ཤར་ཕྱོགས་ཁུག་རྟ།
བཀའ་བློན་ཁྲི་གསར་འདི་བས་༧གོང་ས་སྐྱབས་མགོན་ཆེན་པོ་དབུ་བཞུགས། བོད་གཞུང་ལྷ་མི་ཡོངས་ཀྱི་ཚོགས་དབུས་སུ། ཆེས་མཐོའི་ཁྲིམས་ཞིབ་པ་ཆེན་པོའི་དྲུང་དུ་ལས་འཁུར་དམ་འབུལ་ཞུ་སྐབས། ས་སྟེང་མཁས་པ་ཐམས་ཅད་ཀྱི་མགོ་གཅོག་སློབ་དཔོན་ཟམ་གདོང་རིན་པོ་ཆེས་འདི་འདྲ་ཞིག་གསུངས་མྱོང་སྟེ། གལ་སྲིད་འབྱུང་འགྱུར་བོད་མིའི་ཁྲིམས་མཐུན་གྱི་གཞུང་གི་འགན་དབང་ཡོད་པའི་མི་མང་གི་མགོ་ཁྲིད་ཚོ་༧གོང་ས་མཆོག་གི་དགོངས་གཞི་དང་མཐུན་པར་ཕེབས་ཐུབ་ཚེ། བོད་མི་རིགས་ལ་རེ་བ་ཡོད་པ་དང་། མ་ཐུབ་ཚེ་རེ་བ་མེད་ཅེས་རྡོ་རྗེ་གསུང་གི་སྡོམ་ཚིག་མ་འདྲ་བ་ཞིག་བཞག་ཡོད། གསུང་བཤད་འདི་ནི་སློབ་དཔོན་ཁོང་ཉིད་བོད་ཀྱི་སྲིད་སྟེགས་སྟེང་གི་ཐད་ཀར་འགན་ཡོད་ཀྱི་གྲས་ནས་ཕེབས་ཁར་བཀའ་ཤག་གསར་པར་བཞག་པའི་རེ་བ་དང་། ལམ་སྟོན། ཉམས་མྱོང་ཕྱོགས་སྡོམ། ཡང་ན་ལངས་ཤོར་ལ་མི་འགྲོ་རྒྱུའི་ལྕགས་སྒྲོག་བཅས་ཡིན་པར་ངོས་འཛིན་གནང་གིན་ཡོད།
གསུང་བཤད་འདིས་བཙན་བྱོལ་བོད་མིའི་དཀྱིལ་འཁོར་གྱི་ཆེ་ཕྲ་ཐམས་ཅད་ལ་ཡིད་འགུལ་ཐེབས་ཡོད་ཅིང་། བློ་བདེ་བོའང་བྱུང་ཡོད་ཀྱང་། དམིགས་བསལ་སྐུ་ཚབ་རྒྱ་རི་རིན་པོ་ཆེ་མཆོག་གིས་ད་དུང་རྟིང་གནོན་གྱི་ཚུལ་དུ་སྔ་ཕྱིར། ༧གོང་ས་མཆོག་གིས་འབད་སྒྲུབ་བྱས་པ་ཡར་རྒྱས་གཏོང་མི་ཐུབ་ཀྱང་ནག་གསུབ་གཏོང་མི་འོས་པ་ཐེངས་མང་གསུངས་ཡོད་ལ། དེས་ཀྱང་བོད་མི་དོ་སྣང་ཅན་ཚོར་བློ་མིག་གིས་བྲེད་ཤ་ལངས་ཏེ་བཀའ་ཤག་གསར་པར་གཞོགས་འདེགས་བྱེད་དགོས་པ་བསྟན་ཡོད། དེ་ལྟར་གཟུར་གནས་ཀྱི་བློ་མིག་མང་པོ་ཞིག་གིས་རང་གི་བླ་ན་མེད་པའི་གཞུང་གི་ཁྲིམས་མཐུན་གྱི་རྒྱུན་ལྡན་བཀའ་ཤག་གསར་པར་རེ་བ་ཆེན་པོས་ལྟ་བཞིན་པ་རེད།
ཡིན་ནའང་། བཀའ་ཤག་གསར་པ་ཁྲི་ཁར་བྱོན་ནས་དུས་ཡུན་གང་འཚམས་ལོན་པའི་དེ་རིང་བར། སྔ་ན་མེད་པའི་མི་མང་གིས་དོ་སྣང་དང་འགན་ཁུར་ཁྱེར་སྟངས་ནི་བོད་མི་རིགས་ལ་རེ་བ་ཡོད་པ་ལྟ་བུའི་སྣང་ཚུལ་འབྱུང་ཐུབ་པ་ཞིག་རེད་ལ། དེ་དང་མཉམ་དུ་བོད་ནང་ནས་འུ་ཐུག་པའི་རང་ལུས་མེར་བསྲེགས་ཀྱི་ལས་འགུལ་ཞིག་ཀྱང་རྒྱུན་མ་ཆད་པར་བྱུང་བས། བོད་མི་ཚང་མར་དེའི་ཐད་སེམས་འཚབ་གཟུང་དུ་མེད་པ་ཡོད་གཤིས། ཚང་མས་མི་མང་གིས་འདེམས་པའི་བཀའ་ཤག་གསར་པས་ག་རེ་གནང་མིན་ལ་ལྟོས་ཤིང་རེ་བ་རྒྱག་བཞིན་པ་རེད།
ད་བར་བོད་ནང་མེར་བསྲེགས་ཀྱིས་མཚོན་ལས་འགུལ་རིམ་བསྟུད་དུ་བྱུང་བ་ཁག་ནི་དམངས་ཁྲོད་ནས་བོད་ནང་དང་འབྲེལ་བ་བྱས་ཏེ་གནས་ཚུལ་རེག་པ། དེ་བརྒྱུད་ནས་གསར་ལམ་ཁག་ཏུ་བཀྲམས་པ་བཅས། ཀིརྟི་གྲྭ་ཚང་གི་བོད་གནས་འབྲེལ་མཐུད་པ་གཙོས་བོད་ཀྱི་གནས་ཚུལ་དུས་ལྟར་རེག་མཁན་རྣམས་ཀྱིས་བྱས་རྗེས་རླབས་ཆེན་བཞག་ཡོད། ང་ཚོས་ཕྱིར་ལྟོས་ཤིག་བྱས་ན། ལོ་སྔོན་མ་ནས་ད་བར་བོད་ནང་བྱུང་བའི་གནས་ཚུལ་ཚང་མ་གཞིས་ལུས་མི་མང་གིས་སྤེལ་ཏེ། དེའི་ཆ་ཤས་བཙན་བྱོལ་མི་མང་གིས་རེག་པ་མ་གཏོགས་གཞུང་གི་ངོས་ནས་གནས་ཚུལ་སྔོན་ལ་རེག་པ་གཅིག་ཀྱང་བྱུང་མི་འདུག་ལ། ཐ་ན། ས་གནས་ས་ཐོག་ཏུ་རྒྱ་ནག་གིས་ཅི་ཞིག་བྱ་རྩིས་ཡོད་མེད་ཀྱི་གནས་ཚུལ་ཟུར་ཙམ་ཡང་རང་གཞུང་གིས་ངོས་ནས་ད་བར་སྔོན་བརྡ་གཅིག་ཀྱང་གཏོང་རྒྱུ་རྙེད་མེད། དེ་ལ་འགྲེལ་བཤད་སྣ་ཚོགས་ཡོད་ཆོག་ཀྱང་། གནས་སྟངས་དེ་རིགས་ནི་ཧ་ཅང་སེམས་སྐྱོ་བོ་དང་ཡིད་ཐང་ཆད་པ་ཞིག་ཡིན།
གནས་སྟངས་དེ་ནས་ཚུར་ལྟོས་ན། བོད་གནས་མི་མང་དོ་སྣང་ཅན་ཚོས་རེག་སོན་གང་བྱུང་ཡར་སྤྱན་སྔར་དབུལ་བ་རྣམས། བཀའ་ཤག་གསར་པས་ཐ་ན་རྒྱལ་སྤྱིའི་གསར་ལམ་གྲགས་ཅན་ཞིག་ཏུའང་བཀྲམས་ཐུབ་མེད་ལ། གསར་འགྱུར་བརྒྱུད་ལམ་ཁག་ཏུ་བཀོད་ཚར་བའི་གནས་ཚུལ་ཞིག་རང་གཞུང་གི་དྲ་རྒྱར་གཞི་ནས་བཀོད་ཀྱི་ཡོད། གནས་སྟངས་དེས་བཀའ་ཤག་གསར་པའི་བོད་ནང་ལ་ཐུགས་སྣང་གནང་ཕྱོགས་ནི་རྦད་དེ་ནག་ཁུངས་དང་རབ་རིབ་དུ་གྱུར་ཡོད།
ནག་ཁུངས་དང་རབ་རིབ་དེའི་ཁྲོད་ནས་ད་བར་གསལ་ཁ་མ་བྱུང་བ་ཞིག་ནི། བོད་ནང་མེར་བསྲེགས་རིམ་བསྟུད་དུ་བྱུང་བར་འཛིན་པའི་སྲིད་བྱུས་རེད། བོད་ནས་དོན་དག་རེ་བྱུང་ན། གསར་འགོད་གསལ་བསྒྲགས་རེ་སྤེལ་རྒྱུ་ནི་འཆར་ཅན་ཡིན་ལ། མི་ཚང་མས་བློས་དཔོག་ཐུབ་ཀྱི་ཡོད་ལ། ཐ་ན་འདི་དང་གན་གསུང་གི་རེད་ཅེས་ཚིག་ཐག་ཀྱང་ཆོད་ཀི་ཡོད། དེ་ལྟར་གསར་འགོད་རིམ་བསྟུད་སྤེལ་བའི་ནང་། བཀའ་ཤག་གསར་པའི་སྡེ་ནས་དགོངས་ཚུལ་འདི་འདྲ་ཞིག་ཐོན། “༢༠༠༨ ལོར་བོད་ནང་ཞི་རྒོལ་དང་། བཙན་བྱོལ་ནང་མ་འཆི་བར་གྱི་ཟས་བཅད་ངོ་རྒོལ་གྱི་ལས་འགུལ་རིམ་སྤེལ་ལ་བརྟེན་༧གོང་ས་སྐྱབས་མགོན་ཆེན་པོ་མཆོག་གིས་ང་ཚོ་ནང་པ་ཞིག་ཡིན་པ་དང་། མིའི་ཚེ་སྲོག་རྩ་ཆེན་ཡིན་པའི་ཆ་ནས་བོད་ཕྱི་ནང་གཉིས་སུ་འུ་ཐུག་ཐབས་ཟད་ཀྱི་ལས་འགུལ་རིགས་མི་སྤེལ་བའི་བཀའ་སློབ་ཕེབས་ཡོད། དེར་བརྟེན་བཀའ་ཤག་ནས་ཀྱང་༧གོང་ས་མཆོག་གི་བཀའ་སློབ་ཇི་ཕེབས་ལ་བསྐྱར་ནན་ཞུ་གི་ཡོད་”ཅེས་པ་འདི་རེད། འདི་ནི་ ༢༠༡༢ ལོའི་ཟླ་ ༡ ཚེས ༦ ཉིན་མེར་བསྲེགས་བྱུང་མ་ཐག་གཞི་ནས་ཐོན་པ་རེད་ལ། དུས་འཁོར་དབང་ཆེན་སྐབས་གསར་འབྱོར་ཚོར་གསལ་ཁ་མེད་པའི་ཚིག་འགྲོས་འདི་བཞིན་བཀའ་བློན་ཁྲི་པས་དངོས་སུ་ངག་ཐོག་ནས་ཀྱང་གསུངས་ཡོད།
