དེ་རིང་འབྲུག་རྒྱལ་བོའི་གཉེན་སྟོན་རེད།

འབྲུག་པ་རྣམས་དགེ་ལུགས་པར་མི་དགའ་བའི་རྒྱུ་མཚན་ཤེས་འདོད་ན། སྲིད་དོན་རྒྱལ་རབས་དང་རྒྱལ་དབང་ལྔ་པའི་རང་རྣམ་སོགས་ན་གཟིགས་ན་ཤེས་ཐུབ། དགའ་ལྡན་ཕོ་བྲང་པས་འབྲུག་ལ་དམག་དྲངས་པའི་ཚུལ་དང་། འབྲུག་ཡུལ་བཅོམ་ཆག་གྱ་ཉེས་བྱས་པའི་ཚུལ་ལ་བསམ་ན་ཁོང་རྣམས་ལ་ཁག་མི་འདུག་ཨང་སྙམ་པ་ཞིག་འདུག

འགྱུར་མེད་བསྟན་འཛིན་ཟེར་བ་དེས། ཛ་དྲག་གི་གནས་སྐབས་འདིར་གཅིག་སྒྲིལ་གྱི་ནུས་པ་ཁ་འཐོར་དུ་གཏོང་ཐབས་བྱེད་ཀྱི་འདུག དགྲ་དགའ་གཉེན་སྡུག་གི་ཅོལ་གཏམ་འདི་རིགས་སྐྱར་དུ་མི་ཡོང་བའི་རེ་བ་ཡོད།

