ཟླ་འདིའི་ཕྱི་ཚེས་ ༡ ཉིན་ཁམས་ཆབ་མདོ་ཀརྨ་ཤང་དུ་སྐུ་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་སྐད་འབོད་བྱས་ཏེ། འདས་གྲོངས་སུ་གྱུར་བའི་བོད་མི་རོང་ཚ་བསྟན་འཛིན་ཕུན་ཚོགས་ལགས་ཀྱིས། སྐུ་ལུས་མེར་བསྲེགས་མ་བཏང་གོང་ཁ་ཆེམས་ཡི་གེ་བཞི་བཞག་ཡོད་པ་དང་། ཁོང་གི་བཞག་པའི་ཁ་ཆེམས་ཡི་གེ་བཞིའི་ཡིག་ལྐོགས་གཅིག་གི་སྟེང་ཡི་གེ་དེ་དག་ཀརྨ་དགོན་པའི་སྒོ་ཆེན་སྟེང་སྦྱར་རོགས་ཞེས་རེ་སྐུལ་བྱས་ཡོད་པ་མ་ཟད། ཁ་ཆེམས་ཡི་གེ་དང་པོའི་ནང་། བོད་ཀྱི་ཁྱད་ཆོས་ནང་པ་སངས་རྒྱས་པའི་ཆོས་ལུགས་ཡང་དག་པའི་ལྟ་བ་མ་ནོར་བར་ལེགས་པར་འཛིན་སྐྱོང་བྱེད་པའི་ཀརྨ་དགོན་མཁན་བློ་གྲོས་རབ་གསལ་དང༌། རྣམ་སྲས་བསོད་ནམས། གྲྭ་བཙུན་ཐམས་ཅད་བཙོན་བཟུང་རྡུང་རྡེག་འདི་འདྲ་བཟོས་ན། ངེད་ཀརྨ་དགོན་མཁན་སློབ་འབྲེལ་ཡོད་ཐམས་ཅད་སྡུག་བསྔལ་གྱིས་ཤི་ན་དགའ་འདུག སྤུན་ཟླ་ཚོ། སེམས་མ་ཕམ། དཔའ་མ་ཞུམ་ཞེས་འཁོད་ཡོད་པ་དང་། ཁ་ཆེམས་ཡི་གེ་གཉིས་པའི་ནང་། བདག་གཞན་བརྗེ་བའི་ཆོས་གྲོགས་ཚོ། བསྟན་པ་འཛིན་པའི་མཁན་པོ་རྣམ་གཉིས་དང༌། གྲྭ་བཙུན་ཚོ་ལ་བསམ་མནོ་ཞིག་ཐོངས་དང། ཆོས་ལུགས་སྤེལ་མི་ཆོག་པའི་དབང་བསྡུས་ལ་ཡིད་ཆེས་འདུག་ལགས་སམ། ཞེས་བཀོད་འདུག
ཡང་ཁ་ཆེམས་ཡི་གེ་གསུམ་པའི་ནང་། ཀརྨ་དགོན་ཆོས་གྲོགས་ཚོ། བསླབ་གསུམ་གྱི་མཁན་པོ་དང་གྲྭ་བཙུན་དེ་ཚོ་ལ་བསམ་ན་བསྡད་ན་ཅི་ཕན། ཡར་ལ་ལོངས་ཤོག རྙེད་བཀུར་ཆོས་བརྒྱད་གྲགས་པའི་རོ་རྣམས་ལ།། རི་དྭགས་དགྲ་ལ་འཇིགས་བཞིན་རབ་ཏུ་འབྲོས།། མནོག་ཆུང་ཚེ་འདིས་བསླུ་བ་མ་ནུས་པའི།། སངས་རྒྱས་མཉན་པའི་ཞབས་ལ་གསོལ་བ་འདེབས།། ཞེས་དང་། ཁ་ཆེམས་ཡི་གེ་བཞི་པའི་ནང་། བོད་ཁམས་སྤྱི་དང་ད་ལོ་ཀརྨ་དགོན་པའི་སྡུག་བསྔལ་འདི་བསམ་ཚེ་བདག་འཇིག་རྟེན་འདིར་བསྡད་ན་ཚེ་འགྲོ་ཐབས་མི་འདུག་ཅེས་བཀོད་འདུག
