སྙན་བཟང་གཡུང་དྲུང་ཚེ་རིང༌།
བོད་ཀྱི་དཔའ་རྟུལ་ཚོས་རང་ལུས་མེར་སྲེག་དང་ལས་འགུལ་གསར་པ་འདིའི་ནུས་སྟོབས་ལ་བརྟེན་ནས་འགྱུར་བ་ཞིག་ཐེབས་པ་ངས་རེ་བ་བྱས་པ་ཡིན། རྒྱལ་སྤྱིའི་སྤྱི་ཚོགས་ཀྱིས་ད་ལྟའི་བོད་ཀྱི་གནས་སྟངས་ཧ་ཅང་སྐྱོ་བོ་ཡིན་པའི་ཐད་ལ་སྔོན་ཆད་དང་མི་འདྲ་བར་རྒྱབ་སྐྱོར་ཆེན་པོ་གནང་སྟེ་བོད་དོན་ལ་འགྱུར་བ་ཞིག་ཐེབས་པའམ། ཡང་ན་རྒྱ་ནག་གཞུང་གིས་བཙན་བྱོལ་བོད་གཞུང་གིས་གླེང་བཞིན་པའི་ཞི་བའི་དོན་ཚན་ལྔ་ཁས་ལེན་གྱིས་བོད་ལ་རང་སྐྱོང་སྤྲོད་སྲིད་པའི་འགྱུར་བ་དེ་འདྲ་མིན། ངའི་རེ་བ་ནི་བཙན་བྱོལ་བོད་གཞུང་གིས་རྒྱ་ནག་ལ་འཛིན་པའི་སྲིད་ཇུས་དང་སྲིད་ཇུས་བཅོས་བསྒྱུར་གྱི་འགྱུར་བ་དེ་ཡིན།
བོད་དུ་རང་ལུས་མེར་སྲེག་གི་ལས་འགུལ་བྱུང་མ་ཐག བཙན་བྱོལ་བོད་གཞུང་གིས་ནུས་པ་ཡོད་ཚད་ཀྱིས་བོད་ནང་གི་འཐབ་རྩོད་འདི་རྒྱལ་སྤྱིར་ཁྱབ་བསྒྲགས་དང༌། ངོ་རྒོལ་གྱི་ལས་འགུལ་སྤེལ་བཞིན་གདུང་སེམས་མཉམ་བསྐྱེད་གནང་སོང༌། དེ་རིང་གི་གསར་འགྱུར་ཁག་ལ་བལྟས་ན་བཙན་བྱོལ་བོད་གཞུང་གིས་ངོ་རྒོལ་གྱི་ལས་འགུལ་མུ་མཐུད་དུ་སྤེལ་རྩིས་ཡོད་པ་འདྲ། རྗེས་སུ་ཡི་རང་ཡོད། བོད་གཞིས་ལུས་མི་དམངས་དང་ལྷག་པར་དུ་བོད་ཀྱི་དཔའ་རྟུལ་རྣམས་ནི་བཙན་བྱོལ་བོད་གཞུང་ལ་སྐུ་དྲིན་ཆེན་པོ་ཡིན་སྟབས་ངོ་རྒོལ་སྤེལ་འོས་པ་ཞིག་ཀྱང་རེད། ཡིན་ནའང་ད་བར་དུ་བཙན་བྱོལ་བོད་གཞུང་གི་ངོས་ནས་རྒྱ་ནག་གི་སྲིད་ཇུས་ལ་ངོ་རྒོལ་དང༌། བོད་གཞིས་ལུས་མི་མང་གི་སྙིང་སྟོབས་ལ་བསྟོད་བསྔགས་གནང་ཡོད་པ་མ་གཏོགས། བོད་གཞིས་ལུས་མི་དམངས་ཀྱི་རེ་འདོད་དང་མཐུན་པའི་སྲིད་ཇུས་ཤིག་སྤེལ་མེད། ལྷག་པར་དུ་བོད་རང་དབང་གི་ཆེད་དུ་རང་སྐུ་མེ་ལ་བསྒྲོན་པའི་ལས་འགུལ་གསར་པ་འདི་འདྲ་བྱུང་སྐབས་ཀྱང༌། བཙན་བྱོལ་བོད་གཞུང་གིས་ནུས་པ་ཡོད་ཚད་ངོ་རྒོལ་ལས་འགུལ་གྱི་ཕྱོགས་ལ་གཏོང་རྩིས་ཡོད་པ་ལས་དེའི་ནུས་པའི་ཆ་ཕྲ་མོ་ཙམ་ཡང་སྲིད་ཇུས་བཅོས་བསྒྱུར་གྱི་ཕྱོགས་ལ་གཏོང་རྩིས་ཡོད་པའི་མཚོན་རྟགས་ཅི་ཡང་མ་མཐོང༌།
ང་ནི་བཙན་བྱོལ་བོད་གཞུང་གི་སྲིད་ཇུས་འདི་འགྱུར་བ་གཏོང་དགོས་ཟེར་མཁན་ཁྲོད་ཀྱི་གཅིག་ཡིན། དེར་རྒྱུ་མཚན་འགའ་ཡོད་ཀྱང་དེ་དག་ཕྱོགས་གཅིག་ཏུ་བསྡུས་ན་རང་སྲིད་རང་སྐྱོང་གི་སྲིད་ཇུས་ནི་བོད་གཞིས་ལུས་མི་དམངས་ཀྱི་མངོན་འདོད་མ་རེད་ཅེས་པ་དེ་ཡིན། བཙན་བྱོལ་བོད་གཞུང་ནི་བོད་མི་ས་ཡ་དྲུག་གི་སྐུ་ཚབ་ཡིན་པ་རེད། བོད་ཀྱི་སྐུ་ཚབ་ཀྱིས་བོད་རྒྱ་ཆེའི་གཞིས་ལུས་མི་དམངས་ཀྱི་མངོན་འདོད་བསྒྲུབ་དགོས་པ་རེད་མ་གཏོགས། མངོན་འདོད་གཞན་པ་ཞིག་སྒྲུབ་པ་ཡིན་ན་སྐུ་ཚབ་ཏུ་མ་གྱུར་པ་རེད། ད་བར་དུ་བོད་རྒྱ་ཆེའི་གཞིས་ལུས་མི་དམངས་ནི་རྒྱ་ནག་གི་མནར་གཅོད་མྱོང་མཁན་དང༌། བཙན་བྱོལ་བོད་གཞུང་ནི་དྲིལ་བསྒྲགས་གནང་མཁན་ལྟ་བུར་གྱུར་ཡོད་པ་ནི་ང་ཚོ་ངོ་གནོངས་དགོས་པའི་གནས་ཤིག་ཡིན།
བོད་གཞིས་ལུས་མི་དམངས་ཚོས་བོད་རང་དབང་གི་ཆེད་དུ་དུས་དང་དུས་སུ་རྒྱ་གཞུང་ལ་ངོ་རྒོལ་གྱི་ལས་འགུལ་རྒྱུན་མ་ཆད་པར་གནང་ཡོད། ལྷག་པར་དུ་ལོ་གཉིས་ཀྱི་གོང་ནས་བཟུང་བོད་དུ་རང་ལུས་མེར་བསྲེག་གི་མེ་ལྕེ་དམར་པོ་མཆེད་དང་མཆེད་མུས་ཀྱི་མུར་ཡོད། འདི་རྩ་ཆེན་པོ་རེད། འདི་རྩ་ཆེན་པོ་ཡིན་པའི་རྒྱུ་མཚན་ནི། བོད་གཞིས་ལུས་མི་དམངས་ཚོས་རྒྱ་ནག་གི་སྲིད་ཇུས་ལ་འདོད་པ་མ་ཁེངས་པར་བོད་རང་དབང་བརྩོན་ལེན་གྱི་ཐད་ལ་རང་ལུས་དྲོན་མོ་སྦྱིན་པ་གཏོང་གི་ཡོད། འདིས་ད་ལྟ་དང་མ་འོངས་པར་ཡང་བོད་མི་རིགས་ཀྱི་རྩ་དོན་འཛམ་གླིང་འདིའི་སྟེང་དུ་མཁྲེགས་པོར་གནས་འཇུག་ཐུབ། ཡང༌། བཙན་བྱོལ་བོད་གཞུང་གིས་བོད་གཞིས་ལུས་མི་དམངས་ཚོས་བོད་རང་བཙན་གྱི་ཆེད་དུ་ལས་འགུལ་སྤེལ་བཞིན་པ་དང༌། བོད་རང་བཙན་ནི་བོད་གཞིས་ལུས་མི་དམངས་ཀྱི་མངོན་འདོད་ཡིན་པ་མཁྱེན་གྱི་ཡོད་ནའང༌། རྒྱ་ནག་ལ་འཛིན་པའི་སྲིད་ཇུས་དེ་ཡང་གློ་བུར་དུ་བསྒྱུར་ཆོག་ཆོག་མིན་སྟབས། དེ་ལ་རྒྱུ་མཚན་ཞིག་དགོས་ཤིང༌། ད་ཐེངས་བོད་ནང་དུ་བྱུང་དང་འབྱུང་བཞིན་པའི་རང་ལུས་མེར་སྲེག་གི་ལས་འགུལ་འདི་ལས་ལྷག་གི་རྒྱུ་མཚན་གཞན་པ་ཞིག་ང་ཚོར་འདྲེན་རྒྱུ་མེད་སྟབས། འདི་རྩ་ཆེན་པོར་གྱུར་པའི་གནད་འགག་གཞན་པ་འདི་རེད།
ཕྱོགས་ངོས་གཞན་ཞིག་ནས་བཤད་ན། བཙན་བྱོལ་བོད་གཞུང་གིས་རྒྱ་ནག་ལ་འཛིན་པའི་སྲིད་ཇུས་བཅོས་བསྒྱུར་གྱིས་བོད་རང་བཙན་གྱི་ལམ་དུ་ཕྱིན་ཚེ་དེས་ྋརྒྱལ་བ་རིན་པོ་ཆེའི་དགོངས་གཞི་དང༌། རྒྱལ་སྤྱིའི་རོགས་སྐྱོར། རྒྱ་ནག་གི་ངོས་ལེན་སོགས་ལ་དོ་ཕོག་གཏོང་བར་དགོངས་བཞེས་གནང་མཁན་ཡོད་ན་ནི། སྔོན་ཆད་དང་དེ་རིང་གི་གནས་སྟངས་མི་འདྲ་བ་མ་ཟད། དེ་རིང་གི་བོད་ནང་གི་གནས་སྟངས་ནི་ཆེས་ཛ་དྲག་པོ་དང་ཨུ་ཐུག་ཐབས་ཟད་ཀྱི་གནས་སུ་ལྷུང་ཡོད། ལྷག་པར་དུ་བོད་རང་བཙན་ནི་བོད་མི་རིགས་ཀྱི་ཐོབ་ཐང་ཡིན་དུས། བོད་མི་དམངས་ཀྱི་འདོད་བློ་དང་འཚམ་པའི་སྲིད་ཇུས་གང་ཞིག་སྤེལ་ནའང༌། དེས་ྋརྒྱལ་བ་རིན་པོ་ཆེའི་ཐུགས་དགོངས་ཕམ་མི་སྲིད་ལ། བླ་སློབ་ཀྱི་འབྲེལ་བ་དང༌། ྋརྒྱལ་བ་རིན་པོ་ཆེའི་གཟི་བརྗིད་འཛམ་གླིང་འདིའི་སྟེང་ནས་རྩ་ཡལ་དུ་འགྲོ་མི་སྲིད། དེ་བཞིན་དུ་བོད་རང་བཙན་གྱིས་རྒྱལ་སྤྱིའི་སྤྱི་ཚོགས་ཀྱི་གནས་བབ་དང་དཔལ་འབྱོར་སོགས་ཀྱི་ཐད་ལ་དོ་ཕོག་རྩ་ནས་གཏོང་གི་མེད་སྟབས། དྲང་བདེན་ལ་དགའ་བའི་མི་དག་གིས་འདས་པའི་དུས་སུའང་ང་ཚོར་རྒྱབ་སྐྱོར་གནང་བ་རེད་ལ། མ་འོངས་པར་ཡང་རྒྱབ་སྐྱོར་གནང་ངེས་རེད། འདི་ལ་དོགས་པ་རྣམ་རྟོག་གནང་མི་དགོས་པ་འདྲ། མ་འོངས་པར་རྒྱ་ནག་གིས་བོད་རང་བཙན་ལ་དངོས་ཤུགས་བརྒྱུད་གསུམ་ནས་གནོན་ཤུགས་དང་རྒོལ་གཏམ་གཏོང་རྒྱུ་ཡིན་པ་ནི་གསལ་པོ་ཡིན་ནའང་༌། དེ་ལ་ང་ཚོས་ཀྱང་ཐབས་ཤེས་ཡོད་རྒུ་རྩལ་སྤྲུགས་ཀྱིས་གདོང་ལེན་བྱེད་དགོས་པ་མ་རེད་དམ།
