བོན་རྒྱ་བསྟན་འཛིན་རབ་རྒྱས།
མ་འགྲིག་ངོ་མ་ནི། ད་ལོར་འུ་ཚོས་བཅའ་ཁྲིམས་ནང་གི་ཕྱིར་བསྡུ་བྱེད་དགོས་ཤིང་དུས་ལས་ཡོལ་བ་ཆོས་བརྒྱུད་སྤྱི་འཐུས་ཕྱིར་བསྡུ་མ་བྱས་པར། ཕྱིར་བསྡུ་བྱེད་མི་དགོས་པ་༸གོང་ས་མཆོག་གི་སྐུ་དབང་ཕྱིར་བསྡུ་བྱས་པ་དེ་མ་འགྲིག་པ་རེད་ལ། དེས་སླར་ཡང་ཉོག་དྲ་ཟ་ཟི་རེ་ཡི་རྒྱུན་ཆད་ཐུབ་ཀྱི་མེད་པ་དེ་རེད། ད་ལོར་བློ་སེང་ལགས་བཀའ་ཁྲིར་ཕེབས་ཤིང་སྤེན་པ་ལགས་ཚོགས་གཙོར་ཕེབས་ཏེ་བོད་ཀྱི་ཕོ་གསར་སྟག་འདྲ་བ་གཉིས་ཀྱིས་གཞུང་བཟུང་བ་དེ་ནི་ཧ་ཅང་ཉམས་དགའ་བ་ཞིག་རེད། བོད་ལ་མགོ་ཡོད་ཀྱང་རྔ་མ་མེད་ཟེར་བ་དེ་ཁ་གསབ་བྱས་པའི་སྣང་བའང་ཤར། དེ་ལྟར་ཕོ་སར་ཁོང་གཉིས་མང་གཙོའི་ཀ་ཆེན་གཉིས་ཀྱི་ཆེས་མཐོའི་དཔོན་ཁྲིེར་ཕེབས་པ་དེས་བདག་ལ་རེ་བ་ཞིག་གི་མེ་རྟ་གསོས་ཀྱང་། ༸གོང་ས་མཆོག་གི་སྐུ་དབང་མ་བཞེས་པ་དེས་བདག་ལ་སླར་ཡང་ “ ཨ་རོ་བོན་རྒྱ་བ། སྔོན་གྱི་དམར་ཡག་སྟག་མཆོངས་ནས་མཆོངས་མ་ཐུབ་ས་ཞིག་ལ། དེང་གི་གྲ་ཡག་ཝ་མཆོངས་ནས་མཆོངས་ཐུབ་བམ?” ཞེས་དྲི་བ་ཞིག་ལྡོག་འདྲི་བྱས་སོང་།
ཁ་སང་གྲོས་འཚོགས་ནང་གི་ཆབ་སྲིད་པ་ཡག་ཤོས་ཀརྨ་ཆོས་འཕེལ་གྱིས་བཀའ་ཁྲི་ལགས་སུ་གནད་འགག་ཅན་གྱི་དྲི་བ་ཚ་བོ་གཉིས་ཕུལ་ཞིང་གཅིག་ནི། བོད་རྒྱའི་འབྲེལ་མོལ་སྐོར་དང་། གཉིས་ནི། ཆོས་ལུགས་ཀྱི་སྐོར་རེད། ཁོང་གི་དྲི་བ་གཉིས་ཀ་ངོ་གདོང་ནས་གནད་འགག་ཆེ་བ་རེད་དེ། དེ་བཞིན་དགག་སྒྲུབ་ཀྱི་ཕྱོགས་ངོས་བརྒྱུད་ནའང་ཉིན་སྲིབ་ཧ་ཅང་མང་ཚོད་རེད། དཔེར་ན། དྲི་བ་དང་པོ་དེས་ཟམ་གདོང་ཚང་། རྒྱ་རི་ཚང་། ༸གོང་ས་མཆོག་དང་བཅས་པ་གྲོས་ཚོགས་ནང་བསྐྱར་གླེང་གིས་དབུ་མའི་ལམ་གྱི་སྲིད་བྱུས་སོགས་ལ་ཁབ་དང་འབིག་གུས་གཙག་ཏེ། གནའ་སྔོན་མའི་གྲོས་ཚོགས་སྐབས་བཅུ་གསུམ་པའི་སྐབས་ཀྱི་ཉོག་དྲ་ཆེན་པོ་དེ་སླར་གསོ་བྱ་འདོད་དང་། དྲི་བ་གཉིས་པ་དེས་བཀའ་