དེ་རིང་ཉིན་རྒྱབ་མདོ་སྨད་སྤྱི་འཐུས་རྒྱལ་རོང་ཟླ་བ་ཚེ་རིང་ལགས་སུ་སྙིང་རྩ་དང་ཀླད་པའི་ནད་གཞི་ཞིག་གིས་ངྷི་སྒར་རྒྱ་གར་སྨན་ཁང་ཞིག་ནས་སྐུ་གྲོངས་འདུག
ད་ལྟ་རིང་གནས་ཚུལ་འབྱོར་གསལ་ལ། བོད་མི་མང་སྤྱི་འཐུས་རྒྱལ་རོང་ཟླ་བ་ཚེ་རིང་ལགས་སུ་སྔོན་མ་ནས་སྙིང་རྩ་དང་ཁྲག་ཤེད་ཀྱི་ནད་གཞི་ཞིག་ཡོད་པ་དང་། ཉེ་ལམ་སྐབས་བཅོ་ལྔ་པའི་གྲོས་ཚོགས་ཚོགས་དུས་གཉིས་པ་དབུ་འཛུགས་གནང་སྟེ་ཁོང་ཉིན་ ༥ རིང་ཚོགས་བཅར་གནང་ཡོད་ཀྱང་། ཕྱི་ཚེས་ ༢༣ ཉིན་གྱི་ཞོགས་པར་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་འབུམ་ཚོགས་ལ་བཅར་ཏེ་ཕྱིར་ལོག་མཚམས་བློ་བུར་དུ་ནད་གཞི་ཇེ་སྡུག་ཏུ་སོང་སྟེ་ཅན་ངྷ་སྒར་རྒྱ་གར་སྨན་ཁང་ཞིག་ཏུ་ཁྲིད་ཡོད་པ་དང་། དེའི་རྗེས་སྙིང་ལ་གཤག་བཅོས་བྱས་ཏེ་ཅུང་ཇེ་བཟང་དུ་སོང་ཡོད་ཀྱང་། རྗེས་སུ་བསྐྱར་དུ་ཀླད་པའི་ནང་ཁྲག་བབས་ཏེ་ཇེ་སྡུག་ཏུ་སོང་སྟེ་མཐར་དེ་རིང་ཉིན་རྒྱབ་ཆུ་ཚོད་ ༣ ། ༢༠ སྟེང་ཅན་ངྷི་སྒར་རྒྱ་གར་སྨན་ཁང་ཞིག་ནས་སྐུ་གྲོངས་ཡོད་འདུག
དེ་རིང་ཉིན་རྒྱབ་སྤྱི་འཐུས་གྲོས་ཚོགས་ཀྱིས་ལས་མཚམས་བཞག་སྟེ་འདས་པོ་བོད་མི་མང་སྤྱི་འཐུས་རྒྱལ་རོང་ཟླ་བ་ཚེ་རིང་ལགས་ཀྱི་ཆེད་དུ་བསྔོ་སྨོན་ཞལ་འདོན་ཚོགས་བཞིན་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
རྒྱལ་ཞེན་པ་ཁོང་གི་སྐུ་ཡི་འཕེན་པ་རྫོགས་པར་མྱ་ངན་གུས་བཏུད་ཞུ།
ཨོྃ་མ་ཎི་པདྨེ་ཧཱུྃཿ
མི་ལུས་རིགས་བཟང་འཐོབ་སྨོན་ལམ་ཞུ།
འགོ་རྩོམ་དང་འབྲེལ་བ་ཡོད་མེད་མི་ཤེས། གཅིག་བྱས་ན། ཁྱེད་ཚོས་དྲ་རྒྱ་འདི་ཀློག་མྱོང་ཡོད་ཀྱི་མ་རེད། དྲ་རྒྱ་འདིའི་མིང་ལ་ལྷ་སའི་ཆོས་གྲོགས་དྲ་རྒྱ་ཟེར་ཞིང་། བོད་ནང་དུ་ཀློག་མཁན་ཡང་མང་དག་གཅིག་ཡོད། འདིའི་ནང་དུ་ཉེ་ཆར་ལྷ་སའི་ནང་དུ་སློབ་འབྲིང་དང་སློབ་ཆེན་དབར་ལ་སྙན་ངག་གྱེར་འདོན་འགྲན་ཚོགས་ཞིག་ཚུགས་འདུག འདིའི་སྐོར་ནི་ཁ་བྱང་འདིའི་སྟེང་དུ་བསྣན་ན་ཀློག་ཐུབ་ངེས། http://www.tibetson.com/Item/Show.asp?m=1&d=1706 ཐགས་རྗེ་ཆེ།
གནས་ཚུལ་འདི་གོ་མ་ཐག་སྙིང་ལ་གྲི་བཙུགས་པ་ལྟ་བུའི་ན་ཟུག་ཞིག་གིས་འདུག་མི་བཟོད་ཀི ཡིན་ན་ཡང་ མིག་ནས་མཆུ་མ་བཞུར་ཀྱིན་ངག་ལས་མ་ཎི་རེ་བགྲང་རྒྱུ་ལས་ཐབས་གཞན་མི་འདུག འདས་བོ་ཁོང་ན་མཚོན་ན་བོད་མི་དམངས་འཐུས་ནང་གི་འདྲ་འདྲ་ནང་གི་མི་འདྲ་བ་ཞིག་ཡིན། ངོ་མ་བཙལ་བྱོལ་སྒྲིག་འཛུགས་དང་བཅལ་བྱོལ་མི་དམངས་ལ་དགོས་གལ་ཆེ་བའི་མི་སྣ་ཞིག་ཡིན། འདས་བོ་ཁོང་སླར་ཡང་འཕགས་མཆོག་སྤྱན་རེ་གཟིགས་ཀྱིས་ཉེ་བཞིན་དུ་རྗེས་སུ་བཟུང་སྟེ་བོད་ཁ་བ་གངས་ཅན་གྱི་ཞིང་དུ་སྐྱེས་ནས་མི་རིགས་འདི་དང་བསྟན་པ་འདི་ལ་རླབས་ཆེན་གྱི་བྱ་བཞག་སྒྲུབ་མཁན་གྱི་མི་སྣ་ཞིག་ཏུ་སྐྱེས་བར་ཤོག
