རེས་གཟའ་སྤེན་པའི་ཞོགས་པར་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་ཕྱི་ལོ་ ༡༩༨༩ ལོར་༧གོང་ས་མཆོག་ལ་འཛམ་གླིང་ནོ་བྷེལ་ཞི་བདེ་གཟེངས་རྟགས་འབུལ་བཞེས་གནང་སྟེ་ད་བར་ལོ་ངོ་༢༢འཁོར་བའི་དུས་དྲན་སྲུང་གཙིའི་མཛད་སྒོ་སྟབས་བདེ་ཞིག་ཚོགས་སོང་།
དེ་རིང་ཞོགས་པའི་ཆུ་ཚོད་ ༩ བའི་སྟེང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་༸གོང་ས་མཆོག་ལ་ནོ་སྦེལ་ཞི་བདེ་གཟེངས་རྟགས་འབུལ་ལམ་ཞུས་ཏེ་ལོ་ ༢༢ འཁོར་བའི་དུས་དྲན་སྲུང་གཙི་བྱས་སོང་། མཛད་སྒོའི་སྐུ་མགྲོན་དུ་མིའི་སྒྲིག་འཛུགས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་རྣམ་གཉིས་དང་། བཀའ་བློན་ཁྲི་པ་གཙོས་ལྷན་ཁང་ཁག་གི་བཀའ་བློན་རྣམ་པ། སྤྱི་འཐུས་ཚོགས་གཞོན་དང་རྒྱུན་ལས་རྣམ་པ། ལྷན་ཁང་ཁག་གི་དྲུང་ཆེ་རྣམ་པ་དང་སྲི་ཞུ་ལས་བྱེད། རང་དབང་ཅན་གྱི་སྡེ་ཚན་ཁག་གི་འགན་འཛིན། སློབ་གྲྭ་ཁག་གི་འགན་འཛིན་རྣམ་པ། གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ། བཞུགས་སྒར་ཉེ་འཁྲིས་ཀྱི་སློབ་གྲྭ་ཁག་གི་སློབ་མ་དང་སེར་སྐྱ་མི་མང་བཅས་མི་མང་ ༢༠༠ ལྷག་འདུ་འཛོམས་ཐོག་དུས་དྲན་སྲུང་གཙི་གནང་སོང་། མཛད་སྒོའི་ཐོག་མར་བོད་གཞུང་ཟློས་གར་ཚོགས་པའི་རྔ་རོལ་དང་བཅས་བོད་རྒྱལ་ཁབ་ཆེན་པོའི་རྒྱལ་གླུ་གྱེར་འདོན་དང་འབྲེལ་བཀའ་བློན་ཁྲི་པ་བློ་བཟང་སེང་གེ་མཆོག་གིས་བོད་རྒྱལ་ཁབ་ཆེན་པོའི་རྒྱལ་དར་བསྒྲེངས་འཛུགས་གནང་རྗེས། མི་མང་ཡོངས་ཀྱིས་བོད་ནང་རང་ལུས་མེར་བསྲེགས་བཏང་སྟེ་འདས་གྲོངས་སུ་སོང་བའི་རྒྱལ་གཅེས་པ་ཡོངས་ལ་མྱ་ངན་གུས་འདུད་ཞུས་ཤིང་། བོད་གཞུང་ཟློས་གར་ཚོགས་པས་ནོ་སྦེལ་ཞི་བདེ་གཟེངས་རྟགས་ཀྱི་བསྟོད་དབྱངས་བཅས་སྔོན་འགྲོའི་མཛད་རིམ་གྲུབ་རྗེས། བཀའ་ཁྲི་བློ་བཟང་སེང་གེ་མཆོག་གིས།བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་གིས་དཔར་བསྐྲུན་འགྲེམས་བྱས་པའི་༼བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གི་གསུང་བཤད་དང་གསུང་རྩོམ་ཕྱོགས་བསྡུས༽དེབ་ཕྲེང་དྲུག་པ་དང་། ཤ་འབྲོང་བཀྲ་ཤིས་རྒྱ་མཚོ་ལགས་ཀྱིས་རྩོམ་སྒྲིག་བྱས་པའི་ ༼ སྲིད་གཞུང་ཞིབ་བསྡུར༽། བོད་ཀྱི་དཔེ་མཛོད་ཁང་གི་ངག་རྒྱུན་ལོ་རྒྱུས་སྡེ་ཚན་ནས་དཔར་འགྲེམས་བྱས་པའི་ནོར་ཝེ་གནས་སྡོད་པ་སྐུ་ཞབས་ཐུབ་བསྟན་བསྟན་འཛིན་ལགས་མི་ཚེའི་ལོ་རྒྱུས་ ༼སྐུ་ཚེའི་ལོ་རྒྱུས་མཐོང་ཐོས་མྱོང་ཚོར༽། མཱ་སུ་རི་གཏན་སློབ་ཀྱི་བོད་དགེ་བསམ་གླིང་ཚེ་རིང་ལྷ་མོ་ལགས་ཀྱིས་བརྩམས་པས་༼ ཀྱག་ཀྱོག་ཆེ་བའི་མི་ཚེ་ལམ་བུ༽། འཕྲོད་བསྟེན་ལས་ཁུངས་ཀྱི་ཊི་བྷི་ནད་གཞི་དང་སྨྱོ་རྫས་ངན་གོམས་སྔོན་འགོག་བསླབ་བྱའི་གློག་བརྙན་༼ཀྱེ་མ། ལམ་ནོར་གྱི་སྐྱོ་གདུང་༽བཅས་སོགས་དབུ་འབྱེད་གནང་བ་མ་ཟད། བོད་གཞུང་གི་བགྲེས་ཡོད་སྲི་ཞུ་ལས་བྱེད་གསུམ་དང་འཕྲོད་བསྟེན་ལས་ཁུངས་ཀྱི་ཞབས་ལོ་ ༢༥ འཁོར་བའི་ལས་བྱེད་གསུམ་བཅས་ལ་ལེགས་གསོལ་བྱ་དགའི་གསོལ་རས་བཅས་བསྩལ་སོང་།
དེའི་རྗེས་བཀའ་བློན་ཁྲི་པ་མཆོག་གིས་བཀའ་ཤག་གི་གཏམ་བཤད་ཡིག་ཐོག་ནས་སྦྱར་ཀློག་གནང་སོང་། ཐེངས་འདིའི་བཀའ་ཤག་གི་གཏམ་བཤད་ནང་འདི་ལོ་༸གོང་ས་མཆོག་གིས་བོད་མིའི་འཐབ་རྩོད་རྒྱུན་གནས་དང་བོད་མི་རྣམས་རང་རྐྱ་འཕེར་བ་ཡོང་རྒྱུ་དང་། ཆོས་ལུགས་རིས་མེད་ཀྱི་མང་གཙོའི་སྤྱི་ཚོགས་བསྐྲུན་ཐབས། ཆོས་དང་སྲིད་ཀྱི་དབང་ཆ་ཐ་དད་དབྱེ་རྒྱུའི་རླབས་ཆེའི་དགོངས་གཞིའི་འོག མི་ལོ་བཞི་བརྒྱར་ཉེ་བའི་དགའ་ལྡན་ཕོ་བྲང་གཞུང་གི་སྒྲིག་འཛུགས་ལ་བསྒྱུར་བཅོས་ཀྱིས་ཆབ་སྲིད་ཀྱི་སྐུ་དབང་ཡོངས་རྫོགས་མང་གཙོའི་ལམ་ནས་འོས་འདེམས་བྱས་པའི་མགོ་ཁྲིད་ལ་རྩིས་སྤྲོད་གནང་བ་སོགས་ལས། ྋགོང་ས་མཆོག་མང་ཚོགས་ཀྱི་བདེ་དོན་ཁོ་ནར་དགོངས་པ་བཞེས་མཁན་གྱི་བླ་མེད་དབུ་ཁྲིད་ཡིན་པ་རྒྱལ་སྤྱིའི་ཁྱོན་ཡོངས་ཀྱི་གསལ་རྟོགས་དང་གུས་བཀུར་བྱེད་ཡུལ་ཆགས་ཡོད་པ། ཉེ་སྔོན་ཕྱི་ཟླ་ ༩ ཚེས་ ༢༤ ཉིན་ྋགོང་ས་མཆོག་གིས་རྒྱལ་བའི་ཡང་སྲིད་སྐོར་གྱི་བཀའ་ཡིག་ལ་བཀའ་ཤག་གིས་མཐའ་གཅིག་ཏུ་རྒྱབ་སྐྱོར་ཞུ་རྒྱུ་དང་། ཡང་སྲིད་ངོས་འཛིན་ཞུ་ཕྱོགས་ཐད་ྋགོང་ས་མཆོག་ཁོ་ན་ལས་རྒྱ་ནག་གཞུང་ལ་ཆོས་དང༌ལོ་རྒྱུས། བཟང་སྤྱོད་སོགས་གང་ཐད་ནས་ཐེ་བྱུས་གང་ཡང་མེད་པར། ྋགོང་ས་མཆོག་གིས་ཐག་གཅོད་ལམ་སྟོན་ཇི་གནང་ལ་བོད་མི་ཡོངས་ནས་མཐའ་གཅིག་ཏུ་བརྩི་བཀུར་དང་ལེན་དང་། བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་དབུ་ཁྲིད་བླ་ཆེན་རྣམ་པ་དང་བླ་སྤྲུལ། སྐུ་ཚབ་བཅས་འདུས་པའི་ཆོས་ཚོགས་ཐེངས་བཅུ་གཅིག་པར་གཏན་འབེབས་བྱུང་བའི་གྲོས་ཆོད་དང༌། ཟུར་རྒྱན་གྲོས་ཆོད་ཁག་ལ་རྒྱབ་སྐྱོར་ཞུ་རྒྱུར་ནན་སྐུལ་བཅས་གནང་འདུགབཀའ་ཁྲི་མཆོག་གིས་སྦྱར་ཀློག་གནང་དོན། “ དེ་རིང་འགྲོ་བ་མིའི་ཐོབ་ཐང་གི་ཉིན་མོ་ཡང་ཡིན་སྟབས། མཉམ་འབྲེལ་རྒྱལ་ཚོགས་ཀྱིས་ཡོངས་ཁྱབ་འགྲོ་བ་མིའི་ཐོབ་ཐང་གསལ་བསྒྲགས་གནང་ནས་མི་ལོ་དྲུག་ཅུ་བརྒལ་ཡང༌། བློ་ཕམ་པ་ཞིག་ལ་བོད་ནང་ལོ་རེ་བཞིན་འགྲོ་བ་མིའི་ཐོབ་ཐང་གི་གནས་སྟངས་ཇེ་སྡུག་ཏུ་འགྲོ་བཞིན་པ་ནི་རྒྱ་ནག་གིས་བོད་བཙན་བཟུང་བྱས་པ་དང༌། ཁྱད་པར་ ༢༠༠༨ ལོའི་ཞི་བའི་གྱེན་ལངས་རྗེས་དྲག་གནོན་བྱེད་ཤུགས་ཆེ་རུ་བཏང་བའི་དབང་གིས་བྱུང་ཡོད། བོད་ས་ཡོངས་སུ་ལག་བསྟར་བྱེད་བཞིན་པའི་ཆབ་སྲིད་ཀྱི་དམ་དྲག་དང༌། ཆོས་དད་རང་དབང་བརྡལ་བཤིག ཁོར་ཡུག་ཉམས་ཆགདཔལ་འབྱོར་དང་རིག་གཞུང་དབྱེ་འབྱེད་སོགས་ཀྱིས་བོད་མིའི་འགྲོ་བ་མིའི་ཐོབ་ཐང་དང་རང་དབང་བརྡལ་བཤིག་ཚབས་ཆེན་བཏང་བ། ད་ལོ་གཅིག་པུར་བོད་མི་ ༡༢ ཀྱིས་རང་ལུས་མེར་བསྲེགས་བཏང་བའི་ཡིད་སྐྱོའི་གནས་ཚུལ་བྱུང་བ་དང༌། དེའི་ཁོངས་ནས་བདུན་འདས་གྲོངས་སུ་གྱུར་ཡོད” ཅེས་དང་། “ ཉེ་སྔོན་བཀའ་བློན་ཁྲི་པ་ཨ་རི་དང་ཡུ་རོབ་ཁུལ་དུ་གཞུང་འབྲེལ་འཚམས་གཟིགས་ཐེངས་དང་པོ་ཕེབས་སྐབས་གནད་ཡོད་མི་སྣ་མང་པོ་དང་མཇལ་འཕྲད་ཀྱིས་བོད་ནང་གི་ད་ལྟའི་ཛ་དྲག་གནས་སྟངས་སྐོར་འགྲེལ་བརྗོད་ཞུས་པར། ཁོང་ཚོས་སེམས་ཁུར་ཤུགས་ཆེ་གནང་བ་མ་ཟད། བོད་མིའི་དཀའ་སྡུག་ལ་གདུང་སེམས་མཉམ་སྐྱེད་དང༌། གྲོས་མོལ་གྱི་ལམ་ནས་བོད་དོན་གང་མྱུར་འགྲིག་ཆགས་ཡོང་ཐབས་བྱེད་དགོས་པའི་རྒྱབ་སྐྱོར་གནང་གི་འདུག ཨ་རིའི་ཕྱི་སྲིད་བློན་ཆེན་ལྕམ་ཁི་ལིན་ཌོན་གྱིས་ “ཉེ་སྔོན་བོད་ནང་ན་གཞོན་ཚོས་རང་ལུས་མེར་བསྲེགས་བཏང་ནས་ངོ་རྒོལ་བྱེད་པའི་ཡིད་སྐྱོའི་གནས་ཚུལ་བྱུང་བར་སེམས་འཚབ་ཆེན་པོ་བྱུང” ཞེས་སོགས་གསུངས་ཡོད། ཡིད་སྐྱོའི་དོན་རྐྱེན་དེ་དག་ལ་ྋགོང་ས་མཆོག་ཀྱང་ཐུགས་འཚབ་ཆེན་པོ་གནང་གི་འདུག