ང་ཚོར་བཙན་བྱོལ་བོད་གཞུང་གིས་རང་བཙན་བརྩད་ནའང་གྲུབ་འབྲས་མ་བྱུང་བ་རེད་ཅེས་པའི་སྐད་ཆ་སྙིང་རྗེ་པོ་ཞིག་ཡོད། སྐད་ཆ་དེ་ནི་བདེན་པ་ཆ་ཚང་བ་ཞིག་མིན། ང་དགུ་ལོར་ང་ཚོ་བཙན་བྱོལ་བ་གྱུར་ནས་བདུན་བཅུ་དོན་དགུ་ལོའི་བར་དུ་ང་ཚོའི་འཐབ་རྩོད་ཀྱི་ནུས་པ་ཡོད་ཚད་བཙན་བྱོལ་བོད་གཞུང་དང་དེའི་ལས་ཁུངས་མ་ལག་དང་བཅས་པ་འཛུགས་སྐྲུན་བྱེད་པའི་ཕྱག་ལས་སྟེང་དུ་ཤོར་ཡོད། སྐབས་དེར་ང་ཚོས་འདས་པའི་དུས་སུའང་བོད་རང་བཙན་ཡིན། མ་འོངས་པར་ཡང་རང་བཙན་དགོས་པའི་བསམ་བློའི་འོག་ཏུ་འགྲེངས་ཏེ་རང་བཙན་གླེང་བ་མ་གཏོགས་དོན་དངོས་སུ་ཐབས་ཤེས་ཡོད་ཚད་རྩལ་བཏོན་གྱིས་ཕྱག་ལས་གནང་མེད། ཕྱིས་སུ་བཙན་བྱོལ་བོད་གཞུང་འགྱེལ་ས་ནས་ལངས་ཐུབ་པའི་སྐབས་དེར་གློ་བུར་དུ་ལམ་དབུ་མ་ཞེས་པའི་སྲིད་ཇུས་འདིས་ཡོད་ཚད་ལ་གསར་བརྗེ་བྱས་ཡོད།
ད་ཐེངས་ཀྱི་བོད་ནང་གི་རང་ལུས་མེར་སྲེག་གི་ལས་འགུལ་འདི་ལ་བརྟེན་ནས་ང་ཚོ་བོད་རང་བཙན་གྱི་ལམ་དུ་ཕྱིན་ནའང༌། མ་འོངས་པར་རང་བཙན་རེག་མི་རེག་གི་སྐོར་ལ་འདི་འདྲ་ཞིག་དྲན་བྱུང༌། རྒྱ་ནག་གིས་ང་ཚོར་རང་བཙན་ཕར་ཞོག བོད་རང་སྐྱོང་ཡང་ནམ་ཡང་སྤྲོད་མི་སྲིད། རྒྱ་ནག་གིས་ང་ཚོར་བོད་རང་སྐྱོང་སྤྲོད་པ་ལ་ཐོག་མར་ང་ཚོས་བོད་ནི་རང་བཙན་གྱི་རྒྱལ་ཁབ་ཅིག་མིན་པ་ཁས་ལེན་བྱ་དགོས་སྟབས། དོན་གྱི་རྩ་བ་འདི་ནས་འགག་ཚར་ཡོད། དེ་ལ་བསམས་ན་ད་ནི་ང་ཚོས་བོད་ཀྱི་རང་སྐྱོང་ལ་ངང་སྒུག་བྱེད་རྒྱུ་མེད་པ་འདྲ། གཙོ་བོ་རྒྱ་ནག་གི་འགྱུར་བ་དང༌། རྒྱ་ནག་ལ་ཕྱོགས་ཡོངས་ནས་འགྱུར་བ་ཞིག་ཐེབས་པ་ཡིན་ན་བོད་ཀྱི་གནད་དོན་ལའང་འགྱུར་བ་ཞིག་ཏན་ཏན་ཐེབས་རྒྱུ་ཡིན་པའི་ངེས་པ་མེད།
མི་ལུས་ནི་རིན་པོ་ཆེ་ཡིན་པ་ནི་སྨོས་མེད་ཡིན། ཡིན་ནའང་མི་ལུས་རྒྱལ་ཁབ་དང་མི་རིགས་ཀྱི་ཆེད་དུ་གཏོང་མཁན་རྣམས་ནི་ངོ་མ་རླབས་ཆེན་རེད། ང་ཚོས་ཀྱང་རླབས་ཆེན་གྱི་དཔའ་རྟུལ་འདི་དག་གི་ལས་འགུལ་འདི་དག་གོ་སྐབས་དང་རྒྱུ་མཚན་ཅན་དུ་བགྲངས་ནས་བོད་རང་བཙན་གྱི་ལམ་དུ་འགྲོ་ཐུབ་ཚེ། འདིས་བོད་གཞིས་བྱེས་གཉིས་ཀྱི་བར་ལ་བླ་ན་མེད་པའི་ཆིག་སྒྲིལ་བཟོ་ཐུབ་པ་མ་ཟད། འདིས་བོད་གཞིས་ལུས་མི་དམངས་ཀྱི་ཐུགས་དགྱེས་ཤིང༌། ལྷག་པར་དུ་རྣམ་མཁྱེན་རྒྱལ་བའི་སར་གཤེགས་པའི་དཔའ་བོ་དཔའ་མོ་ཚོས་ཀྱང་ཕྱག་རྡེབ་གནང་ངེས་རེད། མདོར་ན་བོད་གཞིས་ལུས་མི་དམངས་ཀྱི་སེམས་ཤུགས་ཆགས་མི་ཆགས་དང༌། བཙན་བྱོལ་བོད་གཞུང་གནས་མི་གནས་ཀྱང་འདི་ལ་འབྲེལ་བ་ཡོད་སྟབས། བཙན་བྱོལ་བོད་གཞུང་གིས་ལས་འགུལ་གསར་པའི་རིགས་ཀྱི་དབུ་འཁྱུད་ཐོག་མ་འདི་ནས་བྲིས་ཏེ། ད་ལྟའི་བོད་མི་དམངས་སྤྱི་དང་མ་འོངས་བོད་ཀྱི་བུ་རབས་ཚ་བརྒྱུད་རྣམས་ཀྱི་ཆེད་དུ་མངོན་ལྐོག་མེད་པའི་དྲང་བདེན་གྱི་སྲིད་ཇུས་ཤིག་གནང་བར་འབོད་སྐུལ་ཞུ་བཞིན་ཡོད།
སྙན་བཟང་ལགས། མི་སུ་ཞིག་ཡིན་ཀྱང་རང་དབང་དགོས་པ་དེ་ཆོས་ཉིད་རེད། རང་དབང་ནི་མི་ཙམ་མ་ཟད་དུད་འགྲོ་རྣམས་ཀྱི་ཀྱང་མངོན་འདོད་རེད། དེ་ལ་རྩོད་པ་མེད་པ་རེད། འོན་ཀྱང་སེམས་ནང་གི་མངོན་འདོད་དང་མིག་འདུན་གྱི་འཚོ་བ་གཉིས་མཚམས་རེ་ཁ་གཏད་དུ་ལང་གི་ཡོད་པ་དེའང་དངོས་ཡོད་རེད། ང་ཚོ་བོད་རིགས་ཚོར་མཚོན་ནའང་རང་བཙན་འདོད་པ་ནི་རྩོད་མེད་རེད། འོན་ཀྱང་༧གོང་ས་མཆོག་དང་བོད་གཞུང་གི་སེམས་ནང་གི་རང་དབང་ལས་མིག་མདུན་གྱི་དབུ་མའི་ལམ་དེ་བོད་པའི་ཁེ་ཕན་སྒྲུབ་རྒྱུར་བར་ཐག་ཉེ་བ་ཡོད་པར་གཟིགས་ཏེ་སྲིད་བྱུས་དེ་བཟུངས་པ་རེད། དེ་ནི་རྒྱང་རིང་གི་རྒྱ་མཚོ་ལས་མིག་མདུན་གྱི་ཁྲོན་པའི་ཆུ་དེ་སྐོམ་གདུང་སེལ་རྒྱུར་ནུས་པ་ཆེ་བ་ཡོད་པ་དང་གཅིག་མཚུངས་རེད། དེ་གཅིག་ཡིན། གཉིས་ནས་ཁྱེད་རང་གིས་ང་དགུ་ལོར་ང་ཚོ་བཙན་བྱོལ་བ་གྱུར་ནས་བདུན་བཅུ་དོན་དགུ་ལོའི་བར་དུ་ང་ཚོའི་འཐབ་རྩོད་ཀྱི་ནུས་པ་ཡོད་ཚད་བཙན་བྱོལ་བོད་གཞུང་དང་དེའི་ལས་ཁུངས་མ་ལག་དང་བཅས་པ་འཛུགས་སྐྲུན་བྱེད་པའི་ཕྱག་ལས་སྟེང་དུ་ཤོར་ཡོད།ཞེས་པ་དེ་ནི་ཡོངས་སུ་དོན་དངོས་དང་མ་མཐུན་པའི་སྐད་ཆ་ཞིག་རེད། དེ་ཡང་བོད་གཞུང་གིས་རྒྱལ་ཚོགས་གཅོ་འགྱུར་གྱི་འབྲེལ་ཡོད་རྒྱལ་ཁབ་ཁག་ལ་འབྲེལ་ལམ་གང་ལྕོགས་གནང་སྟེ་བོད་དོན་དེ་རྒྱལ་ཚོགས་སྟེང་ཁྱེར་བ་རེད་ལ་གྲོས་ཆོད་ཀྱང་མི་ཉུང་བ་ཞིག་བཞག་ཡོད། དེ་བཞིན་དུ་རང་ཐག་རང་གཅོད་ཀྱི་ཐ་སྙད་དེ་ཡང་ཨ་རིས་བོད་ཐོག་བཀོལ་སྤྱོད་ཀྱིས་བོད་དོན་དེ་རང་ཐག་རང་གཅོད་ཀྱི་ལམ་ནས་ཐག་གཅོད་གནང་རྒྱུའི་སྲིད་བྱུས་ཨ་རིས་བཟུངས་པ་རེད། འོན་ཀྱང་དེ་དབྱིན་ཇི་དང་རྒྱ་གར་སོགས་པའི་རང་ཉིད