ཝར་ན་མཐོ་སློབ་ནང་གྲྭ་བཙུན་དགའ་རོཊ་སྒྲིག་མཁན་མངོན་གསལ་རེད།

སྤྱིར་བཏང་གྲ་བཙུན་དགའ་རོགས་སྒྲིག་པ་དེ་འགྲིག་མི་འགྲིག་གི་སྐད་ཆ་བཤད་པ་ནི་གང་ཟག་སོ་སོའི་བསམ་བློའི་རྒྱབ་ལྗོངས་ཀྱི་ཁ་དོག་ཅི་ཞིག་ཡིན་མིན་ལ་རག་ལས་པས། མཐའ་གཅིག་ཏུ་དེ་འགྲིག་འདི་མི་འགྲིག་གི་ཁ་མཚོན་གཅོད་རྒྱུ་ཧ་ཅང་ཁག་པོ་ཞིག་རེད་སྙམ། འོན་ཀྱང་ང་ཚོ་ཆབ་སྲིད་ཀྱི་སྐྱབས་བཅོལ་བ་འཆི་གསོན་གྱི་མཚམས་ལ་སླེབས་པའི་སྐབས་འདིར་ཝར་ན་མཐོ་སློབ་ལྟ་བུ་བོད་ཀྱི་རིག་གནས་ཀྱི་བང་མཛོད་འཛིན་པའི་གནས་དེར་ཕྱོགས་ཐམས་ཅད་ནས་ཡར་རྒྱས་གོང་འཕེལ་གྱི་གནས་ཚུལ་གོ་རྒྱུའི་ཚབ་ཏུ་ཉིན་རེ་མར་རྒུད་ཀྱི་གནས་ཚུལ་ཐབས་སྡུག་འདི་ལྟ་བུ་འབྱུང་བཞིན་པ་ནི་གཅིག་ནས་ངེད་ཅག་བཙན་བྱོལ་བའི་ངོ་ཚ་ཞིག་དང་གཉིས་ནས་ཁ་གཏད་ཀྱི་དགྲ་བོ་ཡིད་ཚིམ་པའི་རྒྱུ་རུ་གྱུར་བ་ནི་ཧ་ཅང་སྐྱོ་བོ།

གྲྭ་བརྩུན་དགའ་རོགས་སྒྲིག་པ་དེར་ཧ་ལས་པ་དང་ཧང་སངས་དགོས་པ་གང་ཡང་ཡོད་པ་མ་རེད་།དེ་ནི་དུས་རྒྱུན་ཡོངས་གྲགས་ཀྱི་གནས་ཚུལ་ཞིག་རེད་།

མངའ་རིས་བུས་བཤད་པའི་སྐད་ཆ་ལ་རྒྱུ་མཚན་ཏོག་ཙམ་འདུག འདི་ནི་ངས་རྒྱུན་དུ་དྲན་བཞིན་པའི་བསམ་དོན་ཞིག་ཀྱང་ཡིན། གསར་འགོད་པ་ཞིག་ཡིན་པའི་ཆ་ནས་འགན་ཆེན་པོ་ཡོད། མི་རིགས་དང་ཆོས་ལུགས། དེ་བཞིན་བོད་རིགས་ནང་ཁུལ་ལ་མཚོན་ན་ཆོལ་ཁ་དང་ཆོས་ལུགས། ལུང་ཚན། གསར་འབྱོར་དང་གཞིས་ཆགས་པའི་དབར་གྱི་མཐུན་སྒྲིལ་ལ་དོ་ཕོག་གཏོང་རྒྱུའི་རིགས་ཀྱི་ཚིག་བེད་སྤྱོད་ནམ་ཡང་གཏོང་མི་ཉན། འོན་ཀྱང་དེང་གི་ཆར་བོད་རིགས་ཚགས་པར་གྱི་གསར་འགོད་པ་མང་ཆེ་བ་ལ་དེང་དུས་ཀྱི་གསར་འགོད་ཀྱི་ལས་རིགས་སློབ་སྦྱོང་བྱེད་མ་མྱོང་མཁན་ཤ་སྟག་ལ་སོང་། དྲང་པོ་དྲང་བཞག་གི་དར་ཆ་གཅིག་པུ་འཕྱར་ནས་གསར་འགྱུར་འགོད་པར་བྱེད།

སྤྱིར་བཏང་གསར་འགོད་པ་གཅིག་པུ་མ་ཡིན་པར་དཔྱད་རྩོམ་པ་དང་གཏམ་བཤད་པ་སེར་སྐྱ་མང་ཆེ་བ་ནི་ཧི་མ་ལ་ཡ་མི་རིགས་དང་གཞིས་ཆགས་ནས་འཚར་ལོངས་བྱུང་བ་ཁག་ལ་བལྟ་སྟངས་ནི་ཤིན་ཏུ་སྐྱོ་བོ་རེད། ཕྱོགས་གཅིག་ནས་བཤད་ན་ཧི་མ་ལ་ཡ་དང་གཞིས་ཆགས་པ་དེ་དག་གི་ཁྲོད་ན་རྣམ་འགྱུར་དྲག་པོའི་ཡར་ལན་ལམ་སེང་མི་འདེབས་པ་དང་གཤིས་ཀ་ཞི་འཇམ་པས་ཡིན་ཤས་ཆེ། ཡང་ཕྱོགས་གཞན་ནས་བཤད་ན་གསར་འགོད་པ་དང་དཔྱད་རྩོམ་པ་དེ་དག་གི་ཀུན་སློང་དང་རང་གཤིས་སྐྱོ་བ་དང་། རང་ལྟ་མཆོག་འཛིན་གྱི་ལྟ་བ་ཤུགས་ཆེ་དྲག་པས་ཡིན་གྱི་རེད། བྱས་ཙང་། མཐུན་སྒྲིལ་ཟེར་བ་དེ་མྱུག་རྩེ་ནས་ཐོན་པ་དང་ཁ་ནས་འདྲ་ཆག་ཆག་གཅིག་པུས་བཤད་རྒྱུ་ཞིག་མ་ཡིན་པར་དུས་རྒྱུན་ལག་ལེན་གྱི་ཐོག་ལ་འཁེལ་དགོས་པ་ཞིག་ཡིན།

ཧ་ཧ་ཧ་ཧ་ཧ་་ཧ་ཧ་་་་་་་་་་་་དགའ་བོ་བཟོ་མཁན་གྲ་བཙུན་མ་རེད་་་་་་་་་་་དེ་དག་ཐམས་ཅད་ཕོ་གསར་དང་མོ་གསར་རེད་་་་་་་་་་་་་་དང་ཐོག་གྲ་བཙུན་མིང་དོན་ཤེས་པ་བྱེད་དགོས་པ་ཧ་ཅང་གནས་དོན་ཆེ་་་་་་་་་་་་་་་་་དེ་ནས་ཁྱེད་ཀྱིས་དགའ་བོ་བཟོ་མཁན་སུ་ཡིན་མིན་དང་སུ་མ་ཡིན་ཧ་གོ་ངོས་ཡིན་་་་་་་་་་་་བདེ་མོ་བྱོས་་་་་་་་་་་