ནང་པ་ཞིག་ཡིན་པའི་ཆ་ནས་ྋགོང་ས་མཆོག་གིས་ཚེ་སྲོག་ལ་རྩ་ཆེར་དགོངས་ཀྱི་ཡོད་སྟབས་བོད་མི་ཚོས་ཉེན་ཚབས་ཆེ་བའི་ལས་འགུལ་རིགས་སྤེལ་རྒྱུར་རྒྱབ་སྐྱོར་གནང་གི་མེད་པ་ཕྱི་ལོ་ ༢༠༠༨ ལོའི་ཞི་བའི་གྱེན་ལངས་སྐབས་དང༌། དེ་མཚུངས་མ་ཤི་བར་གྱི་ཟས་བཅད་ངོ་རྒོལ་གྱི་ལས་འགུལ་རིམ་པའི་སྐབས་བཀའ་སློབ་ལམ་སྟོན་སྔ་རྗེས་ཕེབས་པ་རྣམས་ནན་བརྗོད་དང་འབྲེལ། བཀའ་བློན་ཁྲི་པས་ཀྱང་འདི་ལོ་ཕྱི་ཟླ་ ༥ པའི་ནང་ལྡི་ལིར་མ་ཤི་བར་གྱི་ཟས་བཅད་ངོ་རྒོལ་གྱི་ལས་འགུལ་མཚམས་འཇོག་ཡོང་བའི་འབོད་སྐུལ་ཇི་ཞུས་འགྲེལ་བརྗོད་ཞུས་པ་ཡིན། གང་ལགས་ཤེ་ན། ང་ཚོའི་ལས་འགུལ་མུ་མཐུད་གནས་པར་ཁོང་ཚོ་འཚོ་གནས་དགོས་པ་ཡིན། དེར་བརྟེན་བོད་ཕྱི་ནང་གཉིས་སུ་འཁོད་པའི་བོད་རིགས་སྤུན་ཟླ་རྣམས་ཀྱིས་བོད་མིའི་ཕུགས་རྒྱང་རིང་པོའི་ཁེ་ཕན་ཆེད་ཤེས་ཡོན་ཐོག་ནུས་ཤུགས་བསྒྲིལ་དགོས་པའི་འབོད་སྐུལ་ཞུ་རྒྱུ་ཡིན། ཤེས་ཡོན་ཅན་གྱི་མི་སྣ་གང་མང་སྐྱེད་སྲིང་ཐུབ་ན་ང་ཚོའི་ལས་འགུལ་མུ་མཐུད་སྲ་བརྟན་ཡུན་གནས་ཡོང་ཐུབ” ཅེས་བསྒྲགས་སོང་།
གཏམ་བཤད་ཀྱི་མཇུག་ཏུ། བོད་མི་ཡོངས་ཀྱིས་རེས་གཟའ་ལྷག་པ་ནམ་ཡིན་ལ་ྋགོང་ས་མཆོག་གི་སྐུ་ཚེ་བརྟན་པ་དང་། བོད་ནང་རང་ལུས་མེར་བསྲེགས་གཏོང་མཁན་དང་ཁོང་ཚོའི་ནང་མི་ཚོར་གདུང་སེམས་མཉམ་སྐྱེད་ཆེད། མ་ཎི་དང་དེ་འབྲེལ་གཟུངས་སྔགས་ཕྲེང་སྐོར་རེ་འདོན་གནང་ཡོང་བའི་འབོད་སྐུལ་ཞུས་འདུག་ལ། རྒྱ་ནག་གཞུང་ལ་བོད་པའི་ཆབ་སྲིད་བཙོན་པ་རྣམས་ཀློད་གྲོལ་དང་། དྲག་གནོན་གྱི་སྲིད་བྱུས་འཕྲལ་དུ་མཚམས་འཇོག་གིས་གྲོས་མོལ་གྱི་ལམ་ནས་དཀའ་རྙོག་སེལ་ཐབས་བྱ་དགོས་པའི་རེ་སྐུལ། མཉམ་འབྲེལ་རྒྱལ་ཚོགས་དང་རྒྱལ་སྤྱིའི་སྤྱི་ཚོགས་ཀྱིས་བོད་ནང་གི་དངོས་ཡོད་གནས་ཚུལ་ཤེས་རྟོགས་ཆེད་ཞིབ་འཇུག་མི་སྣ་གཏོང་དགོས་པ་དང་། རང་དབང་ཅན་གྱི་གསར་འགོད་པ་དང་རྒྱ་རིགས་ཤེས་ཡོན་ཅན་ཚོ་ཡང་འགྲོ་སྐྱོད་ཐུབ་པའི་འབོད་སྐུལ་བཅས་ཞུས་འདུག