བོད་ཀྱི་སྐད་ཡིག་གི་ནང་དུ་ཞེ་ཚིག་མང་དུ་བེད་སྤྱོད་བྱས་པས་རང་རེའི་རིག་གཞུང་གི་བརྡ་དག་དང་སུམ་རྟགས་དང་ཚིག་གྲུབ་ཀྱི་འགྲོ་ལུགས་སོགས་ལ་སྐྱོན་ཆ་ཐེབས་པས་དོན་དག་གསལ་བོ་སྟོན་མི་ཐུབ་པ་ཞིག་ཆགས་ཀྱི་འདུག
ལྷག་དཀར་ལས་འགུལ་ལགས།
སྤྱིར་གསར་འགྱུར་གྱི་ཚིག་འགྲོས་ཤིག་ཡིན་ནཞེ་ས་དང་ཚིག་རྒྱན་རིག་དགག་བྱ་ཡིན་མོད། བོད་པ་ཚོར་དམིག་བསལ་ཡིན་པའི་དབང་དུ་བྱས་ཀྱང་ཞེ་ས་ཐལ་དྲགས་ན་དོན་སྒྲིབ་འགྲོ་བའི་ཉེན་ཁ་མེད་དམ་སྙམ།
༼ རྒྱ་གར་སྨན་ཁང་ཞིག་དུ་ཁྲིད་འདུག ༽ཅེས་བཀོད་པ་ཅུང་གུས་ཞབས་མེད་པ་ལྟ་བུ་ཞིག་ཆགས་འདུག་པ་ངོས་ལེན་ཡོད།
༼ རྒྱ་གར་སྨན་ཁང་ཞིག་ཏུ་གདན་འདྲེན་ཞུས་འདུག ༽ཅེས་བཀོད་ན་ཞེ་ས་ཅུང་ཐལ་དྲགས་པས་དེའི་གོང་དུ་ཞེ་ཚིག་གཞན་མེད་པ་ལྟ་བུ་རེད།
༼ རྒྱ་གར་སྨན་ཁང་ཞིག་ཏུ་ཕེབས་འདུག ༽ཞེས་བཀོད་ན་གང་འདྲ་ཡོད་ན་བསམས་ཏེ་བསྐྱར་དུ་བསམ་བློ་གཏོང་དགོས་བྱུང་སོང་།
དུས་བབ་ཚང་ལགས།
བོད་མི་དམངས་ཀྱི་མཐུས་མི་ཞིག་ཡིན་ཙང་གུས་བཀུར་དང་བརྩི་འཇོག་ཞུ་དགོས།
སྤྱི་གནང་འདུག་མོད། འོན་ཀྱང་༼རྒྱ་གར་གྱི་སྨན་ཁང་ཞིག་ཏུ་ཁྲིད་འདུག༽ལྟ་བུར་བལྟས་དུས་བརྗོད་མི་ཤེས་པའི་ཚོར་བ་འགའི་འཕར་ཆ་མཐོ་པོར་བསླེབས་བཅུག་སོང་། དེའི་ཚབ་ཏུ་རྒྱ་གར་གྱི་སྨན་ཁང་ཞིག་ཏུ་གདན་འདྲེན་ཞུས་འདུག༽ལབ་ན་ཏག་ཏག་མིན་འགྲོ་སྙམ། །
༄༅། །ཕྱི་མའི་གྲོགས་ལ་བསྲིངས་བའི་ཞུ་འཕྲིན་སྐྱོ་གདུང་སེམས་ཀྱི་རྦ་རླབས།
ཁ་སང་བྷང་ལོར་གྲོང་དུ་འབྱོར་ནས་དུས་བབ་དྲ་རྒྱ་བསྔོགས་པ་ན། །
རྒྱལ་ཞེན་ཤེས་འཇོན་ལྷག་བསམ་གཏེར་གྱུར་གྲོགས་མཆོག་ཕྱི་མར་ཆས་སོང་ཞེས། །
མི་སྙན་གཏམ་ངན་ཚེར་ལྕག་རྩུབ་མོས་བདག་སྙིང་དུམ་བུ་འབུམ་དུ་གཙབས། །
སླར་ཡང་བསམ་ཚེ་སྐྱེ་རྒ་ན་འཆིའི་མི་རྟག་སྒྱུ་མའི་ཆོ་གར་རྟོགས། །
རྒྱ་བོད་ས་མཚམས་སྲུང་བའི་རྒྱལ་རོང་བས། །
སྨད་ཕྱོགས་རྒྱ་ལ་གཡུལ་འཁྲུལ་ཉུང་ཉུང་མིན། །
དཔུང་གིས་རྒྱ་དམག་བཏུལ་བ་ཉུང་ཉུང་མིན། །
གངས་རིའི་རླུང་རྟ་བསྡད་པ་ཉུང་ཉུང་མིན། །
རྒྱལ་རོང་དཔའ་སྡེའི་བརྒྱུད་པ་གྲོགས་ཁྱོད་དང་། །
མི་ལོ་ལྔ་རིང་སྤྱི་འཐུས་གྲོས་ཚོགས་སུ། །
གངས་ལྗོངས་ལས་དོན་མཉམ་ལས་བྱས་པའི་རིང་། །
རྒྱལ་ཞེན་ཤེས་འཇོན་ཆེ་ཞིང་ཧུར་བརྩོན་གྱིས། །
ཀུན་ཕན་སྤྱི་དོན་ཟོལ་མེད་ཁྱེད་ཀྱིས་བསྒྲུབས། །
མཐོ་སར་སྤྲེལ་ལད་འཁྲབ་པའི་སྤྱི་འཐུས་མིན། །
ཉམ་ཐག་མཐོང་ཆུང་བྱེད་པའི་སྤྱི་འཐུས་མིན། །
རྒྱལ་བའི་བཀའ་དགོངས་སྒྲུབ་པའི་སྤྱི་འཐུས་ཡིན། །
འབངས་དོན་གཙོ་བོར་སྒྲུབ་པའི་སྤྱི་འཐུས་ཡིན། །