་ཀྱི་ཁེ་ཕན་དང་འབྲེལ་ཡོད་ཀྱི་རྒྱལ་ཁབ་མང་པོས་ལམ་བུ་དེ་བཀག་པ་རེད། དེ་དང་དེ་འདྲ་བའི་འབད་བརྩོན་རབ་དང་རིམ་པ་མང་པོ་གནང་པ་རེད། གཉིས་ནས་བཙན་བྱོལ་བོད་གཞུང་གིས་རང་བཙན་སྲ྄ིད་བྱུས་བཟུང་ཚེ་དེ་སྔོན་དང་མི་འདྲ་བའི་ཐབས་བྱུས་གསར་པ་ཞིག་ཁྱེད་རང་གསུངས་རྒྱུ་ཡོད་དམ། ཁྱེད་རང་བྱས་ན་ང་ཚོས་རང་བཙན་ཇི་ལྟར་བརྩོད་དགོས་སམ། དྲག་པོའི་ལམ་ནས་བརྩོད་ཀྱི་ཡིན་ནམ་ཡང་ན་ཞི་བ། དེ་མིན་རྒྱལ་སྤྱིའི་སྟོོབས་ཤུགས་ལ་བརྟེན་ནས་བརྩོད་ངེས་ཡིན། དྲག་པོའི་ལམ་ནས་བརྩོད་ན་གོ་མཚོན་གང་ནས་རག་གི་རེད་དམ། ཞི་བའི་ལམ་ནས་བརྩོད་ན་ང་ཚོས་ད་བར་ཞི་ལམ་ནས་བརྩད་པ་རེད། འོན་ཀྱང་ང་ཚོའི་མངོན་འདོད་ད་དུང་འང་འགྲུབ་མེད་པར་ེད། དེ་བཞིན་དུ་རྒྱལ་སྤྱིའི་རྒྱབ་སྐྱོར་གྱི་སྟོབས་ཤུགས་ལ་བརྟེན་ན་ང་ཚོས་ཐོག་མར་རྒྱལ་སུ་ལ་རེ་ལྟོས་བཅོལ་དགོས་སམ། རྒྱལ་ཚོགས་ལ་རེ་བ་རྒྱག་ས་མེད་པ་ནི་ས་རིས་ཐང་གསལ་རེད། གང་ཡིན་ཟེར་ན་བདེ་འཇགས་ལས་ཁུང་གི་ཁོངས་མི་གཅིག་རྒྱ་ནག་ཡིན་པའི་ཕྱིར། མིག་མདུན་གྱི་དཔེ་མཚོན་གསལ་ཤོས་གཅིག་ནི་སི་རཱི་ཡ་རེད། ར་ཤི་ཡ་དང་རྒྱ་ནག་གིས་བདེ་འཇགས་ལས་ཁུང་གི་ཐོབ་ཐང་སྤྱད་ནས་རྒྱལ་ཚོགས་ཀྱིས་སི་རི་ཡར་ལག་པ་འཆང་རྒྱུར་བཀག་དང་འགོག་བཞིན་པ་རེད།
སྙན་བཟང་ལགས་ཀྱིས་ཁོའི་རང་གི་བསམ་ཚུལ་ཡག་པོ་བྲིས་འདུག་པས་རྒྱབ་སྐྱོར་དང་བཀའ་དྲིན་ཆེ་ཞུ་བ་ཡིན་། ང་ཚོ་སུ་ཡིན་ཡང་རང་མི་རིགས་ཀྱི་རྩ་དོན་འགག་སྒོ་དག་ལ་མནོ་བསམ་བཞེས་རྒྱུ་དེ་ཤིན་ཏུ་གལ་ཆེ།
མི་ཞིག་ཡིན་ན་རང་གི་ལངས་ཕྱོགས་བརྟན་པོར་གནས་དགོས། མུ་མཐུད་དུ་ཤུ་རེ་བྱོས།
ཆབ་བྲག་ལགས། དེང་སང་བོད་དུ་རང་ལུས་སྲེག་མཁན་ཕལ་ཆེ་བའི་འབོད་ཚིག་དང་ཞི་རྒོལ་བ་རྣམས་ཀྱིས་འབོད་སྒྲ་ནི་བོད་རང་བཙན་ནམ་རང་དབང་རང་བཙན་དང་རྒྱལ་བ་རིན་པོ་ཆེ་བོད་ནང་གདན་འདྲེན་ཞུ་དགོས་ཞེས་པ་དག་ཡིན་པ་ནི་མངོན་གསལ་དོད་པོ་དང་། ས་རིས་ཐང་གསལ་གྱི་དཔང་རྟགས་འཕེར་ངེས་དང་། བོད་དུ་བོད་པ་རྒྱུས་ཅན་ཡོད་བཞིན་དུ། རང་དབང་ལ་སྒྱུར་མཁན་དྷ་སའི་སྲིད་དོན་པའི་ནང་ནས་ཁྱེད་ཡང་གཅིག་ཡིན་པ་འདྲ། རང་ལུས་མེ་བསྲེགས་གཏོང་མཁན་རྣམས་ཀྱི་འབོད་ཚིག་རེ་རེ་བཞིན་ཞིབ་འཇུག་བྱེད་མ་ཐུབ་ཀྱང་དཔའ་བོ་མི་ཉུང་བའི་འབོད་སྒྲ་རང་བཙན་ཡིན་པ་ཡོངས་གྲགས་རེད། སྤྲུལ་སྐུ ་བསོད་བྷེས་རང་ལུས་ཞུགས་འབུལ་སྐབས་སུ། དེ་བས་ཀྱང་རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས། བོད་རང་དབང་རང་བཙན་ཡིན་གསུངས་ཡོད། ཉིས་སྟོང་བརྒྱད་ལོའི་འབོད་སྒྲ་གཅིག་གྱུར་དེ་རང་བཙན་ཡིན་པ་ཡོངས་གྲགས་རེད། དེའང་ཁྱེད་ཀྱིས་མ་གསན་པ་ནི་ཡ་རེ་མཚར། གསར་འགོད་པ་ལ་ལས་ཀྱང་རང་བཙན་གྱི་འབོད་སྒྲ་དེ། རང་དབང་ལ་གཡོ་བསྒྱུར་བྱེད་མུས་རེད་དོ།། བདེན་པ་བདེན་ཐོག་བྱེད་དགོས་པ་ལས་དེའང་ཆ་རྐྱེན་ཞིག་གི་འོག་ཏུ་བཅུག་ནས་གཡོ་བཅོས་བྱེད་པའི་བྱ་ལག་མང་ན་བདེན་དོན་འཐབ་རྩོད་དེ་ཡང་ནམ་ཞིག་དོན་དངོས་བདེན་པ་དང་རིང་དུ་གྱེས་ནས་འཁྲབ་གཞུང་ཞིག་འཁྲབ་པ་ལྟ་བུར་འགྱུར་ཉེན་མི་ཆེའམ་ལགས།།
ཆབ་བྲག་ལགས། དེང་སང་བོད་དུ་རང་ལུས་སྲེག་མཁན་ཕལ་ཆེ་བའི་འབོད་ཚིག་དང་ཞི་རྒོལ་བ་རྣམས་ཀྱིས་འབོད་སྒྲ་ནི་བོད་རང་བཙན་ནམ་རང་དབང་རང་བཙན་དང་རྒྱལ་བ་རིན་པོ་ཆེ་བོད་ནང་གདན་འདྲེན་ཞུ་དགོས་ཞེས་པ་དག་ཡིན་པ་ནི་མངོན་གསལ་དོད་པོ་དང་། ས་རིས་ཐང་གསལ་གྱི་དཔང་རྟགས་འཕེར་ངེས་དང་། བོད་དུ་བོད་པ་རྒྱུས་ཅན་ཡོད་བཞིན་དུ། རང་དབང་ལ་སྒྱུར་མཁན་དྷ་སའི་སྲིད་དོན་པའི་ནང་ནས་ཁྱེད་ཡང་གཅིག་ཡིན་པ་འདྲ། རང་ལུས་མེ་བསྲེགས་གཏོང་མཁན་རྣམས་ཀྱི་འབོད་ཚིག་རེ་རེ་བཞིན་ཞིབ་འཇུག་བྱེད་མ་ཐུབ་ཀྱང་དཔའ་བོ་མི་ཉུང་བའི་འབོད་སྒྲ་རང་བཙན་ཡིན་པ་ཡོངས་གྲགས་རེད། སྤྲུལ་སྐུ ་བསོད་བྷེས་རང་ལུས་ཞུགས་འབུལ་སྐབས་སུ། དེ་བས་ཀྱང་རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས། བོད་རང་དབང་རང་བཙན་ཡིན་གསུངས་ཡོད། ཉིས་སྟོང་བརྒྱད་ལོའི་འབོད་སྒྲ་གཅིག་གྱུར་དེ་རང་བཙན་ཡིན་པ་ཡོངས་གྲགས་རེད། དེའང་ཁྱེད་ཀྱིས་མ་གསན་པ་ནི་ཡ་རེ་མཚར། གསར་འགོད་པ་ལ་ལས་ཀྱང་རང་བཙན་གྱི་འབོད་སྒྲ་དེ། རང་དབང་ལ་གཡོ་བསྒྱུར་བྱེད་མུས་རེད་དོ།། བདེན་པ་བདེན་ཐོག་བྱེད་དགོས་པ་ལས་དེའང་ཆ་རྐྱེན་ཞིག་གི་འོག་ཏུ་བཅུག་ནས་གཡོ་བཅོས་བྱེད་པའི་བྱ་ལག་མང་ན་བདེན་དོན་འཐབ་རྩོད་དེ་ཡང་ནམ་ཞིག་དོན་དངོས་བདེན་པ་དང་རིང་དུ་གྱེས་ནས་འཁྲབ་གཞུང་ཞིག་འཁྲབ་པ་ལྟ་བུར་འགྱུར་ཉེན་མི་ཆེའམ་ལགས།།
