ཉེ་ཆར་ཨར་ལེན་ཌི་རྒྱལ་ས་ཌེབ་ལིན་ (Dublin) དུ་ཡོད་པའི་ཁྲིར་ནེ་ཁྲེ་མཐོ་སློབ་ (Trinity College Historical Society of Trinity College ) ཀྱིས་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་བློ་བཟང་སེང་གེ་མཆོག་ལ་གཟེངས་རྟགས་འབུལ་རྒྱུའི་གསལ་བསྒྲགས་གནང་ཡོད་པ་ལྟར། ཟླ་འདིའི་ཕྱི་ཚེས་ ༡ ཉིན་བཀའ་ཁྲི་མཆོག་གིས་གཞུང་འབྲེལ་ཕྱོགས་བསྐྱོད་དང་སྟབས་བསྟུན་ཏེ། མཐོ་སློབ་དེས་ཕུལ་བའི་མང་ཚོགས་ལ་གཏམ་བཤད་ཀྱི་ཕུལ་བྱུང་གསེར་གྱི་གཟེངས་རྟགས་ཞེས་པ་འབུལ་བཞེས་གནང་འདུག
གཟེངས་རྟགས་འབུལ་བཞེས་ཀྱི་མཛད་སྒོའི་ཐོག་བསྟི་གནས་ཁང་གི་འགན་འཛིན་ཇོན་ཨན་ལན་ལགས་ཀྱིས། ཐེངས་འདིའི་གཟེངས་རྟགས་དེ་བཀའ་ཁྲི་མཆོག་ལ་ཕུལ་དོན། ཁོང་གིས་བོད་ཀྱི་བདེན་པའི་འཐབ་རྩོད་ཀྱི་མགྲིན་ཚབ་དང་སྣེ་ཁྲིད་པའི་ཕྱག་ལས་གནང་བཞིན་པ་ལ་བརྟེན་ནས་གཟེངས་རྟགས་ཕུལ་ཡོད་པའི་གཏམ་བཤད་གནང་ཡོད་པ་དང་། བཀའ་ཁྲི་མཆོག་གིས་ཀྱང་། ཁོང་གིས་མཐོ་སློབ་དེས་ཆེ་བསྟོད་གསེར་གྱི་གཟེངས་རྟགས་དེ་བོད་མིའི་སྐུ་ཚབ་ཀྱི་ངོ་བོའི་ཐོག་ནས་ངོས་ལེན་བྱེད་ཀྱི་ཡོད་པའི་གཏམ་བཤད་གནང་བ་མ་ཟད། མཐོ་སློབ་དེེའི་གནད་ཡོད་མི་སྣ་ཁག་གི་དྲི་བར་ལན་འདེབས་ཀྱང་གནང་ཡོད་འདུག ཨེར་ལེཎ་ཌི་ཁྲིར་ནེ་ཁྲེ་མཐོ་སློབ་ཀྱི་ལོ་རྒྱུས་ཚོགས་པ་ (C H S ) དེ་ནི། འཛམ་གླིང་ནང་བགྲོ་གླེང་གོ་སྒྲིག་ཞུ་མཁན་གྱི་ཚོགས་པ་རྙིང་ཤོས་ཤིག་དང་ད་ལྟའི་ཆར་མཐོ་སློབ་དེའི་གཏམ་གླེང་དང་བགྲོ་གླེང་གནང་ཡུལ་གྱི་བསྟི་གནས་གཙོ་བོ་དེ་ཆགས་ཡོད་པ་དང་། འདས་པའི་དུས་སུ་མཐོ་སློབ་ཁང་དེས་སྔ་ཕྱི་གཏམ་བཤད་ཕུལ་བྱུང་གི་གཟེངས་རྟགས་དེ། དབྱིན་ཡུལ་གྱི་སྲིད་བློན་ཟུར་པ་ཇོན་མེ་ཇོར་ (John Major) མཆོག་དང་ནོ་སྦེལ་ཞི་བདེ་གཟེངས་རྟགས་བཞེས་མྱོང་མཁན་འབར་མའི་དམངས་གཙོ་ཚོགས་པའི་མགོ་གཙོ་ལྕམ་ཨང་སིན་སུ་ཀེ་ (Aung Sna Su kyi) ནོ་སྦེལ་ཞི་བདེ་གཟེངས་རྟགས་བཞེས་མྱོང་མཁན་ལྷོ་