སྒྲོལ་མ་ལགས། ཁྱེད་ཀྱི་དྲ་བ་དེ་ལན་གསལ་བོ་ཞིག་འདི་ན་འདུག དེ་ཡང་དུས་རབས་དགུ་ བའི་གོང་དུ་བྱུང་བའི་འབྲུག་ཡུལ་གྱི་གནས་ཚུལ་རྣམས་གསལ་བོ་ཤེས་རྟོགས་བྱུང་ མེད་པ་དང་། དེའི་རྗེས་སུ། བོད་དུ་བླ་མ་ཆེ་ཁག་དང་ཆོས་ལ་དད་པ་ཡོད་མཁན་མང་བོ་དམར་གསོད་དུ་བཏང་བའི་དྲག་ པོའི་ཟིང་ཆ་བྱུང་བའི་སྐབས་སུ་བོད་ཀྱི་གྲྭ་བ་མང་བོ་འབྲུག་ཏུ་བྲོས་བྱོལ་དུ་ བསླེབས་ཤིང་། གནས་དེར་གཞིས་ཆགས་ནས་བོད་ཀྱི་སངས་རྒྱས་ཆོས་ལུགས་དར་སྤེལ་བྱུང་བ་ལ་བརྟེན་ནས་ ལོ་རྒྱུས་ཀྱི་འཕེལ་ཁ་ཇེ་རྒྱས་སུ་ཕྱིན་པ་རེད། དུས་རབས་༡༢་བའི་ནང་དུ་འབྲུག་ཏུ་འབྲུག་པ་བཀའ་བརྒྱུད་དར་སྤེལ་བྱུང་བ་དང་། དེ་ནས་འབྲུག་གི་ཆབ་སྲིད་ཀྱི་ལོ་རྒྱུས་རྣམས་བོད་ཀྱི་ཆོས་བརྒྱུད་ཀྱི་ལམ་ལུགས་ རྨང་གཞིར་བཟུང་བའི་སྟེང་ནས་གོང་འཕེལ་དུ་བྱུང་བ་དང་། འབྲུག་ཡུལ་ནི། ཡུན་རིང་གི་ལོ་རྒྱུས་ཀྱི་བརྒྱུད་རིམ་སྣ་མང་ལ་བརྟེན་ནས་རིམ་བཞིན་རང་བཙན་གཙང་ མའི་རྒྱལ་ཁབ་ཅིག་གི་ངོ་བོར་གནས་ཐུབ་པར་གྱུར་ཡོད། དུས་རབས་བདུན་པའི་དཀྱིལ་ནས་དུས་རབས་དགུ་བའི་བར་དུ་བོད་ཀྱི་རྒྱལ་རབས་ཀྱི་ སྲིད་དབང་གི་འོག་ཏུ་གནས་ཡོད་པར་བཤད་པ་དང་། དེའི་རྗེས་སུ། འབྲུག་ཡུལ་དུ་གཅིག་གྱུར་གྱི་དབང་བསྒྱུར་མེད་པར་ས་གནས་ཁག་ཁ་འཐོར་དུ་གནས་པའི་ ཡུལ་གྱི་དཔོན་པོ་བྱུང་བ་དང་། སྤྱི་ལོ་༡༦༡༦་ལོའི་ནང་དུ། བོད་ཀྱི་གཙང་སྟོད་ནས་ཡིན་པའི་བླ་མ་ཞབས་དྲུང་ངག་དབང་རྣམ་རྒྱལ་མཆོག་འབྲུག་ ཡུལ་དུ་ཕེབས་ནས། ཁོང་གིས་འབྲུག་ཡུལ་ནི་གཅིག་གྱུར་གྱི་ཡུལ་གྲུ་ཞིག་ཏུ་བཟོས་ཤིང་། འབྲུག་པའི་རིག་གཞུང་གི་ངོ་བོ་སོགས་བོད་ཀྱི་ཤེས་རིག་གི་ཁྱད་ཆོས་ལས་ཁ་བྲལ་དུ་ གནས་པར་འབད་བརྩོན་གནང་བ་རེད། ཞབས་དྲུང་ངག་དབང་རྣམ་རྒྱལ་མཆོག་ནི་བོད་ཀྱི་གཙང་རྭ་ལུང་དགོན་པ་ནས་ཡིན་པ་དང་ འབྲུག་པ་བཀའ་བརྒྱུད་ཀྱི་སྲོལ་འཛིན་མཁན་འབྲུག་པ་མི་ཕམ་བསྟན་པའི་ཉི་མ་དང་སྡེ་ བ་སྐྱིད་ཤོད་པའི་སྲས་མོ་བསོད་ནམས་དཔལ་གྱི་བུ་ཁྲིད་གཉིས་ཀྱི་སྲས་ཡིན། གཞོན་དུས་ཁོང་ནི་རྒྱལ་དབང་འབྲུག་ཆེན་གྱི་ཡང་སྲིད་ལ་ངོས་འཛིན་མཛད་དེ། གཙང་རྭ་ལུང་དགོན་པར་ཁྲི་འདོན་གནང་ནའང་འབྲུག་ཆེན་པདྨ་དཀར་བོའི་རྗེས་འབྲངས་པ་ ལྷ་རྩེ་ངག་དབང་བཟང་བོ་སོགས་ཀྱིས་ངོས་ལེན་མ་གནང་པ་དང་། ཡིན་ཡང་། ཁོང་གིས་མུ་མཐུད་དུ་འབྲུག་པ་བཀའ་བརྒྱུད་ཀྱི་མ་དགོན་རྭ་ལུང་དུ་མུ་མཐུད་དུ་ རྒྱུན་བཞུགས་དང་ཁྲི་འཛིན་གནང་བ་ལ་གཞན་གྱིས་དབྱེན་སྦྱོར་སྣ་མང་བརྩམས་པ་དང་། བོད་ཀྱི་གཙང་པ་སྡེ་སྲིད་ལགས་ཀྱིས་ཞབས་དྲུང་ངག་དབང་རྣམ་རྒྱལ་མཆོག་འཛིན་བཟུང་ བྱེད་པར་གྲ་སྒྲིག་བྱས་པ་ལ་བརྟེན་ནས། སྤྱི་ལོ་༡༦༡༦་ལོར་ཁོང་བོད་ནས་ཕྱོགས་ཐོན་མཛད་དེ་འབྲུག་ཏུ་ཕེབས་པ་དང་དེའི་ ནུབ་ཕྱོགས་ཀྱི་ས་གནས་ཁག་ཏུ་རྟེན་གཞི་བྱས་ནས་རྒྱུན་བཞུགས་གནང་བར་མ་ཟད། ཐིམ་པུ་ལུང་གཞོངས་ཀྱི་སྟོད་ཕྱོགས་སུ། སྤྱི་ལོ་༡༦༢༠་ལོར་འབྲུག་པ་བཀའ་བརྒྱུད་ཀྱི་ཆག་རི་དགོན་པ་ཕྱག་འདེབས་མཛད་ཅིང་། འབྲུག་ཡུལ་དུ་འབྲུག་པ་བཀའ་བརྒྱུད་ཀྱི་ཆོས་རྒྱུན་རིམ་བཞིན་གསར་བཏོད་གནང་བ་ རེད། ད་དུང་སྤྱི་ལོ་༡༦༢༩་ལོར་ཞབས་དྲུང་ངག་དབང་རྣམ་རྒྱལ་གྱིས་འབྲུག་གི་ཐིམ་པུ་ ཕྱོགས་སུ་བསམ་སྟོད་ཀ་རྫོང་སྟེ་སྲིད་འཛིན་གྱི་ལྟེ་བ་གསར་འཛུགས་གནང་ཞིང་། དུས་རབས་༡༢་ནས་འབྲུག་གི་ནང་དུ་དར་ཁྱབ་བྱུང་བའི་ལྷ་པ་བཀའ་བརྒྱུད་དང་རྙིང་མ་ ཆོས་བརྒྱུད་བཅས་ཀྱིས་བདག་འཛིན་བྱས་པའི་ས་ཆ་ཁ་ཤས་ཤིག་ལ་དབང་བསྒྱུར་མཛད་ཅིང་། དེ་ནས་རིམ་གྱིས་འབྲུག་གི་ས་ཁུལ་ཡོངས་སུ་ལས་འགུལ་སྣ་མང་གཅིག་རྗེས་གཉིས་མཐུད་ དུ་སྤེལ་བ་ལ་བརྟེན་ནས། འབྲུག་ཡོངས་རྫོགས་གཅིག་གྱུར་གྱི་དབང་བསྒྱུར་མཛད་པའི་ཐབས་བྱུས་བཤམས་པ་རེད། འབྲུག་གི་ཁྲིམས་ཀྱི་བཅའ་ཡིག་ཆེན་མོ་བཟོས་ཤིང་། བོད་ཀྱི་སྡེ་བ་གཞུང་གི་སྲིད་ཀྱི་དབང་བསྒྱུར་ལས་ལོགས་སུ་བགར་བ་དང་། ཞབས་དྲུང་ཞེས་པའི་མིང་གི་གོ་གནས་སོགས་བཟུང་སྟེ་འབྲུག་གི་དགོན་སྡེ་དང་མི་ སྡེ་ཁག་གི་སྲིད་ཀྱི་འཛིན་སྐྱོང་གི་ལམ་ལུགས་གསར་དུ་བཏོད་ཡོད། དེ་ནས་སྤྱི་ལོ་༡༦༥༡་ལོར་ཞབས་དྲུང་ངག་དབང་རྣམ་རྒྱལ་ནི་ སྐུ་འདས་གྲོངས་སུ་ཕྱིན་པ་རེད། དེའི་རྗེས་སུ་སྲིད་ཀྱི་དབང་ཆ་མཐའ་དག་ཁོང་གི་རྗེས་འབྲངས་བ་ཡིན་པའི་ས་གནས་ དཔོན་སློབ་རྣམས་ཀྱིས་མཇུག་སྐྱོང་གནང་བ་དང་། ཁོང་སྐུ་འདས་གྲོངས་སུ་ཕྱིན་པའི་གནས་ཚུལ་ནི་ས་གནས་དཔོན་སློབ་རྣམས་ཀྱིས་ལོ་ ངོ་༥༤་རིང་དུ་གསང་རྒྱ་མཛད་དེ་མུ་མཐུད་དུ་ཁོང་གི་ལས་དོན་རྣམས་རྒྱུན་འཛིན་ གནང་པ་རེད། ད་ལྟའང་འབྲུག་ཏུ་ཞབས་དྲུང་ངག་དབང་རྣམ་རྒྱལ་མཆོག་འདས་གྲོངས་སུ་ཕྱིན་པའི་ཉིན་ མོ་དེ་འབྲུག་རྒྱལ་ཡོངས་ཀྱི་གུང་གསེང་ཞིག་ལྟར་དུ་བོད་ལུགས་ཀྱི་ཟླ་བཞི་བའི་ ཚེས་བཅུ་ལ་སྲུང་བརྩི་ཞུ་བཞིན་པ་རེད། དེ་ནས་རིམ་གྱིས་འབྲུག་གི་ས་གནས་ཁག་ཏུ་ལོ་ངོ་ཉིས་བརྒྱའི་རིང་དུ་མི་དམངས་ནང་ ཁུལ་ལ་སྲིད་དབང་རྩོད་ལེན་དང་འཐབ་འཛིང་ནང་འཁྲུག་གི་རྒྱུན་མ་ཆད་པར་བསྟུད་མར་ བྱུང་བ་ཁག་བརྒྱུད་ནས། སྤྱི་ལོ་༡༨༨༥་ལོར་འབྲུག་རྒྱལ་དང་པོ་ཨོ་རྒྱན་དབང་ཕྱུག་གིས་འབྲུག་གི་སྲིད་ དབང་མཐའ་དག་གཅིག་ཏུ་བསྒྲིལ་པ་དང་། དེ་ནས་ཨིན་ཇི་དང་རྒྱ་གར་མཉམ་དུ་མཐུན་སྒྲིལ་གྱི་ཆིངས་ཡིག་རྒྱུད་འཛིན་བྱས་པ་ རེད། ཨོ་རྒྱན་དབང་ཕྱུག་ནི་སྤྱི་ལོ་༡༨༦༢་ལོར་ཀྲོང་གསར་རྫོང་གི་དཔོན་སློབ་ཀྱི་གོ་ གནས་འཛིན་པའི་འཇིགས་མེད་རྣམ་རྒྱལ་དང་ཨ་ཞེ་པད་མ་ཆོས་སྐྱིད་གཉིས་སུ་འཁྲུངས་པ་ དང་། ཡབ་དམ་པའི་དཔོན་སློབ་ཀྱི་གོ་གནས་རྒྱུན་འཛིན་དང་ཆབ་སྲིད་ཀྱི་དགྲ་བོ་རྣམས་ཕམ་ པར་མཛད་པ་ལ་བརྟེན་ནས། འབྲུག་གི་རྒྱལ་ས་རྙིང་བ་སྤུ་ན་ཁའི་མི་དམངས་ཀྱིས་ཁོང་ནི་འབྲུག་གི་རྒྱལ་བོར་ བདམས་པ་དང་། སྤྱི་ལོ་༡༩༠༧་ལོའི་ཟླ་༡༢་པའི་ཚེས་༡༧་ཉིན་ལ་འབྲུག་གི་རྒྱལ་བོའི་དབུ་ཞྭ་ལེགས་ པར་བསྣམས་ཡོད་པ་རེད། སྤུ་ན་ཁ་ནི་འབྲུག་ཡུལ་ལ་རྫོང་ཁག་ཉི་ཤུ་ཡོད་པའི་ནང་གི་གཅིག་ཡིན་པ་དང་། དེ་ནི་སྤྱི་ལོ་༡༩༥༥་ལོའི་བར་དུ་འབྲུག་རྒྱལ་ཁབ་ཀྱི་རྒྱལ་ས་དང་སྲིད་འཛིན་གྱི་ ས་གནས་ཤིག་ཏུ་གྱུར་ཡོད། དེའི་རྗེས་སུ་རྒྱལ་ས་ཐིམ་པུ་ལ་གནས་སྤོར་གནང་ཡོད། སྤྱི་ལོ་༡༩༡༠་ལོའི་ནང་དུ་ཁོང་གིས་ཨིན་ཇི་དང་མཉམ་དུ་སྤུ་ན་ཁའི་ཆིངས་ཡིག་བཞག་ ནས་ཨིན་ཇིའི་རྒྱ་གར་གཞུང་གིས་འབྲུག་རྒྱལ་ཁབ་ཀྱི་ནང་སྲིད་ལ་ཐེ་གཏོགས་མི་ བྱེད་པར་བཟོས་པ་རེད། སྤྱི་ལོ་༡༩༢༦་ལོར་ཨོ་རྒྱན་དབང་ཕྱུག་སྐུ་གྲོངས་པའི་རྗེས་སུ། ཁོང་གི་སྲས་འབྲུག་རྒྱལ་གཉིས་པ་འཇིགས་མེད་དབང་ཕྱུག་གིས་རྒྱལ་བོའི་རྒྱུན་ འཛིན་གནང་ནས་སྲིད་ཀྱི་གོ་གནས་བཟུང་བ་རེད། སྤྱི་ལོ་༡༩༤༧་ལོར་རྒྱ་གར་རང་བཙན་ཐོབ་པའི་སྐབས་སུ། རྒྱ་གར་གྱི་གཞུང་གསར་བས་འབྲུག་ནི་རང་བཙན་རྒྱལ་ཁབ་ཅིག་ཡིན་པར་ངོས་འཛིན་གནང་ ཡོད། ལོ་དེར་རྒྱ་གར་དང་འབྲུག་གཉིས་ཀྱིས་ཞི་བདེ་དང་མཛའ་མཐུན་གྱི་ཆིངས་ཡིག་ལ་མཚན་ རྟགས་བཀོད་པ་དང་། རྒྱ་གར་གྱི་ཕྱི་འབྲེལ་སྲིད་བྱུས་ཀྱི་ནང་དུ་རྒྱ་གར་གྱིས་འབྲུག་ལ་བཀོད་འདོམས་ བྱེད་པ་ལས་འབྲུག་གི་ནང་སྲིད་ལ་ཐེ་བྱུས་མི་བྱེད་པར་འགན་ལེན་བྱས་ཡོད། སྤྱི་ལོ་༡༩༥༢་ལོར་ཁོང་གི་སྲས་འབྲུག་རྒྱལ་གསུམ་པ་འཇིགས་མེད་རྡོ་རྗེ་དབང་ ཕྱུག་གིས་རྒྱལ་བོའི་གོ་གནས་བཞེས་པ་དང་། དེ་ནས་འབྲུག་རྒྱལ་ཁབ་རིམ་བཞིན་ཡར་རྒྱས་ཀྱི་རྣམ་པ་བྱུང་ཞིང་། སྤྱི་ལོ་༡༩༧༡་ལོར་འཛམ་གླིང་མཉམ་འབྲེལ་རྒྱལ་ཚོགས་ཀྱི་ཚོགས་མིའི་ཁོངས་སུ་ཚུད་ ཡོད། ཁོང་གིས་འབྲུག་ཏུ་རྒྱལ་ཡོངས་གྲོས་ཚོགས་དང་རྒྱལ་བོའི་དམག་དཔུང་དང་མཐོ་རིམ་ ཁྲིམས་ཁང་སོགས་བཙུགས་ནས་དེང་རབས་སུ་ཕྱོགས་སུ་བསྐྱོད་པའི་འགོ་བརྩམས་ཡོད། སྤྱི་ལོ་༡༩༧༢་ལོར་རྒྱལ་བོ་འཇིགས་མེད་རྡོ་རྗེ་དབང་ཕྱུག་གློ་བུར་དུ་འདས་ གྲོངས་སུ་ཕྱིན་པའི་རྗེས་སུ། ཁོང་གི་སྲས་འབྲུག་རྒྱལ་བཞི་བ་འཇིགས་མེད་སེང་གེ་དབང་ཕྱུག་ལགས་དགུང་ལོ་བཅུ་ བདུན་སྟེང་རྒྱལ་བོའི་ཁྲི་ལ་འཁོད་ཅིང་། སྤྱི་ལོ་༡༩༧༤་ལོའི་ཟླ་༦་ཚེས་༢་ཉིན་ལ་འབྲུག་རྒྱལ་བོའི་དབུ་ཞྭ་གསོལ་བ་རེད། ཁོང་ནི་འཛམ་གླིང་འདིའི་ནང་གི་རྒྱལ་བོ་གཞོན་ཤོས་དེ་ཆགས་པ་དང་། འབྲུག་དང་། རྒྱ་གར། ཨིན་ཇི། ཨ་རི་སོགས་ཀྱི་མཐོ་སློབ་ཁག་ཏུ་དེང་རབས་ཀྱི་ཤེས་ཡོན་སྣ་མང་ལ་སློབ་སྦྱོང་བྱས་ མྱོང་བའི་མི་སྣ་ཞིག་ཡིན་པས། རྒྱལ་སྤྱིའི་གནས་ཚུལ་ལ་ཤེས་རྟོགས་ཟབ་པ་དང་འབྲུག་ཏུ་དེང་གི་ཤེས་ཡོན་སློབ་ གསོ་དང་། ཆབ་སྲིད་འཛིན་སྐྱོང་། ཡུལ་སྐོར་ལྗོངས་རྒྱུ། དཔལ་འབྱོར་བཅོས་བསྒྱུར། རྒྱལ་ཡོངས་བདེ་སྐྱིད། དམངས་གཙོའི་ལྟ་གྲུབ་ལ་སོགས་གོང་འཕེལ་དང་ཡར་རྒྱས་སུ་བཏང་བའི་རླབས་ཆེན་གྱི་ མཛད་རྗེས་ཡོད་པ་ཞིག་ཡིན། འབྲུག་ཏུ་ཞབས་དྲུང་ངག་དབང་རྣམ་རྒྱལ་མཆོག་གི་ཡང་སྲིད་ཀྱི་སྐོར་ལ་སྐུ་གསུང་ ཐུགས་ཀྱི་སྤྲུལ་བ་སོགས་རྩོད་རྙོག་སྣ་མང་གི་ཁྲོད་དུ་འབྲུག་སྡེ་སྲིད་དང་། རྗེ་མཁན་པོ། དཔོན་སློབ་གསུམ་གྱིས་ངོས་འཛིན་སྟངས་མི་འདྲ་བ་མང་བོ་རིམ་པར་བྱོན་པ་དང་འབྲུག་ གཞུང་གིས་ཁོང་གི་སྤྲུལ་སྐུ་ལ་བཀག་སྡོམ་གྱི་བྱེད་ཐབས་ཀྱང་མཛད་པ་རེད། གཞན་ཡང་། རྒྱ་གར་གྱི་མོན་རྟ་དབང་དགོན་པ་དང་། བོད་སོགས་སུའང་ཁོང་གི་ཡང་སྲིད་བྱུང་ཡོད་པ་སྟེ། དེང་སང་ཨི་ཏ་ལིར་བཞུགས་པའི་བོད་རིགས་མཁས་དབང་ནམ་མཁའི་ནོར་བུ་ཡང་ཞབས་དྲུང་ ངག་དབང་རྣམ་རྒྱལ་གྱི་ཡང་སྲིད་ཡིན་པར་བཤད་དོ། ། ད་དུང་དེང་སང་འབྲུག་ཏུ་ཞབས་དྲུང་ངག་དབང་རྣམ་རྒྱལ་གྱི་སྤྲུལ་སྐུ་ལ་ངོས་འཛིན་ གནང་བའི་ཕྲུ་གུ་ལོ་ཆུང་ཆུང་ཞིག་ཡོད་པ་སྤྱི་ལོ་༢༠༠༥་ལོ་ནས་བཟུང་ཕ་མ་དང་མཉམ་ དུ་བཟང་བཙོན་དུ་བཞག་ཡོད་པར་བཤད་པ་རེད། སྤྱི་ལོ་༢༠༠༦་ལོའི་ཟླ་༡༢་བའི་ཚེས་༡༤་ཉིན་དུ་འབྲུག་རྒྱལ་བཞི་བ་འཇིགས་མེད་ སེང་གེ་དབང་ཕྱུག་གིས་རྒྱལ་བོའི་སྲིད་དབང་གི་གོ་གནས་ལས་དགོངས་པ་ཞུས་ནས། སྲས་འབྲུག་རྒྱལ་ལྔ་བ་འཇིགས་མེད་གེ་སར་རྣམ་རྒྱལ་དབང་ཕྱུག་རྒྱལ་ཚབ་ཏུ་བསྐོ་ བཞག་གནང་བ་རེད། སྤྱི་ལོ་༢༠༠༨་ལོའི་ཟླ་༡༡་པའི་ཚེས་༦་ཉིན་དུ་འབྲུག་གི་གནའ་བོའི་གྲོང་ཁྱེར་ རྙིང་བ་སྤུ་ན་ཁ་རུ་གཞུང་འབྲེལ་གྱི་མཛད་སྒོ་རྒྱ་ཆེན་པོ་ཞིག་གི་སྟེང་དུ་སྲས་ འཇིགས་མེད་གེ་སར་རྣམ་རྒྱལ་དབང་ཕྱུག་ལ་རྒྱལ་བོའི་དབུ་ཞྭ་དེ་གསོལ་བ་རེད། སྐབས་དེར་རྒྱ་གར་གྱི་སྲིད་འཛིན་དང་ཕྱི་སྲིད་བློན་ཆེན་ཐེ་བའི་ཕྱི་རྒྱལ་གྱི་ སྐུ་མགྲོན་མང་བོ་མཉམ་ཞུགས་གནང་ཡོད། སྲས་འཇིགས་མེད་གེ་སར་ནི་འབྲུག་རྒྱལ་བཞི་བ་འཇིགས་མེད་སེང་གེ་དབང་ཕྱུག་ལ་ བཙུན་མོ་བཞི་ཡོད་པའི་ནང་གི་གསུམ་པ་ཨ་ཤེ་ཚེ་རིང་གཡང་སྒྲོན་གྱི་སྲས་རྒན་པ་ ཡིན། ཁོང་གིས་ཆུང་དུས་འབྲུག་ཏུ་གཡང་ཆེན་པུ་འབྲིང་རིམ་སློབ་གྲྭར་སློབ་སྦྱོང་བྱས་ པ་དང་། དེ་ནས་རིམ་བཞིན་ཨ་རི་ནང་དུ་མཐོ་སློབ་ཁག་ཁ་ཤས་ལ་འགྲིམས་པའི་རྗེས་སུ་ཨིན་ ཇིའི་ཨོ་ཁུ་སི་ཕོར་ཏྲི་སློབ་ཆེན་དུ་ཕྱི་ཕྱོགས་ཀྱི་ཞབས་ཞུ་སྒྲིག་གཞི་དང་ རྒྱལ་སྤྱིའི་འབྲེལ་ལམ་སྐོར་ལ་སློབ་གཉེར་བྱས་ནས་སློབ་ཐོན་ཕྱིན་པ་རེད། སྤྱི་ལོ་༢༠༡༡་ལོའི་ཟླ་༥་བའི་ཚེས་༢༠་ཉིན་དུ་རྒྱལ་བོ་འཇིགས་མེད་གེ་སར་གྱིས་ རྒྱལ་ཡོངས་གྲོས་ཚོགས་ཀྱི་ཚོགས་དུས་བདུན་པའི་སྒོ་འབྱེད་མཛད་སྒོ་གནང་བའི་ སྐབས་སུ། ཁོང་ནི་སྤྱི་ལོ་༢༠༡༡་ལོའི་ཟླ་༡༠་བའི་ཚེས་༡༣་ཉིན་དུ་སྤུ་ན་ཁ་གྲོང་ཁྱེར་དུ་ རང་ལོ་ཉེར་གཅིག་ཡིན་པའི་འབྲུག་གི་མི་སེར་དཀྱུས་མ་རྗེ་བཙུན་པདྨ་ལགས་ལ་ འཁྲུངས་ས་བསྐྱོན་རྒྱུ་ཡིན་པར་གསལ་བསྒྲགས་བསྐྱངས་པ་རེད། དེ་ལྟར་དུ་ཉིན་དེར་འབྲུག་གི་ཆུ་བོ་ཕོ་ཆུ་དང་མོ་ཆུ་ཟེར་བ་གཉིས་འཛོམས་སའི་ གནས་ཏེ་པུ་ན་ཁ་རྫོང་དུ་མཛེས་སྡུག་གི་ཡོན་ཏན་ཡོངས་སུ་རྫོགས་པའི་རྗེ་བཙུན་པད་ མ་མཆོག་འབྲུག་གི་སྲོལ་རྒྱུན་ཆོས་ལུགས་ཀྱི་དགའ་སྟོན་རྟེན་འབྲེལ་གྱི་མཛད་སྒོ་ རྒྱ་ཆེན་པོ་ཞིག་དང་མཉམ་དུ་རྒྱལ་བོའི་ཁབ་ཏུ་བཞེས་ཡོད་པ་རེད།