བཀའ་ཤག་གསར་པས་༧གོང་ས་མཆོག་གི་བཀའ་སློབ་ཇི་ཕེབས་ལ་བསྐྱར་ནན་ཞུ་གི་ཡིན་ཞེས་༼ བསྐྱར་ནན་༽གྱི་ཚིག་ཙམ་གསུངས་བ་ལས། དོན་དམ་བསྐྱར་ནན་གྱི་དོན་དངོས་ལག་བསྟར་བྱས་མེད་ལ། ད་ལྟ་ད་དུང་དེ་ག་རང་བཞུགས་མུས་ཡིན་པས། བཀའ་ཤག་གིས་མེར་བསྲེགས་ལས་འགུལ་ཐད་སྤྱིར་བཏང་༧གོང་ས་མཆོག་གི་དགོངས་གཞི་དྲངས་ཡོང་དགོས་དོན་དང་། ཡང་ན་དགོངས་གཞི་དྲངས་ཡོད་ཀྱང་དོན་དངོས་བརྩི་དགོས་ཀྱི་མེད་པ་དང་། བརྩི་ཡི་མེད་པ་འདི་ང་རང་གཞི་རིམ་མང་ཚོགས་ཀྱི་ཆེད་དུ་སྨྱུ་གུ་འཛིན་མཁན་ཞིག་ཡིན་པའི་ཆ་ནས་སྔོན་མ་བྱས་ནས་བོད་ཕྱི་ནང་གི་བོད་མི་ཚོར་སྙན་གསེང་ཞུས་ན་འདོད་པ་དེ་ཡིན།
ཚེ་སྲོག་གི་འགྲོ་གྲོན་མེད་པ་དང་། མིའི་འཆམ་མཐུན་གཏོར་བྱེད་ཀྱི་ཞེ་འཁོན་རྒྱུད་སྤྲོད་བྱེད་པའི་བྱ་སྤྱོད་མི་ཐོན་ཆེད། གཉིས་སྨན་དབུ་མའི་ལམ་གྱི་སྲིད་བྱུས་བཟུང་ཡོད་ཅིང་། དབུ་མའི་ལམ་གྱི་སྲིད་བྱུས་ཀྱི་སྒྲུབ་བྱ་ཁོ་ནར་དམ་འཛིན་བྱེད་པ་ལས་དེའི་ དམིགས་དོན་སྒྲུབ་པའི་ལམ་གྱི་རིམ་པའི་འགན་ཁུར་དོར་བ་ཡིན་ན། དབུ་མའི་ལམ་གྱི་སྲིད་བྱུས་དང་མཐུན་གྱི་མེད། ད་ལྟའི་བཀའ་ཤག་གསར་པ་དབུ་མའི་ལམ་དུ་ཤར་བསྐྱོད་བྱེད་མཁན་ཡིན་སྟབས། དབུ་མའི་ལམ་གྱི་རིམ་པའི་ནང་ངེས་པར་དུ་རང་གི་མི་མང་གི་ཚེ་སྲོག་ལ་འགན་ཁུར་བྱེད་དགོས་པ་གཙོ་འདོན་བྱས་ཡོད། ཚེ་སྲོག་གཏོང་བ་དང་ཞེ་འཁོན་ཇེ་ཆེར་འགྲོ་གཞིའི་ལས་འགུལ་རིགས་བྱུང་བ་ཡིན་ན་དེ་ནི་དབུ་མའི་ལམ་གྱི་ལས་འགུལ་སྤེལ་ཕྱོགས་དང་མཐུན་གྱི་མེད་ཀྱང་། བཀའ་ཁྲི་གསར་པས་ཉེ་འཆར་བརྙན་འཕྲིན་ནང་གི་འབོད་སྐུལ་ནང་དུའང་བོད་མི་ཚོའི་ཞེ་འཁོན་ཇེ་ཆེར་འགྲོ་བཞིན་པ་གསུངས་ཡོད། ཚེ་སྲོག་གཏོང་རྒྱུར་ཅི་མི་སྙམ་པའི་སྲིད་བྱུས་འཛིན་གྱི་ཡིན་ན། དེ་ནི་དབུ་མའི་ལམ་གྱི་སྲིད་བྱུས་དང་མཐུན་གྱི་མེད་ལ། དེ་ནི་དབུ་མའི་ལམ་ལ་ཡིད་ཆེས་ཀྱང་མེད་པའི་རྟགས་རེད།
རྒྱུ་མཚན་དེ་དག་གིས་བཀའ་ཤག་གསར་པས་རང་ལུས་མེར་བསྲེགས་ཐད་ཀྱི་ལྟ་ཚུལ་ཁ་གསལ་གནང་དགོས་པ་དང་། བྱུང་ན་ལྟ་ཚུལ་དེའི་ནང་༧གོང་ས་མཆོག་འཐེན་པ་དང་༧གོང་ས་མཆོག་ལ་ལག་པ་འཕྱི་ཐབས་མི་བྱེད་རྒྱུ་དང་། དེ་དང་ཕྱོགས་མཚུངས་དབུ་མའི་ལམ་གྱི་སྲིད་བྱུས་དངོས་གནས་པ་ཞིག་ཀྱང་འཛིན་ཐུབ་པ་ཡིན་ན་མི་མང་གི་མགོ་ཁྲིད་དང་། སྲིད་འགན་རྩིས་སྤྲོད་གནང་ཡུལ་གྱིས་མི་གོ་ཆོད་སོང་བ་རེད་བསམས་ཀྱིན་ཡོད། དེ་མིན་ནམ་རིང་སྒྲུང་གིས་འཁྱོལ་རྒྱུ་ནི་མི་སྲིད་པ་ཞིག་རེད།
༢༠༡༢། ༡། ༢༩། ཉིན
གཉིས་པའི་ཚེས་བརྒྱད་ཉིན་བཀའ་སྤྱི་གཉིས་ཀྱིས་ཡོངས་ཁྱབ་གསུང་འཕྲིན་དོན་སྙིང་ཆེ་བ་ཞིག་གནང་ཐུབ་རྒྱུའི་རེ་བ་དང། དེ་ཉིན་བོད་མི་དང་བོད་དོན་རྒྱབ་སྐྱོར་བ་གང་མང་མང་ཞིག་མཉམ་འཛོམས་ཀྱིས་ལས་འགུལ་སྤེལ་རོགས་ཞུ་རྒྱུ་འདི་སྐབས་བབ་རེ་བ་གཉིས་ཡིན།
ཁུག་རྟས་ཁུག་འདྲོག་བྱེད་དགོས་པའི་སྐད་ཆ་ཞིག་བཤད་འདོད་མེད་དེ། ཁོང་གིས། དཔལ་ལྡན་བཀའ་ཤག་གིས་མེར་བསྲེགས་གཏོང་མཚམས་འཇོག་རོགས་ཟེར་བའི་འབོད་སྐུལ་ནན་པོ་ཞིག་ད་བར་བྱས་མེད་ལ། གང་དུ་གནང་འདུག་ན་དེ་འདིར་དྲངས་རོགས་གནང་། ཞེས་འབོད་བསྐུལ་གནང་འདུག་པས། བཎྜེ་སོས་དལ་གྱིས། ཤཱཀྱ་ཐུབ་པས་རབ་བྱུང་གིས་ཆང་མ་འཐུང་ཟེར་བ་མ་གཏོགས་བཎྜེ་སོལ་དལ་གྱིས་ཆང་མ་འཐུང་ཟེར་བ་ཞིག་མདོ་རྒྱུད་གང་ནའང་མེད་པས།
བཎྜེ་སོས་དལ་ཆང་ལ་འཇུག །
གཞན་ཕན་སེམས་ནི་འགྲོ་དོན་ཡིན། །
ནག་མོ་སྐྱིད་མཚོ་མཁའ་འགྲོར་བསྟེན། །
འདི་ཕྱིའི་མདུན་ལམ་སྐྱིད་ཀྱིས་བསྒྲུབ། །
ཅེས་པའི་སྒྲུང་འདི། ཤར་ཁུག་ལགས་སུ་འབུལ་རྒྱུའི་ལག་རྟགས་འཚམས་པོ་ཞིག་ཆགས་པ་རེད། ཞུས་ཙང་། སྲིད་སྐྱོང་བཀའ་བློན་ཁྲི་པས་ལས་འགུལ་དེའི་རིགས་མ་སྤེལ་རོགས་ཞེས་ས་གྲགས་གནམ་གྲགས་གནང་པ་མིག་མཐོང་རྣ་ཐོས་སུ་གྱུར་ཡོད་པ་རེད།
ངོ་ཤེས་རྙིང་པ་གསེར་འབྲུག་སྡེ་ལྔ་སོགས་མང་པོ་ཕེབས་འདུག ཡིད་སྐྱོ་བ་ཞིག་ལ་རྭ་ལོ་ཟེར་བས་གང་བྲིས་ང་མཇལ་མ་བྱུང་། གཞན་རྣམས་ཀྱི་བསམ་ཚུལ་ལ་ལྟོས་པ་ཡིན། ཡག་པོ་འདུག ཁྱེད་རྣམ་པ་མ་ངལ་བར་འདི་འདྲ་བྲིས་པ་ཡག་བྱུང་ཟེར་རྒྱུ་ཡིན།
ཡིན་ནའང་། ངའི་རྩོམ་ཡིག་གི་གང་ཞིག་ཏུ་བཤག་བཅོས་དང་ཐེར་འདོན་བྱས་མི་འདུག་པས། ལན་འདེབས་ས་ཞིག་ཀྱང་མི་འདུག་མོད། གསེར་འབྲུག་གྱིས་ཀྲུང་ནན་ཧའེ་ནས་༼ བསམ་འཆར་༽ངོས་ལེན་གནང་མེད་མིང་འདྲ་མི་འདྲ་བཏགས་ཡོད་ཟེར། ཁྱེད་འདི་ཆབ་སྲིད་དབྱིངས་ཡོད་མཁན་ཞིག་ཡིན་བསམས་བསྡད་ཡོད་ལ ད་བར་ཆབ་སྲིད་ཀྱི་ཕྱག་ལས་གནང་བ་རེད། འདི་འདྲ་ཟེར་གྱི་རེད་བསམས་བསམ་མ་བྱུང་། ཀྲུང་ནན་ཧའེ་ནས་གང་བརྗོད་པར་ལྟ་དགོས་དུས་སྤྱིར་བོད་མི་རིགས་འདི་བ་གསོན་རྒྱུའང་དཀའ་མོ་ཡིན། ཡིན་ནའང་། ཁོང་ཚོས་བརྗོད་དོན་ལྟར་སོང་མེད། དེ་ལོ་རྒྱུས་ཀྱང་ཡིན་ལ་དངོས་ཡོད་ཀྱང་རེད།
