་ལོའི་ཕྱི་ཟླ་ ༤ ཚེས་ ༡༢ ཉིན་འཛིན་བཟུང་བྱས་ཤིང༌། ད་བར་གནས་ཚུལ་གསལ་པོ་གཅིག་ཀྱང་ཤེས་རྟོགས་བྱུང་མེད་ཀྱང༌། འདི་ཟླའི་ཕྱི་ཚེས་ ༢༧ ཉིན་ནང་མི་རྔ་པ་རང་སྐྱོང་ཁུལ་གྱི་ལྟེ་གནས་འབར་ཁམས་རྫོང་ཐོག་ཏུ་ཡོང་དགོས་པའི་བརྡ་ཞིག་འབྱོར་ཡོད་པ་དང༌། ཁོང་ནི་རྔ་པ་རྫོང་རྨེའུ་རུ་མའི་རུ་ཆེན་གཉིས་པའི་ཇར་ཆེན་ཚང་གི་ཡིན་ཞིང༌། རྒྱལ་གཅེས་དཔའ་བོ་ཕུན་ཚོགས་ལགས་ཀྱི་ཨ་ཁུ་དང་གྲྭ་ཤག་གི་དགེ་རྒན་ཡིན། དེ་སྔོན་ཕྱི་ཟླ་ ༣ ཚེས་ ༢༠ ཉིན་ཁོང་དང་ཁོང་གི་དགེ་ཕྲུག རྒྱལ་གཅེས་དཔའ་བོ་ཕུན་ཚོགས་ལགས་ཀྱི་སྤུན་རྒན་པ་དར་རྒྱས་གཉིས་འཛིན་བཟུང་གིས་ཉིན་ལྔའི་རིང་བཀག་སྐྱིལ་བྱས་རྗེས་ཀློད་གྲོལ་བཏང་བ་དང༌། དེ་རྗེས་ཕྱི་ཟླ་ ༤ ཚེས་ ༡༢ ཉིན་བསྐྱར་དུ་ཁོང་གཉིས་ལྷན་དུ་འཛིན་བཟུང་ཡོད་འདུག
གནས་ཚུལ་ཡོང་ཁུངས་ནས་བརྗོད་པ་ལྟར་ན། རྔ་པ་རྫོང་གཅའ་ཞང་ཕྱུགས་ལས་འགབ་མའི་བློ་བཀྲ་ཚང་གི་བློ་བཟང་བསྟན་འཛིན། གཅའ་ཞང་ནག་ཚང་མའི་པད་མ་ཚང་གི་བློ་བཟང་བསྟན་འཛིན་གཉིས་ཀྱི་ནང་མིར་ཡང་ཕྱི་ཚེས་ ༢༨ ཉིན་འབར་ཁམས་ལ་ཐོན་དགོས་པའི་བརྡ་ཐོ་འབྱོར་ཡོད་པ་ལྟར་སོང་འདུག་པས། ད་ཆར་ཁོང་རྣམས་ལ་ཡང་ཁྲིམས་ཐག་གཅོད་རྒྱུ་ཡིན་པའི་ཚོད་དཔག་བྱེད་ཀྱི་ཡོད་འདུག
གནས་ཚུལ་མཁོ་གཏོང་བ། བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང༌།
གྲྭ་བློ་བཟང་བརྩོ་འགྲོས་ལགས་ཁྲིམས་ལས་མྱུར་ཏུ་གྲོལ་བའི་གུས་འདུད་ཞུ་བཞིན་ཡོད། ཡིན་ན་ཡང་གནས་ཚུལ་འདི་སྤེལ་མཁན་་་་་་་ཀ་ཉག་ཚེ་རིང་དང་བློ་བཟང་ཡེ་ཤེས་གཉིས་ཀྱིས་གནས་ཚུལ་སྤེལ་བ་དེ་བསམ་བློ་གཏོང་དགོས་པ་དེ་གལ་ཆེན་རེད་བསམ་གྱི་ང་རང་གི་འདུག སྔོན་ཆད་ཀི་རྟི་དགོན་པ་ལ་གནས་ཚུལ་ཚབ་ཆེན་ཡོད་ཟེར་བའི་གནས་ཚུལ་དེ་སྤེལ་བ་རེད། ཕན་མ་ཐོག་པའི་གནོད་ཐེབས་བྱུང་ཡོད། རྒྱུ་མཚན་ནི་དེང་སང་ཀི་རྟི་དགོན་པ་ཆོས་སྒོ་རྒྱབ་འགྲོ་བྱེད་གྱི་ཡོད། དེ་ལ་བསམ་བློ་གཏོང་ན་ཡག་ས་རེད་ལགས། ཁོང་གཉིས་མཚན་དང་སྙན་གྲགས་ལ་ཕན། གཞན་ལ་གནོད་ཐེབས་བྱུང་། བསམ་བློ་་་་་་་་་་་་་་་་་གཏོང་་་་་་་་་་་་་་་་་་
http://www.chinareviewnews.com/doc/1018/1/7/1/101817188.html?coluid=45&kindid=0&docid=101817188&mdate=0829172345
གོང་གསལ་གྱི་དྲ་ཐག་འདི་ནི་རྒྱ་གཞུང་གིས་སྤེལ་བའི་ཁོང་གི་སྐོར་གྱི་གནས་ཚུལ་རྣམས་ཡིན་པས་རྒྱ་ཡིག་ཤེས་མཁན་རྣམས་ཀྱིས་གཟིགས་རོགས་གནོངས།