༸གོང་ས་མཆོག་འཆར་ཟླའི་ནང་ཅེག་སྤྱི་མཐུན་རྒྱལ་ཁབ་དུ་ཆིབས་སྒྱུར་གྱིས་ཉིན་བཞིའི་རིང་མཛད་འཕྲིན་སྐྱོང་འཆར་ཡོད་འདུག
ཉེ་ཆར་ལྡི་ལིར་རྟེན་གཞི་བྱས་པའི་ཅེག་སྤྱི་མཐུན་རྒྱལ་ཁབ་ཀྱི་གཞུང་ཚབ་ཆེན་མོ་སྐུ་ཞབས་མེལ་ལོ་སོ་ལོ་ཝུ་ (Miloslov Stasek) མཆོག་དང་འཐུས་མི་ཁག་ཅིག་བཞུགས་སྒར་དུ་ཆེད་ཕེབས་ཀྱིས་༸གོང་ས་མཆོག་ལ་གསོལ་འདེབས་གནང་བ་ལྟར། ༸གོང་ས་མཆོག་གིས་ཞལ་བཞེས་གནང་སྟེ།འཆར་ཟླའི་ཕྱི་ཚེས་༡༠ནས་བཟུང་ཉིན་བཞིའི་རིང་ཅེག་སྤྱི་མཐུན་རྒྱལ་ཁབ་དུ་ཆིབས་སྒྱུར་གནང་གཏན་འཁེལ་ཡོད་འདུག
ཉེ་ཆར་ལྡི་ལིར་རྟེན་གཞི་བྱས་པའི་ཅེག་སྤྱི་མཐུན་རྒྱལ་ཁབ་ཀྱི་གཞུང་ཚབ་ཆེན་མོ་སྐུ་ཞབས་མེལ་ལོ་སོ་ལོ་ཝུ་ (Miloslov Stasek) མཆོག་དང་འཐུས་མི་ཁག་ཅིག་བཞུགས་སྒར་དུ་ཆེད་ཕེབས་ཀྱིས་༸གོང་ས་མཆོག་ལ་གསོལ་འདེབས་གནང་བ་ལྟར། ༸གོང་ས་མཆོག་གིས་ཞལ་བཞེས་གནང་སྟེ།འཆར་ཟླའི་ཕྱི་ཚེས་༡༠ནས་བཟུང་ཉིན་བཞིའི་རིང་ཅེག་སྤྱི་མཐུན་རྒྱལ་ཁབ་དུ་ཆིབས་སྒྱུར་གནང་གཏན་འཁེལ་ཡོད་འདུག
འདིའི་ཐད་ཅེག་སྤྱི་མཐུན་རྒྱལ་ཁབ་ཀྱི་སྐུ་ཚབ་སྐུ་ཞབས་སི་ཊེ་ལེལ་ཆི་ཁྲེ་གྷི་ (Steve Lichtag) ལགས་ཀྱིས་གསར་འགྱུར་བརྒྱུད་ལམ་ཁག་ཏུ།ཐེངས་འདིའི་༸གོང་ས་མཆོག་ཅེག་སྤྱི་མཐུན་རྒྱལ་ཁབ་དུ་གདན་ཞུ་གནང་ཐུབ་པར། སྲིད་འཛིན་ཟུར་པ་སྐུ་ཞབས་ཝེ་ཁི་ལེ་ཧཱ་ཝེལ་(Vclav Havel) མཆོག་དགའ་སྤྲོད་སྐྱེ་བཞིན་ཡོད་སྐོར་དང་། ཐེངས་འདིའི་ཆིབས་སྒྱུར་བརྒྱུད་ས་གནས་མི་མང་གིས་བོད་མི་ཚོའི་མྱངས་དང་མྱོང་བཞིན་པའི་དཀའ་སྡུག་དང་འཐབ་རྩོད་རྒྱུས་མངའ་ཡོང་བར་ཕན་ཐོགས་ཡོད་སྲིད་སྐོར་བརྗོད་ཡོད་པ་མ་ཟད། ཁོང་རང་ངོས་ནས་ཉེ་བའི་དུས་ནས་བོད་ནང་འགྲོ་བ་མིའི་ཐོབ་ཐང་གི་གནས་སྟངས་ཇེ་སྡུག་ཏུ་ཕྱིན་སྟེ། བོད་མི་མང་པོས་རང་ལུས་མེར་བསྲེགས་ཀྱི་དོན་རྐྱེན་བྱུང་བཞིན་པའི་ཐད་ལ་བློ་ཕམ་ཡོད་སྐོར་ཡང་བརྗོད་ཡོད་འདུག
