“དབུས་བོད་མིའི་གཞུང་གི་སྒྲིག་འཛུཊ” དང་། “སྲིད་སྐྱོང” གཉིས་འགྲོ་ཐུབ་རྒྱུ་མ་རེད།

ཆབ་བྲག་ལྷ་མོ།༼མི་ཆེན་༧གོང་ས་མེད་དོ། ༧གོང་ས་མཆོག་ནི་བྱང་ཆུབ་སེམས་དཔའི་རྣམ་སྤྲུལ་ཞིག་ཡིན་པས། ཟམ་གདོང་བླ་མ་དང་སྐུ་སྒེར་ལས་ཁུངས་ནས་གང་ཞུས་ཞུས་ཡིན།༽ ཧ་ཧ་ཧ་ཧ་ཧ། འོ་ན་ཁྱེད་ཀྱི་ཀྱང་གང་ཞུས་ཞུས་ཡིན་པ་འདྲ།

ང་ཚོས་བོད་པ་ཚང་འདི་སྐབས་རེར་མགོ་རྨོངས་ནས་དངོས་གནས་ཧང་སང་བཅུག་གི་འདུག ༸གོང་ས་མཆོག་ནས་གཞུང་གི་སྲིད་འཛིན་གནང་ཚེ་༸ཁོང་གི་བློན་པོ་དང་བློན་པོ་ནང་ནས་བློན་པོ་གནས་བབས་མཐོ་ཤོས་ལ་སྲིད་འཛྀན་གྱི་བཀའ་ཡི་འཁོར་ལོ་སྒྱུར་བའི་བློན་པོ་མཐོ་ཤོས་ཤིག་ཡོང་ཆོག་པ་ལས། ༸གོང་ས་མཆོག་ནས་སྲིད་འཛིན་ནམ་རྒྱལ་པོ་མ་གནང་ཚེ་བཀའ་བློན་ཁྲི་པ་ཡོངས་སྟངས་མེད་དེ། བཀའ་བློན་ཁྲི་པ་དེ་རྒྱལ་པོ་ལྟ་བུར་གྱུར་ཚར་བས་ཁོང་གི་སྒང་ལ་གཞུང་གི་དཔོན་རིགས་སུ་ཡང་མེད་ཁོ་རང་བློན་པོ་ཡིན་ག་ལ་ཤེས། བློན་པོ་ཡིན་ན་ཁོང་གི་སྒང་ལ་ངེས་པར་གནས་བབས་མཐོ་བ་ཞིག་ཡོད་དགོས་སོ། །དེས་ན་བློ་སེང་ལགས་ནི་སྲིད་སྐྱོང་དང་གཞན་རྣམས་ནི་བཀའ་བློན་དུ་འབོད་ཆོག སྔར་བོད་དུ་རྒྱལ་ཚབ་ལ་སྲིད་སྐྱོང་ལས་སྲིད་འཛྀན་དུ་འབོད་པ་མེད་དོ། །

བོད་ཀྱི་རྒྱལ་གཅེས་དཔའ་བོ་དཔའ་མོ་རྣམས་བོད་རྒྱལ་ཁབ་དང་། མི་རིགས། རིག་གཞུང་། འགྲོ་བ་མིའི་ཐོབ་ཐང་། རང་དབང་བཅས་ཀྱི་ཆེད་དུ་གཟི་བརྗིད་ངང་བློས་གཏོང་བྱས་པ་རེད་མ་གཏོགས་ཚིག་སྐམ་པོ་ཞིག་གི་ཆེད་དུ་ཚོར་བའི་བར་སྣང་དུ་མཆོངས་ཀྱིན་ཡོད་པ་མ་རེད།
ཚོར་བ་ནི་ཚོར་བ་རང་རེད། བཙན་བྱོལ་ནང་གི་འཐབ་རྩོད་པ་མང་ཤོས་ནི་ཚོར་བའི་བྱ་མ་རྟ་ཙམ་ལས་ལག་ལེན་གྱིས་སྟོང་བ་དང་། དམིགས་འབེན་གྱིས་སྟོང་བ། འཐབ་བྱུས་ཀྱིས་སྟོང་པ། དོན་དངོས་ཀྱིས་སྟོང་བ་ཤ་སྟག་རེད།