ཁྲིར་ཆོས་ལུགས་རྒྱུན་ཤེས་ཀྱིོ་ཡིག་ཚད་ཆུང་ཆུང་ཞིག་ལེན་བསམ་པ་དང་། ཆོས་བརྒྱུད་སྤྱི་འཐུས་དགོས་མིན་དང་ཇོ་ནང་སྤྱི་འཐུས་འགྲིག་མིན་སོགས་ཀྱི་བསམ་ཚུལ་སྣ་ཚོགས་ཀྱི་སྒོ་ཆེན་དབྱེ་ནས་སྤྱི་ཚོགས་འུར་ལ་སྐུར་བསམ་པ་མ་ཟད་ཞོར་ནས་ཁོ་བ་ཆོས་བརྒྱུད་སྤྱི་འཐུས་སུ་མི་འོས་པར་ཤུགས་ཆེན་གླེང་མཁན་ཚོར་ཡ་ལན་ཚ་བོ་སྤྲད་འདོད་ལོས་ཡིན། ཁ་སང་དེ་ལས་ཀྱང་ཁ་གསལ་དུ་“ བར་སྐབས་ཤིག་ནས་གྲྭ་བ་ཚོར་འོས་ཤོག་གཉིས་ཀྱི་ཐོབ་ཐང་ཡོད་པ་དང་། ཆོས་བརྒྱུད་སྤྱི་འཐུས་དགོས་མིན་གྱི་སྐད་ཆ་ཡོང་གི་ཡོད་པ་དེ་འབུར་འཇོམས་བྱ་མ་ཐུབ་ཚེ་ཆིག་སྒྲིལ་ལ་གཏོར་བཤིག་གཏོང་བའི་ནང་ཁུལ་གྱི་གནད་དོན་ཞིག་ཆགས་ཉེན་ཡོད ” ཅེས་མི་མང་གི་བསམ་ཚུལ་ལ་འབུར་འཇོམས་དགོས་པའི་སྐད་ཆ་གཞུང་ལ་ཤ་ཞེན་ཆེ་མདོག་གིས་བཀའ་ཁྲིར་བརྒྱུད་སྐུལ་བྱས་འདུག འདི་དག་ནི་ཁོ་ད་ལོར་ཆོས་བརྒྱུད་ཁ་ཤས་ནང་དུ་འོས་གཞིར་ཐོན་པ་ལ་དྲ་ཐོག་གི་བདག་མེད་མཁས་པ་ཚོས་གནད་ལ་འཁེལ་བའི་ཡ་ལན་དང་མཚང་འབྱིན་མང་དུ་བྱས་པར་དགྲ་ཤ་ལེན་བསམ་པའང་ཡིན་རྒྱུ་རེད། ཡིན་ནའང་། སྐབས་འདིར་བཀའ་ཁྲི་མཆོག་གིས་ཀྱང་དྲི་བ་གཉིས་ཀར་ལན་ཚ་བོ་དང་གནད་ལ་འཁེལ་བ་གནང་སོང་ལ། ང་ཚོས་ཀྱང་ཇི་ལྟར་འབུར་འཇོམས་བྱ་མིན་ལ་ལྟ་ན་འདོད་པ་ཞིག་རེད་ཨང་།
ད་དུང་ཁ་སང་གྲོས་ཚོགས་ནང་དུ་ཐོབ་ཐང་འདྲ་མཉམ་ལ་ཆོས་ལུགས་རིས་མེད་ཀྱི་ཚུལ་གསུམ་འགོད་མཁན་ཡང་མང་དུ་བྱུང་ཚོད་རེད། ཡིན་ནའང་། ཆོས་ལུགས་རིས་མེད་ཅེས་པ་ནི་ཆོས་ལུགས་ཀྱི་སྤུ་རིས་དབྱེ་ནས་མི་མང་ལ་དགག་སྒྲུབ་ཀྱི་བསླབ་བྱ་བརྒྱུད་སྤྲོད་དང་མི་མང་གི་དད་མོས་རྡོག་རོལ་གཏོང་བ་སོགས་ལ་བརྗོད་པ་ལས་ཐོབ་ཐང་ཞིག་གིས་ཆོས་ལུགས་རིས་མེད་ལ་འགྲེལ་བཤད་རྒྱག་ས་མེད། ཆོས་ལུགས་རིས་མེད་ཅེས་པ་འདི་༸གོང་ས་ལྔ་བ་ཆེན་པོས་བོད་ཀྱི་སྲིད་དབང་བཟུང་བ་ནས་བཟུང་བར་མ་ཆད་ཡོད་ཡོད་པའི་དགའ་ལྡན་ཕོ་བྲང་བའི་བཟང་སྤྱོད་ཅིག་རེད། དེའི་ཕྱིར་ཆོས་ལུགས་རིས་མེད་ཀྱིས་ཐོབ་ཐང་འདྲ་མཉམ་ཞིག་གཏན་ནས་དཔོག་མི་ཐུབ། བཀའ་ཁྲི་མཆོག་གིས་གསུངས་པ་བཞིན་ད་ལྟའི་བཙན་བྱོལ་གཞུང་གི་བཅའ་ཁྲིམས་ཀྱི་མངའ་འོག་ན་འཚོ་བའི་ཆོས་ལུགས་ཡོད་ཚད་རིས་མེད་ཡིན་པ་ནི་སྨྲ་མ་དགོས་པ་ཞིག་རེད་དེ། ཆོས་ལུགས་པ་ཚང་མ་ཐོབ་ཐང་འདྲ་མཉམ་ནི་གཏན་ནས་མིན་ནོ། །དཔེར་ན། ཇོ་ནང་དང་བུ་སྟོན་པ། ཁ་ཆེ་བ། ཡུ་ཤི་བ་བཅས་ཀྱི་ཆོས་ལུགས་པ་ཚོ་དང་། ཡང་ཆོས་ལུགས་རིས་མེད་ཀྱི་དགོན་སྡེ་མཚན་ཉིད་གྲྭ་ཚང་དང་སྒྲོལ་མ་གླིང་ལྟ་བུའི་གྲྭ་བཙུན་ཚོར་ཡང་འོས་ཤོག་གཉིས་ཀྱི་ཐོབ་ཐང་མེད། ཆོས་བརྒྱུད་ཆེན་མོ་བཞི་སོ་སོར་སྒེར་ཁོངས་སུ་ཐོ་འགོད་བྱས་པ་རྣམས་དང་མ་ཆོས་གཡུང་དྲུང་བོན་པོ་བ་རྣམས་ལ་འོས་གཉིས་ཀྱི་ཐོབ་ཐང་ཡོད་པ་རེད། མང་གཙོའི་གཞི་སྒྲོམ་ནི་མི་གཅིག་ལ་འོས་གཅིག་རེད། འདི་འཐོར་སོིང་བའི་རྗེས་ལ་ད་མང་གཙོ་ཞིག་བཤད་ས་ཡོད་དམ། ད་ང་ཚོས་ངེས་པར་ཕྱིར་བསྡུ་བྱ་དགོས་པ་དེ་གང་རེད། རྒྱལ་བའི་སྐུ་དབང་རེད་དམ།
བོན་རྒྱ་བས་དུས་བབ་དྲ་ཚིགས་ཀྱི་གསར་འགྱུར་སྔ་ཕྱི་གསུམ་མཐོང་འཕྲལ་འཕྲད་མར་ཡིག་གེར་ཕབ་པའོ། །
ཅོ་རི་ལགས་སུ་གསལ་བཤད།
ཁྱོད་ཀྱིས་བཤད་པ་བདེན་པ་རེད་དེ་ལ་མ་ཞིག་ཆད་འདུག ཡིན་ནའང་། མ་ཞིག་ཆད་སོང་ན་སྨྱོ་དགོས་ན་ཡིག་ནོར་བཞི་ལྔ་བྲིས་ནའང་སྨྱོ་དགོས་ཚོད་ཡིན་པས་དྲ་གྲོགས་ཅོ་རི་ཉི་མའང་སྨྱོས་པར་ཐལ་བའི་ཉེས་པ་ལྡོག་ཏུ་མེད་ཚོད་རེད་དེ། ་ཚིག་གི་རྩོད་པ་ཐ་ཐོར་དེ་འདྲར་སྙིང་པོ་ཆེར་མེད་པས་རེ་ཞིག་གཡུགས་ཞོག
ཡང་སྐུ་ཉིད་ཀྱིས་ཕྱི་རྒྱལ་གྱི་བཙན་བྱོལ་བ་ཚོར་འོས་ཤོག་བཅུའི་ཐོབ་ཐང་མེད་པར་བཤད་པ་དེ་བདེན་པ་རེད། དེ་ཡག་པོ་མི་འདུག དེ་ལུགས་ན་ནིང་དགུ་བཅུ་གསུམ་གྱི་བཀོད་སྒྲིག་འོག་ང་དང་དོན་འགྲུབ་ལྷ་དར་བསྟན་འཛིན་བརྩོན་འགྲུས་གསུམ་གྱིས་འོས་འདེམས་སྐོར་ལ་སྐད་ཆ་ཞིག་བཤད་པའི་སྐབས་དེར་བདག་གིས་དོན་ཚན་གཅིག་ལ་བགོས་ནས་བཤད་ཡོད།