གསར་འགྱུར་དེའི་ནང་གྲྭ་བཙུན་སྐོར་ཅུང་ཞིག་བྲིས་འདུག་པ་དེར་ཁ་གསབ་གྱི་ཚུལ་དུ། ལྷོ་ཕྱོགས་གདན་ས་ཁག་ལ་དཀའ་བཅུ་པ་དང་སློབ་དཔོན་གྱི་ལག་ཁྱེར་ཐོབ་པར་ཕལ་ཆེར་ལོ་བཅོ་ལྔ་ཉི་ཤུ་ཙམ་དགོས་ཤིང་། ཝ་ནར་ལོ་བདུན་དགུ་ཙམ་ལ་དཀའ་བཅུ་པ་དང་སློབ་དཔོན་གྱི་ལག་ཁྱེར་རག་གི་ཡོད་། དེར་རྟེན་གདན་ས་ཁག་གི་གྲྭ་བཙུན་ལག་ཁྱེར་ཁོ་ནར་དམིགས་མཁན་དག་ལས་ཐོས་པ་དོན་གཉེར་བྱེད་མཁན་ཝ་ནར་དེ་ཙམ་མེད་། །དེ་འདྲའི་གྲྭ་བཙུན་དེ་དག་གི་འཁྲོད་དུ་སྤྱོད་ལམ་ཐད་ནས་ཀྱང་གདན་ས་ཁག་གི་ནང་ནས་ཅུང་ཞན་པ་དག་ཡིན་ཚོད་འདུག་ །

གསར་འགོད་པ་དང་རྩོམ་པ་པོ་དེ་བཞིན་མཆན་འབྲི་བ་པོ་ལས་སོགས་ནི་མི་དམངས་ཀྱི་ལམ་ཁའི་ཁ་ཕྱོགས་གང་དུ་བསྐྱོད་མིན་གྱི་ཐེ་ཚོམ་སེལ་བ་དང། མི་དམངས་ལ་གནས་ཚུལ་དྲང་བདེན་དང། འཇིག་རྟེན་ཞི་མཐུན་འཆམ་སྒྲིག་གི་ལས་འགན་ཡོད་ལ་ཁ་ཕྱོགས་ཀྱང་དེ་དག་གིས་བསྒྱུར་ཐུབ། དེས་ན། འདིར་དེ་དག་དང་འགལ་བའི་གསར་འགོད་པ་དང་རྩོམ་པ་པོ་གནས་ཚུལ་ཤོད་པ་པོ། མཆན་འགོད་པ་པོ་མང་པོ་ཞིག་ནས་དེ་དག་ལས་ཡོངས་སུ་འགལ་བར་བྱས་ཏེ། ༧གོང་ས་མཆོག་གི་བཀའ་དགོངས་དང་འགལ་བའི་མི་རིགས་དང་རྒྱལ་ཁབ་ལྷག་པར་དུ་གནས་ཚང་རྒྱལ་ཁབ་ཀྱི་མི་རིགས་ལ་གནོད་པའི་བསམ་ཚུལ་ཤོད་པ་ནི། ཆེས་ཐ་ཤལ་གྱི་བྱ་སྤྱོད་ཞིག་དང། མ་འོང་ཕུགས་རྒྱང་རིང་བའི་བསམ་བློ་མེད་པ་ཤ་ཏག་རེད་འདུག་པས་དེ་རིགས་ལ་དགའ་བསུ་མེད་ལ་ཡིད་ཆེས་ཀྱང་མེད།
ཝར་ན་མཐོ་སློབ་ཀྱི་སློབ་སྦྱོང་ཉམ་རྒུད་དུ་སོང་བར་དེ་ཙམ་ཧ་ལས་དགོས་པ་གང་ཡང་མ་མཐོང། སྤྱིར་དུས་རངས་རབ་ཀྱིས་འགྱུར་འགྲོས་ལས་བོད་ཀྱི་དགོན་སྡེ་ཁག་དང། བོད་གཞུང་གིས་སྟངས་འཛིན་གྱི་འོག་ཏུ་ཡོད་པའི་བོད་ཀྱི་སློབ་གྲྭ་མང་པོ་ཞིག་སྒོ་གཏན་ནས་རྒྱབ་པ་དང། མང་པོ་ཞིག་སྒོ་རྒྱབ་ལ་ཉེ་བ་དང། ད་ལྟ་ཡོད་བཞིན་པ་དེ་དག་ལའང་སློབ་སྦྱོང་ཤེས་ཡོན་མེད་ཚུལ་སྡུག་སྐད་རྒྱབ་བཞིན་པ་དང། དེ་བཞིན་བོད་ཀྱི་དགོན་སྡེ་ཁག་ཏུ་དགེ་འདུན་པ་ཉུང་དུ་འགྲོ་བ་དང། དགོན་པ་འགའ་ཞིག་ནི་འགྲེམས་སྟོན་ཁང་དང་འདྲ་བར་ཕྱི་རྫིག་ནང་སྟོང་གི་གནས་སུ་གྱར་བ་དང། དགོན་པ་ཁག་ཏུ་སློབ་སྦྱོང་ཀྱང་ཇེ་ཞེན་ཇེ་སྡུག་ཏུ་འགྲོ་གི་ཡོད་པ་རྣ་བ་ཡོད་ཚད་ཀྱི་མ་ཐོས་པ་དང། མིག་ཡོད་ཚད་ཀྱི་མ་མཐོང་བ་མེད་པ་ཞིག་ཏུ་གྱུར་བ་དངོས་ཡོད་རེད། དེས་ན་ཝར་ན་གཅིག་པོར་སྐྱོན་དེ་རིགས་བཙུགས་ན་ག་ལ་རུང། མི་རིགས་ཀྱང་༧གོང་ས་མཆོག་གིས་བོད་ཀྱི་སློབ་གྲྭ་ཁག་ཏུ་ཧི་མ་ལ་ཡའི་མི་རིགས་ཚོར་ཡོང་ཆོག་པ་དང། དེ་དག་ལ་བོད་ཀྱི་ཤེས་རིག་སློབ་སྦྱོང་གི་གོ་སྐབས་གནང་དགོས་ཚུལ་གྱིས་བཀའ་སློབ་སྔོན་ལོར་ཝར་ནར་གསུངས་པ་དེ་དག་ལ་གོ་བ་ལེན་དགོས། མ་གཞི་ནས་བོད་ཀྱི་ཤེས་རིག་ཟེར་ནའང་འདྲ་ཧི་མ་ལ་ཡའི་ཤེས་རིག་ཟེར་ནའང་འདྲ། ཆུ་དང་འོ་མ་འདྲེས་པ་ལྟར་གྱུར་ཡོད་པས། མི་རིགས་ཀྱི་ལ་རྒྱ་མེད་ཚུལ་ཤོད་པ་ནི་ཡེ་ནས་མི་བདེན་པའི་གཏམ་ཞིག་ཏུ་མཐོང། དེས་ན། སྔར་ཝར་ནར་ཆོས་ལུགས་གྲུབ་མཐའི་ཆགས་སྡང་ཆེ་རབས་བཤད་པ་དང། ད་ལྟ་མེད་ཚུལ་བཤད་ཀྱང། ད་ནས་བཟུང་བོད་རིགས་དང་ཧི་མ་ལ་ཡའི་མི་རིགས་ཀྱི་དབར་ལ་འཁྲུགས་རྩོད་དང་ཆགས་སྡང་རིས་ཕྱེས་ཀྱི་རྨེང་གཞི་བཏིངས་བར་མནོ་བསམ་ལེགས་པོར་གཏོང་དགོས། དེ་ལས་སྡུག་པ་ཞིག་མེད།
གནས་ཚང་ལ་གནས་གླ་མེད་པར་སྤྲེལ་ལྟ་བུའི་ཀུན་སྤྱོད་རབ་ཏུ་སྤོང་དགོས་སོ།