གཏམ་བཤད་ཀྱི་མཇུག་ཏུ། བོད་མི་ཡོངས་ཀྱིས་རེས་གཟའ་ལྷག་པ་ནམ་ཡིན་ལ་ྋགོང་ས་མཆོག་གི་སྐུ་ཚེ་བརྟན་པ་དང་། བོད་ནང་རང་ལུས་མེར་བསྲེགས་གཏོང་མཁན་དང་ཁོང་ཚོའི་ནང་མི་ཚོར་གདུང་སེམས་མཉམ་སྐྱེད་ཆེད། མ་ཎི་དང་དེ་འབྲེལ་གཟུངས་སྔགས་ཕྲེང་སྐོར་རེ་འདོན་གནང་ཡོང་བའི་འབོད་སྐུལ་ཞུས་འདུག་ལ། རྒྱ་ནག་གཞུང་ལ་བོད་པའི་ཆབ་སྲིད་བཙོན་པ་རྣམས་ཀློད་གྲོལ་དང་། དྲག་གནོན་གྱི་སྲིད་བྱུས་འཕྲལ་དུ་མཚམས་འཇོག་གིས་གྲོས་མོལ་གྱི་ལམ་ནས་དཀའ་རྙོག་སེལ་ཐབས་བྱ་དགོས་པའི་རེ་སྐུལ། མཉམ་འབྲེལ་རྒྱལ་ཚོགས་དང་རྒྱལ་སྤྱིའི་སྤྱི་ཚོགས་ཀྱིས་བོད་ནང་གི་དངོས་ཡོད་གནས་ཚུལ་ཤེས་རྟོགས་ཆེད་ཞིབ་འཇུག་མི་སྣ་གཏོང་དགོས་པ་དང་། རང་དབང་ཅན་གྱི་གསར་འགོད་པ་དང་རྒྱ་རིགས་ཤེས་ཡོན་ཅན་ཚོ་ཡང་འགྲོ་སྐྱོད་ཐུབ་པའི་འབོད་སྐུལ་བཅས་ཞུས་འདུགདེའི་རྗེས་བོད་མི་མང་སྤྱི་འཐུས་ཚོགས་གཞོན་བསོད་ནམས་བསྟན་འཕེལ་མཆོག་གིས་སྤྱི་འཐུས་ལྷན་ཚོགས་ཀྱི་གཏམ་བཤད་སྦྱར་ཀློག་གནང་སོང་། ཐེངས་འདིའི་སྤྱི་འཐུས་ལྷན་ཚོགས་ཀྱི་གཏམ་བཤད་ནང་དུའང་གོང་མཚུངས་ལྟར།
༸གོང་ས་མཆོག་གིས་བོད་མིའི་འཕྲལ་ཕུགས་ཀྱི་ཁེ་ཕན་ལ་གཟིགས་ཏེ། བོད་མིའི་སྒྲིག་འཛུགས་ཀྱི་ཆབ་སྲིད་དང་འཛིན་སྐྱོང་དབུ་འཁྲིད་ཀྱི་ཐུགས་འགན་ཡོངས་མང་ཚོགས་ཀྱིས་འོས་འདེམས་བྱས་པའི་མགོ་འཁྲིད་ཚོར་རྩིས་སྤྲོད་གནང་ཡོད་ཀྱང་། བོད་མི་ཡོངས་ཀྱི་མགོན་སྐྱབས་དང་བླ་ན་མེད་པའི་དབུ་འཁྲིད་ཀྱི་མཚན་ཐོག་ནས་བོད་མིའི་བསམ་སྤྱོད་ཡར་རྒྱས་དང་། ཆོས་རིག་སྲུང་སྐྱོབ་དང་དར་སྤེལ། བོད་ཀྱི་རྩ་དོན་སྒྲུབ་ཐབས་སུ་བོད་མི་དང་བོད་མིའི་སྒྲིག་འཛུགས་ཀྱི་ལས་དོན་གང་ཅིར་ལམ་སྟོན། བོད་དང་བོད་མིའི་ཆེད་རྒྱལ་སྤྱིའི་དབུ་འཁྲིད་རྣམ་པ་དང་གལ་ཆེའི་མི་སྣ་མཇལ་འཕྲད་བཀའ་བསྡུར་གནང་རྒྱུ་སོགས་ཀྱི་མཛད་འགན་མུ་མཐུད་བཞེས་རྒྱུའི་ཞལ་བཞེས་ཐོབ་པར་བཀའ་དྲིན་རྗེས་དྲན་བཅས་ཞུས་འདུག
ས་བྱི་ཞི་རྒོལ་ཆེན་མོ་ནས་བཟུང་བོད་ནང་གནས་སྟངས་ཇེ་ཞན་ཇེ་སྡུག་ཏུ་ཕྱིན་པ་དང་། ལྷག་པར་དུ་འདི་ལོ་ཕྱི་ཟླ་ ༣ པ་ནས་རྒྱ་གཞུང་གིས་དྲག་གནོན་གྱི་སྲིད་བྱུས་རྒྱུན་འཛིན་ལག་བསྟར་མུ་མཐུད་བྱས་པར་བརྟེན། བཟོད་ཐབས་བྲལ་ཏེ་བོད་མི་གཞོན་སྐྱེས་ཚོས་རང་ལུས་ཞུགས་འབུལ་གནང་བའི་གནས་ཚུལ་གཅིག་རྗེས་གཉིས་མཐུད་དུ་བྱུང་ཡོད་ཅེས་འདི་ལོའི་ཕྱི་ཟླ་ ༣ ཚེས་ ༡༦ ཉིན་རྔ་པ་ཀིརྟི་དགོན་པའི་གྲྭ་ཕུན་ཚོགས་ལགས་ཀྱིས་རང་ལུས་མེར་བསྲེགས་བཏང་བ་ནས་ཟླ་འདིའི་ཚེས་ ༡ ཉིན་ཆབ་མདོ་གྱིང་ཐང་གྲོང་ཚོའི་བསྟན་འཛིན་ཕུན་ཚོགས་ལགས་ཀྱིས་རང་ལུས་མེར་བསྲེགས་བཏང་སྟེ་འདས་གྲོངས་སུ་ཕྱིན་པའི་བར་རྒྱལ་གཅེས་དཔའ་བོ་དཔའ་མོ་ ༡༢ ཙམ་གྱིས་སྐུ་ལུས་མེར་བསྲེགས་བཏང་བའི་ལོ་རྒྱུས་རགས་བསྡུས་བཅས་བཀོད་འདུག
གསར་འགོད་པ། དོན་གོ
རང་གི་སྲོག་ལུས་གཉིས་པ་མེད་པར་བཟོས་ཟིན་ན་སུའི་ཆེད་དུ་འགྲོ་བ་མིའི་ཐོབ་ཐང་རྩོད་དགོས་སམ། འདས་པའི་བོད་མི་དཔའ་བོ་ཚང་མར་གུས་བཏུད་ཡོད། འོན་ཏང་བསྟན་པ་ཆབ་སྲིད་གང་གི་ཆེད་དུའང་རང་ལུས་མེར་བསྲེགས་གཏོང་དགོས་དོན་ཡོད་མ་རེད། བོད་ཀྱི་དཔའ་བོ་རྣམས་རྒྱལ་གྱུར་ཅིག །
བཙན་བྱོལ་ནང་རྟག་ཏུ་ལྷག་དཀར་བརྩི་ཐུབ་ན་ཡག་པོ་འདུག
སྤྱིར་བཀའ་ཤག་འདིར་རྒྱབ་སྐྱོར་ཡོད་ཀྱང་།་བོད་ནང་གི་བོད་མིས་ཚེ་སྲོག་མཆོད་མེད་ཕུལ་དུས་དེ་ནི་༧་གོང་ས་མཆོག་གིས་རྒྱབ་སྐྱོར་མེད་མདོག་བཤད་པ་ནི་རང་ལ་སྙིང་སྟོབས་མེད་པའི་ཉམས་རྒྱ་ནག་ལ་སྤྲད་ཟིན་པ་ཡིན།ད་ནི་རེ་བ་ཞིག་མེད་ཀི་འདོད།དེ་ལས་ལྷ་བཟང་ཚེ་རིང་གི་གཏམ་དེ་ཚོར་རིན་ཐང་ཆེ་ག
འགྲོ་བ་མའི་ཐོབ་ཐང་གི་དོན་ཚན་༣༠ལས་༣༠པ་དེ་ནི་ཁྱེད་རངགི་འགྲོ་བ་མའི་འི་ཐོབ་ཐང་དེ་སུས་འཕྲོག་མོ་ཆོག་པ་དེ་རེད། གཞན་པ་དེ་ཚོ་བོད་སྐད་དུ་གང་དང་ཡིན་ནམ།
ཁུག་རྟ་ལགས་་་་ཉིས་ཤས་༧གོང་དུ་ཁྱོད་ཀྱིས་སྲིད་འཛིན་བློ་བཟང་སེང་གེས་ཕར་རྒྱུགས་་་་བཙན་བྱོལ་གཞུང་གི་ཐག་གཅོད་ཚང་མ་ངས་བྱེད་ཀྱི་རེད་ཞེས་གསུངས་ཀྱི་འདུག་ཟེརནས་་་་སྐད་ཆ་ཙམ་ཡང་ཡག་པོ་མི་བཤད་མདོག་བསྒྲབས་ནས་དགག་པ་བརྒྱབས་སོང་།
དེ་རིང་ཡང་བློ་བཟང་སེང་གེས་ཁྱོད་ལ་བོད་ཡིག་སློབ་སྦྱོང་བྱེད་ཀྱི་ཁས་ལེན་ཡོད་པའི་ཟོལ་ཞིག་བཤད་ཀྱི་འདུག ཡག་ཉེས་ཁྱོད་ཀྱིས་ཅི་ཞིག་བཤད་ཀྱི་ཡོད་དམ། དོན་དག་ངོ་མ་གང་རེད་དམ།
བློ་བཟང་སེང་གེས་ཁོད་ཀྱི་སྐུ་མདུན་དུ་བོད་ཡིག་སྦྱངས་ཀྱི་ཁས་ཇི་ལྟར་ལེན་གྱི་འདུག་གམ། ཉན་འདོད་ཆེ་ཁུ། ཁུག་ཁུག་ལོ་ལོ།།
བཀའ་ཁྲིའི་གསུང་བཤད་དང་།
དྲྭ་འབུའི་གཏམ་བཤད་བཅས་བཀླགས་ཟིན།
ཤར་ཕྱོགས་ཁུག་རྟ་ལགས། འབྲི་འདོད་པ་ལ་ཤར་ཕྱོགས་ཁུག་རྟགས་ཞེས་བཀོད་ཐལ་ཤོར་འདུག་པ་དགོངས་འགལ་མེད་པ་ཅིག
