ཟླ་འདིའི་ཕྱི་ཚེས་ ༢༢ ཉིན་སྟེ། བོད་ཆུ་འབྲུག་ལོའི་ལོ་སར་ཚེས་ ༡ ཉིན་འཛམ་གླིང་ཡུལ་གང་སར་གནས་པའི་བཙན་བྱོལ་བོད་མི་ཚོས་བོད་ནང་བོད་མི་ཚོར་གདུང་སེམས་མཉམ་སྐྱེད་ཆེད། ཟས་བཅད་ངོ་རྒོལ་དང་སྐད་འབོད་ཁྲོམ་སྐོར། བསྔོ་སྨོན་མཆོད་འབུལ་སོགས་ལས་འགུལ་རིམ་པ་སྤེལ་ཡོད་པ་ལྟར། ཉིན་དེར་བཞུགས་སྒར་ཉེ་འཁྲིས་ཤེས་རབ་དགའ་ཚལ་སློབ་གླིང་གི་སློབ་མ་བསྟན་པ་དར་རྒྱས་དང་བཀྲ་ཤིས། གངས་རི་ཆོས་དགའ་བཅས་དང་བླངས་སློབ་མ་གསུམ་གྱིས་རྒྱ་གར་གྱི་རྒྱལ་ས་ལྡི་ལི་ནས་བཞུགས་སྒར་བར་ལྕགས་རྟ་བསྐོར་སྐྱོད་ཀྱི་ལས་འགུལ་ཞིག་མགོ་འཛུགས་གནང་ཡོད་འདུག
ལྕགས་རྟ་བསྐོར་སྐྱོད་ཀྱི་ལས་འགུལ་གྱི་དམིགས་ཡུལ་གཙོ་བོ་ནི། བོད་ནང་བསྟན་སྲིད་མི་རིགས་ཀྱི་ཆེད་དུ་རང་ལུས་མེར་བསྲེགས་བཏང་བའི་རྒྱལ་གཅེས་དཔའ་བོ་དཔའ་མོ་རྣམས་གདུང་སེམས་མཉམ་སྐྱེད་བྱ་ཆེད་དང་། རྒྱ་གར་མི་མང་ལ་བོད་ནང་གི་དངོས་ཡོད་གནས་ཚུལ་ཁྱབ་བསྒྲགས། རྒྱ་ནག་གཞུང་གིས་འདས་པའི་མི་ལོ་ ༥༣ རིང་བོད་ནང་དམར་གསོད་དང་དྲག་གནོན་གྱི་ལས་འགུལ་རིམ་པར་སྤེལ་དང་སྤེལ་བཞིན་པ་དག་མྱུར་དུ་མཚམས་འཇོག་ཡོང་ཆེད་མགོ་འཛུགས་བྱས་པ་ཞིག་ཡིན་འདུག་ལ། འཆར་ཟླའི་ཚེས་ ༡༠ སྟེ། གསུམ་བཅུའི་དུས་དྲན་ཉིན་བཞུགས་སྒར་ངྷ་རམ་ས་ལར་ལས་འགུལ་མཇུག་སྒྲིལ་རྒྱུ་ཡིན་འདུག
ཤེས་རབ་དགའ་ཚལ་སློབ་གླིང་གི་དགེ་སློབ་ཚོར་སེམས་ཤུགས་ཧ་ཅང་ཆེ། ཐུགས་རྗེ་ཆེ་ལ། དོན་ཕན་ལྡན་པར་ཤོག
ང་དང་ང་འདྲ་བའི་མི་བུ་མང་པོ་ཞིག་གིས་རང་ཉིད་སྐྱེས་དུས་ཉིད་ནས། མཛུབ་མོ་གཞན་ངོར་ཀེར་ཏེ་དུས་འདའ་བར་ལས། ཁ་ནང་བསྟན་གྱི་བསམ་བློ་ཡེ་ནས་མེད་པ་འདི་རང་ཉིད་གཙོས་པའི་སྤྱི་ཚོགས་མདུན་སྐྱོད་ཀྱི་སྟོང་ཆ་ཆེ་ཤོས་ཤིག་ཏུ་འདོད། ང་ཚོས་ནམ་ཡིན་རུང་། གང་དུ་ཡིན་ན། ཅི་ཞིག་ཡིན་ཡང་གཞན་ལ་གུས་བཀུར་དང་ལེགས་གསོལ་ཞུ་དགོས།
མ་ཡུམ་དགའ་ཚལ་སློབ་གླིང་གི་སློབ་་ཕྲུག་གསུམ་གྱི་ལས་འགུལ་འདིར་སྙིང་ཐག་པ་ནས་ཐུགས་རྗེ་ཞུ་བ་དང་ཆབས་ཅིག་ལས་འགུལ་ལེགས་འགྲུབ་ཡོང་བའསྨོན་འདུན་ཞུ།
ལས་འགུལ་སྤེལ་བ་ཞེ་དྲག་ཡག་པོ་འདུག དེང་སང་མི་ངན་རེ་གཉིས་ཀྱིས་རང་ཉལ་ནས་བསྡད་གཞན་གྱི་བོད་མི་རིགས་ཀྱི་དོན་དུ་ལས་འགུལ་སྤེལ་ན་ཡང་ཁྱད་གསོད་གཏོང་མཁན་འདུག་པས་དེ་ཚོའི་རིགས་ལ་གཟབ་རོགས་ཞུ། མི་རིགས་ཀྱི་དོན་དུ་ལས་འགུལ་ཆུ་ཚོད་གཅིག་ལ་སྤེལ་ཐུབ་ན་ཡང་དེ་ལ་དགའ་བ་སྒོམ་དགོས་པ་ལས་ངོ་ལོག་རྒྱག་མཁན་དེ་ཚོ་དམར་ཕྱོགས་འམ་དོལ་ཚོགས་གང་རུང་ལ་འབྲེལ་བ་ཡོད་ཤེས་ཆེ།
དེའི་རིགས་ཉིན་གཅིག་ལ་བདག་གིས་དྲ་ཐོག་ཏུ་ལས་འགུལ་ཞིག་སྤེལ་རྒྱུ་ཡིན།