བོད་ནས་ཕེབས་པའི་ཆོས་ཞུ་བ་ཞིག་གིས་བརྗོད་ན་ཐེངས་འདིའི་དུས་འཁོར་དབང་ཆེན་སྟེང་རྒྱ་ནག་གཞུང་གིས་གསང་ཉུལ་བ་ལྔ་བརྒྱ་ཙམ་བཏང་ཡོད་པའི་སྐད་ཆ་ཞིག་བོད་ནང་ཁྱབ་ཡོད་འདུག
རྡོར་གདན་དུས་འཁོར་དབང་ཆེན་སྟེང་བོད་ནས་ཆེད་དུ་ཕེབས་པའི་ཆུ་ཞུ་བ་ཞིག་གིས་ཟླ་ ༡༢ ཚེས་ ༢༧ ཉིན་འདི་གའི་གསར་འགོད་པར་བརྗོད་པ་ལྟར་ན། ༢༠༠༨ ལོའི་ཚུན་ནས་རྒྱ་ནག་གཞུང་གིས་བོད་ནང་གི་དགོན་སྡེ་ཁག་ཏུ་གསང་ཉུལ་བ་མངགས་གཏོང་བྱས་ཏེ། དགོན་པའི་དགེ་འདུན་པ་ཚོས་བོད་དོན་དང་འབྲེལ་བའི་ཁ་བརྡ་ཕྲན་བུ་རེ་བྱས་ཀྱང་། དེ་མ་ཐག་ཉེན་རྟོག་མི་སྣ་ཡོང་སྟེ་འཛིན་བཟུང་དང་འདྲི་གཅོད་བྱེད་པའི་གནས་ཚུལ་འབྱུང་བཞིན་པ་མ་ཟད། ཉེ་བའི་དུས་ནས་བོད་ཀྱི་སློབ་གྲྭ་ཁག་དང་གྲོང་སྡེ་ཁག་དུའང་གསང་ཉུལ་བ་བཏང་ཡོད་པའི་གནས་ཚུལ་བྱུང་ཡོད་པ་དང་། ལྷག་པར་དུ་རྒྱ་ནག་གཞུང་གིས་ཐེངས་འདིའི་དུས་དབང་སྟེང་གཞུང་ངོས་ནས་གསང་ཉུལ་བ་ ༥༠༠ ཆེད་མངགས་བཏང་ཡོད་ཚུལ་དང་། དེ་དག་གིས་བོད་ཕྱི་ཕྱོགས་སུ་ཡོད་པའི་དམིགས་བསལ་མི་སྣ་བརྩད་གཅོད་དང་། ཕྱི་ཕྱོགས་ཀྱི་གནས་ཚུལ་ལ་རྟོག་ཞིབ། དུས་དབང་སྐབས་ཀྱི་གནས་ཚུལ་མཁོ་གཏོང་བྱ་འཆར་ཡོད་ཚུལ་ཞིག་ཁྱབ་ཡོད་འདུག
ཕྱི་ཚེས་ ༢༩ ཉིན་གསར་འགོད་པས་བོད་མིའི་སྒྲིག་འཛུགས་བདེ་སྲུང་དྲུང་ཆེ་དངོས་གྲུབ་རྡོ་རྗེ་ལགས་སུ་གོང་གི་གནས་ཚུལ་དེའི་སྐོར་ལ་མཁྱེན་རྟོག་གང་འདྲ་ཡོད་མེད་དང་། དུས་དབང་སྐབས་༸གོང་ས་མཆོག་གི་སྐུའི་ཉེན་སྲུང་ཐད་གྲ་སྒྲིག་གང་འདྲ་ཡོད་མེད་དྲིས་པར་ཁོང་གིས “ ཐེངས་འདིར་དུས་དབང་ཐོག་ད་སྔ་བོད་ནས་ཆོས་ཞུ་བ་ ༧༠༠༠ ལྷག་ཕེབས་འདུག