དེ་རིང་ཕྱི་ཚེས་ ༡༧ ཉིན་ནི། ལེ་བྷེ་ཡའི་མི་མང་གིས་གྷ་ཌཱ་ཧྥེ་སྲིད་དབང་སྒེར་འཛིན་གཞུང་ལ་ངོ་རྒོལ་གྱེན་ལངས་བྱས་ཏེ་ལོ་གཅིག་ཏག་ཏག་འཁོར་ཡོད་པ་དང་བསྟུན་ནས། ལོ་སྔ་མའི་ཕྱི་ཚེས་ ༡༧ ཉིན་གསར་བརྗེ་ཐོག་མར་བྱུང་ཡུལ་བྷན་གྷ་ཛེ་གྲོང་ཁྱེར་ནས་འགོ་བརྩམས་ཏེ། ལེ་བྷེ་ཡའི་གྲོང་ཁྱེར་དང་ས་གནས་གང་སར་གསར་བརྗེ་བྱུང་ནས་ལོ་གཅིག་འཁོར་བ་དང་སྦྲགས་གསར་བརྗེ་གྱེན་ལངས་ལ་རྒྱལ་ཁ་ཐོབ་པའི་དུས་ཆེན་ཐོག་མ་སྲུང་བརྩི་བྱེད་བཞིན་ཡོད་འདུག
ལེ་བྷེ་ཡའི་གསར་བརྗེ་བྱུང་ནས་ལོ་གཅིག་དང་གྱེན་ལངས་པར་རྒྱལ་ཁ་ཐོབ་པའི་དུས་ཆེན་སྲུང་བརྩི་བྱེད་བཞིན་པའི་སྐབས་འདིར། དྲག་རྒོལ་རིགས་འབྱུང་རྒྱུར་ཞེད་སྣང་ཆེན་པོ་དང་འགོག་སྲུང་ནན་མོ་བྱེད་བཞིན་ཡོད་ཅིང་། འགོག་སྲུང་ཉེན་བརྡའི་ཡི་གེ་བཀྲམས་ཡོད་པའི་ནང་། “ ང་ཚོས་དུར་སྦས་ཟིན་པའི་ཤི་བོ (གྷ་ཌཱ་ཧྥེ) ཕྱིར་གསོན་དུ་འཇུག་མི་ཐུབ་ཀྱང་།ཁྱེད་ཚོ་ཁོང་ཡོད་སར་གཏོང་ཐུབ ” ཅེས་བྲིས་ཡོད་འདུག
ཁ་སང་ཕྱི་ཚེས་ ༡༦ ཉིན་ལེ་བྷེ་ཡའི་ད་ལྟའི་བར་བརྒལ་གཞུང་གི་འགོ་དཔོན་ཇཱ་ལེལ་ (Mustafa Abdul Jalil) གྱིས།ཚེས་ ༡༧ ཉིན་གྱི་དུས་ཆེན་སྲུང་བརྩིའི་སྐབས་སུས་རྒྱལ་ཁབ་ཀྱི་བདེ་འཇགས་ལ་གཏོར་བརླག་དང་འཇིགས་སྐུལ་གྱི་ལས་དོན་བསྒྲུབས་ཚེ། ལེ་བྷེ་ཡའི་གཞུང་གིས་དེ་དག་ལ་ཉེས་ཆད་ཆེན་པོ་གཅོད་རྒྱུ་ཡིན་པའི་དམ་བཅའ་དང་ཉེན་བརྡ་བཏང་ཡོད་འདུག
གསར་འགོད་པ། བནྡེ་སྐྱབས།
ལུགས་རྙིང་མི་འདོད་གསར་བའི་བྱ་བ་འདོད།།
གཉའ་གནོན་མི་འདོད་རང་གི་བསམ་ཚུལ་འདོད།།
རྗེས་ལུས་མི་འདོད་སྔོན་ཐོན་མི་གྲལ་འདོད།།
གཡོ་རྒྱུ་མི་འདོད་དྲང་བོའི་འཚོ་བ་འདོད།།
ལེ་བྷེ་ཡའི་མི་མང་གི་ཚེ་སྲོག་གིས་འགྲོ་སོང་མང་དུ་བཏང་ཞིང་། མི་ཟད་པའི་སྡུག་སྔལ་ཤིན་ཏུ་མྱང་སྟེ་ད་ལྟའི་དགའ་སྟོན་བྱ་འོས་པའི་ཉི་མ་སླེབས་པ་རེད། ངོ་མ་བསྐལ་བ་ནས་བསྐལ་བའི་བར་དུ་དགའ་སྟོན་དང་འདས་ཟིན་དཔའ་བོ་དཔའ་མོ་ཚོར་རྗེས་དྲན་བྱ་འོས་པ་རེད། དེ་བཞིན་ད་ལྟའི་ནང་ཁུལ་གྱི་དབང་ཆ་འཕྲོག་རྩོད་བྱ་མཁན་དག་ལའང་ཉིན་འདིར་བརྡ་ལན་གསལ་བོ་རེ་སྤྲོད་དགོས་པ་རེད། དེ་མིན་གྷ་ཌཱ་ཧྥེ་བེམ་པོ་བརྗེ་བོ་བརྒྱབ་སྟེ་ཕྱིར་གསོན་སྲིད།
ལེ་བྷེ་ཡའི་མི་མང་གི་ཚེ་སྲོག་གིས་འགྲོ་སོང་མང་དུ་བཏང་ཞིང་། མི་ཟད་པའི་སྡུག་སྔལ་ཤིན་ཏུ་མྱང་སྟེ་ད་ལྟའི་དགའ་སྟོན་བྱ་འོས་པའི་ཉི་མ་སླེབས་པ་རེད། ངོ་མ་བསྐལ་བ་ནས་བསྐལ་བའི་བར་དུ་དགའ་སྟོན་དང་འདས་ཟིན་དཔའ་བོ་དཔའ་མོ་ཚོར་རྗེས་དྲན་བྱ་འོས་པ་རེད། དེ་བཞིན་ད་ལྟའི་ནང་ཁུལ་གྱི་དབང་ཆ་འཕྲོག་རྩོད་བྱ་མཁན་དག་ལའང་ཉིན་འདིར་བརྡ་ལན་གསལ་བོ་རེ་སྤྲོད་དགོས་པ་རེད། དེ་མིན་གྷ་ཌཱ་ཧྥེ་བེམ་པོ་བརྗེ་བོ་བརྒྱབ་སྟེ་ཕྱིར་གསོན་སྲིད།