ཝཱརྣ་མཐོ་སློབ་ནི་ང་ཚོ་བོད་རིགས་བཙན་བྱོལ་དུ་འབྱོར་བ་ནས་བཟུང་སྟེ་ངོམས་སུ་ཆོག་པའི་མཐོ་སློབ་ཚད་ལྡན་དེ་ཆགས་ཡོད་པ་མ་ཟད། ད་དུང་ཡང་དེ་ལྟར་དུ་གནས་ཡོད། འདི་ནི་ང་ཚོ་བོད་རིགས་བཙན་བྱོལ་དུ་འབྱོར་བའི་བྱས་རིན་དང་མཛད་རྗེས་ཞིག་ཀྱང་ཅིས་མིན། མཐོ་སློབ་འདིའི་བརྒྱུད་ནས་སྐྱེད་སྲིང་བྱས་པའི་སློབ་མ་གྲངས་ལས་འདས་པ་ཞིག་གིས་ང་ཚོ་བོད་པའི་སྤྱི་ཚོགས་ནང་དུ་དགེ་རྒན་དང་སྤྱི་ཚོགས་ཕན་བདེའི་ཞབས་ཞུ་ཞུ་བཞིན་པ་ནི་མིག་མཐོང་ལག་ཟིན་ཡིན། འོན་ཀྱང་ཕྲག་དོག་གིས་མྱོས་པའི་མིག་ལ་ལེགས་ཕྱོགས་ཐམས་ཅད་ལ་སྐྱོན་ཅན་དུ་སྣང་བ་ནི་རང་གཤིས་ཞིག་ལས་མ་འདས་པས་བྱ་ཐབས་ཅི་ཡོད། སྐྱེ་བོ་འདི་དག་ལ་བཏང་སྙོམས་དུ་འཇོག་ན་ལེགས་སོ། །སྐྱོན་གྱི་ཆ་གཅིག་པོ་གླེང་ནས་ནག་ཟུབ་གཏོང་ཐབས་བྱེད་འདོད་ན་ཚོགས་པ་དང་ལས་ཁུངས་ཁག་ག་བ་ཡིན་ན་ཡང་ནག་ཟུབ་གཏོང་ཐུབ། ཁོ་བོས་བལྟས་ན་ཝཱརྣ་མཐོ་སློབ་ཀྱི་སློབ་སྦྱོང་ཉམས་ཆག་ཕྱིན་མི་འདུག ད་དུང་དེ་ལས་ལྡོགས་སྟེ་སྔར་དང་མི་འདྲ་བར་ལས་འགུལ་སྣ་མང་བརྩམས་ནས་འཛམ་གླིང་དང་བོད་པའི་རིག་གཞུང་གཉིས་པོ་འདྲ་མཉམ་དང་རིག་གཞུང་སྤེལ་རེས་སོགས་ཀྱི་ལས་འགུལ་སྔར་བྱུང་མ་མྱོང་བ་དེ་འདྲ་ཡང་སྤེལ་བཞིན་ཡོད་པ་ནི་བསྔགས་བརྗོད་ཀྱི་ཡུལ་ཡིན། མུ་མཐུད་ནས་ལས་འགུལ་དེ་ལྟར་སྤེལ་རོགས་གནང་ཞུ་རྒྱུ་ཡིན།

ཁ་ཉིན་རྡ་སར་གནས་སྡོད་གྲོགས་པོ་ཞིག་གིས་ཁ་པར་བཏང་ཡོང་སྟེ་དུས་བབ་ཀྱི་རྒྱབ་ངོས་སུ་ཁྱེད་ཚོའི་སློབ་གྲྭའི་སྐོར་གྱི་གནས་ཚུལ་ཞིག་བཀོད་འདུག་ཟེར། ཞིབ་ཉན་ཞིག་བྱེད་སྐབས་གྲྭ་བཙུན་བར་དུ་དགའ་རོགས་སྒྲིག་པ་དང་ཧི་མ་ལ་ཡའི་སློབ་ཕྲུག་མང་དྲགས་པའི་སྐོར་རེད་འདུག་ཅེས་གསལ་ལ་མི་གསལ་བ་ཞིག་བཤད་བྱུང་། མྱུར་དུ་དཔེ་མཛོད་ཁང་གི་དྲ་ཁང་དུ་ཡོང་མོད། དུས་བབ་དྲ་བ་འུར་འཇམ་མེར་རེད་འདུག
ཁ་སང་ངའི་སློབ་གྲོགས་ལ་དྭགས་པ་ཞིག་ངར་བཞིན་དུ་མིག་དམར་ཤསྟྲི་ཟེར་བ་སུ་རེད། ང་ད་ལྟ་རང་ཁོའི་སྐེ་རུ་མཆོངས་ཏེ་བཟོ་ལྟ་ཞིག་བཟོ་རྒྱུ་ཡིན་ཟེར་བཞིན་སླེབས་བྱུང་བས། གནས་ཚུལ་ཞིབ་ཏུ་དྲིས་པས་དྲ་ཐོག་ཏུ་ཧི་མ་ལ་ཡའི་རི་རྒྱུད་ཀྱི་སློབ་ཕྲུག་ཚོ་ལྟོ་མ་རག་པར་སློབ་གྲྭར་ཡོང་བ་རེད་ཅེས་བཀོད་འདུག་ཟེར། ངས་གནས་ཚུལ་དེ་ནི་རང་ག་བ་ཞིག་མིན་པ་ཐག་བཅད་ནས་དེ་རིང་འདིར་ཡོང་བ་ཡིན།
རེད་ཡ། ང་ཚོས་མཚམས་རེར་ཝཱཎའི་མཐོ་སློབ་ཀྱི་སྐོར་བཤད་ན་ཡག་པོ་འདུག རེད་དེ་བོད་ཀྱི་གསར་འགོད་པ་ཞིག་ཡིན་ཕྱིན་བོད་ལ་ཕན་པའི་ལས་ཞིག་ལ་འཇུག་དགོས་པ་ལས་རྒྱ་གར་གྱི་གསར་འགོད་པ་ཕུངས་དཀྲུགས་པ་ཚོ་བཞིན་ཚོགས་པ་ག་གེ་མོ་དང་མི་ག་གེ་མོ་ནག་པོར་བསྒྱུར་རྒྱུར་འབད་བརྩོན་བྱས་ན་བོད་ཀྱི་གསར་འགོད་པའི་འོས་འགན་མ་འགྲུབ་པ་རེད་ལ། དྲང་པོར་བཤད་ན་ཕྱི་རྒྱལ་རོགས་ཚོགས་ཚོས་སྤྲོད་པའི་ཟླ་རེའི་གླ་ཆ་དེའང་ལྟོ་བས་འཇུ་ཁག་པོ་རེད། དེའང་ངས་བཤད་འདོད་པ་ནི་གོང་དུ་མིག་དམར་ལགས་ཀྱིས་སློབ་གྲྭའི་དགེ་སྐྱོན་ཡོངས་རྫོགས་སྦས་གསང་མེད་པར་དྲང་པོར་གསུངས་སྐབས། དྲིན་ཆེ་བའི་གསར་འགོད་པ་དཔལ་ལྡན་གྱིས་”ཝར་ན་མཐོ་སློབ་ནང་གྲྭ་བཙུན་དགའ་རོཊ་སྒྲིག་མཁན་མངོན་གསལ་རེད།”རེད་ཅེས་མིག་དམར་ལགས་ཀྱི་སྐད་ཆ་གཞན་ཡོད་ཚད་ཐལ་བའི་རྡུལ་དུ་བརླགས་ཤིང་། ཝཱཎ་དང་མིག་དམར་གཉིས་ཀ་ལྟ་བཟོ་འདི་བཟོ་མེད་པར་བསྒྱུར་ཐབས་ལ་འབད་པ་དེ་རེད། རྗེས་སུ་དཔག་པས་བརྟགས་ཤིང་དཔྱད་ན་ཝཱཎ་ནག་པོར་བསྒྱུར་མི་ཐུབ་པ་ནམ་ལངས་ཉི་ཤར་རེད་མོད། མིག་དམར་ལགས་ཀྱི་མགོ་ལ་ཅི་ཞིག་ཡོང་རྒྱུ་ཡིན་མིན་དུས་ཀྱིས་ང་ཚོར་ཁ་གྲག་ཡོང་གི་རེད། གནས་ཚུལ་སྡུག་པོ་ཞིག་དང་མ་འཕྲོད་ན་དཀོན་མཆོག་གསུམ་པོས་བསྐྱབས་པ་རེད། གལ་སྲིད་ཁ་ཆག་སྣ་དབྲལ་ཞིག་བྱུང་ན་འགན་ཡོངས་རྫོགས་གསར་འགོད་པ་དཔལ་ལྡན་དང་དུས་བབ་གསར་ཁང་ལ་བཀལ་རྒྱུ་ལས་ཐབས་ཤེས་དྲག་པ་ཞིག་མཐོང་དུ་མི་འདུག་གོ །
རེད། ཝཱཎར་ཧི་མ་ལ་ཡའི་སློབ་ཕྲུག་གྲངས་མང་པོ་ཡོད། དཔེར་ན་ངའི་འཛིན་གྲྭ་གཅིག་པ་མང་པོ་ཞིག་ཀྱང་ཧི་མ་ལ་ཡའི་རི་རྒྱུད་ནས་ཡོང་བ་ཞེ་གཅིག་རེད། ཡིན་ཡང་གནས་ཚུལ་དེ་སྦས་སྐུང་བྱེད་དགོས་དོན་མེད་ལ། ཕར་ཚུར་གཡོལ་བྱེད་དགོས་དོན་ཅི་ལ་ཡོད། བཙན་བྱོལ་བོད་མི་རྣམས་རང་གི་རིག་གཞུང་དང་སྐད་ཡིག་ལ་ཡིད་ཆེས་བརླགས་ཤིང་རྒྱལ་ཁབ་དང་མི་རིགས་ལ་སེམས་ཁུར་བོར་བའི་སྐབས་འདིར་ཕ་མེས་ཡང་མེས་ནས་བོད་ཀྱི་ཆོས་དང་རིག་གཞུང་ལ་ཡིད་ཆེས་ཟབ་ཅིང་ངེས་པ་རྙེད་པའི་རང་གི་སྤུན་ཟླ་འདི་ཚོས་བདག་ཏུ་བཟུང་ཐུབ་ན་དེ་ལ་གནོད་པ་ཅི་ཞིག་ཡོད། མ་གཞི་ནས་སློབ་གྲྭ་འདི་university for tibetan studies ཡིན་པ་ལས་university for tibetan studentsམིན་པ་འདིས་ཀྱང་ང་ཚོར་སྐད་ཆ་གཉིས་པ་བཤད་སའི་ཁོར་ཡུག་སྦྱིན་མེད་ཅིང་འབྲེལ་ཡོད་ཚོས་ཀྱང་ཕར་གཡོལ་ཚུར་གཡོལ་བྱེད་པའི་དགོས་པ་མེད་པ་རེད།
དགའ་རོགས་སྒྲིག་ཚུལ་ནས་བཤད་ན་དེ་འདྲ་ཡོད་ངེས་པ་རེད། ང་ལ་ག་གེ་མོ་བསྟན་འཛིན་དང་ཆེ་གེ་མོ་སྒྲོལ་མ་གཉིས་ས་ཆ་འདི་འདྲ་ཞིག་ལ་མི་སྤྱོད་ལས་འདས་པའི་བྱ་བ་འདི་འདྲ་ཞིག་རྩོམ་བཞིན་འདུག་ཅེས་ཞུ་རྒྱུ་མེད་ཀྱང་། ལྷོ་ཡི་དགོན་སྡེ་ཁག་ནས་རྡ་ས་དང་བལ་ཡུལ་གྱི་བཙུན་དགོན་ཁག་བར་དུ་ངེས་འབྱུང་རླུང་གིས་མ་གཡོས་ཤིང་སྤྱོད་ལམ་ཚུལ་མཐུན་མ་ཡིན་པའི་གྲྭ་བཙུན་རྣམས་མཛུབ་མོའི་ཐོག་ཏུ་གྲངས་ཀ་རྒྱག་ན་སྤྱན་རས་གཟིགས་ཀྱི་ཕྱག་སྟོང་མི་དགོས་ཀྱང་མགོན་པོ་ཕྱག་དྲུག་པའི་ཕྱག་ལག་དྲག་པོ་གཡར་པོ་གནང་དགོས་འཁེལ་བ་གཏན་འཁེལ་རེད། ཡིན་ཡང་བླ་རྒན་མགོ་མཁྲེགས་ཁ་ཤས་ཀྱིས་གདན་ས་རྒྱ་མཚོ་ཆེན་པོའི་ནང་དུ་ནོར་བུ་དང་དུང་དཀར་ཡོད་པ་ནང་བཞིན་སྦལ་བ་དང་སྡིག་སྲིན་ཡང་ཡོད་ཆོག་ཅེས་ནག་ཉེས་ངོས་ལེན་གྱི་བཟོ་ལྟ་ཙམ་ཡང་མི་བསྟན་པ་མིན་ནམ། ངས་བཤད་འདོད་པ་ནི་གྲྭ་བཙུན་དེ་ཚོར་གུ་ཡངས་གཏོང་དགོས་ཞེས་ངན་པའི་རྒྱབ་ལངས་བྱེད་པ་མིན་པ་དེ་ཚོ་ཡོད་པ་ནི་ཆོས་ཉིད་རེད་ཅེས་ཟེར་འདོད་པ་ཡིན།
ཡང་སྤྱི་ཚོགས་འདི་རུ་སྐྱོན་ཞིག་ཡོད་པ་ནི་བུ་ཞིག་དང་བུ་མོ་ཞིག་མཉམ་དུ་འགྲོ་ཚར་ན་དགའ་རོགས་ཡིན་ཤག་བྱེད་པ་དེའང་གནས་ཚུལ་འདི་དག་གི་འབྱུང་གཞི་རྨ་མེད་པ་རེད་ཅེས་ཁོ་བོ་འདོད་དོ།། །།