ངའི་བསམ་པར་བྱང་ཨ་རི་དང་ཡུ་རོབ་ཀྱི་བོད་པ་ཚོའང་ཆོལ་ཁའི་འོས་འཕེན་པའི་ཐོབ་ཐང་དང་འོས་མིར་ལངས་པའི་ཐོབ་ཐང་དགོས་ཀྱི་འདུག དེ་མིན་གྱི་དེ་ཚོའི་དམིགས་བསལ་སྤྱི་འཐུས་རེ་ཟུང་ཡོད་པ་དེ་ཚོ་ཕྱིར་བསྡུ་བྱེད་དགོས་ཀྱི་འདུག་ཅེས་བཤད་ཡོད། དེ་ལ་རྒྱུ་མཚན་ཡང་མང་པོ་ཡོད། དཔེར་ན། སྤྱི་འཐུས་ནང་མི་ཤེས་འཇོན་ཅན་མ་རེག་པའི་དཀའ་ངལ་ཡང་བོད་པ་ཤེས་འཇོན་ཅན་ལ་གོ་སྐབས་མ་རེག་པའི་དཀའ་ངལ་ཚོགས་ཡོད་པར་འདོད་ཡོད། དེ་དག་སྐད་ཆ་དེའི་རྒྱབ་ལྗོངས་ཡིན།
དྲ་གྲོགས་ཚེ་རིང་ལགས་སུ་གསལ་བཤད།
དེ་རིང་གི་ངའི་རྩོམ་ཡིག་འདི་རུ་ཀརྨ་ཆོས་འཕེལ་ལ་བཟང་ངན་གྱི་དབྱེ་བ་དང་ཐག་གཅོད་ཅི་ཡང་བྱས་མེད། དེ་ནི་ང་ལ་བབ་མེད་པའི་འགན་འཁྲི་ཞིག་ཀྱང་རེད། དྲ་པ་ཨ་ལ་ལ་ཟེར་བ་ཞིག་གིས་བཤད་པ་བཞིན་ང་ཀརྨ་ཆོས་འཕེལ་ལ་ཆ་རྒྱུས་ཅི་ཡང་མེད། ངས་རྩོམ་འདི་རུ་དུས་བབ་དྲ་བར་ཐོན་པའི་གསར་འགྱུར་གསུམ་དང་དེར་གསལ་བའི་ཀརྨ་ཆོས་འཕེལ་ལགས་ཀྱི་སྐད་ཆར་བསམ་དཔྱད་ཙམ་བྱས་པ་དེ་ཡིན།
“ཆོས་ལུགས་རིས་མེད་ཅེས་པ་འདི་༸གོང་ས་ལྔ་བ་ཆེན་པོས་བོད་ཀྱི་སྲིད་དབང་བཟུང་བ་ནས་བཟུང་བར་མ་ཆད་ཡོད་ཡོད་པའི་དགའ་ལྡན་ཕོ་བྲང་བའི་བཟང་སྤྱོད་ཅིག་རེད་”ཅེས་པའི་ཚིག་འདི་ནི་དེ་སྔོན་གྱི་བོད་ཀྱི་སྲིད་དབང་སིལ་བུར་འཐོར་བའི་སྐབས་སོགས་བསྡུར་དཔྱད་ཀྱིས་བཤད་པ་ཞིག་དང་། ༸གོང་ས་ལྔ་བ་ཆེན་པོས་བོད་ཀྱི་སྲིད་དབང་བཞེས་པའི་དམིགས་ཡུལ་སོགས་ལ་གཞི་བཅོལ་ནས་བཞད་པ་ཡིན། ༸གོང་ས་ལྔ་བ་ཆེན་པོས་བོད་ཀྱིས་སྲིད་དབང་བཟུང་བ་དེའང་ཆོས་ལུགས་རིས་མེད་ཡོངས་ཐབས་དེ་དམིགས་ཡུལ་གྱི་གཙོ་བོ་ཞིག་རེད། དེ་ཡང་གོང་ས་ལྔ་བ་ཆེན་པོས་”བོད་འདིར་མགོ་འཆིང་ཞིག་ཡོད་ན་དུས་ཀྱང་བདེ་ཞིང་། ས་བཀའ་རྙིང་གསུམ་སོགས་གྲུབ་མཐའ་གཞན་རྣམས་དམིགས་པ་མེད་པའི་དབྱིངས་སུ་རྒྱས་མི་འདེབས་པར་ཕན་ནམ་སྙམ་པ་བྱུང་”ཞེས་དང་། བསྟན་དོན་ལ་རྒྱར་མི་གཏུབ་པ་དང་། ཚུར་རྒོལ་ཞབས་འདྲེན་མ་བྱུང་ཕྱིན། གྲུབ་མཐའ་མཐའ་དག་རང་འཇགས་སུ་བཞག་ན་རང་གཞན་ཚང་མར་གཏན་བདེ་འོང་བར་བཀའ་བསྩལ་བ་སོགས་ལས་དཔོག་ཐུབ་ལ། ཁོང་གིས་རང་གི་ཆོས་བརྒྱུད་དམ་ཆོས་ལུགས་དེ་དར་ཐབས་སུ་ཆོས་ལུགས་གཞན་ལ་གནོད་ཅི་ཡང་བསྐྱལ་མེད་པ་མ་ཟད། དེ་ལྟར་གནོད་སྐྱེལ་མཁན་གྱི་འདྲེ་སྲིན་ཚུན་ཆད་ལ་གདོང་ལེན་མཛད་པ་ནི་དོལ་རྒྱལ་དམ་བསྒྲགས་གནང་བ་སོགས་ལས་ཀྱང་དཔོག་ཐུབ་པ་ཞིག་རེད།
དེའི་ཕྱིར་གོང་ས་ལྔ་བ་ཆེན་པོ་མཆོག་ནས་ཆོས་ལུགས་རིས་མེད་ཡོང་བར་སྐུ་ངལ་ཤུགས་ཆེན་གནང་ཡོད་པ་དེ་གསལ་བོ་རེད། ཡིན་ནའང་། ཆོས་བརྒྱུད་ནང་འཁྲུག་རེ་ཟུང་བྱུང་ཡོད་པ་ཙམ་གྱིས་ཆོས་ལུགས་རིས་མེད་མེད་པ་སྒྲུབ་ཐུབ་ཀི་མ་རེད།
ཆོས་རྒྱུད་ཆེན་པོ་བཞི་དང་གཡུ་དྲུང་བོན་བཅས་ལྔ་པོ་ལ་འོས་བསྡུ་ཉེས་རྩིག་ཡོད་པའི་ཞྭ་མོ་ཞིག་ཀོན་བསྡད་ཀྱི་ཡོད་པ་འདི་ལ་ཞིབ་ཏུ་བསམ་ན་་་་བཙན་བྱོལ་བོད་གཞུང་གི་འགྲོ་ལུགས་ཤིག་དང་དགོས་དབང་ཞིག་རེད་མ་གཏོགས་འོས་བསྡུ་དྲང་བདེན་མེད་པ་དང་མང་གཙོ་ཡང་དག་མིན་པ་དེ་འདྲ་རྩ་ནས་མ་རེད།
རང་བཙན་ལག་དེབ་ཡོད་མཁན་ཚང་མ་བཙན་བྱོལ་བོད་གཞུང་གི་མི་སེར་ཡིན་པར་འདྲ་འདྲ་རེད། ཡིན་ནའང་འོས་གྲངས་མང་ཉུང་གི་ཐོབ་ཐང་ཡོད་སྟངས་གཅིག་པ་ཆགས་མེད།
རྒྱ་བལ་འབྲུག་གསུམ་གྱི་བཙན་བྱོལ་བོད་མི་རེ་ལ་ཆོལ་ཁའི་འོས་བཅུ་རེ་འདུག ཆོས་རྒྱུད་ཆེན་པོ་བཞི་དང་གཡུ་དྲུང་བོན་བཅས་ལྔ་པོའི་ཁུངས་གཏོགས་ཀྱི་མི་རེ་ལ་འོས་གྲངས་བཅུ་གཉིས་འདུག དཔེ་ན་ང་ལྟ་བུའི་ཡུང་རོལ་རྒྱལ་ཁབ་ཅོ་བརྒྱད་ནང་གི་བཙན་བྱོལ་བོད་མི་རེ་ལ་འོས་གྲངས་གཉིས་འདུག་ག