དེ་ནས་༼ བསམ་འཆར་༽དེ་རྩ་ཁྲིམས་དང་བཅའ་ཁྲིམས་ཀྱི་འབྲུ་དོན་བཞིན་འཆར་འགོད་བྱས་པ་རེད། ངོས་ལེན་མེད་ཟེར་བ་ཙམ་གྱིས་འགྲིག་ན། ད་དཔེ་བསགས་རེད། ཡང་ན། ང་ཚོས་འབྲུ་དོན་གོ་བ་ལེན་ཕྱོགས་འགྲིག་གི་མེད་པའི་ཡ་ལན་དང་། ཡང་ན། སྤྱིར་རང་སྐྱོང་སྤྲོད་འཆར་མེད་པའི་ལན་གནང་རྒྱུ་ལས་གཡོལ་ས་གེ་མེད་པ་རེད། ཡིན་ནའང་། ཡིད་སྐྱོ་བ་ཞིག་ལ། དེའི་རྒྱབ་ཏུ་ཅིག་མེད་ན་ཡོད་མདོག་ལ་དོགས་ནས་ཕྱེད་རང་བཙན་སོགས་ཟེར་གྱི་ཡོད་པ་རེད། དེ་རྒྱ་ནག་གཞུང་འུ་ཐུག་ཚར་བ་རེད། དེའི་སྐོར་དེ་ཙམ་གྱིས།
གཉིས་ནས། སྤྱིར་དཀྲོག་གཏམ་བཟོ་རྒྱུ་འདི་ཆབ་སྲིད་ལ་དབྱིངས་ཡོད་མཁན་ཚོར་ཁ་འབྲལ་གྱི་མེད་པའི་ལས་ཀ་ཞིག་ཡིན་ཁར། གང་དུ་མ་སླེབས་པ་ཚོས་ཀྱང་དེའི་རྗེས་སུ་འབྲངས་ནས་བཤད་ཁུལ་གནང་གི་རེད། དེ་སྤྱིར་བཏང་རེད། བཤད་ཡ་གང་མེད། ཡིན་ནའང་། ཁྲི་ཟུར་མཆོག་གིས་ང་ལ་རྩམ་སྐྱ་གནང་རྒྱུ་ཞིག་ཁྱོན་ནས་མེད་པ་དེ། སྤྱིར་བཙན་བྱོལ་གཞུང་གི་ལས་བྱེད་ཚོ་དང་བླང་བ་རྐྱང་རྐྱང་རེད། གླ་ཆ་བརྟན་དགོས་ན་ཉི་མ་འཁྱོལ་ཐུབ་ཁེག་སེ་རེད། དེའི་ཆ་ནས་ཁྲི་པ་མཆོག་་ལའང་ཟླ་རེར་ཧིན་སྒོར་༡༥༠༠༠ ཡོད་པ་རེད། དེ་ཅིག་ཤེས་ན་ཡག་པོ་མེད་འགྲོ
གཉིས་ནས། ངས་ཁྲི་གསར་འདི་བར་སྐྱོན་མེད་ནག་བརྗོད་བྱས་པས་དེ་ཅང་གོང་ལ་འགྲོ་ཡི་མ་རེད་ལ། དེ་ལྟར་བྱས་ན་དེ་རང་གི་མགོ་གཅོག་ཏུ་འགྱུར་ངེས་པ་ངས་ཤེས་ཡོད། བྱས་ཙང་། རྩ་དོན་དང་འབྲེལ་བའི་བསམ་ཚུལ་བཤད་དུས་ཁྱེད་རྣམ་པས་ཁ་བསྒྱུར་ཅི་ལྟར་བྱས་ཀྱང་དཀའ་ལས་རེད་བསམས་སོང་།
སོང་ཙང་། ཨ་མའི་བུ་ལ་ཡོན་ཏན་ཡོད་ན། ངའི་མ་རྩོམ་དེ་གཞིར་བཟུང་ནས་ག་རེ་ལབ་ཀྱང་དྲ་འབུ་ཞིག་ཡིན་ནའང་ལན་ཕུལ་ཆོག
ཤར་ཕྱོགས་ཁུག་རྟ་ཟེར་བའི་མི་འདིས་གང་བསམ་པ་དག་ཐད་ཀར་བཀའ་ཁྲི་གསར་པར་སྐྱོན་བརྗོད་བྱེད་རྐྱང་རེད། ཧབ་ཏེ་བལྟས་ན་ཁོ་སྐྱོན་བྱེད་མཁན་གཙོ་བོ་ཞིག་དང་མདུང་རྩེ་ཐད་ཀར་གཏོད་མཁན་འདྲ་པོ་སྣང་བཞིན་ཡོད།
ངས་བསམ་ན་ཤར་ཁུག་ལས་ཉེན་ཁ་ཆེ་བ་གཞན་དག་ནི་ད་ལྟའི་འཆར་བཀའ་ཁྲི་གསར་པ་དེར་སྔོན་མའི་ཉམས་མྱོང་དང་། གཞི་རིམ་བཙན་བྱོལ་སྤྱི་ཚོགས་སོགས་ཕྱི་ནང་གི་གནས་ཚུལ་མང་དག་གཅིག་ཡུན་རིང་བསགས་པའི་ཉམས་མྱོང་གི་དཀའ་གནད་ཆུང་བའི་སྣང་ཚུལ་མངོན་པ་རེད།
ཡིན་ན་ཡང་ལོ་མང་རིང་དུ་ཉམས་མྱོང་རབ་དང་རིམ་པ་བསགས་པའི་དགའ་ལྡན་ཕོ་བྲང་གི་སྲི་ཞུ་རྒན་གྲས་སྤྱི་ཡོངས་ནས་བཀའ་ཤག་གསར་པའི་ཁྲི་པར་ལམ་སྟོན་དང་དཔུང་རོགས་བྱེད་མཁན་ཉུང་བའི་སྐྱོན་གནད་དེ་ནི་ཧ་ཅང་གི་ཉེན་ཁའི་གནས་ཚུལ་ཞིག་རེད།
གནད་དོན་འདིའི་ནང་དུ་བཀའ་ཟུར་རྒན་གྲས་རྣམ་པ་དང་། དྲུང་ཆེ་རྒན་གྲས་རྣམ་པ། སྤྱི་ཟུར་རྒན་གྲས་རྣམ་པ། སྲི་ཞུ་རྒན་གྲས་རྣམ་པ། མཁས་པ་རྒན་གྲས་རྣམ་པ། མི་རྒན་ཉམས་མྱོང་ཅན་རྒན་གྲས་རྣམ་པ་སོགས་མང་དག་གཅིག་ཚུད་ཡོད།
ད་ལྟའི་འཆར་༸ གོང་ས་མཆོག་གིས་ཐད་ཀར་བསྔགས་བརྗོད་གནང་བཞིན་ཡོད་པ་དེ་ནི་ཁོང་གི་མི་རིགས་འདིར་བཅངས་པའི་བརྩེ་སེམས་ལྷད་མེད་པ་དེ་ཕྱིར་ཡང་ཡང་མངོན་བཞིན་ཡོད།
ད་དུང་བཀའ་ཁྲི་གསར་པ་འདི་པས་ལས་དོན་གང་སར་ཡིད་གཟབ་བྱ་མ་ཐུབ་ན་གཅིག་ཉིན་རྐུབ་ལུག་ན་བསམ་པ་ཆོག་སྙམ་པའི་མི་མང་དག་གཅིག་རེ་སྒུག་དེ་བརྒྱབ་ནས་གྲུ་ཟུར་ཁག་ནས་མིག་ཟུར་བལྟས་ནས་བསྡད་འདུག་པ་འདི་ཆེས་ཧ་ཅང་གི་ཉེན་ཁ་ཞིག་ཀྱང་རེད།
བཀའ་ཁྲི་གསར་པ་འདིས་དབྱིན་སྐད་ཐོག་ནས་གཏམ་བཤད་གནང་ན་དམོས་འབྲེལ་ཡག་པོ་འདུག་ལ་ང་ཚོས་བསྟོད་དགོས་པ་རེད། ཡིན་ནའང་བོད་སྐད་ནང་གསུང་བཤད་ཇི་ཙམ་གནང་ན་དེ་ཙམ་གྱིས་སྐྱོན་ཆ་མང་གད་གཅིག་ཐོན་བཞིན་ཡོད་སྟབས། ཁོང་གི་མཛན་མཐོང་དེ་རང་བཞིན་གྱིས་ཉམས་བཞིན་ཡོད།
ཡིན་ནའང་ཁ་ནས་གཏམ་བཤད་སྙན་པོ་དང་། འདྲ་ཆགས་པོ། ཡིན་མདོག་མདོག་ཇི་ཙམ་བཤད་ནའང་དོན་དངོས་ཐོག་ལས་ཡུན་ལོ་ལྔའི་རིང་གྲུབ་འབྲས་ལྡན་པའི་བྱ་གཞག་བཟང་པོ་མང་དག་གཅིག་མངོན་འགྱུར་མ་ཐུབ་ཚེ་ད་གཟོད་སྤྱི་སྒེར་ཚང་མར་གྱོང་གུན་ཕོག་ངེས་རེད།
བཀའ་ཁྲི་གསར་པས་མ་འགྲིག་པའི་ལས་དོན་ལྷག་ཚེ་ངེས་པར་སྐྱོན་བརྗོད་དུས་ཐོག་བྱེད་དགོས་ལ་ད་དུང་བཀའ་ཁྲིའི་ལས་ཀའི་གནད་དོན་ཐད་ལའང་སེམས་བཟང་གིས་ལམ་སྟོན་དང་དཔུང་རོགས་ཀྱང་དུས་ཐོག་བྱེད་ཐུབ་ན་ཡག་པོ་རེད།
རྟག་པར་སྐྱོན་བརྗོད་ཤ་སྟག་བྱས་བསྡད་ནའང་དེ་ནི་ཡག་པོ་ཞིག་མ་རེད། སྐྱོན་བརྗོད་བྱས་པ་དང་མཉམ་དུ་ཤ་ཚའི་ལམ་སྟོན་དང་རོགས་རམ་ཡང་བྱེད་ཐུབ་པ་དགོས།
རྭ་ལོས་གསུངས་པ་དེ་དེ་བཞིན་ནོ།
མ་གཞི་ཁྲི་ཟུར་ཚང་གི་བཙན་བྱོལ་གཞུང་གི་དཔལ་འབྱོར་འདུ་བཀོད་ཚང་མ་ནུབ་ཕྱོགས་མ་རྩ་རིང་ལུགས་ཀྱི་དཔལ་འབྱོར་རིག་པར་ལད་ཟློས་ཅུང་ཟད་བྱས་པའི་འབྲས་བུར་བཙན་བྱོལ་གཞུང་གི་བུ་ལོན་མེད་པ་བཟོ་ཐུབ་ཙམ་ལས་དཔལ་འབྱོར་འཕེལ་རྒྱས་གང་ཡང་གཏོང་ཐུབ་མེད་ལ། ཆབ་སྲིད་ཐད་བཤད་ན་རྒྱ་ནག་ལ་མགོ་འབུལ་ལུས་འབུལ་གྱིས་དབུ་མའི་ས་ལམ་གྱི་རང་སྐྱོང་མངོན་འདོད་ཡིག་ཆ་ཞིག་སྤྲད་ཡོད་ཀྱང་དེ་ནི་ཀྲུང་ནན་ཧེའེ་ནས་ནམ་ཡང་ངོས་ལེན་མི་བྱེད་མཁར་རང་བཙན་རྣམ་པ་དུ་མར་དབྱེ་འདུག།