འབྲུག་པའི་བུ་མོར་མཛེས་སྡུག་ལྡན་ཡང་བཀྲ་ཤིས་ཀྱི་མཇེས་འབྲུག་རྒྱལ་གྱི་ཕོ་བྲང་ལ་སྙོམས་མི་ཡོང་ངེས་ཅན་རེད། ཐོབ་བྱ་མེད་པའི་འདོད་རྔམས་ཀྱིས་རང་སྡུག་ཉོ་དོན་ཅི་ཡོད།

བཀྲ་ཤིས་ཟེར་བ་འདི་མི་ཤེས་ཤེས་མདོག་བྱེད་མཁན་ཞིག་རེད། འབྲུག་རྒྱལ་ཁབ་ཟ་དགོས་ཟེར་མཁན་སུ་འདུག ལོག་བཤད་མ་བྱེད་ལོ། ཡག་པོ་སྡོད།

དྲ་གྲོགས་འགྱུར་མེད་བསྟན་འཛིན་དང་། འཁྱམས་པོ་ལགས།
ལྷོ་འབྲུག་ཆོས་ཀྱི་རྒྱལ་ཁབ་ནི་འཛམ་གླིང་འདི་ན་བོད་བརྒྱུད་གསང་སྔགས་ཀྱི་བསྟན་པ་དར་སའི་རྒྱལ་ཁབ་གཅིག་པུ་དེ་ཡིན་པ་རེད། ཁོང་ཚོ་ནི་རང་བཙན་གཙང་མའི་རྒྱལ་ཁབ་ཡིན་པ་རེད། ཁོང་ཚོ་གུ་རུ་་པདྨའི་ཆོས་བརྒྱུད་འཛིན་པའི་ལུང་པ་ཨང་དང་པོ་དེ་ཆགས་ཡོད། གུ་རུ་གཏེར་ལུང་ཁག་ཏུ་གསལ་བའི་ལམ་སྟོན་འོག་ཤར་བསྐྱོད་བྱས་པར་བརྟེན་ཕྱི་རྒྱལ་གྱི་འོག་ཏུ་མ་ཚུད་པར་དང་དབང་བདེ་སྐྱིད་ངང་དུ་ལྷག་ཡོད་བཤད་ཀི་རེད།
འབྲུག་བོད་གཉིས་ཀ་མཚམས་རེ་རྩོད་རྙོག་ཕྲན་བུ་བྱུང་མྱོང་ཡོད་མོད། དེ་འདྲ་བོད་ཁམས་ནང་ལོགས་སུ་གང་མང་བྱུང་མྱོང་ཡོད་པ་རེད། བོད་པ་ནང་ཁུ་ས་འབྲུ་གཉིས། ཀར་དགེ་གཉིས། སོག་ཇུན་གར་གྱི་དམག་སྣེ་དྲངས་པའི་ལོ་རྒྱུས་ལྟ་བུ་ཛ་དྲག་གི་གནས་ཚུལ་དེ་འདྲ་འབྲུག་བོད་བར་བྱུང་མྱོང་ཡོད་མ་རེད།
སྡེ་སྲིད་སངས་རྒྱམ་སྐབས་ཙམ་ལ་ས་མཚམས་རྩོད་རྙོག་དེ་ཙམ་མ་ལ་ཞེ་འཁོན་དུ་འཛིན་མི་རུང་། སྐབས་རེ་གཟའ་ཚང་བར་ལ་ཡང་གཟའ་འཛིང་བྱུང་གི་ཡོད་པ་རེད།

མི་རིགས་ནི་བོད་རིགས་ཡིན་ན་ཡང་དེ་འདྲ་ཧི་མ་ལའི་རི་རྒྱུད་གང་སར་ཡོད་ཙང་འབྲུག་པ་ལ་ཡུས་འདོན་རྒྱུས་ཡོད་མ་རེད། བོད་པ་སྐྱབས་བཅོལ་བ་ཚོ་འདུག་མ་ཤེས་པར་མིའི་ལུང་པ་ཟ་རྒྱུ་ཡིན་ལབ་ན་འབྲུག་པ་མིན་རུང་རྙོག་དྲ་ཡོང་གི་རེད།
ངས་དེ་རིང་་་འགྱུར་མེད་བསྟན་འཛིན་ཚང་གི་ཁྱིམ་ཚང་ཟ་རྒྱུད་ཡིན་ལབ་ཡང་ཁྱོད་ཤི་ང་གསོན་མ་བྱས་པར་ཟ་རྒྱུ་རག་གི་མ་རེད། ཚང་མ་གཅིག་པ་རེད།
རྒྱལ་བ་གདན་ཞུས་བྱེད་མིན་དེ་གཅིག་ནས་རྒྱལ་ཁབ་ཆུང་ཆུང་ཡིན་ཙང་ཁྱིམ་མཚེས་རྒྱ་ནག་ལ་ཞེད་སྣང་དགོས་པའི་གནས་ཚུལ་གཅིག་ཡོད་རེད།
གཉིས་ནས་ལོ་རྒྱུས་ནང་དགེ་ལུགས་དང་བཀའ་བརྒྱུད་བར་གྱི་རྙོག་དྲ་དང་ལྷག་དོན་འབྲུག་ཀུན་མཁྱེན་པདྨ་དཀར་པོ་བོད་ནས་སྡོད་མ་བཅུག་པར་ལྷོ་འབྲུག་ཏུ་བྲོས་བྱོལ་སོང་བའི་བརྒྱུད་རིམ་ནང་འབྲུག་པ་བཀའ་བརྒྱུད་ཚོས་དགེ་ལུགས་ཆོས་བརྒྱུད་འཛིན་ཚོ་ལ་དུས་ནམ་ཡང་བཙོན་པར་འཛིན་པའི་འདུ་ཤེས་ཤིག་ཀྱང་ཡོད་ཡོད་པ་རེད། དེ་འདྲའི་རྒྱུ་སྐྱེན་མང་པོ་ཡོད་རེད།