གལ་སྲིད། རྒྱ་གཞུང་གིས་ཕྱི་སྐྱོད་ལག་འཁྱེར་ཐོག་དམ་དྲག་དང་བཀག་འགོག་མ་བྱས་པ་ཡིན་ན་དེ་ལས་མང་བ་ཕེབས་འཆར་ཡོད་པའི་གནས་ཚུལ་གོ་ཐོས་བྱུང་། ང་ཚོའི་ངོས་ནས་ཀྱང་བོད་ནས་ཕེབས་པའི་ཆོས་ཞུ་བ་དང་མཉམ་དུ་རྒྱ་གཞུང་གིས་གནས་ཚུལ་འཚོལ་སྒྲུབ་བྱེད་མཁན་བཏང་ཡོད་ངེས་པར་ཚོད་དཔག་བྱེད་ཀྱི་ཡོད། ང་ཚོས་ཀྱང་ཐེངས་འདིར་གསང་ཉུལ་བ་ ༡༠༠༠ ནས་ ༡༥༠༠ ཡས་མས་བཏང་ཡོད་པའི་གནས་ཚུལ་ཁག་ཅིག་གོ་བྱུང་། དེའི་རིགས་ལ་༸གོང་ས་མཆོག་གིས་ཐེངས་མང་པོར་བཙན་བོད་མིའི་སྒྲིག་འཛུགས་ཀྱི་ལས་དོན་མཐའ་དག་ཕྱི་གསལ་ནང་གསལ་དང་། སྦས་སྐུང་བྱ་དགོས་པའི་རིགས་གཅིག་ཀྱང་མེད། ཅེས་བཀའ་སློབ་རིམ་པར་གནང་སྟབས། མི་ག་ཚོད་བཏང་ཡང་ཁྱད་པར་ཡོད་པ་མ་རེད། གཙོ་བོ། དེའི་རིགས་ཀྱིས་ཕྱིར་ཕེབས་རྗེས་དངོས་ཡོད་གནས་ཚུལ་གང་ཡིན་པ་བདེན་པ་དང་དྲང་པོའི་ལམ་ནས་བརྡ་སྤྲོད་རྒྱུ་གལ་ཆེན་པོ་རེད། ”ཅེས་བརྗོད་བྱུང་།
ཡང་༸གོང་ས་མཆོག་གི་སྐུའི་ཉེན་སྲུང་ཐད་དུ་ཁོང་གིས “ སྤྱི་ཡོངས་ཀྱི་བདེ་སྲུང་མི་སྣའི་གྲངས་འབོར་ག་ཚོད་ཡོད་མེད་བཤད་མི་ཐུབ་ཀྱང་། ཐེངས་འདིའི་སྐུའི་ཉེན་སྲུང་གི་ཕྱོགས་ནས་ཉེ་ཆར་མངའ་སྡེ་གཞུང་གིས་གཙོ་འགན་བཞེས་ཏེ། དམིགས་བསལ་བདེ་སྲུང་མི་སྣ་དང་བདེ་སྲུང་བ་འདང་ངེས་ཡོད་པ་ཞིག་གཏོང་རྒྱུའི་ཁས་ལེན་བྱས་ཡོད་པ་རེད་ལ། ང་ཚོའི་ངོས་ནས་ཀྱང་དམིགས་བསལ་སྐུ་སྲུང་བ་དང་། ནམ་རྒྱུན་ཡོད་བསྡད་པའི་སྐུ་བཅར་སྐུ་སྲུང་བ། བདེ་སྲུང་ལས་བྱེད། དང་བླངས་སྐུ་སྲུང་བ་བཅས་སྔར་ལས་ལྷག་པའི་གྲ་སྒྲིག་ཡོད། གཙོ་བོ། ང་ཚོས་ད་ལྟའི་ཆར་༸གོང་ས་མཆོག་གིས་སྐུ་དབང་ཡོངས་རྫོགས་མི་མང་གིས་འོས་འདེམས་བྱས་པའི་བཀའ་བློན་ཁྲི་པར་རྩིས་སྤྲོད་བྱས་ཡོད་པ་དང་། གནས་སྟངས་ཡག་པོ་ཞིག་གི་ལམ་དུ་འགྲོ་བཞིན་པའི་སྐབས་འདིར་རྒྱ་ནག་གཞུང་གིས་བཏང་བའི་མི་སྣ་དེ་དག་གིས། ཟིང་ཟིང་དང་དཀྲུག་ཤིང་རིགས་བྱེད་མི་སྲིད་པ་མིན་སྟབས། བདེ་སྲུང་ལས་ཁུངས་ཀྱིས་ནམ་རྒྱུན་བརྟག་དཔྱད་དང་དོ་སྣང་བྱེད་བཞིན་པ་ཙམ་མིན་པར། བོད་མི་དོ་སྣང་ཅན་སྤྱི་བའི་སེམས་ཤུགས་ཡོད་མཁན་ཚོས་དེའི་རིགས་ལ་དོ་སྣང་བྱས་ཏེ་བདེ་སྲུང་ལས་ལས་ཁུངས་ལ་འབྲེལ་བ་དང་འཕྱར་གྲུ་མཉམ་འདེགས་བྱ་ཐུབ་པ་ཡིན་ན། ང་ཚོའི་སྤྱི་ཚོགས་ནང་རྙོག་མི་འབྱུང་བ་པར་ཕན་པ་ཆེན་པོ་ཡོང་གི་རེད ”ཅེས་བརྗོད་བྱུང་།
གསར་འགོད་པ། དོན་གོས་རྡོ་རྗེ་གདན་ནས།
གསང་ཉུལ་བ་འདི་འདྲ་མང་པོ་ཞིག་ཡོད་པ་ཤེས་བཞིན་དུ་མི་མང་གསུང་ཆོས་ར྄་བར་གཏོང་སྐབས་ཀྱི་སྐྱ་སེར་དབྱེ་མེད་ལ་ཞིབ་གཤེར་དང་གོ་སྒྲིག་ལ་བསམ་བློ་ཞིག་བཏང་ན་ངོ་མ་ཡིད་སྐྱོ་བ་ཞིག་རེད། སྐྱ་སེར་ཕལ་ཆེར་འབུམ་གསུམ་མ་ཟིན་ཙམ་འཛོམས་ཡོད་པ་རེད། ཡིན་ན་ཡང་ ཞིབ་གཤེར་དང་ལྟ་རྟོག་བྱེད་མཁན་མིའི་གྲངས་ཚོད་དཔག་ན་ཧ་ཅང་ཉུང་དྲག་པ་རེད། ད་ནང་སྔ་དྲོ་ང་ཚོ་གསུང་ཆོས་རྭ་བར་སྐྱོད་སྐབས་མི་ཚང་མ་ལུག་ར་ནང་དུ་ལུག་མཛུལ་བ་ནང་བཞིན་མཛུལ་འགྲོ་ཀི་འདུག འདི་དག་མཐོང་སྐབས་ངོ་མ་སེམས་ནས་སྐྱིད་པོ་ཞིག་གཏན་ནས་མ་རེད། གསུང་ཆོས་གསུངས་སྐབས་སྔར་དང་བསྡུར་ན་ད་རེས་ཀྱི་ལྟ་རྟོག་དང་གོ་སྒྲིག་སོགས་ངོ་མ་སྐྱོ་བོ་བྱེ་བྲེག་རེད། མི་ཚང་མས་སྨྲེ་ངག་འདོན་གྱིནའདུག་ལ་སེམས་ཁྲེལ་ཞེ་བོ་བྱེད་ཀྱིན་འདུག གསང་ཉུལ་བ་འདི་འདྲ་མང་པོ་ཐོན་ཡོད་པ་བཤད་ཀི་བཤད་ཀི་ལ་ཡང་ལྟ་རྟོག་དང་གོ་སྒྲིག་འདི་འདྲ་ཞིག་སྐྱོ་ཀི བདེ་སྲུང་ལས་ཁུངས་ཀྱིས་ཀྱང་གནས་སྟངས་འདི་དག་མཐོང་ཡོད་རྒྱུ་རེད། འདི་དག་ལ་ལྟ་རྟོག་དང་གོ་སྒྲིག་ཞིབ་ཚགས་ཤིག་བྱེད་རེམ་རེད། ཉེན་ཁ་ཆེན་པོ་འདུག མི་ཚང་མའི་སེམས་ཁྲེལ་བྱེད་ཀྱིན་འདུག