བཀྲ་ཤིས་བདེ་ལེགས་ཞུ། འོན་ཀྱང་གཟེངས་རྟགས་དེ་ག་རེ་ཡིན་ཞེས་ཕུལ་བ་རེད་དམ། རྒྱུ་མཚན་གང་ལ་བསྟེན་ནས་ཕུལ་བ་རེད།
ངོ་མ་བོད་ཆས་གྱོན་ཏེ་འདི་ལྟར་རྒྱལ་སྤྱིའི་ལྡང་ཆའི་སྒང་ལ་ཕེབས་སྐབས་སེམས་རྩ་དྲོ་ནི་ཞིག་རེད་པས་བཀའ་ཁྲི་མཆོག་ལ་ཐུགས་རྗེ་ཆེ་ཞུ། གཞན་བོད་ནང་གི་ཞི་རྒོལ་ཁག་ལ་དཔག་སྟེ་འཆར་གཞི་དང་ནུས་པ་ལྡན་པའི་ལས་སུ་བྱ་བ་གང་ཡོད་གང་མགྱོགས་གནང་རོགས་ཞེས་ཀྱང་འབོད་སྐུལ་ཞུ་རྒྱུ།
མི་ལ་ཡོད་ན་སྨོན་རྒྱུ་དང་།རང་ལ་ཡོད་ན་ངོམ་རྒྱུ ། བཀའ་ཁྲི་མཆོག་ལ་བཀྲ་ཤིས་བདེ་ལེགས་གྲངས་མེད་ཞུ ། རང་གི་དབུ་ཁྲིད་རང་གིས་བཀུར ། རང་མི་རྡོག་རྩ་གཅིག་སྒྲིལ་བྱེད ། དེ་ནི་བླ་མའི་དགོངས་གཞི་དང་། ཞིང་གཤེགས་དཔའ་བོ་དཔའ་མོ་ཚོའི །མཐའ་མའི་ཞལ་ཆེམས་ཡང་ཡིན་ནོ ། །
བཀའ་བློན་ཁྲི་པར་གཟེངས་རྟགས་ཕུལ་བ་དང་བཞེས་པ་འགྲིག་འདུག བརྡ་ལན་དང་རྣམ་འགྱུར་གྱི་ངོས་ནས་བལྟས་ན་འགྲེལ་བཤད་ཆེན་པོ་ཞིག་རེད།
ཡིན་ནའང་དེ་ནི་ཕྱིས་རྗེས་ཀྱི་གཟེངས་བསྟོད་དང་གཟེངས་རྟགས་གང་ཡང་མ་རེད། སྐུལ་འདེད་དང་དྲན་གསོའི་གཟེངས་རྟགས་ཤིག་རེད། འདི་ནི་ཡ་མཚན་གང་ཡང་མ་རེད།
ཕྱོགས་གཞན་ཞིག་ནས་བལྟས་ན་བཀའ་བློན་ཁྲི་པ་དང་སྲིད་འཛིན་ཨོ་བྷ་མ་གཉིས་ལ་འདྲ་ས་མང་པོ་ཞིག་འདུག ཨོ་བྷ་མས་ཀྱང་མང་པོ་ཞིག་བཤད་པ་དེ་ལག་ལེན་དུ་འཁེལ་མ་ཐུབ་པ་དང་། དཔལ་འབྱོར་ཉམས་ཆག་གི་གནས་བབ་འོག་བསྐྱར་ཏུ་སྲིད་འཛིན་ལ་སླེབས་མིན་ཐད་ཀྱང་སེམས་ཁྲལ་ཆེན་པོ་བྱེད་དགོས་པའི་གནས་བབ་ཅིག་ཆགས་ཡོད།
