ལྷོ་ཕྱོགས་ཉི་ཟླ།
རང་ཉིད་ཉམས་ཞུགས་ཞིག་གིས་ངོས་ནས་དྲང་བདེན་གྱི་སྐད་ཆ་འགའ་མ་བཤད་ཐབས་མེད་ཆགས་སོང་། དེང་ཐོག་ནས་རང་ཉིད་ཀྱི་ངོས་ནས་གྱེར་འདོན་གྱི་ལས་འགན་འདི་ལ་རྒྱབ་སྐྱོར་ཆ་ཚང་བྱས་ནས་ཉམས་ཞུགས་བྱས་པ་ཞིག་ཡིན། ཡིན་ཡང་སྤྱི་ཚོགས་ནང་དུ་དེང་སྐབས་མིག་གི་མ་མཐོང་པར་ལག་པས་རག་ཙམ་གྱིས་སྐད་ཆ་ཁུངས་མེད་མང་པོ་ཞིག་དྲ་ཐོག་འམ་བརྒྱུད་རིམ་མང་པོ་ཞིག་གི་ཁྲོད་དུ་གླེང་བཞིན་པ་ཀུན་གྱི་ཤེས་གསལ་རེད།
རང་ཉིད་ཡིན་ན་ཡང་འགྲན་ཞུགས་མཐའ་མའི་ནང་དུ་ ཐོབ་པ་ཙམ་མ་ཟད་མྱོང་ཚོར་ཡང་མང་པོ་ཞིག་ཕྱིན་སོང་། བཀོད་སྒྲིག་གི་ངོས་ནས་ཧ་ཅང་སྤུས་དག་པོ་རེད། ཡིན་ཡང་བརྒྱ་ཆ་བསྡོམས་མཁན་དང་སྐར་གྲངས་སྟེར་མཁན་གྱི་ངོས་ནས་ཞན་ཆ་གང་ཙམ་ཞིག་འདུག་སྙམ་པའི་ཚོར་བ་ཞིག་ཕྱིན་སོང་།
བརྒྱ་ཆ་སྟེར་མཁན་གྱི་ནང་ནས་སྤྲེལ་ནག་པ་བློ་གྲོས་དཔལ་བཟང་ལ་མཚོན་ན་ཁོང་གཞོན་སྐྱེས་ཤེས་ཡོན་པ་ཞིག་ཏུ་ངོས་འཛིན་གནང་དང་གནང་བཞིན་པ་རེད། ཡིན་ཡང་དྲང་བདེན་གྱི་བསམ་བློ་ཞིག་དང་དྲང་བདེན་གྱི་ལམ་ཁ་ཞིག་ལ་སྙེག་དགོས་པ་འདི་ཤེས་ཡོན་པ་ཞིག་གི་འོས་འགན་གལ་ཆེན་ཞིག་རེད།
འོན་ཀྱང་ཁ་སང་གི་ཐོབ་སྐར་སྤྲད་སྟངས་ལ་བལྟས་ན་སྤྱི་ཡོངས་ནས་ཁོང་གི་སྐར་ཆ་སྤྲད་དེ་ཧ་ཅང་སྣང་བ་འགྲོ་སོང་། ཡིན་ཡང་བུད་མེད་ལ་ཁྱོན་ནས་ཐོབ་སྐར་མཐོ་དྲག་ནས་དེ་འདྲ་ཞིག་ཨེ་ཡིན་ན་ཐེངས་མང་རང་ཉིད་སེམས་ལ་འཆར་སྣང་མང་པོ་ཞིག་སྤྲད་སོང་། དེ་མིན་གྲྭ་བ་ལ་ཁྱོན་ནས་བརྒྱ་ཆ་མི་སྟེར་མཁན་ཞིག་རེད། དེ་གླེང་གི་མིན།
བུ་རིགས་དག་ལ་འོས་ཤིང་མཚམས་པ་ཞིག་ཐོབ་སྐར་སྤྲད་ཀྱིན་འདུག་པས་སྤྲད་སྟངས་དེ་ལ་དཔག་ན་སྤྱི་ཡོངས་ནས་ཐོབ་སྐར་སྤྲད་སྟངས་ཧ་གོ་ཡོད་པ་ངས་དེ་དག་ལ་ཆ་འཇོག་ བྱེད་ཀྱིན་ཡོད། མཐའ་མ་མི་བརྒྱད་ནང་དུ་བུད་མེད་གཉིས་ཡོད་རེད། མཐའ་མ་སྨིན་སྣང་མཛེས་ལ་བརྒྱ་ཆ་ཉུང་ཙམ་སྤྲད་སོང་། དེ་མིན་མོ་རིགས་ཚོ་ཧ་ཅང་མཐོ་རྒྱག་ཆེ་དྲག་ཡོད་རེད། ངས་ཁོང་གི་ཐོབ་སྐར་སྟེར་ཚད་འདི་ལ་བལྟས་ནས་མི་དྲང་མོ་ཞིག་མ་རེད་ཅེས་བརྗོད་ཐུབ་ས་མ་རེད།