འོན་ཀྱང་ཡ་མཚན་པ་ཞིག་ལ་ཁྲི་ཟུར་ཁྲི་ནས་ཕེབས་མཁར་ཁྲི་གསར་ཚང་ལ་དབུ་མའི་ལམ་ནི་༧གོང་ས་མཆོག་གི་དགོངས་གཞི་ཡིན་པ་དང་། དགོངས་གཞི་དེ་དང་མཐུན་ན་བོད་ལ་རེ་བ་ཡོད་རབས་དང་། དེ་དང་མི་མཐུན་ཚེ་བོད་ལ་རེ་བ་མེད་ལུགས་བརྗོད་ནས་ཉེན་བརྡ་བཏང་ཡོད་པ་རེད། མ་གཞི་ཁྲི་གསར་ཚང་ལ་ཐུགས་ཁག་ཅི་ཡོད་སྟེང་དང་ལོགས་ཟུར་དང་སུལ་ཚང་མ་ནས་ཉེན་བརྡ་གཏོང་མཁན་དང་སློབ་སྟོན་པ་མང་དྲག་ནས་ཁོང་གིས་ཆེས་ཐོག་མའི་《གསར་གཏོད་》ཀྱི་ངར་སྐད་དེ་ད་ཆ་ཉམས་དམས་སུ་ཕྱིན་ནས་ནུས་པ་མེད་པ་ཆགས་ཚར་བ་རེད་ལ། ཅི་ཞིག་གསར་གཏོད་བྱ་དགོས་མིན་མི་ཤེས་པའི་གནས་སུ་བགྱར་བ་གསལ་པོ་རེད།
སྐབས་འདིར་དཔེ་མཚོན་ཆུང་ཆུང་ཞིག་དྲངས་ན། སྟོབས་ཆེན་ཨ་རི་ལ་མཚོན་ན་སྲིད་འཛིན་ཨཱོ་བྷཱ་མས་ཆེས་ཐོག་དང་པོར་《འགྱུར་བ་》ཞེས་མི་སེམས་འགུལ་བའི་ངར་སྐད་དེས་ཉམས་མྱོང་མེད་པ་དང་ལོ་ན་ཆུང་བ་རིགས་རུས་ཨཕྷ་རི་ཀའི་ནག་རིལ་ཨཱོ་བྷཱ་མ། དེ་སྔོན་མི་རིགས་དཀར་ནག་དབྱེ་འབྱེད་ཤུགས་ཆེན་ཡོད་པའི་རྒྱལ་ཁབ་སྟོབས་ཆེན་ཨ་རིའི་སྲིད་སྟེགས་སུ་ཕེབས་ཐུབ་པ་ནི་འཛམ་གླིང་མི་རྣམས་ཧང་སངས་དགོས་པ་བཟོས་པ་རེད། འོན་ཀྱང་སྲིད་འཛིན་ཟུར་པ་བྷཱུ་ཤཱུ་ཡིས་ཨ་རི་རྙོག་འཛིང་སྣ་མང་རང་བཞིན་ཅན་གྱི་སྐྱོ་མ་ལུང་པ་གང་གཡོས་བཞག་པ་དེ་བལྡགས་ནས་སྡོད་རྒྱུ་མ་གཏོགས་འགྱུར་བ་ཞེས་པའི་ངར་སྐད་དེ་ཡང་ཉམས་དམས་སུ་ཕྱིན་ནས་སྲིད་སྟེགས་ཀྱི་དུས་ཡུན་ཚར་ལ་ཉེ་བའི་ལོ་དེའི་ནང་འགྱུར་བ་གང་ཡང་བཏང་ཐུབ་མེད་པ་རེད།
བྱས་ཙང་བོད་ཀྱི་ཨཱོ་བྷཱ་མ་ཁྲི་གསར་སྲིད་སྐྱོང་ཚང་འདི་ཡང་གསར་གཏོད་བྱེད་པའི་རང་དབང་ཐོབ་མེད་པ་རེད་ལ་གསར་གཏོད་ཀྱི་ནུས་པ་ཡལ་ཚར་བ་རེད་ལ་ཅི་ཞིག་གསར་གཏོད་བྱ་དགོས་མིན་མི་ཤེས་པ་ཆགས་ཚར་བ་གསལ་པོ་རེད། ཅི་འདྲའི་ཡིད་ཕངས་བ་ལ་ཨང་། མ་གཞི་ཐུགས་ཁག་མེད། ཐུགས་ཁག་མེད། དོན་དངོས་བྱས་ན་གྲུབ་འབྲས་འཐོན་རྒྱུ་མེད་པའི་བོད་མི་རིགས་ཀྱི་ཆབ་སྲིད་ལངས་ཕྱོགས་དེར་གསར་གཏོད་རང་བཞིན་ལྡན་པ་ཞིག་བྱེད་དགོས་ཀྱང་། གསར་གཏོད་ལ་རང་དབང་མེད་ན་ཁག་པོ་རེད་པ།
དེ་ནས་ཤར་ཁུག་གི་བྱེད་ལས་ནི་འདི་ལྟར། ཁྲི་ཟུར་ཚང་གིས་ཤར་ཁུག་གི་རྩམ་རྐྱལ་སྦྱིན་པར་བྱས་པས་ཁྲི་ཟུར་ཚང་ལ་བསྟོད་གླུ་བླངས་མི་ཚར་བ་དང་། ཁྲི་གསར་སྲིད་སྐྱོང་ཚང་གིས་ཁོང་གི་རྩམ་རྐྱལ་ཕྲོགས་པར་བྱས་པས་ནད་མི་ཐེག་པར་ག་དུས་ཡིན་ཡང་ཁྲི་གསར་ཚང་གི་ཟུར་དང་སུལ་གང་ནས་སྐྱོན་ཞིག་འཚོལ་རྒྱུ་ནི་ཁོའི་ལས་འགན་གཙོ་བོ་དེ་རེད།
གངས་ཅན་མི་ཡི་སེང་གེའི་གཟི་ཟིལ་གྱིས། །ཚེ་སྲོག་སྒྲོན་མེར་མཆོད་པའི་སྙིང་སྟོབས་འབར། །ཤར་ཕྱོགས་ཕོ་ཉས་འཁུ་བའི་སྐད་ངན་གྱིས། དུས་བབ་ཁ་བརྡའི་གད་སྣོད་བཀང་ལ་ཉེ།
ཁུག་རྟས་བཤད་པ་དེ་དག་ལ་ཚང་མར་གནས་ལུགས་མི་འདུག་ཟེར་བ་ཡང་ཁག་པོ་རེད། ངས་ལྟོས་ན་ཁོ་རང་གིས་ཀྱང་ཐུབ་ཚོད་ཀྱིས་ཞིབ་རྟོག་བྱས་ཏེ་བཤད་པ་ཡིན་བསམ་ཀི་ཡོད་བ་རེད། ཡིན་ན་ཡང་ རྩོམ་ཡིག་འདི་ལ་ཞིབ་ཚགས་དང་ནན་ནན་ཏིག་ཏིག་གིས་ལྟོས་བ་ཡིན་ན་ཁོ་རང་གིས་བཀུར་འོས་བའི་དཀའ་ཁྲི་བློ་སེང་གི་ཉེས་སྐྱོན་ཐེར་འདོན་བྱས་བ་དེ་དག་གནད་ལ་ཁེལ་མི་འདུག མྱི་མང་གི་སྐད་ཆ་ཆད་པོ་་སྡོམ་པོ་དེ་དག་ལ་ཚིག་རྒྱན་སྤྲས་ནས་་བཤད་པ་ཞིག་ལས་གཞན་གཏིང་ཟབ་ཀྱི་གོ་རྒྱུ་དང་གནད་འགག་ཞིག་བཤད་མི་འདུག མ་ཟད་ ཐད་ཀར་ལྟོས་ཚོད་ལ་དགའ་མིན་དགའ་མདོག་གི་བཤད་པ་ཞིག་ལོས་ཡིན་དྲན་རྒྱུ་རེད། དེ་བས་འོག་ནས་སྐུ་ཞབས་ར་ལོ་ཟེར་བ་ཞིག་གིས་འགག་ལན་གྱི་ཚུལ་དུ་བཤད་པ་དེས་རྩོམ་ཡིག་འདི་ཅུང་ཙམ་དམར་རྗེན་དུ་ཕུད་འདུག་བསམ།
ང་ཚོས་མ་འཇོན་པ་མ་ཐུབ་པ་ཚང་མ་མགོ་ཁྲིད་གཅིག་པུས་སྒང་ལ་གཡོག་འོས་པ་མིན། ད་ལྟའི་བར་མ་འཇོན་མ་ནུས་པ་དང་། འཐུས་ཤོར་ཇི་སྙེད་སོང་བ་དག སྤྱི་ཚོགས་ཁྱོན་ཡོངས་ནས་བྱེད་ཉེས་ཡིན། དེ་ལ་དམིགས་སུ་བཀར་ཏེ། ལན་ཁག་དཀྲི་ས་མེད། འོན་ཀྱང་སྐབས་དུས་ཀྱི་མགོ་ཁྲིད་ལ་འགན་འཁྲིཡོད་ནའང་། ཤར་ཊུ་ཀི་སི་ཐེན་གྱིས་བརྗོད་སྲོལ་ལྟར། བོད་པར་མགོ་ཡོད་ལ་གཞུག་གུ་མེད་ཟེར་བ་བཞིན། བོད་པའི་གནས་བབས་ཀྱི་དབང་གིས། སྤྱི་ཚོགས་ཁྲོད་དུ་བསམ་བློའི་གོ་རྟོགས་ཤེས་ཡོན་གྱི་གོ་རྟོགས། ཆབ་སྲིད་ཀྱི་གོ་རྟོགས་སོགས་ལ་ཧེ་བག་ཆེན་པོ་ཡོད་པའི་དབང་གིས་བསམ་བློ་གཅིག་གྱུར་དུ་མེད་ལ། བསམ་བློའི་ཁ་ཕྱོགས་མི་འདྲ་བ་མང་པོ་ཡོད། ཁག་ཅིག་མི་རིགས་ཀྱི་འདུ་ཤེས་གཅིག་མཚུངས་སུ་ཡོད་ནའང་། དེའི་ནང་གསེས་ཀྱི་ལྟ་བ་མི་འདྲ། ལས་འགུལ་གྱི་རྣམ་པ་ཐ་དད། མཐར་ཐུག་གི་དམིགས་ཡུལ་མི་འདྲ་ས་མང་པོ་ཡོད། དེ་བས་ཀྱང་སྲིད་སྐྱོང་གསར་པ་བློ་བཟང་སེང་གེ་གཅིག་པུར་སྙད་འདོགས་ག་ལ་བྱེད་རུང་། ཁོང་གི་ངོས་ནས་སྲིད་སྐྱོང་འགན་བཞེས་ནས། ད་བར་དུས་ཡུན་ཐུང་ངུ་དེའི་ནང་ལས་དོན་ཆེ་ཕྲ་མང་པོ་གནང་སོང་། གཙོ་ཆེ་ཤོས་ནི་ཡུ་རོབ་རྒྱལ་ཁབ་མང་པོའི་ནང་དུ་ཕེབས་ཏེ་བོད་དོན་འགྲེལ་བཤད་རྒྱབ་ཡོད། ཨ་རིའི་གྲོས་ཚོགས་གོང་འོག་གི་གནད་ཡོད་མི་སྣ་དང་མཇལ་འཕྲད་བྱས་ཏེ། བོད་དོན་འགྲེལ་བཤད་གནང་སོང་། དེ་ཙམ་མ་ཚད་སྔར་བྱུང་མ་མྱོང་བའི་གཞུང་འབྲེལ་ཐོག་ཟས་བཅད་ངོ་རྒོལ་གནང་སོང་། དེའི་འབྲས་བུ་ལ་རྒྱལ་སྤྱིའི་ཐོག་ཏུ་དོ་སྣང་ཤུགས་ཆེར་བྱུང་ཡོད། དཔེར་ན་ཨ་རིས་རྒྱ་ནག་ལ་བོད་ཀྱི་སྐོར་ཐེངས་ཁ་ཤས་བཤད་དགོས་བྱུང་ཡོད། ཧྥ་རན་སིས་ཡང་རྒྱ་ནག་ལ་བོད་ཀྱི་སྐོར་བཤད་དགོས་བྱུང་ཡོད། ད་དུང་ལས་རིམ་མང་པོ་སྒྲིག་ཡོད། ཉིན་བརྒྱ་དུས་གཅིག་གི་ལས་འགུལ་དང་། རྒྱ་ནག་གཞུང་ཚབ་མགོ་ཁྲིད་ལ་ཐད་ཀར་སྙན་ཞུ་འབུལ་རྒྱུ་དང་། རྒྱལ་སྤྱིའི་གནད་ཡོད་མི་སྣ་ཐུག་ཐབས་བྱ་རིམ་སོགས་བཀའ་ཤག་རྙིང་པ་ལས། ལས་འགུལ་གཏིང་ཟབ་པ་དང་རྒྱ་ཆེ་བ་དང་རླབས་ཆེ་བ་གཟི་བརྗིད་ཆེ་བ་མེད་ནའང་དམན་པ་ཞིག་རྩ་བ་ནས་མིན། ཟམ་གདོང་བླ་མས་ལོ་ངོ་བཅུའི་རིང་ལ་༧ གོང་ས་མཆོག་གི་དགོངས་གཞི་བཞིན་ཅི་ཞིག་བསྒྲུབས་ཡོད་མེད་དང་ལག་རྗེས་ཅི་ཞིག་བཞག་ཡོད་མེད་འདས་ཟིན་པའི་ལོ་བརྒྱུས་ནང་གསལ་ཐང་ངེ་རེད།
སྤྱིར་བཏང་་ངོ་རྒོལ་དང་ཡར་ལངས་ཟེར་བ་འདི་མི་དམངས་རང་འགུལ་གྱིས་ཡར་ལངས་དགོས་པ་ལས་གཞུང་འབྲེལ་གྱིས་འོས་འཚམ་མིན། མདོ་དོན་སྙིང་པོ་ནི། ལས་འགུལ་གྱི་གནས་ཚད་ཧ་ཀྱང་མཐོ་ཞིང་། ཉེན་ཚབས་ཤིན་དུ་ཆེ་བའི་བོད་ནང་ནས་ལས་འགུལ་ཅི་འདྲ་སྤེལ་ནའང་། བཙན་བྱོལ་བས་ཚོར་ཤུགས་དྲག་པོའི་རྣམ་འགྱུར་ཐོན་མེད། འདིའི་སྐབས་ནས་གཞུང་འབྲེལ་མིན་པའི་ཚོགས་ཁག་གིས་དམིགས་བསལ་གྱི་འགན་འཁུར་དགོས་པར་སྣང་། དེ་བཞིན་ངོས་རང་ཚུད་པའི་བཙན་བྱོལ་དམངས་ཡོངས་ཀྱིས་འགན་གང་ཡང་མ་ཁུར་བའི་ཚབས་ཆེ་བའི་ནོར་འཁྲུལ་དང་ངོ་ཚ་ཞིག་ལ་འདོད་དོ།།
ཤར་ཁུག་འདིས་བོད་ནང་གི་མེ་ལྕེའི་འོག་གི་འབོད་སྒྲ་དང་མངོན་འདོད་ད་དུང་ཡང་ཤེས་མི་འདུག། ད་དུང་དབུ་མའི་ས་ལམ་གྱི་རང་སྐྱོང་མངོན་འདོད་ཀྱི་ཡིག་ཆ་དེ་ཀྲུང་ནན་ཧེའེ་ནས་ངོས་ལེན་ནམ་ཡང་མི་བྱེད་མཁར་ངོ་བོ་བསྒྱུར་བའི་རང་བཙན་དང་། རྣམ་པ་མི་མངོན་པའི་རང་བཙན། ཕྱེད་རང་བཙན་སོགས་རང་བཙན་རྣམ་པ་དུ་མར་དབྱེ་བ་དེ་ཡང་ཤར་ཁུག་འོན་པ་དང་ལོང་བ་མིན་ན་གོ་ཚོད་དང་རིག་ཚོད་ཡིན། ཡིག་ཆ་དེ་རྒྱ་ནག་དབུས་གཞུང་ལ་སྤྲད་ནས་ག་དུས་དབུས་གཞུང་གིས་ངོས་འཛིན་བྱས་པ་རེད། ངོས་འཛིན་ཡོད་ན་རང་བཙན་རྣམ་པ་དུ་མར་དབྱེ་དགོས་དོན་ག་རེ་ཡིན་ནམ། མ་ཟད་དབུས་འཐབ་ཕྱོགས་གཅིག་བསྒྱུར་པུའི་ཟིན་བྲིས་པ་ཡེ་རྡོར་གྱི་རྩོམ་ཡིག་ནང་དབུས་གཞུང་གིས་ནམ་ཡང་ངོས་ལེན་མེད་པ་གསལ་གསལ་ཐིང་ཐིང་བཀོད་འདུག། ད་དུང་ཤར་ཁུག་གིས་མི་ཤེས་ཤེས་མདོག་གིས་མི་དམངས་མགོ་བོ་རྨོངས་སུ་འཇུག་ཚུལ་འདི་ཅི་འདྲའི་ཡ་མཚན་པ་ལ།
ཧ་ཧཧཧ ཤར་ཕྱོགས་ཁུག་རྟས་བཀའ་ཤག་གི་ལན་འདེབས་ཚོགས་ཆུང་ནང་ལས་ཀ་བྱེད་མ་ཤེས་རྗེས། བཀའ་ཁྲི་བློ་སེང་ལ་སྡང་ཟུག་ཆེན་པོ་བྱེད་ཀྱི་ཡོད་པ་རེད། ཡིན་ཡང་དབུ་མའི་ལམ་གྱི་ལས་འགུལ་ཁང་ཟེར་བས་ཁོང་ལ་རྒྱབ་སྐྱོར་ཆེད་ལས་ཀ་སྤྲད་པ་རེད། ཁུག་རྟའི་བཀའ་ཤག་གི་སྐོར་ལ་བྲིས་པའི་རྩོམ་ཡིག་ཚང་མར་ཞིབ་འཇུག་མེད་པར། བློ་སེང་ལ་སྐྱོན་བརྗོད་ཁོ་ནའི་ཆེད་དུ་རེད།
དཔེར་ན་བོད་གཞུང་གི་གསར་འགྱུར་འགོད་སྟངས་ལ་སྐྱོན་བརྗོད་བྱས་པར་མཚོན་ན། འདི་སྤྱི་ཡོངས་ལ་བཤད་རྒྱུ་ཞིག་མེད་མོད། དོན་མེད་སྐྱོན་བརྗོད་བྱས་དུས་བོད་ཡིག་བརྒྱུད་ལམ་དུ་གསལ་བཤད་ཅིག་བྱས་ན་སྐྱོན་མེད་པར་སྙམ། བོད་ནང་གི་གསར་འགྱུར་ཁག་བོད་གཞུང་གིས་ལག་སོན་བྱུང་བ་དང་། བརྒྱུད་ལམ་གྲགས་ཅན་ཞིག་ཏུ་བཏང་སྟེ་རྒྱལ་སྤྱིའི་ངོས་ལེན་ཡོད་པ་བཟོས། དེ་རྗེས་གཞུང་གི་དྲ་གནས་ཐོག་བསྐྱར་འགོད་བྱེད་ཀྱི་ཡོད་པ་རེད། གལ་སྲིད་ཤར་ཕྱོགས་ཁུག་རྟས་ཟམ་གདོང་རིན་པོ་ཆེ་བརྩི་ཡི་ཡོད་ན། གནས་ཚུལ་དེ་ཁོང་བཀའ་ཁྲི་ཡིན་སྐབས་ཀྱི་ལས་ཀ་བྱེད་སྟངས་གསུངས་པ་ཞིག་རེད།
ངོ་ཤེས་དོ་སྣང་ཅན་སེར་སྨད་བློ་དགའ་གཙོས་མི་མང་པོ་ཕེབས་འདུག་ལ། བསམ་ཚུལ་གྱིས་གནད་འཇུས་མིན་ལ་མ་ལྟོས་པར་གང་དྲན་བཤད་ཐུབ་པ་དང་། འདིར་བྲིས་པ་དེ་རིན་ཐང་ཆེན་པོ་རེད་བསམས་ཀྱིན་འདུག་པས། དོ་སྣང་གནང་བ་ཙམ་མིན་པར་དེས་སྒུལ་ཤུགས་ཐེབས་འདུག་པ་འདི་ཆུང་ཆུང་མ་རེད། དེ་བས་ཁྱེད་རྣམས་པ་ཚང་མར་ཐུགས་རྗེ་ཆེ་ཞུ་འདོད་བྱུང་།
༡ དེ་ནས་རྩོམ་དོན་དང་འབྲེལ་ནས་བཤད་ན། དཔལ་ལྡན་བཀའ་ཤག་གིས་མེར་བསྲེགས་གཏོང་མཚམས་འཇོག་རོགས་ཟེར་བའི་འབོད་སྐུལ་ནན་པོ་ཞིག་ད་བར་བྱས་མེད་ལ། གང་དུ་གནང་འདུག་ན་དེ་འདིར་དྲངས་རོགས་གནང་།
༢ རང་གཞན་གཉིས་ཀའི་ཚེ་སྲོག་ལ་འགན་ཁུར་ཐུབ་པ་དང་། བོད་རྒྱ་གཉིས་ནང་ཕན་ཚུན་ཞེ་འཁོན་རྒྱུད་སྤྲོད་མི་བྱེད་པ་ནི་དབུ་མའི་ལམ་གྱི་ཁྱད་ཆོས་ཡིན། ཐབས་ལམ་དེས་མདུན་ལམ་གཙོ་བོར་འཛིན་པའི་གུ་ཡངས་ཀྱི་འབྲེལ་མོལ་གནང་དགོས་དོན་ཡང་དེ་ག་རང་རེད།
