བོད་མི་མང་སྤྱི་འཐུས་ཚོགས་གཞོན་ཟུར་པ་བྱ་རྒོད་ཚང་སྲས་དོན་ཡོད་མཆོག་གློ་བུར་དུ་འདས་གྲོངས་སུ་ཕྱིན་འདུག
ཟླ་འདིའི་ཕྱི་ཚེས་ ༡༩ ཉིན་གྱི་སྔ་དྲོའི་ཆུ་ཚོད་ ༡༡ སྟེང་ད་ལྟ་རང་ལོ་ ༧༨ ཙམ་ཡིན་པའི་བོད་མི་མང་སྤྱི་འཐུས་ཚོགས་གཞོན་ཟུར་པ་བྱ་རྒོད་ཚང་སྲས་དོན་ཡོད་མཆོག་རང་ཁྱིམ་དུ་གློ་བུར་དགོངས་པ་རྫོགས་པའི་གནས་ཚུལ་ཐོན་ཡོད་པ་དང་། ཁོང་འདས་གྲོངས་སུ་ཕྱིན་པའི་གནས་ཚུལ་གོ་ཐོས་བྱུང་འཕྲལ། ཕྱི་ཚེས་ ༡༩ ཉིན་གྱི་ཕྱི་དྲོ་བོད་མིའི་སྒྲིག་འཛུགས་ཀྱི་ལས་ཁུངས་ཁག་སྒོ་བརྒྱབ་སྟེ་མྱ་ངན་ཞུས་ཡོད་པ་མ་ཟད། དམ་པ་དེའི་ཤུལ་ལུས་ནང་མིར་ཐུགས་གསོའི་འཚམས་འཕྲིན་ཞིག་ཀྱང་ཕུལ་འདུག
དམ་པ་ཁོང་ནི་ཕ་རྡོ་རྗེ་དང་མ་བདེ་ཆེན་སྒྲོལ་མ་གཉིས་ཀྱི་སྲས་སུ་ ༡༩༣༧ ལོའི་ཟླ་ ༣ ཚེས་ ༡༠ ཉིན་ཁམས་སྡེ་དགེ་རུ་འཁྲུངས་ཤིང་། ༡༩༥༨ ལོར་ལྷོ་ཁ་ལྕགས་ཚ་གྲི་གུ་ཐང་དུ་མདོ་ཁམས་ཆུ་སྒང་བསྟན་སྲུང་དང་བླངས་དམག་ཁོངས་སུ་ཞུགས། ༡༩༥༩ ལོར་རྒྱ་གར་བརྒྱུད་ཨ་རིར་དྲག་པོའི་དམག་སྦྱོང་དུ་བསྐྱོད་ཡོད་པ་དང་ཕྱིར་ལོག་མཚམས་བོད་བསྟན་སྲིད་ཆེད་རྒྱ་དམག་དང་དམག་འཁྲུག་ཐེངས་མང་བརྒྱབ། ༡༩༦༤ ནས་ ༡༩༦༧ བར་མ་སུ་རི་རཱི་ཀྲིང་སློབ་གྲྭར་སྐད་ཡིག་ཐོག་སློབ་སྦྱོང་གནང་། ༡༩༦༨ ལོར་ཨ་རིར་སློབ་སྦྱོང་ལ་ཕེབས་ཏེ་ཚོང་དོན་དང་དཔལ་འབྱོར་རིག་པར་སློབ་གཉེར་གནང་། ༡༩༧༧ ལོར་རྒྱ་གར་དུ་ཕྱིར་ལོག་སྟེ་སྦིར་སྡེ་དགེ་ཚོགས་པའི་གཙོ་འཛིན་དང་། ༡༩༧༧ ནས་ ༡༩༩༤ བར་ཆུ་སྒང་འགན་འཛིན་ལྷན་ཚོགས་ཀྱི་ཚོགས་མི། ༡༩༩༤ ལོར་མདོ་ཁམས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཞོན། ༡༩༨༧ ནས ༡༩༨༨ བར་སྐབས་ ༩ པའི་མདོ་སྟོད་སྤྱི་འཐུས་གནང་། ༡༩༨༨ ནས ༡༩༨༨ བར་སྐབས་ ༡༠པའི་སྤྱི་འཐུས་ཚོགས་གཞོན་གྱི་ལས་འཁུར་བཞེས། ༡༩༩༣ ལོར་སྦིར་སྡེ་དགེ་གཞིས་ཆགས་ཀྱི་ས་གནས་འགོ་འཛིན་དང་། ༢༠༠༣ ནས་ ༢༠༡༠ བར་བསྐྱར་དུ་སྦིར་སྡེ་དགེ་གཞིས་ཆགས་ས་གནས་འགོ་འཛིན་བཅས་གནང་ཡོད་འདུག
གསར་འགོད་པ། དཔལ་ལྡན།
གངས་ཅན་མགོན་པོའི་ཐུགས་རྗེ་དང་རང་གི་ལེགས་བྱས་སྟོབས་ཀྱིས་དག་པའི་ཞིང་དུ་སྐྱེ་བར་སྨོན།
དལ་འགྲོའི་རྟེན་བཟང་མྱུར་དུ་ཐོབ་པའི་སྨོན་ལམ་ཞུ། མྱ་དན་གུས་དུད་ཡོད།
གངས་ཅན་པའི་ཕོ་རྒོད་ཁྱེད་ལ་དུས་ནམ་ཡང་ངས་གུས་བཏུད་ཞུ་བཞིན་ཡོད།
ཁྱེད་ཀྱི་མི་ཚེ་གང་པོར་བསྟན་སྲིད་ཆེད་དུ་ཕྱག་ལས་གནང་བ་མ་ཟད། དགྲ་བོའི་ཁ་གཏད་ལན་གྲངས་དུ་མ་གཅོག་པའི་དཔའ་བོ་ཁྱེད་ངན་སོང་དུ་མི་སྐྱེ་བའི་སྨོན་ལམ་ངེད་ས་ཡ་དྲུག་གིས་ལོས་འདེབས། ད་དུང་ཡང་ཁྱེད་འདྲ་བའི་དམག་ས་ནས་རྒས་པའི་དང་བླངས་དམག་མི་ཕལ་ཆེར་རྫོགས་ལ་ཉེ། སུས་ཀྱང་བདག་མ་རྒྱབ་པའི། ལྷག་འཕྲོ་རེ་བཟུང་རྣམས། ཤི་སྒུག་བྱེད་བཞིན་ལུས། ཨ་ཁ་ཁ་ཁ། བོད་པ་ཚང་། ཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿ
དམ་པ་ཁོང་ལ། མྱང་ངན་དང་། གུས་འདུད་ཞུ། ཁོང་གིས་མེ་ཚེ་གང་པོར་བསྟན་སྲིད་ཆེད་དུ་ཕྱག་ལས་གནང་བ་མ་ཟད། དགྲ་བོར་ཁ་གཏད་ལན་གྲངས་དུ་མ་གཅོག་པའི་དཔའ་བོ་ཁྱེད་ངན་སོང་དུ་མི་སྐྱེ་བའི་སྨོན་ལམ་ངེད་ས་ཡ་དྲུག་གིས་ལོས་འདེབས། ད་དུང་ཡང་ཁྱེད་དང་འདྲ་བའི་དམག་ས་ནས་རྒས་པའི་དང་བླངས་དམག་མི་ཕལ་ཆེར་རྫོགས་ལ་ཉེ། སུས་ཀྱང་བདག་མ་རྒྱབ་པའི། ལྷག་འཕྲོ་རེ་བཟུང་རྣམས། ཤི་སྒུག་བྱེད་བཞིན་ལུས། ཨ་ཁ་ཁ་ཁ། བོད་པ་ཚང་། ཨོཾ་མ་ཎི་པདྨེ་ཧུཾཿ
དམ་པ་ཁོང་ལ། མྱང་ངན་དང་། གུས་འདུད་ཞུ། ཁོང་གིས་མེ་ཚེ་གང་པོར་བསྟན་སྲིད་ཆེད་དུ་ཕྱག་ལས་གནང་བ་མ་ཟད། དགྲ་བོར་ཁ་གཏད་ལན་གྲངས་དུ་མ་གཅོག་པའི་དཔའ་བོ་ཁྱེད་ངན་སོང་དུ་མི་སྐྱེ་བའི་སྨོན་ལམ་ངེད་ས་ཡ་དྲུག་གིས་ལོས་འདེབས། ད་དུང་ཡང་ཁྱེད་དང་འདྲ་བའི་དམག་ས་ནས་རྒས་པའི་དང་བླངས་དམག་མི་ཕལ་ཆེར་རྫོགས་ལ་ཉེ། སུས་ཀྱང་བདག་མ་རྒྱབ་པའི། ལྷག་འཕྲོ་རེ་བཟུང་རྣམས། ཤི་སྒུག་བྱེད་བཞིན་ལུས། ཨ་ཁ་ཁ་ཁ། བོད་པ་ཚང་། ཨོཾ་མ་ཎི་པདྨེ་ཧུཾཿ
འདས་སྨོན་ལ་མ་ཎི་འདོན་ནོ
༡༩༩༤ནས་མུ་མཐུད་དེ་མདོ་སྟོད་ཆུ་སྒང་གི་ཚོགས་གཞོན་གནང་ཡོད་དམ