ཨ་ཁ་ཁ། ཁྱོད་ཀྱི་ཕ་མ་རྒན་རྒོན་གཉིས་ལ་བླ་མའི་བྱིན་རླབས་ལས་ལྷག་པའི་ཕལ་ཆེར་རྣམ་སྨིན་གྱིས་དུག་མདའ་ཞིག་འཕོག་པ་ཡིན་སྲིད་བརྟག་དཔྱད་ཡག་པོ་ཞིག་གྱིས་དང་། བདེ་བ་ཅན་དུ་སྐྱེ་བར་ཤོག སྐྱེ་ནས་བུས་དུག་མདའ་ཞི་བར་ཤོག
ཨོ་རེད་འགྱུར་མེད་བསྟན་འཛིན། ཨ་མའི་བུ། ལོ་འགའི་སྔོན་ངའི་ཕ་མ་གཉིས་རྒྱ་གར་ལ་ཡོང་ནས་ལོ་བཅུའི་རིང་ངས་ཀྱང་ཕྱག་འཚལ་མ་མྱོང་བའི་བན་དེ་བརྗིད་ཉམས་ཅན་པོ་དེ་མཇལ་སོང་བ་མ་ཟད་ནང་མི་ལོང་པ་གང་བོ་སྐྱབས་འཇུག་ཀྱང་ཞུས་སོང་། དེས་ཀྱང་ཐུགས་ལ་འཛིན་པའི་ཉམས་བསྟན་སོང་། ད་ལོ་ངའི་ཕ་མ་གཉིས་ཀྱི་སྙིང་ལྟ་བའི་ཚ་མོ་དེ་མགོན་དང་སྐྱབས་བྱེད་མཁན་གང་ཡང་མེད་པར་ཚེ་ལས་འདས་སོང་། ད་ཡིན་ན་ང་གཉིས་ཀས་ཀརྨ་པ་ཐང་ལ་འཕེན་ནོ།། སྟབས་ཡག་ན་ཕྱོགས་གཞན་ཞིག་བྱ་དགའ་འགའ་ཡང་རེག་སྲིད་ལ། མ་མཐའ་ཡང་རང་ཉིད་ཀྱི་ཁོག་ཏུ་མནན་པའི་མ་དགའ་བ་དེ་མི་ཡིས་ངོས་ཟིན་གྱི་རེད་པ།
རང་རེའི་དྲ་གྲོགས་འགས་ཀརྨ་པར་མཚན་སྨད་སྣ་ཚོགས་ཞུ་བཞིན་འདུག ཀརྨ་པས་བོད་མིའི་ཚེ་སྲོག་ཤོར་བར་ཐུགས་ཀྱིས་མ་བཟོད་དེ། ཁོང་གིས་འབོད་སྐུལ་ཞུས་པ་ལྟར་རང་ལུས་ཞུ་འབུལ་མཚམས་འཇོག་མ་བྱེད་ན། ཁོང་གི་བཀའ་ལ་མ་བརྩི་བ་རེད་དམ། གོང་ས་མཆོག་གིས་རང་བཙན་གྱི་ལྟ་བ་དོར་ཏེ་དབུ་མའི་ལམ་འདེམ་ཡོད་ཀྱང་། གཞོན་ནུ་ཚོགས་པ་དང་། ཉིས་སྟོང་བརྒྱད་ལོའི་ཞི་རྒོལ་བ་རྣམས་གཙོས། རང་བཙན་གྱི་འབོད་སྒྲ་སྒྲོག་མཁན་ཡོངས། གོ་ས་མཆོག་ལ་རྒྱབ་གཏོད་མཁན་རེད་དམ། གལ་སྲིད་ཡིན་ན་ཁོང་ཚོས་རྒྱ་བ་རིན་པོ་ཆེ་ལ་བོད་ལ་གདན་འདྲེན་དགོས་ཞེས་པའི་འབོད་སྒྲ་གྲགས་དོན་ཅི་རེད། ཐལ་རང་གཉིས་བཞིན་སྒྲུབ་བྱེད་ཕྲན་བུ་རེ་མ་མཚུངས་རུང་མཐར་ཐུག་གི་ཐུབ་བྱ་འམ་སྒྲུབ་བྱ་དེ། རང་དབང་ཡིན་པ་གཅིག་མཚུངས་ཡིན། མ་ཟད་ཁྱེད་ཀྱིས་ཀརྨ་པས་རང་ལུས་མེ་སྲེག་མི་བྱེད་པའི་འབོད་བསྐུལ་གྱིས་གྲུབ་འབྲས་སྣེ་གཅིག་ཐོན་མ་སོང་ཟེར། གྲུབ་འབྲས་མ་ཐོན་པའི་ཁྱེད་ལ་དཔང་པོ་དང་སྒྲུབ་བྱེད་ག་རེ་ཡོད། གལ་སྲིད་ཁྱེད་ཀྱིས་དཔང་པོར། རོང་ཚ་བསྟན་འཛིན་འཇོག་ན། ཀརྨ་པས་འབོད་བསྐུལ་རྗེས་ནས་ད་བར། སྐུ་ལུས་མཆོད་འབུལ་བྱེད་མཁན་ཁོང་ལས་མེད་པ་ཁྱེད་ལ་གནས་ལུག་ཅི་ཞིག་བསྒྲང་རྒྱུ་ཡོད། ཀརྨ་པར་ལ་འཇོན་ཐང་མེད་པའམ། ཡང་ན་འཁོར་གཡོག་གིས་སླུ་བྲིད་བྱེད་ཀྱིན་ཡོད་པའི་རྒྱུ་མཚན་ཁུངས་ལུང་གང་ཡང་མེད་པའི་འུར་སྒྲོག་གི་གཏམ་མཚམས་འཇོག་བྱེད་ན་བཟང་།
ཁོང་བླ་སྤྲུལ་ཞིག་དང་ཆོས་ལུགས་ཤིག་གི་དབུ་ཁྲིད་ཡིན་པའི་ཆ་ནས་། ཁོང་ལ་དགག་སྐྱོན་འདོགས་བྱེད་མི་རུང་བརྗོད་ཀྱི་མེད། དྲག་ཞན་སུ་ཞིག་ལ་སྐྱོན་བརྗོད་བྱེད་སྐབས་རྒྱུ་མཚན་དང་ཁུངས་ལུང་དགོས། དེ་མིན། གནས་ལུགས་ཕྲ་མོ་བཙལ་བའི་བློ་མིག་དང་བྲལ་བའི་དབང་རྟུལ་སྨྲ་སྒོ་བསྡམས་ན་མཛེས་སོ།
ཀརྨ་པ་ལ་ཁྱོད་དང་ང་བཞིན་དངུལ་ལ་དུང་ཞེན་མེད་པའི་རྒྱུ་མཚན་ལ་བརྟེན་ནས་ཡིན་པ་ལས། དེ་ལྟ་བུའི་དུང་ཞེན་ཆེ་ན་ཉར་བའི་ཐབས་ཤེས་ཡང་ཅིའི་ཕྱིར་མི་ཤེས་ཏེ་དངུལ་ཡོད་མཁན་གྱི་མི་གཞན་པ་རྣམས་དང་གཅིག་མཚུངས་སུ་ལྡན་ནོ། འགྱུར་བསྟན་ཁྱོད་དང་ང་གཉིས་ཀརྨ་པའི་འཁོར་དུ་མ་སྐྱེས་མ་གཏོགས་གལ་སྲིད་སྐྱེ་ཡོད་ན་དཀོར་ཟ་མཁན་གཙོ་བོ་ཞིག་ཏུ་འགྱུར་རེ་སྐན། ཧ་ཧ།
ཧེ་་ཧེ་ཧེ་་་འབྲོང་བུ་སོག་ཚ་་་་ཀརྨ་པ་ལ་མངོན་ཤེས་ཡོད་ན་དངུལ་འབུམ་ཕྲག་མང་པོ་
ཤོར་འགྲོ་བ་གང་བྱས་ནས་མ་ཤེས་པ་རེད་་་་་
ཧེ་ཧེ་ཧེ་་་དམངས་ཁྲོད་ཀྱི་གནའ་གཏམ་ལ་ཀརྨ་པ་ལ་རྐུ་མ་བརྒྱ་ཡིས་སྐོར་ཟེར་བ་གོ་ལོས་མྱོང་་་་