དབུ་མའི་ལམ་པ་བས་དབུ་མའི་ལམ་གྱི་སྲིད་བྱུས་འཛིན་སྐབས་རྒྱ་བོད་མི་རིགས་བར་འཆམ་མཐུན་བྲལ་འགྲོ་བའི་གཞི་རྩ་དངོས་སམ་བརྒྱུད་ནས་བསྐྲུན་མི་ཆོག དཔེར་ན་ཞེ་འཁོན་ཇེ་ཆེར་འགྲོ་ཡི་ཡོད་གསུངས་བ་དེས་ཞེ་འཁོན་ཇེ་ཆེར་གཏོང་རྒྱུ་ལས་མཚམས་ཆོད་ཐུབ་བམ། ལྷག་པར་དེ་ནི་དབུ་མའི་ལམ་ཞུགས་པ་མཐོ་གྲས་ནས་གསུངས་བ་ཡིན་ན། མི་མང་ནང་གོ་བོ་ལེན་ཕྱོགས་གཞན་ཞིག་ཡོང་གི་ཡོད། དེས་དབུ་མའི་ལམ་གྱི་དམིགས་གཟས་ལ་དོ་ཕོག་གཏོང་གི་ཡོད། དེ་ལྟར་ཕྱིན་དུས་འཚེ་མེད་ཞི་བ་རང་བཞིན་གྱིས་དོ་ཕོག་ཡོང་གི་རེད།
༣ ད་བར་རང་ལུས་མེར་བསྲེགས་བཏང་བའི་བློས་གཏོང་ཅན་རྣམས་ཀྱི་ཞལ་ཆེམས་དང་སྐད་འབོད་ནི་ད་ལྟའི་བོད་ནང་གི་དཀའ་ངལ་གཞི་རྩར་བཟུང་བའི་ཐོག་བྱུང་བ་ཡིན་པས། ཕྱོགས་གང་ལའང་བཙན་སྦྱོར་དང་མཐུན་ཐབས་བྱེད་མི་དགོས།
༤ རྒྱལ་ཁབ་ཀྱི་བདག་དབང་ཡོངས་རྫོགས་སླར་གསོ་བྱེད་རྒྱུ་ལས་རྒྱ་ནག་གི་རྩ་ཁྲིམས་ནང་མིང་དོན་མཚུངས་པའི་རང་སྐྱོང་བདམས་ཡོད་པ་མ་ཟད། དེའི་ཡིག་ཆ་རྒྱ་ནག་གཞུང་ལ་སྤྲད་ཟིན་པ་དང་། སྤྲོད་སྐབས་རྒྱ་ནག་གཞུང་”དབུས་གཞུང་”ལ་ངོས་འཛིན་གནང་ཡོད་པ་རེད། དེ་ཡིག་ཐོག་རེད།
ཡིག་ཆ་དེའི་ནང་ཕྱོགས་གཉིས་ཀྱི་ཁེ་ཕན་དང་བསྒྱུར་བཅོས་ཁག་གླེང་ཡོད་པ་རེད། དེའང་དབུ་མའི་ལམ་གྱི་སྲིད་བྱུས་གཞིར་བཟུང་སྟེ་གནང་བ་ཞིག་རེད། ང་ཚོས་ཁྲག་དང་སྲོག་གི་འགྲོ་གྲོན་གཏོང་རྒྱུ་ཡིན་པའམ། ཡང་ན་དེའི་ལམ་དུ་ཞུགས་རྒྱུ་ཡིན་ན། འཐབ་རྩོད་ཀྱི་ལམ་གྱི་རིམ་པའི་ནང་དབུ་མའི་ལམ་གྱི་འཐབ་རྩོད་བྱ་ཕྱོགས་དང་ཁ་ཁ་ཆགས་ཟིན་པ་རེད། དབུ་མའི་ལམ་གྱི་འཐབ་རྩོད་ཀྱི་ལམ་གྱི་རིམ་པའི་ནང་ཚེ་སྲོག་ལ་འགན་ཁུར་དགོས་སྟབས། དབུ་མའི་ལམ་པ་བས་དེ་དང་འགལ་བའི་ཀུན་སློང་ཙམ་བཅངས་བ་ཡིན་ན། དབུ་མའི་ལམ་ཞུགས་པ་དངོས་གནས་ཤིག་ཆགས་ཀྱི་མེད།
སྤུན་ཟླ་ཚོ། བསམ་ཚུལ་བརྗེ་རེ་དང་དགོངས་ཚུལ་ཞིབ་བསྡུར་གནང་བ་ཙམ་ལས་ཤ་ཉེ་ཕན་ཚུན་ལ་རྩུབ་ཚིག་དང་སྡིགས་ར་སོགས་ཀྱི་རྣམ་པ་གཞན་དུ་བསྒྱུར་ཅི་ཐུབ་གནང་རོགས། ཤར་ཕྱོགས་ཁུག་རྟ་ལགས་ཀྱིས་རྣམ་དཔྱོད་ཀྱི་ཐོག་ནས་གསུངས་པའི་དགོངས་ཚུལ་ལ་ཀུན་སློང་དང་ཚོར་ཤེས་ཀྱིས་ཡ་ཡོ་ཡོད་པར་ངོས་འཛིན་གྱིས་ཁ་བརྡུང་སྡེབས་གཏོང་མ་གནང་རོགས་་་་་་་་་་་་་་་་་་་
དང་པོ་རང་ཉིད་ཀྱིས་བློ་སྦྱོང་ལེགས་པོ་ཞིག་གནང་ནས། རྗེས་སུ་དཔྱད་རྗོད་འདྲ་སྤེལ་ན་ཅི་མ་རུང་། ཨོྃ་མ་ཎི་པདྨེ་ཧཱུྃ
་་་་ རྒྱུ་མཚན་དེ་དག་གིས་བཀའ་ཤག་གསར་པས་རང་ལུས་མེར་བསྲེགས་ཐད་ཀྱི་ལྟ་ཚུལ་ཁ་གསལ་གནང་དགོས་པ་དང་། བྱུང་ན་ལྟ་ཚུལ་དེའི་ནང་༧གོང་ས་མཆོག་འཐེན་པ་དང་༧གོང་ས་མཆོག་ལ་ལག་པ་འཕྱི་ཐབས་མི་བྱེད་རྒྱུ་དང་། ་་་་ཟེར་བ་འདིས་ཁུངས་མེད་ཀླད་མེ་འཚོར་མེད་ཅིག་གི་གཏམ་འཆལ་ཡིན་པ་རང་ཚིག་རང་གིས་གསལ་སྟོན་བྱས་འདུག་གམ། ཤར་ཁུག་བློ་བཟང་ཆོས་འབྱོར་ལགས།
རྩོམ་གྱི་ངོ་གདོང་ལ་ལྟ་སྐབས། དེའི་ཀུན་སློང་ཟེར་བ་འདི་བོད་མི་རྣམ་རྟོག་ཅན་གྱི་སེམས་པའི་ཁྱེར་སོར་རང་ཆས་སུ་ཡོད་པ་རེད། ཀུན་སློང་གིས་བྱ་སྤྱོད་ནག་པོ་བཟོ་བའི་སྟུ་ཐུག་གི་བྱ་སྟངས་ཤིག་རེད། གང་དུ་ཚད་ལྡན་མིན་པ་དང་། ཁུངས་མི་དག་པ། ནག་འགེལ་བྱས་པ་ཡོད་ན། དེར་བཅད་གཏུབ་ཀྱིས་ས་ས་དང་རྡོ་རྡོ་སར་ཞོག་དང་། སྐབས་དེར་དཔྱད་པའི་རྣམ་དཔྱོད་ཐོན་གི་རེད། དེ་མིན་ཕྲག་དོག་དང་གཞན་དབང་ཁོ་ནས་རྩོམ་ཡིག་ཅིག་ལ་བསམ་ཚུལ་འདོན་རྒྱུ་ནི་ཡོང་ཡ་མེད་པ་རེད། གོང་གི་རྩོམ་ཡིག་འདི་བཤག་ཐུབ་མཁན་ཡོད་ན་བཤག་ན་འགྲིག་གི་རེད།
ད་ལྟའི་བཀའ་ཁྲིས་ཨ་མའི་བུ་ལ་ཡོན་ཏན་ཡོད་ན། བཀའ་ཁྲིའི་ཁྲི་ལ་བདག་པོ་མེད་གསུངས་བ་ལྟར། བུ་ཟང་ན་ཐང་ཆེན་པོ་འདུག གླེང་རྒྱུ་ཞེ་དྲག་འདུག དེ་མིན་ཧམ་པས་ཁུངས་མི་འཁྱོལ་བ་དཔེ་མང་པོ་འདུག་གཱ ཧཧཧཧཧ
སུ་ཞིག་ལ་གནས་ལུགས་ཀྱི་རྫོང་མཐུག་ན་དེ་ནི་ནམ་ཡང་ནག་པོ་བཟོ་མི་ཐུབ་ལ་དུང་ཞེན་ཙམ་དང་ཕྱོགས་ཙམ་འཐེན་པས་ནི་ཅི་ཡང་མི་ནུས་ཏེ་རང་མཚངས་སྟོན་པ་ཙམ་དང་། རབ་བྱུང་ན་ང་ཚོར་ཡང་ཨ་རིའི་སྲིད་གཞུང་ལྟ་བུའི་བློ་རྒྱ་ཡངས་པོ་ཞིག་དགོས་པ་ཡིན། དཔེར་ན་སྐྱུག་བྲོ་བའི་ཨ་རི་བ་ཟེར་བའི་རྩོམ་སྤེལ་སྐབས་སྲིད་གཞུང་གིས་གདེང་འཇོག་དང་བརྩི་བཀུར་བྱས་པ་ལྟ་བུ་དགོས་ན་ཡང་། ངེད་ཅག་གིས་ནི་སྐྱུག་བྲོ་བའི་ཀྲུང་ཀོ་བ་ཞེས་བ་འབྲི་སྐབས་ལྟར་བཙོན་དུ་བཅུག་པ་ནི་མ་བྱུང་རུང་ལས་གནས་ནས་ནི་ཕུད་ཚར་བ་རེད། འོ་སྐྱུག་བྲོ་བའི་ཀྲུང་ཀོ་བ་ཟེར་བ་དེ་འབྲི་སྐབས་བཙོན་དུ་འཇུག་མཁན་ནི་རྒྱ་གཞུང་རེད་ཡ། ང་ཚོའི་དེ་ཡང་སྐྱུག་བྲོ་བའི་ཀྲུང་ཀོ་བ་ཟེར་བ་འབྲི་སྐབས་བྱུང་བ་དང་ཅུང་ཐག་ཉེ་འདུག་པ་རེད་ཨང་ངས་ངོ་མ་བཤད་ནས། ང་ལ་ལས་གནས་འཆོར་རྒྱུ་ཅི་ཡང་མེད། རྒྱུ་མཚན་ང་ལ་ལས་ཀ་མེད།