བོད་མི་མང་སྤྱི་འཐུས་ཚོས་ཕུགས་རྒྱང་ལ་དགོངས་པ་བཞེས་སྟངས་ཏག་ཏག་འགྲིག་འདུག ལམ་སེང་མགྱོགས་མྱུར་གྱིས་ཐག་གཅོད་ལ་སྐྱོན་ཞིག་ཏན་ཏན་ཡོང་གི་རེད། དེ་བས་བརྟན་བརླིང་བབ་གསུམ་གྱི་མནོ་བསམ་གཏོང་རྒྱུ་ཧ་ཅང་གལ་ཆེ་བ་ཡིན།
འདི་ནི་ཁྱི་ཕྲུག་འགའ་ཤས་ཀྱིས་ཟུག་སྐད་འདོན་བཞིན་འདུག་མོད་འདི་ཚོར་འཐབ་རྩོད་ལ་ཁ་ཕྱོགས་མེད། ཕུགས་རྒྱང་མེད། མི་རིགས་ཀྱི་འདུ་ཤེས་མེད། མདོར་ན་མདུང་ཁ་ནང་ལ་བསྐོར་མཁན་གྱི་སྡར་མ་སྐོར་མ་ཞིག་ཡིན་པས་འདི་ཚོར་འཛེམས་དོགས་བྱེད་དགོས་དོན་གང་ཡང་མེད། ངའི་སྤྱི་འཐུས་ཚོ། ངའི་བཀའ་ཁྲི་ཚོ་མདུན་དུ་བསྐྱོད་རོགས།

སྤྱིར་མིང་ལས་དོན་གལ་ཆེན་དུ་གྲུབ་ཡོད་པས། ང་ཚོས་གླེང་རྙོག་འདིའི་ཐད་ཆུ་ཚོད་ངེས་མེད་དུ་གཏོང་བ་ལས། མ་འོངས་ལས་འཆར་དེ་དག་ལ་ལག་ལེན་བྱེད་འགོ་བརྩམས་རྒྱུ་ནི་ཆེས་གལ་ཆེ་བར་འདོད། བདག་གི་བསམ་ན་བཀའ་ཁྲི་དང་སྲིད་སྐྱོང་གི་མིང་ཚིག་འདི་ནི་ང་ཚོར་མཚོན་ན། མིང་ལ་ཅུང་འགྱུར་བ་སོང་བ་གང་ཞིག་ལ་དོན་གྱི་བྱེད་པ་པོའི་དམིགས་ཡུལ་དང་བྱེད་པའི་ལས་ནི་མི་རིགས་ཞིག་གི་རྩ་བའི་ལངས་ཕྱོགས་དང་ཆབ་སྲིད་ཀྱི་ངོ་བོ་གཅིག་ཏུ་བཟུང་འཛིན་གྱི་ཡོད་པས་སོ།
འོན་ཀྱང་བཀའ་ཁྲི་ཡིན་ན་བཀའ་བློན་དུ་འབོད་དགོས་ན། སྲིད་སྐྱོང་བ་ཡིན་ན་སྲིད་བློན་སོགས་མིང་གི་གྲུབ་སྟངས་ཞིག་ཡིན་པར་འདོད།