ཆོས་ལྡན་འབྲུག་གི་རྒྱལ་ཁམས་ཀྱི་གནས་བབ་མཐོ་ཤོས་ཀྱི་གཞོན་ནུ་ཕོ་མོ་ཟུང་ཞིག་འདི་ལྟར་འཇིག་རྟེན་མཐུན་འཇུག་གི་བྱེད་སྒོ་དབུ་ཚུགས་ལ་བཀྲི་བདེ་ལེགས་གྲངས་མེད་དང་། དགེ་ཆོས་ལགས་ཀྱིས། འདོད་པའི་ཁམས་ན་བདེ་བ་མང་མོད་ཀྱང་། །བོ་མོའི་འཕོང་ལས་ལྷག་པ་ཡོད་རེ་སྐན། །ཞེས་གསུངས་པའི་བདེ་སྐྱིད་དེ་ཁྱེད་གཉིས་ཀྱི་རྟག་ཏུ་མྱོང་ཐོབ་པའི་སྨན་ལམ་ཡོད་དོ། །
དངོས་གནས་ཁྱེད་རང་གཉིས་མི་ཚེ་དོན་ལྡན་རེད། དེང་སང་གི་ཨ་ནེ་དང་གྲྭ་པ་ལྟ་བུའི་ཆེ་ཆེ་བའི་མཁྲིག་སྲེད་ཀྱི་བདེ་བ་མེད་པའི་མི་ཚེ་དེས་ཅི་བྱེད།

འབྲུག་རྒྱལ་དང་པོ། ཨོ་རྒྱན་དབང་ཕྱུག སྲིད་ལོ། ༡༩༠༧་ནས་༡༩༢༦།
འབྲུག་རྒྱལ་གཉིས་པ། འཇིགས་མེད་དབང་ཕྱུག སྲིད་ལོ། ༡༩༢༦་ནས་༡༩༥༢།
འབྲུག་རྒྱལ་གསུམ་པ། འཇིགས་མེད་རྡོ་རྗེ་དབང་ཕྱུག སྲིད་ལོ། ༡༩༥༢་ནས་༡༩༧༢།
འབྲུག་རྒྱལ་བཞི་བ། འཇིགས་མེད་སེང་གེ་དབང་ཕྱུག སྲིད་ལོ། ༡༩༧༢་ནས་༢༠༠༦།
འབྲུག་རྒྱལ་ལྔ་བ། འཇིགས་མེད་གེ་སར་རྣམ་རྒྱལ་དབང་ཕྱུག སྲིད་ལོ། ༢༠༠༦་ནས་་་།
དུས་རབས་དགུ་བའི་ནང་ལ་བོད་དུ་དྲག་པོའི་ཟིང་ཆ་བྱུང་བའི་རྗེས་སུ་བོད་ཀྱི་གྲྭ་བ་མང་བོ་འབྲུག་ཡུལ་ལ་བྲོལ་བྱོལ་དུ་ཡོང་ནས་གཞིས་ཆགས་པ་ཞིག་ཡིན། དུས་རབས་༡༢་བའི་ནང་དུ་འབྲུག་པ་བཀའ་བརྒྱུད་པའི་ཆོས་རྒྱུན་འབྲུག་ཡུལ་དུ་དར་སྤེལ་བྱུང་ནས་ད་ལྟའི་བར་དུ་དེ་ནི་ནང་ཆོས་ཀྱི་རྨང་གཞི་རུ་གྱུར་ཡོད། རྒྱལ་ཁབ་འདིའི་ཆབ་སྲིད་ཀྱི་ལོ་རྒྱུས་ནི་ནང་ཆོས་ཀྱི་ལོ་རྒྱུས་དང་དགོན་པ་སྣ་མང་གི་འབྲེལ་བ་ལ་བརྟེན་ནས་གནས་ཡོད་པ་ཞིག་རེད།

རྒྱལ་པོ་ཡབ་ཡུམ་གྱི་་རྒྱབ་ན་ཡོད་པའི་འབར་མའི་དྲག་པོའི་དམག་དཔོན་དེ་ཚོ་ག་རེ་རེད།

མངའ་རིས་པ་ཆོས་དབྱངས་ཟེར་བ་ཉོན་ཅིག
ལྷོ་འབྲུག་ཆོས་ཀྱི་རྒྱལ་ཁབ་འདི་རང་བཙན་གཙང་མའི་རྒྱལ་ཁག་ཅིག་རེད།
ཁྱེད་ས་འོག་གྲོག་མ་འདྲ་མ་རེད་པས། ལུང་པ་ཆེན་པོ་རེད། འཛམ་གླིང་གི་རྒྱལ་ཁབ་འདྲ་མིན་ནང་ནས་འབྲིང་གྲས་ཤིག་རེད། རྒྱ་གར་ཁུངས་གཏོགས་རྩ་བ་ནས་མ་རེད། ཁོང་ཚོས་ཟེར་ན་གུ་རུ་རིན་པོ་ཆེས་བཀའ་བཞིན་དུ་སྒྲུབ་པས་ཕྱིའི་རྒྱལ་ཁབ་སུས་ཀྱང་ཁོང་ཚོ་ལ་གནོད་པ་བྱུང་མ་མྱོང་བར་འདོད།

གྲོགས་མོ་དཀར་མཚོ་སྐྱིད་ལགས། འབྲུག་རྒྱལ་བོ་གཉིས་པའི་བཙུན་མོ་ཨ་ཞེ་ཕུན་ཚོགས་ཆོས་སྒྲོན་ཟེར་བ་དེ་སུ་རེད། རིགས་བརྒྱུད་འབྱུང་ཁུངས་གསལ་བོ་རེ་ཞུ་རྒྱུ་ཡོད་དམ། ཡབ་དོན་གྲུབ་རྒྱལ་མཚན་གྱི་འབྱུང་ཁུངས་སྐོར་ལ་རྒྱུས་མངའ་ཡོད་དམ།
འབྲུག་རྒྱལ་ན་གཞོན་འཇིགས་མེད་གེ་སར་རྣམ་རྒྱལ་དབང་ཕྱུག་ཟེར་བ་འདི་འབྲུག་གི་རྒྱལ་རབས་ག་ཚོད་རེད། ཁོང་གི་ཕ་རྒྱུད་མ་རྒྱུད་སྐོར་ལ་རྒྱུས་མངའ་ཨེ་ཡོད། ཁོ་ལ་སློབ་སྦྱོང་གི་བརྒྱུད་རིམ་གང་འདྲ་ཡོད་དམ།