ད་ག་རེ་རེད། འདི་འདྲ་ཆ་མ་མཚུངས་བ་་་ཆོས་རྒྱུད་ཁག་གི་མི་རེའི་སྤྱི་འཐུས་ཅུ་གཉིས་འོས་བླུགས་ཀྱི་ཡོད་རེད། ང་ལྟ་བུའི་བཙན་བྱོལ་བོད་མི་ཚོ་ལ་སྤྱི་འཐུས་གཉིས་འོས་བླུགས་ཆོག་པའི་ཐོབ་ཐང་འདུག་་་་དྲང་པོ་རེད་་་མ་རེད་་་བོན་རྒྱལ་ལགས་་་་ཧཧཧཧ་་་བཅའ་ཁྲལ་མང་ཤོས་སྤྲད་མཁན་ཚོ་ལ་སྤྱི་འཐུས་ཉུང་ཤོས་གདམ་བཅུག་གི་ཡོད་པ་དངོས་ཡོད་རེད་དོ།།།
ད་ལན་་་དེ་ཙམ་ཡིན་ལགས་་་་མུ་མཐུད་ནས་
སྤྱི་འཐུས་ཀརྨ་ཆོས་འཕེལ་གྱིས་གྲོས་ཚོགས་ར་བ་འདིའི་ནང་ནས་སྤོབས་པ་དང་བཅས་ཏེ་གནད་ལ་འཁེལ་བའི་དྲི་བ་དང་བསམས་ཚུལ་མི་ཉུང་བ་བརྗོད་སྟངས་ལ་་བཞིགས་ན་ཁར་སྔོན་གསར་འགྱུར་རྒྱུད་ལམ་ཁ་ཤས་དང་ཚོགས་པ་ཁ་ཤས་ནས་ཆེས་ཐལ་ཆ་ཆེ་བའི་སྐྱོན་བརྗོད་དེ་དག་གཞི་མེད་པའི་སྐྱོན་བརྗོད་ཡིན་པའི་ཚོར་སྣང་བྱུང་། གལ་སྲིད་ཁོང་ལ་དེ་འདྲའི་སྐྱོན་ཆ་ཡོད་ན་གདེང་སྤོབས་འདི་ཙམ་ཡོང་རྒྱུ་དཀའ་ལ་གྲོས་ཚོགས་ནས་ཁོང་སོས་དལ་དུ་ག་ལ་བཞག
བོན་རྒྱལ་ལགས་ཀྱིས།
༼༼ཆོས་ལུགས་རིས་མེད་ཅེས་པ་ནི་ཆོས་ལུགས་ཀྱི་སྤུ་རིས་དབྱེ་ནས་མི་མང་ལ་དགག་སྒྲུབ་ཀྱི་བསླབ་བྱ་བརྒྱུད་སྤྲོད་དང་མི་མང་གི་དད་མོས་རྡོག་རོལ་གཏོང་བ་སོགས་ལ་བརྗོད་པ་ལས་ཐོབ་ཐང་ཞིག་གིས་ཆོས་ལུགས་རིས་མེད་ལ་འགྲེལ་བཤད་རྒྱག་ས་མེད།༽༽ཞེས་གསུངས་འདུག་་་་་་ཧཧཧཧཧཧཧཧ
ཆོས་ལུགས་རིས་མེད་ཡིན་ན་མི་མང་གི་དད་མོས་རྡོག་རོལ་གཏོང་དགོས་པར་ཐལ། འདོད་ན།
བཙན་བྱོལ་སྒྲིག་འཛུགས་ཆོས་ཅན། ཆོས་ལུགས་རིས་མེད་མ་ཡིན་པ་ཐལ། ཆོས་ལུགས་ཀྱི་སྤུ་རིས་དབྱེ་ནས་མི་མང་ལ་དགག་སྒྲུབ་ཀྱི་བསླབ་བྱ་བརྒྱུད་སྤྲོད་དང་མི་མང་གི་དད་མོས་རྡོག་རོལ་མི་གཏོང་པས་ཕྱིར།།ཞེས་བཀོད་ན་་་་ཅི་ཞིག་ལན་རྒྱབ་ཀྱི་ཡོད་དམ།
ངོ་མ་་་་་བོན་རྒྱལ་སྨྱོན་འདུག་་་་་ཆོས་ལུགས་རིས་མེད་ཅེས་པ་འདིའི་དོན་དག་འགྲེལ་བཤད་བརྒྱབས་སྟངས་འདི་་་བཟི་གཏམ་རང་རེད།
