ཁ་སང་མཉམ་འབྲེལ་རྒྱལ་ཚོགས་དབུ་བརྙེས་པའི་དུས་དྲན་དང་བསྟུན་ཏེ་བྷེལ་ཇམ་དུ་གནས་བཞུཊ་བོད་རིགས་དང་བོད་དོན་རྒྱབ་སྐྱོར་བ་ཚོས་སྐད་འབོད་ཁྲོམ་སྐོར་གྱི་ལས་འགུལ་ཞིག་སྤེལ་འདུག
.JPG)
ཁ་སང་ཕྱི་ཚེས་ ༢༤ ཉིན་ཏེ་མཉམ་འབྲེལ་རྒྱལ་ཚོགས་དབུ་བརྙེས་པའི་དུས་ཆེན་ཉིན་མོ་དང་བསྟུན་ཏེ། བྷེལ་ཇེམ་དུ་གནས་བཞུགས་བོད་མི་རྣམས་དང་བོད་དོན་རྒྱབ་སྐྱོར་བ་ཚོས་བོད་ནང་གི་ཛ་དྲག་གནས་སྟངས་ལ་གདུང་སེམས་མཉམ་སྐྱེད་དང་རྒྱ་གཞུང་ལ་ངོ་རྒོལ། བོད་མིའི་འགྲོ་བ་མིའི་ཐོབ་ཐང་གི་གནས་སྟངས་ཧ་ཅང་ཛ་དྲག་པོ་ཡོད་པའི་ཐད་མཉམ་འབྲེལ་རྒྱལ་ཚོགས་ཀྱིས་མཁྱེན་རྟོགས་དང་རྒྱབ་སྐྱོར་ཡོང་སླད། ཁྲོམ་སྐོར་སྐད་འབོད་དང་སྙན་ཞུ་ཕུལ་བ་སོགས་ཀྱི་ལས་འགུལ་ཞིག་སྤེལ་ཡོད་འདུག
མཉམ་འབྲེལ་རྒྱལ་ཚོགས་ལས་ཁུངས་སུ་ཟླ་དེའི་ནང་བོད་ནང་དུ་བྱུང་བའི་བོད་མི་ཚོས་རྒྱ་ནག་གི་བོད་མེར་འཛིན་པའི་སྲིད་ཇུས་ལ་ངོ་རྒོལ་ཆེད་རང་ལུས་མེར་བསྲེགས་བཏང་སྟེ་འདས་གྲོངས་སུ་ཕྱིན་པའི་དཔའ་བོ་དཔའ་མོ་རྣམས་ཀྱི་མཚན་གཞུང་དང་རང་ལུས་མེ་བསྲེགས་བཏང་བའི་ཚེས་གྲངས། དེ་བཞིན་བོད་ནང་གི་དཀའ་སྡུག་མྱོང་བཞིན་པ་དང་རྒྱ་ནག་གཞུང་གིས་བོད་མིའི་ཐོག་འཛིན་པའི་ནོར་འཁྲུལ་གྱི་སྲིད་ཇུས་ལ་མཉམ་འབྲེལ་རྒྱལ་ཚོགས་གཞུང་གི་ངོས་ནས་ བོད་ནང་གི་ཛ་དྲག་གནས་སྟངས་ལ་དོ་སྣང་བྱས་ཏེ་རྒྱ་ནག་གཞུང་ལ་འབྲེལ་བ་གནང་དགོས་པའི་རེ་སྐུལ་ཞུས་པའི་སྙན་ཞུ་ཞིག་བཅས་འཕུལ་ཡོད་འདུག
བཀའ་དྲིན་ཆེ། མུ་མཐུད་ཤུགས་རྒྱག་རོགས། ཁྱེད་ཅག་གིས་བྱེད་སྟངས་དེར་ཡི་རང་ཞུ།
འུ་ཚོས་འདི་ལྟར་ཡུལ་གྲུ་འདྲ་མིན་ནས་དམར་གཞུང་ལ་ངོ་རྒོལ་བྱེད་རྒྱུ་ནི་འུ་ཚོས་ལས་འགན་ཡིན། གཞིས་བཞུགས་དཔའ་བོ་དཔའ་མོ་ཚོས་རང་ལུས་མེ་མཆོད་བཏང་ནས་ས་ཡ་དྲུག་གི་བདེན་དོན་རྩོད་པ་འདི་འུ་ཚོ་ཚང་མའི་གདུང་སེམས་མཉམ་སྐྱེད་གནང་རྒྱུ་གལ་ཆེན་རེད། དུས་རྟག་ཏུ་ལས་འགུལ་ནང་མཉམ་བཞུགས་བྱེད་དུ་ཕེབས་ཤོགས་མགོ་ནག་བོད་མི་ཚོ་སྐུ་ལུས་མེ་མཆོད་གནང་མཁན་ཚོ་གཅིག་བུའི་ཆེད་དུ་མ་རེད་འདི་ནི་བོད་མི་ས་ཡ་དྲུག་གི་བདེ་སྡུག་གི་ཆེད་དུ་ཡིན་པ་དངོས་འཛིན་གསལ་བོ་གནང་རོགས་ཞུ།
ཤིན་ཏུ་ལེགས། འདི་ལྟར་བྱོས་ཤིག བྱེད་དགོས་པ་ནི་ང་ཚོའི་འོས་འགན་རེད། རྟག་ཏུ་སོམས་ཤིག་རང་གི་མི་རིགས་ཀྱི་དཀའ་སྡུག བསྔགས་བརྗོད་ཡོད། བྱེད་བཟོ་བདེ་ཞིང་ནུས་ཤུགས་འཐོན་ཐུབ་པའི་ལས་འགུལ་མང་ཙམ་སྤེལ་དགོས་པ་ཡིན།
འཛམ་གླིང་གཞན་པ་ཞིག་ལ་ཡོད་པའི་གངས་ཅན་པ་རྣམས་ལ་བསྔགས་བརྗོད་ཡོད།