ཆབ་བྲག་ལགས། དེང་སང་བོད་དུ་རང་ལུས་སྲེག་མཁན་ཕལ་ཆེ་བའི་འབོད་ཚིག་དང་ཞི་རྒོལ་བ་རྣམས་ཀྱིས་འབོད་སྒྲ་ནི་བོད་རང་བཙན་ནམ་རང་དབང་རང་བཙན་དང་རྒྱལ་བ་རིན་པོ་ཆེ་བོད་ནང་གདན་འདྲེན་ཞུ་དགོས་ཞེས་པ་དག་ཡིན་པ་ནི་མངོན་གསལ་དོད་པོ་དང་། ས་རིས་ཐང་གསལ་གྱི་དཔང་རྟགས་འཕེར་ངེས་དང་། བོད་དུ་བོད་པ་རྒྱུས་ཅན་ཡོད་བཞིན་དུ། རང་དབང་ལ་སྒྱུར་མཁན་དྷ་སའི་སྲིད་དོན་པའི་ནང་ནས་ཁྱེད་ཡང་གཅིག་ཡིན་པ་འདྲ། རང་ལུས་མེ་བསྲེགས་གཏོང་མཁན་རྣམས་ཀྱི་འབོད་ཚིག་རེ་རེ་བཞིན་ཞིབ་འཇུག་བྱེད་མ་ཐུབ་ཀྱང་དཔའ་བོ་མི་ཉུང་བའི་འབོད་སྒྲ་རང་བཙན་ཡིན་པ་ཡོངས་གྲགས་རེད། སྤྲུལ་སྐུ ་བསོད་བྷེས་རང་ལུས་ཞུགས་འབུལ་སྐབས་སུ། དེ་བས་ཀྱང་རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས། བོད་རང་དབང་རང་བཙན་ཡིན་གསུངས་ཡོད། ཉིས་སྟོང་བརྒྱད་ལོའི་འབོད་སྒྲ་གཅིག་གྱུར་དེ་རང་བཙན་ཡིན་པ་ཡོངས་གྲགས་རེད། དེའང་ཁྱེད་ཀྱིས་མ་གསན་པ་ནི་ཡ་རེ་མཚར། གསར་འགོད་པ་ལ་ལས་ཀྱང་རང་བཙན་གྱི་འབོད་སྒྲ་དེ། རང་དབང་ལ་གཡོ་བསྒྱུར་བྱེད་མུས་རེད་དོ།། བདེན་པ་བདེན་ཐོག་བྱེད་དགོས་པ་ལས་དེའང་ཆ་རྐྱེན་ཞིག་གི་འོག་ཏུ་བཅུག་ནས་གཡོ་བཅོས་བྱེད་པའི་བྱ་ལག་མང་ན་བདེན་དོན་འཐབ་རྩོད་དེ་ཡང་ནམ་ཞིག་དོན་དངོས་བདེན་པ་དང་རིང་དུ་གྱེས་ནས་འཁྲབ་གཞུང་ཞིག་འཁྲབ་པ་ལྟ་བུར་འགྱུར་ཉེན་མི་ཆེའམ་ལགས།།
འཁྱམ་པོ་ཟེར་བ་ལགས། ཁྱོད་ཀྱིས་༼མེ་ལྕེ་འདི་དུས་གང་ཙམ་ཞིག་འབར་སམ་ཞེ་ན་དི་ནི་མི་གཅིག་རང་གི་ལག་ཏུ་ཡོད་གོང་ས་མཆོག་ནས་བཀའ་ཞིག་མ་ཕེབས་བར་དུ་འབར་སྲིད་ལ་བོད་མི་ཉི་ཤུ་ཙམ་ཞིག་བོད་སྟན་སྲིད་དང་གོང་ས་མཆོག་བོད་ལ་གདན་འདྲེན་ཆེད་དུ་སྐུ་སྲོག་ཤོར་ཞིང་ད་དུང་ཇེ་ཙམ་འདས་གྲོང་འགྲོ་མིན་ནི་ཁོང་གིས་ཕྱག་ཏུ་ཡོད༽ ལྟོས་དང་། ཕར་རྒྱ་གཞུང་གི་མགོ་ལ་གཡོག་རྒྱུ་དེ་ཚུར་གོང་ས་མཆོག་གི་མགོ་ལ་བཞག་འདུག ངོ་མ་བསྟོད་མི་ཤེས་མཁན་གྱིས་བསྟོད་པ་ལས་སྨད་མི་ཤེས་མཁན་གྱིས་སྨད་ན་དགའ་ཟེར་བ་ཅི་མ་བདེན་ཨང་། རྗེས་མ་ནས་སྐད་ཆ་འདི་རིགས་གང་བྱུང་མ་བཤད་ན་བཟང་གི བསམ་བློ་ཡག་པོ་ཐོངས།
གཡུང་དྲུང་ཚེ་རིང་ཁྱོད་ལ་གཉིད་ལམ་བཏང་བ་རེད་ཡང་ན་གཉིད་ལབ་རྒྱབ་ཀྱི་ཡོད་རེད། ཡང་ན་རྐང་བཙུག་ནས་༸སྐྱབས་མགོན་རིན་པོ་ཆེ་ལ་ཁ་ཏད་དུ་ལངས་ཀྱི་ཡོད། བཙན་བྱོལ་བོད་གཞུང་གྱེལ་ས་ནས་ལངས་ཐུབ་གྲབས་ག་དུས་བྱས་འདུག གྱེལ་ས་ནས་ལངས་པ་ཁྱོད་ལ་གཉིད་ལམ་སྐྱིད་པོ་ཞིག་བཏང་ཡོད་ཀྱི་རེད། ཁྱོད་ཀྱི་ཡང་སྙིང་བཙན་བྱོལ་བོད་གཞུང་གྱེལ་ས་ནས་ལངས་གྲབས་བྱེད་སྐབས་༸གོང་ས་མཆོག་ནས་དབུ་མའི་ལམ་གྱི་གསར་བརྗེ་གནང་སོང་ཅེས་བརྗོད་ན་ཧ་ཅང་ཐལ་དྲག་མིན་འགྲོ། དོལ་རྒྱལ་ཚོགས་པ་མ་གཏོགས་བོད་མི་ཡོད་དོ་ཅོག་གི་༸གོང་ས་མཆོག་ནས་ལམ་སྟོན་གང་གནང་པ་དེར་ཤར་བསྐྱོད་བྱེད་བཞིན་ཡོད། རང་བཙན་གཙང་མ་དང་། དབུ་མའི་ལམ། བདེན་པའི་ཨུ་བཙུག རང་ཐག་རང་གཅོད་བཞིའི་ནང་ནས་དབུ་མའི་ལམ་ལ་རྒྱལ་ཁ་འཐོབ་པ་ཁྱོད་ཀྱི་ཧ་མི་གོའམ། ཀླུ་གར་བྱམས་ཟེར་བ་འདི་དང་ཁྱོད་ཀྱི་ཁའི་ནང་སྐྱག་པ་ཚ་པོ་ཞིག་བླུགས་དགོས་པ་འདུག ནར་ནར་ལྕེ་ལ་བདག་པོ་མ་རྒྱབ་ན། རིལ་རིལ་དབུ་ལ་འོ་རྒྱལ་བཟོས་ཡོང་ངོ་། ང་ཚོ་བོད་མི་ཚོ་ག་ཚོད་ཀྱི་ཐབས་སྡུག་ན་ཡང་༸གོང་ས་མཆོག་ནས་བཀའ་གནང་པ་བཞིན་དབུ་མའི་ལམ་ཐོག་ཤར་བསྐྱོད་བྱེད་ན་ཕྲལ་ཕུགས་གཉིས་ལ་ཕན་པ་ཡིན། ༸གོང་ས་མཆོག་ནས་ཨོ་ཚོད་ཀྱི་དབུ་མའི་ལམ་གྱི་ལམ་ཁ་དེར་བདམས་པ་མ་ཡིན་པར་ལོ་མང་པོའི་རྗེས་ཐུགས་བསམ་ཞིབ་མོར་བཏང་སྟེ་དོ་དོ་ཏན་ཏན་གྱི་སྒོ་ནས་ཐག་བཅད་བཞག་པ་ཞིག་རེད་མ་གཏོགས་ཁྱོད་ནང་བཞིན་གྱི་སྐྱེ་བོ་ཕལ་པ་ཞིག་གི་བསམ་བློ་བཏང་པ་ནང་བཞིན་ཞིག་ག་ནས་ཡིན། ༸གོང་ས་མཆོག་ནི་ང་ཚོས་སངས་རྒྱས་སྐུ་ཤ་རློན་པ་ཞིག་ལ་ངོས་འཛིན་བྱེད་ཐུབ་པ་ལ་དབུ་མའི་ལམ་གྱི་ཐོག་ནས་ང་ཚོར་རང་དབང་ཚད་ལྡན་རག་གི་མ་རེད་ལབ་ན་ཡིད་ག་ནས་ཆེས། དབུ་མའི་ལམ་ཟེར་བ་ནི་ཐབས་ལམ་ཞིག་ཡིན་པ་མ་གཏོགས་ང་ཚོས་སོ་སོར་བདག་པའི་རང་དབང་ཡོངས་རྫོགས་རྒྱ་གཞུང་ལ་རྩིས་སྤྲོད་བྱེད་པ་དེ་འདྲ་གང་ཡང་མིན། བསམ་བློ་ཡག་པོ་བཏང་སྟེ་དྲ་རྒྱའི་ནང་གནས་ཚུལ་བཀོད་ན་ཡག དེ་ལས་དཀྲོག་གཏམ་ཆེ་དྲག་ན་རང་གཞན་གཉིས་ལ་གནོད་པ་ཡིན། དབུ་མའི་ལམ་རྒྱལ་ལོ།
རྣམ་པ་ཚོས་བསམ་ཚུལ་བཏོན་པ་ཡག་པོ་རེད་དེ་རྒྱུ་མཚན་ཡང་དག་ཞིག་བཤད་རྒྱུ་དང་།ཐབས་ལམ་ཡང་དག་ཞིག་སྟོན་རྒྱུ་མེད་ན་ཁ་བཙུམ་རོགས།བོད་ནང་གི་དཔའ་བོ་དང་དཔའ་མོ་རྣམས་ཀྱི་དགོངས་པ་ཅིག་ཅིག་རེད་མུག་མུག་རེད་ཟེར་ནས་རང་སྣང་གང་དྲན་མ་བཤད་རོགས།
ཚང་མས་ཡག་པོ་བྲིས་འདུག།གོ་རྒྱུ་འདུག།འདི་འདྲ་མང་ཙམ་འབྲི་རོགས་
དྲ་གྲོགས་ཚོ་དངོས་གནས་བཤད་ན་རང་སྲོག་ལུས་གཏོང་མཁན་དང་ཁ་སྐྱང་སྐྱང་བཤད་འདུག་མཁན་གྱི་བར་ལ་ཆེ་བར་ཐག་རིང་བོ་གཅིག་འདུག ག་ཡིན་ཟེར་ན་རང་ལུས་མེ་གཏོང་མཁན་ཚོ་མིང་ཆེ་བས་རང་དབང་དང་རྒྱལ་བ་རིན་པོ་ཆེ་བོད་ལ་ཕེབས་ཐུབ་པ་ཡིན་ན་འགྲིག་ཚར་བའི་སེམས་ཐག་བཅད་པ་ཁོང་ཚོ་སྐད་འབོད་ལ་བརྟེན་ནས་ཤེས་ཐུབ། དེ་དངོས་གནས་ཀྱང་རེད་བསམ། ཁ་སྐྱང་སྐྱང་བཤད་མཁན་ཚོ་དོན་མེད་པའི་བསམ་བློ་སྣ་ཚོགས་གཏོང་ནས་སྐད་ཆ་བཤད་དེ་ཉི་མ་སྐྱལ་རྒྱུ་དེ་རེད། དེ་ལ་བོད་པའི་གཏམ་དཔེ་ལ་བློ་མིང་ཚང་གི་དོན་མི་འགྲུབ་ཟེར་བ་དེ་རེད།
གྲོགས་འཇམ་ཚུལ་ལགས། རང་དབང་དགོས་པའི་སྐད་འབོད་ནང་ལ་རང་བཙན་ཡོད་རེད་དང་ཡོད་མ་རེད་ཅེས་ངས་རྩོད་པ་རྒྱག་འདོད་མེད། གང་ཡིན་ཟེར་ན་ང་ཁོང་རྣམ་པ་མིན་པས་ངས་རང་དབང་ནང་ལ་གང་དང་གང་བླུགས་ཡོད་མེད་ངོ་མ་མི་ཤེས། འོན་ཀྱང་ངའི་བསམ་བློ་གཏོང་སྟངས་ནི། ཁོང་རྣམ་པས་རང་སྲོག་དམོར་པོ་དམར་པོའི་མེ་ལ་མཆོད་ཕོད་ས་ནས་རང་བཙན་འདོད་ཀྱིན་ཡོད་ན་རང་བཙན་ཞེས་པའི་ཚིག་གཉིས་པོ་བཤད་མི་ཕོད་པ་དང་བསད་མི་ཤེས་མཁན་ཞིག་རྩ་བ་ཉིད་ནས་ཡིན་རྒྱུ་མ་རེད་འདོད་ཀི