རྩོམ་པ་པོ་གཟུངས་ཕྱུག་སྐྱིད་ལ་མཚོན་ན་ཐོབ་སྐར་སྤྲད་སྟངས་དེ་ཡག་པོ་འདུག་བསམ་སོང་། ཡིན་ཡང་མཐའ་མ་ཨ་རིག་འགྱུར་མེད་ལ་བརྒྱ་ཆ་སྤྲད་སྟངས་དེ་ཅུང་ཙམ་སྣང་བ་འགྲོ་མ་སོང་། སྤྱིར་སྙན་ངག་གྱེར་མཁན་ཁ་ཤས་ཀྱི་འཁྲབ་སྟོན་གྱི་རྣམ་པ་སྟེར་མཁན་ཡང་འདུག ཡིན་ཡང་ཐོབ་སྐར་སྟེར་མཁན་ཚོས་དེ་ཚོའི་རིགས་ལ་སྐར་གྲངས་མཐོ་ཤོས་སྤྲད་ཀྱིན་འདུག
ཨ་རིག་འགྱུར་མེད་ཀྱི་སྙན་ངག་གྱེར་སྟངས་ཏེ་འཁྲབ་སྟོན་གྱི་རྣམ་པ་འདྲ་སླེབས་སོང་། ཡིན་ན་ཡང་ཐེངས་སྔོན་ལ་བརྒྱ་མང་པོ་སྤྲད་ནས་མཐའ་མ་ཐོན་སྐབས་སུ་བརྒྱ་ཆ་ཉུང་ཙམ་སྤྲད་པ་དེ་ཁྱོན་ནས་སྣང་བ་འགྲོ་མ་སོང་། སྙན་ངག་གྱེར་མཁན་ཡང་མི་གཅིག་སྙན་ངག་ཡང་གཅིག་ཡིན་པ་མ་ཟད་གྱེར་སྟངས་ཡང་གཅིག་པ་རེད། བརྒྱ་ཆ་སྟེར་མཁན་ཡང་མོ་རང་རེད། བསམ་བློ་གང་དྲན་འདི་དྲན་ཞིག་མ་བྱུང་བ་ཡིན་ན་ད་ཐེངས་དྲང་མོ་མ་རེད་ཅེས་ཡང་ལབ་ས་ཞིག་བྱུང་མ་སོང་།
བེ་རི་འཇིགས་མེད་དང་བུ་ཆུང་བསོད་ནམས་གཉིས་ཀྱིས་གཡས་གཟར་གཡོན་གཟར་ཅུང་ཙམ་འདུག་ཀྱང་དམིགས་གསལ་གྱི་ལབ་གླེང་བྱེད་འདོད་མ་བྱུང་། མགོ་འཇུག་བར་གསུམ་དུ་ལས་འགན་འདི་ཡག་པོ་ཞིག་བྱུང་སོང་སྙམ་པའི་ཚོར་བ་ཞིག་རང་ལ་ཤུགས་ཆེན་ཕྱིན་སོང་།
དེ་མིན་མཐའ་མའི་སྐར་གྲངས་བསྡོམས་མཁན་དང་ཐོབ་ སྐར་སྟེར་མཁན་ཚོའི་བར་འཁྲུག་ནས་གྱེར་འདོན་པ་ཁ་ཤས་ཞིག་ལ་རྡབ་སིག་ཞིག་སྤྲད་སོང་། དེ་དང་འབྲེལ་ནས་དགའ་མིན་འགའ་འདོགས་ཀྱི་སྐད་ཆ་མང་པོ་ཞིག་སྤྱི་ཚོགས་ནང་དུ་ བཤད་ཀྱི་འདུག་པས་བརྒྱ་ཆ་བདུན་ཅུ་རྫུན་བཟོ་ཁོ་ན་རེད།