ཤར་ཕྱོགས་ཁུག་རྟགས།
ཁྱེད་རང་གི་བོད་ཡིག་གནས་ཚད་དེ། ག་ཚད་ཙམ་ཡོད་དམ། གཞན་ལ་སི་ཏུ་འགྲེལ་ཆེན་རང་རྐྱ་འཕེར་བ་སློབ་འཁྲིད་བྱེད་ཐུབ་པའི་བོད་ཡིག་ཤེས་ཚད་ཡོད་པེ། ཡོད་ན་ཁྱེད་སྒྲ་མདོ་གང་རུང་གཅིག་གང་ལེགས་ཤེས་བགྱིད་ཡོད་པ་རེད།
མེད་ན་རང་གདོང་མེ་ལོང་ལ་བལྟས་ནས། རང་ཉིད་བོད་ཡིག་དང་བོད་སྐད་ཡར་རྒྱས་བཏང་ན་མི་མཛེས་སམ། ང་ཚོའི་བཀའ་ཁྲི་བློ་སེང་ལགས་ཀྱི་བོད་ཡིག་དང་བོད་སྐད་ཀྱི་སྐྱོན་གཅིག་པུ་བཙལ་ནས་དུས་ཚོད་བཏང་ནས་མ་བསྡད་ན་མི་ལེགས་སམ། །ཧ་ཧ་ཧ། །
ད་ཐེངས་ཀྱི་གཏམ་བཤད་འདི་ལ་དངོས་གནས་མཁས་པ་ངོ་མ་ཟམ་གདོང་རིན་པོ་ཆེའི་དྲི་མ་ཞིག་འདུག གོ་ཐོས་བྱས་ན་ཁ་སང་བཀའ་ཁྲི་ཉམས་ཅན་ཉམས་དགའ་བོས་བོས་བོད་ཡིག་ཀློག་སྟངས་ཅུང་ཡར་རྒྱས་སུ་ཕྱིན་འདུག་ཟེར། དེ་ཡག་པོ་རེད། ང་ལ་ཁས་བླངས་པ་བཞིན་ཁོམ་ལུང་ནམ་བྱུང་ལ་བོད་ཡིག་སྦྱངས་རྒྱུ་མ་བརྗེད་ལོ། དེ་ལྟར་བྱས་ན། པར་དེའི་སྟེང་རྫིག་ཉམས་དེ་འདྲ་བསྟན་ན་ཆོག་ཆོག་ཡིན་ནི་རེད།
གོང་གི་བཀའ་ཁྲིའི་མདུན་གྱི་རྒྱལ་རྟགས་གཤམ་གྱི་”བདེན་པ་ཉིད་རྣམ་པར་རྒྱལ་གྱུར་ཅིག་”ཅེས་པའི་མཐའ་ལ་ཚེག་ལྷག་ཅིག་ཤད་ལྷག་ཅིག་འཇོག་དགོས་དོན་གང་ཡིན་ནམ། འདི་མ་དག་པ་རེད་དམ་མཚོན་དོན་དམིགས་བསལ་བ་ཞིག་ཡོད་པ་རེད། དེ་ནས་གོང་གསར་འགྱུར་ཁ་བྱང་ནང་དུ་མ་བརྗེད་ཟེར་བ་དེ་ཡང་མ་རྗེད་ཅེས་སྐུལ་ཚིག་བྲི་དགོས་པ་མིན་ནམ། གསར་འགྱུར་དངོས་གཞིའི་ནང་ན་ཡིག་ནོར་མང་པོ་འདུག འོན་ཀྱང་། གཞན་པ་མི་ཡོང་ན་ཁ་བྱང་དག་མོ་ཞིག་བྲི་རྒྱུ་བདག་གི་རེ་བ་ཡིན།
དགུན་སྔོན་ནམ་མཁའི་ཡངས་རེད། །
མཐའ་ཡས་རྒྱ་མཚོའི་ཟབ་རེད། །
ཁ་བ་དཀར་བོའི་མདངས་རེད། །
ཐུགས་རྒྱུད་ཟག་མེད་ཁམས་རེད། །
ཉི་མ་ཟླ་བའི་འོད་རེད། །
དར་ཡུག་དཀར་བོའི་འཇམ་རེད། །
ཚིགས་དྲུག་སྨྱུག་མའི་དྲང་རེད། །
མཁས་བཙུན་བཟང་བོའི་ཏོག་རེད། །
ཤེས་རབ་གློག་གི་མྱུར་རེད། །
མཁྱེན་རབ་ནམ་མཁའི་མཛོད་རེད། །
དུས་གསུམ་གཟིགས་པའི་སྤྱན་རེད། །
ཀུན་མཁྱེན་ཡེ་ཤེས་དབྱིངས་རེད། །
ཆུ་བོ་རྣམ་བཞིའི་རྒྱུན་རེད། །
དངོས་གྲུབ་ལྷ་ཡི་ཆར་རེད། །
དགོས་འདོད་འབྱུང་བའི་ནོར་རེད། །
འཕྲིན་ལས་རྒྱ་མཚོའི་དཔལ་རེད། །
སྐྱོབ་པ་ལྷ་མིའི་མགོན་རེད། །
ཐབས་མཁས་ཐུགས་རྗེའི་གཏེར་རེད། །
གངས་ཅན་འགྲོ་བའི་མ་རེད། །
འགྲོ་དྲུག་འདྲེན་པའི་སྐྱབས་རེད། །
གསུང་དབྱངས་ཚངས་པའི་མགུར་རེད། །
ཟབ་གསལ་རིག་པའི་བཅུད་རེད། །
ཕན་དང་བདེ་བའི་ལམ་རེད། །
དུག་གསུམ་འཇོམས་པའི་སྨན་རེད། །
བྱམས་ཆེན་མགོན་པོའི་ཐུགས་རེད། །
བརྩེ་ཆེན་ཐུབ་པའི་ཞལ་རེད། །
སྙིང་རྗེ་ཆེན་པོའི་གཟུགས་རེད། །
གངས་རིའི་ལྷག་པའི་ལྷ་རེད། །
ཞི་བདེའི་དེད་དཔོན་ཁྱོད་མཁྱེན། །
གངས་རིའི་མགོན་པོ་ཁྱོད་མཁྱེན། །
སྤྱན་རས་གཟིགས་དབང་ཁྱོད་མཁྱེན། །
༸བསྟན་འཛིན་རྒྱ་མཚོ་ཁྱོད་མཁྱེན། །
གཏམ་བཤད་སྦྱར་ཀློག་ཅེས་པ་སྒྲོགས་སྦྱངས་གནང་སོང་ཞེས་བྲིས་ན་འཚམས་པར་སྙམ།
མི་མང་༢༠༠ལྷག་དེ་༢༠༠༠ལྷག་ལོས་ཡིན།
དེ་རིང་ཉིན་མོ་འདི་ང་ཚོའི་གཟི་བརྗིད་ཀྱི་ཉིན་མོ་ཞིག་དང་བཀའ་དྲིན་རྗེས་དྲན་གྱི་ཉིན་མོ་ཞིག་ཡིན། ང་ཚོའི་དེ་རིང་དང་སང་ཉིན་ལ་དྲན་སྐུལ་དང་ལམ་སྟོན་གྱི་ཉིན་མོ་ཞིག་ཡིན།
ཡིད་སྐྱོའི་དོན་རྐྱེན་དེ་དག་ལ་ྋགོང་ས་མཆོག་ཀྱང་ཐུགས་འཚབ་ཆེན་པོ་གནང་གི་འདུག ནང་པ་ཞིག་ཡིན་པའི་ཆ་ནས་ྋགོང་ས་མཆོག་གིས་ཚེ་སྲོག་ལ་རྩ་ཆེར་དགོངས་ཀྱི་ཡོད་སྟབས་བོད་མི་ཚོས་ཉེན་ཚབས་ཆེ་བའི་ལས་འགུལ་རིགས་སྤེལ་རྒྱུར་རྒྱབ་སྐྱོར་གནང་གི་མེད་པ་ཕྱི་ལོ་ ༢༠༠༨ ལོའི་ཞི་བའི་གྱེན་ལངས་སྐབས་དང༌། དེ་མཚུངས་མ་ཤི་བར་གྱི་ཟས་བཅད་ངོ་རྒོལ་གྱི་ལས་འགུལ་རིམ་པའི་སྐབས་བཀའ་སློབ་ལམ་སྟོན་སྔ་རྗེས་ཕེབས་པ་རྣམས་ནན་བརྗོད་དང་འབྲེལ། བཀའ་བློན་ཁྲི་པས་ཀྱང་འདི་ལོ་ཕྱི་ཟླ་ ༥ པའི་ནང་ལྡི་ལིར་མ་ཤི་བར་གྱི་ཟས་བཅད་ངོ་རྒོལ་གྱི་ལས་འགུལ་མཚམས་འཇོག་ཡོང་བའི་འབོད་སྐུལ་ཇི་ཞུས་འགྲེལ་བརྗོད་ཞུས་པ་ཡིན། གང་ལགས་ཤེ་ན། ང་ཚོའི་ལས་འགུལ་མུ་མཐུད་གནས་པར་ཁོང་ཚོ་འཚོ་གནས་དགོས་པ་ཡིན། དེར་བརྟེན་བོད་ཕྱི་ནང་གཉིས་སུ་འཁོད་པའི་བོད་རིགས་སྤུན་ཟླ་རྣམས་ཀྱིས་བོད་མིའི་ཕུགས་རྒྱང་རིང་པོའི་ཁེ་ཕན་ཆེད་ཤེས་ཡོན་ཐོག་ནུས་ཤུགས་བསྒྲིལ་དགོས་པའི་འབོད་སྐུལ་ཞུ་རྒྱུ་ཡིན། ཤེས་ཡོན་ཅན་གྱི་མི་སྣ་གང་མང་སྐྱེད་སྲིང་ཐུབ་ན་ང་ཚོའི་ལས་འགུལ་མུ་མཐུད་སྲ་བརྟན་ཡུན་གནས་ཡོང་ཐུབ”
ཡ་ཡ་ཤེས་སོང་ང་།