དགོས་ངོ་མ་ཡིད་བཞིན་ནོར་བུ་དགོས་པ་རེད། ཡིད་བཞིན་ནོར་བུ་ཅིའི་ཕྱིར་དགོས་པ་ལ་ང་རང་ཚོའི་བསམ་ཚོད་ཙམ་པོ་བའི་ལན་འདེབས་བྱེད་མི་འོས། ཡིད་བཞིན་ནོར་བུས་བོད་རང་བཙན་ཡོང་རེ་མེད་པར་གཟིགས་ནས་བོད་དང་བོད་ཀྱི་བསྟན་སྲིད་ལ་ཕུགས་རྒྱང་རིང་པོའི་དབུ་མའི་ལམ་འདི་གསར་གཏོད་གནང་བ་རེད། ཁ་སང་ཡུལ་ཤུལ་དུ་བོད་མི་ཆིག་སྟོང་བཞི་བརྒྱ་ལྷག་འཛོམས་པའི་འབོད་ཚིག་དེ་དག་ལ་ཡང་ཁྱོད་ཅག་གིས་དྲང་ངེས་ཀྱི་འགྲེལ་བཤད་མང་པོ་ཞིག་རྒྱག་རྒྱུ་ཡིན་ནམ། ད་འདི་ལྟར་འཁྲབ་ན་ཡག་པོ་མ་རེད། ཐད་ཀར་དམར་རྗེན་དུ་བཤད་པ་དེ་ག་རང་ལ་ངོས་འཛིན་གནང་རོགས། བོད་རྒྱ་ཆེའི་མི་དམངས་ཀྱིས་སེམས་ཀྱི་དམར་དམར་པོ་ཡིག་ངག་གཉིས་ཐོག་ན་ཡོད་པ་འདི་ལས་གཞན་ཞིག་ཡོད་ནི་མ་རེད། མདོར་ན་ངས་ང་ཚོས་དྲང་མོ་བཤད་དགོས་དྲང་མོར་འགྲོ་དགོས་ལབ་ཀྱིན་ཡོད།
དུས་བབས་ཚང་འདི་ཕྱོགས་སུ་ལྷུངས་བའི་རྣམ་པ་འདུག། ངའི་མཆན་མང་པོ་ཞིག་དྲ་ངོས་སུ་མི་འཇོག་དོན་ཅི་ཡིན་ནམ། དེ་སྔ་ལུང་རིག་རྒྱལ་ལགས་དྲ་བདག་ཡིན་པ་ཞིག་གོ་མྱོང་། དངོས་གནས་བྱས་ན་ཁོང་མི་དྲང་ཚུགས་ཅན་ཞིག་ཡིན་པ་འདྲ་མཐོང་སོང་། ད་ཆ་དྲ་བདག་ཁོང་ཡིན་སུ་ཡིན་ཅི་ཆ་མི་རྟོགས།
ལན་མེད་མཁན་གྱི་རྩོམ་པ་པོ་འདི་ཡ་མཚན་ཞིག་མ་རེད་དམ། ཆེ་ཟིག་བཤད་ཁུལ་ཡིན་མོད། སྐབས་ངན་ནས་དམག་ཆར་ཕབས་འདུག ད་ཁ་གཏད་བཅག་ན་མ་གཏོགས། དེ་མཁས་རྟགས་གེ་མ་རེད་གདའ། ཧཧཧཧ
བསམ་ཚུལ་དངོས་ནས་ཡག་པོ་གསུང་འདུག འདི་ལྟར་བསམ་ཚུལ་བརྗེ་རེས་ཆེས་མི་ཉུང་བ་ཞིག་བྱས་ན། གཟོད་ནས་བཙན་བྱོལ་དབུས་བོད་མིའི་སྒྲིག་འཛུགས་ནི་གཞིས་ལུས་མི་མང་གི་ཚབ་བྱེད་མཁན་ཡིན་པ་དེར་དང་དུ་ལེན་རྒྱུར་ཕན་ཐོག་ཡོད་ངེས་ཡིན།
བོད་མི་ཞིག་ཡིན་ནས་གཟུང་བོད་རང་བཙན་འདོད་ལ་བོད་ནས་རང་བཙན་གཙང་མའི་རྒྱལ་ཁབ་ཞིག་ཡིན་པ་ཀུན་གྱི་ཤེས་ འོན་ཀྱང་རྒྱ་ནག་ལ་བདེན་པ་བཤད་ས་མེད་ལ་མཉམ་འབྲེལ་རྒྱལ་ཚོགས་འམ་འཛམ་གླིང་རྒྱལ་ཁབ་སུ་ཞིག་གིས་ཀྱང་རྒྱ་ནག་ལ་བོད་འདི་རང་བཙན་སྤྲོད་དགོས་ཞེས་བཀའ་བཏང་བའི་ཐོབ་ཐང་དེ་སུ་ལ་ཡང་མེད་རྒྱལ་ཁབ་ཁ་ཤས་ཞིག་ནས་བོད་ལ་་རྒྱབ་བསྐྱོར་རྣམས་པ་ཕྲན་བུ་ཡོད་པ་ཡང་ཁོང་ཚོ་རང་རང་ལ་སྲིད་ཐོག་ནས་དེ་མཚུང་གི་ཁེ་ཕན་རེ་ཡོད་པ་ལས་བོད་ཀྱི་བསྟན་སྲིད་ལ་བསམ་མཁན་ཞིག་མེད་ ད་ལྟའི་བོད་ནང་འབར་བཞིན་པའི་མེ་ལྕེ་འདི་དུས་གང་ཙམ་ཞིག་འབར་སམ་ཞེ་ན་དི་ནི་མི་གཅིག་རང་གི་ལག་ཏུ་ཡོད་གོང་ས་མཆོག་ནས་བཀའ་ཞིག་མ་ཕེབས་བར་དུ་འབར་སྲིད་ལ་བོད་མི་ཉི་ཤུ་ཙམ་ཞིག་བོད་སྟན་སྲིད་དང་གོང་ས་མཆོག་བོད་ལ་གདན་འདྲེན་ཆེད་དུ་སྐུ་སྲོག་ཤོར་ཞིང་ད་དུང་ཇེ་ཙམ་འདས་གྲོང་འགྲོ་མིན་ནི་ཁོང་གིས་ཕྱག་ཏུ་ཡོད་ ཡིན་ནའང་བོད་འདི་ཙམ་ཞིག་མེ་ལ་སྒྲོན་ཚེ་ད་གཟོད་བོད་རང་དབང་ཐོབ་ཐུབ་ཞེས་སུ་ཞིག་གིས་བཤད་མི་ཐུབ་ལ་འཇུག་འབྲས་ད་དུང་སྤུན་ཟླ་གང་མང་ཞིག་གིས་ཚེ་སྲོག་ཤོར་རྒྱུ་ཡིན་པ་ཤེས་བཞིན་དུ་ད་དུང་མེ་ལྕེ་འབར་དགོས་ཞེས་པ་ནི་རང་ཉིད་ལ་ཉན་ཁ་གང་ཡང་མེད་པའི་ལུང་པ་རུ་སྡད་ཏེ་ཁ་སྟོང་པ་བཤད་པ་རང་རེད།།
སྙན་བཟང་ལགས་ཀྱི་བཤད་པ་དེ་ངོ་མ་གཞིས་ལུས་བོད་མི་དམངས་ཚོའི་མཐར་ཐུག་གི་མངོན་འདོད་རེད། འོན་ཀྱང་དེ་ཡར་མར་དྲུད་མཁན་ནི་བཙན་བྱོལ་ནང་གི་སྨྱུག་འཛིན་པ་ཚོ་རེད།
འཇིགས་བྲལ་བསྟན་འཛིན་ལགས། ངོ་མ་བཤད་ན་དྲི་བ་འདིའི་ལན་འདེབས་པ་ཁྱོད་མ་རེད། ཡང་གཅིག་བཤད་ན་ཁྱོད་ཀྱིས་མགོ་ཚོས་མི་འདུག
“བཙན་བྱོལ་བོད་གཞུང་གིས་བོད་གཞིས་ལུས་མི་དམངས་ཚོས་བོད་རང་བཙན་གྱི་ཆེད་དུ་ལས་འགུལ་སྤེལ་བཞིན་པ་དང༌། བོད་རང་བཙན་ནི་བོད་གཞིས་ལུས་མི་དམངས་ཀྱི་མངོན་འདོད་ཡིན་པ་མཁྱེན་གྱི་ཡོད་ནའང༌། རྒྱ་ནག་ལ་འཛིན་པའི་སྲིད་ཇུས་དེ་ཡང་གློ་བུར་དུ་བསྒྱུར་ཆོག་ཆོག་མིན་སྟབས། དེ་ལ་རྒྱུ་མཚན་ཞིག་དགོས་ཤིང༌། ད་ཐེངས་བོད་ནང་དུ་བྱུང་དང་འབྱུང་བཞིན་པའི་རང་ལུས་མེར་སྲེག་གི་ལས་འགུལ་འདི་ལས་ལྷག་གི་རྒྱུ་མཚན་གཞན་པ་ཞིག་ང་ཚོར་འདྲེན་རྒྱུ་མེད་སྟབས། འདི་རྩ་ཆེན་པོར་གྱུར་པའི་གནད་འགག་གཞན་པ་འདི་རེད།”
ཅེས་པ་འདིས་རང་ལུས་མེར་བསྲེགས་པ་རྣམ་པ་ནི་བོད་རང་བཙན་རྩོད་མཁན་རྩོད་མཁན་གྱི་དཔ་མཚོན་ལ་བཞག་མི་འདུག་གམ། ད་དུང་གོང་ན་གནས་ཚུལ་འདི་བྱུང་་བས་གཞུང་གི་དབུ་མའི་ལམ་དེ་རང་བཙན་གྱི་ལམ་ལ་བསྒྱུར་དགོས་འདུག་བཤད་འདུག་ག ཁོང་རྣམ་པས་བོད་ཀྱི་སྲིད་ཇུས་བསྒྱུར་དགོས་པའི་རེ་བ་གང་འདྲ་ཞིག་བཏོན་སོང། བཏོན་མེད་པ། དེ་བས་ངས་དྲི་བ་དང་པོ་དེ་དྲིས།
ཡང། “མ་འོངས་པར་རྒྱ་ནག་གིས་བོད་རང་བཙན་ལ་དངོས་ཤུགས་བརྒྱུད་གསུམ་ནས་གནོན་ཤུགས་དང་རྒོལ་གཏམ་གཏོང་རྒྱུ་ཡིན་པ་ནི་གསལ་པོ་ཡིན་ནའང་༌། དེ་ལ་ང་ཚོས་ཀྱང་ཐབས་ཤེས་ཡོད་རྒུ་རྩལ་སྤྲུགས་ཀྱིས་གདོང་ལེན་བྱེད་དགོས་པ་མ་རེད་དམ།”
ཞེས་བཤད་འདུག་པས། དྲི་བ་གཉིས་པ་དང་གསུམ་པ་དེ་དྲིས་པ་ཡིན།
ཐ མར། “རང་སྲིད་རང་སྐྱོང་གི་སྲིད་ཇུས་ནི་བོད་གཞིས་ལུས་མི་དམངས་ཀྱི་མངོན་འདོད་མ་རེད་”་ཅེས་བཤད་འདུག་པས་དྲི་བ་ཐ་མ་དེ་དྲིས་པ་ཡིན།