དེ་རིང་རྒྱ་གར་རྒྱ་མཚོའི་འགྲམ་ན་ཁོ་བོས་ཁྱོད་ཉིད་དྲན་ཙམ་ལས། །
ཕྱི་མར་ཆས་པའི་བློས་ཐུབ་གྲོགས་ལ་ཕན་པའི་ལས་ཤིག་ཅང་མ་མཆིས། །
འོན་ཀྱང་མཆོག་གསུམ་བསླུ་མེད་ཞིང་དུ་གདུང་ཤུགས་དྲག་པོས་གསོལ་འདེབས་ཀྱིས། །
དུས་གསུམ་བསགས་པའི་དགེ་རྩ་ཅི་མཆིས་གྲོགས་ཁྱོད་བདེ་བའི་རྫོངས་བར་འབུལ། །
སྐྱེ་ཀུན་དར་བའི་རྟེན་བཟང་རིམ་བརྒྱུད་ཕྱག་ན་པདྨོའི་ཐུགས་བཞེད་ལྟར། །
རླབས་ཆེན་སྤྱོད་པས་མཁའ་ཁྱབ་འགྲོ་རྣམས་བརྩེ་བ་ཆེན་པོས་རྗེས་འཛིན་གྱིས། །
རྫོགས་སྨིན་སྦྱང་གསུམ་ཕ་མཐར་མྱུར་ཕྱིན་མཆོག་གི་གོ་འཕང་མངོན་གྱུར་ཡང་། །
རྒྱ་བོད་ས་མཚམས་སྲུང་བའི་དཔའ་སྡེ་རྒྱལ་རོང་ཡུལ་ལ་དུས་ཀུན་གཟིགས། །
འདས་པོ་ཁོང་སྤྱི་དོན་ནམ་བོད་དོན་ལ་བྱས་རྗེས་ཡག་པོ་བཞག་ཡོད་ས་རེད། མི་ལུས་དོན་ལྡན་རེད་རྗེས་སུ་ཡི་རངས་ཡོད། ལུས་རྟེན་ཡག་པོ་ཞིག་ཐོབ་པར་ཤོག། ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ
ང་ཚོ་བོད་རིགས་ཚང་མས་རང་རིགས་རྒན་གཞོན་རྣམས་ལ་སྐྱིད་སྡུག་མཉམ་མྱོང་བྱེད་པའི་གོམས་སྲོལ་འདི་ནི་གངས་ཅན་པ་ཡོངས་ཀྱི་ཤེས་རྒྱུད་དུ་གནས་པའི་ཆོས་ཉིད་ཡིན།
ཕྱི་རྒྱལ་ལ་སྡོད་མཁན་གྱི་སློབ་ཕྲུག་ཚོར་ཅི་ཡིས་ཕྱིར་སློབ་དེབ་ཟུར་དུ་བཟོ་དགོས་པ་རེད།
ཕྱིར་སྡོད་བོད་རིགས་ཀྱི་ཕ་མ་དེ་ཚོ་ཀྲོག་ཀྲོག་ཡིན་པའི་ཁུལ་བྱས་ཏེ་རང་གི་ཕྲུག་གུ་ནང་དུ་སླེབས་དུས་བོད་སྐད་མི་རྒྱབ་པར་ཕྱི་རྒྱལ་གྱི་སྐད་རྒྱབ་པའི་སྲོལ་ངན་ཞིག་ཆགས་འདུག རྒྱ་བལ་དུ་ཡོད་པ་དེ་ཚོ་ལའང། ཕ་མ་སློབ་གྲྭར་འགྲིམས་མྱོང་བར་མ་ཟད་རང་ཉིད་སློབ་གྲྭ་རིན་འགོང་ཆེ་ས་དབྱིན་སྐད་དང་ཧིན་སྐད་སོགས་རྐྱང་སྦྱོང་སའི་སློབ་གྲྭར་བསྐྱོད་པ་ལ་བརྟེན་ནས་ཕྱིས་སུ་རང་ཉིད་ཀྱི་ཕྲུག་གུ་ཡང་སློབ་གྲ་དེ་རིགས་ལ་གཏོང་ཐབས་དང། དེ་དུས་རང་གི་ཕྲུག་གུར་དབྱིན་སྐད་ལས་བོད་སྐད་རྒྱབ་རྒྱུར་ཚེར་སྣང་ཆེན་པོ་བྱེད་ཀྱི་འདུག་པ། དེ་རིགས་ཡག་པོ་ཁྱོན་ནས་མ་རེད། དགོས་པའི་རང་མི་རིགས་ཀྱི་སྐད་ཡིག་ལ་དོ་སྣང་མི་བྱེད། ་མི་དགོས་པའི་གཞན་གྱི་སྐད་ཡིག་ཤེས་ཁུལ་གྱི་ཆེ་མདོག་ཁ་བོ་དེ་རིགས་བོད་མི་རིགས་ཀྱི་སྐད་ཡིག་གི་བསྟན་དགྲ་རེད། ལྟོས་དང། ཨ་རིར་ཡོད་པའི་ཀོ་རི་ཡ་བ་དང། རྒྱ་རིགས་དེ་ཚོས་རང་མི་རིགས་ཀྱི་སྐད་ཡིག་ནམ་ཡང་དོར་གྱིན་མེད། མ་ཟད་རང་མི་རིགས་ཕན་ཚུན་དབར་ལ་གླེང་མོལ་ཐམས་ཅད་རང་མི་རིགས་ཀྱི་སྐད་ཡིག་གི་ལམ་ནས་འབྲེལ་བ་བྱེད་ཀྱིན་འདུག ད་དུང་མགྲིན་སྤོབས་སྟེག་ནས་ཤོད་ཀྱིན་འདུག ཡིད་མི་ཆེས་ན། ཨ་རིའི་གྲོང་ཁྱེར་ལོས་ཨེན་ཇིལ་དང། Los Angel
སོགས་སུ་ཕྱིན་ཏེ་ལྟས་ཏེ་ཧ་གོ་གི་རེད།
བོད་པ་སྐྱག་པ་ལྐུགས་པ་གསུམ།
ཇེ་སྡུག་ནས་ཇེ་སྡུག་ཏུ་འགྲོ་གི་རེད་པ།
ཨ་ཧོ། སྤྱི་འཐུས་རེ་བ་ཅན་པོ་སྤྱི་དམངས་ཀྱི་ཆེད་དུ་ཡུན་རིང་འཚོ་དགོས་ནའང་། གློ་བུར་ཐོལ་རྒྱག་ལ་ང་ཚོ་དང་གཏན་དུ་གྱེས་པ་གོ་དུས་དངོས་གནས་སེམས་ཕམ་པོ་བྱུང་། ཞོར་དུ་ཁོང་གི་ནང་མི་ཚོར་མྱ་ངན་གུས་འདུད་ཞུ་ཀི་ཡོད།
ཤིན་ཏུ་བློ་ཕམ་བྱུང་། བོད་གཞུང་ལ་ཕྱག་ལས་ཡུན་རིང་གནང་མཁན་ཞིག་འདས་གྲོངས་སོང་བ་ནི་ངོ་མ་ཕངས་པོ་རེད། འདས་པོ་ཁོང་མྱུར་བ་ཉིད་དུ་སྤྱན་རས་གཟིགས་ཀྱི་གདུལ་ཞིང་དུ་སླར་ཡང་སྐྱེ་བའི་སྨོན་འདུན་ཡོད།
དམ་བ་ཁོང་ལ་སེམས་གཏིང་ནས་མྱ་ངན་གུས་འདུད་ཞུ།
སྐྱེ་བའི་ཚེ་རབས་ཕྲེང་པར་༸འཕགས་མཆོག་ཕྱག་ན་པདྨོས་རྗེས་སུ་འཛིན་པར་སྨོན།།
ཁོང་ལ་མྱ་ངན་བྱེད་དང་བྱེད་བཞིན་ཡོད། དེ་མིན་ནང་མི་ཚང་མ་ལ་གདུང་སེམས་མཉམ་བསྐྱེད་ཡོད། སླར་ཡང་བོད་དོན་ཆེད་དུ་སྐྱེ་བའི་སྨོན་ལམ་གང་མང་འདེབས།
དྲང་ཚུགས་ཅན་གྱི་སྤྱི་འཐུས་ཁོང་སྐུ་གཤེགས་པར་མྱ་ངན་ཞུ།
ཁོང་དངོས་ནས་སྤྱི་འཐུས་ཡག་པོ་ཞིག་ཡིན། སྐུ་ལས་མང་པོ་བསྐྱོན་ཡོན།
འཇིག་རྟེན་ན་ཡོད་དུས་ཡག་བཤད་བྱེད་པ་གོ་མ་མྱོང་། ད་དུང་ཁོ་ཚེ་ཚུལ་ཁྲིམས་རྡ་སར་ཡོང་དུས་ཁོང་གིས་ཅིག་མ་འགྲིག་མ་སོང་ཚུལ་མང་བོ་བཤད་སོང་། དེ་རིང་འདི་ལྟར་གྲོངས་རྗེས་ཡག་རབས་བཟང་རབས་མང་བོ་བཤད་བཞིན་འདུག འདི་བོད་པ་ཚོ་དང་ལྷག་པར་དུ་ཨ་མདོ་བ་ཚོའི་གཤིས་ཀ་ཞིག་རེད། དེས་ཕན་ནི་མ་རེད། དེ་ལས་མ་ནི་འགའ་རེས་ཐོན། དེ་རིང་ནས་སུ་ལ་བཟང་ཡོད་ན་གསོན་ཐོག་ནས་ཤོད། ཤི་རྗེས་ཁ་ཚུམས།
གངས་ཅན་སྐྱིད་གཤོངས་ཀྱི་ལས་བྱེད་རྒན་གྲས་དང་བོད་ཀྱི་ལས་དོན་ལ་ཧུར་ཐག་འབད་བརྩོན་གནང་མཁན་གྱི་དམ་པ་ཁོང་ལ་བསྔོ་སྨོན་དང་ཤུལ་ལུས་སྐུ་ལྕམས་མཆོག་དང་བུ་མོ་གཉིས་ལ་སེམས་གསོ་ཡོད།
སྤྱི་འཐུས་ཟླ་བ་ཚེ་རིང་ལགས་ལ་སེམས་གཏིང་ནས་མྱ་ངན་གུས་འདུད་ཞུ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།
ཧ་ཅང་སེམས་པ་སྐྱོ་སོང་་་་ཁོང་གི་མི་ཚེ་ཧྲིལ་བོར་བོད་མི་རིགས་ཀྱི་ཆེད་དུ་དཀའ་ལས་བརྒྱབས་པ་རེད། དར་འབྱོར་རྟེན་བཟང་མྱུར་དུ་ཐོབ་པའི་སྨོན་ལམ་འདེབས།
ཁོང་ལ་ག་དུས་ཐུག་ན། རྡ་རམ་ས་ལའི་གསར་འབྱོར་བདག་མེད་ཚོའི་སྐོར་བཀའ་འདྲི་གནང་གི་རེད་ལ། དཀའ་ངལ་ཅན་རྣམས་ངོ་སྤྲོད་བྱེད་རོགས་ཞེས་ཡང་ཡང་གསུངས་གི་ཡོད། ཉིན་ཞིག་ཁོང་གིས་ང་ཚོས་ཕར་བཙལ་ནས་རེ་རེ་བཞིན་འགྲོ་མི་ཐུབ་པས། འདི་ན་སྐྱིད་སྡུག་ལ་ལྟ་མཁན་ཐབས་ཆག་ཅིག་ཡོད་པ་རེད་ཅེས་བཤད་རོགས་གནོང་ཟེར། སྐབས་དེར་ཁོང་ཉིད་མདོ་སྨད་དབུས་རྒྱུན་ལས་ཀྱི་ཚོགས་གཙོ་རེད། ཕྲན་སྒེར་ལའང་བསླབ་བྱ་དང་བོད་གཞུང་ཞབས་ཞུ་སྒྲུབ་རྒྱུ་གནད་འགག་ཡིན་ཚུལ་གསུངས་མྱོང་། ད་དུང་ཁོང་གིས་མདོ་སྨད་དབུས་རྒྱུན་གྱི་རྩིས་ཁྲའི་ཆེད་དུ་དཀའ་ལས་རྒྱབ་པ་དང་དབུས་རྒྱུན་དེའང་སྤྱི་མཚུངས་སྤྱི་འགྲོས་སུ་ཞུགས་ཐུབ་པར་དཀའ་ལས་གདོང་ལེན་མང་པོ་གནང་ཡོད་འདུག