ང་ཚོའི་ཁ་རྒྱུན་ལ། ཨ་ཁུ་ཨ་ཁུ་སྤྱང་པོ། རི་བོང་རི་བོང་སྤྱང་པོ་ཞེས་ཟེར་སྲོལ་ཡོད་པར་ལྟར། རྒྱ་ནག་གཞུང་གིས་ངོས་ནས་ཀྱང་དམིགས་བསལ་དུས་དབང་སྐབས་ཆོས་ཕྱོགས་ཀྱི་མཛད་རིམ་གཙོ་བོ་སོང་ཙང་། ཉུལ་མ་དེ་ཙམ་མང་པོ་ཞིག་གཏང་དགོས་དོན་མེད་པ་དང་ཡང་སྒོས་བཞུགས་སྒར་རྡ་སའི་བཙན་བྱོལ་བོད་གཞུང་ནི་༧་གོང་ས་མཆོག་གིས་གསུངས་པར་ལྟར་ཕྱི་གསལ་ནང་གསལ་གྱི་གཞུང་ཞིག་ཡིན་པ་ཅིས་ཀྱང་ལོ་ཤེས། འོན་ཀྱང་ཁོང་ཚོས་མི་དེ་ཙམ་ཕོན་ཆེན་ཞིག་བཏང་ཡོད་མེད་མི་ཤེས་ཀྱང་ཁོང་ཚོའི་དམིགས་ཡུལ་ནི་གསང་ཉུལ་མ་ཡིན་པར་༧མགོན་པོ་གང་གི་སྐུ་འཕྱའི་སྐོར་ལ་ཡིན་པར་སྨོས་མེད་ཡིན་པས། གོང་ལ་དཔལ་ལྡན་བདེ་དྲུང་ཆེན་དངོས་གྲུབ་རྡོ་རྗེ་ལགས་ཀྱིས་གསུངས་པར་བཞིན་༧གོས་ས་མཆོག་གི་སྐུ་འཕྱའི་སྐོར་ལ་མངའ་སྡེ་གཞུང་དང་བདེ་སྲུང་ཙམ་མ་ཡིན་པར་ང་ཚོ་བོད་མི་སྤྱི་བོ་གནམ་བསྟན་ཡོངས་ལ་འགན་འཁྲི་ཡོད་པས་ཚང་མས་ཕྱོགས་ཡོངས་ནས་དོ་སྣང་བགྱི་རྒྱུ་གལ་གནད་ཆེའོ་སྙམ།
ལ་ལས་བོད་པ་བཙོང་སྟེ་འཚོ་བ་སྐྱེལ།
མདོ་ཁམས་སྟོད་སྨད་བོད་པའི་ཆེད་དུ་ཤི།།
རྒྱལ་ཚོང་བ་དག་སྙིང་རྗེ་྄ཡིད་སྐྱོའི་གནས།།
རང་རེའི་ཧེ་བག་འདི་ལ་རྒོད་རེ་བྲོ།
སྐབས་འདིར་དུས་འཁོར་དབང་ཆེན་སྐབས་དང་བསྟུན་དེ་གསང་ཉུལ་པ་མང་པོ་ཆེད་མངགས་བྱས་ཡོད་ངེས། འོན་ཀྱང་གསང་ཉུལ་བ་པ་ཕར་ཆེ་བ་ནི་གསར་དུ་འབྱོར་བ་མིན་པར་སྔར་ནས་བརྡད་ཡོད་ངེས་ཅན་རེད། མ་ཟད་རྒྱ་རིགས་ཡིན་པའི་ངེས་པ་ཡང་མེད་ལ་བོད་མིའི་བསྒྲིག་འཛུགས་ཀྱི་ནང་དུའང་ཊ་རུ་ལྟ་བུའི་ངོ་གཉིས་མ་མང་པོ་ཡོད་ངེས།
གང་ལྟར་གསང་བ་ཞིག་བརྟོལ་འོངས་རྒྱུ་ཡོད་ཚོད་མི་འདུག་སྟེ། གོང་ས་མཆོག་གི་སྐུའི་བདེ་སྲུང་སྐོར་ལ་དོ་དམ་ཚག་ཚུད་པོ་བྱ་རྒྱུ་གལ་ཆེ་རྙམ།
གསང་ཉུལ་ཡོད་སྲིད་པ་རེད་ལ་དམ་དོན་ཡང་བྱ་དགོས་