ང་ཚོའི་སྤྱི་ཚོགས་ཆུང་ཆུང་འདིའི་ནང་དུ་ཞེན་ཁོག་དང་ཕྲག་དོག་འགྲན་སེམས་སོགས་ཀྱི་བསླུས་ནས་ལས་འགན་སྤེལ་མཁན་ཡང་ཉུང་རུ་ཕྱིན་ལས་འགན་གྱི་ངོ་བོ་ཡང་ཆུང་རུ་ ཕྱིན་ནས་མཐའ་མར་མི་རིགས་རང་གི་གྱོང་འགལ་ཡིན་པ་མ་ཤེས་པར་བོད་གཞུང་ལ་ཡང་ངོ་ལོག་བྱེད་མཁན་ཡང་མང་རུ་འགྲོ་བཞིན་པ་འདི་ཞེ་དྲག་གི་ཐབས་སྐྱོ་བོ་ཞིག་རེད།
བོད་སྤྱི་ལ་ཕན་པའི་ལས་འགན་ཞིག་ཡིན་ན་སེམས་པ་གཅིག་ཏུ་སྒྲིལ་ནས་ནུས་པ་གཅིག་ཏུ་སྤུང་རྒྱུ་འདི་ཞེ་དྲག་གི་གནད་འགག་ཆེན་པོ་ཞིག་རེད་བསམ་སོང་།
༢༠༡༡།༡༡།༢༢
བཀྲ་ཤིས་ལ་ན་ཟུག་ཅིག་ཡོད་ས་རེད།ལྷོ་ཕྱོགས་ཉི་ཟླ་ཡི་སྙན་ངག་གྱེར་སྟངས་དེ་ངས་དངོས་སུ་མཐོང་སོང་།བྱིས་པ་གཉིད་ལོག་ཅིག་གི་ངུར་བ་འཐེན་པ་འདྲ།ད་ཐེངས་མ་ཐོབ་པ་ཚད་རེད།
སྐབས་དོན་གཙོ་བོ། ཐེངས་འདིའི་འགྲན་སྡུར་གྱི་སྔོན་འགྲོ་གཉིས་དང་མཐའ་མའི་གྱེར་འདྲན་གསུམ་པོའི་ནང་ནས་བསྐཡར་ཞིབ་ཀྱིས་གླེང་འོས་པ་འགའ་སྟེ།
གཅིག་ནས་་གྱེར་འདོན་པ་སྤྱི་དང་དམིགས་བསལ་སྙན་ངག་པ་ཅི་ཙམ་ཞུགས་ཡོད་མེད་དང། ཉན་མཁན་ཅི་ཙམ་ཞུགས་ཡོད་པའི་སྐོར།
གཉིས། སྙན་རྩོམ་རིགས་མི་འདྲ་བ་ཅི་ཙམ་གྱེར་ཡོད་པ། དེའི་ནང་ནས་རྙིང་པ་དང་གསར་བའི་རིགས། རྩོམ་མཁན་དང་གྱེར་མཁན་གཅིག་པ་སུ་སུ། སྙན་ངག་དེ་དག་གི་ཁྱད་ཆོས་སྐོར།
གསུམ། གྱེར་འདོན་ཐེངས་གསུམ་པོའི་ནང་ལ་བརྒྱ་ཆ་སྤྲོད་མཁན་སུ་དང་སུ། དེ་དག་བདམས་སྟངས་དང། དེ་དག་གིས་བརྒྱ་ཆ་སྤྲོད་སྟངས་སྐོར།
བཞི། གོ་སྒྲིག་ཞུ་མཁན་གྱི་ངོས་ནས་འགན་ཁུར་སྟངས་དང་སྟངས་འཛིན་བྱེད་སྟངས།
ལྔ། གོ་སྒྲིག་ཞུ་ཡུལ་ས་གནས་སོ་སོ་ནས་མཐུན་འགྱུར་རོགས་རམ་ག་འདྲ་བྱུང་མིན་དང། ལས་གཞི་འདིར་སྤྱི་ཚོགས་ཁྲོད་ནས་དགའ་བསུ་དང་རྒྱབ་སྐྱོར། ངོ་རྒོལ་སོགས་ཅི་བྱུང་སྐོར།
དྲུག འབྱུང་འགྱུར་ལས་གཞི་འདི་རིགས་ཇི་ལྟར་སྤེལ་རྒྱུར་བསམ་འཆར་དང་ཉམས་མྱོང་བརྗེ་རེས་བཅས་ཕྱོགས་ཡོངས་ནས་རྒྱ་ཆེ་ས་ནས་ཞིབ་ཚགས་ཀྱིས་གླེང་ཐུབ་ན་ལས་དོན་དངོས་ལ་ཕན་ཐོགས་ཆེའོ།