ཟླ་འདིའི་ཕྱི་ཚེས་ ༡༦ ཉིན་ཤིན་ཅང་ཡེས་ནེའུ་གྲོང་ཁྱེར་གྱི་ཊོན་མའེ་ལིས་སྲང་ལམ་དུ།༼ཆོས་ལུགས་འདུ་ཤེས་ཇེ་ཞན་དུ་བཏང་སྟེ་རིག་གནས་དཔལ་ཡོན་ལྡན་པའི་བདེ་ཐང་འཚོ་བར་བརྩི་མཐོང་༽ཞེས་པའི་དྲིལ་བསྒྲགས་ལས་འགུལ་ཞིག་སྤེལ་མགོ་བརྩམས་ཡོད་པ་དང་།ལས་འགུལ་དེའི་དམིགས་ཡུལ་གཙོ་བོ་ནི་ཡུ་གུར་མི་རིགས་འདུས་སྡོད་ཀྱི་སྲང་གྲོང་ཡོངས་སུ་ཆོས་ལུགས་འདུ་ཤེས་ཉམ་དམས་སུ་གཏོང་ཐབས་སྐོར་གྱི་དྲིལ་བསྒྲགས་བྱ་འགུལ་སྤེལ་ཏེ། ཡུ་གུར་མི་རིགས་ཀྱི་བུད་མེད་དང་གཞོན་སྐྱེས་རྣམས་ཀྱི་ཁྲོད་ཨ་རུབ་(Arab) མི་རིགས་ཀྱི་གྱོན་ཆས་དང་གདོང་རས། སྨ་ར་རིང་པོ་སོགས་ཡུལ་སྲོལ་གོམས་གཤིས་ཡོངས་རྫོགས་མེད་པ་བཟོ་དགོས་པ་དེ་ཡིན་འདུག
ཕྱི་ཚེས་ ༡༥ ཉིན་ཡེས་ནེའུ་ས་གནས་སྲིད་གཞུང་དྲ་བའི་སྟེང་གསལ་བསྒྲགས་སྤེལ་ཏེ།ཐེངས་འདིའི་ཊོན་མའེ་ལིས་སྲང་ལམ་གྱི་དྲིལ་བསྒྲགས་སློབ་གསོའི་ལས་འགུལ་དེ་ནི། ཡུ་གུར་གྲངས་ཉུང་མི་རིགས་ཀྱི་བུད་མེད་དང་གཞོན་སྐྱེས་རྣམས་ཀྱི་ཆོས་ལུགས་འདུ་ཤེས་ཇེ་ཞན་དུ་བཏང་སྟེ་རིག་གནས་དཔལ་ཡོན་ལྡན་པའི་བདེ་ཐང་འཚོ་བར་བརྩི་མཐོང་ཡོང་ཐབས་དང་། སྤྱི་ཚོགས་ཁྲོད་བུད་མེད་རྣམས་ནི་ཁྱིམ་ཚང་ནང་གི་ཨ་མ་དང་ཆུང་མ། བུ་མོ་བཅས་ཡིན་པའི་དམིགས་བསལ་ནུས་པ་དང་། གཞོན་སྐྱེས་ཚོ་ནི་བསམ་བློ་གུ་ཡངས་དང་དངོས་པོ་གསར་པར་དོ་སྣང་ཡོད་པའི་དམིགས་བསལ་ནུས་པ་བཅས་བེད་སྤྱད་དེ། གཞོན་སྐྱེས་དང་བུད་མེད་ཁྲོད་བདེ་ཐང་རིག་གནས་དང་རྣམ་པ་གསར་བའི་འཚོ་བ་སྐྲུན་དགོས་པའི་དྲིལ་བསྒྲགས་སློབ་གསོ་སྤེལ་དགོས་སྐོར་བརྗོད་ཡོད་པ་རེད།
ཐེངས་འདིའི་ལས་འགུལ་ཁྲོད་རྒྱ་གཞུང་གིས་བཙན་ཤུགས་ཀྱིས་མང་ཚོགས་ཁྲོད་ཤུགས་རྐྱེན་ཡོད་པའི་ཆོས་ལུགས་མི་སྣ་དག་ལ་སྐུལ་སློང་གཏམ་བཤད་སྤེལ་བཅུག་སྟེ་གསར་འགྱུར་བརྒྱུད་ལམ་ཁག་ནས་དྲིལ་བསྒྲགས་དང་།ས་གནས་གྲོང་སྡེ་དམར་ཤོག་འཐུས་མིའི་ངོས་ནས་དམར་ཤོག་སློབ་གྲྭའི་དགེ་རྒན་རྣམས་ཆེད་འབོད་ཀྱིས་ས་ཁུལ་ཁག་ནང་སྐོར་སྐྱོད་གཏམ་བཤད་སྤེལ་འཇུག་བཞིན་པར་མ་ཟད། དྲིལ་སྒྲོག་སློབ་གསོའི་ཁྱབ་ཚད་བརྒྱ་ཆའི་བརྒྱ་ལ་སླེབས་ཐུབ་པར་ཁག་ཐེག་དང་། ས་གནས་བུད་མེད་ལྷན་ཚོགས་དང་གུང་གཞོན་ཚོགས་པའི་འབྲེལ་ཡོད་ལས་བྱེད་རྣམས་ཁྱིམ་ཚང་རེ་རེར་སོང་སྟེ།མང་ཚོགས་དང་གདོང་དང་གདོང་གཏུགས་ནས་དྲིལ་བསྒྲགས་སློབ་གསོ་སྤེལ་དགོས་པ་དང་། ཁྱིམ་ཚང་གཅིག་ཀྱང་ལྷག་ལུས་མི་འབྱུང་བའི་ཁག་ཐེག་བྱ་དགོས་ཀྱི་ཡོད་འདུག
ས་གནས་རྒྱ་གཞུང་གི་གསལ་བསྒྲགས་དེའི་ནང་། ཐེངས་འདིའི་ལས་འགུལ་ལ་འགན་གཙོ་བོ་ལེན་མཁན་ནི། ས་གནས་གྲོང་སྡེ་ཁག་གི་འཐུས་མིའི་དམར་ཤོག་དྲུང་ཆེ་དང་འགན་འཛིན། བུད་མེད་ལྷན་ཚོགས་དང་གུང་གཞོན་ཚོགས་བཅས་ཡིན་པ་བཀོད་འདུག་པ་ལྟར། ཉེ་ཆར་ཤིན་ཅང་ཊོན་མའེ་ལིས་སྲང་ལམ་དུ་འབྲེལ་ཡོད་ལས་བྱེད་ཆེད་གཏོང་བྱས་ཏེ།ས་ཁུལ་དེའི་ཡུ་གུར་མི་རིགས་ཀྱི་བུད་མེད་དང་གཞོན་སྐྱེས་ཚོའི་ཁྲོད་ཆོས་གོས་དང་མི་རིགས་ཀྱི་གྱོན་ཆས།གདོང་རས།སྨ་ར་འཇོག་མཁན་སོགས་ག་ཚོད་ཡོད་མེད་དང་། དེ་བཞིན། གྲོང་སྡེ་ས་ཁུལ་ཁག་ནང་ཡོད་པའི་འཚེམ་ཁང་དང་གྱོན་ཆས་ཚོང་ཁང་དག་ལའང་ཞིབ་བཤེར་བྱས་ཏེ། ཡུ་གུར་མི་རིགས་ཀྱི་སྲོལ་རྒྱུན་གྱོན་ཆས་དང་ཆོས་གོས་སོགས་ཚོང་འགྲེམས་ཀྱི་གནས་སྟངས་ལ་རྟོག་ཞིབ་བྱེད་བཞིན་ཡོད་འདུག
ཕྱི་ཚེས་ ༡༦ ཉིན་ཤིན་ཅང་ཡེས་ནེའུ་གྲོང་ཁྱེར་ཉེན་རྟོག་པ་གློ་བུར་དུ་གྲོང་སྡེ་ཁག་ནང་སོང་སྟེ། ཡུ་གུར་མཐུན་ཚོགས་ཀྱི་དབུ་ཁྲིད་རེ་བྷེ་ཡ་ལགས་ཀྱི་༼བྱམས་བརྩེ་ཡི་ཆ་རྐྱེན་བཅུ༽དང་༼མི་རིགས་ཡར་ལངས་གླུ ༽སོགས་ཚུད་པའི་འོད་སྡེར་སྟོང་ཕྲག་བརྒལ་བ་བསྔོག་བཤེར་བཙན་འཕྲོག་བྱས་ཡོད་པ་རེད། གཞན་ཡང་།རྒྱ་གཞུང་ཉེན་རྟོག་པས་ཆོས་ལུགས་དང་འབྲེལ་བའི་འོད་སྡེར་མང་པོ་ཞིག་ནི་ཁྲིམས་འགལ་ཡིན་པའི་ཉེས་མིང་བཏགས་ཏེ། ཟླ་འདིའི་ཚེས་མགོར་ཡུ་གུར་བ་མི་༧འཇུ་བཟུང་བྱས་ཡོད་འདུག
