ཁ་སང་གཟའ་ཟླ་བའི་ཉིན་རྒྱ་གར་ཨུ་ཊར་པིར་ཌེ་ཤི་ནང་སྐྱེས་པའི་བྱེས་པ་ཞིག་འཛམ་གླིང་མི་འབོར་ཐེར་འབུམ་ ༧ ལ་བསླེབས་པའི་བྱིས་པ་དེ་ཆགས་ཡོད་འདུག
ཕྱི་ཟླ་ ༩ ཚེས་ ༣༡ ཞོགས་པའི་ཆུ་ཚོད་ ༧ དང་སྐར་མ་ ༢༥ སྟེང་རྒྱ་གར་གྱི་མངའ་སྡེ་ཨུ་ཊར་པིར་ཌེ་ཤི་གཞུང་གི་སྨན་ཁང་ཞིག་ཏུ་སྐྱེས་པའི་བྱིས་པ་ནཱར་ཇེ་སི་(Nargis) ཞེས་པ་དེ་འཛམ་གླིང་གི་མི་འབོར་ཐེར་འབུམ་ ༧ ལ་བསླེབས་པ་(Seven billionth baby)ཞེས་པའི་བྱིས་པ་དེ་ཆགས་ཡོད་པ་རྒྱལ་སྤྱིའི་བྱིས་པའི་ཐོབ་ཐང་ཚན་པས་(Child rights group Plan International)ཁྱབ་བསྒྲགས་བྱས་ཡོད།
འཛམ་གླིང་མཉམ་འབྲེལ་རྒྱལ་ཚོགས་ནས་ཉིན་འདི་སྲུང་གཙི་བྱས་ཡོད་ཀྱང་། བྱིས་པ་སུ་ཞིག་འཛམ་གླིང་མི་འབོར་ཐེར་འབུམ་བདུན་ཅན་དེ་ཆགས་རྒྱུ་ནི་གལ་ཆེན་དུ་བཟུང་མེད། དེའི་ཐད་རྒྱལ་ཚོགས་དྲུང་ཆེ་བྷན་ཀེ་མོན་གྱིས་དུས་ཆེན་སྲུང་གཙི་དང་སྦྲགས། “གནད་དོན་གལ་ཆེ་ཤོས་གསར་དུ་སྐྱེས་པའི་བྱིས་པ་གཅིག་མ་རེད། གལ་ཆེ་ཤོས་མིའི་རིགས་ཀྱི་ཁྱིམ་ཚང་འདིའི་སྐོར་རེད”ཞེས་གསར་ལམ་ཁག་ཏུ་བརྗོད་ཡོད་པ་དང་། དེ་བཞིན། འཛམ་གླིང་གི་མི་འབོར་འཕེལ་ཤུགས་ལ་མི་མང་སྐད་ཤོར་གྱི་ཡོད་པའི་ཁར་སྲིད་གཞུང་དང་ཚོགས་སྡེ་ཁག་ལ་ཡིད་ཆེས་བརླག་འགྲོ་བཞིན་ཡོད་པ། གལ་ཆེ་ཤོས་བྱིས་པ་དང་འཛམ་གླིང་གི་འབྱུང་འགྱུར་ལ་བསམ་བློ་གཏོང་དགོས་པར་བསྒྲགས་ཡོད་པ་རེད།
༡༩༩༩ ལོར་འཛམ་གླིང་མི་འབོར་ཐེར་འབུམ་དྲུག་ཅན་དེ་ཡུ་རོབ་བྷོ་སི་ནེ་ཡ་(Bosnia) ནང་གི་ཨ་ཌི་ནན་(Adnan Mevic)ཟེར་པ་ཞིག་མཉམ་འབྲེལ་རྒྱལ་ཚོགས་ཀྱིས་ངོས་འཛིན་ཁྱབ་བསྒྲགས་བྱས་ཡོད་ཅིང་། སྐབས་དེའི་རྒྱལ་ཚོགས་དྲུང་ཆེ་ཀོ་ཧྥེ་ཨན་ནན་(Kofi Annan)བྱིས་པ་དེར་འཚམས་གཟིགས་སུ་ཕེབས་ཡོད་ཀྱང་། ད་ལྟ་རང་ལོ་ ༡༢ སོན་པ་ཨ་ཌི་ནན་དང་ཁོང་གི་ནང་མིའི་འཚོ་བའི་གནས་སྟངས་ད་དུང་སྐྱོ་བོར་ལྷག་ཡོད་འདུག
ཨུ་ཊར་པིར་ཌེ་ཤི་མངའ་སྡེ་(Uttar Pradesh) ནང་མི་འབོར་ས་ཡ་ ༢༠༠ དང་སྐར་མ་རེའི་ནང་བྱིས་པ་ ༥༡ སྐྱེས་ཀྱི་ཡོད་པར་བཀོད་འདུག
གསར་འགོད་པ། བནྡེ་སྐྱབས།
མི་གྲངས་འཕེལ་ཚད་ལ་ཚད་འཛིན་དགོས་པ་བདེན་ལ་དེ་ཡང་རང་ས་ཆུང་ལ་ནང་མི་མང་བ་རྒྱ་རིགས་ལྟ་བུར་མཚོན་ན་ངེས་པར་ཚད་འཛིན་ཤུགས་ཆེ་བྱེད་དགོས། མཉམ་འབྲེལ་རྒྱལ་ཚོགས་ཀྱིས་མི་རིགས་ཀྱི་གྲངས་ཚད་དང་ས་ཁོངས་ཀྱི་ཆེ་ཆུང་ལ་དཔག་སྟེ་མི་གྲངས་འཕེལ་ཚད་དམའ་རུ་འགྲོ་རྒྱུར་རྒྱལ་སྤྱིའི་ཁྲིམས་ཡིག་ཅིག་གཏན་འབེབས་གནང་ཐུབ་བམ།
མི་འབོར་ཐེར་འབུམ་ ༧ ཅན་གྱི་བྱིས་པ་སྐྱེས་ཚར་འདུག་པས། ཆོས་ལུགས་འདྲ་མིན་གྱི་གྲྭ་བཙུན་ཚང་མས་མི་འབོར་ཕར་གྲངས་ཉུང་དུ་བཏང་བ་ལ་ཐུགས་རྗེ་ཆེ་ཞེས་ཞུ་འོས་སུ་མཐོང་ལགས།