གོ་ཐོས་ལྟར་ན། རྗེ་བཙུན་པད་མའི་མ་རྒན་ནི་བོད་ནས་ཡིན་པ་དང་། དེ་ཡང་ཕ་ཡུལ་ལས་ཐང་ནས་རེད་ཟེར་གྱིན་འདུག

སྒྲོལ་མ་ལགས་ནང་བཞིན་ང་ཡང་མགོ་འཐོམ་ནས་བསྡད་ཡོད། སྐད་ཡིག་ཆས་གོས་མཁར་རྫོང་སོགས་ཕལ་ཆེར་བོད་དང་འདི་འདྲ་ཞིག་འདྲ་དགོས་པ་ཅི་ཡིན་ན།
འབྲུག་པ་ཁོ་རང་ཚོས་ནི། ང་ཚོ་བོད་མིན་ང་ཚོའི་ཡི་གེ་བོད་ཡིག་མ་རེད་རྫོང་ཁ་རེད་ཟེར་བཞིན་འདུག
འབྲུག་པའི་བྱུང་བ་མཁྱེན་མཁན་ཡོད་ན་གསལ་བཤད་ཅིག་གནང་རོགས།

དྲ་གྲོགས་རྣམ་པ་ཚོས་འབྲུག་ཡུལ་ཟེར་བ་འདིའི་སྐོར་གུས་མོར་ངོ་སྤྲོད་གསལ་བོ་ཞིག་གནང་རྒྱུ་མཁྱེན།
འབྲུག་དང་འབྲས་ལྗོངས། མོན་པ་ཟེར་བ་འདི་རིགས་སྔོན་མའི་བོད་ཀྱི་རྒྱལ་རབས་ལོ་རྒྱུས་དག་ལས་མཐོང་མྱོང་ལ། དེང་སྐབས་སྲིད་གཞུང་( ཀྲུང་གོ )ཡི་སྐབས་དོན་གསར་འགྱུར་དག་ཏུའང་ཡང་ཡང་འཐོན་བཞིན་པའི་ཐ་སྙད་ཞིག་རེད། ཡིན་ནའང་། རྒྱལ་ཁབ་ཀྲུང་གོའི་འོག་ཡིན་མིན་དང་། མི་རིགས་བོད་རིགས་སུ་གཏོགས་མིན་ད་བར་ང་རང་གིས་གསལ་བོ་ཤེས་ཀྱི་མེད་ཀྱང་། སེམས་པའི་བག་ཆགས་ངོས་ཀྱི་དྲན་སྣང་འགའ་བཤད་ན། སྔར་བྱིས་པའི་སྐབས་སུ་བོད་པའི་གནའ་རབས་ལོ་རྒྱུས་དག་བཀླགས་སྐབས། དེ་ནི་བོད་རྒྱལ་ཁབ་ཀྱི་ས་ཁོངས་ཤིག་ཡིན་པ་དང་། མི་རིགས་ཀྱང་བོད་རིགས་སྙོན་མེད་ཅིག་ཡིན་པའི་བག་ཆགས་ཟབ་མོ་འདུག་ལ། དེང་སྐབས་སྲིད་གཞུང་གི་གསར་འགྱུར་ཁག་ཏུ་བརྗོད་པར་གཞིགས་ན་ཡང་། ཀྲུང་གོའི་རྒྱལ་ཁོངས་སུ་གཏོགས་པའི་ས་ཁུལ་ཞིག་གམ། ཡང་ན་ཀྲུང་གོའི་མངའ་ཁོངས་ནས་ཕྱི་རྒྱལ་གྱིས་བཙན་བཟུང་བྱས་ཟིན་པ་འམ། བཙན་འཕྲོག་ཧམ་བཟུང་བྱེད་བཞིན་པའི་ཡུལ་མཐའ་འཁོབ་ཅིག་ཡིན་པའི་ཚོར་སྣང་ཟབ་མོ་འདུག
གོང་གི་གསར་འགྱུར་ནང་དུ་འབྲུག་རྒྱལ་ཁབ་ཅེས་བཀོད་འདུག་པ་དང་། འོག་གི་པར་ངོས་སུ་བོད་ཆས་བོད་ལ་གྱོན་ཡོད་པ་མཐོང་སྐབས་ཡ་མཚན་པ་ཞིག་སྐྱེས་སོང་ལ། དེ་དང་མཉམ་དུ་གློག་ཀླད་ནང་ “ འབྲུག ” ཅེས་པའི་ཐ་སྙད་འདི་བརྒྱབ་མ་ཐག་ང་རང་དེ་བས་ཀྱང་ཧ་ལས་ཤིང་ཧོན་འཐོར་སོང་། ངས་གློག་ཀླད་ལས་མཐོང་བ་དག་ནི་བོད་པའི་དགོན་པ་དང་དར་ལྕོག མ་ཎི་འཁོར་ལོ། རྡོ་འབུམ། བོད་ལ་དང་བོད་པའི་རྒྱན་ཆས་སྤྲས་པའི་བོད་པ་ཤ་སྟག་རེད་ལ། མིའི་གཟུགས་པོའི་ཆ་བྱེད་དང་སྐྲ་འཇོག་སྟངས། ཐ་ན་ཤ་མདངས་བཅས་བོད་པ་ལས་གཞན་གང་ཡང་མཐོང་མ་སོང་། ད་དུང་ “འབྲིག་རྒྱང་གྲག”ཟེར་བ་དང་། “ འབྲུག་པའི་དཔེ་མཛོད། ”། “ འབྲུག་པད་མ་སྒང” “ འབྲུག་སྤྱི་འབྲེལ་རླངས་འཁོར ” ཟེར་བ་ཡོངས་རྫོགས་བོད་ཡིག་རེད་ལ། པར་འགའ་ཤས་ཐོག་འབྲུག་གི་ཚོང་ཁང་ག་གེ་མོ་དང་། འབྲིག་གི་འགྲོན་ཁང་ག་གེ་མོ་ཞེས་བཀོད་འདུག ངའི་མགོ་ཡོངས་སུ་འཐོམ་སོང་།

http://www.facebook.com/photo.php?fbid=2335075309887&set=a.2335075269886.118793.1639964546&type=1&theater