འཇར་མན་དུ་རྟེན་གཞི་བྱས་པའི་རྒྱལ་སྤྱིའི་ཡུ་གུར་འཐུས་ཚབ་ཚོགས་པའི་མགྲིན་ཚབ་པ་ཏིས་ལིས་ཞཱ་ཐིས་ལགས་ཀྱིས། རྒྱ་ནག་དམར་གཞུང་གིས་ཉེ་ཆར་ཡེས་ལིས་ས་ཁུལ་ནང་དམག་མིས་དམ་དྲག་ཤུགས་ཆེ་རུ་བཏང་ཡོད་པ་མ་ཟད།ས་གནས་གྲོང་ཁྱེར་གྱི་མཐའ་འཁོར་གྲོང་སྡེ་ཁག་ནང་སྔར་ལས་ལྷག་པར་སྐོར་སྐྱོད་ཞིབ་བཤེར་བྱེད་བཞིན་ཡོད་སྐོར་བརྗོད་འདུག
ཡེས་ནེའུ་གྲོང་ཁྱེར་ནི་ཤིན་ཅང་ཡེས་ལིས་ས་ཁུལ་གྱིས་སྲིད་འཛིན་ལྟེ་གནས་ཡིན་པ་དང་།གྲོང་ཁྱེར་དེའི་ནང་ཡུ་གུར་མི་རིགས་ཀྱིས་བརྒྱ་ཆ་ ༤༩་༤ དང་། རྒྱ་རིགས་ཀྱིས་བརྒྱ་ཆ་ ༣༤་༩ ཟིན་ཡོད་འདུག
![[1/4] A screen capture from video shows trekkers leaving their campsite, as unusually heavy snow and rainfall pummeled the Himalayas, in the Tibet Region, China, October 5, 2025. Geshuang Chen/Handout via REUTERS Purchase Licensing Rights](https://tibettimes.net/wp-content/uploads/2025/10/Untitled-3-360x180.jpg)
ཡུ་གུར་མི་རིགས་དང་། སོག་པོའི་མི་རིགས། མན་ཆུ་རན་མི་རིགས། དེ་བཞིན་བོད་མི་རིགས་བཅས་མཉམ་རུབ་ཀྱིས་རྒྱ་ནག་པོའི་དཔུང་འོག་ལས་ཐར་བའི་ལས་ལ་བརྩོན་པའི་དུས་ལ་སླེབས་ཡོད་པས་སེམས་ཤུག་མ་ཆུང་།
Uyghurs, Mongolians, Manchurens and Tibetans are time to be together and fight for the independent from the malicious Chines communist regime.
ང་ཚོའི་དགྲ་གུང་ཁྲན་རེད་་ དེང་ཐོག་གུང་ཁྲན་མེད་པར་བཏངས་ནས་རྒྱ་ནག་མང་གཙོར་སྒྱུར་དགོས་འདུག་པས ང་མཉམ་འབྲེལ་བྱས་ན་ལེགས་པས. ཐབས་ལམ་སྟོན་རོགའ
གཉའ་གནོན་མྱོང་མཁན་གཅོག་པ་ཡིན། གདུང་སེམས་མཉམ་སྐྱེད་ནུས་པ་ཆིག་སྒྲིལ་གྱིས། ཀླ་ཀློའི་དམར་སྲིང་མགོ་རྟིང་སློག་པར་བརྩོན།
རྒྱ་གཞུང་གུང་ཁྲན་ཀླ་ཀློས། ༼ཆོས་ལུགས་འདུ་ཤེས་ཇེ་ཞན་དུ་བཏང་སྟེ་རིག་གནས་དཔལ་ཡོན་ལྡན་པའི་བདེ་ཐང་འཚོ་བར་བརྩི་མཐོང་༽ཟེར། ཧ་ཧ། ཀླ་ཀློ་ནི། ཀླ་ཀློ་རང་རེད་འདུག་གདའ། ཁ་ཆེའི་མི་རིགས་ཚོས་ཀྱང་གཟབ་རན་མི་འདུག་གམ། བོད་རིགས་ཡུ་རིགས་མཛའ་མཐུན་ཤོག །