ཤར་ཁུག་གི་བྲིས་པའི་རྕོམ་ཡིག་འདི་ཀློག་སྐབས་ངའི་སེམས་སུ་ཚོར་བ་མི་འདྲ་བ་ཞིག་སྤྲད་སོང་། དེ་ནི་རྩོམ་གྱི་ནང་དོན་ཟབ་པ་དང་རྩོམ་གཤིས་ལེགས་པའི་རྒྱུ་མཚན་གྱི་མིན་པར་རྩོམ་རྫོབ་དེའི་རྒྱབ་ནས་མངོན་པའི་ཀུན་སློང་དེ་རེད། ཤར་ཁུག་ལགས། གལ་ཏེ་ཁྱེད་རང་ཆབ་སྲིད་དཔྱད་དཔྱོད་པ་ཞིག་ཡིན་ན་ཐོག་མར་ཁྱེད་རང་གི་ཀུན་སློང་དེ་ཕྱོགས་སུ་མ་ལྷུང་བར་དྲང་ཚུགས་ལྡན་པ་ཞིག་དགོས་པ་རེད། དེ་ནི་ལོ་རྒྱུས་འབྲི་མཁན་ཚོརའང་ཚང་དགོས་པའི་ཆ་རྐྱེན་གལ་ཆེན་ཞིག་རེད། རང་རེིའི་བཙན་བྱོལ་སྤྱི་ཚོགས་འདི་མང་གཙོའི་སྤྱི་ཚོགས་ཤིག་ཡིན་སྟབས་སྨྲ་བརྗོད་རང་དབང་ཡོད་པ་རེད། འོན་ཀྱང་སྨྲ་བརྗོད་རང་དབང་གི་མཉམ་དུ་འགན་ཁྲི་ཡང་ཡོད་པའི་གནས་ལུགས་དེ་ཁྱེད་རང་གིས་ཤེས་གསལ་རེད། ་དེར་བརྟེན་ཁྱེད་རང་གི་རྩོམ་འདི་རིགས་འབྲི་སྐབས་སྤྱི་ཚོགས་ལ་འགན་ཁྱེར་ཐུབ་པ་བྱེད་དགོས། དེ་ཡང་ཉེ་དུས་ངས་བཀའ་ཁྲིའི་བརྙན་འཕྲིན་གསུང་བཤད་དེ་ཉན་པ་ཡིན། དེའི་ནང་ཁོང་གིས་བོད་ནང་གི་བོད་མིར་རང་ལུས་མེར་བསྲེགས་མི་གཏོང་རྒྱུའི་འབོད་བསྐུལ་གནང་སོང་། དེ་ཁྱེད་རང་གིས་མ་ཐོས་པ་ཨེ་ཡིན། ང་ཚོའི་སྤྱི་ཚོགས་ནང་གཞུང་གི་མཛད་ཕྱོགས་སྲིད་བྱུས་ལ་དགག་བཞག་གི་དཔྱད་དཔྱོད་པ་དགོས་ངེས་ཡིན་ལ་དཔྱད་པ་དེ་ཡང་དྲང་ཚུགས་དང་རྒྱུ་མཚན་ངེས་ཅན་ཡོད་པ་མ་ཟད་བསམ་བློ་གསར་པའང་སྤུངས་དགོས་པ་རེད། དེར་བརྟེན་ཤར་ཁུག་ལགས། ཁྱེད་ཀྱིས་བློ་སེང་ནག་པོ་བཟོ་ཐབས་མ་གནང་རོགས། ཁོང་གི་མཛད་པར་ནག་བསུབ་བཏང་ན་ཐ་མའི་གུན་ཕོག་མཁན་དེ་བོད་མི་རིགས་ཆག་གི་རེད་མ་གཏོགས་ཁོང་མི་སྒེར་གཅིག་ལ་དེ་ཙམ་ཕོག་གི་མ་རེད། དེར་བརྟེན་སྨྱུག་ཐོག་པ་ཚང་མས་རང་རེའི་སྤྱི་ཚོགས་ལ་འགན་ཁྱེར་དགོས་པར་སེམས།
བློ་བཟང་ཆོས་འབྱོར་ཟེར་བ་འདིས། རྟག་ཏུ་སྐྱོན་འདོགས་བྱེད་ས་དང་མ་ཐུབ་པའི་དགྲ་བོ་དེ་བཀའ་ཁྲི་དང་ཕྱག་རོགས་བཀའ་བློན་དག་ལ་ཡིན། ནམ་ཡང་ཁོ་པའི་བོད་ཀྱི་རྩ་དོན་ཐོག་ལ་གཞོགས་འདེགས་དང་ཕན་གྲོགས་ཤིག་མི་བྱེད་པ་ཁོ་པ་རང་གིས་ཐག་བཅད་ཟིན། གཟོད་ནས་ཁོ་པའི་གང་ལབ་པ་ཚང་མ་ཕན་མེད་གནོད་བསྐྱིལ་འུར་གཏམ་དང་ཆིག་བསྒྲིལ་མི་ཡོང་བའི་དཀྲུགས་གཏམ་ཤ་སྟག་ཡིན་པར་ཆོལ་གསུམ་བོད་མི་ཡོངས་ཀྱི་མཁྱེན་དགོས།
ཁུག་རྟ་ལགས་་ཆབ་སྲིད་ཀྱི་འགྲོ་ཕྱོགས་མི་ཤེས་པར་་ངོ་་ཚ་བའི་སྐད་ཆ་དེ་དག་མ་བཤད་རོགས་གནང་་་་ངས་དྲི་ཡ་ཅིག་ལ་་་རྒྱ་གར་རང་བཙན་རྩོད་ལེན་སྐབས་མི་དམངས་གལ་ཚད་ཅིག་ཚུལ་ཇི་ལྟར་བུ་ཤི་ཡོད་མེད་ཤཻས་གུ་ཡོད་པས་„„„„„„„„„„„„„„„„„„„།།།།།།།།།།།།།ཤཻས་ན་ལན་ཅིག་འབྲི་་རོགས་་
ཡང་བསྐྱལ་འདྲི་ཡ་ལ་་ཆོས་སྲིད་གཉིས་ཀྱི་ཁྱད་པར་དང་བདག་ཅག་སྟོན་པ་རབ་བྱུང་ག་རེ་བྱས་ནས་བསྒྲུབ་པ་རེད་་་་༧གོང་ས་མཆོག་གི་ཁ་སྔོན་ཆོས་ལུགས་འཚོགས་འདུ་ཐོག་ཁོང་གི་སྲིད་དབང་མི་བཞེས་པའི་རྒྱུ་མཚན་གཙོ་བོ་ག་རེ་གསུང་བྱུང་„„„„„„„„„„„„„„„„„„„„„„དངོས་གནས་ཤར་ཕྱོགས་ཕོ་ཉ་རང་རེད
ན་གཞོན་རྩོམ་པ་པོ་ཤར་ཕྱོགས་ཁུག་རྟས་བཤད་པ་ལ་དོན་དངོས་རྒྱུ་མཚན་ཆེན་པོ་འདུག
བཀའ་ཤག་གསར་བའི་ད་བར་དུ་བསྐྱར་བསྡུས་ཙམ་མ་གཏོགས་ཁྱོན་ནས་གོ་རྒྱ་ཐོས་རྒྱ་ཅི་ཡང་བྱུང་མ་སོང་བློ་འཚབ་ཆེན་པོ་ཡོད། བོད་མི་རིགས་ཀྱི་རེ་བ་མ་བརླག་རོགས་ཞུ་རྒྱུ་ཡིན། དེ་རིང་ཁ་སང་ལ་ལྟོས་དང་། ང་ཤུ་སོང་ན་་་་་་་་་་་་་་་་་་་་།
རྭ་ལོས།
་་་་ ད་ནི་དོན་དག་གང་ཡིན་ཡང་མི་དམངས་ཀྱིས་བདམས་པའི་དབུ་ཁྲིད་དེས་འགན་ཆེ་ཤོས་འཁྱེར་དགོས་པ་རེད། མི་དམངས་ཀྱིས་འགན་འཁྱེར་དགོས་པ་རེད། འདི་ཙམ་ཡང་མ་ཤེས་པར་ད་དུང་༧གོང་ས་མཆོག་དང་ཁོང་གི་དབུ་མའི་ལམ་བཤད་ནས་བསྡད་ན་ཡོང་གི་རེད་དམ། ་་་་
གསུངས་པ་ལ་གོ་དོན་གཏིང་ཟབ་འདུག་པས་ཁུག་རྟས་ཀྱང་མ་འོངས་པར་རྩོམ་མ་བྲིས་གོང་ལ་ཡག་པོ་མཇམ་པར་བཞག་ནས་སོམས་དགོས་པ་མི་འདུག་གམ། བཀའ་ཁྲི་གསུམ་པ་མཆོག་ཀྱང་རྒྱ་གཞུང་གདུག་རྩུབ་ཅན་ལས་རྒྱལ་འགྱུར་ཅིག བདེན་པ་ཉིད་རྒྱལ་འགྱུར་ཅིག བོད་རྒྱལོ། །
ཅི་འདྲ་མིའི་ཐེབས་ཅག་ཅིག་ཁྱོད་རང་རེད་ཨང་། ཁ་ཉིན་ཁ་བརྡ་དྲ་ཚིགས་ཡིན་པ་ཡོད། ཅིག་གི་ནང་དུ་གཞིས་བྱེས་གཉིས་ཀྱི་བར་ལ་དཀྲུགས་ཤིང་ལྟ་བུ་ཞིག་བརྒྱབ་འདུག དེས་མ་ཟད་སྔོན་ཆད་ཁ་ཁུ་སིམ་པོ་དང་ཁྱོད་རང་གི་ལྟོ་བརྒྱག་དུས་བཀའ་ཤག་ཅེས་ཚིག་གཅིག་བཤད་མྱོང་མེད་ཀྱང་། ད་སྐབས་སྲིད་སྐྱོང་བ་འདིས་ཕྱིར་ཕུད་རྗེས་ནད་མ་ཁྱེག་པའི་སྐད་ཆ་ལྟུག་དྲི་གཏོང་གཏོང་བྱེད་ཀྱི་འདུག དེ་ཁྱོད་རང་ལྟ་བུ་ཞིག་གི་ངོས་ནས་བཤད་ན་འགྲིག་པ་བྱོས་ཆོག་ཅིང་། བོད་ནང་གི་བོད་མི་ཚོར། དཁྱེད་ཚོས་རང་སྲོག་འཕྲོ་བརླག་ལ་མ་གཏོང་། ད་ལྟའི་བོད་གཞུང་འདིསཁྱོད་ཚོར་བདག་རྒྱག་ཐུབ་གི་མ་རེད་ཅེས་བཤད་མཁན་ཁྱོད་རེད། ང་རང་ཡ་མཚན་ས་ནི་ཁྱོད་ཙམ་མ་རེད། ཁ་བརྡ་དང་དུས་བབ་ལྟ་བུ་དག་གིས་ཁྱོད་ལྟ་བུ་ཞིག་ལ་ཡང་དང་རིམ་པས་འདི་ལྟའི་གླེང་སྟེགས་ཤིག་ཇི་ལྟར་སྤྲོད་ཀྱི་ཡོད་ན་བསམ་པ་དེ་ཡིན།