སྤྱིར་བཏང་ནས། ཐག་རིང་གི་གཏམ་དེ་ཕྱེད་བདེན་ལ་ཕྱེད་མི་བདེན། ཞེས་པའི་བོད་ཀྱི་གཏམ་དཔེ་དེ་ཤིན་ཏུ་མད་པས་ན། དྲ་གྲོགས་རྣམས་ཀྱིས་སྙན་ལ་གསན་ཚད་དང༌། ཐུགས་ལ་དགོངས་ཚད་འདིར་མ་གསུངས་ན་སྤྱི་ཚོགས་ཀྱི་བདེ་འཇགས་ལ་ཕན་ཆེ་བར་མངོན། སྒོས་སུ་ ཧིམཱལཡའི་རི་རྒྱུད་ནས་འདིར་ཞུགས་པ་རྣམས་ལ་གཟིགས་སྟངས་མི་འདྲ་བ་གསུངས་ཏེ་གནས་བཟང་འདིའི་ཁོར་ཡུག་མ་བསྙོགས་ན་དགེ་མཚན་ཆེའོ༎
ད་ལྟའི་བཙན་བྱོལ་ནང་གི་བོད་མི་ཐམས་ཅད་རབ་དུ་བཀྲེས་པའི་གཡག་སྟོན་གྱི་ཞིང་གར་ཤོར་བ་ལྟར་ནུབ་ཕྱོགས་ལ་བཤར་སྟངས་འདིར་ལྟ་ན། མ་འོངས་པར་མཐོ་སློབ་འདི་ཧིམཱལཡ་བ་ལྟ་ཞོག རྒྱ་ཐང་གི་ཝཱརཱཎསཱི་པ་དང་རྡོ་རྗེ་གནད་པ་རྣམས་ཀྱིས་གང་རུང་དེ་ནི་བོད་མི་སྤྱི་ཡིས་མ་འཇོན་པ་ཞིག་ལས་གཞན་ལ་ལེ་ལན་འདའ་ས་མེད་དོ༎
གལ་ཏེ་སེམས་ཤུག་ཡོད་ན་སྐུ་ཉིད་མ་བྱུང་རུང་ཁྱེད་ཅག་གི་ཚ་བོ་དང་ཚ་མོ་རྣམས་ནུབ་ཕྱོགས་སྒོར་མོའི་ཡུལ་དུ་མ་བརྫངས་པར་ཝཱ་ཎ་ཤེས་བྱའི་གླིང་དུ་ཐོངས་ཤིག།

ནི་ཝར་ན་མཐོ་སློབ་ཡ། ད་ནི་ཁྱེད་ཕལ་ཆེར་ཚར་ཚར་བ་རེད། ༢༠༠༠ཐམ་པ་ཡས་མས་ནས་བཟུང་སློབ་སྦྱོང་སྒྲིག་ལམ་སོགས་སློབ་མའི་ཀུན་སྤྱོད་ཀྱང་ཅུང་ཉམས་རྒུད་ཀྱི་སྣང་ཚུལ་བྱུང་ཡོད། དེ་ནི་སློབ་སྦྱོང་ལས་ལག་འཁྱེར་གཙོ་ཆེ་བའི་ཧི་མ་ལ་ཡའི་རི་དྭགས་དེ་ཚོའི་བཟོ་བ་རེད།

ས་གནས་ཕྱོགས་ཐམས་ཅད་ཀྱི་སློབ་གྲྭ་དང་དགེ་ལྡན་ཁག་ནང་སྐྱོན་མེད་དག་གཙང་ཁོ་ནའི་ལམ་དུ་རྒྱུ་བ་ནི་སྔ་ནས་ད་ལྟའི་བར་བྱུང་མྱོང་མེད་ཟེར་ན་ཆོག་གི འོན་ཀྱང་སྐྱོན་ཡོན་གཉིས་ཀྱི་བརྒྱ་ཆ་བསྡུ་སྟེ་བྱེད་བྲག་པའི་སྟེང་ནས་བཤད་རྒྱུ་དེ་གལ་ཆེ་པོ་མཐོང་གི་ཡོད།

ཝ་ན་འདི་སློབ་གྲྭ་ཞིག་རེད། སློབ་མ་ཕོ་མོ་བར་ལ་དགའ་གྲོགས་ཀྱི་འབྲེལ་བ་བྱུང་ན་ཡང་སྐྱོན་ཞིག་ཡིན་དོན་མེད་གི་

བདེན་གཏམ་ལགས་་་་་་ཁོང་ཚོ་གྲྭ་བ་བྱེད་རོགས་ཞེས་ཞུ་འཐེན་མཁན་དེ་འཚོ་བ་ཡིན་རྒྱུ་རེད། སྤྱི་ཚོགས་རིགས་གནས་ཀྱི་ཆུ་ཚད་དང་མཉམ་མྱོང་ཁྱོན་ནས་མེད་མཁན་ཞིག་གི་སྡོམ་པ་ཤོར་ཀྱང་གྲྭ་ཆས་མ་གྱོན་ན་འཚོ་ལ་དཀའ་ངལ་ཡོད་རྒྱུ་རེད། མ་གཞི་ནས་མོ་སྡོམ་མེད་པའི་གྲྭ་ཆས་གྱོན་མཁན་སྔོན་མ་ནས་མང་པོ་ཡོད་པ་རེད། ཁོང་ཚོ་གྲྭ་བ་ལབ་ན་འགྲིག་གི་ཡོད་རེད། དགེ་ཚུལ་སློང་མ་རེད།