ད་ཡིན་ན་ཧམ་པ་སུ་ཚ་འགྲན་བསྡུར་བྱེད་པའི་དུས་ཡིན་པ་འདྲ། དགའ་ལྡན་ཕོ་བྲང་གིས་སྲིད་སྐྱོང་འགོ་ཚུགས་པ་དང་ཆོས་བརྒྱུད་བར་གྱི་དམག་འཁྲུག་ཤུགས་ཆེ་རུ་སོང་བ་ལས་ཆུང་དུ་སོང་མེད་པ་སྔོན་གྱི་ལོ་རྒྱུས་གང་དུ་གསལ་ཡོད་ཅི་ཤོད་དཱ། ཁྱི་ཡི་ཁ ནས་མུ་ཏིག་ཡོང་ཨེ་སྲིད་གཅིག་བལྟ་སྙིང་འདོད་དོ། །དགའ་ལྡན་ཕོ་བྲང་པའི་གཞཱུང་མ་བཙུགས་པའི་སྐབས་དེར་གཙང་པ་སྡེ་པས་དགའ་ལྡན་དགོན་པར་ཅི་བྱས་པ་རེད། བཀྲ་ཤིས་ལྷུན་པོའི་དགོན་པར་ཅི་བྱས་པ་རེད། ལྷ་སའི་སྨོན་ལམ་ཆེན་མོ་ལོ་ཇི་ཙམ་བཀག་འགོག་བྱས་པ་རེད་ཨེ་ཤེས། མི་དབང་ཕཽ ལྷ་བའི་རྣམ་ཐར་དེ་གཅིག་ཀློགས་དང་ཤེས་ཡོང་། ཇོ་ནང་པར་དྲག་གནོན་བྱས་པར་ཧམ་བཤད་དེ་༸གོང་ས་ལྔ་པ་ཆེན་པོས་ཇོ་ནང་པར་བརྩི་བཀུར་ཇི་ཙམ་ཞུས་པ་དུ་ཀུ་ལའི་གོས་བཟང་ལས་ཤེས་ནུས། བཀའ་བརྒྱུད་པར་རློམ་པའི་ཆབ་སྲིད་པ་དགེ་ལྡན་པར་སྡང་ཟུག་ཆེ་བ་འགའ་ཤས་སོག་དམག་གིས་གཏོར་ཕམ་གཏོང་བ་ནི་སྤྱི་ཚོགས་ཀྱི་འགྱུར་འགྲོས་ཤིག་ཡིན་པ་ལས་༸གོང་ས་ལྔ་པ་ཆེན་པོས་རྒྱ་ནག་གོང་མ་དང་རང་གི་ཕྱག་མཛོད་སོགས་ལ་ཆོས་བརྒྱུད་སྒྱུར་བ་དང་མི་མཚམས་པ་བྱེད་མི་རུང་བའི་བཀའ་སློབ་ཇི་ཙམ་གནང་བ་ལོ་རྒྱུས་ཁག་ལ་ལྟོས་ཤིག །དེ་ནས་སྐད་ཆ་བཤད་སར་ཤོག
བོན་རྒྱ་ལགས། ཁྱེད་ཀྱིས་ཡིག་ཚོགས་མང་དུ་བཏང་བ་ལ་དགོས་པ་གང་ཡང་མེད། ཁྱེད་རང་ཀརྨ་ཆོས་འཕེལ་ལ་རྒྱུས་མངའ་ཅི་ཡང་མི་འདུག ཀརྨས་བློ་སེང་ལ་དྲི་བ་ཚ་བོ་བཏང་བ་ཞིག་གང་ནས་ཡིན། དྲི་མ་ཚོ་བོ་ཆང་དྲི་འཐུལ་ལེ་བ་ཞིག་དང་། བཟི་གཏམ་རྡ་རུ་རྡི་རེ་ཞིག་ལས་གང་ཡང་མི་འདུག ཁྱེད་རང་སྦེད་དེ་མགོ་འཐོན་འདུག ཆུ་གྲང་གིས་གདོང་བཤལ་ཅིག་ཐོངས།
བོན་རྒྱ་བས་བསམ་ཚུལ་ཁག་ཅིག་ཡག་པོ་སྤེལ་འདུག་ལ། གསལ་པོ་མེད་པ་ཞིག་ལ་ཀརྨ་ཆོས་འཕེལ་བཟང་རབ་བཤད་ཀྱི་ཡོད་དང་ངན་རབ་བཤད་ཀྱི་ཡོད་ཁ་གསལ་བཟོ་ཐུབ་མི་འདུག
