རྩོམ་པ་པོ་འོད་ཟེར་ལགས་ཀྱི་དྲ་རྒྱའི་སྟེང་གནས་ཚུལ་སྤེལ་བ་ལྟར་ན། ༢༠༠༩ ལོའི་ཕྱི་ཟླ་ ༢ པའི་ཚེས་ ༢༧ ཉིན་རྔ་པ་རྫོང་ཐོག་ཏུ་རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་པའི་རྔ་པ་ཀིརྟི་དགོན་པའི་གྲྭ་བཀྲ་བྷེ་ལགས།རྒྱ་ནག་ཉེན་རྟོག་དམག་མིས་མེ་མདའ་བརྒྱབ་ཏེ་རྨས་སྐྱོན་བཟོས་རྗེས་འཛིན་བཟུང་བྱས་ཏེ། ད་བར་གར་ཡོད་ཅི་བྱུང་གི་གནས་ཚུལ་ཤེས་རྟོགས་བྱུང་མེད་ཀྱང་། ཉེ་ཆར་གྲྭ་བཀྲ་བྷེ་ལགས་ཁོང་གི་ཨ་མ་དང་མཉམ་དུ་རྔ་པ་བོད་རིགས་རང་སྐྱོང་ཁུལ་འབར་ཁམས་ཀྱི་དམག་མིའི་སྨན་ཁང་ཞིག་ཏུ་སྨན་བཅོས་བྱེད་ཀྱི་ཡོད་འདུག་ལ། ཉེ་བའི་དུས་སུ་ཁོང་གི་ཨ་མའི་སྤུན་མཆེད་ལས་གཞན་ནང་མི་གཉེན་སུ་གཅིག་ཀྱང་ཐུག་འཕྲད་བྱས་བཅུག་མེད་པར་དམ་དྲག་ནན་མོ་བྱེད་ཀྱི་ཡོད་འདུག
གནས་ཚུལ་ཤེས་རྟོགས་བྱུང་བ་ལྟར་ན། རྒྱ་ནག་གཞུང་གིས་གྲྭ་བཀྲ་བྷེ་ལགས་འཛིན་བཟུང་སྐབས་ཁོང་གི་ལག་པ་དང་རྐང་པ་གཡས་པ་གཉིས་ལ་མེ་མདའ་ཕོག་སྟེ་རྐང་པ་འཕྲོ་བརླག་ཏུ་ཕྱིན་ཡོད་པ་མ་ཟད། ཉེས་རྡུང་དེའི་ཁྲོད་ལག་གཡས་པ་ཡང་འགུལ་མི་ཐུབ་པའི་གནས་སུ་བསྐྱལ་ཡོད་འདུག་ལ། རང་ལུས་མེར་བསྲེག་སྐབས་ཁོང་གི་གདོང་དང་ལུས་པོ་གཉིས་མེས་འཚིག་སྟེ་ད་ཆར་གཟུགས་པོའི་གནས་སྟངས་ཧ་ཅང་སྐྱོ་བོ་ཆགས་ཡོད་འདུག
རྒྱལ་གཅེས་དཔའ་རྒོད་ལགས་ཁྱེད་ཀྱི་མཚན་སྙན་དེ་བོད་གངས་ཅན་ལྗོངས་ཙམ་མ་ཡིན་པར། མི་རིགས་འདྲ་མིན་དང་སྐད་ཡིག་འདྲ་མིན་ཐོག་་བརྗོད་མོས་རེད། ཁྱེད་སྐུ་འཚོ་བཞུགས་ཡོད་བྱས་ནས་ཡོད་གསལ་བོ་ཡིན་ན་དེ་ལས་ལྷག་ཞིག་མེད་པས་བོད་མི་སྤྱི་བོ་གནམ་བསྟན་ཡོངས་ཀྱི་ཁྱེད་མཇལ་དར་རེད་སྒྲེང་ངེས་རེད།
རྒྱལ་གཅེས་དཔའ་རྒོད་ཁོང་སྐུ་འཚོ་བཞུགས་ཡིན་ནོ་སྐྱིད་ལ. ང་ཚོས་རྒྱལ་སྤྱི་གཙོས་གཞུང་སྒེར་ཚོགས་སྡེ་ཁག་ལ་རེ་སྐུལ་བྱས་ནས. ཁོང་ལ་སྨན་བཅོས་གང་ལེགས་ཡོང་བར་འབད་དགོས་སོ
གངས་ཅན་ལྗོངས་ཀྱི་ཆོས་སྲིད་བྱ་བའི་གདུགས།།
འདེགས་པའི་སྲི་ཞུར་གཏོགས་པའི་སྐྱེ་བོ་ཀུན།།
ལྷག་བསམ་རྣམ་དཔྱོད་དཔུང་པ་རབ་བརྟན་ཅིང་།།
སྐྱེ་ཀུན་ཕྱག་ན་པདྨོས་རྗེས་བཟུང་ཤོག།
ཨ་ཁ། སངས་རྒྱས་སྨན་གྱི་བླ་མས་བྱིན་གྱིས་རློབས་ཤིག །འདི་ཕྱི་གཉིས་ཀ་དོན་ལྡན་ཡོང་བའི་སྨོན་ལམ་ཡོད་ལགས།