ཉེ་ཆར་རྒྱལ་ཡོངས་ཚོགས་ཆེན་སྐབས་མི་མང་རྒྱ་ཆ་ ༨༠ ཙམ་གྱི་བཙན་བྱོལ་བོད་གཞུང་ལ་འདོད་པ་བྱུང་པ་དང༌། རྒྱ་ཆ་ ༢༠ ཙམ་མ་གཏོགས་ཀྱིས་བོད་མིའི་སྒྲིག་འཛུགས་ལ་འདོད་པ་བྱུང་མེད་ཀྱང༌། སྔར་སྐུ་དྲག་གི་རིང་ལུགས་ལྟར་ཟམ་གདོང་བླ་མ་གཙོ་བོར་གྱུར་པའི་མི་ཆེན་འགའ་ཞིག་གིས་བཙན་པོ་དབང་ཡོད་དང་ཧམ་བཤད་ཀྱིས་བོད་མིའི་སྒྲིག་འཛུགས་ཞེས་གྱུར་བ་བཏང་བ་ཡིན། ༼མི་ཆེན་༧གོང་ས་མེད་དོ། ༧གོང་ས་མཆོག་ནི་བྱང་ཆུབ་སེམས་དཔའི་རྣམ་སྤྲུལ་ཞིག་ཡིན་པས། ཟམ་གདོང་བླ་མ་དང་སྐུ་སྒེར་ལས་ཁུངས་ནས་གང་ཞུས་ཞུས་ཡིན།༽ད་དུང་ཡང་ང་རང་ཚོའི་སྲིད་གཞུང་དེ་གྱུར་བ་མ་འགྲོ་བར་སྔར་བཞིན་ཡིན་ན་དེ་ལ་མང་གཙོ་ཞེས་པའི་ཐ་སྙད་གཏགས་པ་དེ་མི་མང་ལ་མགོ་སྐོར་བླུ་བྲིད་ཅན་ཞིག་གི་སྲིད་གཞུང་ཞིག་ཏུ་འགྱུར་བའི་ཉེན། བོད་མི་སྒྲིག་འཛུགས་དེ་བཙན་བྱོལ་བོད་གཞུང་ཞེས་པ་ལ་སྒྱུར་བ་མ་གཏང་ན། ང་ཚོ་བོད་མི་བརྒྱ་ཕྲག་གཅིག་ཙམ་ནས་དུས་ད་ནས་ཟུང་རང་བཙན་ལག་དེབ་ཀྱི་དཔྱ་ཁྲལ་སྤྲོད་རྒྱུ་མིན་པའི་ཁས་ལེན་བྱེད་ཀྱི་ཡིན་ནོ། །ང་རང་ཚོའི་རང་ཉིད་ཀྱིས་རང་མེད་པ་བཟོས་བཞིན་འདུག །དཔེར་ན་བོད་གཞུང་ནས་རྒྱ་ནག་ལ་རང་བཙན་མ་དགོས་ཞེས་པ་དང༌། དེ་བཞིན་བོད་གཞུང་ཞེས་མིང་མེད་པ་བཟོས་པ་སོགས་བྱ་ངན་མང་དག་ཞིག་སྤེལ་ཡོད། ༧གོང་ས་མཆོག་ད་ནས་ཟུང་ཆོས་སྲིད་གཉིས་ཐ་དད་ཡིན་ཞལ་དྲོ་མོ་ནས་ལན་མང་གསུངས་པ་དེ་སྤྱི་འཐུས་དང་བཀའ་ཤག་ཚོས་ཐོས་ཡོད་ས་མིན་འདུག་གང་དྲག །མ་འོངས་པར་བོད་གཞུང་གང་འདྲ་ཞིག་གྱུར་བ་དེ་སྤྱི་འཐུས་དང་སྲིད་འཛིན་དེ་བཞིན་དམིགས་བསལ་གྱི་ཟམ་གདོང་བླ་མ་ལ་འགན་ཡོད། མི་བྱེད་དགུ་བྱེད་གནང་མཁན་ཚང་མ་ཟམ་གདོང་བླ་མ་ཡིན། ཟམ་གདོང་བླ་མ་དྷ་རམ་ས་ལ་གཡས་གཡོན་དུ་མ་བཞུགས་རོགས་གནང༌།

དམངས་གཙོའི་རང་དབང་ཕྱོགས་སུ་ཤར་བསྐྱོད་བྱེད་བཞིན་པའི་འདིར་རྒྱལ་ཁབ་དང་ཡུལ་ལུང་མང་དག་ཅིག་གིས་སྲིད་འཛིན་དང་སྲིད་བློན་བེད་སྤྱོད་གཏོང་བཞིན་སྐབས་སུ་ང་ཚོས་བཀའ་བློན་ཁྲི་བ་ཞེས་འབོད་ཀི་ཡོད་ལ་ཉེ་བའི་ཆར་༧གོང་ས་མཆོག་ནས་སྲིད་སྐྱོང་བ་ཞེས་མར་གསུངས་པ་འདི་ཡང་མདོར་བསྡུས་ནས་བཤད་ན་རྒྱལ་བའི་ལམ་ལུགས་དང་བླ་མའི་སྲིད་སྟེགས་ཤིག་གིས་ཡུལ་ལུང་སྐྱོང་བའི་