ཁྱོད་ཀྱིས་འདི་ལ་རྒྱ་རི་ཚང་གིས་ཅིག་གསུངས་འདུག་ཟེར་བ་ཙམ་ལས་ལན་མེད་དོན་ཅི། དེ་བས་ཡང་བསྐྱར་དོ་བདག་དང་ཁྱོད་རང་གཉིས་གྲོས་ཁ་ཡག་པོ་ཞིག་བྱས་ནས་ལན་སྐབས་དོན་དང་འབྲེལ་བ་་གསལ་བོ་ཞིབ་ཚགས་ཤིག་གནང་རོགས་ཞུ། གང་ལྟར་ལན་འདེབས་འདི་ཡང་སྐལ་མེད་སར་སྐེ་རིང་བ་ཞིག་མིན་པས་དགའ་བསུ་ཞུ།
ད་དུང་ལུས་འདུག
དེ་དག་གིས་རང་དབང་དགོས་ཞེས་མི་གསུང་མཁན་མེད་པ་ཁྱེད་ལ་གཟུར་ས་མེད། ཁོང་ཅག་གི་རང་དབང་གི་ནང་དུ་རང་བཙན་འདུས་མེད་པར་ཁྱེད་ཀྱིས་ཚིག་ཐག་ཇི་ལྟར་གཅོད་དམ། མདོར་ན་བོད་མི་དེ་དག་གི་འབོད་ཚིག་ལ་བལྟས་ནས་བོད་མིའི་མངོན་འདོད་དབུ་མའི་ལམ་ཁོ་ན་ཡིན་པར་གྲུབ་རབས་ཀྱི་གསུང་ཕྱོགས་དེ་མ་མཛད་རོགས་ཞེས་ཞུ་བ་ཡིན། གཞིས་བཞུགས་བོད་མིའི་མངོན་འདོད་༧རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་པ་དེ་ཡིན་པ་རྩོད་མེད་གཅིག་གྱུར་རེད། དེ་ལས་ལྷག་པར་ཅང་བཤད་དགོས་དོན་མི་འདུག དཔའ་རྟུལ་དེ་དག་གི་བློས་བཏང་དེ་ཁྱེད་ཅག་རང་རང་གི་ལྟ་བའི་རྒྱབ་རྩར་དྲངས་ནས་རང་གི་ལྟ་ཕྱོགས་ལ་ཁེ་ཕན་ཞིག་ཨེ་ལོན་གནང་གི་མ་འདུག
བཀྲ་ཤིས་བདེ་ལེགས་གྲོགས་པོ་བཟང་པོ།
ཁྱེད་ཀྱི་གསུང་ཚུལ་འདི་ལ་ལན་འདེབས་པ་ནི་བསམ་ཚུལ་རྗེ་རེས་ཙམ་གྱི་ཆེད་དུ་ཡིན།
དྲི་བ་དང་པོ། སྐུ་སྲོག་མཆོད་མེར་བསྒྲོན་མཁན་རྣམ་པའི་ཁྲོད་ན་བོད་རང་བཙན་གྱི་དགོས་འདུན་བཏོན་སོང་བ་དུ་ཙམ་འདུག
ཞེས་པའི་སྐོར་ལ། ཁ་ནས་མ་བཏོན་པ་ཙམ་གྱིས་རང་བཙན་ཁོང་གི་མངོན་འདོད་མིན་པར་སྒྲུབ་ཀྱི་ཡིན་ནམ། རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས་པའི་དགོས་འདུན་དེ་བོད་རང་བཙན་གྱི་འབོད་ཚིག་འབྲེལ་རྒྱུ་མེད་པ་འམ་འབྲེལ་བ་མེད་པ་ཞིག་ལ་ཁྱེད་ཀྱིས་སྒྲུབ་ཀྱི་ཡིན་ནམ། ལར་ནས་བོད་རང་བཙན་ཞེས་ངག་ནས་བཏོན་པ་བཅུ་གྲངས་ཤིག་བྱུང་ཡོད། དེ་ལ་ཁྱེད་ཀྱིས་ལན་གསར་བ་ཞིག་གམ་དྲི་བ་གསར་བ་ཞིག་འདོན་གྲབས་ཡིན་ནམ།
དྲི་བ་གཉིས་པ། རྒྱ་གཞུང་གིས་བོད་རང་བཙན་གྱི་ཐད་ལ་ཐོག་མཐའ་བར་གསུམ་དུ་མངོན་སུམ་བརྒྱུད་ཤུགས་ནས་འགོག་གནོན་བྱེད་བཞིན་པ་མིན་ནམ།
རྒྱ་ནག་གིས་གདོང་གི་རྣམ་འགྱུར་ལ་བལྟས་ནས་འུ་ཅག་གི་འབོད་ཚིག་བརྗེ་དགོས་སམ།
དྲི་བ་གསུམ་པ། བཙན་བྱོལ་གཞུང་གིས་དེ་སྔ་དང་མི་འདྲ་བར་བོད་རང་བཙན་ཐད་ལ་ནུས་པ་དམིགས་བསལ་གང་དག་འདོན་ཐུབ་བམ།
མང་པོ་ཡོད་ཆོག ཕོང་བ་མེད་པ་ཡོང་ཆོག ང་དེའི་སྐོར་ལ་ཆེད་མཁས་མིན་པ་དང་ཐད་ཀར་འབྲེལ་བ་མ་བྱུང་བས་ད་དངོས་སུ་ཞུས་བསྡད་ན་ཉོག་པའི་རྒྱུ་རེད། དཔེ་གཅིག་ནི་སྲིད་ཇུས་འགྱུར་བ་བཏང་བ་ཙམ་གྱིས་དོན་དག་མང་པོ་ཞིག་བྱེད་ཇེ་བདེར་འགྲོ་བ་ལོས་མཁྱེན།
དྲི་བ་བཞི་བ། དབུ་མའི་ལམ་འདི་བོད་མིའི་མངོན་འདོད་མིན་ཚུལ་ལ་རྒྱུ་མཚན་གང་དག་བཤད་རྒྱུ་ཡོད། རང་བཙན་བོད་མིའི་མདོན་འདོད་མིན་པ་ལ་རྒྱུ་མཚན་ཇི་ཙམ་བཤད་རྒྱུ་ཡོད་པ་དེ་ལས་ལྡབ་གཅིག་བཤད་རྒྱུ་ཡོད། འོན་ཀྱང་གནད་འགག་ནས་ཁྱེད་ཅག་གིས་ཉན་མིན་ཉན་དང་། ཉན་རུང་གོ་མི་གོ་དེར་ཐུག་ཡོད།
ཁྱེད་ཅག་གིས་ཧ་ཅང་ཧ་ཅང་གཏིང་ཟབས་ས་ཞིག་ནས་དྲི་བ་ཞིག་འདོན་གྱི་ཡོད་པའི་ཟོལ་འདྲ་ཞིག་བྱེད་ཀྱང་དོན་དུ་དྲི་བ་དེ་ཚོ་ཧ་ཅང་གཏིང་མི་ཟབས་པ་ཞིག་ཏུ་རྒྱུན་དུ་མཐོང་གི་འདུག དེས་ན་དབུ་མའི་ལམ་འདི་དེ་བཞིན་ཁ་སྲབ་པའི་སྲིད་ཇུས་ཤིག་ཡིན་པ་མིན་ནམ་སྙམ་ནས་དེ་རིང་ཡང་གོང་གི་ལན་དེ་འདེབས་འདོད་སྐྱེས་བྱུང་། བསམ་ཚུལ་རྗེ་རེས་ཀྱི་ཆེད་ཡིན། ལེགས་ཕྱོགས་ནས་བཞེས་པའི་རེ་བ་ཡོད།
བོད་པའི་་བདག་པོ་ངོ་མ་བོད་གཞིས་ལུས་རྒྱ་ཆེའི་མི་མང་ཡིན་པ་དང་བཙན་བྱོལ་བོད་མིའི་སྒྲིག་འཛུགས་བོད་གཞི་བྱེས་གཉིས་ཀྱི་སྐུ་ཡི་སྐུ་ཚབ་དང་གསུང་གི་གསུང་ཚབ་ཡིན་པར་དོགས་པ་དགོས་དོན་ཡོད་པ་མ་རེད་ལ་རྒྱལ་གཅེས་དཔའ་བོ་དཔའ་མོ་རྣམ་པའི་དགོངས་དོན་ངོ་མ་རྒྱལ་བ་རིན་པོ་ཆེ་བོད་དུ་གདན་འདྲེན་བྱ་དགོས་པ་དང་བོད་མི་ས་ཡ་དྲུག་གིས་༸གོང་ས་མཆོག་གི་བཀའ་གསུང་དང་ལེན་བྱེད་པའི་དམ་བཅའ་ཡང་བརྟན་པོ་ཡོད་པ་གསལ་་བོ་རེད་མ་གཏོགས། རྗེ་༸གོང་ས་མཆོག་གི་ཞལ་གཅིག་པོ་མཇལ་འདོད་པ་ལས་ཁོང་གི་རླབས་ཆེ་བའི་དགོངས་དོན་ལ་ཡིད་ཆེས་དང་དང་ལེན་མི་འདོད་མཁན་ཉུང་ཤས་རེ་མ་གཏོགས་ཡོད་ཀྱི་མ་རེད་འདོད་ཀྱིན།
སྙན་བཟང་ལོ་ལོ་སྙན་ལ་མི་བཟང་ནི་ཞུས་པ་མིན་ཏེ། བོད་གཞུང་གིས་རྒྱ་ནག་ལ་འཛིན་པའི་སྲིད་བྱུས་ཤིག་ཡོད་པ་མ་རེད། མེད་པ་ཞིག་ལ་འགྱུར་བ་ག་རེ་གཏོང་དགོས་པ་རེད། རེ་བ་ཞིག་ཡོད་པ་རེད། རེ་བ་དེ་ཇེ་མཐོར་གཏོང་དང་ཇེ་དམའ་གཏོང་ཟེར་བ་དེ་རེད། སྤྱིར་བོད་ལ་”རེ་བ་བཟང་ས་དང་གྲ་སྒྲིག་སྡུག་ས”ཟེར་བའི་ཁ་དཔེ་ཞིག་ལས། “རེ་བ་མཐོ་ས་དང་གྲ་སྒྲིག་དམའ་ས”ཟེར་བའི་གཏམ་དཔེ་འདྲ་ཡོད་ནི་མ་རེད། དེའི་ཕྱིར། བོད་གཞུང་གིས་ནམ་དུའང་རེ་བ་མཐོ་ས་ནས་རྒྱག་གི་མ་རེད། དེ་ཡང་རྒྱུ་མཚན་མེད་པ་དེ་འདྲ་མ་རེད། ཁྱོད་དང་ང་མ་སྐྱེས་པའི་སྔ་རོལ་ནས་བཙན་བྱོལ་གཞུང་གིས་འདི་བ་ཚང་ལ་རེ་བ་བརྒྱབ་ནས་བསྡད་པ་རེད། དེའི་ཕྱིར། རེ་བ་མཐོ་སར་སོང་ན་རེ་བ་རེ་བ་ས་ནས་བདེན་པར་གྲུབ་རྒྱུ་ཡིན་པ་དང་། ཡང་ན་རེ་བ་དེ་ཐིག་ལེ་དང་། ཐིག་ལེ་ནཱ་ད། ན་དཱ་ཡང་མི་དམིགས་པ་སྟོང་བ་ཉིད་དུ་འགྲོ་རྒྱུ་ཡིན་པ་ཤེས་ཀི་ཡོད་པ་རེད།
