ཡེ་ཤུ་ཆོས་དཔོན་གྱི་བསྒྲཊ་གཏམ།

ཡེ་ཤུ་ཆོས་དཔོན་ཌི་སི་མིན་ཊུ་ཊུ་མཆོག་གི་འཁྲུངས་སྐར་ཐོག་ཨ་ཧྥི་རི་ཁ་གཞུང་གིས་༧གོང་ས་མཆོག་ལ་ཐོངས་མཆན་མ་སྤྲད་པར་ཆོས་དཔོན་མཆོག་གིས་གཞུང་ལ་སྐྱོན་བརྗོད་ཀྱི་གསལ་བསྒྲགས་སྤེལ་འདུག

ཟླ་འདིའི་ཕྱི་ཚེས་ ༧ ཉིན་གྱི་ཡེ་ཤུ་ཆོས་དཔོན་ཌི་སི་མིན་ཊུ་ཊུ་ཡི་ཁོང་ཉིད་དགུང་གྲངས་ ༨༠ སོན་པའི་འཁྲུངས་སྐར་ཐོག ༧གོང་ས་མཆོག་མགྲོན་འབོད་གནང་ཡོད་ཀྱང་། རྒྱ་ནག་གཞུང་གི་གནོད་ཤུགས་འོག་ལྷོ་ཨ་ཧྥི་རི་ཀ་གཞུང་གིས་ཐོངས་ཆེན་སྤྲོད་རྒྱུར་ཕྱི་འགྱངས་བྱས་སྟབས་ལྡི་ལི་སྐུ་ཚབ་དོན་གཅོད་མཆོག་གིས་མཛད་འཆར་དེ་ཕྱིར་འཐེན་གནང་ཡོད་པའི་གསལ་བསྒྲགས་བསྐྱངས་ཡོད་པ་དང་། ཉིན་དེར་ཡེ་ཤུ་ཆོས་དཔོན་མཆོག་གིས་ཨ་ཧྥི་རི་ཁ་གཞུང་ལ་བློ་ཕམ་གྱི་གསར་འགོད་གསལ་བསྒྲགས་ཤིག་བསྐྱངས་འདུག

གསལ་བསྒྲགས་དེའི་ནང་། “ སྲིད་འཛིན་ཛུ་མ་ལགས་དང་ཁྱེད་ཀྱི་གཞུང་འདིས་ང་དང་ང་ཚོའི་མི་དམངས་ཀྱི་ངོ་བོ་མཚོན་ཐུབ་ཀྱི་མི་འདུག་ལ། ཁྱེད་ཀྱིས་སོ་སོའི་ཁེ་ཕན་གྱི་ཆེད་དུ་རྒྱལ་དམངས་ལ་བརྩི་བཀུར་མི་འདུག ད་ལྟའི་ཁྱེད་ཀྱི་སྲིད་གཞུང་ལས་འདས་པའི་ལོ་རྒྱུས་ཐོག་གི་མི་རིགས་དཀར་ནག་དབྱེ་འབྱེད་སྐབས་ཀྱི་གཞུང་དེ་ཡག་པོར་མཐོང་གི་ཡོད། གལ་སྲིད་སྐབས་དེའི་སྲིད་གཞུང་ཡིན་ན་དེ་རིང་༧གོང་ས་མཆོག་ལ་ཐོངས་མཆན་སྤྲད་ཡོད་པར་ངས་ཡིད་ཆེས་བྱེད་ཀྱི་ཡོད། ད་ལྟ་བོད་ནང་དཀའ་སྡུག་མྱོང་བཞིན་པའི་གནས་བབས་ལ་རྒྱབ་སྐྱོར་མི་བྱེད་པ་འདིས་ང་དང་མི་དམངས་ཡོངས་ཀྱི་འདོད་འདུན་ལ་རྡོག་རོལ་བཏང་སྟེ། གཞུང་གིས་མི་མང་གི་ཚབ་མཚོན་མ་ཐུབ་པའི་དན་རྟགས་ཡིན ” ཞེས་བཀོད་འདུག