ག་རེ་བཤད་དེ་རེད་། སྨྱོན་པ་མིན་པའི་རེ་བ་ཡོད་། ཝ་ར་ན་སེ་དགོན་པ་ཡིན་ས་མེད་།
སློབ་ཕྲུག་རྣམས་དགའ་རོགས་སྒྲིག་ཡང་སྐྱོན་མེད་ངེས་རེད་།
ཇུས་རྟོགས་མ་ཆེ་ན་ཡག་ག་འདུག་། རང་གྲྭ་པ་དང་ཨ་ནེ་ལ་ཇུས་རྟོགས་བྱེད་དགོས་ཡོད་ན་ དང་པོར་རང་གྲྭ་པ་བྱེད་རོགས་ དེ་ནས་བཤད་ན་བཟང་གི་
དེ་མིན་ཁ་བཙུམ་མ་གཏོགས་ངས་སྲུང་མ་ལ་ཞུ་གི་ཡིན་ད་།

ཝ་ར་ན་སའི་གྲྭ་བཙུན་ཚོ་གྱོང་པོ་བྱུང་། ཁྱེད་ཚོས་ཐོབ་ཐང་དངོས་གནས་བླངས་འདུག ཨ་ནི་གྲྭ་བའི་ཐོབ་ཐང་རེད།
ཨ་ལ་ཀུ་རེ་ཡིན། ངོ་མ་ཐབས་སྐྱོ་བོ་ཞེ་དྲགས་རེད། ང་ཚོ་བོད་པའི་གནས་སྟངས་ཐབས་སྐྱོ་བོ་འདི་འདྲ་ཞིག་གི་སྐབས་སུ་རིག་པ་མ་སྒྲིམ་ན་ཉེན་ཁ་ཆེན་པོ་རེད། ལྷག་པར་དུ་གྲྭ་བཙུན་ཚོས་གནང་སྟངས་དེ་ངོ་ཚ་དགོས་པ་ཞིག་རེད། གྲྭ་བཙུན་བྱེད་དང་མི་བྱེད་སོ་སོ་རང་དབང་རེད། འོན་ཀྱང་གྲྭ་བཙུན་གནང་ན་ཕྱི་ནང་གཉིས་ཀ་སྤུས་དག་པོ་དགོས་རྒྱུ་གལ་ཆེན་པོ་འདུག
དེ་ཡང་ཇི་སྐད་དུ།
ཕྱི་རུ་ཉན་ཐོས་སྤྱོད་པས་ཞི་ཞིང་དུལ།།
ནང་དུ་རིམ་གཉིས་རྣལ་འབྱོར་གདེང་དང་ལྡན།།
མདོ་སྔགས་ལམ་བཟང་འགལ་མེད་གྲོགས་སུ་ཁྱེར།།
བློ་བཟང་རྒྱལ་བའི་བསྟན་པ་རྒྱལ་གྱུར་ཅིག།
ལར་ནས་དགེ་རྒན་གཉིས་ཀྱི་བཀའ་མོལ་ཡང་མཐུན་པོ་ཞིག་མཐོང་མ་སོང་། དངོས་ཡོད་གནས་ཚུལ་ཅི་ཡིན་ད་དུང་ཡང་ཐེ་ཚོམ་རེད།

དེ་སྔོན་དེ་འདྲ་བྱེད་མཁན་གྱི་བཀའ་བརྒྱུད་པའི་གྲྭ་བཙུན་གཉིས་ཡོད་འདུག་ཀྱང་། ད་ཆར་ཚབས་ཆེ་བ་དེ་འདྲ་ལྟ་ཡོད་བཟོ་མི་འདུག

འདི་རིགས་དམིགས་བསལ་སྐད་ཆ་གསལ་བ་མ་རེད་ལ། དམིགས་བསལ་དོ་སྣང་བྱེད་དགོས་ས་ཞིག་ཀྱང་མ་རེད། གལ་ཏེ་དོ་སྣང་དང་དགག་བསྒྲུབ་བྱ་དགོས་བྱུང་བ་ཡིན་ན། པདྨ་འབྱུང་གནས་ཆོས་ཅན་དེ་ཡང་དགག་དགོས་པར་ཐལ། དེས་དགའ་རོགས་བསྒྲིགས་ཡོད་པས་ཕྱིར། དེ་བཞིན་རྙིང་མའི་བླ་སྤྲུལ་གང་མང་ཞིག་ཆོས་ཅན་དེ་དག་ཐམས་ཅད་རྨང་ནས་བསྒྱེལ་དགོས་པས་ཕྱིར། རྒྱུན་མཚན་ནི་དེ་དག་ལ་དགའ་རོགས་ཡོད་པར་ཐལ། རྒན་མོ་ཡོད་པས་ཕྱིར། དེ་བཞིན་ས་སྐྱ་པ་ཆོས་ཅན་ས་སྐྱ་གོ་མ་ཚང་ལ་ཡང་དགའ་རོགས་དང་རྒན་མོ་ཡོད་པས་ཕྱིར། གཞན་ཡང་དགེ་ལུགས་པ་ཆོས་ཅན་པཎ་རིན་པོ་ཆེ་དང་འཇམ་དབྱངས་བཞད་པ་གཉིས་ཆོས་ཅན། དེ་གཉིས་ལ་ཡང་དགའ་རོགས་དང་རྒན་མོ་ཡོད་པས་ཕྱིར། ལྷག་པར་དུ་ཇོ་ནང་གི་ཀུན་མཁྱེན་རིན་པོ་ཆེ་འབོད་པ་དེ་ཆོས་ཅན་སངས་རྒྱས་བསྟན་པའི་སྲོག་ཤིང་ཞེས་འབོད་པ་དེ་ལ་ཡང་དགའ་རོགས་དང་རྒན་མོ་ཡོད་པས་ཕྱིར། འདི་དག་ཐམས་ཅད་ཀྱིས་བྱེད་ཆོག་པ་ཞིག་དགེ་འདུན་པ་ཕལ་བ་སྟེ་དཀྱུས་མ་ཞིག་གིས་ཅིས་ཕྱིར་བྱེད་མི་ཆོག་པ་རེད། གལ་ཏེ་འགྲོ་བ་མི་ཐམས་ཅད་གཅིག་མཚུངས་ཡིན་པ་ཁས་བླངས་པ་ནས་བཟུང་། དེའི་རྒྱུད་ལ་ཡོད་པའི་འདོད་ཆགས་ཡང་གཅིག་པ་ཡིན་པ་ཁས་ལེན་ལོས་ཀྱང་དགོས། མི་ཆེན་པོས་བྱེད་ཆོག་པ་ཞིག་པ་ཆུང་བས་བྱེད་མ་ཆོག་པ་ཞིག་ག་ལ་ཡོད། གལ་ཏེ་འདུལ་ཁྲིམས་ཞེས་པ་དེ་ཁ་ནས་བཤད་པ་བཞིན་ལག་ལེན་དངོས་སུ་བསྟར་མཁན་ཞིག་ཡོད་ན་ནི། དེ་ནི་གནས་ཚུལ་ཐ་ཐད་རེད། འོན་ཀྱང་། དེང་སང་གི་དགོན་པ་དག་ཆོས་ཅན་འདུལ་ཁྲིམས་མི་སྲུང་སྟེ། བསམ་བཞིན་དུ་ཁུ་བ་འབྱིན་བཞིན་ཡོད་པས་ཕྱིར། མཚན་མཐུན་ཆགས་སྤྱོད་ཀྱང་དགོན་པར་གསང་བའི་ཚུལ་དུ་ཡོད་པས་ཕྱིར། དེ་ཡང་མངོན་གསལ་དོད་པོ་ཡིན་པས་ཕྱིར། གལ་ཏེ་མཚན་མཐུན་ཆགས་སྤྱོད་དེ་འདུལ་ཁྲིམས་དང་མཐུན་པ་ཡིན་ན། ཨ་རི་བ་དང་འཇལ་པན་པ་མང་ཤོས་འདུལ་ཁྲིམས་སྲུང་མཁན་ཡིན་པར་ཐལ། རྒྱུན་མཚན་ནི། དེ་དག་གིས་མཚན་ཆགས་སྤྱོད་ལས་གཞན་བུད་མེད་ལ་མི་སྤྱོད་པས་ཕྱིར། དེ་མིན་མཚན་མཐུན་ཆགས་སྤྱོད་དེ་འདུལ་ཁྲིམས་དང་འགལ་ཡོད་ན། གོང་གསལ་གནས་ཚུལ་དེ་ཡང་འདུལ་ཁྲིམས་དང་འགལ་མེད་པས་ཕྱིར། རྒྱུན་མཚན་ནི། དགའ་རོགས་བསྒྲིགས་པ་ཙམ་ལས་བླ་ཆེན་དང་དགོན་བདག་དག་གིས་སྤྱོད་སྟངས་བཞིན་རང་སྣང་གང་དྲན་གྱིས་གཉེན་བསྒྲིགས་བྱས་མེད་པ་གང་ཞིག་ལ། དགོན་པའི་ནང་གི་དགེ་འདུན་པ་ལྟར་མཚན་མཐུན་ཆགས་སྤྱོད་བྱས་པའི་གནས་ཚུལ་ཡང་བྱུང་མེད་པས་ཕྱིར། མདོར་ན། འདི་རིགས་འཇམ་ཅག་གེར་བཞག་ན་བཟང་བར་འདོད། དེ་མིན་རེ་རེ་བཞིན་གླེང་བར་འདོད་ན། གླེང་བར་བྱ་འོ།