ཁྱོད་ཀྱིས་ཅི་ཞིག་ཤེས་ཀི་ཡོད། བོད་ནང་ནས་མེ་ལྕེ་རེ་འབར་གི་འདུག ད་རེ་བ་ཡོད་ཀི་ཟེར་བ་ཡིན་ནམ། དེ་ནི་ན་ནིང་ཞིག་ལ་མཚོ་སྔོན་བརྙན་འཕྲིན་གར་སྟེགས་སྟེང་གི་མོ་བ་རེ་བ་ཁ་ཡི་བྱེད་སྟངས་རེད། མེ་ལྕེ་དེ་དག་ཁྱོས་ཨེ་ཤེས། མི་ཤེས་ན་དེ་ནི་འཆི་ཁའི་མེ་ལྕེ་དམར་ལམ་པ་ཟེར་བ་དེ་རེད། དེ་ནི་མི་རིགས་འདི་བར་སྲིད་དུ་སྐྱེ་བ་བཞེས་རྒྱུ་ཡིན་པའི་སྔོན་བརྡ་རེད། དེ་ནི་འུ་ཚང་གི་བོད་རང་བཙན་གྱི་སྐྱེ་སྲིད་ལ་མཚམས་སྦྱོར་གྱི་སྔོན་བརྡ་གང་ཡང་མ་རེད།
དེང་སང་བཙན་བྱོལ་ནང་གི་ཡིག་རྨོངས་པ་ཚོ་ཕྱི་རྒྱལ་ལ་སོང་ནས་ལོ་ཤས་འགོར་རྗེས་ད་གཟོད་སྐེ་ལ་གསེར་གྱི་ལྕགས་ཐག་རེ་གོན་ནས་ཕྱིར་ཡོང་སྟེ་བཙན་བྱོལ་ནང་ནས་ཕྱུག་ཉམས་སྟོན་རྒྱུ་ཞིག་དང་། སྨྱུག་ཐོགས་པ་ཚོ་ཕྱི་རྒྱལ་ནས་ལོ་ཤས་འགོར་རྗེས་རང་བཙན་མ་བཙན་ཟེར་བའི་རྩོམ་ཡིག་རེ་འབྲི་རྒྱུ་ཟིག་ལོབས་ཡོད་ཀི། དེ་ལུགས་སྲོལ་ཞིག་ཡིན་ན་མི་ཤེས་མ་གཏོགས། ད་ནི་ཆུ་ནང་ལ་རྡོ་གཡུགས་མ་གཡུགས་ཅང་ཡོད་རྒྱུ་མ་རེད་བསམ་གི་འདུག ཁ་སང་ངས་ཀྱང་རྡོ་རྒན་ཞིག་གཡུགས་པ་ཡིན་ཏེ་ལྷུང་ས་ཕ་རིའི་ནགས་ལ་མ་ལྷུང་བར། མི་ལྷུང་སྐྱག་དོང་ནང་ལ་ལྷུང་བས་ད་ནི་རྫོབ་དཀྲུགས་ཀྱིན་པ་བྱ་ཅིག་རྩོག ཧ་ཧ་ཧ་ཧ་་་་
བོད་ནང་བྱུང་བའི་གནས་དོན་དེ་དག་གཅིག་ལས་གཅིག་གལ་ཆེ་བ་དང་ཛ་དྲག་ཆེ་བ་ཤ་ཏག་ཡིན་པ་ལས་དོན་མེད་དེར་རིན་གོང་ཆེ་ཆུང་རྩིས་པའི་གནས་དོན་ཞིག་བྱེད་དགོས་མཐོང་མ་སོང་། ལྷག་དོན་བོད་མི་ཁྲི་འཚོ་མང་པོའི་དཀྱིལ་ལ་མེ་མདའ་འཕང་པའི་བྲག་མགོ་དང་གསེར་རྟན་གཉིས་ཀྱི་ལས་འགུལ་དེར་བོད་མི་དཔྱོད་ལྡན་ཚང་མས་དངོས་ཡོད་མཐོང་ཐོས་ཡོད་པ་ཙམ་མ་ཚད་དུས་དེ་ནས་རྒྱ་ནག་གཞུང་གི་བོད་ཀྱི་ས་ཕྱོགས་ཁག་ནང་ཁ་པར་འབྲེལ་བ་མཐུད་མ་ཐུབ་པ་བྱས་ཡོད་། ད་དུང་འདི་བཤད་དོན་གཅིག་ནི་༢༠༡༡ལོའི་ནང་བྱུང་བའི་ལས་འགུལ་ག་འདྲ་ཞིག་ཡིན་ན་ཡང་ཁམས་དང་ཨ་མདོ་གཉིས་ཀྱི་ཡུལ་མི་རྐྱང་པ་ཡར་ལང་བྱས་པའི་གནད་དོན་ཞིག་མ་ཡིན་པ་བོད་ཆོལ་ཁ་གསུམ་ནང་གནས་དོན་ཆེ་ཆུང་ལ་མ་སྟོས་པའི་ཡར་ལང་བྱས་པའི་གནས་ལུགས་ཡོད་པ་ཞིག་ཡིན། ངས་དང་པོ་ནས་བཀའ་ཁྲི་མཆོག་གི་ཨ་མདོ་རྔ་བའི་བླ་མ་ཞིག་ཨ་རེའི་ནང་རྔ་བའི་གནས་སྟངས་འབྲེལ་བརྗོད་བྱེད་དུ་གདན་དྲངས་པ་དེར་འོས་འཚམ་ཞིག་མཐོང་མ་སོང་ལ་དངོས་ཡོད་སྐབས་དེར་ཁམས་རྟ་འུ་ནང་མེ་བསྲིག་གི་དོན་རྐྱེན་བྱུང་ཟིན་པ་རེད་ལ་འཛམ་གླིང་གི་གསར་ཤོག་ཁག་གྲགས་ཟིན་པ་ཞིག་རེད་དེར་། ཆུང་ས་ནས་དེ་འདྲ་ཞིག་ལ་དྲང་བདེན་བྱས་མ་སོང་ཅེས་གསར་མགོད་པས་མ་འདྲི་རུང་གནས་ལུགས་ཡོད་པ་རེད་།
རྒྱ་བོད་གྲོས་མོལ་བྱེད་དགོས་ན་བོད་རྒྱ་ནག་གི་ཆ་ཤས་ཡིན་པ་ཁས་ལེན་དགོས་ཟེར་བ་དེ། རང་སྐྱོང་མི་སྤྲོད་པའི་རྒྱུ་མཚན་དུ་བགྲང་བ་ནི་གླེན་པའི་སྐད་ཆ་རེད། འོ་ན། ཐའེ་ཝན་རྒྱ་ནག་གི་ཆ་ཤས་ཡིན་པའང་ཁས་ལེན་དགོས་ཞེས་རྒྱ་ནག་གཞུང་གིས་བཤད་ཡོད། དེ་ཁས་ལེན་ས་འགྲོ་ཡི་རེད་དམ། རྒྱ་ནག་གིས་དེ་ལྟར་ཆ་རྐྱེན་བཀོད། ང་ཚོས་རྩ་དོན་གཉིས་རྒྱུན་འཁྱོངས་བྱེད་པ་བཅས་ནི་ཁས་བླངས་མ་བླངས་ཞིག་གི་དོན་དག་མ་རེད། དེ་ལོ་རྒྱུས་ཀྱི་གནས་སྟངས་ཤིག་རེད། དེ་ལ་ཁས་བླངས་མ་བླངས་ཟེར་ས་འགྲོ་ཡི་མ་རེད། ཁས་ལེན་རྒྱུའི་གཞི་རྩ་ཡོད་པ་མ་རེད། རྒྱ་ནག་གཞུང་གིས་དེ་ལྟར་སྨྲས་པ་གཞི་རྩ་མེད་པའི་ཆ་རྐྱེན་ཞིག་རེད།
ཡིན་ནའང་། ནམ་རྒྱུན་ཅིག་དོ་སྣང་ཡོད་ཁུལ་ཚོས། ཁས་མ་བླངས་ན་རང་སྐྱོང་སྤྲོད་ཀྱི་མ་རེད་ཅེས་ལབ་པ་ཡིན་ན། ཐད་ཀར་ཞུས་ན་དེ་གླེན་གཏམ་ཆགས་ཚར་བ་རེད། ང་ཚོའི་རྩོད་པ་དེ་རུ་ཡོད་པ་རེད། དེ་རྩད་ནས་གནས་སྟངས་འདིར་བསྡད་ཡོད་པ་རེད། སྲིད་ཚོང་པའི་སྐད་ཆ་དེ་དག་ཅི་བཞིན་སྒྲུབ་དགོས་ཀྱི་རེད་བསམས་དུས་ད་ཚར་སོང་བ་རེད། ཆབ་སྲིད་ཀྱི་རྩོད་པ་དང་བྱུང་རབས་ཀྱི་དོན་དངོས་གཉིས་དཀྲུག་དཀྲུག་གཏོང་རྒྱུ་ཡོད་པ་མ་རེད།
གཞན་ཡང་། མི་སུ་ཡིན་ན་ཆོག བོད་ནང་གི་ད་ལྟའི་ཞི་རྒོལ་འདི་དག་གན་དང་མཐུན། འདི་དང་མི་མཐུན་ཞེས་དབྱེ་འབྱེད་ཀྱིས་བཀའ་མོལ་གནང་མཁན་དག་ནི་དངོས་གནས་ཞུས་ན་ཅང་འགོ་མ་འཚོས་པའི་རྟགས་རེད། སྐབས་འདིར་དེ་དབྱེ་འབྱེད་བྱ་ས་འགྲོ་ཡི་མ་རེད། དེ་ཐུགས་ལ་ཉར་རོགས།
སྐུ་སྲོག་མཆོད་མེར་སྒྲོན་མཁན་རྣམ་པའི་ཁྲོད་ན་བོད་རང་བཙན་གྱི་དགོས་འདུན་བཏོན་སོང་བ་དུ་ཙམ་འདུག
ལན། སྤྱི་ཟུར་ཆབ་བྲག་ལྷ་མོ་སྐྱབས་ལགས། བོད་རང་བཙན་གྱི་དགོས་འདུན་འདོན་མཁན་ཡིན་ན་མཐའ་གཅིག་ཏུ་རང་ལུས་མེར་བསྲེགས་གཏོང་མཁན་ཚོའི་ཁྲོད་དུ་ཡོང་དགོས་པ་ཞིག་མ་རེད། ཡང་ཁོང་རྣམ་པའི་ཁྲོད་ན་བོད་རང་བཙན་གསུང་མཁན་མེད་པ་ཡང་མ་རེད། དེ་ཚོ་ཁྱོད་རང་སྤྱི་ཟུར་ཞིག་ཡིན་ཙང་མཁྱེན་མདོག་ཁ་པོ་རེད། མ་གཞི་ནས་ཕྱི་ལོ་ ༡༩༤༩ ལོ་ནས་ད་བར་བོད་མིས་རྒྱ་ནག་གི་བཙན་འཛུལ་དབང་བསྒྱུར་ལ་ངོ་རྒོལ་གྱིས་བོད་མི་འབུམ་ཚོ་མང་པོའི་སྲོག་ཤོར་བ་རེད། སྐབས་དེར་བོད་རང་བཙན་གྱི་དགོས་འདུན་མེད་པ་རེད་དམ། དེ་མིན་ན་ཁྱོད་རང་གིས་ཁ་སང་གི་དགོས་འདུན་འདོན་མཁན་དེ་ཚོ་དང་དེ་རིང་གི་དགོས་འདུན་འདོན་མཁན་དེ་ཚོའི་བར་ཚེ་སྲོག་གི་རིན་ཐང་ལ་ཁྱད་པར་གང་འདྲ་བྱས་ཕྱེ་གི་ཡོད།