གཅིག བཅའ་ཁྲིམས་ནང་ལ་མ་འོངས་པའི་བོད་དེ་ཡུལ་མིའི་སྲིད་སྐྱོང་ཞིག་ཏུ་མངོན་འགྱུར་བྱ་རྒྱུ་བཀོད་ཡོད།
གཉིས།༸གོངས་མཆོག་གི་ཞལ་དྲོན་མོ་ནས་ཚོགས་ཀྱི་མདུན་དུ་སྲིད་སྐྱོང་གསར་བ་ཞེས་གསུངས་ཡོད།
གསུམ། བཀའ་ཁྲི་ཟུར་བ་ཟམ་གདོང་རིན་པོ་ཆེས་སྲིད་སྐྱོང་དུ་སྒྱུར་འོས་ཚུལ་དེ་སྔ་ནས་གསུངས་ཡོད།
བཞི། བཀའ་བློན་ཁྲི་པའི་མཚན་རང་འཇགས་བཞག་ན་ཕྱག་རོགས་གཞན་དག་ཚོ་ཡང་བཀའ་བློན་རང་ཡིན་དགོས། ཡིན་ན་ཡང་ད་ལྟ་གོང་གི་རྒྱལ་པོ་མེད་ས་ནས་འོག་གི་བཀའ་བློན་ཞིག་ཀྱང་ཡོང་ས་མེད།
བདག་གིས་ནི་དེ་སྔ་ནས་ཁྲི་པ་ཞེས་པ་དབང་ཆའི་གཙོ་འགན་བཞེས་མཁན་ཞིག་ལ་གོ་བས་སྲིད་སྐྱོང་ཁྲི་པ་ཞེས་གསོལ་ན་ཕྱག་རོགས་གཞན་དག་ཚོར་སྲིད་སྐྱོང་བ་གསོལ་འོས།
བཀའ་ཁྲིའི་འོས་ཤོག་འཕེན་དུས་བཅའ་ཁྲིམས་ལ་འགྱུར་བ་ཆ་ཚང་སོང་མེད། ད་ལྟ་བཅའ་ཁྲིམས་ཀྱི་ངོ་བོར་འགྱུར་བ་ཆེན་པོ་ཕྱིན་པས་བཀའ་ཁྲིའི་མཚན་གནས་ཀྱང་རང་བཞིན་གྱིས་འགྱུར་དགོས་པ་ཆགས་ཡོད། མ་གཞི་སྐབས་སྔོན་མར་གནད་དོན་འདི་འཐུས་ཤོར་ཕྱིན་པའི་འགན་རང་ལ་ཡང་ཡོད།
བཀུར་འོས་གྲོས་ཚོགས་ཀྱི་འཐུས་མི་རྣམ་པས་འདི་ལ་བསྐྱར་དུ་དགོངས་བཞེས་གནང་རྒྱུ་གལ་ཆེན་པོ་ཞིག་རེད།
རྒྱུ་མཚན་གཙོ་བོ་གཅིག་རང་སྟེ། བཀའ་ཁྲི་དང་བཀའ་བློན་རྣམ་པ་ཞེས་རང་འཇགས་བཞག་ན་་མིང་དོན་མི་མཚུངས་པའམ། དོན་གྱིས་སྟོང་བ་ཞིག་ཡིན་པས་སོ།

ངས་བྱས་ན་སྤྱི་མཐུས་རྣམ་པ་ཚོ་ནི་ལོ་རྒྱུས་དང་རྣམ་དཔྱོད་ཀྱི་གནས་ཚད་ཅུང་ཆུང་དྲགས་པའི་བཟོ་འདྲ་པོ་འདུག གང་ཡིན་ཟེར་ན། ད་བར་དུ་ང་ཚོ་བཙན་བྱོལ་དུ་སླེབས་པ་ནས་བཟུང་བཀའ་བློན་ཁྲི་པ་མང་པོ་བྱུང་ཡོད་པ་རེད་ལ། ལྷག་པར་དུ་མི་མང་གིས་བདམས་པའི་བཀའ་བློན་ཁྲི་ཐོག་གཉིས་ཕྱིན་ཟིན་པ་རེད། གོང་གི་བཀའ་བློན་སུ་ལའང་སྲིད་སྐྱོང་སྟག་བྲག་གིས་༧རྒྱལ་བ་རིན་པོ་ཆེར་རྩིས་སྤྲོད་གནང་བའི་ཐམ་ཀ་དེ་མེད་པ་རེད། འོན་ཀྱང་ད་ཐེངས་ནས་བཟུང་གསར་དུ་བཀའ་ཁྲིར་བདམས་པའི་སྐུ་ཞབས་བློ་བཟང་སེང་གེ་ལགས་སུ་༧རྒྱལ་བ་རིན་པོ་ཆེས་ཐམ་ཀ་དེ་རྩིས་སྤྲོད་ཞུས་པ་རེད། དེ་དང་སྦྲགས་༧གོང་ས་མཆོག་གིས་ “དེ་རིང་ངོས་ནས་སྲིད་སྐྱོང་གསར་བ་བློ་བཟང་སེང་གེ་ལ་ཆབ་སྲིད་ཀྱི་འགན་དབང་ཆ་ཚང་རྩིས་སྤྲོད་གནང་གི་ཡོད་པ་རེད། ” ཅེས་ཧ་ཅང་གསལ་པོ་གསུངས་ཡོད།
བཀའ་བློན་ཁྲི་པ་ཞེས་པའི་ཚིག་གི་གོ་བ་ལ་ཡང་། བཀའ་ཡི་བློན་པོ་ཞེས་པ་ནི་རང་ཉིད་ཀྱི་གོང་དུ་གཞན་ཞིག་གིས་བཀའ་བཏང་ཡོད་པ་དེ་སྒྲུབ་མཁན་ལ་ཟེར་བ་ཡིན། ད་ལྟ་ཆབ་སྲིད་ཀྱི་ཐོག་དབང་ཆ་ཆེ་ཤོས་ནི་ཁྲིམས་ཐོག་ནས་སྔར་གྱི་བཀའ་ཁྲི་དེ་ཡིན་པས། དེ་འབྲེལ་གྱི་སྲིད་སྐྱོང་ཞེས་མཚན་གསོལ་ཞུ་དགོས། དེ་ནི་སྔར་བྱུང་མ་མྱོང་བའི་གསར་བཟོ་མིན་པར་བོད་གཞུང་དགའ་ལྡན་ཕོ་བྲང་གི་སྐབས་ནས་ཡོད་པ་ཞིག་རེད། སྤྱི་མཐུས་རྣམ་པ་ཚོ་དངོས་གནས་ཁྱད་མཚར་འདུག