“ཡར་ལ་ལོངས་ཤོག རྙེད་བཀུར་ཆོས་བརྒྱད་གྲགས་པའི་རོ་རྣམས་ལ།། རི་དྭགས་དགྲ་ལ་འཇིགས་བཞིན་རབ་ཏུ་འབྲོས།། མནོག་ཆུང་ཚེ་འདིས་བསླུ་བ་མ་ནུས་པའི།། སངས་རྒྱས་མཉན་པའི་ཞབས་ལ་གསོལ་བ་འདེབས།།”
“བོད་ཁམས་སྤྱི་དང་ད་ལོ་ཀརྨ་དགོན་པའི་སྡུག་བསྔལ་འདི་བསམ་ཚེ་བདག་འཇིག་རྟེན་འདིར་བསྡད་ན་ཚེ་འགྲོ་ཐབས་མི་འདུག”
འོས་དང་མི་འོས་དྲག་རྩུབ་ཅིར་སྣང་ཡང། །
རྣམ་དག་སེམས་དང་སྤོབས་པ་འདི་འདྲ་ཡིས། །
ཐར་བའི་ཐེམ་སྐས་འཛེགས་ལ་སོམ་ཉི་ཅི། །
འགྱུར་བསྟན་ལགས། ངས་བལྟས་ན་ཀརྨ་པའི་དགོངས་ཕྱོགས་དེ་ནོར་བ་མིན་པར་ཁྱེད་རང་གི་བསམ་ཚུལ་དེ་ནོར་བ་ཞིག་མཐོང་གི། ཀརྨ་པ་དགུང་ལོ་ཆུང་ཡང་གཞན་སེམས་ཤེས་པའི་ཐུགས་རྒྱུད་ལྡན་པས་བླ་མ་དག་གི་སྐྱེས་སྤྲུལ་རྣམས་སྒྲིབ་མེད་ཡེ་ཤེས་ཀྱིས་མཁྱེན་པའི་དེ་ལ་མ་འོངས་པར་གཟིགས་པར་ནོར་འཁྲུལ་འདུག་ཞེས་བརྗོད་ན་ཟེར་མཁན་ཁོ་རང་གི་མདོག་ཕྱིར་བསྟེན་པ་ཞིག་ལས་མ་འདས། བསམ་བཞིན་སྐྱེ་བ་བཞེས་པའི་སྐྱེ་སྤྲུལ་དེ་རྣམས་ནི་སེམས་ཅན་གཅིག་ལ་གནོད་པའི་ལས་ལྟ་ཅིག་བསམ་བློ་ཡང་མི་ཕྱོགས་པས་རྒྱུ་མཚན་ལ་བརྟེན་ནས་བོད་བསྟན་སྲིད་ཀྱི་དོན་དུ་ཤིན་ཏུ་གཅེས་པའི་རང་སྲོག་མི་གཅོད་པར་དེ་ལས་གཞན་པའི་ཐབས་ཤེས་སྣ་ཚོགས་ཀྱི་སྒོ་ནས་རྒྱ་དམར་གཞུང་ལ་ངོ་རྒོལ་དགོས་པའི་སྐུལ་མ་གནང་ནའང་ཉེན་པ་པོ་རང་ཉིད་ནས་ཇི་མི་སྙམ་པར་སྲོག་དང་བསྡོས་ཀྱང་བྱས་ན་ཅི་བྱེད། དཔེར་ན་སྟོན་པས། སྡིག་པ་ཅི་ཡང་མི་བྱ་ཞིང་། དགེ་བ་ཕུན་སུམ་ཚོགས་པར་སྤྱད། ཞེས་གསུངས་ཡོད་ནའང་རང་རེ་རྗེས་འཇུག་ཚོས་བླ་ལྷ་ཁག་ལ་སྐུར་འདེབས་སོགས་ཀྱི་སྡིག་པ་མུ་མཐུད་སོག་བཞིན་འདུག་པས་བདག་བཅག་གི་སྟོན་པ་ཡང་ངོ་གནོང་དགོས་པ་ཞིག་ཡིན་ན་?