རྒྱ་གཞུང་གིས་བོད་རང་བཙན་གྱི་ཐད་ལ་ཐོག་མཐའ་བར་གསུམ་དུ་མངོན་སུམ་བརྒྱུད་ཤུགས་ནས་འགོག་གནོན་བྱེད་བཞིན་པ་མིན་ནམ།
དེ་བདེན་པ་རེད། རྒྱ་ནག་གཞུང་གིས་བྱེད་ཀྱི་ཡོད་རེད། ག་རེ་བྱས་ནས་བྱེད་ཀྱི་ཡོད་རེད་ཟེར་ན། བོད་རྒྱ་ནག་གི་ཆ་ཤས་མིན་ཙང་བྱེད་ཀྱི་ཡོད་རེད། མ་ཟད་བཙན་བྱོལ་དུ་བོད་མིའི་དབུས་སྒྲིག་འཛུགས་ཡོད་ཙང་བྱེད་ཀྱི་ཡོད་རེད། གཞིས་བྱེས་གཉིས་སུ་རྒྱ་བོད་ཐ་དད་ཡིན་པའི་བོད་མིའི་བསམ་ཚུལ་ལ་འགྱུར་སོང་མེད་ཙང་འགོག་གནོན་བྱེད་ཀྱི་ཡོད་རེད། དེ་མཁྱེན་མདོག་ཁ་པོ་རེད་པཱ། དེ་འདྲའི་བོད་མིའི་བསམ་འདུན་དེ་རྒྱ་ནག་གི་ངོ་ལ་བལྟས་ནས་འགྱུར་བ་གཏོང་དགོས་པ་རེད་དམ།
ལན། བཙན་བྱོལ་གཞུང་གིས་དེ་སྔ་དང་མི་འདྲ་བར་བོད་རང་བཙན་ཐད་ལ་ནུས་པ་དམིགས་བསལ་གང་དག་འདོན་ཐུབ་བམ།
གཞུང་གི་ངོས་ནས་བོད་རང་བཙན་ཐད་དེང་སྐབས་ནུས་པ་འདོན་ཡུལ་མེད་པ་དེ་ཁྱེད་རང་སྤྱི་ཟུར་ཞིག་པའི་ཆ་ནས་མཁྱེན་དགོས་ངེས་རེད། ཡིན་ནའང་ཁྱེད་རང་ཕྱི་རྒྱལ་དུ་ཕེབས་རྗེས་དྲི་བ་འདི་གང་འདྲ་བྱས་ནས་ནང་ལ་བསྐོར་ཐུབ་ཀྱི་འདུག
དབུ་མའི་ལམ་འདི་བོད་མིའི་མངོན་འདོད་མིན་ཚུལ་ལ་རྒྱུ་མཚན་གང་དག་བཤད་རྒྱུ་ཡོད།
ལན། ཕྱི་ལོ་ ༢༠༡༠ ལོའི་གྲོས་ཚོགས་ཉན་ཞིབ་ཀྱི་སྐབས་སུ་ཚོགས་ཕེབས་གནང་ཡོད་ན། སྐབས་དེར་༸གོང་ས་མཆོག་གི་དམིགས་བསལ་སྐུ་ཚབ་བཀའ་ཟུར་རྒྱ་རི་བློ་གྲོས་ལགས་ཀྱིས་བསམ་འཆར་ཡིག་ཆའི་སྐོར་ལ་གང་གསུངས་པ་གསན་ཡོད་ན་དྲི་བ་འདི་ཚོ་ཡོང་དོན་མེད་པ་ཞིག་རེད།
དྲི་བ་འགའ།
སྐུ་སྲོག་མཆོད་མེར་བསྒྲོན་མཁན་རྣམ་པའི་ཁྲོད་ན་བོད་རང་བཙན་གྱི་དགོས་འདུན་བཏོན་སོང་བ་དུ་ཙམ་འདུག
རྒྱ་གཞུང་གིས་བོད་རང་བཙན་གྱི་ཐད་ལ་ཐོག་མཐའ་བར་གསུམ་དུ་མངོན་སུམ་བརྒྱུད་ཤུགས་ནས་འགོག་གནོན་བྱེད་བཞིན་པ་མིན་ནམ།
བཙན་བྱོལ་གཞུང་གིས་དེ་སྔ་དང་མི་འདྲ་བར་བོད་རང་བཙན་ཐད་ལ་ནུས་པ་དམིགས་བསལ་གང་དག་འདོན་ཐུབ་བམ།
དབུ་མའི་ལམ་འདི་བོད་མིའི་མངོན་འདོད་མིན་ཚུལ་ལ་རྒྱུ་མཚན་གང་དག་བཤད་རྒྱུ་ཡོད།
གཡུང་དྲུང་ལགས་ཀྱིས་གསུངས་དོན་ལ། ༼རྒྱ་ནག་གིས་ང་ཚོར་བོད་རང་སྐྱོང་སྤྲོད་པ་ལ་ཐོག་མར་ང་ཚོས་བོད་ནི་རང་བཙན་གྱི་རྒྱལ་ཁབ་ཅིག་མིན་པ་ཁས་ལེན་བྱ་དགོས་སྟབས། དོན་གྱི་རྩ་བ་འདི་ནས་འགག་ཚར་ཡོད།༽ཅེས་བཤད་འདུག
རྒྱ་ནག་གི་སྔ་ཕྱི་བར་གསུམ་གྱི་སྲིད་བྱུས་སུ་ཡོད་པ་ནི་བོད་རྒྱ་ནག་གི་ཆ་ཤས་ཡིན་པ་དང་། དེ་འདྲའི་བོད་དེ་ཡང་སྔ་མོ་ནས་རྒྱ་ནག་གི་ཆ་ཤས་ཡིན་ཚུལ་བརྗོད་པ་དེ་ཁས་ལེན་དགོས་པ་དེ་རེད།
གནད་དོན་འདི་ནི་རྒྱ་ནག་གིས་བོད་དབང་བསྒྱུར་བྱས་པ་ཁྲིམས་འགལ་དང་ཁྲིམས་མཐུན་གྱི་གནད་དོན་ལ་ཐུག་གི་ཡོད་པས། ང་ཚོས་བསམ་འཆར་ཡིག་ཆར་བོད་ཀྱི་ས་ཁུལ་ཁག་ཅིག་སྔར་ནས་རྒྱ་ཁོངས་སུ་ཡོད་པ་ལྟ་བུའི་ཁས་ལེན་བྱས་ཀྱང་། གྲུབ་འབྲས་གང་ཡང་ཐོན་མེད། དེའི་རྒྱུ་མཚན་ནི་རྒྱ་ནག་ལ་དགོས་པ་ནི་བོད་ཡོངས་རྒྱ་ནག་གི་ཆ་ཤས་ཡིན་པ་མཐའ་གཅག་ཏུ་ཁས་ལེན་དགོས་པ་དེ་རེད། གལ་སྲིད་ང་ཚོས་རང་གི་ལོ་རྒྱུས་ཡོངས་རྫོགས་ནག་བསུབ་བཏང་བའི་ཐོག་ནས་བོད་རྒྱ་ནག་གི་ཆ་ཤས་ཡིན་པ་ཁས་བླངས་ན་ད་གཟོད་རྒྱ་ནག་ནང་ཁུལ་གྱི་བོད་རིགས་ཀྱི་མདུན་ལམ་ཆེད་རང་སྐྱོང་གི་སྐད་ཆ་རབ་རིབ་ཅིག་ཡོང་མདོག་ཁ་པོ་རེད། ཡིན་ནའང་ང་ཚོས་ངེས་པར་ཤེས་དགོས་པ་ནི། ད་བར་འདས་པའི་མི་ལོ་ལྔ་བཅུ་ང་གྲངས་ཤིག་གི་རིང་བོད་གཞུང་མང་གིས་འཐབ་རྩོད་གང་བྱས་པ་ཁྲིམས་འགལ་དང་། མཐའ་ན་རྒྱལ་ཁབ་ཁ་བྲལ་གཏོང་མཁན་གྱི་ནག་ཆེན་པར་ངོས་ལེན་ཞུ་དགོས་པ་དེ་རེད། དེ་ཞུ་མིན་ང་ཚོས་རང་འདོད་རེད། ཡིན་ནའང་མ་འོངས་པར་བོད་རང་བཙན་རྩོད་ཐུབ་མཁན་ཡོང་མི་སྲིད་པའམ། རྩོད་ཐུབ་མཁན་བྱུང་ཡང་རྩོད་ལམ་མེད་པ་ཞིག་བཟོ་ཡག་གི་དབང་ཆ་དེ་སུ་གང་ལ་ཡོད་མ་རེད།
ཡིན་ནའང་ངས་ནན་བརྗོད་བྱེད་རྒྱུ་ལ། ངས་རང་བཙན་རྩོད་དགོས་ཀྱི་ཡོད་པ་དང་། དབུ་མ་རྩོད་རྒྱུ་མེད་པ་དེ་འདྲ་རྩ་བ་ནས་བརྗོད་ཀྱི་མེད། ངས་ཞུ་དོན་ནི་གཡུང་དྲུང་གིས་བཤད་པའི་འགག་རྩ་དེ་དོན་དངོས་ཡིན་པ་ར་སྤྲོད་བྱས་པ་ཙམ་ཡིན།
ཨ་རོ་གྲོགས་པོ་ཉ་ཉོག་མང་བ་དང་བསྐྱར་བཤད་ཡང་བཤད་བྱས་ནས་ཀློག་ཁོམ་མ་ཡོང་ཀྱང་། སྲིད་བྱུས་བཅོས་བསྒྱུར་གྱི་ཆ་རྐྱེན་དུ་རང་ལུས་མེར་བསྲེགས་བཀོད་པ་དང་། བོད་ནང་གི་མངོན་འདོད་རང་སྲིད་རང་སྐྱོང་མ་རེད་ཅེས་མ་རེད་ཟེར་བའི་སྒྲ་དེ་ཤུགས་ཆེན་པོས་བཏོན་མ་བཏོན་མི་འདུག ངས་ལྟོས་ན་ཁྱེད་ཀྱིས་འདིའི་རྒྱུ་མཚན་བཤད་ན་ཡག་གི་རེད། དེ་མིན་ཅང་མེད།
འོ། ཁ་སང་རང་བཙན་སྐོར་གྱི་སྐད་ཆ་དེ། རྡ་རམ་ས་ལའི་རང་བཙན་པ་ཚོ་ལས་ཅིག་དྲག་གི་བསམ་སོང་སྟེ། དེ་རིང་རང་བཙན་གླེང་སྟངས་འདིས་རང་བཙན་ཅིག་ལ་དྲུད་མི་འདུག་གམ།
རབ་ཡིན་ན། འུ་ཚོས་བོད་ནང་གི་ངོ་རྒོལ་གན་རང་བཙན་དང་དབུ་མའི་ཕྱོགས་གང་དུའང་མ་དྲུད་ན་ཡག་གི་རེད། དེ་འདྲུད་རྒྱུའི་རྒྱུ་མཚན་ཡང་ཚད་ལྡན་ཡོད་པ་མ་རེད། ངས་སྔ་མོ་ནས་ཞུས་ཚར། དེས་ན་ཁྱེད་རྣམ་པས་ཀྱང་རང་བཙན་དང་སྤྱིར་སྲིད་དོན་གྱི་སྐད་ཆ་འདི་བཤད་དུས་བསམ་བློ་ཐོངས་ཡ།
དམིགས་ཡུལ་གཉིས་སྨན་དབུ་མའི་ལམ་དང་། ཐབས་ལམ་ཞི་བའི་ལས་འགུལ་ལ་བསྒྱུར་བ་མ་བཏང་ན་མི་བཟང་ངམ་། དགོངས་དག་འགོ་བརྗོད་ཙམ་ལས་ད་ལྟ་ཀློག་ཁོམས་མ་བྱུང་ལགས།