དམིགས་བསལ་གནད་འགག་ནི་དེ་སྔོན་དུས་དབང་གནང་མ་ཐུབ་པ་དེ་ད་ད་ཡང་དོག་གནད་ཆེན་པོ་ཡོད་ལ་གནས་ཚུལ་ཁྱད་ཚར་དེ་འདྲ་གོ་རྒྱུ་འདུག་པས་སྐུ་འགྲོན་སུ་འདྲ་ཞིག་ཡིན་རུང་དེས་འཁྱེར་ཡོང་བའི་བཟའ་ཆས་གང་ཡང་༸གོང་ས་མཆོག་ལ་ཕུལ་མི་རུང་དེའི་འགན་དབང་ཚང་མ་བོད་གཞུང་བདེ་སྲུང་དང་སྐུ་སྒེར་ཡིག་ཚང་ཁོ་ན་ལ་ཡོད་
རྒྱ་གར་སྐུ་འགྲོན་ལ་ཟབ་ཟབ་དགོས་
བོད་རྒྱལ་ལོ་
༸གོང་ས་མཆོག་སྐུ་ཚེ་ཡུན་ནས་ཡུན་དུ་བརྟན་པ་ཤོག་
༧གོང་ས་མཆོག་ནས་གསུངས་པ་བཞིན་རེད། ཉུལ་མ་ཇི་ཙམ་མང་ན་དེ་ཙམ་ཡག་ག ཡིན་ནའང་ཉུལ་མ་ཚོས་ང་ཚོས་ག་རེ་བྱེད་ཀྱིན་ཡོད་པ་དག་དྲང་པོར་བྱས་ནས་ཨ་ཁུ་ཚང་ལ་མར་ལབ་རོགས་བྱས་ན། ང་ཚོས་ནམ་ཡང་དྲང་བདེན་དང་ཀུན་སྨན་གྱི་བྱ་བ་ཁོ་ན་བྱེད་བཞིན་ཡོད་པས། ཞེད་དགོས་ཡ་དང་། རྐུག་རྡོལ་ཡག་ཅི་ཡང་མེད་པས་ཉུལ་མ་ད་དུང་མང་ཙམ་གཏོང་རོགས་བྱས་ན་ཡག་ག
ཐེངས་འདིའི་དུས་འཁོར་དབང་ཆེན་སྟེང་རྒྱ་ནག་གཞུང་གིས་གསང་ཉུལ་བ་ལྔ་བརྒྱ་ཙམ་བཏང་ཡོད་པའི་སྐད་ཆ་ཞིག་བོད་ནང་ཁྱབ་ཡོད་འདུག་ཨེ། ཨ་ལས། ད་འོ་ན་ང་ཚོས་ག་རེ་གཟབ་དགོས་སམ། ཚང་མས་དྭོགས་ཟོན་མ་ནོར་བར་གལ་སྲིད་དྭོགས་གནད་བྱུང་ན་དུས་ཐོག་སྙན་སེང་ཞུ་རྒྱུར་གྲ་སྒྲིག་ཨང་སྡོད་པ་དགསོ་པ་ནི། བོད་མི་ཡོད་དོ་ཅོག་གི་ལས་འགན་རེད་དོ། །༸གང་སྐུའི་༸སྐུ་ཚེ་ཡུན་བརྟན་ཤོག །
འདྲ་པར་འདི་བོད་ནས་འཕེབས་པའི་ཆོས་གཞུ་བ་ཡིན་ན་།
དྲ་རྒྱའི་ཐོགས་མ་བཞག་ན་ལེགས།
དངོས་ཡོད་གནས་ཚུལ་ཇི་བཞུན་བཤད་མཁན་མེད་ངེས་རེད. དེ་ཚོ་དམར་གཞུང་ལ་ཅིག་བཤད་དགོས་ཤིང. ཇི་བཞིན་བཤད་ན་དེས་ལས་ཀ་ཏག་ཏག་བྱས་མི་འདུག་ཟེར་ནས་ཁོ་ལ་ཅིག་བྱེད་ངེས་རེད. མ་གཞི་ནས་དམར་གཞུང་ལ་ལས་ཀ་བྱས་ན. ཐང་གི་རྡོ་ལེན་རྒྱུའི་ཚབ་ལ. རང་གི་རུམ་ནས་བྲོ་ཟག ཞེས་པའི་དཔེ་བཞིན་རེད