སྤྱིར་མདོ་སྨད་པ་དག་གིས་སྐྱིད་སྡུག་འཛུགས་རྒྱུ་གཙོ་བོར་མི་འཛིན་པས། དབུས་རྒྱུན་གྱི་སྐོར་མདོ་སྨད་མི་མང་ལ་རྒྱུས་མངའ་ཞེ་དྲག་མེད་པ་རེད། དེ་བས་དེ་རིང་ཡང་ཁོང་ཉིད་འདི་ལྟར་བཞུད་སོང་བ་ཤེས་ཚོད་དཀའ་ཡང་། དོ་དགོང་ཆུ་ཚོད་གཉིས་པར་སྐུ་ཕུང་བདེ་ལེགས་སྨན་ཁང་དུ་འཇོག་རྒྱུ་ཡིན་པ་དང་། ཕྱི་ཚེས ༡ ལ་སྐུ་ཕུང་སྦྱིན་བསྲེགས་གནང་རྒྱུ་རེད་འདུག་པས། དེ་རྣམས་གང་ན་སུ་བཞུགས་པ་རྣམས་ཀྱིས་ཤེས་དགོས་པ་རེད་འདུག
༼ དེ་ཡང་དམ་པ་ཁོང་གི་ལོ་རྒྱུས་སྙིང་བསྡུས་ནི། ཁོང་ཕྱི་ལོ་ ༡༩༥༢ ལོར་འཁྲུངས་ཤིང༌། ༡༩༥༩ ལོར་རྒྱ་གར་དུ་འབྱོར་ཏེ་རིམ་པའི་སློབ་ཞུགས་གནང་། ཕྱི་ལོ་ ༡༩༦༩ ཟླ་ ༡ ཚེས་ ༣༡ ནས་ ༡༩༩༤ ཟླ་ ༡༠ ཚེས་ ༣༡ བར་ལོ་ངོ་ ༢༦ ལྷག་རིང་དྭང་སློབ་དམག་སྒར་ནང་ཞུགས། དེ་ནས་ཐེག་པ་རིམ་འཛེགས་ཀྱིས་འགོ་འཛིན་ལས་རོགས་(Assistant Political Leader)བར་ལས་དྲུང་དང༌། ལས་ཁུངས་དོ་དམ་པ། བརྒྱ་དཔོན། བཟོ་གཞིས་ལས་ཁང་འགན་འཛིན་བཅས་ཀྱི་ལས་ཁུར་ཐོག་སྲི་ཞུ་བསྒྲུབས་མྱོང་ཡོད། ཕྱི་ལོ་ ༡༩༩༤ ལོ་མཇུག་ཏུ་དྭང་ཞབས་ནས་རྩ་དགོངས་ཞུས་རྗེས་མན་སྤར་ཕན་བདེ་གླིང་གཞིས་ཆགས་སུ་ གཞིས་གྲོང་བརྒྱ་དཔོན་དང༌། ས་གནས་དྭང་ཟུར་སྐྱིད་སྡུག་གི་རྒྱུན་ལས་ལོ་གསུམ་གནང་། ས་གནས་མདོ་སྨད་རྒྱུན་ལས་ཀྱི་ཚོགས་གཙོའི་ལས་ཁུར་ལོ་དྲུག་དང་མན་སྤར་ས་གནས་ འཐུས་ཚོགས་ཀྱི་ཚོགས་གཙོའི་ལས་ཁུར་བསྟུད་མར་སྐབས་གཉིས་ལས་ཁུར་གནང་
ནུབ་བྷང་གྷལ་མངའ་སྡེའི་རྒྱལ་ས་ཀ་ལི་ཀ་ཏ་བོད་མིའི་སུད་ཚོང་གི་འགན་འཐུས་ལོ་ ལྔ། མདོ་སྨད་ཆོལ་ཁའི་སྐབས་ ༡༡ པའི་དབུས་སྤྱི་ཁྱབ་རྒྱུན་ལས་ལོ་གསུམ་ཞུས། ཕྱི་ལོ་ ༢༠༠༦ ཟླ་ ༣ ནས་ ༢༠༠༩ ཟླ་ ༤ ཚེས་ ༢༨ བར་སྐབས་ ༡༣ པའི་མདོ་སྨད་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོའི་ལས་ཁུར་གནང་། སྐབས་ ༡༣ དང་ ༡༤། ༡༥ བཅས་ལ་མུ་མཐུད་མདོ་སྨད་མི་མང་ནས་སྤྱི་འཐུས་སུ་འདེམས་གནང་བ་བཞིན། ད་བར་སྤྱི་འཐུས་གྲོས་ཚོགས་ཚོགས་དུས་ཆ་ཚང་ཆད་མེད་ཚོགས་བཅར་གྱིས་ལས་ཁུར་ཞུ་ ཡོད་པ་མ་ཟད། སྐབས་ ༡༣ པ་དང་སྤྱི་འཐུས་རྒྱུན་ལས་ལོ་བཞི་དང་སྐབས་ ༡༤ པར་ལོ་གསུམ་དང་ཕྱེད་ལྷག་ལས་ཁུར་ཞུས་ཡོད་ལ་སྐབས་ད་བར་མང་ཚོགས་རྩིས་ཁྲའི་ ཚོགས་ཆུང་དང༌། ལོ་འཁོར་སྔོན་རྩིས་ཚོད་དཔག་འཆར་རྩིས་ཚོགས་ཆུང་སོགས་སྤྱི་འཐུས་ལྷན་ཚོགས་དང་ རྒྱུན་ལས་ཀྱི་ཆེད་འཛུགས་ཚོགས་ཆུང་འདྲ་མིན་ ༢༥ ནང་བསྐོ་གཞག་བྱུང་བ་ལྟར་ཞབས་ཞུ་ཧུར་སྐྱེད་ཞུས་དང་ཞུ་མུས་ལགས་ཤིང། གཙོ་བོ་༸གོང་ས་མཆོག་གི་བཀའ་དགོངས་སྙིང་དབུས་སུ་བཅངས་ཏེ་བཙན་བྱོལ་ བོད་མིའི་བཅའ་ཁྲིམས་ལ་ཡིད་ཆེས་བློ་གཏད་ཀྱིས་བོད་གཞིས་བྱེས་གཉིས་ཀྱི་རྩ་དོན་ ཆེད་མདོ་སྨད་མི་མང་ནས་ཇི་ལྟར་ཐུགས་རེ་གནང་དོན་བཞིན་རང་ནུས་གང་ཐུབ་ཀྱིས་འབད་བརྩོན་ལྷོད་མེད་ཞུ་རྒྱུའི་ཆོད་སེམས་བརྟན་པོ་ཡོད་འདུག་པ་བཅས།།༽ ལོ་རྒྱུས་སྙིང་བསྡུས་འདི་སྒྲིག་འཛུགས་ཀྱི་དྲ་བ་ནས་བཤུས་པ་ཡིན། དམ་པ་ཁོང་ནི་སྐུ་ཚེ་གང་བོར་བོད་ཀྱི་དོན་དུ་ཕྱག་ལས་གནང་ནས་ཉི་མ་དེ་རིང་སྐུ་ཚེ་འཕེན་པ་མ་རྫོགས་བར་མཐའ་སྐྱེལ་མཁན་ཞིག་རེད་འདུག
སྤྱི་མཐུས་ཟླ་བ་ཚེ་རིང་ལ་སྙིང་ནས་མྱ་ངན་ཞུ་གི་ཡོད། སྤྱི་མཐུས་ཟླ་བ་ཚེ་རིང་ཚེ་སྤྱི་མའི་ལམ་སྣ་དྲོངས་བར་བྱིན་གྱིས་རློབས། ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ
དེ་སྔ་སྤྱི་འཐུས་གྲོས་ཚོགས་ནང་། དབུས་བོད་མིའི་སྒྲིག་འཛུགས་ཀྱི་ལྷན་ཁང་རེ་རེའི་སྔོན་རྩིས་ཐོག་ཏན་ཏན་ཏིག་ཏིག་གིས་ཞིབ་ཚགས་གནང་མཁན་སྤྱི་འཐུས་གཉིས་ཡོད། གཅིག་གོང་གསལ་འདས་པོ་རྒྱལ་རོང་ཟླ་བ་ཚེ་རིང་དང་། གཞན་དེ་ཨ་རིའི་སྤྱི་འཐུས་བསྟན་འཛིན་ཆོས་ལྡན་གཉིས་རེད།
འཆར་ཅན་ལྟར་ན། བོད་མི་མང་སྤྱི་འཐུས་ལྷན་ཚོགས་ལ་ལོ་རེར་ཚོགས་དུས་གཉིས་ཡོད། གཅིག་སྤྱི་ཟླ་ ༣ པའི་ནང་དབུས་བོད་མིའི་སྒྲིག་འཛུགས་ལྷན་ཁང་མ་ལག་དང་བཅས་པའི་སྔོན་རྩིས་གཏན་འབེབས་སྐོར་རེད། གཞན་དེ་སྤྱི་ཟླ་ ༩ ནང་ཁྲིམས་བཟོའི་ལས་དོན་དང་ལྷན་ཁང་ཁག་གི་ལས་བསྡོམས་ལ་ཞིབ་འཇུག་སྐོར་རེད།
སྤྱི་འཐུས་རྒྱལ་རོང་ཟླ་བ་ཚེ་རིང་ལགས་ནི། སྐབས་བཅུ་གསུམ་དང་བཅུ་བཞི་ ༢༠༠༡ – ༢༠༡༡ བར་གྱི་མདོ་སྨད་ཆོལ་ཁོངས་ཀྱི་སྤྱི་འཐུས་ཤིག་ཡིན། སྐབས་བཅོ་ལྔ་པར་སླར་ཡང་བདམས་ཐོན་བྱུང་སྟེ་བོད་སྤྱི་དོན་ལ་ཕྱག་ལས་གནང་མགོ་བརྩམས་ཡོད། སྔོན་རྩིས་གཏན་འབེབས་སྐབས་དབུས་བོད་མིའི་སྒྲིག་འཛུགས་ཀྱི་བྱུང་སོང་གི་དངུལ་གྲངས་ས་ཡ་བརྒྱ་ཕྲག་མང་པོའི་རྩིས་མགོ་ཆེ་ཕྲ་ཆུང་གསུམ་ལ་དོ་ནན་ཆེན་པོས་ཞིབ་འཇུག་བྱས་ཏེ། དོགས་གནས་ཁ་གསལ་བཟོ་བ་དང་། སྐྱོན་གནས་འཐེར་འདོན་གནང་མཁན་གཙོ་བོ་དེ་ཡིན། གཞིས་ཆགས་ཁུག་ཀྱོག་དང་ཁ་ཐོར་བོད་མིའི་རྩིས་ཁྲ་ཡང་ཁོང་གིས་ཞིབ་ཏུ་མཁྱེན། ཁོང་མདོ་སྨད་དབུས་རྒྱུན་ཚོགས་གཙོར་བསྡད་པའི་རིང་། འདས་པའི་ལོ་མང་རིང་མགོ་ཉོག་ཆགས་ཡོད་པའི་རྩིས་ཁྲ་གཙང་སེལ་བཟོས་ཡོད་ལ། ཁོང་གི་ལས་རྒྱུན་རིང་མདོ་སྨད་རྒྱུན་ལས་དངུལ་འབོར་ཆེ་ཤོས་ཆགས་ཡོད་རབས་ཀྱང་བཤད།
འོན་ཀྱང་ཡིད་ཕངས་པ་ཞིག་ལ། ཁོང་དེ་རིང་འདི་ལྟར་སྐུ་གྲོངས་སོང་།