ཀརྨ་དགོན་གྱི་གྲྭ་བསྟན་ཕུན་ལགས་ཀྱི་སྐུ་ལུས་མེ་མཆོད་སྒྲོན་པར་སྙིང་ནས་མྱ་ངན་དང་གུས་འདུད་ཞུ། །
རྒྱལ་གཅེས་དཔའ་བོ་རོང་ཚ་བསྟན་འཛིན་ཕུན་ཚོགས་ལགས་ཀྱིས་བོད་མིའི་བདེ་སྡུག་གི་ཆེད་དུ་གཅེས་པའི་ལུས་སྲོག་ཕངས་མེད་དུ་བཏང་བ་འདི་དུས་ནམ་ཡང་ང་ཚོའི་སྙིང་ལ་བརྗེད་དཀའ་བའི་ལོ་རྒྱུས་ཀྱི་རྡོ་རིང་ཞིག་བཞེངས་ཡོད་པས། ཤ་ཁྲག་རིགས་རུས་གཅིག་པའི་སྤུན་ཟླ་ཚོ། ཁྱེད་ཅག་གིས་འདི་གང་གི་ཆེད་དུ་ཡིན་པ་མ་བརྗེད་པའི་ཐོག་ནས་ལས་འགུལ་འདིའི་གྲུབ་འབྲས་མངོན་དུ་གྱུར་ཐུབ་པའི་ཤུགས་རྒྱག་རོགས།
ཀརྨ་པ་དགོང་ལོ་ཆུང་སྐྱོན་ཡིན་ནམ་འཇོན་ཐང་མེད་པ་ཡིན་ནམ་ཡང་ན་ཞབས་ཞུ་ཚོས་ལོག་ལམ་དུ་ཁྲིད་སོང་བ་གང་ཡིན་ཡང་ལས་ཀ་གང་བྱས་ཀྱང་ནོར་བ་ཞིག་མ་གཏོགས་བྱ་གི་མི་འབོད་བསྐུལ་མ་དགོས་ས་ལ་རང་ལུས་མེར་བསྲེགས་མི་ཉན་ཟེར་ནས་འབོད་བསྐུལ་བྱས་སོང་གྲུབ་འབྲས་སྣེ་གཅིག་མ་ཐོན་པར་ཀརྨ་དགོན་གྱི་གྲྭ་ལོག་གིས་རང་ལུས་མེར་བསྲེགས་སོང་་་་དེ་ངོ་ཚ་བོ་འདྲ་ཞིག་ཆགས་སོང་་་་་་་དཔའ་བོ་དེས་སྙིང་སྟོབས་ལ་ཡིད་རངས་ཞུ་་་་་་་་་འོན་ཀྱང་ཀརྨ་པས་ཕྱག་ལས་གཟབ་གཟབ་མ་བྱས་ན་ཉེན་ཁ་ཆེ་བའི་ས་མཚམས་ལ་བསླེབས་འདུག་་་་་་