ཡར་རྒྱས་ཀྱི་ནང་དུ་ཆོས་རྒྱུད་ཀྱི་ཕྱོགས་ཞེན་མེད་པར་ཆགས་ཡོད་ཟེར་བ་དེ་བདེན་པ་མ་རེད། དེ་ལྟར་ཡིན་ན། འོས་ཤོག་བསྒྲིགས་འཛུགས་ཀྱི་ཚད་མཐོ་ཤོས། དགེ་ལུགས་པའི་འཐུས་མིར་སློབ་ཕྲུག་ལྷན་ཚོགས་ཀྱི་ཚོགས་གཙོའི་ས་མིག་ད་དུང་ཡང་འཐོབ་མྱོང་མེད་པ་ནི་ཝཱ་ཎའི་དམིགས་བསལ་ཞིག་མ་རེད་དམ།

དྲང་པོར་བཤད་ན་མངོན་གསལ་དུ་དགའ་རོགས་སྒྲིག་པའི་གྲྭ་བཙུན་ཚོ་སྒེར་གྱི་དོན་དག་རེད་ཅེས་འགེབས་སྲུང་བྱེད་རྒྱུ་མི་འདུག དེ་འདྲ་བྱུང་ན་གྲྭ་བཙུན་སྤྱི་དང་། བསྟན་པའི་ཞབས་འདྲེན་ཆེན་པོ་རེད། ཡིན་ནའང་། སྐྱོན་ཆེ་ཤོས་དེ་ཝར་ནའི་སྒྲིག་འཛུགས་ཀྱི་སྒང་ན་ཡོད། ཝར་ན་འདི་མཐོ་སློབ་ཅིག་རེད་མ་གཏོགས་དགོན་པ་ནི་མ་རེད། སྒྲིག་ཞུགས་ཀྱི་གྲྭ་བཙུན་ཚོ་སྐྱ་སར་བབ་མི་ཆོག་པ་དང་། སྐྱ་སར་བབ་ཚར་ན་སློབ་གྲྭའི་སྒྲིག་ཁོངས་ནས་ཐོན་དགོས་པའི་སྒྲིག་གཞི་དེར་རྒྱུ་མཚན་གང་ཡང་མི་འདུག སྒྲིག་གཞི་འདི་བཟོ་མཁན་བླ་རྒན་མགོ་མཁྲེགས་ཤིག་ཡིན་པ་ཐག་གིས་ཆོད། སྒྲིག་འཛུགས་ལ་དག་ཐེར་བྱེད་ན་སྒྲིག་གཞི་འདིའི་རིགས་ལའང་དག་ཐེར་བྱེད་རོགས། སློབ་ཕྲུག་བསྡུ་ལེན་སྐབས་ཧིན་རྡིའི་ཡིག་རྩལ་གཏོང་དགོས་པ་འདི་ཡང་ཆེད་དུ་བོད་ནས་ཡོང་མཁན་ཚོར་འགོག་རྐྱེན་བཟོས་པ་ཞིག་རེད། དེ་ཡང་མེད་པར་གཏོང་རོགས།

ངོ་མ་འགན་ཁུར་མི་ཐུབ་ན་དགོངས་པ་ཞུས་ན་རེད།༸སྐྱབས་མགོན་རིན་པོ་ཆེ་ཆིབས་བསྒྱུར་གནང་དུས་ལས་བསྡོམས་ཡག་རབ་བརྒྱན་རབ་རྐྱང་རྐྱང་གསུང་ནས་མཐར་འདི་ལ་ཐུག་པ་རེད། ངོ་མ་བློ་ཕམ་བྱེད་རེད་ཡ།