སྤྱི་འཐུས་བསྟན་འཛིན་ཆོས་ལྡན་ནི། སྐབས་བཅུ་གསུམ་དང་བཅུ་བཞི་ ༢༠༠༡ – ༢༠༡༡ བར་ཨ་རིའི་སྤྱི་འཐུས་རེད། ཁོང་ཐོག་མར་སྤྱི་འཐུས་ནང་ཕེབས་སྐབས་བོད་ཡིག་བོད་སྐད་ཡག་པོ་འགྲོ་དཀའ་བའི་སྐད་ཆ་འདུག སྤྱི་བའི་ལས་འགན་ཕྲག་ཏུ་བབ་རྗེས་རང་འགན་རང་གཅེས་ཀྱིས་བོད་ཡིག་བོད་སྐད་ཧྲ་ཐག་ཐག་བཟོས་སོང་། ཁོང་གིས་གཞུང་གི་རྩིས་ཁྲའི་ཐོག་གཟབ་ནན་ཆེན་པོ་གནང་བ་མ་ཟད། ཨ་ནཱ་ཞ་ཀོག་གཅིག་ཀྱང་སྣང་མེད་མི་བྱེད་པའི་བཤད་སྲོལ་ཡོད། ཨ་རི་དང་ཡུ་རོབ་ཁག་གི་བོད་རིགས་ཚོས་འདས་པའི་ལོ་མང་རིང་། རང་བཙན་ལག་དེབ་ཀྱི་དཔྱ་དངུལ་སྒྲུབ་འཇལ་མ་ཐུབ་པར་གཅིག་ཐོག་གཉིས་བརྩེགས་ཀྱིས་ལྷག་ཡོད་པ། ཁོང་གིས་གྲོས་ཚོགས་ནང་ཁ་ནས་ཁྲག་ཐོན་རག་བར་བཤད་པའི་གྲུབ་འབྲས་ལ། ཕྱེད་བཅག་གི་ཁྲིམས་གཞི་གཏན་འབེབས་ཀྱིས་མང་པོ་ཞིག་གིས་གཞུང་ལ་དཔྱ་དངུལ་འབུལ་ཐུབ་པ་བྱུང་བ་ཡོད།
འོན་ཀྱང་ཞེ་མིག་པ་ཞིག་ལ་ཁོང་སྐབས་ ༡༥ པའི་སྤྱི་འཐུས་འོས་གཞི་ལས་དགོངས་པ་ཞུས་སོང་།
ཡིད་དབང་རབ་ཏུ་སྐྱོ་སོང་། འདས་པོ་ཁོང་ལ་སྙིང་ནས་མྱ་ངན་ཞུ།ཨྰོོཾ་མ་ཏྲི་མུ་ཡེ་སལེ་འདུ།ཨྰོོཾ་མ་ཏྲི་མུ་ཡེ་སལེ་འདུ།ཨྰོོཾ་མ་ཏྲི་མུ་ཡེ་སལེ་འདུ།ཨྰོོཾ་མ་ཏྲི་མུ་ཡེ་སལེ་འདུ།ཨྰོོཾ་མ་ཏྲི་མུ་ཡེ་སལེ་འདུ།ཨྰོོཾ་མ་ཏྲི་མུ་ཡེ་སལེ་འདུ།ཨྰོོཾ་མ་ཏྲི་མུ་ཡེ་སལེ་འདུ།
ཨྂ་མ་ཎི་པདྨེ་ཧཱུྂཿ བདེ་བ་ཅན་དུ་སྐྱེ་བར་ཤོག འཕགས་མཆོག་ཕྱག་ན་པདྨོས་རྗེས་སུ་འཛིན་པར་ཤོག
དྲྭ་གྲོགས་ཚོ། ང་ཚོས་མ་ཎི་བགྲང་རྒྱུ་ལས་ཅི་ཡང་བྱེད་མི་ཐུབ་པ་རེད་དམ། མ་རེད། ང་ཚོས་འདས་པོ་དམ་པ་ཁོང་གིས་ལོ་རྒྱུས་ལ་ཕྱིར་མིག་རེ་ལྟོས་དང་། ཁོང་གི་བསམ་བློའི་གཤིས་ཀ་དང་། ཤེས་རིག་གི་གོམས་སྟབས། ལྷག་བསམ་དང་དྲང་བདེན་གྱི་སྙིང་སྟོབས་བཅས་ལ་ཕྱིར་མིག་རེ་ལྟོས་དང་། ང་ཚོས་ཁོང་སོང་ཟིན་པའི་འོག་ཏུ་ཁ་གསབ་བྱེད་དགོས་པ་ཤིན་ཏུ་མང་ལ། ཁོང་གིས་ཤུལ་བཞག་གི་དངོས་པོ་རྒྱུན་སྐྱོང་བྱ་དགོས་པ་རེའང་ཡོད་ངེས་རེད། ང་ཚོས་བསམ་གཞིག་དང་ཟབ་ནན་བྱེད་དགོས་ས་དེ་སྣ་མང་ཞིག་ཡིན་པ་ལས། མ་ཎི་བགྲང་རྒྱུ་གཅིག་པོ་དེ་ག་ལ་ཡིན། ང་ཚོས་ཁོང་སྐྱེལ་མ་བྱེད་ཐབས་དེ་སྣ་མང་ཞིག་ཡིན་པ་ལས། མ་ཎི་བགྲང་རྒྱུ་གཅིག་པོ་དེ་ག་ལ་ཡིན།
མཐའ་དོན་ཁོང་གི་ནང་མི་ཚོ་ལའང་དམ་པ་ཁོང་གི་རྗེས་ཤུལ་ཟིན་པ་རེ་བྱེད་རྒྱུ་དང་། ཁོང་གི་དམིགས་ཡུལ་ལས་ནམ་ཡང་འགྱུར་བ་མེད་པར་༸གོང་ས་མཆོག་དང་། དམ་པ་ཁོང་ལ་རེ་ཞིང་ལྟོས་པའི་མི་མང་གིས་བསམ་འདུན་འགྲུབ་ཐུབ་པ་རེ་བྱེད་རོགས་ཞེས་ཐུགས་གསོའི་སྔོ་སྨོན་དང་བཅས།
དངོས་གནས་བློ་ཕམ་་བྱུང་། བློ་རྩེ་ཆིག་སྒྲིལ་ངང་༸གོང་ས་མཆོག་གི་ལམ་སྟོན་འོག་ཤར་མར་ཕེབས་ཐུབ་མཁན་འདི་འདྲ་ཞིག་བཙལ་དགོས་ན་ཉུང་ཉུང་ཡིན། ང་ལ་མཚོན་ཁ་ཞེ་གཉིས་མེད་ངང་གུས་འདུད་བྱེད་མཁན་ཞིག་ཡིན་པས། དེ་རིང་ཧ་ཅང་བློ་ཕམ་བྱུང་།