ཅེག་སྤྱི་མཐུན་རྒྱལ་ཁབ་ཀྱི་སྲིད་འཛིན་ཟུར་པ་སྐུ་ཞབས་ཝེ་ཁི་ལེ་ཧཱ་ཝེལ་མཆོག་ནི། དམངས་གཙོའི་འོས་བསྡུའི་ལམ་ནས་རྒྱབ་ཁབ་ཀྱི་སྲིད་འཛིན་དུ་བསྐོ་བཞག་གནང་བ་ཞིག་ཡིན་པ་དང་། ༡༩༩༠ ལོའི་ནང་༸གོང་ས་མཆོག་གཞུང་འབྲེལ་ཐོག་གདན་འདྲེན་ཞུ་གནང་མཁན་གྱི་སྲིད་འཛིན་ཐོག་མ་ཆགས་ཡོད་འདུག
ཐེངས་འདི་ནི་༸གོང་ས་མཆོག་ཅེག་སྤྱི་མཐུན་རྒྱལ་ཁབ་ནང་ཕེབས་ཐེངས་ ༨ པ་ཆགས་ཡོད་པ་རེད།
གསར་འགོད་པ།དོན་གོ
དུས་གསུམ་རྒྱལ་བ་ཀུན་གྱི་སྐུ་གསུང་ཐུགས། །
རིགས་གསུམ་མགོན་པོའི་རྣམ་པའི་གཟུགས་སུ་བྱོན། །
མགོན་པོ་རྣམ་གསུམ་སྤྱི་གཟུགས་གཅིག་བསྡུས་པ། །
༸རྒྱལ་མཆོག་བསྟན་འཛིན་རྒྱ་མཚོར་གསོལ་བ་འདེབས། །
རབ་འབྱམས་རྒྱལ་བའི་བརྩེ་ཆེན་འོ་མཚོ་འབུམ།།
གཅིག་བསྡུས་སྙིང་རྗེའི་རང་གཟུགས་སྤྱན་མི་ཟུམ།།
ཇི་སྲིད་བསྐལ་པའི་བར་དུ་བདག་གི།
སྐྱབས་ཀྱི་དམ་པར་རྟག་བརྟན་ལྷུན་བཞུགས་མཛོད།།
གངས་ཅན་ལྷ་གཅིག་འདྲེན་པའི་བདག་པོ་མཆོག །
མི་འབྲལ་སྤྱི་གཙུག་རྒྱན་གྱི་འཁོར་ལོར་བྱོན། །
བོད་འབངས་བྱམས་གྱིས་སྐྱོང་བའི་ཐུགས་བཞེད་ཉིད། །
ཇི་སྲིད་སྐལ་བའི་བར་དུ་རྒྱུན་གྱིས་སྐྱོངས། །
༧རྒྱལ་མཆོག་ཡོངས་ཀྱི་མཛད་བཟང་ཁྱེད་གཅིག་པུས།།
བདག་གིར་བཞེས་ནས་ཐུབ་བསྟན་ཡིན་ནོ་ཅོག།
རིས་མེད་འཛིན་སྐྱོང་སྤེལ་ལ་མཐུ་ཐོབ་པ།།
འཇམ་དཔལ་ངག་གི་དབང་པོར་གསོལ་འདེབས།།
གངས་རིའི་ར་བས་བསྐོར་པའི་ཞིང་ཁམས་སུ། ཕན་དང་བདེ་བ་མ་ལུས་འབྱུང་བའི་གནས། སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི། ཞབས་པད་སྲིད་མཐའི་བར་དུ་བརྟན་གྱུར་ཅིག