དགེ་བཤེས་དང་གྲྭ་བཙུན་དཀྱུས་མ་གཉིས་ཀྱི་འདོད་ཆགས་ལ་ཁྱད་པར་ཡོད་ནི་མ་རེད། ཐ་སྙད་ཙམ་གཙོ་བོར་འཛིན་ན་ཁ་ཁ་རེད། གཞན་མི་ཞིག་གིས་སྐྱོན་དེ་ཙམ་གླེང་བ་ཙམ་གྱིས་སློབ་གླིང་འདིའི་ངོ་གདོང་འགྱུར་མི་དགོས་ལ་རིན་ཐང་མེད་པ་ཞིག་ཏུ་གྱུར་དོན་མེད་ཁུ། འོན་ཀྱང་། དངོས་ཡོད་ཀྱི་གནས་སྟངས་དེ་འདི་ལྟར་གསལ་བོ་བྱས་ནས་སྤྱི་ཚོགས་ནང་དུ་བསྒྲགས་པ་ལ་རྗེས་སུ་ཡི་རང་ཞུ། ཁོ་བོས་ཀྱང་ན་ནིང་རྡོ་གདན་དུ་སོང་བའི་ཉིན་ཐོ་ཞེས་པའི་མཇུག་ཏུ་འདི་འདྲ་ཞིག་བྲིས་ཡོད། ཡིག་ནོར་ཡང་བཅོས་མེད་པར་འདིར་བཀོད་ན།

མཇུག་ཏུ་སྨྲས་པ།
ཝ་ར་ན་སུའི་སློབ་ཆེན་སློབ་མ་ཚོ།།
ཤར་ནུབ་ཕྱོགས་ནས་འདུས་པའི་སྤུན་གྲོགས་ཤིག།
ལ་དྭགས་མོན་པ་བལ་ཡུལ་ཤར་པ་དང་།།
སོག་པོ་འཇར་པན་སོགས་ཀྱང་ཡོད་པ་འདྲ།།

བོད་ཡིག་འབྲི་ཀློག་མི་ཤེས་སློབ་ཆེན་པ།།
བོད་ཀྱི་མཐོ་སློབ་འདི་ན་ཡོད་པ་འདྲ།།
བུ་དང་བུ་མོའི་བརྩེ་བ་ཟིལ་གནོན་པའི།།
གྲྭ་བཙུན་ཟུང་ཡང་ད་ཐེངས་བདག་གིས་རིག།

སྐད་ཡིག་བཞི་ལྔ་སྨྲ་བའི་བོད་པ་ཞིག།
ཝར་ན་མ་གཏོགས་བོད་ལ་ཡོད་མྱོང་མེད།།
གདོང་དམར་བོད་ཀྱི་ན་གཞོན་སློབ་བུ་ཚོ།།
སློབ་ཆེན་འདི་ལ་ཞུགས་པར་འབད་བརྩོན་བྱོས།།
གོང་གི་གྲྭ་བཙུན་ཟུང་ཟེར་བའི་དོན་ད་ཐེངས་གསུང་ཆོས་སྐབས་ཝ་ནའི་སློབ་མ་གྲྭ་བ་གཉིས་དང་ཨེ་ནེ་འམ་ཇོ་མོ་གསུམ་གྱིས་ང་ཚོ་ངོ་ཚ་རུ་བཅུག་སོང་། དེའི་ཕྱིར་ཟུར་ཙམ་ནས་གླེང་བ་ཡིན།

མཇུག་ཏུ་གསལ་བྱེད་ཅིག་ལ་ད་ཐེངས་ཀི་འདི་མི་སྣ་ངོ་སྤྲོད་ཙམ་ལས་སྙན་ངག་ཅིག་མིན།

དགེ་འདུན་པ་ལོག་ན་གྲྭ་ལོག་དང་། སྤྲུལ་སྐུ་དང་བླ་མ་ལོག་ན་མཛད་པ་ཞེས་པའི་ཐ་སྙད་ལས་ཡོང་བའི་ལམ་ལུགས་ཀྱི་དུས་ད་ལྟའང་གྲྭ་པ་དང་ཨ་ནེའི་བར་སྟོང་ཆ་ལ་རྣམ་རྟོག་གིས་རྩིག་པ་བརྩིགས་ཏེ་ལབ་གླེང་མང་དག་ཞིག་སྤེལ་བཞིན་པ་འདིའི་དོན་ངོ་མ་ཁོ་རང་སྒེར་གྱི་དགའ་གྲོགས་དེ་གྲྭ་པ་ཞིག་དང་ཁ་ཐུག་ནས་ཕྱིན་པའི་རྒྱུ་མཚན་གྱིས་མ་བཟོད་པར་སེར་མོ་བ་སྤྱི་ལ་རྒོལ་བརྡུང་བྱས་དང་བྱེད་བཞིན་འདུག་པ་ལས། སངས་རྒྱས་བསྟན་པར་བསམ་ནས་བྲིས་པ་ཞིག་གཏན་ནས་མིན།

གྲྭ་བཙུན་ཚོས་དགའ་རོགས་བསྒྲིགས་པ་དེ་སྒེར་དོན་ཞིག་རེད་་་་དེ་གནད་འགག་ཅིག་མ་རེད་་་་་དགའ་རོགས་བསྒྲིགས་མཁན་ནི་དགེ་སློབ་ཚང་མའི་ནང་ལ་ཡོད་པ་མ་ཟད་བླ་མ་དང་དགེ་བཤེས་ཚོས་ཀྱང་དེ་བཞིན་བྱེད་ཀྱི་ཡོད་ཀྱང་་་་དེ་ནི་སྒེར་སྐྱོན་ཞིག་ལས་ཅི་ཡང་མིན།་་་་གཙོ་བོ་སློབ་སྦྱོང་འཐུས་ཤོར་དུ་འགྲོ་བའི་གནད་འགག་དེ་ངོས་ཟིན་དགོས་པ་དེ་ཧ་ཅང་གི་གལ་ཆེན་པོ་རེད། དགེ་རྒན་ཚོས་སློབ་ཕྲུག་ཚོའི་སྤྱོད་པ་ཡག་པོ་མི་འདུག་ཅེས་འགྲེལ་བཤད་རྒྱག་པ་ལས་སྐྱོན་ཆ་སེལ་ཐབས་སུ་ཁྲིམས་སོགས་ཀྱི་སྒོ་ནས་ལག་ལེན་དུ་བསྟར་ཏེ་འཐུས་ཤོར་དེ་ཁ་གསབ་བྱེད་དགོས་པ་རེད། དེ་མིན་ཡག་པོ་མི་འདུག་ཅེས་ཁྱབ་བསྒྲགས་བྱས་པ་དེས་ཅི་ལ་ཕན། དེ་འདྲ་བྱས་ན་འགན་མ་ཁུར་བ་ཡིན་པས་སྐྱོན་དེ་དགེ་རྒན་གྱི་ཐོག་ཏུ་འདུག་པ་སྨོས་ཅི་དགོས། དགེ་རྒན་གྱི་ཁ་ལ་མ་ཉན་ན་གནས་དབྱུང་གཏོང་རྐྱང་བྱས་ན་གཞི་ནས་སྤོས་ཀ་ཇེ་ལེགས་སུ་ཏན་ཏན་འགྲོ་ངེས་རེད།