ཨ་ཁ་ ང་རང་གི་ཁྱིམ་ནང་བདག་པོ་གཅིག་གྲོངས་བ་དང་ཁྱད་པ་མི་འདུག ཡིན་ན་ཡང་བསྔོ་སྨོན་རྒྱབ་པ་ལས་གང་ཡང་བྱེད་ཡ་མི་འདུག
ང་དེ་རིང་གྲོས་ཚོགས་གསར་འགོད་པའི་མིང་ཐོག་ནས་བོད་མི་མང་སྤྱི་འཐུས་དག་གི་གསུང་བཤད་རྣམས་ཡིག་འགོད་བྱེད་བཞིན་ཡོད། བདག་གི་ལས་རོགས་སློབ་གྲྭོགས་ཤིག་གིས་གཏམ་ངན་དེ་ཁྱེར་ནས་གདོང་པ་ངན་པ་ཞིག་བསྟན་ནས་སླེབས་སོང་། དུས་རྒྱུན་གྲོས་ཚོགས་སྐབས་སུ་རང་དོན་ལ་དགོངས་པ་མི་ཞུ་བ་དང་། བཅའ་ཁྲིམས་བསྐྱར་བཅོས་ལ་བློ་རྩེ་གཅིག་གཏོད་ཀྱིས་དྲི་བ་དྲི་ལན་གྱི་ཕྱོགས་ལ་འབད་འབད་དུང་དུང་གིས་ཡོད་པའི་བདག་གི་སྤྱི་འཐུས་འདི་ལྟར་མི་ཡུལ་ནས་གྱེས་སོང་བར་གོ་དུས། དོན་དངོས་སྟེང་ནས་ཡིག་གཏགས་བྱེད་ནས་འདུག་མ་ཐུབ་པར་ལམ་སེང་ང་ཚོ་སློབ་ཕྲུག་ཚོས་ལས་མཚམས་བཞག་ནས་གཙུག་ལག་ཁང་དུ་མཆོད་འབུལ་བྱེད་དུ་ཕྱིན་པ་ཡིན། གང་ལྟར་སྤྱི་འཐུས་འདི་གྲོངས་སོང་བས་བདག་གི་སེམས་པ་ཧ་ཅང་གྲང་སོང་། བདག་གི་མིག་ཟུང་ཆུ་འཁྱག་གིས་ཁྱབ་སོང་། ཨོཾ་མ་ཎི་པདྨེ་ཧཱུཾ། བདེ་ཅན་དུ་སྐྱེ་བར་ཤོག
ཨ་ཡ། འཕགས་མཆོག་སྤྱན་རས་གཟིགས་ཀྱིས་རྗེས་སུ་བཟུང་། ཨོྂ་མ་ཎི་པདྨེ་ཧཱུྂཿ
ཡིད་སྐྱོའི་གནས་ཚུལ་འདི་འདྲ་ཞིག མྱ་ངན་དང་ནང་མི་ལ་སེམས་གསོ་ཡོད།
བཀུར་འོས་སྤྱི་འཐུས་མཆོག་གློ་བུར་ཞིང་དུ་གཤེགས་པ་ཤིན་ཏུ་བློ་ཕམ་ཆེན་པོ་བྱུང་། ཁོང་ཉིད་སླར་ཡང་སྐུ་ཚེ་འདིའི་ལས་དོན་མཇུག་མཐུད་དུ་བོད་དོན་འདེགས་པའི་བོད་མི་ཞིག་ཏུ་མགྱོགས་ནས་མྱུར་ཏུ་སྐྱེས་ཏེ། གངས་ཅན་མགོན་པོའི་ཞབས་དང་འབྲལ་བ་མེད་པར་ཤོག
བོད་དོན་སྔར་བཞིན་ལུས་ཡོད་པས ཁྱོད་ཚོ་འདི་ལྟར་གཅིག་རྗེས་གཉིས་མཐུད་དུ་བཞུད་ན་
ང་ཚོས་སུ་ལ་རེ་བ་བྱེད་དགོས ཡིན་ཡང སྐྱེས་སོང་བའི་མཐར་འཆི་དགོས་པ་ནི་འཇིགས་རྟེན་གིྱ་ཆོས་ཉིད་དུ་གྲུབ་སོང་བས་བྱ་ཐབས་བྲལ་
ཞིང་ཤམ་བྷ་ལར་སྐྱེས་བའི་སྨོན་ལམ་ཡོད
འདས་པོ་ཁོང་ལ་མྱ་ངན་དང་ཤུལ་ལུས་ནང་མི་རྣམས་ལ་ཐུགས་གསོའི་མཚམས་འདྲི་གྲངས་མེད་ཞུ
འདས་བོ་མཆོག་གིས་ད་བར་མི་རིགས་ཀྱི་ཆེད་དུ་ཕྱག་ལས་གང་མང་གནང་ཡོད་པས།
སྙིང་ནས་གུས་ཡིག་དྲུག་གི་གསོལ་འདེབས་ཞུ་ཞུ། ཨོཾ་མ་ཎི་པདྨེ་ཧཱུཾ།
བཀུར་འོས་གྲོས་ཚོགས་འཐུས་མི་དང་ངོ་ཤེས་གྲོགས་པོ་དགའ་ཞིག་འདི་ལྟར་གློ་བུར་ཕྱི་མར་གཤེགས་པར་ཧ་ཅང་བློ་ཕམ་བྱུང། གངས་ཅན་མགོན་པོའི་ཐུགས་རྗེ་དང་གང་གི་ལེགས་བྱས་རྟེན་འབྲེལ་གྱིས་བདེ་བ་ཅན་དུ་སྐྱེ་བར་སྨོན་ལམ་འདེབས།
ཨ་་་བོད་པ་ཚང་་་ད་ཀྱི་བྱེད། མིག་སྐྲངས་ཐོག་ལ་ཁུ་ཚུར་…….
གཅིག་རྗེས་གཉིས་མཐུད་་་་་ ཨེ་མོ་ཧོ་་་་བོད་པ་ཚང་།
བདེ་བར་ཅན་དུ་སྐྱེ་བར་སྨོན། ཨོྃ་མ་ཎི་པདྨེ་ཧཱུྃཿ