འབྲུག་རྒྱལ་ཐོབ་ཞྭ་བཞེས་པའི་སྐུ་དཔར་འདི་ན་འདུག

འབྲུག་ནི་བོད་པ་ཚང་བུ་ཕྱི་ལོག་ཏུ་ཁྱིམ་གཞིས་བཅས་ནས་དེང་དུས་རང་ཁྱིམ་དངོས་ལས་ཀྱང་འཇོན་ཐང་ཆེ་བའི་རྒྱལ་ཁབ་ཞིག་ཡིན། འཛམ་གླིང་གི་ཐོག་ཏུ་རྡོ་རྗེ་ཐེག་པའི་རྒྱལ་ཁག་གཅིག་གཅིག་པུ་ཡོད་པ་དེ་ནི་འབྲུག་གི་རྒྱལ་ཁབ་རེད་ལ། འཛམ་གླིང་ནང་ནས་སྐྱིད་ཤོས་ཀྱི་རྒྱལ་ཁབ་དེ་འང་འབྲུག་གི་རྒྱལ་ཁབ་འདི་ཆགས་ནས་ཡོད་རེད། ་དེ་འོས་རང་རེས་ལོ་རྒྱུས་ཀྱི་ཐོག་ནས་བཤད་ན། འབྲུག་ལས་འབྲེལ་བ་ཆེ་བའི་ཁྲིམས་མཐུན་གྱི་རྒྱལ་ཁབ་ཞིག་ད་ལྟ་བོད་མི་རྣམས་ལ་མེད་པ་གཏན་ཁེལ་རེད། དེ་རིང་འབྲུག་རྒྱལ་ཡོངས་དང་ལྷག་པར་ཤེས་འཇོན་གཉིས་ལྡན་གྱི་རྒྱལ་པོ་འདི་སྐུ་ཚེ་ཡུན་བརྟན་དང་རླབས་ཆེན་བཞེད་དོན་གེགས་མེད་ཡིད་བཞིན་འགྲུབ་པའི་སྨོན་འདུན་ཞུ་རྒྱུ་ཡིན་ལ

འབྲུག་རྒྱལ་པོ་དང་རྒྱལ་མོ་གཉིས་ཀྱི་གཉེན་སྒྲིག་ལ་མཚམས་འདྲི་བཀྲ་ཤིས་བདེ་ལེགས་ཞུ།
འབྲུག་ཡུལ་ལ་བདེ་སྐྱིད་ཀྱི་ཉི་མ་ཤར་བ་དང་རྒྱལ་རྒྱུད་ཆུ་རྒྱུན་བཞིན་དུ་ཡོང་བའི་སྨོན་འདུན་ཞུ།

འབྲུག་རྒྱལ་བོད་ཐོག་ལ་ལྟ་ཚུལ་བཟུང་བ་འདི་བོད་མི་རང་ཉིད་བཟོས་པ་རེད་སྐབས་སྐུ་ངོ་ཁ་ཤས་་ཧམ་པ་ཆེ་གྲག་ནས་རང་ཉིད་ཀྱི་རྒྱལ་ཁལ་གཞན་ལག་ཤོར་བཞིན་གཞན་གྱི་རྒྱལ་ཁབ་ལ་བཙན་འཛུལ་དང་ཧམ་ཟ་བྱེད་ཀྱི་གྲ་སྒྲིབ་མེད་ན་དེ་རེང་གི་འདི་ང་ཚོའོ་སྒང་ལ་ཡོང་གི་མ་རེད།
འོན་ཀྱང་འབྲུག་རྒྱལ་ཁབ་ནི་དེང་སང་འཛམ་གླིང་མཉམ་འགྲེལ་རྒྱལ་ཚོགས་ཀྱི་རྐུབ་སྟེགས་རེག་ཡོདྲ འོན་ཀྱང་བོད་མི་རང་ཉིད་ཀྱིས་མ་འཇོན་པ་རེད། སྐབས་དེར་མཉམ་འགྲེལ་རྒྱལ་ཚོགས་ཀྱིས་བོད་ལ་སྐད་མ་བཏང་རེད་མི་འདུག།
ཡིན་ཡང་བོད་པ་ཚང་གི་སྐུ་ཚབ་ཚོའི་ཀ་ལན་པོར་ནས་ཆང་དང་ཤོ་ལ་རོལ་ནས་རྗེས་མ་ཆོད་ནས་གཞན་སྔོན་ལ་ཤོར་བ་རེད། མ་འོང་བར་ཡང་འདི་འདྲའི་གོ་སྐབས་ཐོབ་ན་ཡང་ཕན་ཚུན་ཁ་གཏོང་རེ་བྱས་ནས་རྗེས་ལུས་ཐེབ་རྒྱུ་ཉེག་གཅིག་རེད།
རྒྱུ་འབྲུས་ཡོད་རྒྱུ་རེད་ཡ།

ང་ཚོ་ཚང་མས་རྟག་པར་བལ་ཡུལ་གྱིས་བོད་མི་རྒྱ་གཞུང་ལ་རྩིས་སྤྲོད་དང་བོད་མི་ལ་ལས་འགུལ་སྤེལ་དུ་མི་འཇུག་གི་ཟེར་ནས་ངོ་རྒོལ་བྱེད་ཀྱིན་ཡོད། གལ་ཏེ་བོད་མི་རྣམས་འབྲུག་ཡུལ་བརྒྱུད་ནས་སྐྱབས་བཅོལ་ལ་ཡོང་དགོས་ན་འབྲུག་འདི་བལ་ཡུལ་ལས་ལྡབ་འགྱུར་གི་ཇེ་ངན་ལས་ཇེ་བཟང་ཡིན་སྲིད་དམ། འབྲུག་ཡུལ་ལས་བལ་ཡུལ་གྱིས་རྒྱ་ནག་ནས་རོགས་སྐྱོབས་ཕོན་ཆེན་ལེན་གི་ཡོད་པས་རྒྱ་ལས་སྤྲེལ་ལད་འཁྲབ་པ་དེ་མི་འགྲིག་པ་མེད་ཞེས་བཤད་ན་ཆོག།

ཆཽས་དང་རིག་གཞུང་མ་ཚད་སྐད་ཡིག་ཀྱང་གཅིག་པའི་་བོད་ཀྱི་ཁྱེམ་ཚིས་འབྲུག་རྒྱལ་བཙུན་མོ་རྣམ་གཉིས་ཀྱི་མཉེན་སྒྲིག་ལ་བཀྲ་ཤིས་བདེ་ལེགས་གྲངས་མེད་དང་བཅས་ཁོང་རྣམས་གཉིས་་སྐུ་ཚེ་རིང་རྒྱལ་ཁབ་དེར་ཞི་བདེ་ཡོང་བ། བཀྲ་ཤིས་བ་བཅས་ཀྱི་སྨོན་འདུན་ཞུ།

འབྲུག་རྒྱལ་གྱིས་རས་གཟན་སེར་པོ་འདྲ་ཞིག་གྱོན་ཡོད་པ་དེའི་མཚོན་རྟགས་ག་རེ་ཡིན་ནམ། ཕོ་གསར་སྟག་འདྲ་བོ་ཁོང་ལ་འདོད་ཆགས་ནི་ཡོད་ཡོད་ཡིན་པས། འཇིག་རྟེན་ལུགས་མཐུན་གྱི་གཉེན་སྒྲིག་བརྒྱབ་པ་ཙམ་ལ་ང་ཚོའི་ངོས་ནས་རྟེན་འབྲེལ་ཞུ་དགོས་དོན་གང་ཡང་མི་འདུག འབྲུག་རྒྱལ་འདིས་ཀྱང་བོད་པའི་ཐོག་ལ་བཟུང་བའི་ལྟ་ཚུལ་ནི་རྒྱ་གཞུང་ནང་བཞིན་རེད།