ད་རེས་ཀྱི་བཀའ་བློན་གསར་པ་ཚོ་བསྐོ་བཞག་དེ་གྲོས་ཚོགས་ཀྱིས་བགྲོ་གླེང་མ་བྱས་པར་ཐག་གཅོད་མོས་མཐུན་བྱས་པ་རེད། གཅིག་བྱས་ན་བསམ་བློ་ཞེ་དྲག་བཏང་མེད་ཚོད་རེད། ཡང་ཀློག་པ་པོ་ཚོ་གཟིགས་ཨང་། ལོ་ལྔའི་རྗེས་སུ་བཀའ་བློན་ཚོ་བསྐྱར་འདེམས་བྱེད་དགོས་བྱུང་ཚེ། རྣམ་འགྱུར་གང་འདྲ་སྟོན་གྱི་འདུག་གཟིགས་རྒྱུ་མ་བརྗེད་པ་བྱེད་རོགས།

ཁེ་མཚར་ཞིག་རེད། དེ་སྔོན་ནས་༧གོང་ས་མཆོག་གིས་གཞུང་གི་མིང་ལ་གངས་ལྗོངས་རང་དབང་མང་གཙོའི་སྒྲིག་འཛུགས་སམ། གངས་ལྗོངས་རང་དབང་མང་གཙོའི་ལྷན་ཁང་ཞེས་བཏགས་ན་ཞེས་དང་།

དེ་རྗེས་ཡང་བཀའ་ཁྲི་ལ་སྲིད་སྐྱོང་ཞེས་དངོས་སུ་གསུངས་པ་གཞིར་བཞག་བྱས་ན་སྤྱི་འཐུས་ཁྱེད་ཚོར་གྱོང་ག་རེ་རག་ས་རེད་དམ།
དེའི་སྐོར་ལ་ཁྱེད་ཚོས་ག་རེ་བྱས་ནས་བསམ་བློ་མ་བཏང་བ་རེད་དམ།

བཀའ་དྲིན་ཆེ། ཁྱེད་ཚོ་༧གོང་ས་མཆོག་ལས་ལྷག་རེ་གང་ཡང་མ་རེད། རྒྱལ་བའི་བཀའ་ལ་ཡག་པོ་ཉན་རོགས་ཞུ།
དེ་ལ་ཉོན་དང་ང་ཚོར་གྱོང་རག་ས་མ་རེད།

བོད་མི་མང་སྤྱི་འཐུས་ཚོས་སྲིད་སྐྱོང་གསར་པ་བློ་བཟང་སེང་གེ་མཆོག་གིས་དམ་འབུལ་སྐབས་ཀྱི་གོང་ས་མཆོག་གིས་ཁོང་ལོ་བཅུ་དྲུག་ཡིན་དུས་སྲིད་སྐྱོང་སྟག་བྲག་རིན་པོ་ཆེའི་མདུན་ནས་ཆོས་སྲིད་ཀྱི་འགན་དབང་བཞེས་པ་དང་དེ་རིང་ངོས་ནས་སྲིད་སྐྱོང་གསར་བ་བློ་བཟང་སེང་གེ་ལ་ཆབ་སྲིད་ཀྱི་འགན་དབང་ཆ་ཚང་རྩིས་སྤྲོད་གནང་གི་ཡོད་པ་རེད། ཅེས་བའི་ཟབ་མོ་བཀའ་སློབ་ལ་རྡོག་རོལ་བཏང་བ་མ་རེད་དམ།