ཁྱོད་ཀྱིས་སྔ་རྗེས་མང་པོ་ཞིག་ལ་བཀའ་ཤག་སྔོན་མས་འཇོན་སོང་མདོག་མདོག་དང་ད་ལྟའི་བཀའ་ཤག་འདིས་འཇོན་གི་མི་འདུག་མདོག་མདོག་བཤད་སོང་། ད་དུང་ཟམ་གདོང་རིན་པོ་ཆེ་ནི་སོ་སོའི་བླ་མ་དང་མཁས་པ་ཐམས་ཅད་ཀྱི་མགོ་གཅོག་མཁན་ཡིན་པ་འདྲ་ཞིག་བཤད་འདུག ཅི་འདྲའི་མི་ལྐུག་པ་ཞིག་རེད་ཨང་།
ཟམ་གདོང་རིན་པོ་ཆེའི་སྐབས་ལ་དོན་དག་གང་དང་ཅི་བྱུང་གི་ཕྱོགས་ལ་ཁྱོད་རང་རྒྱུས་ཡོད་རྒྱུ་མ་རེད་འདོད། གལ་སྲིད་ཡོད་ན་ངེད་གཉིས་ཀྱིས་ག་ལེར་རེ་རེ་བྱས་ནས་བགྲང་ཆོག་གི་རེད།
རང་ལུས་མེར་སྲེག་གི་དོན་དག་འདི་ཟམ་གདོང་རིན་པོ་ཆེའི་སྐབས་ལ་ཡང་བྱུང་བ་རེད། དེའི་སྔོན་ལ་ཡང་བྱུང་བ་རེད། ཚིག་སྣེ་གཅིག་ཀྱང་བསྒྲགས་ཐུབ་ཡོད་པ་མ་རེད། ད་དུང་རྒྱབ་སྐྱོར་བ་ཞིག་ཡོད་མཁན་ཕལ་ཆེ་བ་ཕྱི་སྣུར་བྱས་བཅུག་པ་རེད། མཁས་བ་དག་གི་མགོ་གཅོག་མཁན་ཡིན་ན་པེ་ཅིན་གྱི་མཁས་པ་དེ་ཚོའི་མགོ་གཅོག་མ་ཐུབ་པ་གང་ཡིན་ནམ། རྒྱལ་སྤྱིའི་མཁས་པ་དེ་དག་གི་མགོ་གཅོག་མ་ཐུབ་པ་གང་ཡིན་ནམ།
ངས་དདུང་བཤད་འདོད་པ་ཞིག་ནི། ༧གོང་ས་མཆོག་གི་ཐུགས་རེ་མཐར་ཐུག་ནི་འཚེ་མེད་ཞི་བ་རེད། དབུ་མའི་ལམ་མ་རེད། འདི་གཉིས་ལ་ཁྱད་པར་ཡོད་པ་རེད། དབུ་མའི་ལམ་ནི་༧གོང་ས་མཆོག་གིས་མཚམས་བཞག་ཚར་བ་རེད། དབུ་མའི་ལམ་ཞེས་པ་དེ་ཁོང་གིས་བོད་རྒྱ་གཉིས་ཀར་ཕན་ཆེ་བའི་ལམ་ཁ་ཞིག་ནས་བོད་དོན་ཐག་གཅོད་བྱ་ཐབས་སུ་བཏོན་པའི་སྲིད་བྱུས་ཤིག་རེད། དེ་ལམ་ལྷོང་མ་བྱུང་བ་ཁོང་རིགས་ཀྱིས་ཡང་དང་བསྐྱར་དུ་གསུངས་པ་མ་ཟད། ད་ནི་རེ་བ་མེད་ཚུལ་ཡང་གསུངས་པ་རེད། དེ་ལྟར་ཁོང་གིས་ཆབ་སྲིད་ཀྱི་ཐུགས་འགན་མི་དམངས་ལ་རྩིས་སྤྲད་པ་རེད། ད་ནི་དོན་དག་གང་ཡིན་ཡང་མི་དམངས་ཀྱིས་བདམས་པའི་དབུ་ཁྲིད་དེས་འགན་ཆེ་ཤོས་འཁྱེར་དགོས་པ་རེད། མི་དམངས་ཀྱིས་འགན་འཁྱེར་དགོས་པ་རེད། འདི་ཙམ་ཡང་མ་ཤེས་པར་ད་དུང་༧གོང་ས་མཆོག་དང་ཁོང་གི་དབུ་མའི་ལམ་བཤད་ནས་བསྡད་ན་ཡོང་གི་རེད་དམ།
ད་དུང་གཅིག་ཡོད། ད་སྐབས་༧གོང་ས་མཆོག་དང་ཁོང་གི་དབུ་མའི་ལམ་གླེང་ཞོར། བོད་གཞུང་དང་སྐུ་སྒེར་ཡིག་ཚང་གི་བར་ལ་གཏོ་འཕེན་མཁན་འགའ་ཤས་འདུག་ལ། དེའི་ནང་གི་གཅིག་ནི་ཁྱོད་རང་རེད། ཁྱོད་ལ་ནུས་པ་ཅི་ཡང་མེད་རུང་། སུ་ཞིག་གི་ལག་རྡོ་ཡིན་མིན་སུ་ལ་ཡང་གསལ་བོ་རེད། ད དུང་ཁ་ཉིན་གཞིས་བྱེའ་གཉིས་ཀྱི་བར་ལ་དཀྲིགས་ཤིང་ལྟ་བུའི་འཕྲིན་ཡིག་འདྲ་བོ་ཞིག་དྲ་ཐོག་ལ་སྤེལ་འདུག དེ་ནི་ཁྱོད་ལས་ཀྱང་དྲ་བདག་དེ་ཚོར་འགན་ཆེན་པོ་ཡོད་པ་རེད་འདོད། གནས་སྐབས་རིང་དེ་འདྲ་བོ་བྱོས། སྒེར་ངོས་ནས་ཁྱོད་ལ་དགྲ་བསགས་པ་འདྲ་ཅི་ཡང་མེད།
སྐྱོན་བརྗོད་འདི་ལ་དོན་དམ་གྱི་གནས་ལུགས་དང་རྒྱུ་མཚན་ཅི་ཡང་མི་འདུག་པས།རྗེས་སུ་ཤར་ཕྱོགས་ཁུག་རྟ་ལགས་ཀྱི་གནད་ལ་ཁེལ་བའི་སྐྱོན་དག་ཐེར་འདོན་བྱེད་ཐུབ་ཚེ་དངོས་གནས་ཕན་ནུས་ཆེ་བར་མཐོང་།
ཁུ་རྟ་ལགས། ཁྱེད་ཀྱིས་ཁུ་བྱུག་གིས་གནམ་ཆུ་སྒུག་པ་ལྟར་བཀའ་ཤག་གསར་པའི་སྲིད་ཇུས་ནས་ལམ་དབུ་མའི་སྒྲུབ་བྱ་དང་འགལ་ཟླའི་སྒྲུབ་བྱེད་ཅིག་རག་ཐབས་བྱས་པ་དེ། ངས་བལྟས་ན་ཕལ་ཆེར་ལམ་ལྷུང་ཡོང་ཁག་པོ་འདུག གཅིག་ནས་དེའི་སྐོར་འགལ་ཟླའི་གནས་ཚུལ་ཞིག་བསླང་དགོས་ན། ངེས་པར་དུ་རྒྱུ་མཚན་གཏིང་ཟབ་ཡོད་པ་དང་། དོན་དངོས་ར་འཕྲོད་པ་ཞིག་དགོས་ཀྱི་རེད། ད་དུང་ཁྱེད་ཀྱིས་བཀའ་ཤག་གསར་པས་ཉེ་འཆར་བརྙན་འཕྲིན་ནང་གི་འབོད་སྐུལ་ནང་དུའང་བོད་མི་ཚོའི་ཞེ་འཁོན་ཇེ་ཆེར་འགྲོ་བཞིན་པ་གསུངས་པ་དེ་ཁོ་ན་ལག་ཆར་ཁྱེར་ཏེ། ཚེ་སྲོག་གཏོང་རྒྱུར་ཅི་མི་སྙམ་པའི་སྲིད་བྱུས་འཛིན་གྱི་ཡོད་པ་ལྟབུ་སྙད་འདུག་མོད། དེ་ནི་ཁྱེད་ལ་གོ་འཛོལ་བྱུང་བ་ཙམ་ལས་དོན་དངོས་ཐོག་དབུ་མའི་ལམ་གྱི་སྒྲུབ་བྱེད་ཡིན་ཞིང་། ཉེན་ཁའི་འགན་བབ་དེ་རྒྱ་ནག་གི་དབང་འཛིན་པ་ཚོར་ཡོད་པར་གསུང་གིིན་ཡོད་པ་རེད། གྲོགས་པོ་ལགས། དགོངས་པ་ཡག་པོ་ཞིག་བཞེས་དང་། ང་དང་ཀློག་པ་པོ་མང་པོ་ཞིག་གིས་་་ཁྱེད་ཀྱི་་་( ཚེ་སྲོག་གཏོང་བ་དང་ཞེ་འཁོན་ཇེ་ཆེར་འགྲོ་གཞིའི་ལས་འགུལ་རིགས་བྱུང་བ་ཡིན་ན་དེ་ནི་དབུ་མའི་ལམ་གྱི་ལས་འགུལ་སྤེལ་ཕྱོགས་དང་མཐུན་གྱི་མེད་ཀྱང་།)ཞེས་པའི་ཚིག་མདའ་དེ་༢༠༡༡ ལོར་རང་ལུས་བོད་ཀྱི་ཆེད་དུ་མེར་སྒྲོན་པའི་གཤིན་པོ་དག་གི་རྣམ་ཤེས་ལ་ཐེབས་རྒྱུའི་ཉེན་ཁ་ཆེན་པོ་འདུག གྲོགས་པོ་ལགས། དེའི་འདྲའི་རྩ་བ་ནས་མ་གསུང་། མ་ཟད་ཁྱེད་ཀྱིས་(བཀའ་ཤག་གསར་པས་རང་ལུས་མེར་བསྲེགས་ཐད་ཀྱི་ལྟ་ཚུལ་ཁ་གསལ་གནང་དགོས་པ་དང་།)ཞེས་གསུངས་པ་དེའི་ཐད། བཀའ་ཤག་གསར་པའི་བརྙན་འཕྲིན་ནང་ནས་ལས་འགུལ་དེའི་རིགས་མ་སྤེལ་རོགས་ཞེས་འབོད་སྐུལ་བོད་ཕྱི་ནང་གཉིས་སུ་ཞུས་པ་དང་། དེའི་རྒྱབ་རྟེན་ལྟབུ་༸གོང་ས་མཆོག་གི་བཀའ་སློབ་དྲངས་པ་དེ་རེད། བོད་རྒྱ་ཞི་མོལ་གྱི་གྲ་སྒྲིག་ཆ་ཚང་ཡོད་ཅེས་བརྒྱུད་ལམ་ཁག་ནས་ཡང་ཡང་གསུངས་པའང་དབུ་མའི་ལམ་མ་དང་དེའི་སྒྲུབ་བྱེད་ལ་མཐོང་ཆེན་བྱས་པ་ཞིག་ཡིན། བཀའ་ཤག་གིས་བཀའ་སློབ་དེ་དྲངས་པ་མ་གཏོགས་བརྩི་ཡི་འདུག་ཅེས་པ་ཏག་ཏག་བསྡད་མི་འདུག་་་་་་མ་རེད་པས། ཨ་་་་དྲང་པོ་བྱོས་དང་་་་་་