བཀའ་བློན་ཁྲི་པས་ཀྱང་མང་པོ་ཞིག་ཁས་ལེན་བྱས་པ་ལས་ད་སྔར་ལག་ལེན་གང་ཡང་ཐུབ་མེད། ཐ་ན་གསར་འབྱོར་ཚོའི་སྐྱབས་བཅོལ་ལག་འཁྱེར་གྱི་དཀའ་ངལ་སེལ་ཐབས་ཀྱི་ནུས་པ་ཙམ་ཡང་ཐོན་མེད།
དཔེ་སྟོན་སློབ་གྲྭ་ཉམས་ཆགས་ཀྱི་མགོ་ཚུགས་ཡོད་པ་མ་ཟད་བོད་མིའི་སྒྲིགའཛུགས་ཀྱི་ཤེས་ཡོན་སྲིད་བྱུས་དེ་ངོས་འཛིན་ཁ་གསལ་མེད་པ་ཆགས་ཀྱིན་ཡོད། དེ་བཞིན་བོད་རྒྱའི་བར་གྱི་དབུ་མའི་ལམ་གྱི་སྲིད་བྱུས་ལའང་དམིགས་འབེན་ངེས་ཅན་ཞིག་མེད།
བཀའ་ཁྲི་ཟླ་སར་སླེབས་ནས་ཉམས་མྱོང་བསགས་པ་དང་། ལས་གཞི་དངོས་ཀྱི་འགོ་བཙུགས་པ་སོགས་བརྩིས་ན་ལོ་གཅིག་ཙམ་འགྲོ་བཞིན་ཡོད།
འཁྱར་འཁྱོར་དང་ཟ་ཟིའི་ངང་ནས་དུས་ཚོད་རྫོགས་འགྲོ་བར་ཉེན་ཁ་ཆེ་བའི་ཕྱིའི་འགྲོ་བསྐྱོད་དང་ནང་གི་འཛིན་སྐྱོང་གཉིས་ཀ་གལ་ཆེ་ཡིན་པས་གནས་བབ་འདི་དཔལ་ལྡན་བཀའ་ཁྲི་མཆོག་གིས་དྲན་ཤེས་གནང་ཐུབ་པའི་རེ་བ་ཡོད།
བོད་ཀྱི་བཀའ་བློན་ཁྲི་བ་བློ་བཟང་སེང་གེ་མཆོག་ལ་བཀྲ་ཤིས་བདེ་ལེགས་ཞུ་བ་དང་ཆབ་གཅིག་སྐུ་ཉིད་ཀྱི་ཐུགས་བཞེད་མཐའ་དག་ཡོངས་སུ་འགྲུབ་པས་སྨོན་འདུན་ཞུ། ཁྱེད་ལ་གཟེངས་རྟགས་ཐོབ་པ་ནི་ང་ཚོ་བོད་མི་ཡོངས་ཀྱི་གཟི་བརྗིད་དུ་བརྩི་འོས་སོ།
རེད། དགའ་འོས་པའི་གཏམ་བཟང་ཞིག་རེད། རྟེན་འབྲེལ་ཞུ། ནོ་སྦེལ་ཞི་བདེའི་གཟེངས་རྟགས་ཀྱི་སྔོན་འགྲོ་ཡང་རེད།
དགའ་གུས་ཡི་རང་ངང་ནས་རྟེན་འབྲེལ་དང་བཀྲ་ཤིས་བདེ་ལེགས་ཞུ། འདི་ལྟ་བུ་ནི་ང་ཚོ་གྲངས་ཉུང་མི་རིགས་ཤིག་ལ་མཚོན་ན་རང་མི་རིགས་ཀྱི་རྒྱན་ཆ་དང་གཟི་བརྗིད་རེད།
རྟེན་འབྲེལ་བཟང་བྱུང་། གནང་མཁན་ལ་བཀའ་དྲིན་ཆེ་ཞེས་ཞུའོ། བོད་དོན་རྒྱལ་ལོ། བཀའ་ཁྲི་བོད་མིའི་སྲིད་སྐྱོང་ཡང་རྒྱལ་འགྱུར་ཅིག དགེའོ།
བཀྲིས་བདེ་ལེགས། བཀྲིས་བདེ་ལེགས། བཀྲིས་བདེ་ལེགས།