དེ་ནས་མོས་མཐུད་བྱེད་མ་ཐུབ་ས་ཞིག་ལ། “ཆོས་ལུགས་རིས་མེད་ཅེས་པ་འདི་༸གོང་ས་ལྔ་བ་ཆེན་པོས་བོད་ཀྱི་སྲིད་དབང་བཟུང་བ་ནས་བཟུང་བར་མ་ཆད་ཡོད་ཡོད་པའི་དགའ་ལྡན་ཕོ་བྲང་བའི་བཟང་སྤྱོད་ཅིག་རེད་”ཅེས་བརྗོད་པ་འདི་རེད།
དགའ་ལྡན་ཕོ་བྲང་གིས་སྲིད་སྐྱོང་འགོ་ཚུགས་པ་དང་ཆོས་བརྒྱུད་བར་གྱི་དམག་འཁྲུག་ཤུགས་ཆེ་རུ་སོང་བ་ལས་ཆུང་དུ་སོང་མེད་པ་སྔོན་གྱི་ལོ་རྒྱུས་ཁག་ཏུ་གསལ་པོ་རེད་ལ། ས་ཆ་ཁག་ཅིག་དང་ཆོས་བརྒྱུད་ཁག་ཅིག་ཏུ་བལྟས་ན་ཡང་གསལ་པོ་ཤེས། དགའ་ལྡན་ཕོ་བྲང་གཞུང་གིས་(འདི་ལ་སྐབས་དེར་དགེ་སོག་གཞུང་ཡང་ཟེར། མིང་དེ་མི་མང་གིས་ངོས་ལེན་མེད་པའི་རྣམ་འགྱུར་རེད།) སྒོས་སུ་ཇོ་ནང་པ་དང་། བཀའ་བརྒྱུད་པར་དྲག་གནོན་བྱས་ཏེ་རྩ་མེད་བཏང་བ་མ་ཟད། ས་གནས་ཁག་ཏུ་དགོན་རྙིང་དགེ་ལུགས་པར་བསྒྱུར་པ་དང་། དགོན་གསར་རྒྱག་པ་སོགས་སོག་དམག་རྒྱབ་རྩར་བླངས་ནས། རི་བོ་དགེ་ལྡན་པ་བསྟན་པ་དར་སྤེལ་ཤུགས་ཆེན་བྱུང་ཡོད། དགེ་ལྡན་པའི་བསྟན་པ་དར་བ་ནོར་འཁྲུལ་མིན་ཀྱང། གཞན་པ་ཚོར་བཙན་གནོན་བྱས་པ་ནི་ནོར་འཁྲུལ་ལོས་ཡིན།
༧གོང་ས་སྐུ་ཕྲེང་བཅུ་བཞི་པའི་སྐབས་འདིར་ཆོས་བརྒྱུད་ཚོ་སྔར་དང་མི་འདྲ་བའི་འཆམ་མཐུན་བྱུང་ཡོད། ཁོང་གིས་བོད་ལ་བཞག་པའི་མཛད་རྗེས་ཆེ་ཤོས་ཀྱང་དེ་ཡིན་གྱི་རེད་བསམ་སོང་།
ཨ་རོགས་ཨ་ཁུ་བོན་རྒྱལ་ལགས། འདི་གོང་ས་མཆོག་གིས་སྐུ་དབང་འབངས་ལ་སྤྲད་པ་མ་འགྲིག་པ་མ་ཡིན་པར་ཆོས་རྒྱུད་ཁག་གིས་གོང་ས་མཆོག་ལ་གཞོགས་འདེགས་གནང་གི་མེད་པས། ད་དུང་སྤྱི་འཐུས་ཀྱི་གོ་ས་དང་འོས་ཤོག་གི་ཐོབ་ཐང་གཉིས་ལ་ཤི་འཆང་རོ་འཆང་གནང་བཞིན་པ་མ་ཡིན་ནམ། ཐ་ན་དགེ་ལུགས་པའི་སྤྱི་འཐུས་གཉིས་ཀྱིས་ཀྱང་གཞོགས་འདེགས་གནང་གི་མེད་པས། དོན་ངོ་མ་གོང་ས་མཆོག་ཅེས་མ་ཎི་བགྲང་བགྲང་བྱེད་མཁན་དེ་དག་ལ་ག་རེ་འགྲིག་གི་མེད་པ་རེད་དམ།
ང་ཚོ་རྒྱལ་ཁབ་དང་སྤྱི་ཚོགས་ཀྱི་འགན་དགོན་པ་དང་བླ་གྲྭ་ཚོར་འགེལ་དགོས་ན་འུ་ཐུག་ཡིན་མ་རེད་པས་